Postadresse Postboks 987 2604 LILLEHAMMER Besøksadresse Norsk Fjellsenter, Brubakken 2, 2686 Lom Norsk Tindesenter Havnegata 2, 6300 Åndalsnes Kontakt Sentralbord: +47 61 26 60 00 Direkte: +47 61 26 62 04 fminpost@fylkesmannen.no http://www.nasjonalparkstyre.no/reinheimen Motorola Solutions Inc., v/erik Möller Saksbehandlar Kristine Sørlie Vår ref. 2019/20357-2 432.3 Dykkar ref. Dato 14.01.2020 Reinheimen NP - Ottadalen LVO - dispensasjon - motorferdsel - 2020 - snødekt mark - Motorola Solutions Delegert vedtak Med heimel i naturmangfaldlova 48 får Motorola solutions Inc. dispensasjon frå verneforskrifta for Ottadalen landskapsvernområde og Reinheimen nasjonalpark, for motorisert ferdsel ved bruk av snøscooter til basestasjon på Skarvedalseggen ROL100, og Horrungen (ROL89). for nødvendig til Dispensasjon for å bruke snøscooter til basestasjonane gjeld i samband med nødvendig vedlikehald, reparasjon og frakt av utstyrsdelar. Det skal primært nyttast helikoptertransport til føremålet, men dersom det ikkje er møgleg å bruke helikopter, kan transporten løysast med snøscooter. Dispensasjon er gjeve med følgjande vilkår: 1. Dispensasjon gjeld for køyring med inntil 2 snøscootare. 2. Dispensajson gjeld for maksimalt 4 turar til basastasjon Skarvedalseggen ROL100, og 4 turar til Horrungen ROL089. 3. Køyretrase: frå Aursjoen i Skjåk, og det skal nyttast same køyrespor tur-retur som vist på kart i saksutgreiinga, og tidlegare tilsendt GPS rute. 4. Dispensasjon gjeld for vintersesongen 2020, fram til påske 3.april 2020. 5. Køyringa skal skje skånsamt av omsyn til dyreliv, naturmiljø og friluftsliv. Ta spesielt omsyn til villrein og rovfugl. Det skal ikkje køyrast dersom det er villrein i området ved køyretraseen. 6. I forkant av kvar transport skal ansvarleg sjåfør ta kontakt med lokalt SNO v/per Olav Haugen, mob: 970 57 213, og informere om transporten, og samtidig skaffe informasjon om villrein og føreforhold i området. 7. Brot på vilkår kan bli anmeldt, jf. naturmangfaldlova 69. 8. Køyrebok skal fyllast ut på førehand og vere med køyretøyet under transporten. 9. Køyrerapport skal sendast nasjonalparkforvaltninga innan 05.06.2019 på følgjande elektroniske skjema: http://www.nasjonalparkstyre.no/documents/reinheimen_dok/rapportskjema _motorferdsel_reinheimen.pdf Dispensasjon gjeld i høve verneforskrifta og naturmangfaldlova. Det vert gjort oppmerksam på at løyve for motorferdsel med snøscooter og må avklarast med kommune og grunneigar jf. «Lov om motorferdsel i utmark». Nasjonalpark Naturreservat Landskapsvernområde Reinheimen Brettingsmoen Tafjorden-Reindalen, Trollstigen, Romsdalen, Lordalen, Finndalen, Ottadalen
Klage Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova 28. Ei eventuell klage skal rettast til Miljødirektoratet, men sendast til Nasjonalparkstyret for Reinheimen. Saksopplysningar Dokumenter i saka - Søknad frå Motorola Solutions, Inc v/ Erik Möller, 25.11.2019 - Køyrerapport frå Marius Aaboen, 09.05.2019 Søknaden Motorola Solutions søkjer om å bruke snøscooter til basestasjonane for naudnett på Horrungen (ROL89) og på Skarvedalseggen (ROL100) i Reinheimen nasjonalpark. Føremålet med transporten er vedlikehaldsarbeid for å rette opp akutte driftsfeil vinterstid, og når det over ein periode ikkje er vær for å nytte helikopter opp til basestasjonane. Det er søkt om 12 turar, men på telefon opplyser Möller at det primært skal bli brukt helikopter for oppdrag, og at det er tilstrekkeleg å ha moglegheit for å nytte snøscooter inntil 4 turar til kvar basestasjon i vinter. Det er lagt ved kart over aktuell køyrerute, og det skal nyttast leigekøyrar til transporten. Køyrerute Skarvedalseggen (tv) og Horrungen (th): http://www.nasjonalparkstyre.no/reinheimen Saksbehandlar Kristine Sørlie Side 2 av 5
