Hjartdal kommune Styre, råd, utval Møtedato Saknummer Sakshandsamar Formannskapet 26.05.2015 033/15 THK Kommunestyret 03.06.2015 048/15 THK Saksansvarleg: Torunn Hovde Kaasa Arkiv: K2-K11 Arkivnr.: 14/2049 STIG- OG LØYPEPLAN - OFFENTLEG HØYRING OG OFFENTLEG ETTERSYN Dokument i saka: Nr T Dok.dato Avsendar/Mottakar Tittel 30 I 19.01.2015 Prosjektgruppa FORELØPIG FORSLAG TIL PLANOMTALE KOMMUNEDELPLAN STUIGAR OG LØYPER HJARTDAL KOMMUNE 2015-1. HØYRING 31 I 19.01.2015 Prosjektgruppa KOMMENTAR TIL TILTAKSNUMMER I GRUNNLAGSKART 33 S 13.05.2015 STIG- OG LØYPEPLAN - OFFENTLEG HØYRING OG OFFENTLEG ETTERSYN Vedlagde dokument: Dokument nr. 31 og 33 Kart m/kommentarar Bestemmelsar Redigert planomtale Samandrag av innkomne høyringsuttaler Vurdering av traséar m/oversikt over grunneigarar Aktuelle lover, forskrifter, avtaler m.m.: Plan- og bygningslova. Lov om motorferdsle i utmark. Friluftslova. Merkehåndboka. Saksgang: Formannskapet tilrår. Kommunestyret vedtek. Bakgrunn for saka: Kommunestyret vedtok i møte 29.01.2015, i medhald av pbl 11-14, å legge forslag til kommunedelplan med planomtale og kart med nummererte tiltak, ut til 1. gongs høyring og offentleg ettersyn i perioden 16.02.-02.04.15. Høyringsdokumenta med forslag til planomtale
og kartgrunnlag med eksisterande og forslag til nye traséar har vore ute på 1. høyring. Det kom 47 uttaler til denne høyringa, i tillegg til uttalene til planprogram og dei som kom i samband med arealplanarbeidet. Rådmannen har vurdert innkomne uttaler som grunnlag for tilråding i saka. Kommunestyret tok ikkje stilling til innkomne uttaler om stigar og løyper da arealdelen i kommuneplanen blei behandla. Kommunestyret vedtok at dei skulle vurderast i samband med ein eigen stig- og løypeplan for Tuddal. I mellomtida kom saka om forsøksordning for snøskutertrasé for fritidskøyring opp. Kommunen søkte og fekk tilslutning til å delta i forsøksordninga. Noverande regjering avvikla forsøksordninga, og Stortinget har nettopp vedteke nye reglar for snøskuterkøyring til fritidsbruk. Kommunane har fått mynde til å avgjere dette. Eit absolutt krav for slike løyper er godkjenning frå berørte grunneigarar. Kravet er også at snøskutertraséar blir utarbeidd som arealplan, med tilhøyrande krav til konsekvensutgreiingar i høve overordna retningsliner og regelverk. Kommunestyret har bestemt at trasé for snøskuterløyper til fritidskøyring skal vurderast i stigog løypeplanen. I og med kravet til arealplan, blei området utvida til å gjelde heile Hjartdal og planen fekk status som kommunedelplan, etter plan- og bygningslova 11. Planen følger same retningsliner som for arealdelen i kommuneplan. Kommunedelplan blei også valt fordi det ville gje eit forutsigbart løypenett ved tildeling frå løypefondet, som kommunestyret har vedteke oppretta. Kart med tilhøyrande bestemmelsar gjeld bare for tilrettelegging av stig- og løypenettet, og vil gjelde skiløyper og merka sommarløyper i fjell og utmark. Vurdering: På bakgrunn av høyringsuttalene har rådmannen ikkje funne grunnlag for å innarbeide løyper for snøskuterkjøring. Kravet til at planen skal ha status som kommunedelplan fell da bort. Da står att å vurdere om ein kommunedelplan i større grad gjev forutsigbarhet for framføring av traséar og for tildeling av tilskot frå løypefondet til infrastrukturtiltak. Dersom kommunestyret veljer å la heile eller delar av planen vere ein temaplan, kan forutsigbarhet sikrast gjennom vedtektene i fondet, for eksempel krav til 10 års avtaler, slik det er vanleg ved søknader om tilskot frå offentlege mynde. Planen vil likevel vere retningsgjevande for kartfesting av stig- og løypenettet, og for kommunen si tilrettelegging i