Miljø, Teknisk, Næring Arkivsak: 2011/408-23 Arkiv: L12 Saksbehandlar: Øyvind Sødal Dato: 19.08.2011 Saksframlegg Utv.saksnr Utvalg Møtedato 73/2011 Formannskap 30.08.2011 27/2011 Kommunestyret 08.09.2011 Reguleringsplan for Lom fleirbrukshus - ny handsaming etter gjennomført offentleg ettersyn 1 U Førebels signal om reguleringsplan for Terje Hoel, her m.fl. Lom fleirbrukshus, Lom kommune 2 U Varsel om oppstart av planarbeid - detaljregulering for bygging av fleirbrukshall og videregåande skule på Til rørte partar, grannar og offentlige/private høyringsinstansar iflg. liste Fossbergom, Lom kommune 3 I Detaljregulering for Lom fleirbrukshus i Statens Vegvesen Lom kommune - Varsel om oppstart 4 I Innspel til planarbeid - detaljregulering for Kommunelege Rasmus Madsen bygging av Lom fleirbrukshus 5 I Vedr. garasje på tomt 70/1/77 Steinar Skaansar 6 I NVEs innspill til varsel om oppstart av arbeid med Reguleringsplan for Norges Vassdrags- og energidirektorat (NVE) Lom fleirbrukshus - Lom kommune, Oppland 7 I Lom kommune - reguleringsplan for Lom Fylkesmannen i Oppland fleirbrukshus - varsel om oppstart 8 I Uttale til oppstartvarsel for Oppland Fylkeskommune reguleringsplan for Lom fleirbrukshus i Lom kommune 9 U Stadfesting av budsjett for Oppland Fylkeskommune kulturminneundersøkingar vedr. Lom fleirbrukshus 10 S Reguleringsplan for Lom fleirbrukshus - framlegg av planforslag 11 N Orientering om innspel frå Statens Administrasjonssjef vegvesen - avkjøyring til Lom fleirbrukshus 12 I Møtereferat fra planforum 10. mai - Lom Oppland fylkeskommune kommune 13 U Offentlig ettersyn og høyring: Forslag til Adresseliste reguleringsplan for Lom fleirbrukshus 14 I Uttale reguleringsplan fleirbrukshall Lom Biovarme v/hallvard Helland 15 I Uttale til offentleg ettersyn av forslag til Oppland fylkeskommune reguleringsplan for Lom fleirbrukshus i Lom kommune 16 I NVEs merknader ved offentleg ettersyn NVE
og høring - 17 I Lom Kmmune - reguleringsplan for Lom Fylkesmannen i Oppland fleirbrukshus - høyring 18 I Forslag til reguleringsplan Lom Idrettslag v/ Wenche Smetop2686 19 I Merknader til forslag til reguleringsplan Statens Vegvesen for Lom fleirbrukshus - offentleg ettersyn og høring 20 U Supplerande dokumentasjon - Statens Vegvesen prosjektering av veganlegg i reguleringsplan for Lom fleirbrukshus 21 U Kommentar vedrørande merknad til Lom idrettslag forslag til reguleringsplan for Lom fleirbrukshus 22 I Reguleringsplan for Lom fleirbrukshus - Statens vegvesen offentleg høyring. Svar på tilsendt dokumentasjon til våre merknader 23 S Reguleringsplan for Lom fleirbrukshus - ny handsaming etter gjennomført offentleg ettersyn Vedlegg Plankart, revidert 19.08.2011 Planføresegner, revidert 19.08.2011 Planskildring, datert 20.05.2011 Risiko- og sårbarheitsanalyse, datert 20.05.2011 Høyringsuttaler frå offentleg ettersyn (samla dokument) Bakgrunn for saka Lom kommune har utarbeidd forslag til reguleringsplan for Lom fleirbrukshus. I møte 31.05.2011 handsama formannsskapet forslaget, og la dette ut til offentleg ettersyn i seks veker. I høyringsperioda har seks personar/myndigheiter/organisasjonar gjeve uttale til planforslaget. Ei av uttalene, frå Statens vegvesen har i høyringsperiode vorte fylgd opp av kommunen gjennom supplering av dokumentasjon. Det har i høyringa ikkje kome uttaler som er til hinder for eignegodkjenning av planen, og kommunestyret kan etter reglane i PBL kap. 12, godkjenne planen. Saksutgreiing Utarbeiding av plan starta med varsel om oppstart av planarbeid, og inneheldt følgjande målsetting for planarbeidet; Føremålet med reguleringa er å avklare detaljert arealbruk innanfor planområdet, og