Statens vegvesen Kvinnherad kommune 5470 ROSENDAL Kjartan Thoresen Behandlande eining: Sakshandsamar/telefon: Vår referanse: Dykkar referanse: Vår dato: Region vest Guri Finne Sognnæs / 16/154757-3 02.12.2016 91576451 Statens vegvesen sin uttale til kommuneplan for Kvinnherad kommune - Arealdelen - 2016-2026 Me syner til Kvinnherad kommune sin arealdel i kommuneplanen, som er ute på høyring og vart tilsendt Statens vegvesen 07.10.2016. Statens vegvesen sine interesser i alle plan- og forvaltningssaker omfattar primært etaten sitt ansvar for planlegging, bygging, drift og vedlikehald av riks- og fylkesvegnettet. Vår hovudmålsetting er å leggja til rette for trygg og god trafikkavvikling, eit godt miljø og i tillegg ta omsyn til naboar og samfunnsinteresser elles. I samband med vår uttale til arealdelen i kommuneplanen for Kvinnherad set me særleg fokus på trafikktryggleik, framkome, støy, og utbetring og ombygging av fylkesvegar. Våre interesser er i denne uttalen retta mot fylkesvegane 551, 554, 55, 54, 53, 49, 48 og 40. «Statlige planretningslinjer for samordnet bolig-, areal- og transportplanlegging (sept. 2014)» blir lagt til grunn. Både av omsyn til trafikktryggleik, eit godt miljø og gode forhold for vegsystemet. Statens vegvesen skal stimulera til utvikling av ein miljøvenleg areal- og transportpolitikk. Generelle tilbakemeldingar Statens vegvesen er glade for å sjå at «Rammeplan for avkøyrsler og byggegrenser på riks- og fylkesvegar i Region vest» er inkludert i føresegnene. Me set pris på at støysonene, gule og raud sone jf. T-1442, er inkludert i plankartet. Postadresse Telefon: 02030 Kontoradresse Fakturaadresse Statens vegvesen Flyplassvegen Statens vegvesen Region vest firmapost-vest@vegvesen.no 5705 VOSS Landsdekkende regnskap Askedalen 4 6863 LEIKANGER Org.nr: 971032081 9815 Vadsø
2 Kvinnherad kommune sin trafikksikringsplan er eit viktig dokument som bør leggjast til grunn i kommuneplanen. Det er eit overordna mål at det ikkje skal oppstå ulykker med drepne eller hardt skada i trafikken. Syner til «Kvinnheradspakka» som er under arbeid. Tiltaka er i ein byrjingsfase, men det bør likevel takast omsyn til at det i framtida kan verta utbetringar/nybygging på fleire vegstrekningar langs dei overordna fylkesvegane. Av påbyrja og ferdigstilte reguleringsplanar vil me nemne Furebergfossen, Hellandskrysset og Lundssvingane. Plankart Syner til LNFS-føremålet som dekker store delar av arealet i kommunen. Statens vegvesen ynskjer å visa omsyn til at dette er eit nødvendig tiltak. Tiltaket skal bidra til enklare og meir effektiv sakshandsaming. Samstundes dekker kommunen eit stort areal, der det i realiteten er ein spreidd busetnad. Me vil likevel påpeika at det strir med samordna bustad-, areal- og transportpolitikk, då det skapar eit behov for bilbasert transport og reisetida vert lengre. Samstundes seier «Statlege planretningslinjer for klima- og energiplanlegging i kommunen» at kommuneplanane skal leggja opp til redusert klimagassutslepp og ein meir effektiv energibruk. Me vil difor anbefala at de i framtida utvidar kollektivtilbodet og legg betre til rette for gang og sykkel. LNFS-føremålet skapar også trong for fleire avkøyrsler og utvida bruk av eksisterande avkøyrsler til fylkesvegane. Alle avkøyrsler skapar fare på vegen og eit behov for å setja ned fartsgrensa. Statens vegvesen vil difor understreka at kommunen må leggja til rette for at det vert nytta felles avkøyrsler og at nybyggjarar koplar seg til eksisterande avkøyrsler. Syner og til merknader til ROS-analysa. I LNFS-områder, med større mengder bustader, må det sikrast trygg skuleveg i form av gang- og sykkelveg eller skuleskyss. I delområdet Rosendal sør, samsvarar ikkje fargekodane i Fonnakart/plankart i pdfformat med utklippet frå plankartet i KU og ROS-analyse. I KU og ROS-analyse er formålet LNF-framtidig (sjå figur 1), medan det i Fonnkart/plankart pdf-format er bygningar og anlegg (sjå figur 2).
