Stryn kommune Avdeling byggesak og regulering Torbjørn Flo Flo 6783 STRYN Vår ref: Dykkar ref. Dato: 16/2314-3/ GBNR-7/16 BOG 31.10.2016 Søknad om dispensasjon frå kommuneplanen sin arealdel - frådeling av hyttetomt frå gbnr. 7/16, Flo Sektorutval for tekniske saker- 080/16, har i møte 25.10.2016 fatta følgjande vedtak: I medhald av pbl 19-2, gjev sektorutval for tekniske saker dispensasjon frå kommuneplanen sin arealdel for frådeling av omsøkt hyttetomt. Sektorutvalet har vore på synfaring og meiner at tomta er eigna til å bygge hytte på. Søkjar må dekke saksbehandlingsgebyr etter kommunalt regulativ. Gebyr for saka er fastsett til kr. 5115,-. - Etter forvaltningslova kap.vi (jfr. plan og bygningslova 1-9) kan dette vedtaket påklagast til fylkesmannen. Klage, som bør grunngjevast, skal sendast om Stryn kommune v/ sektorutval for tekniske saker innan 3 veker etter at melding om vedtak er motteke. Helsing Borghild Guddal avdelingsingeniør Dokumentet er elektronisk godkjent og har derfor ingen signatur Kopi til: Ellen Kirkeeide Fylkesmannen i Sogn og Fjordane Kari Raudi Ole Christian Flo Borgundvegen 295 6008 ÅLESUND Sogn og Fjordane fylkeskommune Adresse Telefon Org. nr E-post Internett Tonningsgata 4, 6783 STRYN 57 87 47 00 963 989 202 postmottak@stryn.kommune.no www.stryn.kommune.no
v/kulturavdelinga Side 2 av 6
Stryn kommune Arkiv: GBNR - 7/16 JournalpostID: 16/20529 Saksbehandlar: Borghild Guddal Saksframlegg Saksnr. Utval Møtedato 070/16 Sektorutval for tekniske saker 07.09.2016 080/16 Sektorutval for tekniske saker 25.10.2016 Søknad om dispensasjon frå kommuneplanen sin arealdel - frådeling av hyttetomt frå gbnr. 7/16, Flo Bakgrunn for saka: Søkjar: Torbjørn Flo, Stryn. Presentasjon: Søknaden gjeld frådeling av ei fritidstomt. I arealdelen av kommuneplanen ligg området i LNF1- område der spreidd bygging ikkje er tillate, og søknaden må difor handsamast som dispensasjonssak. Lovgrunnlag, reglar, føresegner, plandokument: Plan- og bygningslova. Forvaltningslova. Arealdel av kommuneplan for Stryn kommune, revisjon vedteken den 02.05.2006. Ikkje lagt ved: Søknad om deling av grunneigedom, datert 06.01.16. Gjenpart av nabovarsel. Merknader frå eigar av gbnr. 7/4 vedr. steinrett og veg. Avtale mellom eigar av eventuelt frådelt tomt og eigarar av gbnr. 7/4 og 7/16, datert 11.04.16. Brev frå avdeling for byggesak og regulering, datert 09.10.15. Løyve til tilknyting til Nedre-Flo vassverk, datert 19.01.16. Oversendingsbrev frå avdeling for byggesak og regulering, datert 29.06.16. Brev frå avdeling for byggesak og regulering, datert 07.07.16. Søknad om utvida bruk av avkøyrsle, datert 09.07.16. Uttale frå Steinar Nes, Asplan Viak AS, vedr. skredfare, dater 29.05.16. Oversendingsbrev frå seksjon for byggesak og regulering til Statens vegvesen, datert 13.07.16. Løyve frå Statens vegvesen til utvida bruk av avkøyrsle, datert 18.07.16. Side 3 av 6
Vedlegg i saka: Søknad om etablering av fritidstomt 1326116 Situasjonskart 1326117 Fråsegn frå Fylkesmannen 1326118 Saksopplysningar: Søknaden gjeld frådeling av ein parsell på om lag 800 m². Parsellen er søkt nytta til hyttetomt. I arealdelen av kommuneplanen ligg omsøkt tomteparsell i LNF1-område der spreidd bygging ikkje er tillate, og søknaden må handsamast som dispensasjon frå kommuneplanen. Søknaden har vore sendt til høyring hjå Fylkesmannen i Sogn og Fjordane og til Sogn og Fjordane fylkeskommune v/kulturavdelinga. Fylkesmannen viser i si uttale m.a. til plan- og bygningslova 19-2, og minner om at kommunen må vurdere om lova sine vilkår for å kunne gje dispensasjon for frådeling til fritidsføremål vert oppfylt. Dei minner om at individuelle forhold som hovudregel ikkje gjev grunnlag for dispensasjon. Det same gjeld for omsyn av generell art som truleg kan gjerast gjeldande for mange eigedomar i kommunen, t.d. det at personar har tilknyting til ein plass, at det vert lagt til rette for aktivitet i området osb. Søknaden vart sendt til Sogn og Fjordane fylkeskommune v/kulturavdelinga den 29.06.16, men dei har ikkje gjeve tilbakemelding/uttale til søknaden. Vurdering: I følgje plan- og bygningslova 19-1 krev dispensasjon ein grunngjeven søknad. Søkjar opplyser at tomta skal knytast til privat, felles veg, og Nedre-Flo vassverk har gjeve løyve til tilkopling. Kjøpar av parsellen har nær tilknyting og nær familie på Flo, og ein del av barndomen budde ho på Flo. Søkjar viser til at det er positivt at unge folk tek initiativ til å nytte området til ferie og fritid. Kapittel 19 i Plan- og bygningslova omhandlar dispensasjonar, og der står