legge til rette for eit velfungerande og framtidsretta skule- og idrettsområde. Utover å regulere tomt for fleirbrukshus inneber dette at reguleringsplanen løyser problemstillingar knytt til sikker tilkomst for gåande, syklande og køyrande, parkering, o.a. infrastrukturtiltak. Samtidig må reguleringsføresegnene sikre visuell plassering av nye bygningar og anlegg til det området og miljøet bygningane/anlegga skal plasserast i. Det kom inn sju innspel til oppstartsvarslinga. Planskildringa drøfter korleis desse er teke hensyn til i planforslaget som det vart utforma. I perioda 31.05.2011 15.07.2011 var planforslaget ute til offentleg ettersyn. Plandokumenta som vart sendt ut til partane, omfattar:
Planskildring Plankart Reguleringsføresegner Illustrasjon, utomhusplan Utgreiing av alternative løysinger for kollektivtrafikk Risiko- og sårbarheitsanalyse Oppsummering/ vurdering av innkomne uttaler Planforslaget var ute til offentleg ettersyn i perioda 31.05 til 15.07.2011. Nedanfor fins ei oppsummering av høyringsuttalane og evt. justering i plandokumentane. Oppland fylkeskommune (27.06.2011) Regionaleininga hjå Oppland fylkeskommune har ikkje vesentlege merknadar til planforslaget. Dei ulike løysingane for kollektivtrafikk kommenterast; ( ), meiner vi at alternativ 1 eller 2 vil gje det beste resultatet. Den minst ønskjelege løysinga er alternativ 3. Vi meiner at det er viktig at busspassasjerar får si på-/ avstiging i eit areal som ikkje ligg i tilknyting til fylkesvegen, slik at passasjerane ikkje må krysse denne. Ut frå tilhøva med parkeringsforholda ved store arrangement, samt moglege ulemper for drifta og varelevering, meiner vi det kan sjå ut til at alternativ 2 vil kunne gje ei god løysing, men vi ser at gangavstandane på 200 meter kan gje ei utfordring for folk med nedsett funksjonsevne. Vi ber om at kommunen sjølv drøftar dette nærare, og gjerne i samråd med Statens vegvesen for å finne den beste løysinga. Kulturarveininga byggjer sin uttale på deira arkiv og synfaring 18.05.2011. Det uttalast at dei ikkje er kjent med automatisk freda kulturminne i planområdet. Synfaringa ga heller ikkje funn av verneverdig kulturminne, og området ble ikkje vurdert som potensielt for vidare undersøkingar av eventuelt bevarte kulturminne over markoverflata. Kommentar frå administrasjonssjefen: Planen som den er framlagt i dag har ikkje gått vidare med alternativ 3 for løysing av kollektivtrafikken. Det er no lagt til rette for at busstransport kan gjennomførast til nært hovudinngangen (alternativ 1), samtidig forventer ein at ein del av busstransport av elevar i det daglege vil skje med Loar skule som på-/avstigingsstad (alternativ 2). Uttala ang. kulturminne takast til orientering. Lom biovarme (14.06.2011) Lom biovarme rettar merksemd til planforslaget sine punkt om energi (Sjå planskildring pkt. 8.5) og syner samtidig til kommunen sitt oppstarta arbeid med revisjon av kommunedelplanen for Fossbergom. Lom Biovarme ønskjer å byggje og drifte eit slikt anlegg, som skal forsyne aktuelle bygg vest for Bøvre med vassborne varme frå ein flisfyrt varmesentral. Den planlagte fleirbrukshallen er sentral for å få lønsemd i ei slik utbygging ved at den har sentral plassering og har stort varmebehov. Uttala syner til at det i planforslaget er drøfta oppvarming med varmepumpe og bioenergi, og at det skal leggjast til rette for tilkobling til fjermvarmenett. Vi meiner det av fleire årsaker at det er lite hensiktsmessigå etablere oppvarming med utgangspunkt i grunnvassbrønnar og varmepumpe. Lom biovarme gjer i sin uttale greie for sine innspel til val av oppvarmingsløysing med 4 punkter. 1. Betre økonomi i å sleppe å etablere varmeforsyning gjennom varmepumpe. Opplyser om at det frå deira side kan være realistisk å levere varme til hallen f.o.m hausten 2013. 2. Gjer grunnlag for nye arbeidsplassar 3. Truleg betre måloppnåing i klimaregnskap med biovarme enn varmepumpe i forholdsvis kaldt vatn 4. Varmepumpe er ei dårleg reserveløysing for eit bioenergianlegg.
