Varamedlemar får særskilt melding når dei skal møte.

VESTNES KOMMUNE Administrasjonsutvalet Innkalling til møte i Administrasjonsutvalet Møtestad: Dato: Kommunestyresalen, Rådhuset, 02.12.2013 Kl.15:00 Dei som er inhabile i ei sak vert bedne om å gje melding, slik at varamedlemar kan bli innkalla, - jf. 8, 3. ledd i forvaltningslova. Varamedlemar får særskilt melding når dei skal møte. Saksdokumenta ligg frå i dag til gjennomsyn i servicekontoret, biblioteket og på heimesidene til kommunen. Dersom du ikkje kan møte på grunn av lovleg forfall må du snarast melde frå til servicekontoret på e-post servicekontoret@vestnes.kommune.no, tlf.: 71 18 40 05. Ev. spørsmål til saksutgreiinga kan rettast til administrasjonssjefen før møtet enten på e-post: tone.roaldsnes@vestnes.kommune.no, eller tlf. 909 84 000. ordførar Side 1

Saksliste Saksnr Innhald Lukka PS 18/2013 PS 19/2013 Godkjenning av innkalling Godkjenning av protokoll frå siste møte PS 20/2013 Utdanningsstøtte til studentar som tek førskule - barnehagelærarutdanning PS 21/2013 PS 22/2013 PS 23/2013 PS 24/2013 Kompensasjon for utsatt ferie. Tilbakekalling frå ferie - kompensasjon Permisjon ved langtidsfråver Retningslinjer for utdanningsstøtte PS 25/2013 Interkommunalt samarbeid mellom Vestnes og Rauma - intensjonsavtale Side 2

PS 18/2013 Godkjenning av innkalling PS 19/2013 Godkjenning av protokoll frå siste møte Side 3

VESTNES KOMMUNE Saksframlegg Arkiv: 430 Arkivsaksnr.: 2012/1520 Saksbehandlar: May Britt Skavnes Dato: 07.11.2013 Utdanningsstøtte til studentar som tek førskule - barnehagelærarutdanning Utval Møtedato Utvalssak Administrasjonsutvalet 02.12.2013 20/2013 Administrasjonssjefen si innstilling 1. Administrasjonsutvalet vedtek å gje utdanningsstøtte til to studentar som er fast tilsett ved dei kommunale barnehagane i Vestnes og som allereie er i eit utdanningsløp for å bli førskule/barnehagelærar. 2. Utdanningsstøtta skal vere i samsvar med kommunestyrevedtaket frå 10.05.2012, sak nr. 44/2012 pkt 2. 3. Administrasjonsutvalet vedtek at barnehagesektoren i Vestnes kommune, så langt som råd er, legg til rette for arbeidstilknytning for personar som ønskjer å ta arbeidsplassbasert barnehagelærarutdanning. SAKSUTGREIING: Bakgrunn: Lov om barnehager 17. Styrer Barnehagen skal ha en forsvarlig pedagogisk og administrativ ledelse. Barnehagen skal ha en daglig leder som har utdanning som førskolelærer eller annen høgskoleutdanning som gir barnefaglig og pedagogisk kompetanse. Kommunen kan innvilge dispensasjon fra utdanningskravet etter andre ledd. Lov om barnehager 18. barnehagens øvrige personale Pedagogiske ledere må ha utdanning som førskolelærer. Likeverdig med førskolelærer er annen treårig pedagogisk utdanning på høgskolenivå med videreutdanning i barnehagepedagogikk. Kommunen kan gi dispensasjon fra utdanningskravet i første ledd. Side 4

I merknadane til 18 står det: Det er barnehageeier som har ansvaret for at den totale bemanning i barnehagen er tilstrekkelig til at personalet kan drive en tilfredsstillende pedagogisk virksomhet Vedtak i kommunestyret 10.05.2012 sak nr. 44/2012 pkt. 2 Kommunestyret vil legge til rette for at det årleg vert gitt høve til at èin fast tilsett utan høgskuleutdanning i barnehagesektoren kan ta desentralisert førskulelærarutdanning til behovet for førskulelærarar er stetta. Administrasjonsutvalet får mynde til å avgjere kor mykje den tilsette sjølv skal dekke av eit slikt utdanningsløp. Med bakgrunn i vedtaket frå kommunestyret gjekk Administrasjonssjefen ut med eit tilbod om å legge til rette for at fast tilsette utan høgskuleutdanning i barnehagesektoren i Vestnes kan ta barnehagelærarutdanning på deltid over fire år. Det blei sendt ut brev til alle fast tilsette. Under forutsetning av godkjenning frå administrasjonsutvalet kunne Vestnes kommune tilby: Permisjon med løn under undervisningsvekene i Volda Delvis dekning av studiematriell Innvilging av nokre ekstra lesedagar pr. semester Lesedagar og fri med løn ved eksamen (etter reglane i permisjonsreglementet) Bindingstid i 2 år i barnehagane i Vestnes etter endt utdanning Det blei i brevet satt ein frist 31.08.2013 for tilbakemelding, og vist til at det er administrasjonsutvalet som har mynde til vidare behandling av saka. Ingen har gitt tilbakemelding om at dei ønskjer å nytte seg av dette tilbodet. Ved dei kommunale barnehagane i Vestnes er det pr. i dag to personar som er i gang med deltidsutdanning eller arbeidsplassbasert førskule-/barnehagelærarutdanning. Høgskulen i Volda har ulike modellar i gang for slik utdanning. Desse personane har kome over til kommunale barnehagar frå ikkje-kommunal barnehage og frå anna kommune. For den personen som går arbeidsplassbasert førskule-/barnehagelærarutdanning har Vestnes kommune skreve under partnerskapsavtale med Høgskulen i Volda. Begge desse to søkjer om støtte til utdanning. Førskulelærar/barnehagelærar. Frå studieåret 2013/2014 fekk førskulelærarutdanninga ny rammeplan og nytt namn. Dei som tek utdanninga heiter frå no av barnehagelærarar. I ein overgangsperiode brukar vi både førskulelærarar og barnehagelærarar. Vurdering: Vestnes kommune har for få førskule/barnehagelærarar og dermed for mange dispensasjonar frå utdanningskravet. For barnehageåret 2013/2014 har det blitt innvilga dispensasjon for 10 personar i dei kommunale barnehagane i alt frå 20% til 100% stillingar. For å sikre Vestnes kommune fleire førskule/barnehagelærarar meiner Administrasjonssjefen at det er særs viktig å sjå på kva ein kan gjere for å rekruttere og behalde førskule/barnehagelærarar i barnehagane i Vestnes. Ved Høgskulen i Volda er det pr. i dag fleire som tek førskule-/barnehagelærarutdanning heimehøyrande i Vestnes kommune. Side 5

