Tertialrapport 1. tertial 2011
1. Innleiing Det skal leggjast fram rapport om rekneskapen i høve til budsjett og om den kommunale verksemda etter 1. og 2. tertial i budsjettåret. I samband med tertialrapporten skal ein vurdera trongen for budsjettendringar. Det vert då i hovudsak lagt vekt på budsjettendringar som ligg utanfor det mynde og det høvet administrasjonen og utvala har til å omdisponera innanfor dei ulike budsjettansvarsområda Rapporten vil vere konsentrert om dei viktigaste avvika og tiltaka. Alle tal med negativt forteikn inneber inntekt/innsparing, medan alle tal med positivt forteikn representerer utgift/meirforbruk. 2. Drift vurdering i høve til dei einskilde budsjettområda 100 Politiske organ og kontrollorgan I høve ordførargodtgjersle, faste godtgjersler for medlemar i politiske organ, møtegodtgjersle og erstatning for tapt møtegodtgjersle, ser budsjettet ut til å halde. Når det gjeld utgifter til eksterne reiser, møte og representasjon, viser rekneskapen eit forbruk på 65 % av årsbudsjettet. Meirforbruk i høve budsjett ser ut å blir kr 50.000. Sogn og Fjordane revisjon har i revidert budsjett for 2011 redusert kostanden til revisjon av Balestrand kommune med kr 52.000, frå kr 370.000 til kr 318.704. Utgifter til medlemsskap og kontingentar er vurdert til å vera i samsvar med budsjett. Samla sett ser det ut til at ansvar 100 skal gå i balanse. Ansvar 120 Rådmann/fellestenestene Administrativ leiing: Generelt er 2011 eit utfordane år for administrasjonen. Det er skifte av rådmann og arkivleiar/politisk sekretær med dei utfordringar det gjev i høve opplæring og samhandling. Ved økonomiavdelinga blir det nytta store ressursar i høve oppgradering av økonomisystemet, eit innføringsløp som kommunen følgjer saman med kommunane Luster, Sogndal, Leikanger og Fylkeskommunen. Arbeidet med oppgradering av system vil fortsette
ut 2011 og truleg inn i 2012.. Kontoret er ikkje tilført ressursar i denne prosessen noko som resulterer i at ein er kommen på etterskot på fleire område når det gjeld den daglige drifta, blant anna på skatteområdet, innfordring, økonomirapportering og avstemming. Når det gjeld rekneskap i høve til budsjett for 2011, er det spesielt stor uvisse i høve til IKT kostander. Kostnad med fylkeskommunen si oppgradering av operativsystem, administrasjonssystem og kontorstøttesystem er ikkje endeleg avklara. Bruk av sakkyndig bistand i samband med taksering av verk og bruk ved ålmenn taksering av eigedomsskatt og problemstillingar i høve til heimfall blir ført som kjøp av konsulenttenester og kjøp av juridisk hjelp. Det er grunn til å rekna med ein meirkostand utover budsjett på kr 75.000. Balestrand rådhus Med avtale ein har i dag, vil kostnad med reinhald summera seg til kr 260.000, kr 110.000 utover budsjett. I tillegg er det stor usikkerheit til om utgifter til energi vil halde. Til saman bør ein justere budsjettet med kr 150.000. Andre religiøse føremål På dette området blir det betalt ut tilskot til andre registrerte tru- og livssysnssamfunn. I 2010 vart det utbetalt kr 89.124, som er kr 40.000 meir enn budsjettert i 2011. Samla meirkostand ansvar 120: kr 265.000. 190 Tilleggsløyvingar og nye løyvingar Det er på dette området avsett 2.764.000 til å dekka auka lønskostander 2011, kostnader med lærlingar samt ein margin til uføresette behov og midlar til rekrutteringstiltak, kompetanseutviklingstiltak og fellestiltak. Det er i 2011 fordelt kr 950.000 for å kompensera for heilårsverkanden lokalt oppgjer i 2010 samt kr 205.000 til tariffersta kompetanseutviklingsmidlar i tråd med sentralt lønsoppgjer 2010, rest disponibelt kr 1.607.000. Årets lønsoppgjer har gitt eit generelt lønstillegg på 1,72 % eller minimum kr 7.000 frå 1. mai. Kalkulert kostnad er kr 1.160.000. Netto kostand med lærlinger er kalkulert til kr 350.000. Eksakt kostand med sentralt lønsoppgjer vil bli oppgitt i 2. tertialrapport. Det er 3 tilsette som har starta leiarutdanning i regi Sats på skulen snu Sogn. Det er føresett at reise- og opphaldsutgifter for desse skal dekkast her. Kostand i 2011 er estimert til kr 60.000 og blir kostnadsført ansvar 200. Utover moment nemnt over, er det ikkje ledige midlar på dette ansvarsområdet.