Kommentar frå administrasjonssjefen: Planforslaget har ikkje teke mål av seg om å avklare kva for energi som skal leverast til bygget, det er kun stilt krav om tilrettelegging til bruk av vassboren varme. Planskildringa har drøfta fordelar og ulempe med dei ulike alternativa fordi dei har ulik form for arealbruk. Administrasjonssjefen tek innspelet til orientering i reguleringsplansamanheng, vidare vil uttala kunne leggast til grunn ved seinare avgjerd i valet om kva energiløysing bygget vil få. Lom idrettslag (14.06.2011) Lom idrettslag er eigar ev eit bygg som i planforslaget er planlagt riven i forbindelse med etablering av parkeringsanlegg i Grov. Dei opplyser at dette bygget er i dag brukt til oppbevaring av våre eigendelar. Vi vil derfor ha med i reguleringsplanen at vi får erstatta dette bygget med eit tilsvarande bygg, samt at vi også får erstatta arealet vi mister med eit tilsvarande areal der vi kan sette opp det nye bygget. Det uttalast og ei forventing om at kommunen vil bera framtidige kostnadar til drift av Grovavegen. Kommentar frå administrasjonssjefen: Som grunneigar har Lom idrettslag rett til å krevje innløysing ved reguleringsplan (PBL 15-2 og 15-3.) Ei slik innløysing vil normalt skje etter at planen er vedteke, og gjennom eigen, privatrettsleg avtale. Grovavegen, som eit framtidig offentleg trafikkområde vil driftast av kommunen. Noregs vassdrags- og energidirektorat (NVE) (11.07.2011) NVE er tilfreds med at sone for 200-års flaum er markert i plankartet med tilhøyrande planføresegner. NVE meiner sikkerheita knytt til flaum er tilstrekkeleg ivaretatt i planen, og har elles ikkje merknadar. Kommentar frå administrasjonssjefen: Uttala takast til orientering. Fylkesmannen i Oppland (11.07.2011) Uttalar at omsynet til universell utforming folkehelse er godt ivaretatt i planforslaget og føresegnene. Det forventast at dette vil bli vidareført når funksjons- og kvalitetskrav vert utforma. Fylkesmannen meiner at også delar av parkområdet kan vera formålstenleg å legge til rette for mindre mobile grupper. Til dei ulike alternativa for kollektivtrafikk uttalar fylkesmannen at det er viktig å vurdere gangavstand til fleirbrukshuset, og tar omsyn til trafikktryggleik og mindre mobile personar/ grupper, t.d. små born, eldre og rullestolbrukarar. Aktuelle løysingar må og fungere vinterstid. Fylkesmannen har ikkje planjuridiske merknadar til planforslaget, men tilrår at pkt 2.8 i planføresegnene (om kulturminne) vert flytta til generelt som rettleiande opplysning, da temaet er regulert i særlov. Kommentar frå administrasjonssjefen: Ein del av parkområdet kan tilretteleggjast i nokon grad innanfor rammene av parkformål i plan- og bygningsloven. Uttala om val av løysing for kollektivtrafikk takast til orientering. Den planjuridiske merknaden tas til etterretning, og punktet 2.8. i føresegnene flyttast til generell del. Statens vegvesen (SVV) (08.07.2011) I innspel til varsel om planarbeid, bad SVV om fokus på avkøyringa, som har ei utilfredstillande utforming, og at rekkefølgekrav er teke inn i føresegnene slik at opparbeiding av avkøyring i samband med fleirbrukshuset vert sikra. SVV er nøgde med at rekkefølgekrav er komen inn, at det er satt minstekrav for tal på parkeringsplassar, samt krav om universell utforming.
