Arkivref: 2010/1054-11715/2010 Saksh.: Hege Etterlid Saksframlegg Saksnr Utval Møtedato Formannskapet Kommunestyret BUDSJETTREVISJON 2. TERTIAL 2010 Framlegg til innstilling: 1. Kommunestyret vedtek revidert budsjett 31.12 slik det går fram av saksutgreiinga. 2. Kommunestyret stadfestar at meirforbruk reinhald ved Stord ungdomskule skal sparast inn gjennom redusert arealbruk/drift frå einingane, jf Kommunestyresak 42/10, og ber Stord kommunale eigedom KF i samarbeid med rådmannen gjennomføra nedtrekket. 3. Kostnader ved gjenopning av Sagvåg og Litlabø barnehage si avdeling på Litlabø med kr 25 000 skal finansierast innanfor barnehagen sine budsjettrammer. Kommunestyret viser til saksutgreiinga og ønskjer ikkje å setje i verk tiltak for å oppgradera avdelinga til å ta imot barn under 2 år. 4. Kommunestyret vedtek å redusere årets avdrag frå 27 mill kr til 24 mill kr.
Rådmannen, 29.09.2010 Vedlegg Endring av aldersgrensa til Litlabø barnehage Aldersgrense på Litlabø barnehage Andre relevante dokument: KST 77/09 ( 03.12.09) Årsbudsjett 2010, økonomiplan 2010-2013 KST 25/10 (20.05.2010) Revidering av budsjett 2010 KST 42/10 (17.06.2010) Budsjettrevisjon med rekneskapsrapport 1. tertial 2010 Bakgrunn / faktiske opplysningar Ifølgje Økonomireglement for Stord kommune, vedteke i kommunestyret 16. September 2010, sak 59/10 skal formannskapet og kommunestyret i tillegg til årsmelding og rekneskap handsama følgjande rekneskapsrapportar: - Tertialrapport per 30.4 - Tertialrapport per 31.8 Tertialrapportane skal vurdera verksemda i høve til budsjettrammer og premissar og skal som hovudregel innehalda opplysningar om (i tabellform): - Økonomisk resultat, korleis forbruket har utvikla seg i høve til vedteke budsjett - Prognose, korleis sluttresultatet er venta bli i høve til vedteke budsjett - Tenesteyting, korleis tenesteytinga har utvikla seg i budsjettåret i høve til vedtekne mål - Avviksanalyse, kva som er årsaka til innrapporterte avvik Rådmannen skal dersom det er avvik vurdera og gjera framlegg om naudsynte tiltak. Vurdering Budsjettet pr august er periodisert slik at det i størst mogeleg grad skal kunne samanliknast med dei inntektene og utgiftene me forventar i driftsrekneskapen i perioden januar til og med august. Avviket som er omtala er forskjellen på periodisert budsjettert inntekt/utgift pr august, samanlikna med rekneskapen pr august. Til grunn for vurdering av revidert budsjett 31.12 ligg i tilegg andre kjente forhold, som utvikling i september månad. Rådmannen si analyse av hovudområda byggjer på einingsleiarane sin interne rapportering frå sitt ansvarsområde i tillegg til ei totalvurdering av dei økonomiske tilhøva til dei enkelte områda. 2 av 8
Netto ramme Gjeldande budsj. 31.8 Rekn. 31.8 Avvik 31.08 Gjeldande budsj. 31.12 Prognose avvik Rev. Budsj. 31.12 Skatt -268 190-257 729-10 461-412 600 4 100-408 500 Ramme -106 400-110 636 4 236-152 000-1 000-153 000 Generelle/andre inntekter -73 163-78 620 5 457-109 350-109 350 Sum inntekter -447 753-446 985-768 -673 950 3 100-670 850 Løyving kyrkja 4 875 4 920-45 6 500 6 500 Administrative tenester 29 236 27 987 1 249 21 229 55 21 284 Mva kompensasjon -21 141-17 867-3 274-31 712-31 712 Sum Formannskap 12 970 15 040-2 070-3 983 55-3 928 Grunnskule 155 791 155 777 14 241 344 500 241 844 Barnehage 59 393 65 862-6 469 94 029 94 029 Barnevern 12 785 15 924-3 139 20 228 1 500 21 728 Sosial/førebyggjande 9 968 10 478-510 15 926 15 926 Kulturskulen 3 094 3 381-287 4 952 4 952 Sum OOU 241 031 251 422-10 391 376 479 2 000 378 479 Legeteneste 7 879 7 836 43 11 001 11 001 Stord sjukeheim 38 298 38 115 183 58 939 58 939 Knutsaåsen omsorgsenter 34 448 33 209 1 239 37 650 37 650 Aktivitet/rehabilitering 12 399 11 864 535 21 268 21 268 Heimebaserte tenester 22 036 21 137 899 21 846 21 846 Habilitering 47 744 48 947-1 203 66 504 800 67 304 Sosial og førebyggjande. 