Sidan ingen søkte på tilbodet i høve førskule-/barnehagelærarutdanning for fast tilsette assistentar i barnehagesektoren ser Administrasjonssjefen det naturleg å gje støtte til dei to som er under utdanning og som no er fast tilsett i barnehagane i kommunen, i tråd med tilbodet ein gjekk ut med til fast tilsette assistentar i barnehagane. Administrasjonsutvalet har mynde til å fastsette omfang av ei slik støtte. I tillegg legg barnehagesektoren i kommunen, så langt som råd, tilrette for at dei som er interessert i å ta arbeidsplassbasert barnehagelærarutdanning får arbeidstilknytning i 40% stilling, som er kravet for opptak til utdanninga. Pr. i dag har vi lagt til rette for at to personar har fått slik arbeidstilknytning, slik at dei kan starte på utdanning i november 2013. Etterkvart i utdanningsløpet kan Vestnes kommune rekruttere studentar inn i stillingar som pedagogiske leiarar på dispensasjon, er dette faste stillingar kvalifiserar dette til at dei i neste omgang kan søkje om utdanningsstøtte for fast tilsette. Særutskrift til: Side 6

VESTNES KOMMUNE U.Off.: Off.l. 13, jf FVL 13 nr 2 Saksframlegg Arkiv: 549 Arkivsaksnr.: 2012/1569 Saksbehandlar: Synnøve Sæterøy Dato: 15.11.2013 Kompensasjon for utsett ferie. Utval Møtedato Utvalssak Administrasjonsutvalet 02.12.2013 21/2013 Administrasjonssjefen si innstilling Kompensasjon og tiltak ved endring av ferien vert slik: - driftsleiar har mynde til å definere kvar og kven tiltaket skal gjelde for - kompensasjon skal gjelde for høgskuleutdanna og fagarbeidar - auke kompensasjon til 20 000,-. - for å få kompensasjon må ein arbeide i 100% stilling heile ferieperioden, 8 veker - må være fysisk på arbeid for å få kompensasjon (gjeld ikkje ved sjukemelding) - ber om at kommunen har planar for husvære til ferievikarar. - arbeidstakar og arbeidsgjevar må avtale ferieavvikling utanom ferieperioden i god tid før avvikling av hovudferien. SAKSUTGREIING: Bakgrunn: Før ferien 2012 var det lagt fram sak for adm.utvalet om kompensasjon for utsett ferie og det vart gjort slikt vedtak: Tilsette som i ferien arbeidar minst 80% stillig og utsett ferien og tek ferie utanom oppsett ferieperiode får ein kompensasjon på kr. 10 000,-. Driftsleiar avgjer når tiltak skal iverksettast. I pleie- og omsorg har ein framleis store problem med å ha nok fagkompetanse ved avvikling av ferie og høgtider. Sjølv etter at ein kan tilby kompensasjon til tilsette som avviklar ferie sin utanom ferieperioden må ein leige frå byrå. Drifsleiarane ønskjer å kunne tilby større beløp som kompensasjon til dei som er positiv og som ein treng til endra ferieavvikling. Side 7