SVV uttaler i sitt første brev at kravet vårt om rett stigningsforhold i avkøyringa inn på riksvegen er teken vare på i planforslaget. Og at prosjektering av dei trafikale forholda her er svært viktig og burde vore gjort på forhand før planen vart lagt ut til offentleg ettersyn. SSV kan ikkje godta den viste løysinga for avkøyring frå riksvegen utan meir dokumentasjon. Dette på bakgrunn av dei vanskelege stigningsforholda. Vi krev at Lom kommune løyser dette før reguleringsplanen vert godkjent framfor at avkøyringa skal godkjennast i byggesøknad. SVV ber også om at ein tek omsyn til mjuke trafikantar ved å prioritere ein god plassering av kollektivhaldeplass nær hovudinngangen og heller akseptere at fleire privatbilistar må parkere noko lenger unna. Trafikktryggleik er viktig i samband med haldeplassane, særleg fordi barn og unge er hyppige brukarar av kollektivtransport Kommentar frå administrasjonssjefen: Uttala er teke til etterretning, og det framsette kravet om meir dokumentasjon i høve stigningsforholda til avkøyringa mot fylkesvegen er fylgd opp med formidling av slik dokumentasjon. Statens vegvesen (SVV) (11.08.2011) SVV kan etter tilsendt materiale om avkøyringa akseptere tenkt løysing dersom den vert bygd i samsvar med vedlagt teikning og at vi vert varsla før den vert teken i bruk. Vi tilrår likevel at avkøyringa i plankartet vert kvalitetssikra i samband med endring av plankartet slik ein er sikker på at prosjektert løysing vert i samsvar med godkjent plankart. Ang. Kollektivtrafikkavvikling beskriv SVV løysing ved Loar skule som mest trafikksikker og at den vil kunne aksepterast. Kommentar frå administrasjonssjefen: Innspelet er teke til etterretning. Kvalitetssikring av plankartet er gjort i samband med revisjon av plankartet, og det syner at avkjøyringa kan prosjekterast innanfor dei rammane vegnormalen, tilsendte teikning og dei faktiske stigningsforholda gjer. Samla om veg og kollektivtrafikk (vurdering) Det offentleg ettersynet av planforslaget har gjeve nyttige innspel knytt til val av trafikale løysingar i planområdet. Ein har i arbeidet med planen vurdert tre ulik alternativ for avvikling av kollektivtrafikk til og frå Lom fleirbrukshus. Eitt alternativ som for øvrig var vist i plankartet inneheldt ei løysing som la opp til haldeplass på kvar side av vegen. Løysinga ville ført til kryssing av fylkesvegen. Ein har difor vald å gå bort frå denne løysinga fordi det finst meir trafikksikre alternativ. I den vidare vurderinga av dette har ein forsøkt å vekte trafikktryggleik, komfort og ønskje om godt til rettelagt kollektivtrafikktilbod. Planen som framlagt i dag syner eit kompromiss mellom alternativ 1 og 2 med buss på-/avstigning på h.h.vis eigen p-plass og ved Loar skule. Kollektivhaldeplass ved Loar skule er det klart mest trafikksikre valet, men ein får ein ulempe med gangavstand til hovudinngangen. Ein ser for seg at på-/avstigning for besøkjande/elevar og lærarar som reiser kollektivt vil skje ved Loar skule. Vidare vil det foran hovudinngangen finnest ein busshaldeplass nære hovudinngangen, som takst i bruk ved behov. Dette vil vera ved arrangement, turneringar og store besøk, som ein bør tilstreve å legge til rette for mest mogleg kollektivtrafikk. Forholdet til naturmangfoldlova 8 Kunnskapsgrunnlaget