saker, som involverar stigar og løyper. Ein temaplan er ikkje juridisk bindande. Kommunen har etter høyringsfristen hatt samtaler med løypelaga og Hjartdal IL, møte med berørte grunneigarar tilhøyrande ansvarsområdet til Tuddal løypelag, grunneigarar som har gjeve uttale ang skiløyper i Hjartdal, og to grunneigarar i Sauland ang skiløyper i Slettefjell. Det har også vore møte i referansegruppa. Ein kommunedelplan sikrar både grunneigarar og løypelag forutsigbarhet når det gjeld traséar og avklaring om omfanget av oppkøyrde skiløyper. Det gjer også at kommunen får ei meir aktiv rolle, i og med at det må søkast om nye traséar.
Fleire grunneigarar i bygda Hjartdal har i sine uttaler gjort det klart at dei er godt nøgd med samarbeidet med løypekøyringa som Hjartdal IL står for. Ingen uttaler seg mot at dagens løyper blir køyrt opp. Langt dei fleste grunneigarane som har uttalt seg, ønskjer ikkje løypene inn i ein kommunedelplan, og varslar annan haldning dersom det skjer. På møtet med grunneigarar i Hjartdal møtte også løypeansvarlege frå Hjartdal IL. Dei er samde om at det ikkje er behov for ein kommunedelplan for Hjartdal. Frå Tuddal si side er det lite konkrete uttaler mot kommunedelplan. Uttalene er i større grad knytt til premisser for samarbeid med løypelag, spørsmål om omfang, opparbeidingsgrad og traséval. Fleire er kritiske til nye løypetraséar, mellom anna av omsyn til dyreliv og jaktinteresser, noko som gjev grunnlag for å vurdere om det er område som bør skjermast mot ytterlegare tiltak og kanalisering. Nokre av uttalene er også kritiske til sjølve prosessen med planarbeidet, og meiner nye traséar skulle vore avklart med grunneigarar før dei kom som forslag i kart. Det blei valt å gjere det slik, for å gje god tid til prosess og avklaring. I Sauland er det kome to uttaler til eksisterande skiløypenett. Løypelaget har muntlege avtaler med dei fleste grunneigarane, og be om meir tid til avklaring. Eksisterande løyper ligg inne i kartet. Uttalene ang. stig- og løypenett i samband med arealdelen i kommuneplanen, kom frå Tuddal. Behovet for ein plan, som sikrar forutsigbarhet for alle partar, er større i Tuddal enn i andre delar av kommunen. Det er naturleg pga store hytteområde og kryssande interesser. Behovet for tilrettelegging av stig- og løypenett er større i eit område med svært mange tilreisande. Samtidig er det eit større behov for å skjerme område frå tilrettelegging, for å ta vare på område der vilt og fugl får ro og jaktinteresser. Når det gjeld sommarstigar er det mest positive kommentarar på slik tilrettelegging. Fleire grunneigarar i Hjartdal seier det er positivt med tiltak i nærområda/bygda, som skaper trivsel, men bed samtidig om at planen blir lagt vekk. To grunneigarar påpeikar at ein kommunedelplan kan hindre uttak av skog og bruk av kulturbeite. (H4 og H5). Ut frå ei totalvurdering vil rådmannen tilrå at stig - og løypeplanen får status som temaplan, men at det blir utarbeidd ein kommunedelplan for løyper i Tuddal. For kommunen er planen viktig for å kunne kvalitetssikre at tilskot som blir gjeve, er basert på inngåtte avtaler med grunneigarar. Innkomne uttaler viser at det er grunneigarar i Sauland, som ikkje har blitt kontakta om trasé over sin eigedom. To grunneigarar i Tuddal har sagt opp avtala til ny løypeplan ligg føre, som klarlegg kor løyper skal gå og kva for standard dei vil ha. Rådmannen legg i det vidare arbeidet til grunn at eksisterande løypenett, som ligg inne i dei 4 løypekarta, har avtaler, der ikkje anna har kome fram. Kartet som følgjer denne planen vil gje ein heilskapleg oversikt over sommar- og vinterløyper i Hjartdal kommune. Det er mest hensiktsmessig at forslag til nye sommarløyper i innmark blir lagt inn som informasjon i kartet, uansett om kommunestyret veljer å oppretthalde kommuneplanstatus eller ikkje. Det har kome uttaler til teksten i planomtala og uttaler knytt til meir rettmessig fordeling av ulemper og goder, der grunneigarar som held friareal ikkje får noko att økonomisk. Det er eit