Ein har hatt ordninga i 2 år. I denne perioden har nokre personale endra ferietidspunkt og i tillegg har ein hatt innleie frå byrå. Sist sommar var det endring av ferie og innleie frå byrå slik: Flytta ferien Byrå Vestnes sjukeheim 2 sjukepl. + 1 hjelpepl. 3 sjukepl. Tresfjord trygdeheim 2 hjelpepl. Hellandtunet Ingen Heimetenestene 2 sjukepl. + 2 hjelpepl. Ingen Ein hadde også inne fleire svenske ferievikarar som er utdanna hjelpepleiar/helsefagarbeidar og legestudentar. I samband med ferieavviklinga er kommunen så heldig at ein har legestudentar frå Sverige som søkjer, og som kan gå inn som fagpersonar. Når ein har tilreisande må kommunen kunne tilby husvære. Kommunen har sponsing av husleige til legestudentar Jfr. vedtak om løn til legestudentar. Frå den første svenske legestudenten som var ferievikar har driftsleiarane i pleie- og omsorg skaffa dei husvære i det private marknad. Kvart år er det problematisk å skaffe husvære i og med at kommune ikkje har utleigebustadar. (Dette gjeld også i høve rekruttering til andre stilingar i kommunen). Det som avhjelpte i sommar var at T3, som ein kjøpte frå HFMR ikkje var teken i bruk, og ein kunne la tilreisande ferievikarar bu der. Ein må framleis nytte seg av byrå i samband med ferieavviklinga for å ha nok fagkompetanse til ei forsvarleg drift. Kostnadane ved bruk av leigebyrå er om lag slik: Leige av bustad (Vestnes Fjordhotell) kr. 1 400,- pr. veke Timepris eks. sjukepleiar kr 219,45 med påslag 1,95 totalt kr 427,93 pr. time hjelpepleiar kr 167,98 med påslag 1,95 totalt kr 327,56 pr. time Tillegg kvelds/nattillegg og laurdag/søndagstillegg og evt. overtid kjem utanom. Eks. hjelpepleiar kv./natt tillegg kr. 54,- med påslag 1,95 totalt 105,30 pr. time. Kommunen har no inngått avtale med kommunane på sunnmøre om samarbeid ved innhenting av anbod m.m. Dette for å kunne få ned prisen. Etter 2 år med ordninga har driftsleiarane i pleie- og omsorg evaluert ordninga og ønskjer endringar. For at ein kanskje kan redusere innleie frå byrå ønskjer ein høgare kompensasjon og fleire kriteria: - driftsleiar har mynde til å definere kvar og kven tiltaket skal gjelde for - kompensasjon skal gjelde for høgskuleutdanna og fagarbeidar - auke kompensasjon til 20 000,-. - for å få kompensasjon må ein arbeide i 100% stilling heile ferieperioden, 8 veker - må være fysisk på arbeid for å få kompensasjon (gjeld ikkje ved sjukemelding) - arbeidstakar og arbeidsgjevar må avtale anna ferieavvikling utanom ferieperioden i god tid før hovudferien. - ber om at kommunen har planar for husvære til ferievikarar. Kompensasjonen på 20 000,- vert som løn og dermed trekt skatt av. Vurdering: Administrasjonssjefen rår til at endring i kompensasjon og tiltak i samband med kompensasjon i høve endring av ferien slik: Side 8

- driftsleiar har mynde til å definere kvar og kven tiltaket skal gjelde for - kompensasjon skal gjelde for høgskuleutdanna og fagarbeidar - auke kompensasjon til 20 000,-. - for å få kompensasjon må ein arbeide i 100% stilling heile ferieperioden, 8 veker - må være fysisk på arbeid for å få kompensasjon (gjeld ikkje ved sjukemelding) - ber om at kommunen har planar for husvære til ferievikarar. - arbeidstakar og arbeidsgjevar må avtale ferieavvikling utanom ferieperioden i god tid før avvikling av hovudferien. Særutskrift til: Side 9

VESTNES KOMMUNE U.Off.: Off.l. 13, jf FVL 13 nr 1 Saksframlegg Arkiv: 467 Arkivsaksnr.: 2013/1274 Saksbehandlar: Synnøve Sæterøy Dato: 11.11.2013 Tilbakekalling frå ferie - kompensasjon Utval Møtedato Utvalssak Administrasjonsutvalet 02.12.2013 22/2013 Administrasjonssjefen si innstilling Administrasjonssjefen avtalar skjønnsmessig kompensasjon ut i frå kvart tilfelle ved tilbakekalling frå ferie. SAKSUTGREIING: Bakgrunn: I samband med ferieavviklinga i kommunen kan det oppstå prekære situasjonar som gjer at ein må tilbakekalle personale får ferie. Ved ferieavviklinga i sommar oppstod det ein slik situasjon ved BUT som resulterte at ein måtte tilbakekalle personale frå ferie. Dette er noko arbeidsgjevar gjer som absolutt siste utveg. Det er ikkje ofte at ein må tilbakekalle personale frå ferie, og det er i hovudsak pleie- og omsorg dette gjeld. I samband med at ein tilbakekallar personale frå ferie, ønskjer ein ei avklaring i høve kompensasjon. Ein har kontakta KS for å avklare kva personale har rett til i høve kompensasjon. KS opplyser at ein har rett til å få erstatta ferien dersom ein må tilbake til arbeid, og dekt utgifter i samband med dette. Eks. dersom ein må tilbake frå ferietur så får ein dekt det som ferieturen kosta. Arbeidstakar har ikkje rettar til anna kompensasjon enn dette, men kommunen står fritt til å gje kompensasjon i slike tilfeller. Evt. kompensasjon må avtalast i dei ulike tilfeller ut i frå kva belastning dette inneberer for arbeidstakaren. For enkelte arbeidstakarar er det ikkje noko særskilt belastning å kome attende til arbeid då dei ferierer heime, og dermed synes det er Side 10

greitt å få ny ferie seinare. Medan andre som eks. har feriebesøk eller er på ferie synes belastninga er stor. Ein avtale om kompensasjon bør som hovudregel avtalast i samband med tilbakekalling av den tilsette. KS råda kommunen til å avtale skjønnsmessig kompensasjon ut i frå kvart tilfelle/belastning og ikkje være låst i prinsippet om lik yting/kronebeløp. Vurdering: Ut i frå svar ein har fått frå KS så vil ein rå til at administrasjonssjefen gjer avtale om skjønnsmessig kompensasjon ut i frå kvart tilfelle ved tilbakekalling frå ferie. Særutskrift til: Side 11

