SULDAL KOMMUNE Møtebok SAKSGANG Saksnummer Utval Møtedato 159/10 Utval for landbruk, miljø og teknikk (LMT-utvalet) 02.12.2010 008/11 Kommunestyret 01.02.2011 Arkivkode Sakshandsamar Arkivsak/j.post 112/46 mfl., L12 Ole Martin Dahle 07/203 10/14744 GNR 112 BNR 46 M.FL.- - HEBNES - SLETTINGSVIKA- 2.GONGSHANDSAMING. Forslag til vedtak: Suldal kommune viser til rådmannen si innstilling og vil i medhald av plan- og bygningslova (plandelen) 12-12 godkjenne framlegg til reguleringsplan for gnr.112 bnr.46 m.fl, Slettingsvika, Hebnes av 16.03.09, sist revidert 22.11.10. 02.12.2010 UTVAL FOR LANDBRUK, MILJØ OG TEKNIKK (LMT-UTVALET) Samrøystes i samsvar med innstillinga LMT-159/10 VEDTAK: Suldal kommune viser til rådmannen si innstilling og vil i medhald av plan- og bygningslova (plandelen) 12-12 godkjenne framlegg til reguleringsplan for gnr.112 bnr.46 m.fl, Slettingsvika, Hebnes av 16.03.09, sist revidert 22.11.10. 01.02.2011 KOMMUNESTYRET Samrøystes vedtak i samsvar med innstillinga. K-008/11 VEDTAK: Suldal kommune viser til rådmannen si innstilling og vil i medhald av plan- og bygningslova (plandelen) 12-12 godkjenne framlegg til reguleringsplan for gnr.112 bnr.46 m.fl, Slettingsvika, Hebnes av 16.03.09, sist revidert 22.11.10.
Sand, 19.11.2010 Siri Fahlvik Pettersen Rådmann Endre Gjil bygdeutviklingssjef
GNR 112 BNR 46 M.FL.- - HEBNES - SLETTINGSVIKA- 2.GONGSHANDSAMING. Dokumentliste Nr T Dok.dato Avsendar/Mottakar Tittel 1 I 21.01.2007 Kon-Sul as GNR 112 BNR 46 M.FL.- SARBEID - HEBNES 2 I 12.04.2007 Fylkesrådmannen GNR 112 BNR 46 M.FL. UTTALE KULTURSEKSJONEN FYLKESRÅDSMANNEN - KOPI AV BREV TIL KON-SUL AS 3 I 02.07.2007 Fylkesmannen i Rogaland Miljøvernavdelinga GNR 112 BNR 46 - VARSEL OM - UTTALE - KOPI AV BREV TIL KON-SUL AS 4 I 27.04.2009 Kon-Sul AS GNR 112 BNR 46 M.FL.- FOR FRITIDSHUS MV SLETTINGSVIKA, HEBNES 6 U 10.06.2009 Kon-Sul as GNR 112 BNR 46 M.FL.- SARBEID - HEBNES 8 I 26.04.2010 Kon-Sul AS GNR 112 BNR 46 M.F. SLETTINGSVIKA - REVIDERT PLAN 11 U 16.06.2010 Berørte partar GNR 112 BNR 46 M.FL.- SARBEID- HEBNES- OFFENTLEG ETTERSYN 12 U 16.06.2010 Annonse GNR 112 BNR 46 M.FL.- SARBEID - HEBNES - OFFENTLEG ETTERSYN 13 I 21.06.2010 bygdeutvikling LISTE OVER BERØRTE PARTAR 14 I 28.06.2010 Statens vegvesen region vest GNR 112 BNR 46 M.FL. - UTTALE TIL OFFENTLEG ETTERSYN HEBNES 15 I 08.07.2010 Fiskarlaget Vest GNR 112 BNR 46 - UTTALE TIL SLETTINGSVIKA HEBNES 16 I 20.07.2010 Suldal elverk GNR 112 BNR 46 M.FL. - MERKNAD TIL 17 I 26.07.2010 Fylkesmannen i GNR 112
Rogaland BNR 46 SLETTINGSVIKA HEBNES - MOTSEGN 18 U 11.08.2010 Kon-Sul AS GNR 112 BNR 46 M.FL.- SARBEID - HEBNES - SLETTINGSVIKA 19 I 13.08.2010 Kystverket Vest GNR 112 BNR 46 HEBNES - 20 I 03.09.2010 Ropeidhalvøya grendautval UTTALE GNR 112 BNR 45 M.FL - UTTALE TIL ARBEID 21 I 13.10.2010 Kon-Sul AS GNR 112 BNR 46 M.FL.- REG.PLAN SLETTINGSVIKA - REVIDERT PLAN 22 I 27.10.2010 Fylkesmannen i Rogaland GNR 112 BNR 46 M.FL.