det i 19-2 at: Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. I tillegg må fordelene ved å gi dispensasjon være klart større enn ulempene etter en samlet vurdering. Eit viktig vurderingstema er kva konsekvensar tiltaket får for gjennomføringa av planen, og ikkje minst kva presedens (og press) ein dispensasjon vil kunne skape i høve til andre liknande saker. Arealdelen av kommuneplanen er vorten til etter ein omfattande prosess der det er gjort ei heilskapleg vurdering av utbyggingsmønster og forvaltning av areala, og difor skal det ikkje vere kurant å fråvike ein vedteken plan. Eigar av gbnr. 7/16 eig også gbnr. 7/15, og har også søkt om frådeling av ei hyttetomt også frå denne eigedomen. Desse tomtane ligg like attmed kvarandre, og mellom bustadhus og landbruksområdet sør for husa. Ein frådelt fritidseigedom som grensar til areal med overflatedyrka jord og kulturlandskap, kan føre til drifts- og miljømessige ulemper for landbruket i området. Nedbygging av produktivt jordbruksareal er også i strid med nasjonale mål om å ta vare på dyrka jord og kulturlandskap. Side 4 av 6
I følgje NGI sitt kart ligg mykje av arealet på Flo i område som er utsett for stein- og snøskred, men tomtane som er søkt frådelte, ligg utanfor aktsemdsområdet. Med tanke på at det er få områder på Flo som er eigna for t.d. bustadbygging, er det etter sakshandsamar si vurdering uheldig å nytte deler av desse areala til hyttebygging før arealbruken er avklart i ein overordna plan. Kommunen har nyleg vedteke eit planprogram for revisjon av kommuneplanen sin arealdel, og i følgje denne planen er det området aust for Storesunde (på begge sider av Oppstrynsvatnet) som skal reviderast no. I den samanheng vil det vere naturleg å diskutere arealbruken på Flo, og sjå om det er aktuelt med nye LNF3-områder der spreidd hyttebygging bør tillatast. Etablering av eventuelle nye fritidseigedomar bør skje med heimel i overordna plan. Saksbehandlar finn etter dette å måtte frårå dispensasjon for frådeling av omsøkt parsell. Sakshandsamar gjer merksam på at dersom det vert gjeve dispensasjon frå kommuneplanen for frådeling, må søknaden også behandlast etter jordlova. Teknisk sjef sitt framlegg til vedtak: I medhald av plan- og bygningslova 19-2, gjev sektorutval for tekniske saker avslag på søknad om dispensasjon frå kommuneplanen sin arealdel for frådeling av omsøkt fritidstomt. Som grunngjeving for avgjerda viser utvalet til vurderinga, og at samfunnsnytten av tiltaket er mindre enn ulempene i dette høvet. Sektorutvalet vil signalisere at søkjar, i samband med komande revisjon av kommuneplanen, eventuelt kan kome med innspel om å få tilrettelagt areal for fritidstomter i området. Søkjar må dekke saksbehandlingsgebyr etter kommunalt regulativ. Gebyr for saka er fastsett til kr. 5115,-. - Etter forvaltningslova kap.vi (jfr. plan og bygningslova 1-9) kan dette vedtaket påklagast til fylkesmannen. Klage, som bør grunngjevast, skal sendast om Stryn kommune v/ sektorutval for tekniske saker innan 3 veker etter at melding om vedtak er motteke. Sektorutval for tekniske saker 07.09.2016: Handsaming: Framlegg til vedtak frå Pål Vonheim: Saka blir utsett. Sektorutvalet tek synfaring til området. Sektorutvalet sitt vedtak: Framlegget frå Pål Vonheim samrøystes vedteke. TS- 070/16 Vedtak: Side 5 av 6
Saka blir utsett. Sektorutvalet tek synfaring til området. Sektorutval for tekniske saker 25.10.2016: Handsaming: Sektorutvalet tok synfaring til området i samband med møtet den 25. oktober. Under synfaringa møtte søkjar (Torbjørn Flo) og kjøpar av hyttetomta (Ole Christian Flo). Framlegg til vedtak frå Odd Kåre Hjelmeland: I medhald av pbl 19-2, gjev sektorutval for tekniske saker dispensasjon frå kommuneplanen sin arealdel for frådeling av omsøkt hyttetomt. Sektorutvalet har vore på synfaring og meiner at tomta er eigna til å bygge hytte på. Sektorutvalet sitt vedtak: Framlegget frå Odd Kåre Hjelmeland samrøystes vedteke. TS- 080/16 Vedtak: I medhald av pbl 19-2, gjev sektorutval for tekniske saker dispensasjon frå kommuneplanen sin arealdel for frådeling av omsøkt hyttetomt. Sektorutvalet har vore på synfaring og meiner at tomta er eigna til å bygge hytte på. Søkjar må dekke saksbehandlingsgebyr etter kommunalt regulativ. Gebyr for saka er fastsett til kr. 5115,-. - Etter forvaltningslova kap.vi (jfr. plan og bygningslova 1-9) kan dette vedtaket påklagast til fylkesmannen. Klage, som bør grunngjevast, skal sendast om Stryn kommune v/ sektorutval for tekniske saker innan 3 veker etter at melding om vedtak er motteke. Side 6 av 6