4 891 3 176 1 715 8 743 8 743 NAV kommune 17 454 17 588-134 26 174 26 174 Kundetorg drift 4 090 3 806 284 7 017 7 017 Kundetorg fordeling 1 497 3 389-1 892 32 898 3 000 35 898 Sum RHO 190 736 189 067 1 669 292 040 3 800 295 840 Kultur 15 219 14 580 639 21 814 21 814 RBO 377 1 058-681 806 806 Veg, park, grønt 9 283 10 012-729 12 280 12 280 Brann/feiing 5 862 6 190-328 8 184 1 000 9 184 Næring/landbruk 3 145 5 237-2 092 4 602 117 4 719 SUM NMK 33 886 37 077-3 191 47 686 1 117 48 803 Sum driftsutgifter 478 623 492 606-13 983 712 222 6 972 719 194 Finans 27 062 36 437-9 375 42 000-3 000 39 000 Kalkulatorisk rente og avdrag SVA -25 182-25 182 - -25 182-25 182 Eigaruttak Ske KF -45 232-45 232 - -67 849 620-67 229 Underskot som skal dekkast inn - 12 759-7 692 5 067 Meir/mindreforbruk -12 482 11 644-24 126 - - - Eigaruttak Ske KF tilsvarar kapitalkostnader og ev differanse mellom nivået på fdv-kostnader i leigeavtalane og fdv-kostnader løyvde i budsjettet. Internhusleige, beståande av kalkulatoriske renter (5%), avskrivingar og budsjetterte fdv-kostnader frå føretaket er fordelt på einingane. 3 av 8
Frie inntekter, finans, pensjon Prognose per 31.12: 4,1 mill skattesvikt. Prognosen er usikker. Veksten til no i år er svak, men me ventar noko betre skatteinngang i haust. Veksten i landsskatteinngangen for dei fyrste åtte månadane er på 3,7% noko som er lågare vekst enn prognosen på 6,4 prosent for. Rådmannen legg til grunn at regjeringa sitt anslag for skattevekst vil halde for 2010. Totalt avvik på skatt og ramme vert då 3,1 mill. Det er eit negativt avvik på momskompensasjon på 3,2 mill. Av dette er kr 950 000 investeringsmoms, i hovudsak som følgje av utsetjing av prosjekt bustadbygging (utleigebustader). Ske KF har og bokført kr 1,0 mill. i momskompensasjon som skal flyttast over til kommunen, som reduserer avviket tilsvarande (dette føl terminane for mva-oppgjer). Erfaringsvis er det likevel best inngang av momskompensasjon 2. halvår. Me legg difor til grunn at prognosen for året held. Når det gjeld finansinntekter har me eit årsbudsjett på kr 12 mill (renteavkastning 5,5 og verdiregulering/aksjeavkastning 6,5). Pr 31.08 ligg me etter dette målet. Kraftsalsfondet inkl. verdiregulering hadde inntekter på 1,3 mill kr pr utgangen av august. Hittil i september har utviklinga i finansmarknaden vore god og kommunen har henta inn ein del av etterslepet i inntektene. Prognosen for året er usikker, men rådmannen vel å halda på prognosen frå vårens budsjettrevisjon. Stord kommune er sjølvassurandør på AFP. Tal personar som vel AFP har auka dei siste åra og det er grunn til å tru at auken vil halde fram. 3. kvartal er utgiftene til AFP i fellesordninga kr 732 000 og sjukepleiarordninga kr 40 000, dette tilsvarer ein årskostnad på ca 3 mill. Premien i fellesordninga ville vore ca 2,6 mill utan sjølvassuranse og rådmannen vil i haust melda overgang til utjamningsmodellen. Strategisk leiing, stab og støtte, politisk Drifta innanfor desse områda går i utgangspunktet i balanse. Løn attføring er likevel overskride med kr 200 000 og