krav frå enkelte at fordeling må på plass, og at løypene i størst muleg grad må ligge på eigedommen til utbyggar. Noko av innhaldet i uttalene er ikkje relevant for denne stig- og løypeplan. Rådmannen viser til samandrag av uttalene. Ordet tvangsinngrep blir i to av uttalene oppfatta som trugsmål. Fylkesmannen påpeikar at plan- og bygningslova ikkje inneheld dette omgrepet, og det vil ikkje bli brukt i det vidare arbeidet. Frivillige avtaler blir lagt til grunn for løypenettet, der kommunestyret ikkje vedtek noko anna. Fleire av uttalene reiser spørsmålet om nokre område bør skjermast mot kanalisering og tilrettelegging. Omsynet til dyre- og fuglelivet, natur og miljø er argument for dette. I Hjartdal kommune er jakt ein høgt skatta fritidssyssel for mange, ikkje minst eigne innbyggarar. Det er viktig å avvege dei ulike interessene mot kvarandre. Det å ferdast trygt i fjell og utmark er viktig. Når det gjeld vinterløyper er det fleire som etterlyser krav til opparbeiding, breidde osv., og nokon meiner det er umuleg å inngå avtaler så lenge det ikkje er avklart. Det var først i høyringsrunden vi hadde høve til å sjekke ut om det var krav om høgare kvalitet. Det har ikkje kome uttaler som seier noko om behov for betra kvalitet eller forslag til kvalitetskriterier. Kommunen legg derfor dagens standard til grunn i det vidare arbeidet. Der det er aktuelt å endre breidde, opparbeidingsgrad etc, må løypelag og grunneigarar avtale dette i kvart enkelt tilfelle. Uttaler frå hytteforeningane viser at dei er positive til utviding av løypenettet, men ein hytteforening presiserar at ressursar til å halde det etablerte løypenettet opent er viktigare enn å legge nye traséar. Det er engasjement ang løyper gjennom hyttefelt og framføring av traséar. Hjartdal skal vere ein destinasjon for langrenn/bortoverski. Her blir det påpeika frå Flugonfjell hytteforening at kommunen har alle naturgjevne føresetnader, men løypekøyringa er for uforutsigbar og har for låg frekvens. Dei bed kommunen nytte friluftslovens 35. Påpeikar at det ikkje er rett at planen i seg sjølv er rettsleg grunnlag og viser til planomtala. Rådmannen vil justere planomtala og presisere dette punktet. Hytteforeningen har vore i kontakt med fleire grunneigarar som er negative til løypekøyring, men har erfart at konstruktiv dialog fører fram, og at det for enkelte handlar om å bli høyrt på skikkeleg måte. Dei bed om at kommunen sikrar alle relevant og rett info og at alle får si si meining. Fleire uttaler frå Tuddal peikar på at det burde vore dialog og samarbeid før nye løyper blei lagt i kart. Nye forslag blei lagt inn i kartet for å få debatt og tid til å vurdere desse saman med løypelag/ansvarlege lag og grunneigarar. Det er Tuddal løypelag som har kome med forslag til muleg nye løypetraséar, og rådmannen meiner det er viktig at det blir ein open prosess som involverar. Det har også vore viktig for rådmannen at alle partsinteresser kjem fram og blir avvegd mot kvarandre. Endeleg behandling i kommunestyret vil avklare kva for traséar som blir teikna inn i kart, og kva for status dei skal ha. Faun naturforvaltning har utgreidd konsekvensar for nye traséar B4, H16, T20, T21 og T22. Dei har gått gjennom tidlegare registreringar og vurdert verknader for naturmangfaldet ved utviding av løypenettet. Notatet ligg ved saka.
