Tertialrapport 2. tertial 2016

Tertialrapport 2. tertial 2016 for Balestrand kommune Rådmannen

TERTIALRAPPORT 2. tertial 2016, periode 8/2016 1. Innleiing Det skal leggast fram rapport om rekneskapen i høve til budsjett og den kommunale verksemda etter 1. og 2. tertial i budsjettåret. I samband med tertialrapporten skal ein vurdera trongen for budsjettendringar. Det vert då i hovudsak lagt vekt på budsjettendringar som ligg utanfor det mynde og det høvet som administrasjonen har til å omdisponera gitt i økonomireglementet. 2. Samandrag og framlegg til budsjettendringar Driftsrekneskapen: Gjennomgang av rekneskap etter 2. tertial viser at det er store utfordingar med å finne balanse mellom løpande inntekter og utgifter. Etter 2. tertial viser drifta eit framskrive meirforbruk ved årsskifte på 2,9 mill. kroner. Dette er ein reduksjon på nær 0,5 mill. kroner frå 1. tertial. Rådmann tilrår at meirforbruk blir balansert med bruk av disposisjonsfond. Resultatet er uvist då det vert gjeve melding om svært strame budsjettrammer på fleire ansvarsområde. Dei største utfordringane og endringane i tenestetilbod finn ein innan område pleie- og omsorg, ansvarsområda 276 omsorg, 277 Spesialomsorg PU og 278 Heimeteneste. Etter 1. tertial vart det tilført områda vel 3,1 mill. kroner. I tillegg er legetenesta styrka med 0,5 mill. kroner i året for å stetta ny organisering. Pr. 1.1.2016 var kommunen sitt disposisjonsfond på vel 8,3 mill. kroner. I tillegg vil det bli avsett rekneskapsoverskot frå 2015 på 1,8 mill. kroner. Saldo 31.12.16 er vurdert til vel 7,0 mill. kroner. Når det gjeld disposisjonsfondet gjer ein merksam på at om lag 4,0 mill. kroner her er unytta integreringstilskot. Investeringsrekneskapen: Rådmannen har ikkje motteke melding om vesentlege avvik i høve vedteke budsjett 2016. Kommunen leiger 2 bilar som no er 3 år gamle og der kontraktane går ut i november. Med bakgrunn i erfaring om høvesvis store kostander ved tilbakelevering, vurderer rådmannen å kjøpe ut desse bilane. Kostand er vurdert til kr 400.000. Rådmann tilrår at investeringane blir finansiert med bruk av ubunde investeringsfond konto 253 00 100. Saldo på fondet var 1.1.2016 kr 5.491.000.

MFramlegg til budsjettendring driftsbudsjettet 2. tertial 2016

Tertialrapport 2. tertial 2016 FRAMSKRIVE AVVIK Ansvar Regnskap Buds(end) %- Meirutgift Meirinntekt aug.16 2016 forbruk Mindreinntekt Mindreutgift 100 POLITISKE ORGAN OG KONTROLLORGAN 1 615 671 2 738 600 59,00 - - 120 RÅDMANN/FELLESTENESTER 8 805 718 13 702 000 64,27 122 NÆRINGSKONTORET 2 014 410 1 343 500 149,94 190 TILLEGGSLØYVINGAR OG NYE LØYVINGAR 0 585 400 0,00 200 OPPVEKSTKONTORET 2 018 698 1 661 600 121,49 210 SAGATUN SKULE 9 225 713 15 433 500 59,78 240 000 211 FJORDTUN OPPVEKSTSENTER 513 657 1 771 200 29,00 85 000 212 NESSE OPPVEKSTSENTER 986 607 1 676 700 58,84 60 000 220 SAGATUN BARNEHAGE 2 734 420 4 754 500 57,51 230 PPT-KONTORET 352 258 692 600 50,86 250 KULTURSKULEN 303 186 627 000 48,36 260 BIBLIOTEKET 260 680 454 800 57,32 262 KULTUR 352 519 485 200 72,65 270 LEGE 2 748 688 3 777 900 72,76 250 000 271 HELSESTASJON 552 733 857 500 64,46 272 FYSIOTERAPEUT 412 865 590 500 69,92 275 PLEIE OG OMSORG 1 107 353 1 803 900 61,39 276 OMSORG/REHABILITERING 13 824 309 20 065 100 68,90 50 000 277 SPESIALOMSORG PU 16 855 582 27 307 300 61,73 347 000 278 HEIMETENESTE 9 958 772 14 369 600 69,30 347 000 295 BARNEVERN 1 391 415 2 583 000 53,87 296 NAV 4 362 687 8 522 300 51,19 1 060 000 300 PLAN OG UTVIKLINGSKONTORET 1 378 777 1 686 000 81,78 320 JORDBRUK 8 079 325 000 2,49 330 SKOGBRUK 884 588 513 500 172,27 350 TEKNISK DRIFT 4 972 273 6 732 300 73,86 50 000 360 BYGGESAK -36 166 72 900-49,61 370 OPPMÅLING 525 150 428 500 122,56 380 BRANNVERN 1 603 770 2 450 000 65,46 390 VATN, AVLØP, RENOVASJON -168 009-1 274 600 13,18 800 SKATT, RAMMETILSKOT, FINANSIERING -85 843 338-136 744 800 62,78 Herav : Integreringstilskot T 85011 46 000 Forvaltningslån T 28313 20 000 Låneavdrag T 87011 22 000 Aksjeutbytte T 87011 111 000 Overføring til investeringsrekneskepen 100 000 Redusert bruk av disposisjonsfond 468 000 T O T A L T 3 723 066-7500 1 628 000 1 628 000