- FOR HYTTER - SLETTINGSVIKA - TREKKING AV MOTSEGN 24 I 22.11.2010 Kon-Sul AS GNR 112 BNR 46 M.FL. SLETTINGSVIKA - REVIDERT PLAN Vedlegg Plankart og føresegner ligg ved i kopi til utvalet. Samandrag Reguleringsframlegget har vært lagt ut på offentleg ettersyn. Fylkesmannen har fremma motsegn mot planen, men har sidan trekt den attende. Rådmannen rår til at ein godkjenne planen slik den no ligg føre. Fakta Det faste utvalet for plansaker i Suldal drøfta saka i møte 03.06.10,sak 062/10, og gjorde slikt vedtak: Suldal kommune syner til rådmannen si innstilling og vil i medhald av 12-10 i plan- og bygningslova (plandelen) legge rev. planframlegg av 12.04.10 på gnr.112 bnr.46 m.f., Slettingsvika ut på offentleg ettersyn. Saka blei deretter lagt ut på offentleg ettersyn med frist for merknader 16.08.10. Lover, føresegner, rundskriv
Plan- og bygningslova (plandelen) kap 12. Gjeldande planar, retningsliner og vedtak Gjeldande kommuneplan 2009-2020 Innkomne uttalar Statens vegvesen I skriv av 28.06.10 minner ein om at planframlegget må vise byggegrense mot fylkesveg 681. Veganlegg i tilknyting til stamveg,riksveg eller fylkesveg skal utformast i tråd med handbok 017. Planføresegner må stille krav til detaljert plan for utforming av veganlegg i horisontal og vertikalplanet, som også skal godkjennast av Statens vegvesen. Det må også innarbeidast rekkefølgjeføresegner for opparbeiding av kryss/avkjørslar med frisiktsonar i samsvar med godkjent plan. Kommentar: Dette er ivaretatt i revidert planframlegg av 22.11.10. Fiskarlaget Vest I skriv av 08.07.10 støttar dei Kystverket i deira uttale til oppstartmeldinga om at det ikkje blir sett av større areal i sjø til enkeltinteresser, enn det som er strengt naudsynt, her småbåthamn. Det bør ikkje setjast av areal til friluftsområde i sjø. Kommentar: Storleiken til småbåthamna er dimensjonert utifrå talet på hytter i planen slik at desse skal kunne få ein båtplass. Vidare har friluftsområde i sjø i planen ein naturleg og funksjonell samanheng med friluftsområde på land. Suldal Elverk I skriv av 20.07.10 viser dei til at det på plankartet ikkje er teikna inn fareområde rundt høgspentline i nordre del av hytteområde. Dei reknar då med at det her er ynskje om at høgspentlina skal leggast som høgspentkabel i veg frå leikeplass, gjennom hyttefeltet og opp til avkjørsle ved hønsehus. Suldal Elverk krev at det er ein vertikal avstand mellom veg og straumførande leidning på minimum 7 meter og jordline minimum 6 meter. Leikeplassar må ikkje leggast under høgspentlina og skal minimum ha ein horisontal avstand frå næraste fase i høgspentlina på 6 m. Hytter skal ikkje settast opp under høgspentlina, det skal vera minimum 10 m horisontal avstand frå næraste ytterfase på høgspentlina til næraste bygningsdel. Det bør og regulerast inn tomt/område for plassering av nettstasjonar i hyttefeltet jfr kartskisse. Kommentar: Dette er ivaretatt i revidert planframlegg av 22.11.10. Kystverket I skriv av 13.08.10 