3 Figur 1: Utklipp frå plankart i KU og ROS-analyse. Figur 2: Plankart i Fonnakart og pdf-format. I sentrumsområder og bustadområder bør det også leggjast til rette for skuleborn og andre mjuketrafikantar. Gang- og sykkelveg bør etablerast langs ruter mellom bustadområder, skular og fritidssyslar. Føresegner Føresegnene er utydlege i forhold til krav om reguleringsplan. Det må utformast føresegner som set tydlege krav til når det skal utarbeidast reguleringsplan, for eksempel gjennom antall bygg og byggestørrelse. Dette gjeld både byggjeområder og LNFS-områder. 2.13.3: I setninga «Alle bueiningar skal ha trafikksikker tilgang til fellesområde maksimum 50 m frå hovudtilkomsten», er det uklart kva som er meint med hovudtilkomst. Ber om at de omformulerar setninga. 2.15.1: For Fritids- og turistføremål bør det også setjast minimums- og maksimumskrav til bussparkering. 3.1.2 og 3.2.2: «Krav til areal, utforming, funksjon mv. skal følgje felles føresegner i kap. 2 så langt dei passar». Så langt dei passar er ei vag formulering og gjev rom for tolking. Denne delsetninga bør difor omformulerast og konkretiserast. 3.4.3, 3.4.4, 3.8.3 og 3.8.4: «Ved lokalisering av parkeringsplassar skal det gjerast særskilte vurderingar av tilhøva for mjuke trafikantar (jf. pbl. 11-9 nr. 5 og 6)» og «Ved etablering av tiltak skal det sikrast snarvegar frå området og fram til næraste kollektivhaldsplass og gang- og sykkelveg/fortau. (jf. pbl. 11-9, nr. 3)». Statens vegvesen setter stor pris på at desse føresegnene er med og dei vert vurdert som viktige.
4 Konsekvensutgreiing og ROS-analyse I konsekvensutgreiinga under «Trafikktryggleik» er det i alle områda nemnt at bruk av eksisterande avkøyrsler vil auka, samt at det skal takast i bruk nye. Her ynskjer me å veta meir konkret om desse er retta mot kommunal veg eller fylkesveg. Ved nye tiltak skal det vurderast om kryss/avkøyrsler er i samsvar med gjeldande krav i Statens vegvesen sine handbøker. Under konsekvensutgreiing «transportbehov/kollektivstrategi» vert det i stor grad lagt opp til bilbasert transport og lite satsing på kollektivtransport. Statens vegvesen vurderer dette som lite framtidsretta planlegging, med omsyn til miljø og folkehelse. I ROS-analyse under «oppfølging i planen» er det i enkelte delområder ikkje stilt rekkefylgjekrav om godkjent teknisk infrastruktur. Alle områder som skapar trafikk bør ha det. Syner til ROS-analysen der «trafikkulykker» er vurdert: «Tilkomst- og samlevegar i området er ikkje dimensjonert for særleg auka trafikk, og utan nye vegar eller kraftig opprusting av noverande vegnett er det mykje sannsynleg med trafikkulykker». Denne vurderinga er generell og vert gjentatt i alle delområder. Me ynskjer å veta kva grunnlag denne vurderinga er basert på, og om det omfattar alle offentlege vegar i kommunen. Visst dette er tilfelle, vil det sei at det må gjerast tiltak på alle offentlege vegar, jamfør krav knytt til hendingar i raud sone. Dette vil i tilfelle verta eit svært omfattande og kostbart arbeid. Farekategorien «trafikkulykker» er plassert under «raud sone» med fare for liv og helse. Under kapittelet «Metode for risiko- og sårbarheitsanalyse (ROS)» er det forklart at hendingar i raud sone ikkje kan aksepterast og må fylgjast opp ved å redusera sannsynet for at slike hendingar tiltrer. For byggjeområder er det forklart at farekategoriar i raud sone skal vurderast grundig eller det må gjennomførast avbøtande tiltak, slik at risikoen vert redusert til minst gul sone. Dette i form av reguleringsplan eller ved søknad om tiltak. Statens vegvesen meiner at dette også må gjelde LNFS-føremål. Tiltaka må også koma tydleg fram i føresegnene. Me ber dykk om å ta opp at arbeidet med ROS-analysen, og gje ei meir konkret vurdering av trafikkulykker og trekka fram hendingar som er spesifikk for kvart område. I tillegg må de koma med tiltak for hendingar i raud sone. Me ynskjer også at de skil mellom kommunale vegar og fylkesvegar.
5 Statens vegvesen har elles ingen fleire merknader til planen. Me ber dykk ta kontakt dersom noko er uklart eller det er behov for rådføring. Me ynskjer dykk lykke til vidare med planprosessen! Plan og forvaltning Voss og Hardanger Med helsing Carl-Erik Nielsen Seksjonssjef Guri Finne Sognnæs Dokumentet er godkjent elektronisk og har difor ingen handskrivne signaturar. Kopi Fylkesmannen i Hordaland, Postboks 7310, 5020 BERGEN Hordaland fylkeskommune - Regionalavdelinga, Postboks 7900, 5020 BERGEN Kvinnherad kommune, 5470 ROSENDAL