kontingentar (KS, FOU,OU, Kopinor, Tono) med kr 300 000. Rådmannen vel å styrke budsjettet innanfor dei administrative tenestene med kr 500 000 for å ta høgde for desse utgiftene. Tilsvarande er budsjettet styrka med kr 355 000 for å dekka inn følgjande: - I budsjettrevisjonen for første tertial, sak 42/10, ber kommunestyret om at det vert sett av tilstrekkeleg midlar til å ivareta kontrollutvalet sine planar, ifølgje oppgåver frå Kontrollutvalet kr 185 000 - Løn tillitsvalde syner ei overskriding på om lag kr 50 000 som følgje av at nye tillitsvalde har høgare løn - Utgifter i samband med saka om kommunal pensjonskasse, inkl. styrehonorar, kr 140 000 - Det er pårekna ca kr 100 000 i meirutgifter til ferdiggjering av arealdelen til kommunedelplanen, kommunedelplan for Huglo og strandsoneplanlegging IKT melder om eit mogeleg overforbruk på vedlikehaldsavtalar/programvare grunna endra lisensiering. Felles personalføremål/bedriftshelseteneste er overskriden med kr 80 000 m.a. som følgje av gjennomføring av pålagd kurs for verneombod og tiltak iverksett av Kvalitetskommuneprogrammet. Det er innsparing på andre postar slik at dette vert dekka innan budsjettert ramme. Leigeavtale Sunnhordland lufthamn: I samband med søknad frå lufthamna om styrking av eigenkapitalen (kst sak 52/09), låg det som ein premiss for saka at kommunen frå 2010 skulle ha leigeinntekter frå Sunnhordland lufthamn AS. Lufthamna skisserte ein leigesum på 1,5 mill kr som også vart lagt inn i budsjettet for 2010, som inntekt for SKE KF. Det har drege ut med å få inngått slike leigeavtale, men 28.09 vart det underteikna ein avtale med ei økonomisk ramme på kr 880 000, som tilsvarer ein inntektssvikt på kr 620 000 for KF et. Det er rådmann og ordførar som har ført drøftingane med lufthamna og fylkeskommunen. Rådmannen finn det rimeleg at tapet ikkje vert belasta KF et, og gjer framlegg om at eigaruttaket vert justert tilsvarande. Oppvekst og utdanning Grunnskulen Skulebudsjettet er i balanse pr 31.08.2010 til tross meirforbruk 1 mill på straum pr 2. tertial. Enkelte skular rapporterer om utsikter til meirforbruk ved årets slutt. Leirvik skule med 0,95 mill, Langeland skule 4 av 8
0,15 mill og Stord Ungdomskule melder om 0,4 mill svikt i inntekter på vaksenopplæring. Nordbygdo ungdomsskule melder eit negativt avvik ved årets slutt på om lag 0,23 mill.kr. Dette som følgje av stort straumforbruk, press på læremiddel grunna store elevkull og mykje spesialundervisning av eige budsjett. Kundetorget har no mindreforbruk på skulerelaterte budsjettpostar som vil gje ei sparing på 0,4 mill ved årets slutt. Dette anslaget er usikkert då nye elevar kan få vedtak som reduserer summen. Det vert gjort framlegg om å tilføra Leirvik skule 0,5 mill kr, dei øvrige avvika er føresette inndekka innanfor skulane sine respektive budsjettrammer. Forskrifta om gratis leksehjelp trådde i kraft frå skulestart 2010/2011 og ordninga vart finansiert ved ordføraren si sommarfullmakt. Tiltaket er finansiert over kundetorget si løyving til spesialundervisning. Det syner seg at deltaking på gratis leksehjelp varierer frå skule til skule frå 42% til over 86%, med eit gjennomsnitt for Stord-skulane på 57,4%. Mindre søknad til SFO frå skuleåret 2010/2011 gjev inntektssvikt på om lag kr 250 000. Ein føreset at ein kan tilpassa drifta slik at SFO kan vera i balanse ved årets slutt. Kommunestyret vedtok i sak 42/10 følgjande: Kommunestyret forutset at overforbruk reinhald Stord ungdomsskule skal sparast inn gjennom redusert arealbruk/drift frå einingane for attverande periode fram til årsskiftet. Dette vert å sjå som innsparing for areal i eigne og leigde bygg vedteke av kommunestyret 20.05.2010. Rådmannen har lagt til grunn at Ske KF skulle handtera denne innsparinga. 