VESTNES KOMMUNE Saksframlegg Arkiv: 460 Arkivsaksnr.: 2012/1565 Saksbehandlar: Karin Pedersen Dato: 25.10.2013 Permisjon ved langtidsfråver Utval Møtedato Utvalssak Administrasjonsutvalet 02.12.2013 23/2013 Administrasjonssjefen si innstilling 1 Ein tilsett vil automatisk ha permisjon frå kommunen under sjukemeldingsperioden når kommunen har krav på refusjon av sjukepengar frå NAV. 2 Ein tilsett som ikkje kjem attende i heile stillinga, eller deler av stillinga når sjukepengeperioden er omme, vil kunne få ulønna permisjon i inntil eitt år når vedkomande er under utredning, behandling med utsikt til betring av arbeidsevna eller utprøving i kommunen eller anna verksemd. 3 Ein tilsett vil i heilt særskilde høve kunne få utvida permisjonen med ytterlegare eitt år, når behandling eller tilretteleggingstiltak gir grunn til å tru at vedkomande kjem attende til sin opphavlege stilling eller anna passande arbeid i kommunen. Totalt vil den tilsette kunne ha permisjon i totalt 3 år. 4 Når den tilsette vert innvilga varig uførepensjon, vert arbeidsforholdet å avvikle og stillinga kan lysast ut. SAKSUTGREIING: Bakgrunn: Vestnes kommune er ei IA verksemd. Det inneber at kommunen har ansvar for å arbeide systematisk med førebygging. Arbeidsgjevar har eit ansvar for å skape arbeidsmiljø som mellom anna har fokus på arbeidsnærvær eller førebygging av Side 12

sjukefråver. Når tilsette blir sjukemeldt eller står i fare for å bli sjukemeldt, skal arbeidsgjevar følgje opp den tilsette i løpet av og i etterkant av sjukdomsperioden. Oppfølgingsplan skal vere utarbeidd seinast etter 4 veker sjukemelding der aktuelle tiltak og plan for vidare oppfølging skal skisserast. Dialogmøte 1 skal avhaldast seinast innan 7 veker og innan 26 veker skal NAV innkalle til dialogmøte 2. Alle partane arbeidstakar sjølv, arbeidsgjevar, sjukemeldande lege eller NAV kan krevje at det vert halde dialogmøte 3 før sjukemeldingsperioden går ut. Alt dette for at vedkomande skal klare å stå i arbeid, eller at han/ho skal kome tilbake til arbeid så snart som mogleg, heilt eller delvis. Arbeidsgjevar skal dokumentere kva tilretteleggingstiltak som har vært prøvd ut. Endringar i ordningar og regelverk Arbeidsavklaringspengar (AAP) ble innført i 2010. Målsettinga med AAP er at den sjukemeldte skal avklarast tidlegare i høve arbeid eller varig uføre. I 2011 kom det nye sjukefråversreglar, som innebar endringar for den sjukemeldte, for arbeidsgjevar og for legane. Krava om tidligare og tettare oppfølging ble skjerpa. Kommunen har fleire tilsette som etter å ha vore langtidssjukemeldt, har kome over på arbeidsavklaringspengar(aap) frå NAV. Nokre av desse gjekk på tidsavgrensa uføretrygd, rehabiliteringspengar eller attføring og vart automatisk konvertert til arbeidsavklaringspengar då ordninga ble innført i 2010. Desse kan ha vore ute i 4-5 år eller meir. Møteplassen arena for oppfølging i Vestnes kommune Vestnes kommune har etablert ein arena for dialogmøte og oppfølgingssamtalar med tilsette der målsettinga nettopp er å kome tidleg inn. Tilrettelegging for arbeidstakarar som har vore lenge ute av arbeid er krevjande og lange fråver gjer at det er mykje vanskelegare å lukkast med tilrettelegginga. Tidleg og jamn oppfølging er viktig for å forhindre lange fråver frå arbeid. Det gir den einskilde moglegheit til å orientere seg på ny når dei arbeidsoppgåvene vedkomande har i jobben, ikkje lar seg kombinere med helsesituasjonen eller andre utfordringar. Ein prøver fortløpande å få avklara desse tilsette sin situasjon på Møteplassen. Side 13