Forslag om å forlenge trasé B4 vil føre til at løypa går inn i Brattefjell-Vindeggen landskapsvernområde, med vinterbeite for villrein. Området er rekna for ein god hekkebiotop for lirype/fjellrype, og det er registrert hekkeplass for kongeørn/fjellvåk i Ramsnuten. Områdestyret for Brattefjell-Vindeggen må behandle denne før den evt. blir etablert og lagt inn i endeleg kart. B10 er eit forslag som må til verneområdestyret for Brattefjell/Vindeggen før avklaring, sjølv om planen får status som temaplan. Derfor er den ikkje konsekvensvurdert her. Forslag til utviding av skiløypenettet i Tuddal (T20, T21, T22). Faun viser til Sjåvatnområdet er varig verna mot kraftutbygging gjennom verneplan V for vassdrag (2008). I St.t. prp. 75 (2003-2004) står det at det er reletivt store urørte myrareal, som gjev grunnlag for fleire våmarksfuglar, spurvebestanden er tett, og det er eit særleg viktig området for lokale bestandar av orrfugl og rype. Vidare viser dei til tidlegare utgreiingar i Tuddal (Kiland 2012 og 2011). Området er midlertidig underlagt restriksjonar i påvente av avklaring av Sjåvatnet som muleg drikkevasskjelde. H 16 rundt Breivatn er det i viltkartlegging (Flaa 2004) blant anna registrert spelplass for storfugl i Rognlia og Listul. Dette er usikre opplysningar. Det er ca 60 grunneigarar i området rundt Breivatn. Fylkesmannen påpeikar at eventuelle tiltak i strandsona må konsekvensutgreiast. Skagerak energi bed om at løypa bli lagt på land pga usikker is. Ei uttale gjer klart at dei ikkje vil tillate sykkel-/skiløype over sitt område (25/2). Andre uttaler seg positivt om nye løyper. Fleire grunneigarar vil ikkje godkjenne skiløyper dersom dei blir lagt inn i ein kommunedelplan, og peikar på at dei vil tillate skiløyper, som blir køyrt opp i dag. Det har kome mange uttaler knytt til hyttefelt og løypenett gjennom regulerte hyttefelt i Tuddal (T24 og T25). I kontakt med hytteforeningar og Tuddal løypelag oppmodar rådmannen til at det blir arbeidd vidare med gode løysingar i dette området. Det har kome m.a. kome innspel til alternative traséar og forslag om å bruke kloakktraséen i området som skiløype. Løypelag, grunneigarar og hytteforening må vurdere forslaga nærare før det blir teke stilling til traséval det er usemje om i dette området. Konsekvensar ved kryssing av fylkesveg blir vurdert etter 2. høyringsrunde når/om ny trasé blir bestemt. Alle nye innkomne forslag til traséar blir oversendt berørte grunneigarar og lag, for GPS merking og dokumentasjon av avtaler mellom lag og grunneigar. Leggast ikkje inn i kart nå. Innteikna skiløype over Reisjåvatnet blir bare sporadisk køyrt og blir teke ut. Har også feil tiltaksnummer. T15 ved Sjåvatnet har feil tiltaksnummer, dette er endra til T17 eksisterande løypenett. T16 er heile traséen til