Heimelsgrunnlag Delegering I medhald av vedtekter for Reinheimen nasjonalparkstyre punkt 6.2, jf. naturmangfaldlova 62 andre ledd tredje punktum, har nasjonalparkstyret for Reinheimen i styremøte 14.03.2016, sak 5/16, gjort vedtak om å delegere handsaming av einskilde saker til nasjonalparkforvaltaren, slik som i denne saka. Vedtaket gjev nasjonalparkforvaltarane i Reinheimen myndigheit til å treffe vedtak i saker av kurant karakter. Med saker av kurant karakter meiner ein følgjande: - Saker etter dei spesifiserte dispensasjonsføresegnene i verneforskriftene om ferdsel og motorferdsel. - Saker etter andre spesifiserte dispensasjonsføresegner i verneforskriftene og etter naturmangfaldlova 48 der: o a) Det dreier seg om fornying av dispensasjon gjeve av styret eller arbeidsutvalet, og føresetnadene er tilnærma uendra. o b) Det føreligg etablert forvaltningspraksis frå saker handsama av styret/au i tilsvarande sak. o c) Forvaltingsplanen gjev eintydige føringar for utfallet. Søknaden er vurdert i samsvar med: Forskrift for Ottadalen landskapsvernområde, 24.11.2006 Forskrift for Reinheimen nasjonalpark, 24.11.2006 Forvaltningsplan for Reinheimen, 2010 Naturmangfaldlova, 2009 Verneforskrift formål Formålet med Reinheimen nasjonalpark og Ottadalen landskapsvernområde er å ta vare på eit stort, samanhengande villmarksprega fjellområde, der leveområde til villreinstammen i Ottadalen nord, er sentralt i verneføremålet. Verneverdiane er også knytt til eit høgfjellsøkosystem med eit eigenarta og variert biologisk mangfald. All motorisert ferdsel er i utgangspunktet forbode både i Ottadalen lvo og i Reinheimen np. Verneforskriftene ( 3) opnar for at forvaltningsmyndigheita, etter søknad, kan gje løyve til bruk av beltegåande køyretøy på snødekt mark langs etablerte traséar eller lufttransport for nødvendig transport av ved, materialar eller varer til buer og hytter, utkøyring av båt. Forvaltningsplanen for Reinheimen utdjupar vernereglane. Motorisert ferdsel er særleg konfliktfylt fordi verneområda skal vera skjerma for unødig støy og uro. Transportar skal ha eit klart nytteføremål. Motorisert ferdsel skal haldast på eit nødvendig minimum. Vidare står det at motorferdsel i samband med bruk av beltegåande køyretøy på snødekt mark til ulike formål, i regelen skal skje ved bruk av leigekøyrar (jf Nasjonal forskrift om motorisert ferdsel i utmark og på islagte vassdrag 5 a.). For å sikre fleksibilitet og å unngå unødig behandling av søknader, skal løyve gjevast for ein aktuell periode. For kjende, faste transportformål kan det gjevast løyve for inntil 5 år med avgrensing i tal på turar/sesong. Turar på vinterføre skal normalt avgrensast til 1 5 turar, og køyring etter 20.april, ev. 3.påsekdag om den er seinare, skal ikkje skje. http://www.nasjonalparkstyre.no/reinheimen Saksbehandlar Kristine Sørlie Side 3 av 5