8.9 skriv likevel dagleg leiar i KF et m.a. ( ) Sidan det er Stord ungdomsskule som har pådratt seg disse meirkostnadene ( ) så har det vært vår vurdering at ei løysing på dette må finnast innanfor skulen sitt totalbudsjett ( ). Rådmannen peika i budsjettrevisjon for første tertial på at konsekvensane vert at reinhaldet vert tilpassa dei økonomiske rammene føretaket har fått. Ein meiner vidare at kommunestyret sitt vedtak klart er å forstå som at meirforbruket ved Stord ungdomsskule skal finansierst ved redusert arealbruk/drift på i utgangspunktet samtlege einingar. Rådmannen har forståing for at Ske KF vurderer dette som vanskeleg men legg til grunn at føretaket på desse premissane i samarbeid med basisorganisasjonen lagar eit opplegg for å henta inn att dette meirforbruket. Det vert følgjeleg ikkje gjort framlegg om å auke rammene for Stord kommunale eigedom KF for å kompensera dette. Kulturskule Dansegolv er på veg frå USA og skal vera på plass i Meieriet 4.10. Budsjett og rekneskap er i balanse og ein reknar og med at det skal vara ut året. Barnehagar Prognosen tilseier balanse på barnehagedrifta. Den ordinære drifta av kommunale barnehagar går omtrent i balanse, men einingsleiarane melder om press på opphaldsbetalinga. Dette på grunn av inntak av fleire små barn. Dette gjev færre barn i barnehagane og følgjeleg mindre inntekter enn budsjettert. 24.09. stod 168 barn på venteliste til barnehageplass som ikkje har fått 1. ynskje sitt oppfylt. Av desse har 52 plass. Det er behov for plass til 89 barn før nyttår 2011. Av desse er 76 barn under tre år og 13 over tre år. Arealressursen i eigne og i private barnehagar er vurdert, og barnehagane er oppmoda om å ta inn barn på ledig areal. Både eigne og private barnehagar vil likevel avventa til etter nyttår med å ta inn fleire. Dette fordi det er vanskeleg å få tak i kvalifisert personale på kort sikt. Det vert teke sikte på å gjenopna avdeling Litlabø frå 15.11.10. Det er takka ja til plass i avdeling Litlabø for 9 barn. Dette frigjer plassar i avdeling Nysæter, Tjødnalio og Sagvåg maritime barnehage. Det er trong for 267% stillingsressurs for å opna barnehagen. Kostnader ved gjenopning er stipulert til kr 154 000 i 1,5 månad minus inntekter på kr 129 887 (statstilskot i 2 md og foreldrebetaling i 1,5 md). Såleis vil det vera behov for om lag kr 25 000 til gjenopning frå 15. november 2010. Det vert gjort framlegg om at Sagvåg og Litlabø barnehage dekkar summen innanfor eige budsjett. 5 av 8
I samband med gjenopning av avdeling Litlabø, har det kome ynskje frå foreldre om å få tilrettelagt avdelinga for barn under to år (sjå trykt vedlegg). Rådmannen rår ikkje til at ein går vidare med denne saka. Dette fordi ein meiner bygg og uteareal ikkje er eigna for ei slik utviding. Ved oppstart av avd. Litlabø barnehage vert bemanninga dimensjonert til eit barnetal på 17 store og 2 små barn (full barnehage). Pr. no er det altså tildelt plass til 9 barn. Dette tilseier at kostnaden pr. barn i kommunale barnehagar vil auka. Den nye forskrifta for tildeling av kommunalt tilskot til private barnehagar er enno ikkje ferdig. Men med auka kommunal kostnad vil overføringa til private barnehagar