Saksprotokoll Kommunestyret 16.12.2008 Sak: 115/08 Tittel: :: Budsjett 2009, økonomiplan 2009-2012, planleggingsprogram 2009-2012. Arkivsak: 08/2589 Behandling: Framlegg frå H, V og Sp v/ivar Kvalen: ADMINISTRASJON Prosjekt 0.130150 Rådhuset renovering. Renovering av Rådhuset vert utsett til 2013 og 2014. BARNEHAGE Prosjekt 0.221270 Nye Gaupne barnehage. Det vert sett av 5 mill kr i investering til naudsynt opprusting av bygningar og uteområde ved Gaupne og Grandmo barnehagar. GRUNNSKULE Styringsmål nasjonale prøver. Måltala må svare til landsgjennomsnittet eller til oppnådde tal der vi ligg over landsgjennomsnittet. TEKNISKE TENESTER Prosjekt 0.315810 Rassikring Sandvik Sør Prosjektet vert prioritert i 2009. Prosjekt 0.202200 Byggutvikling Auke øyremerka investering til uteområda ved Hafslo skule, Dale skule og Luster barnehage med 0,75 mill kr i 2009 og tilsvarande i 2010. Prosjekt 0.335570 Sentrumsopprusting Gaupne. Det skal i 2009 setjast i verk stadanalyse for Gaupne. Det skal spesielt sjåast på trafikale forhold frå gamle Røneidsbru, Øyagata, og inn til Rv 55, området frå E-verksbygget langs Engjadalselvi til sjøen med tanke på bustadbygging og handel samt generell
sentrumsopprusting. Vidare skal plass til småbåthamn vurderast. Andre ting som rådmannen finn nødvendig å ta inn kan han ta med. Sentrumsopprusting i Gaupne 5 mill kr i 2010, 5 mill kr i 2011 og 5 mill kr i 2012. NÆRING Styrking av næringsavdelinga med 1 stilling, finansiert gjennom konsesjonsavgift (post 1.320) Målsetjing for næringsavdelinga skal inkludere å leggje til rette og hjelpe næringslivet med kurs innan rekneskap, leiing, styrearbeid og liknande. Oppretthalde kr 100.000.- til sankelaga til dekking av utgifter i samband med rovviltarbeid. KULTUR Funksjon 380 Idrett. Kommunestyret ber rådmannen kome attende med ei sak som klårgjer storleiken på det årlege driftstilskotet til Sogn skisenter. I denne saka må ein vurdere skisenteret sine ønskje om nye tiltak og i tillegg leggje inn som føresetnad at skisenteret sine lån i kommunen vert på ordinære vilkår. Driftstilskot til Sogn skisenter vert auka med kr 500.000 årleg. Opprette halv stilling som skal fungere som sekretær/administrasjon for idrettslaga i kommunen. Funksjon 385 Andre kulturaktivitetar Tiltaket tursti rundt Hafslovatnet innarbeidast i kommunal plan for idrett og friluftsliv og prioriterast innanfor ramma på funskjon 385. Tiltaket fordelast av Plan- og forvaltningsstyret etter reglement frå kommunstyret og funksjon aukast med 40.000 kroner årleg i tre år Fortun bygdelag kr 250.000 til delfinansiering (30%) av reperasjon av tak på grendahuset i Fortun. Framlegg frå V v/steinar Bruheim: (Tilleggsframlegg frå Venstre i høve til framlegget frå SP, H og V) a) Prosjekt 0.222261 Bade-og symjeanlegg Gaupne: Kommunestyret konstaterer at vedteke badeanlegg er ei for økonomisk stor utfordring å gjennomføra og vedtek å stoppa vidare planlegging av dette og i staden starte prosjektering av eit symjebasseng med lengde 25 m ved Ungdomsskulen. Redusert investering omlag 42 milionar og stipulert redusert låneopptak: 2009: 2,3 mill kr. 2010: 7,0 mill. Kr. 2011: 11 mill kr. 2012: 7 mill kr.