rår ein til at 6.3 i reguleringsføresegna vert endra slik at Kystverket vert bytta ut med hamnemynde, samt at ein viser til Lov om hamner og farvatn. Kommentar: Dette er ivaretatt i revidert planframlegg av 22.11.10. Ropeidhalvøya Grendeutval I skriv av 26.08.10 vert det vist til at ein ikkje har merknader til reguleringsarbeidet nå når hyttene er trekt bort frå 100- metersona og talet er redusert til ca 50. Det er positivt at fleire går saman om ein reguleringsplan som vil gi ei felles båthamn for alle 4 felta. Fylkesmannen i Rogaland
I skriv av 28.07.10 fremmar Fylkesmannen motsegn mot planen då den er utarbeidd etter gamal plan- og bygningslov. Planen slik den ligg føre nå må difor omarbeidast til ny lov for at den skal kunne godkjennast av kommunen. Fylkesmannen har følgjande faglege råd: - Areal som blir nytta til landbruksareal i planområde, i hovudsak beiteareal, bør regulerast til landbruk eller LNF etter 12-5 pkt 5. - Det bør settast av eit badeområde i planen. Er det trong for noko tilrettelegging for å få til eit badeområde, bør føremålet badeplass (jf 12-5 pkt 3) nyttast. Badeområde bør settast av i planen der forholda ligg best til rette for det. - Det bør inn føresegner i planen som sikrar at småbåthamna får ei nøktern, enkel og landskapstilpassa utforming, og der ein unngår tyngre tekniske inngrep i strandsona. Det bør ikkje opnast for sprengingsarbeid i samband med etablering av småbåthamna. - Føreset etablering av sjøbuene i småbåthamna sprengingsarbeid, bør desse utformast/plasserast på ein annan måte, slik at ein unngår tyngre inngrep i svaberga. - Det bør leggast inn ein turvegi langs sjøen gjennom heile planområdet. - Innregulerte gongevegar i planområdet skal ikkje opparbeidast for motoriserte kjørety, men som turveg. Det må inn føresegner i planen som sikrar dette Kommentar: I revisjonen av planen 28.09.10, blei planen omarbeidd i samsvar med ny planlov. Det er også tatt omsyn til dei fleste faglege råda frå Fylkesmannen: - Beiteareal er regulert til landbruksføremål - Det er avsett område til badeplass - Turveg langs sjøen er teikna inn. - Det er tatt inn i føresegnene at opparbeiding i området for båthamn skal skje på ein mest mogleg skånsam måte. Det å plassere sjøbuene inn i berget og på innsida av Slettingsvikhammaren vil gjera at desse buene blir mindre synlege frå sjøsida. Det er trong for masse til moloen og eit viktig punkt for grunneigaren er at ein kan ta ut noko av massen frå nærområdet. Det er også viktig at buene blir tilpassa det opne området både med tanke på materialbruk og utforming, slik at utbygginga kan dekke til det området som det blir tatt masse ut frå. I skriv av 27.10.10 trakk Fylkesmannen motsegna attende under føresetnad at reguleringsplanen vart vedteken i samsvar med plankart og føresegner i oversendinga frå 19.10.2010. Vurdering og konklusjon Rådmannen rår til at ein godkjenne reguleringsframlegget slik det no ligg føre, sist revidert 22.11.10.