Gaustaløypa, nemning vil bli presisert i kartet. Planomtala blir justert i tråd med konklusjonane i saksutgreiinga. Rådmannen har vurdert dei innkomne uttalene og dei ulike traséane (eigne ark for kvar trase). På bakgrunn av høyringsuttalene har rådmannen innarbeidd følgande endringar i kartet: H22 - Trasé for sykkel- og snøskutertrasé langs Prestevegen blir teke ut av kartet. Prestevegen får symbol sommarstig merka. B4 og B10 oppretthaldast og blir oversendt verneområdestyret for Brattefjell/Vindeggen for nærare vurdering. H16 - Sykkel-/skiløype rundt Breivatn blir teke ut. Eksisterande traséar oppretthaldast.
T20 og T22 - blir teke ut. T21 - oppretthaldast. RÅDMANNEN TILRÅR: 1. Stig- og løypeplanen får status som temaplan. 2. Kommunestyret legg stig- og løypeplanen ut på høyring i perioden 15. juni til 7. august. 3. Kart m/bestemmelsar for Tuddal får status som kommunedelplan med juridisk binding. 4. Med dei endringane som er omtalt, legg kommunestyret kommunedelplan for løyper i Tuddal ut til 2. gongs høyring og offentleg ettersyn etter pbl 11-14.i perioden 15. juni til 7. august. Saksordførar: 26.05.2015 Formannskapet Handsaming: Inger Øya Grøgård stilte spørsmål ved sin habilitet da ha er grunneigar som har interesser i saka. Grøgård blei samrøystes erklært inhabil med heimel i Fvl 6 første ledd bokstav a. 4 av 5 tilstades. VOTERING: Rådmannen si tilråding blei samrøystes vedteke. FOR-033/15 TILRÅDING: 1. Stig- og løypeplanen får status som temaplan. 2. Kommunestyret legg stig- og løypeplanen ut på høyring i perioden 15. juni til 7. august. 3. Kart m/bestemmelsar for Tuddal får status som kommunedelplan med juridisk binding. 4. Med dei endringane som er omtalt, legg kommunestyret kommunedelplan for løyper i Tuddal ut til 2. gongs høyring og offentleg ettersyn etter pbl 11-14.i perioden 15. juni til 7. august. Saksordførar: Sven Tore Løkslid 03.06.2015 Kommunestyret Handsaming: Inger Øya Grøgård stilte spørsmål ved sin habilitet da ho er grunneigar som har interesser i saka. Grøgård blei samrøystes erklært inhabil med heimel i Fvl 6 første ledd bokstav a. 15 av 17 tilstades.
Mathias Kleppen stilte spørsmål ved sin habilitet da han er grunneigar som har interesser i saka. Kleppen blei samrøystes erklært inhabil med heimel i Fvl 6 første ledd bokstav a. 14 av 17 tilstades. VOTERING: Formannskapet si tilråding blei samrøystes vedteke. KOM-048/15 VEDTAK: 1. Stig- og løypeplanen får status som temaplan. 2. Kommunestyret legg stig- og løypeplanen ut på høyring i perioden 15. juni til 7. august. 3. Kart m/bestemmelsar for Tuddal får status som kommunedelplan med juridisk binding. 4. Med dei endringane som er omtalt, legg kommunestyret kommunedelplan for løyper i Tuddal ut til 2. gongs høyring og offentleg ettersyn etter pbl 11-14.i perioden 15. juni til 7. august