3. Drift vurdering ansvarsområde Ansvar 800 Skatt/rammetilskot/finansiering Pensjonskostnader: Med bakgrunn i siste prognoser frå KLP og SPK vert bokført pensjonskostand i 2016 estimert til 12,6 mill. kroner, om lag 0,3 mill. kroner mindre enn budsjettert. Det er framleis uvisse knytt til reguleringspremie i året og rådmannen rår ikkje til at det blir gjennomført budsjettendring no. Rammetilskot og skatt på inntekt og formue: Sist oppdatert prognosemodell, datert 18.05.16,viser samla estimert inntekt til kommunen i 2016 på 92,1 millionar kr i samsvar med justert budsjett. Eigedomsskatt: Det er for året 2016 skrive ut eigedomsskatt med kr 6.462.000. Det er ikkje venta avvik i høve justert budsjett. Teneste 25411 Tilskot ressurskrevjande tiltak. Ved 1. tertialrapport 2016 vart tilskotet justert ned til kr 5.000.000. Integreringstilskot flykningar: Det er per september busett 62 flykningar i kommunen. I 2016 er det busett 26 flykingar, 11 som gjenforeining og 2 nye familiar på til saman 15 personar. Frå tidlegare får kommunen tilskot for 14 personar busett i 2015 og 5 personar busett i 2012. Samla tilskot i 2016 er vurdert til kr 8.364000, ein reduksjon i høve justert budsjett på kr 46.000. I budsjettet 2016 kan ein direkte plukka ut desse kostnaden frå budsjettet: > 296 NAV - budsjett flykningar 5 250 000 kr > 200 Grunnskuleopplæring vaksen 100 000 kr > 210 Sagatun skule styrking 480 000 kr > 220 Sagatun barnehage - styrking 650 000 kr Delsum 6 480 000 kr I tillegg vil det vera ekstra utgifter knytt til administrasjon, helsetenester/lege, bustad og finansutgifter som ikkje er talfesta.

Vertskommunetilskot : Kommunen vil for 2016 ta imot tilskot for 12 personar. Tilskotet vil utgjera kr 20.588.000 i samsvar med justert budsjett. Teneste 32113 Heimfall: Kommunen sel 35 GWh til spot-pris med eit lite tillegg, budsjettert nettoinntekt i 2016 kr 930.000. Prisen på spot har halde seg noko høgare enn i 2015. OED-prisen, prisen kommunen betaler for heimfallkraft har derimot også auke med 8,20 per MWh, frå 2015. Det vert ikkje gjort framlegg om endra budsjett no. Teneste 32111 Konsesjonskraft: Kommunen har 22,9 MWh konsesjonskraft for sal. Det er ikkje venta vesentlege avvik frå budsjettert nettogevinst på kr 1.033.000. Teneste 87011 Renter/utbytte og lån: I høve til regulert budsjett etter 1. tertial, ser det ut til at renter på forvaltningslån og avdrag på andre kommunale lån er underbudsjettert med høvesvis kr 20.000 og kr 22.000. Kommunen har motteke ikkje budsjettert utbytte frå Firda Billag AS på kr 44.300. I tillegg er det no stadfesta aksjeutbytte for 2015 frå Sognekraft AS på kr 417.500, kr 67.500 meir enn budsjettert. Finansiering av investeringar frå driftsrekneskapen Eigenkapitalinnskot til KLP i 2016 er på kr 650.000, ein auke frå 2015 på kr 120.000 og kr 100.000 meir enn budsjett for 2016. Ansvar 100 Politiske organ og kontrollorgan Ansvar 120 Rådmann/fellestenester Ansvar 122 Næringskontoret Ansvar 190 Tilleggsløyvingar Det er ikkje venta vesentlege avvik på desse ansvarsområda.