200 Oppvekstkontoret Det er frå skulane etterlyst midlar til etterutdanningstiltak. Dette gjeld 3 tilsette som har fått tildelt ressursar i samband med nasjonale etterutdanningstiltak der den kommunale eigenandelen er 50%, eller ein kostand i halvåret på om lag kr 50.000. I tillegg gjeld det to personar som er påmeldt skuleleiarutdanning. Her fell heile kostanden på kommunen til vikar/frigjering. Samla kostnad for hausthalvåret er rekna til kr 200.000 og streker seg over 4 semester. Rådmann er av den meining at det ikkje kan løyvast til desse tiltaka før det føreligg eit oversyn over samla kompetansebehov i kommunen. 210 Sagatun skule I samband med mottak av 3 flykningborn frå Eritrea er det sett i gang oppfyljing og særskilt norskopplæring, kostnadsrekna til kr 62.000. Det er gjort vedtak om spesialpedagogiske tiltak i skulen 2011/2012 og det er frå PPT skissert ein monaleg auke i assistentbehovet grunna elever som kjem frå barnehagen i tillegg til nye vurderingar av andre elevar. Auka assistentbehov er for hausthalvåret rekna til kr 91.000. Det er elles meldt trong for noko styrking i ein klasse grunna særskilde utfordringar. For framskriving av for resten av året, er det ikkje fastsett endelege tal for rammetimar for hausthalvåret i påvente av tertialrapporten og sikre tal for løn. Dersom det ikkje blir kompensert for nye tiltak, vil ressursane til styrking/deling bli sterkt reduserte. Med bakgrunn i budsjettsituasjonen i kommune, vil ein tilrå at Sagatun skule får tilført kr 130.000. Resterande midlar må skulen dekka innan gjeldande budsjett. For skulefritidsordninga er det ikkje venta store avvik. 211 Fjordtun oppvekstsenter 212 Nesse oppvekstsenter Framskriving av lønsutgiftene ved oppvekstsenteret syner eit meirforbruk på om lag kr 40.000 fordelt med kr 18.000 innan barnehage og kr 22.000 innan skule. Det vert elles vist til eiga sak om styrka ressursar ved oppvekstsenteret.