(tilsaman stipulert redusert låneopptak på 27,3 mill. Kr.) b) Bustadtilskot (1.315605). Ingen reduksjon (800.000 kr som idag) Tilskot til nye heilårsbustader vert uendra på 100.000 kroner. c) Aktivitetstilskot (1.231101) vert ikkje å redusera. (opprettheld sum: kr. 610.00) d) Auke husleige Biblioteket 100.000 kr. Budsjettendringar 2009 drift dekkast av disposisjonsfondet og justeringar i låneopptak/ låneutgifter resten av perioden. Framlegg frå Krf., Sv og Ap v/anders Bolstad: Rådmann får i oppdrag å utgreia behovet for eit næringsbygg i Gaupne. Arbeida for å etablera eit næringsforum i Luster kommune. Framlegg frå Krf., Sv og Ap v/ivar Buskaker: Administrasjonen får i oppdrag å kartleggja det framtidige rombehovet for Hafslo barne- og ungdomsskule, og om nødvendig presentera forslag til framtidige løysingar. Framlegg frå Ivar Buskaker: I planleggingsprogrammet skal følgjande setning strykast under Reguleringsplan Beheim 2: Oppstart avhengig av utvikling knytt til bustadfeltet Botn. Framlegg frå Olaug Høyheim: Driftsbudsjettet: 1.1 o) og p) skal strykast. Plan- og forvaltningsstyret fordeler kulturmidlane. Desse må søkjast på, på ordinært vis. Røysting: Det vart fyrst røysta over framlegga som ikkje låg inne i blokkframlegget til AP, SV, Krf eller SP, H og V
1 Buskaker sitt framlegg om planleggingsprogrammet: Framlegget vart samrøystes vedteke. 2 Olaug Høyheim sitt framlegg om å stryke punkt o) og p). Framlegget fekk 15 røyster og vart vedteke. 3 Venstre sitt tilleggsframlegg i høve til borgarleg blokk: Framlegget fekk 3 røyster og vart ikkje vedteke. Deretter vart det røysta over blokkframlegget til Sp, H og V: Framlegget fekk 11 røyster og vart ikkje vedteke. Framlegga frå Ap, Sv og Krf v/anders Bolstad og Ivar Buskaker fekk 15 røyster og vart vedteke: Ordførar opna deretter for at punkt i mindretalsframlegg kunne fremjast på nytt, samstundes som det vart vist til inndekning: Ivar Kvalen fremja følgjande framlegg: Bustadtilskot (1.315605). Ingen reduksjon (800.000 kr som idag) Tilskot til nye heilårsbustader vert uendra på 100.000 kroner. Gjeld 2009. Inndekning frå Disposisjonsfonde. Framlegget fekk 18 røyster og vart vedteke. Ivar Kvalen fremja følgjande framlegg: Fortun bygdelag får kr 250.000 til delfinansiering (30%) av reperasjon av tak på grendahuset i Fortun. Inndekning frå Heimfallsfondet. Framlegget fekk 14 røyster og vart ikkje vedteke. Ivar Kvalen fremja følgjande framlegg: Oppretthalde kr 100.000.- til sankelaga til dekking av utgifter i samband med rovviltarbeid. Inndekning via disposisjonsfondet i 2009. Framlegget fekk 18 røyster og vart vedteke. Framlegg frå Terje Bakke Nævdal: Styringsmål nasjonale prøver. Måltala må svare til landsgjennomsnittet eller til oppnådde tal der vi ligg over landsgjennomsnittet. Framlegget fekk 14 røyster og vart ikkje vedteke. Framlegg frå Terje Bakke Nævdal: Målsetjing for næringsavdelinga skal inkludere å leggje til rette og hjelpe næringslivet med kurs innan rekneskap, leiing, styrearbeid og liknande. Framlegget vart samrøystes vedteke.