Ansvar 200 Oppvekstkontoret Teneste 20211 Grunnskule: På denne tenesta blir det kostnadsført utgifter knytt til grunnskuleopplæring for born gitt i anna kommune. Kommunen har motteke melding om endra bemanning for barn i skuletida. I tillegg har kommunen motteke krav for 2. halvår 2015 som er bokført i 2016, fakturasum kr 218.000. Samla vart det denne budsjettposten ved 1. tertial styrka med kr 360.000 til totalt kr 760.000. Denne kostnaden kan bli høgare i 2016. Teneste 20111 Barnehage Ved handsaming av budsjett 2016 føresette kommunestyret at teneste barnehage skulle reduserast med kr 300.000. Situasjonen med auke i tal born har derimot ført til auke i utgifter innan denne tenesta, jf. 1. tertial 2016. Det vert arbeida med å ta ned budsjettet innan planområdet. Det er ikkje forventa vesentleg avvik i høve justert budsjett. Ansvar 210 Sagatun skule Ved Sagatun skule er det per no 129 elever. Ved 1. tertial vart budsjettet styrka med kr 340.000. Grunngjevinga var trong til meir ressursar i høve minoritetsspråklege elevar. Ny vurdering syner at det er trong for betydeleg meir ressursar knytt til desse då fleire manglar skulegang frå tidlegare. Det vil difor vera trong for ein miljøarbeidar som talar arabisk. Det er vidare i sommar kome sakkyndig uttale for elevar med rett til spesialundervisning. Vedtaka vil medføra ein meirkostand i dette budsjettåret på kr 100.000. Forventa meirforbruk kr 240.000 Ansvar 211 Fjordtun oppvekstsenter I samsvar med kommunestyrevedtak er det starta skule ved oppvekstsenter frå i haust. Det er innbetalt gåve til dette føremålet på kr 600.000, som skal dekke lønskostander for skuleåret 2016/2017. Dersom ein føreset å nytta gåva i høve til skuleåret, skal ein nytta kr 250.000 i budsjettåret 2016. I høve til reelle lønskostander i 2016 må budsjettet styrkast med kr 85.000. Til orientering er det kome inn krav om avlønning i 100% rektorstilling. Dersom dette blir ein realitet vil det medføre ein ytterligare lønskostnad i 2016 på om lag kr 63.000. Rest gåvemidlar på kr 350.000 vert å setja av til fond til bruk i budsjett 2017.

Forventa meirforbruk kr 85.000. Ansvar 212 Nesse oppvekstsenter Det vil bli mindre utgifter til sfo frå i haust grunna at fleire av brukarane har flytta. På den andre sida viser bruk av andre vikarutgifter meirforbruk grunna vikarutgifter for HTV. Forventa mindreforbruk kr 60.000. Ansvar 220 Sagatun barnehage Ansvarsområdet vart styrka med kr 640.000 ved 1. tertial. Det er ikkje venta vesentlege avvik i høve justert budsjett. Ansvar 230 PPT kontoret, 250 Kulturskulen 260 Bibliotek og 262 Kultur Det er ikkje venta vesentlege avvik i høve budsjett på desse ansvarsområda. Ansvar 270 Legekontoret Ved legekontoret vert det arbeida med å tilsetja 50% legestilling. Dette medfører at kommunen ikkje tek i mot turnuslege i haust. Ansvarsområdet vart ved 1. tertial styrka med kr 280.000. Det er meldt om ytterlegare styrking med kr 250.000 i 2016. Forventa meirforbruk kr 250.000 Ansvar 271 Helsestasjon og 272 Fysioterapeut Det er ikkje venta vesentlege avvik på desse ansvarsområda Ansvar 275 Pleie og omsorg Teneste 12011 Administrasjon: Det er ikkje vesentlege avvik i høve budsjett.