Praksis i Vestnes kommune i høve permisjon frå stillinga ved sjukdom: Praksisen i kommunen har, etter det ein har klart å bringe på det reine, vore endra nokre gonger etter politisk handsaming. Med bakgrunn i kjennskap hos tilsette i organisasjonen som handterar desse sakene, samt saksframlegg frå 2007, er det gjeldande praksis som følgjer; 1 Den sjukemeldte har rett til permisjon i sjukemeldingsperioden, det vil seie til opphøyr av sjukepengar. 2 Når den sjukemeldte går over på AAP vil han ha rett til ulønna permisjon i ytterlegare eitt år til, når han/ho er under behandling med utsikt til betring av arbeidsevna 3 Det kan gjevast permisjon i ytterlegare eitt år når forlenging har samanhang med behandling, ventetid på operasjon el.l. 4 I særskilde høve kan ytterlegare permisjon gjevast etter ei individuell vurdering, men ikkje i meir enn 4 år. Den tilsette vert kontakta og tilsetjingsforholdet om mogleg avslutta. 5 Når arbeidstakar får varig uførepensjon, vert arbeidsforholdet å avvikla og stillinga kan lysast ut. I praksis har denne ordninga gjort at ein arbeidstakar kan ha vore ute i 5 år og fortsett ha krav på at det vert tilrettelagt for at vedkomande skal kome attende i arbeid. Vurdering: Korleis har oppfølginga vore? Arbeidsgjevar har i praksis eit oppfølgingsansvar så lenge ein person er tilsett. Dei som har permisjon er blitt satt på ei liste for uplasserte arbeidstakarar. Det kan bety at ein person som har vore ute av arbeid i fem år melder seg med ynskje om tilrettelegging for arbeid. Den tilsette har i røynda permisjon frå arbeidet og vil i prinsippet kunne forvente tilretteleggingstiltak frå Vestnes kommune. Vestnes kommune sitt oppfølgingsregime av langtidssjuke er ikkje godt nok, det vil seie med omsyn til ein systematisk oppfølging. Det inneber at enkelte har vore ute av arbeid grunna sjukdom i ei årrekkje, utan at arbeidsforholdet er blitt sagt opp, av den tilsette sjølv eller at kommunen formelt har avslutta tilsetjingsforholdet. Side 14

Tettare oppfølging tidleg i sjukefråversprosessen Med oppfølgingsreglane frå NAV definerer loven milepæler eller stoppunkt som skal sikre kontakta mellom den sjukemeldte, arbeidsgjevar, sjukemeldar og NAV. Når dette vert følgd opp frå arbeidsgjevar og arbeidstakar ligg det til rette for at tilrettelegging kan lukkast. Å kome attende til arbeid etter langvarig sjukefråver, når det har vore lite kontakt, kan vere vanskeleg. Derfor er dialogen mellom arbeidstakar og arbeidsgjevar viktig, heilt frå starten. Det er viktig å understreka at den tilsette har ei plikt til å medvirke. Det er avgjerande viktig at arbeidsgjevar er tett på den sjukemeldte frå dag 1 med det som er mogleg av tilrettelegging og ikkje minst dokumenterer kva som er forsøkt. Verneomboda og tillitsvalde har ei viktig rolle i denne prosessen. Det er viktig å dokumentera kva oppfølging og tilrettelegging som har vært gjort og korleis prognosane er for at arbeidstakaren kan kome attende i arbeid. Statistikken syner at berre om lag 25 % av dei som har vore sjukemeldt i eitt år kjem attende til sitt opphavlege arbeid. Det vil derfor vere samfunnsøkonomisk lønnsamt å vere tett på arbeidstakarar som av ulike orsakar fell ut av arbeid. Tilrettelegging så langt det er mogleg Ein kjend problemstilling er rekkevidda av arbeidsgjevar sin tilretteleggingsplikt. Ein arbeidsgjevar skal så langt det er mogleg sette i verk nødvendige tiltak (jf. aml 4-6). Kva som skal til må vurderast i kvart tilfelle som t.d. omfang og varigheit av den tilsette sin reduserte arbeidsevne. Fortrinnsvis skal det tilretteleggast for at den tilsette kan halde fram i sitt vanlige arbeid. Om det ikkje lar seg gjera å legge til rette i det vanlege arbeidet må ein vurdere omplassering. Tilretteleggingsplikta inneber ikkje at det skal opprettast ny stilling, då dette vil vere urimeleg. Arbeidsgjevar må også ta omsyn til dei andre arbeidstakarane i denne prosessen då plikta også inneber å tenke førebygging og organisering av arbeidsplassen som hindrar sjukefråver hos alle arbeidstakarane. Konklusjon: Når det har vore prøvd tilrettelegging arbeidsplassen og det ikkje har vore mogleg å gjennomføra, vil det ikkje vere behov for å ha permisjon frå kommunen lenger enn i 3 Side 15

år. Målsettinga må vere at ei god oppfølging skal gjere at avklaring vert gjort langt tidlegare, anten ved at vedkomande kjem attende i arbeid hos same arbeidsgjevar, i anna verksemd eller at helsetilhøva gjer at deltaking i arbeidslivet ikkje er realistisk. Arbeidsforholdet vil då bli å avslutte. Særutskrift til: Side 16

VESTNES KOMMUNE Saksframlegg Arkiv: 430 Arkivsaksnr.: 2013/1327 Saksbehandlar: Karin Pedersen Dato: 19.11.2013 Retningslinjer for utdanningsstøtte Utval Møtedato Utvalssak Administrasjonsutvalet 02.12.2013 24/2013 Administrasjonssjefen si innstilling Retningsliner for støtte til utdanning vert teken til vitande. SAKSUTGREIING: Bakgrunn: Strategisk kompetanseplan for pleie- og omsorgstenesta (SKP) vart vedteken i Kommunestyre 4. april 2013. Administrasjonssjefen vart gitt mynde til å utforme retningsliner for støtte til utdanning for tilsette. Vedlegg: Retningsliner for støtte til utdanning Særutskrift til: Medlemmar og varamedlemmar Side 17