Det vert elles vist til sak i UOO nr 6/11, Trong for auke i stillingsstorleiken ved Nesse oppvekstsenter for skule- barnehageåret 2001/2012. Her har oppvekstsenteret meldt trong for auka ressursar tilsvarande 30% lærarstilling og 20% assistentstilling med bakgrunn i endra gruppering av born både i barnehage og skule. I saksframlegget var det skissert ein meirkostand i 2011 på kr 78.000 medan ny vurdering er rekna til kr 100.000. Samla meirforbruk kr 140.000. 220 Sagatun barnehage Slik det ser ut no vil det vera trong for å vidareføre 4 avdelingar ut 2011. Auke i brukarbetaling, samt redusert trong for ressursar til styrka barnehagetilbod gjer at budsjettet ser ut til å balansera. 230 Pedagogisk-psykologisk rådgjevingsteneste 250 Kulturskulen 270 Legetenesta 271 Helsestasjon 272 Fysioterapi Det synest ikkje å forventa store avvik i høve til budsjettramme 275-277 Pleie- og omsorg I budsjettet for 2011 er tidlegare ansvar 275 no delt opp i 3 ansvarsområde. På ansvar 275 Pleie - og omsorg ligg budsjett for plei- og omsorgsleiaren samt utgifter til kjøp av
farmasøytiske tenester frå Helse Førde. Ansvar 276 Omsorg er området til tenesteleiar 1 og omfattar heimesjukepleie, psykiatri, matombringing og Helsetunet. 277 Spesial omsorg PU er tenesteområdet til tenesteleiar 2 og omfattar alle arbeidssenteret samt drift av bustadane Lerkehaugen, Viktoriahagen, Fjærestad og tilskot til stiftinga Eikely. Disponering av dei samla ressursane ligg likevel til pleie - og omsorgsleiar og må sjåast i samanheng. Samla for denne tenesta vurderer ein at dagens driftsnivå vil medføre eit meirforbruk på kr 650.000. Dette skuldast undersbudsjettert løn ny pleie- og omsorgsleiar kr 70.000. Det er og oppdaga at det ikkje er budsjettert arbeidsgjevaravgift med vel 400.000 på ein bustad ( budsjett viser kr 2.700 medan reell utgift skriv seg til 404.000. Med stram styring og tett oppfylgjing gjennom året vurderer ein at det bør vera mogeleg å redusere denne meirkostnaden til kr 360.000. Dette er likevel ein usikker prognose og det må prioriterast ein grundigare gjennomgang av området for å tilpassa drifta til gjeldande budsjett. 295 Barnevern Balestrand kommune har vedteke å delta i interkommunalt samarbeid om barneverntenesta gjennom Sogn barnevern. Tidspunktet for når kommunen kan tre inn i samarbeidet er sett til 1.9.2011. Ein har ikkje signal om kostander utover vedteke budsjett. 296 NAV Kommunen har i 2010/11 busett 17 flykningar, 11 vaksne og 6 born. Integreringstilskotet som kommunen mottek blir inntektsført ansvar 800 medan dei direkte utgiftene med busetjinga i hovudsak vil bli ført ansvar 296. Budsjettet for 2011 er basert på busetjing av 5 flykningar og ansvaret må såleis tilførast midlar. Utgift til introduksjonsordninga må aukast med kr 734.100 til totalt kr 1.490.500. Det må i tillegg tilførast midlar til kjøp av innbu kr 200.000, flyttekostander kr 45.000, straum kr 70.000, husleige kr 23.000 samt tilskot til barnehage kr 80.000. På grunn av melding om oppløysing av eit bufellesskap med 4 bebuarar, er det i denne framskrivinga teke høgd for at denne bustaden blir erstatta med 3 bustadar. Dette er usikkert. Tilskot til kvalifiseringsprogrammet er frå 2011 innlemma i rammetilskot og utgjer kr 188.000, kr 38.000 mindre enn budsjettert. Dette tilskotet blir vidareformidla i si heilheit. Konto for sosialutlån bør reduserast slik at den står i samsvar med innbetalte avdrag, reduserte utgifter kr 50.000.
På dette ansvarsområdet blir det og gitt tilskot til familiar med trong for støtte i form av personleg brukarstyrt assistent og/eller omsorgsløn og/eller støttekontakt. Det er varsla at det kan blir ein auka utgift utover budsjett grunna tiltak i samband med ferieperioden. Samla vurderer ein det slik at ansvaret må styrkast med kr 1.140.000. 300 Plan- og utviklingskontoret Plan og utviklingssjef fungerte som rådmann i januar månad og vart såleis lønna på ansvar 120 Rådmann/fellestenester. Innsparing løn og sosiale utgifter kr 60.000. 310 Næringsutvikling 320 Jordbruk 330 Skogbruk 340 Kultur 341 Bibliotek 350 Teknisk drift Dette er eit vanskeleg ansvar å budsjettera og det er mange usikre moment. Utgifter til vintervedlikehald og kjøp av brøyting for 2011 viser eit meirforbruk på kr 77.000. i tillegg må posten styrkast i for å ta høgd for kostander november/desember. Utgifter til festeavgifter Lundefeltet har auka og vil utgjera kr 20.000 meir enn budsjettert.
