Jondal kommune Sakspapir SAKSGANG Utval Møtedato Saknr Hovudutval for Teknisk og Næring 26.06.2015 031/15 Saksbeh.: Saka blir avgjort av: Arkiv: Arkivsaknr Haugen, Sigbjørn N - 504 14/82 Bustadfelt Svåsandshagen - Framlegg til reguleringsplan for gnr nr 13 bnr 96 mfl - 1. gongs høyring og offentleg ettersyn Dokument i saka: Varsel om oppstart av reguleringsplan, Svåsandhagen, Jondal kommune Uttale om oppstart reguleringsplan Svåsandshagen byggjefelt Svåsandhagen Varsel om oppstart av planarbeid i Jondal kommune Reguleringsplan for bustadområdet Svåsandshagen - Invitasjon til møte på kommunehuset torsdag 20 mars kl 12.30 Invitasjon til dialogmøte - Reguleringsplan for bustadområdet Svåsandshagen Saka blir avgjort av:. Hovudutval for Teknisk og Næring Aktuelle lover, forskrifter, avtalar m.m. Plan- og bygningslova 12-11. Kommuneplan for Jondal kommune, vedteken i Jondal kommunestyre 19.12.2012. Saksopplysningar: Geoplan as, 5600 Norheimsund har på vegne av Jondal kommune utarbeidd framlegg til detaljreguleringsplan for del av gnr. 13, bnr. 1 mfl, Bustadfelt Svåsandshagen, planid 12272014001. Planområdet er på ca. 66,4 daa og gjeld eit område som ligg på søraustsida av Fv. 550 mellom Svåsand og Solesnes, om lag 6 km frå Jondal sentrum. Området er i kommuneplanen sett av til framtidig bustadområde, vedteken 19.12.2012. 1. Kommuneplan for Jondal kommune, vedteken 19.12.2012:
Fig. 2: Kommuneplan for området viser bustadområde framtidig for det arealet som skal regulerast Oppstart av planarbeid Oppstart vart kunngjort i Hordaland folkeblad den 12.12.2014. Lysinga har lege på Jondal kommune si heimeside f.o.m. 12.12.2014. Partar og overordna høyringsinstansar vart varsla i brev sendt den 19.12.2014. Frist for innspel var sett til den 23.01.2015. 2. 3. Innspel frå dei faste høyringsinstansane 08.12.2014 Fylkesmannen i Hordaland Fylkesmannen legg til grunn at planarbeidet er i trå med overordna plan. Fritidsbustad er ikkje i trå med kommuneplanen. Planen bør utvidast til heile B10 område. Viser til Statens vegvesen for å fastsette byggegrense til veg, bør vurdere å ta med Fv. 550 langs feltet med kryss og siktliner. Planen må vurderast opp mot landskap. Viser til at planlegging skal vere helsefremjande gjennom faktorar som styrkjer helsa og livskvaliteten. God medverknad for barn og unge. Planen må vurderast opp mot naturmangfaldslova. ROSanalysen må ta omsyn til krav i TEK 10. Området blir regulert til bustadformål. Fv. 550 er teke inn med to nye busstopp. Planen er utvida til heile B10 område. Planen vil innehalda vurdering med omsyn til landskap. Barn og unge blir teke vare på gjennom barn og unges representant i kommunen. ROS-analysen stettar krav i TEK10. 04.12.2014 Hordaland fylkeskommune Utbygging av feltet må ta omsyn til landskapsverdiar. Viser til at barn og unge skal takast med i planlegging. Varslar om ein synfaring som vil vise om det er naudsynt med ei arkeologiske registrering. Planen har ei landskap- og estetikkvurdering for bustadområdet. Barn og unge blir teke vare på gjennom barn og unges representant i kommunen. Planen tek stilling til det som kjem fram etter ei synfaring. 03.12.2014 Statens vegvesen Fylkesvegen skal ha eit belte på 3 meters breidd på begge sider av vegen, dette skal regulerast til anna veggrunn. Krysset må inn i sin heilheit i planen, med siktliner og testing av lengder og radier. Planen skal ha rekkefølgjekrav til detaljerte byggeplanar/tekniske planar før byggestart. Dersom felt skal ha tilkomst frå Jeskadalsvegen i sør må dette krysset utbetrast og må inn som rekkefølgjekrav i planen. Dersom byggegrense skal vere mindre enn 30 meter frå senterline veg, må dette visast i planen med påskrift. Statens vegvesen vil at det skal regulerast inn gode busstopp i samband med nye bustadfelt. Reguleringsplanen bør vise støysonekart for fylkesvegen. Det blir lagt inn ein buffer på 3 meter på begge sider av Fv. 550. Planen tek inn heile Fv. 550 forbi bustadfeltet, det blir lagt inn kryss og to busstopp. Kryss frå Jeskadalsvegen er teke ut av planen. Byggegrense til veg er sett til 15 meter frå senterline veg. Dette er ein veg med ein ÅDT på 400, dette er ei relativt liten trafikkmengde og