RETNINGSLINJER FOR STØTTE TIL UTDANNING: Bakgrunn: Strategisk kompetanseplan (SKP) for pleie- og omsorgstenesta vart vedteken i kommunestyre den 4. april 2013. Retningslinjer for økonomisk støtte og tilrettelegging for utdanning og vidareutdanning skal vere i samsvar med pleie- og omsorgstenesta sitt behov for kompetanse og i tråd med målsettingane for tenesta. Prioriterte satsingsområde innan pleie- og omsorgssektoren for 2013-2016 tek utgangspunkt i sentrale og lokale styringsdokument. Tilbod om kompetanseheving for tilsette er viktig i kommunen sin arbeidsgjevarpolitikk. Det bør vere lik praksis for tilrettelegging innanfor heile kommunen, samstundes som det må vere høve til å gjere individuelle vurderingar. Som hovudregel vert det stilt krav til fagkompetanse ved tilsetting i fast stilling i kommunen. Dei som ikkje tilfredsstiller krava til fagkompetanse må forplikte seg til å ta påkrevd utdanning for stillinga innan to år frå tilsetting eller etter nærare avtale med driftsleiar. (Gjeld ikkje reine helgevaktstillingar under 20 %). Med bakgrunn i SKP for pleie- og omsorgstenesta og saksprotokoll frå K-sak nr. 14/2013 den 4. april 2013, vart prinsipp for kompetanseutvikling vedtekne. Administrasjonssjefen er gitt mynde til å avgjere korleis utdanningsløp for einskildpersonar skal finansierast og gjennomførast. Eit hovudprinsipp er at kommunen sine behov skal vere styrande for val av utdanning som vert godkjent med økonomisk støtte og/eller permisjon med løn frå kommunen. Det er personalavdelinga ved kommunalsjef som avgjer søknad etter tilråding frå driftsleiar. Midlar til utdanninga går frå eininga sitt budsjett, om ikkje anna er avtalt. Med utgangspunkt i K-styret sitt vedtak gjer Administrasjonsutvalet følgjande framlegg til retningsliner; 1. For å få støtte til utdanning må ein i utgangspunktet vere fast tilsett i minst 50 % stilling og ha vore tilsett i kommunen i eitt år eller meir. Det kan gjerast unntak når dette er viktig av omsyn til kompetansebehovet i kommunen. (Sjå krav til praksis for søkjarar til helsefagarbeidar, pkt. 10) 2. Administrasjonssjefen vert gitt mynde til å vurdere tilskot til søkjarar som ikkje fyller krava som nemnd i punkt 1. 3. Søkjar som får økonomisk støtte til utdanning, må pårekne å nytte kompetansen der kommunen har behov for det. Søkjar som ynskjer å stå fritt kan få permisjon utan løn og økonomisk støtte (jf. permisjonsreglane) Side 18

4. Som hovudregel skal deltakarar fullføre på normert tid eller dekke ekstra utgifter ved forlenging av studieløpet. 5. Bindingstid til kommunen vert som følgjer: 3 årig høgskuleutdanning: 2 år 1 årig fagskuleutdanning: 1 år 15 stp: 1 år 30 stp: 2 år Masterutdanning: 2 år 6. Deltakarar som ikkje fullfører skal som hovudregel betale tilbake kostnader kommunen har hatt i form av direkte utbetaling og/eller innleie av vikar. 7. Fagskuleutdanning, høgskuleutdanning, vidareutdanning o.a. kvalifisering som er godkjent frå eininga v/ driftsleiar vert å dekke som følgjer: Permisjon utan løn ved heiltidsstudie Eventuelle kompetansemidlar som kommunen får tildelt frå fylkesmannen, jf. kompetanseløftet Permisjon med løn inntil 10 dagar pr. semester ved deltidsstudier./under samlingar på vidareutdanning Permisjon med løn på eksamensdag(ar) og inntil to lesedagar Dokumenterte reiseutgifter etter rimelegaste alternativ, maks kr. 2 000,- pr. semester. Dekking av dokumenterte utgifter til faglitteratur med inntil kr. 5 000,-. Dekking av dokumenterte utgifter til semesteravgift 8. Utdanning med krav til praksisveker Til vidareutdanningar som krev ekstern praksis og der kommunen får støtte via fylkesmannen sine kompetansemidlar, må ein vurdera å gi permisjon med løn i inntil 3 veker over 2 år. Det resterande må den einskilde dekke sjølv. Permisjon utan løn vert innvilga i tillegg, jf. permisjonsreglementet og krav til praksis i utdanninga. 9. Det skal kunne gjerast individuelle vurderingar av dei søknadane som kjem inn med utgangspunkt i kommunen sitt behov for kompetanse. 10.Særleg om helsefagarbeidarutdanning Kravet for å gå opp til fagprøva som helsefagarbeidar er på 8700 praksistimar. Dette tilsvarar 5 år i full stilling. Kravet er forankra i opplæringslova og læreplanen og i tråd med nasjonal standard for praksiskandidatar. I tillegg skal kandidatane fylle kompetansemåla i læreplanen som i praksis inneber at kandidaten må ha vore innom dei vesentlege områda som vert kravd, jf. læreplanen. Krav for å få støtte frå kommunen til å ta utdanning som helsefagarbeidar: Side 19

a. Deltakar må i utgangspunktet ha minimum 3 år praksis eller ca 5000 timar innan helse- og omsorgstenester når ho/han startar på utdanninga b. Deltakar melder interesse for utdanninga til driftsleiar og avklarar oppstart med leiar c. Deltakar avtalar gjennomføring av praksisløpet med driftsleiar før oppstart d. Driftsleiar plukkar ut deltakarar frå si eining Side 20