Det er elles stor uvisse i høve energikostnader. Dette har ein eit betre oversyn over ved 2. tertial. Samla bør ansvarsområdet styrkast med kr 140.000. Alternativt er at denne meirkostanden dekkast av ekstraløyving til vegvedlikehald. 360 Oppmåling Dersom det vert vedteke at kommune stuttar seg til kjøp av byggetilsyn frå Sogn brannvern IKS, vil dette medføre ein meirkostand på kr 40.000. Det har elles vore låg aktivitet på dette området og det er usikkert om ein får inn budsjettert gebyrinntekter. 370 Oppmåling 380 Brannvern Oppgåver innan brannvern vil bli overført til Sogn brannvern frå 1. mai 2011. Det er likevel ikkje venta vesentlege avvik i høve til budsjett. 390 VAR 798 Momskompensasjon investeringar Momskompensasjon på investeringar skal etter forskrift inntektsførast i driftsrekneskapen. Ei vurderinga av kva investeringsprosjekt som er realistisk å få gjennomført i 2011, viser at anslaget for kompensasjon er for høgt og må reduserast meir kr 200.000. 800 Skatt, rammetilskot, finansiering Ny prognose for rekneskapsførte pensjonskostnader for 2011 viser ei mindreutgift i høve budsjettert på kr 800.000. Ein vesentleg del av endringa skriv seg frå auka tilbakeføring av overskot 2010 utover tidlegare estimat.
Søknad om refusjon for ressurskrevjande brukarar 2010, viser kr 160.000 meir enn først estimert. Denne delen av tilskotet skal inntektsførast i 2011. Rammetilskot er berekna ved hjelp av siste prognosemodell frå KS og viser redusert tilskot på kr 150.000. Skatteinngangen synest å stemma bra med budsjett. Inntektsførte kommunale gebyr og eigedomsskatt 1. halvår ligg over budsjettert. Det er innkomme 4 klager på eigedomsskatt som endå ikkje er handsama. Denne budsjettposten blir difor ikkje justert no. Vertskommunetilskotet er regulert og medfører auka intekt med kr 450.000. Kommunen har i 2010/2011 motteke 17 flykningar, 11 vaksne og 6 born. Av utbetalt integreringstilskot i 2010, kr 1,160.000, gjekk kr 590.000l med til å balansera rekneskapen 2010. I 2011 vil kommunen få utbetalt kr 2.943.400l. Dette er ein auke i høve budsjett på kr 1.732.900. Dei direkte kostnadene som tilskotet skal dekka, blir i hovudsak ført på ansvar 296 NAV men skal også dekka generelle kostander med tenestetilbod elles. Dersom ansvar 296 blir styrka med kr 1.140.000 som føreslått, bør resterande tilskot for 2011 setjast av til fond for disposisjon når behovet melder seg. Dette skulle utgjera kr 638.000 Prognose for utgifter til renter- og avdrag ser framleis ut til å halde. Ytterligare renteoppgang kan medføre at ein må justera opp budsjettet ved 2. tertial. Samla vurdering Drift: 120 Rådmann/fellestenester + 265.000 210 Sagatun skule + 130.000 212 Nesse oppvekstsenter + 140.000 275-277 Pleie- og omsorg + 360.000 296 NAV + 1.140.000 300 Plan- og utviklingskontoret - 60.000 350 Teknisk drift + 170.000 360 Oppmåling + 40.000 800 Pensjonspremie - 800.000 800 Ressurskrevjande brukarar - 160.000 800 Rammetilskot + 150.000 800 Vertskommunetilskot - 450.000 800 Integreringstilskot - 1.733.000 800 Moms-komp. Overført til investering + 200.000
800 Integreringstilskot avsett til fond + 540.000 Sum 0 Investeringar Ein har ikkje funne rom for ein gjennomgang av status for investeringsprosjekt. Rekneskapen viser likevel at prosjekt ombygging ekspedisjon har eit meirforbruk på vel kr 70.000 i høve til vedteken ramme. Administrasjonen må koma tilbake med status på dei andre investeringsprosjekta ved 2. tertialrapportering.