Teneste 23311 Førebyggande arbeid (Folkehelsekoordinator) Ramma for ansvarsområdet vart justert ned ved 1. tertial med kr 100.000. Det er ikkje venta vesentlege avvik i høve justert budsjett. Ansvar 276 Omsorg Helsetunet og 278 Heimeteneste/psykiatri Ved 1. tertial vart budsjettramma til 276 Omsorg redusert med 1,0 million kroner medan ansvar 278 Heimetenestene vart styrka med 5,0 mill. kroner. Etter 2. tertial er det varsla eit meirforbruk på vel kr. 400.000 som fordelar seg på konti for ferievikar, overtid, medisinsk materiell, opplæringsvikarar og reingjeringsmateriell. Meirforbruk reingjeringsmateriell med kr 50.000 blir å overføre frå ansvar 350. I tillegg blir budsjettet styrka med ressurs tilsvarande 1,8 årsverk i ca. 3 månader, med tilsvarande reduksjon på ansvar 277 Spesialomsorg PU, kostnadsrekna til kr 347.000. Sjølv om det er meldt om eit forventa meirforbruk på kr 400.000, er rådmann av den meining at det ikkje blir gjennomført budsjettrevisjon for å styrka områda no, men at det blir arbeida med å finna budsjettdekning innan eige område. Ansvar 277 Spesialomsorg PU Ramma for ansvarsområdet vart ved 1. tertial justert ned med 2.360.000. Ressurs tilsvarande 1,8 årsverk blir å overføre til ansvar 278 Heimetenestene med kr 347.000 jf. kommentar over. Det er ikkje varsla vestlege avvik frå budsjett. Det knytt seg likevel usikkerheit til kostnad nedlegging av Lerkehaugen og start drift Eplehagen i slutten av året. Her kan det koma uventa kostand når nye brukarar flytter inn. Ansvar 295 Barnevern Rapport frå Sogn Barnevern viser ikkje vesentlege avvik i høve til budsjett 2016. Ansvar 296 NAV

Ansvarsområdet vart styrka med kr 1.020.000 ved 1. tertial. Av denne summen vart konti for utbetaling av introduksjonstilskot styrka med kr 710.000 medan rett var at budsjettpost skulle reduserast, det vil sei ei feilbudsjettering på 1.420.000. Kommunen har no busett dei flykningane som kommunen har lova å ta i mot i 2016. Gjennomgang av budsjett viser at det vil koma til ekstra kostander med dette ut året. Dette gjeld spesielt utgifter til innbu, husleige og tolketenester med om lag kr 514.000. På den andre sida er det venta at bruk av kvalifikasjonsstønad blir kr 150.000 lågare enn budsjettert. Forventa mindreforbruk kr 1.060.000 Ansvar 300-390 Planområde tekniske tenester Ansvar og budsjett for vask på Helsetunet vart overført frå ansvar 276 Helsetunet til ansvar 350 Teknisk drift frå 2016. I ettertid viser det seg at det vart overført om lag kr 50.000 for mykje frå konto for reinhaldsmateriell. Denne summen blir å tilbakeføre til ansvar 276. Det er ikkje venta vesentlege avvik på desse ansvarsområda 4. Investering vurdering investeringsprosjekt Rådmann er ikkje kjend med vesentlege avvik i høve rekneskap og budsjettramme for dei einskilde investeringsprosjekt. Det vil derimot vera avvik i framdrift for fleire av prosjekta i høve årsbudsjettet. Rådmann vil koma tilbake i eiga sak der det vert gjort framlegg til budsjettendring for å overføra unytta løyving til 2017. Trong for nye investeringar: Kommunen leiger per no 2 bilar til heimesjukepleien, ein Volkswagen Touran og ein Skoda Roomster, begge 3 år gamle. Desse kontraktane går ut i november i år. Det vert vurdert som fornuftig å kjøpe ut desse bilane. Dette av di det av erfaring har komme høvesvis store kostander til reperasjon av mindre karosseriskadar ved tilbakelevering. Rådmann gjer framlegg om å kjøpe ut desse bilane til ein kostand på om lag 400.000. Det vert tilrådt at kjøp blir finansiert med bruk av ubundne fondsmidlar (Kraftfond 2) konto 253 00 100.