Det vart deretter røysta samla over formannskapet sitt framlegg til budsjettet, økonomiplan og planleggingsprogram med vedtekne endringsframlegg i møtet. Framlegget vart samrøystes vedteke. Vedtak: 1.0 Driftsbudsjettet for 2009 1.1 Kommunestyret vedtek rådmannen sitt framlegg til driftsbudsjett for 2009 av 23.10.08 med slike endringar og presiseringar: a) Eigedomsskatten for 2009 vert redusert med kr 730.000,-. b) Tilskotet til kyrkeleg fellesråd vert auka med kr 60.000,-. c) Vedlikehald Dale skule vert auka med kr 121.000,- d) Ordføraren får i oppdrag å arbeida for å etablera ei pendlarrute Gaupne-Leikanger. e) Sikre gjennomgåande HMT-system og aktivt arbeide med reduksjon av sjukefråvær. f) Sikre likeverdige og koordinerte tenestetilbod i kommunen. g) Administrasjonen må gjennomgå budsjettet for tenesteområda barnehage og grunnskule for å sikre likeverdige tilbod. h) Kartlegge behovet for auka opningstider i barnehagane (7 17). i) Endre tekst for pleie og omsorg (overordna mål) punkt 4 og 5; Bebuarane og pasientane vert bytta ut med brukarane. j) Styringsmål tekniske tenester: Mål for kartforretning vert sett til 60 dagar. Enkle byggesaker skal løysast over disk. Mål for byggesaker vert sett til 20 dagar. k) Rådmannen får i oppdrag å greia ut og søka samarbeid med Leikanger og Sogndal innan Teknisk sektor. Samarbeidet skal utgreiast både innan oppmåling, byggesakshandsaming og teknisk drift generelt. Investering i større maskiner skal også utgreiast. Saka skal leggjast fram for kommunestyret i god tid før neste budsjetthandsaming hausten 2009. l) Prioritere utgreiing/planarbeid for å sikra nødvendig tilleggsareal ved Hafslo barneog ungdomsskule og Hafslo barnehage i 2009. Rådmannen kjem tilbake til kommunestyret med eiga sak så snart som råd. m) Det skal utgreiast permanent toalettanlegg og parkeringsplass på Krossen. Rådmannen kjem tilbake med eiga sak til Kommunestyret. n) Kommunestyret ber rådmannen kome attende med ei sak som klårgjer storleiken på det årlege driftstilskotet til Sogn skisenter. I denne saka må ein vurdere skisenteret sine ønskje om nye tiltak og i tillegg leggje inn som føresetnad at skisenteret sine lån i kommunen vert på ordinære vilkår.
o) Nivået på kapitalutgiftene (renter og avdrag) vert auka med kr 137.500,-. p) Rådmannen får i oppdrag å utgreie behovet for eit næringsbygg i Gaupne. q) Det skal arbeidast for å etablere eit næringsforum i Luster kommune. r) Administrasjonen får i oppdrag å kartleggje det framtidige rombehovet for Hafslo barne- og ungdomsskule, og om nødvendig presentera forslag til framtidige løysingar. s) Kr 100.000 til sankelaga vert oppretthalde i 2009 til dekking av utgifter i samband med rovviltarbeid. t) Målsetjinga for næringsavdelinga skal inkludere å leggje til rette og hjelpe næringslivet med kurs innan rekneskap, leiing, styrearbeid og liknande. 1.2 Endringane i pkt 1.1 over vert finansierte ved at det vert gjort slike tilpassingar: a) Tilleggs- og nye løyvingar vert redusert med kr 290.000. b) Investeringstilskot til private vassverk (1.345601) vert teke vekk. Reduksjon kr 46.500. c) Investeringstilskot til private vegar (1.333601) vert teke vekk. Reduksjon kr 30.000. d) Aktivitetstilskot (1.231101, kultur) vert redusert med kr 60 000 til kr 550.000. e) Tilskot til kulturaktivitetar (1.380101) vert redusert med kr 80 000 til kr 500.000. f) Tilskot til rusførebyggande tiltak (1.385104) vert redusert med kr 50.000 til kr 50.000. g) Tilskot til folkehelsearbeidet (1.233303) vert redusert med kr 33.500 til kr 309.500. h) Tilskot til kulturarrangement med næringspotensiale (1.325103) vert redusert med kr 50.000 til kr 100.000. i) Husleigeinntekter yrkesskulen vert auka med kr. 121.000. j) Gjennomføre sal av Einarskogen. k) Husleigeutgifter bibliotek vert redusert med kr 100.000,- (årleg). Behalde biblioteket i Gaupne på dagens nivå. l) Foreldrebetaling kulturskulen vert auka med kr 37.500,- (2009). Auke eigenbetalinga i kulturskulen med kr 75.000 på årsbasis gjeldande frå 1.8.2009. m) Vurdere avtalen med Sogn Folkemuseum. n) Frå disposisjonsfondet vert drifta tilført kr 250.000 i 2009. 2.0 Investeringsbudsjettet for 2009/økonomiplan 2009-2012 2.1 Kommunestyret vedtek rådmannen sitt framlegg til investeringsbudsjett for 2009/ økonomiplan 2009-12 av 23.10.08 med slike endringar og presiseringar: a) Endringane i punkt 1.1 a-c og punkt 1.2 a-j og l-m vert vidareførte for åra 2010-12. b) Prosjekt 0.221271 Ny avdeling Hafslo barnehage. Det vert sett av 3,5 mill i 2011 til ny avdeling ved Hafslo barnehage. c) Prosjekt 0.222252 Gaupne skule. Det blir sett av 1 mill kr i 2009 og 2,5 mill kr i 2010 til tilbygg på 144 m2 til SFO og skule slik som skisseprosjektet tilrår.