VESTNES KOMMUNE Saksframlegg Arkiv: 026 Arkivsaksnr.: 2013/1286 Saksbehandlar: Tone Roaldsnes Dato: 14.11.2013 Interkommunalt samarbeid mellom Vestnes og Rauma - intensjonsavtale Utval Møtedato Utvalssak Administrasjonsutvalet 02.12.2013 25/2013 Kommunestyret Administrasjonssjefen si innstilling Vestnes kommunestyre godkjenner intensjonsavtale om samarbeid mellom Vestnes og Rauma kommunar. SAKSUTGREIING: Bakgrunn: Formannskapa i Vestnes og Rauma hadde felles møte på Gjermundnes 29. august 2013. Representantar frå dei respektive næringslaga deltok også. Formålet var å bli betre kjent samt å drøfte område som dei to kommunane kan ha fordelar av å samarbeide om. Ein syner til vedlagt oppsummering frå møtet. I etterkant har ordførarane, rådmennene og «næringssjefane» i dei to kommunane hatt møte 4. november for å drøfte oppfølging av Gjermundnesmøtet. Konklusjonen vart: a) Kommunane ønskjer å gå vidare i å utgreie nokre få tenestesamarbeid. b) Næringsorgana tek initiativ til eigne møte for å konkretisere samarbeid på næringsområdet. Intensjonsavtale Kommunane er samde om at ein i første omgang berre skal inngå ein intensjonsavtale om samarbeid. Hovudformålet med intensjonsavtalen er: Å legge premissar for samarbeidet. Å identifisere område som kan være aktuelle for samarbeid. Sette opp vidare prosess. Side 21

Som det går fram av vedlagte utkast til intensjonsavtale, ser ein i første omgang føre seg mindre utgreiingar om potensialet i eit samarbeid innafor desse områda: - Legevakt - Brann- og redningsteneste - Barnevern - Vaksenopplæring - Kulturskolen - Frisklivsentral - Interne lønn- og rekneskapstenester Forslaget er vidare at fagpersonale og leiarar gjer mindre utgreiingsarbeid innafor desse områda i løpet av etterjulsvinteren og at kommunestyret får framlagt ei sak frå rådmennene med felles innstilling på om kva samarbeid ein i tilfelle ønskjer å gå vidare på mot ei gjennomføring. Vurdering: Vestnes og dei andre ROR-kommunane er frå før involvert i ein omfattande prosess denne hausten om mogeleg tenestesamarbeid innafor ROR. Det er viktig at «Vestnes-Rauma» prosessen ikkje blir oppfatta som alternativ eller konkurrent til ROR-prosessen. Administrasjonssjefen si vurdering er at prosessen Vestnes-Rauma primært handlar om tenester der fysisk nærleik er viktig, dvs. at tenestene eksempelvis ikkje kan vere avhengige av ferjesamband. Fleire av samarbeidsområda kan løftast inn i eit større ROR-samarbeid på eit seinare tidspunkt. For Vestnes er alle dei føreslegne samarbeidsområda interessante: Legevaktordninga er under press og vi møter førebels store utfordringar i forhold til søknad om nattlegevakt i Ålesund. Det kan vere interessant å sjå nærare på om det kan vere mogeleg å danne ei felles legevaktordning med Rauma. Brann og redning er eit sårbart område med behov for samarbeid med andre kommunar. Det kan gjelde beredskap og akuttfunksjonar, men også førebyggande arbeid og opplæring er aktuelt. Tresfjordbrua og Vågetunnelen har gjort dette endå meir interessant opp mot Rauma kommune. Barnevernet fungerer tilfredsstillande akkurat no, men er sårbart. Storleik, distanse og robustheit er viktig på dette tenesteområdet. Vaksenopplæringa står sterkt og har gode røter i Vestnes. Det er særleg frå Rauma si side interessant å sjå på eit mulig samarbeid og om denne tenesta kan styrkast gjennom eit interkommunalt samarbeid. For kulturskulen er det særleg aktuelt å utveksle lærarkrefter for utvide breidda i tilbodet. Noko av dei same vurderingane gjeld Frisklivssentralane. Større breidde i tilbodet. Mogleg å nytte tilbod på tvers av kommunegrensene. Lønn og rekneskap er sårbare område som ligg godt til rette for interkommunalt samarbeid. Vi vil innan få år ha behov for nyrekruttering. Dette området er også hyperaktuelt samarbeidsområde i ROR Samla ser administrasjonssjefen positivt på å kome i gang med utgreiing av konkrete samarbeid mot ein kommune som har same behov og som ligg fysisk nær. Kreativt tenkt med vilje til å sjå tenestene samla til innbyggarane i to kommunar i staden for å drive kvar for seg, ligg det interessante potensiale i desse antyda samarbeidsområda både i høve til kostnadseffektivitet, tenestekvalitet, kompetansemiljø for tilsette og ikkje minst tilbodet til innbyggarane. Administrasjonssjefen er oppteken av at utgreiingsarbeidet må strukturerast godt og være effektivt. Vi vil antyde ein ressursbruk på 5-10 dagsverk pr. samarbeidsområde pr. kommune samt arbeid med samanstilling og leiing dvs. mellom 50-60 dagsverk pr. kommune. Arbeidet bør kunne gjennomførast innanfor gjeldande ressurs- og budsjettrammer. Side 22