også auka. Barnevern I følgje tal frå KOSTRA hadde Stord i 2009 om lag same kostnadsnivå som samanliknbare kommunar totalt. Ein låg likevel høgt når det gjeld utgifter til tiltak pr barn i familien. Ambisjonen i budsjettrevisjonen i juni 2010 var å ta inn eit meirforbruk på 2 mill. Dette har vist seg å vere ei utfordring, så langt har ein teke inn 0,5 mill på tiltak og 0,4 mill på drift. Overforbruket skuldast høge kostnader til tiltak i heimen. Det som gjer det vanskeleg å koma i mål, er at det berre i liten grad har vist seg mogeleg å avslutta eller gå inn med mindre/billigare tiltak på kort sikt. Barnevernet har i større grad nytta eigen tilsette med spesialkompetanse, framfor å kjøpa konsulenttenester. Ein har og sagt opp kostbare omsorgstiltak. Samstundes er det fleire nye alvorlege saker til behandling, og prognosen for året er eit overforbruk på ca 1,5 millionar, og rådmannen rår til at ein styrkjer budsjettet tilsvarande. Rehabilitering, helse og omsorg Omorganiseringa innan heimebaserte tenester vart sett i verk frå 01.09 og ein finn det difor føremålstenleg å rapportere ut frå dei nye einingane. I oversikta splittar ein likevel heimebaserte tenester og Knutsaåsen omsorgssenter for å gje eit betre bilete av status og sidan dette er ulike einingar. Stord sjukeheim er i balanse ved utgangen av august og ein har som mål at dette og vert resultatet ved utgangen av året, sjølv med nokre usikre faktorar som ferieavvikling og straum. Heimebaserte tenester Einingane har sterkt press for å nå budsjettmåla og ein styrer mot balanse ved utgangen av året. Knutsaåsen omsorgssenter har eit lite overskot pr dato, men rapporterer om at dei har ein del svært omsorgskrevjande pasientar, noko som kan føre til auka kostnader utover hausten. Eining for aktivitet og rehabilitering er i balanse. Sosial og førebyggande tenester vil mest sannsynleg gå med overskot ved utgangen av året. Dette har bl. anna samanheng med kva tid statstilskota kjem og kor mykje som må setjast av på øyremerka fond til neste år. NAV kommune har kr 1,7 mill i negativt avvik på økonomisk sosialhjelp ved utgangen av august, men mindreutgifter på flyktningetenesta og kvalifiseringsordninga kompenserer dette. Utviklinga må følgjast nøye utover hausten. Kundetorg drift er i balanse. Kundetorg fordeling pleie og omsorg har eit negativt avvik på om lag 1,9 mill per 31.08. Vedtak vert redusert så langt råd er ut frå ei fagleg vurdering. Utfordringa i sommar har vore mange nye pasientar og stor etterspurnad etter institusjonsplassar. Det er opna fleire plassar på rehabiliteringssenteret enn dei 8 som i utgangspunktet var planlagt. Det er per i dag 11 plassar i bruk. Med dagens driftsnivå er prognosen eit negativt avvik på om lag kr. 3,0 mill. Det kan verta naudsynt å opna fleire plassar på rehabiliteringssenteret, som ei straksløysing parallelt med at det vert arbeidd med alternative løysingar. Ei slik utviding kan auke avviket. Rådmannen rår til at eininga vert tilført kr. 3,0 mill. Eining for Habilitering er i balanse med eit lite overskot. I Sæbøhaugen avd. B har arbeidssituasjonen i lengre tid vore svært utfordrande. Ein set no i verk omfattande tiltak for å rekruttere og å halde på tilsette. Tiltaka har ein årskostnad på om lag 1,0 mill og 80% vert dekka av tilskotsordning ressurskrevjande tenester, 20% innan rammebudsjettet til eininga. 6 av 8