d) Prosjekt 0.241370/0.241372 Helsesenteret ventilasjonsanlegg/ambulansestasjon Gaupne. Samordne ambulansestasjon (2009) og ventilasjonsanlegg helsesenteret (2010-11) dersom løysing for ambulansestasjon gjev grunnlag for det. e) Prosjekt 0.190601 Bilar/maskiner - Teknisk drift. Kutte kjøp av bilar med 0,3 mill kr i 2010 og 2012. f) Prosjekt 0.202200 Fellespost byggutvikling. Løyving i 2009 redusert med kr 500.000,- (tiltak ved Hafslo barnehage). g) Prosjekt 315605 Stimulering bustadbygging. Prosjektet går ut. Løyving 2009 vert sett til kr 100.000,- (utkvittering). h) Prosjekt 315800 Bustadfelt infrastruktur. Det skal i 2009 setjast i gang grunnundersøkingar på Beheim og Haugane/Tandle. i) Prosjekt 0.315810 Rassikring Sandvik Sør. Prosjektet vert utsett til etter 2012. j) Prosjekt 0.334601 Trafikktryggleik. Det skal straks setjast i gang arbeid med gangveg Sandvik sør til avkøyrsla frå Rv 55. Rådmannen kjem tilbake til kommunestyret med dette som eiga sak. k) Prosjekt 0.335570 Sentrumsopprusting Gaupne. Det skal i 2009 setjast i verk stadanalyse for Gaupne. Det skal spesielt sjåast på trafikale forhold frå gamle Røneidsbru, Øyagata, og inn til Rv 55, område frå E-verksbygget langs Engjsdalselvi til sjøen med tanke på bustadbygging og handel samt generell sentrumsopprusting. Vidare skal plass til småbåthamn vurderast. Andre ting som rådmannen finn nødvendig å ta inn kan han ta med. Det vert sett av 2,5 mill kr i 2010 og 2,5 mill kr i 2011. Midlane i 2010 går til gangveg frå Sandvik sør. Midlar utover dette kjem ein attende til når stadanalyse ligg føre. o) Bustadtilskot (1.315605) vert redusert med kr 150.000 til kr 650.000 frå og med 2010 (økonomiplanen sin driftsdel). Tilskotsutbetaling vil skje når det er budsjetterte midlar i ordninga. Tilskot til nye heilårsbustader utafor kommunalt opparbeidde felt vert endra frå kr 100.000 til kr 75.000. Dette inneber ei justering av vedtak i k-sak 106/07, pkt II.1. Regelverket av 1.06.06 skal likevel gjelde for reguleringa av gamle skuletomta i Gaupne, jf vedtak i FUP-sak 30/07. Endringane i pkt 2.1 gjev følgjande endringar i investeringsbudsjettet/økonomiplan (mill kr): Tiltak Sum 2009 2010 2011 2012 Hafslo barnehage 3,50 3,50 Gaupne skule 3,50 1,00 2,50 Byggutvikling -0,50-0,50 Stimulering bustad -2,15-0,15-1,00-1,00 S.opprusting Gaupne 5,00 2,50 2,50 Bilar teknisk drift -0,60 0,30-0,30 Rassikring Sandvik -0,40-0,40 Sum endring 8,35-0,05 4,30 5,00-0,30 Auka investeringar vert finansiert ved tilsvarande auke i låneopptak. 3. Planleggingsprogram for 2009-12
3.1 Kommunestyret vedtek rådmannen sitt framlegg til planleggingsprogram for 2009-12 av 23.10.08 med slike endringar og presiseringar: a) Nytt tiltak under generelle planar - Kultur og natur" Forvaltningsplan for Solvorn. b) Følgjande setning under Reguleringsplan Beheim 2 skal strykast: Oppstart avhengig av utvikling knytt til bustadfelt Botn. 4. Godtgjersle ordførar 2009 4.1 Kommunestyret vedtek at godtgjersla til ordføraren vert auka med 5% frå 2008-09. Den faste reisegodtgjersla vert auka tilsvarande auken i km-satsen i 2008. 