Administrasjonssjefane må sørgje for at tilsette sine organisasjonar blir informert og involvert i arbeidet i samsvar med Hovudavtalen og arbeidsmiljølova. Administrasjonssjefen i Vestnes har difor vurdert det som tenleg å la saka gå via administrasjonsutvalet til kommunestyret. Formannskapet vart orientert om forslag til intensjonsavtale mellom Rauma og Vestnes i formannskapsmøte den 11.november. Særutskrift til: Rauma kommune v/rådmannen. Vedlegg: 1 Framlegg til intensjonsavtale 2 Samandrag frå felles formannskapsmøte 290813 Side 23

Intensjonsavtale om samarbeid mellom Vestnes og Rauma kommunar Bakgrunn og føresetnader 1. Vestnes og Rauma er to mellomstore kommunar som gjennom nye samferdsleløysingar i nær framtid vil bli nærare knytt til kvarandre 2. Kvar på si side har dei to kommunane ulike styrker og utfordringar. Formålet med samarbeidet er ikkje kommunesamanslåing, men eit behov for å identifisere og gjennomføre samarbeid som innbyggarane i begge kommunar vil ha fordel av 3. Både Vestnes og Rauma deltek i regionsamarbeidet i Romsdalsregionen (ROR). Det bilaterale samarbeid mellom Vestnes og Rauma har ikkje som formål å svekke samarbeidet i ROR. ROR vil framleis vere hovudarenaen for utvikling av interkommunalt og regionalt samarbeid i Romsdal, Vestnes- Rauma samarbeidet vil berre vere eit supplement eller forløpar til det komande meir omfattande ROR-samarbeidet Samarbeidsområde 4. Vestnes og Rauma ønskjer i første omgang å sjå nærare på desse samarbeidsområda: a. Legevakt b. Brann- og redningsteneste c. Barnevern d. Vaksenopplæring e. Kulturskolen f. Frisklivsentral g. Interne lønn- og rekneskapstenester Framdrift 5. Ein legg opp til følgjande framdrift i første fase av samarbeidet a. Kommunestyra tek stilling til intensjonsavtalen i sine desembermøte 2013 b. Rådmennene organiserer tilpassa utgreiingsarbeid for områda a-g på nyåret 2014 c. Utgreiingane frå kvart område skal vere klar til 1. mai 2014 d. Rådmennene samordnar delutgreiingane og legg fram ei felles sak og innstilling om kva område det kan vere aktuelt å innleie eit nærare samarbeid på og korleis dette skal skje - til behandling av begge kommunestyra i deira junimøte e. I den grad det blir vedteke å innleie konkret samarbeid på noko område, tek ein sikte på at dette tidlegast skal skje frå 1. januar 2015 Side 24

Involvering 6. Rådmennene må sørgje for at tilsette sine organisasjonar blir informert og involvert i arbeidet i samsvar med Hovudavtalen og arbeidsmiljølova 7. Ordførarane bør sørgje for at kommunestyra i dei to kommunane kan møtast i 1. halvår 2014 for å bli betre kjende med kvarandre og dei to kommunane sin situasjon Vestnes/Rauma desember 2013 Geir Inge Lien Ordførar Vestnes Lars Olav Hustad Ordførar Rauma Side 25

Interessefelt Tjenesteproduksjon Samfunn Utenriks Ansvarlig opplegg (6) Oddbjørn Vassli Tone Roaldsnes Roald Fiksdal Solveig Brøste Sletta Lars Olav Hustad Geir Inge Lien Tema: Aktuelle tjenestefelt det er aktuelt å samle/samarbeide om. Næringsutvikling Bolig/tomter Innflyttertjeneste Samferdsel VGS Samferdsel Organisering reiseliv, lensmann, politi Deltakere Vestnes (11) Aud Sissel Suoranta-P Mareno Nakken-P Stine Flølo-N Rune Håseth-A Olav Egil Tomren-P Randi Bergundhaugen-P Sigbjørn Akselvoll-N Eva Langstein-N Jarle Løvik-A Anne-Marie Fiksdal-P Martin Kjøpstad-P Deltakere Rauma (13) Arne Hop-P Arne Hoem-P Marianne Brevik-N Perry Ulvestad-A Marit Nauste-P Oddbjørn Wærås-P Torbjørn Hjelden - N Heidi Skaug-N Raymond Talberg-Nv Arne Lillehagen-P Tove Istad-P Torbjørn Rødstøl-P Marcus Brevik-N Muligheter for samarbeid Rauma-Vestnes Felles barnevern- raskt Felles rus- og psykiatritilbud jobbes med Forebyggende brann, beredskap ganske snart Felles landbruksforvalting - beslutning Jordmor og andre spesialfaglige funksjoner, frisklivssentral Ansv alle: R&V kommuner Beholde Eksportvegen AS til nye prosjekt. Ansv: R&V formannskap Nettverk/møteplass næringslivet R&V - Inv Vestnes til NæringsPub - Bransjetreff - Kurs - Ruslemøte mellom styrene i næringsfora Ansv: Næringsfora Felles yrkesmesse R&V Ansv: Næringsfora Samferdsel - Raumabanen - Hurtigbåt - Buss m.m. Både R&V slutte opp om regionale prosjekt som Langfjordstunellen Beredskap - Sjukehus i Molde - Politi, R&V felles vaktordning - HV11 - Brann Integrering - Innflyttertjeneste R&V - Integrere og bosette barnefamilier Side 26