ein meiner derfor at det bør gå ann med ei byggegrense på 15 meter frå senterline veg. Støysone for fylkesvegen blir teke inn i planen dersom denne føreligg digitalt. Søke om endring av 50 km/t til etter kryss. 27.01.2015 NVE NVE rår til at arealbrukskategorien bruk og vern av sjø og vassdrag blir nytta for vasstrengen og kantsonar. Bekken sitt skadepotensiale for flaum og erosjon må vurderast. For å sikre bygningar mot skade frå flaum og erosjon er tilrådd minsteavstand til bekk på min. 20 m. Høgspentline skal merkast med omsynssone. Det blir sett ei byggegrense til bekk på 20 meter, høgspentlinja er merka med omsynssone høgspent. Vasstrengen får kode bruk og vern av sjø og vassdrag. Vurdering av skadepotensial er vurdert i ROS-analysen. 4. Innspel frå partane Gnr. 13 bnr. 65: Viser til ei privat vassleidning med tilknyting til Vassverket på Tverrbekken. Eigar av 13/65 ønskjer å knyte seg til vassleidning til nytt byggefelt for å korte ned på lengda av vassleidning og sleppe straum-utgiftar i samband med varmekablar rundt eksisterande vassleidning. Kommunen er positiv til at private ønskjer å kople seg på kommunalt anlegg. Tidspunkt for når dette kan vere aktuelt er avhengig av utbyggingstakten til bustadfeltet. Trond Færøvik: Ønskjer å bli underretta om utviklinga i Svåsandhagen byggefelt, er interessert i å kopla seg på offentleg vatn og avlaup. Kommunen er positiv til at private ønskjer å kople seg på kommunalt anlegg. Tidspunkt for når dette kan vere aktuelt er avhengig av utbyggingstakten til bustadfeltet. Planskildring og omtale Formålet med reguleringsplanen er å regulere eit nytt bustadfelt i tråd med kommuneplanen for Jondal. Planen legg opp til 33 gode og romslige bustadtomter på mellom 800 1200 m2. Planen inneheld 3 områder sett av til leikeareal. Desse må tilretteleggjast for å få universell utforming. Dette ligg som eit rekkefølgjekrav til reguleringsplanen. Det er laga grøne korridorar slik at det skal vere enkelt å kome seg ut i skogen frå bustadområdet. Det blir lagt opp nokre felles gjesteparkeringsplassar i planområdet.
Illustrasjonsplan som viser ei mogleg plassering av bustad, garasje og parkeringsareal på tomtene. Planområde før utbygging, skråfoto teke vår 2015.
3D modell som viser vegar og bygg etter utbygging for heile planområdet. Kulturminne, naturmangfald og naturfarar. Det er ikkje registrert kjende kulturminne i området. Når det gjeld naturmangfald er det ikkje registret sårbare artar i naturbase eller i samband med kommuneplanarbeidet. Planområdet er ikkje utsett for ras eller skred ROS-analysen finn ingen større farar for området. Det er ikkje kjend at flaum og større menger vatn har vore ein utfordring i dette området. Omsynssone for jord- og flaumskred gjeld for nedre deler av Tverrbekken. Det skal ikkje etablerast nye bygg innafor sonen. Støysonekartet viser støy i samband med trafikk på fylkesvegen. Gul sone H210_1 for ei tomt nord-vest i området. Jfr plankart og ROS-analyse. For detaljar om tilhøve til andre planar, infrastruktur, merknader og innspel til planarbeidet, skildring av planframlegget og konsekvensar av planen, vert det vist til vedlagde planomtale. Planframlegget er i samsvar med overordna plan og inneheld informasjon og opplysningar i samsvar med plan- og bygningslova. Det er i stor grad teke omsyn til innspel og merknader til varsel om oppstart av planarbeidet. Planframlegget kan sendast på høyring og leggjast ut til offentleg ettersyn. Tilråding frå rådmann: 1. Hovudutvalet for Teknisk og næring vedtek med heimel i PBL 12 10 at forslag til detaljregulering for del av gnr. 13, bnr. 96 mfl, Bustadfelt Svåsandshagen, PlanID 12272014001, dagsett 15.06.2015 vert lagt ut til offentleg ettersyn. 2. Utlegging av planframlegget skal kunngjerast i Hordaland folkeblad og kommunen si heimeside. Berørte partar og instansar skal varslast. Siv Helle Prestegard - rådmann 26.06.2015 Hovudutval for Teknisk og Næring Røysting:
Tilrådinga frå rådmannen vart samrøystes vedteke. HTN- 031/15 Vedtak: 1. Hovudutvalet for Teknisk og næring vedtek med heimel i PBL 12 10 at forslag til detaljregulering for del av gnr. 13, bnr. 96 mfl, Bustadfelt Svåsandshagen, PlanID 12272014001, dagsett 15.06.2015 vert lagt ut til offentleg ettersyn. 2. Utlegging av planframlegget skal kunngjerast i Hordaland folkeblad og kommunen si heimeside. Berørte partar og instansar skal varslast.