5. Skattlegging 2009 5.1 Kommunestyret vedtek slik skattlegging for 2009: a) Skatt på formue og inntekt vert utskrive etter høgaste gjeldande satsar. b) Eigedomsskatten, jf lova av 6.06.75, vert utskriven med kr 7,- for kvar 1.000 kr i takstverdi. Skatten vert utskriven på verk og bruk. 6. Bruk av fond 2009 6.1 Kommunestyret vedtek slik bruk av fond i 2009: a) 9,0 mill kr av konsesjonsavgiftene vert brukt til driftstiltak og avdrag på lån. b) Renter og avkasting på kommunen sine omløpsmidlar (inklusive fond) vert å sjå samla. Avkastinga avsett til fond vert sett til 2,5 mill kr. Ev bokførde verdireduksjonar på aksjefond fører til korrigert budsjettert avsetjing. c) Det vert nytta kr 70.000,- av pensjonsfondet til velferdstiltak. d) Det vert nytta 12,0 mill kr av næringsfondet og heimfallsfondet til investeringar. 7. Opptak av lån 2009 7.1 Kommunestyret vedtek å ta opp nye lån slik: a) Det vert teke opp lån til ordinære investeringar på 30,80 mill kr. b) Det vert teke opp eit avdragsfritt lån på 115 mill kr til forskottering av rassikring av Rv 55 Gullringen. Jf avtale med Statens vegvesen av 10.12.07 og brev frå same etat av 11.11.08. Lånet vil bli fordelt på åra 2008-10 som i nemnde avtale, men bli justert opp med 17 mill kr i 2009 - jf nemnde brev. Lånerentene vil bli finansierte
ved uttak frå heimfallsfondet og ved tilskotsmidlar frå Luster Energiverk og Sogn og Fjordane fylkeskommune. 8. Konsesjonskrafta 8.1 Konsesjonskrafta til eige bruk og til Sognekraft (gjenkjøp) vert seld som i 2008. 8.2 Næringslivskundar får tilbod om kjøp av kraft til 28 øre pr kwh + påslag + mva gjennom eittårskontraktar for 2009. Kundar med tariff T4 1 får tilsvarande tilbod. 8.3 Resterande kraft vert førebels seld i spot. Formannskapet får fullmakt til å avgjere om denne krafta heilt eller delvis skal sikrast gjennom fastprisavtalar. 9. Fullmakter elles 9.1 Kommunestyret gjev formannskapet fullmakt til å disponere tilleggsløyvingar og nye løyvingar. Rådmannen får likevel fullmakt til å fordele tilleggsløyving løn. 9.2 Kommunestyret gjev formannskapet og rådmannen fullmakt til å gjennomføre investeringane innanfor dei rammer/presiseringar som ligg i budsjettet. 9.3 I tillegg får rådmannen følgjande meir spesifiserte fullmakter: a) Fullmakt til å inngå avtalar om grunnkjøp innafor dei kostnadsrammer og presiseringar som ligg i budsjettet. b) Fullmakt til å inngå avtale om Innløysing eigedom Hafslo, jf eigen budsjettomtale. c) Fullmakt til å vidareføre inngått avtale om ferjedrift med inntil 2 år. 9.4 Kommunestyret gjev kyrkjeleg fellesråd fullmakt til å disponere løyvinga på kr 150.000,- til investeringar kyrkja. 10. Rapportering 2009 10.1 Rådmannen rapporterer til kommunestyret slik: a) Årsmelding og årsrekneskap i samsvar med kommunelova sine reglar. b) Rapportar pr 1. og 2. tertial med tilråding om naudsynte budsjettendringar.
. c) Separate byggje- og anleggsrekneskapar for definerte investeringsprosjekt (kontoklasse 0) med eit samla kostnadsoverslag på minimum 2,5 mill kr.