Kommunen vurderer kunnskapsgrunnlaget som godt nok. Området framstår ikkje med slike kvalitetar at det er grunnlag for å krevje detaljert kartlegging. Tiltaket berører ikkje registrerte naturtypar eller sårbare artar. 9 Føre-var-prinsippet Tiltaket vil ikkje medføre vesentleg skade på naturmangfaldet. 10 Økosystemtilnærming Tiltaket blir vurdert som godt akseptabelt også vurdert etter prinsipp om bidrag til samla belastning 11 Kostnadane ved miljøforringing. Tiltaket medfører ikkje særleg tap av naturmangfald. Store delar av planområdet skal opparbeidast, og sjølv om det her fins detaljerte planteplanar, skal ein og ta hensyn til tilgrensande, eksisterande vegetasjon. 12 Miljøforsvarlege teknikkar og driftsmetode. Planforslaget inneheldt større byggje og anleggsarbeid, og sårbarheilt for miljøforringing er drøfta i planens risiko og sårbarheitsanalyse. Justeringar i plandokumentane Kommunen tek omsyn til innspel frå Statens vegvesen og Oppland Fylkeskommune ved følgjande justeringar i plandokumentet: Kollektivholdeplass ved fylkesvegen er fjerna og erstatta med haldeplass for inntil 2 busser på eigen p-plass ved hovudinngangen. Utforming på parkeringsplass i plankartet er justert som følgje av dette. Planføresegnenes 2 punkt 2.8 flyttast til 1. Jf. Fylkesmannen i Opplands merknad. Planføresegnenes 4, tabell 1, under punkt 4.1. er justert. Det er P01 som får nedjustert talet for nedre grense for parkeringsdekning til 60, med grunngjeving i prioritering av kollektivtrafikk (busshaldeplass). Plandokument som følger saka er reviderte i høve til denne lista. Innstilling frå administrasjonssjefen: Med heimel i plan- og bygningslovas 12 godkjenner Lom kommune forslag til Reguleringsplan for Lom fleirbrukshus, PlanID 5140056. Planen omfattar plankart datert 19.08.2011 og tilhøyrande forslag til reguleringsføresegner datert 19.08.2011, samt planskildring, datert 20.05.2011 Saksprotokoll i Formannskap - 30.08.2011 Innstilling frå formannskapet: Med heimel i plan- og bygningslovas 12 godkjenner Lom kommune forslag til Reguleringsplan for Lom fleirbrukshus, PlanID 5140056. Planen omfattar plankart datert 19.08.2011 og tilhøyrande forslag til reguleringsføresegner datert 19.08.2011, samt planskildring, datert 20.05.2011 Samrøystes.
Saksprotokoll i Kommunestyret - 08.09.2011 Vedtak Med heimel i plan- og bygningslovas 12 godkjenner Lom kommune forslag til Reguleringsplan for Lom fleirbrukshus, PlanID 5140056. Planen omfattar plankart datert 19.08.2011 og tilhøyrande forslag til reguleringsføresegner datert 19.08.2011, samt planskildring, datert 20.05.2011 Samrøystes.