Vurdering Det er ikkje heimel i verneforskriftene for Reinheimen nasjonalpark eller Ottadalen landskapsvernområde for motorisert ferdsel med snøscooter til basestasjon for naudnett. Søknaden må behandlast som dispensasjon frå verneforskriftene etter naturmangfaldlova 48. Naturmangfaldlova 48 opnar for at det kan gjevast dispensasjon dersom tiltaket ikkje strider mot vernevedtakets føremål og ikkje påverkar verneverdiane nemneverdig, eller dersom omsyn til tryggleik eller omsynet til vesentlege samfunnsinteresser gjer det nødvendig. Tiltaket skal og vurderast etter prinsipp for offentleg avgjersle i naturmangfaldlova 8-12. 8 «Kunnskapsgrunnlaget» Det er allment kjent kunnskap at motorferdsel kan ha negativ verknad på dyreliv. I tillegg er støy frå motorferdsel ofte generende på friluftslivet. Dette er bakgrunnen for å minimere motorferdselen, og finne trase som er til minst mulig skade og ulempe for andre, både dyre- og fugleliv, og menneske i området. Dispensasjon for bruk av snøscooter mellom Aursjoen og Skarvedalseggen fram til midtvinter vil ikkje skape nevneverdige ulemper for villrein. Men ein kan heller ikkje utlukke å treffe på villrein her. På denne tida av året kan det vera villrein i området kring Hurrungen, men normalt beiter villrein på Liafjellet vinterstid, og lenger aust mot Lordalen, og frå område frå Heggebottflye mot Hurrungen. Snøscootertransporten kan også vera ein forstyrrande faktor for sårbart fugleliv i høgfjellsområdet. Ein spesielt sårbar periode for fleire av rovfuglartane er i etableringsfasa på ettervinter/tidlig vår, frå 1.februar til fyrst i juli. Ut i frå naturbase og gjennom kartlegging av fuglelivet, er det ein rovfugllokalitet i Skarvedalen. Køyretraseen er såpass langt vest for lokaliteten at transporten i dette tilfellet ikkje kjem i direkte konflikt. Kunnskapsgrunnlaget ( 8) vurderast til å vera tilstrekkeleg, og det er god rutine med å avklare køyretrase med SNO av omsyn til dyrelivet. Det er ikkje nødvendig å ta i bruk 9 «føre-var-prinsippet». 10 «Økosystemtilnærming og samla belastning» Ved og følgje retningslinene i forvaltningsplan for motorferdsel, unngå køyring dersom det er villrein i den aktuelle køyretraseen, og minimalisere turar i berre akutte tilfelle, vil ikkje transporten gje varig skade som truer verneformålet, dyrelivet, eller forstyrre dei som ønskjer å oppleve naturen med minst mogleg støy og uro. Belastninga for verneverdiane synes defor å være akseptable. 12 «Miljøforsvarlige teknikkar og driftsmetodar» Bruk av snøscooter er ein føremålstenleg metode for å løyse transportbehovet i samband med akutt behov for tilsyn når det ikkje er forsvarleg å lande med helikopter ved basestasjon. Men det er likevel viktig presisere at det primært skal nyttast helikopter for å gjennomføre nødvendig transport til basestasjonane. Det vert vist til møte 01.02.17, og brev frå Nasjonalparkstyret 10.05.17, der det er presisert at nasjonalparkforvaltninga i utgangspunktet ønskjer at motorisert ferdsel i samband med drift av basestasjon løysast ved bruk av helikoptertransport både sommar og på vinteren. Bruk av helikopter er effektivt, gir ei http://www.nasjonalparkstyre.no/reinheimen Saksbehandlar Kristine Sørlie Side 4 av 5
stutt opphaldstid i verneområdet med forbigåande uro, og kjem i liten grad i konflikt med den nasjonale villreinstammen i Reinheimen. Transporten er viktig for å sikre drift av basestasjonane og det nasjonale nødnettet vinterstid. Tiltaket er nødvendig av omsyn til tryggleik eller vesentlege samfunnsinteresser, og vil ikkje påverke verneverdiane nemneverdig. Med helsing Kristine Sørlie nasjonalparkforvaltar Etter våre rutinar er dette brevet godkjent og sendt utan underskrift Kopi til: Statens Naturoppsyn v/per Olav Haugen Fylkesmannen i Innlandet Skjåk kommune Statens naturoppsyn v/thomas Rødstøl Skjåk Almenning Reinheimen-Breheimen villreinutval v/knut Granum Ingvild Øyjordet http://www.nasjonalparkstyre.no/reinheimen Saksbehandlar Kristine Sørlie Side 5 av 5