Næring, miljø og kultur Kultur og bibliotek reknar med å balansere. Kommunen har forplikta seg til å medverka med kr 20 000 i prosjektet Huglo liv og lyst i 2010. Denne utgifta er ikkje budsjettert, men vert dekka innanfor Kultur sine budsjettrammer. Regulering, byggesak og oppmåling har ikkje avvik å melda, men det er ein tendens til at saksmengda minkar, noko som kan gjere det vanskeleg å nå inntektsmåla for resten av året. Budsjettrevisjonen i mai viste eit meirforbruk på 1,15 mill hos veg, park og grønt. Det vart sett i verk fylgjande tiltak for å hent inn meirforbruket: ingen asfaltering 0,4 mill, ingen kantklypp 0,2 mill, vakant stilling 0,3 mill, sløkkja veglys i perioden 01.05-31.08. Status per 31.08 er at ein vil balansere, men det er kome mange negative reaksjonar på tiltaka. Avviket i rekneskapen skuldast ikkje fakturerte tenester. Brann/feiing: Prognosen viser eit negativ avvik på ca 1,0 mill, avhengig av tal utrykkingar. Rådmannen er i forhandlingar med hovudtillitsvalde om nedbemanning. Rådmannen føreslår å auke budsjettet med 1,0 mill. Det vert tilsvarande gjort framlegg om å auka budsjettrammene til Næring med kr 117 000 for å dekke ikkje budsjettert kostnad til medlemsskap i Business Region Bergen. Rapport vedkomande sjukefråvere Utviklinga på sjukefråværet i Stord kommune har vore jamt positiv dei siste åra frå 2007 med eit totalt fråvær på 8,5% til 2008 med 7,52% og 2009 på 7,06%. Utviklinga i 2010 er også positiv der første og andre kvartal ligg på høvesvis 7,64 og 6,63% mot tilsvarande 8,6 og 7,14 i 2009. I perioden frå hausten 2008 til 1. juli 2010 gjennomførte me i Stord Kvalitetskommuneprosjektet, der det vart satsa stort i eit trepartssamarbeid mellom tillitsvalde, administrasjon og politikarar. Det vart arbeidd med 5 delprosjekt innan Pleie og omsorgssektoren, der sjukefråværet tradisjonelt for heile landet er høgt. Målsetjinga i prosjektet var å redusera sjukefråværet med 5% frå 2008 til 2009, og dette målet vart nådd med god margin til om lag 10% reduksjon. Konklusjon Det er knytt mykje uvisse til prognosane, tendensen er klart negativ. Rapporten syner at ein per 31.08 berre ligg an til å få dekka inn 5,0 mill kr av det akkumulerte underskotet. Det må skje noko med skatteinngangen og finansavkastinga dersom me skal unngå ROBEK. Organisasjonen har fokus på å halde kostnadane nede, men såpass seint på året er det lite føremålstenleg å ta opp att innsparingstiltaka frå i vår. I og med trusselen om ROBEK vil rådmannen likevel rå til at kommunegjelda for resten av året vert betjent med minste lovlege avdrag. Dette vil utgjera ei innsparing på om lag 3 mill. Det er i utgangspunktet ikkje god økonomiforvaltning å forlenga avdragstida på låna. Renteutgiftene vil også auka noko. I den situasjonen kommunen er i vil rådmannen likevel gå inn for tiltaket. 7 av 8
Framlegg til innstilling: 1. Kommunestyret vedtek revidert budsjett 31.12 slik det går fram av saksutgreiinga. 2. Kommunestyret stadfestar at meirforbruk reinhald ved Stord ungdomsskule skal sparast inn gjennom redusert arealbruk/drift frå einingane, jf. Kommunestyresak 42/10, og ber Stord kommunale eigedom KF i samarbeid med rådmannen gjennomføra nedtrekket. 3. Kostnader ved gjenopning av Sagvåg og Litlabø barnehage si avdeling på Litlabø med kr 25 000 skal finansierast innanfor barnehagen sine budsjettrammer. Kommunestyret viser til saksutgreiinga og ønskjer ikkje å setje i verk tiltak for å oppgradera avdelinga til å ta imot barn under 2 år. 4. Kommunestyret vedtek å redusere årets avdrag frå 27 mill kr til 24 mill kr. 8 av 8