3692 Sauland Møteinnkalling for Utval for næring og teknikk Møtedato: 27.02.2012 Møtestad: kommunehuset,formannskapssalen Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 20.02.2012 Audun Dølen utvalsleiar Sakliste Sak nr. Saktittel 008/12 GODKJENNING AV MØTEBOK 009/12 REFERATSAKER 010/12 DELEGASJONSSAK 011/12 KLAGE PÅ AVSLAG AV SØKNAD OM LØYVE TIL BRUK AV SNØSKUTER I UTMARK. 012/12 KLAGE PÅ AVSLAG AV SØKNAD OM KONSESJON FOR OVERTAKING AV EIGEDOMEN TVEITEN, GNR. 55, BNR. 1 MED FLEIRE.
Styre, råd, utval Møtedato Saknummer Sakshandsamar Utval for næring og teknikk 27.02.2012 008/12 IL Saksansvarleg: Ingebjørg Landsverk Arkiv: K1-033 Arkivnr.: 12/318 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.
Styre, råd, utval Møtedato Saknummer Sakshandsamar Utval for næring og teknikk 27.02.2012 009/12 IL Saksansvarleg: Ingebjørg Landsverk Arkiv: K1-033 Arkivnr.: 12/323 REFERATSAKER Nr Dok.ID T Dok.dato Avs./Mott. Tittel 1 12/1118 I 19.02.2012 Fylkesmannen i Telemark TILBOD OM OPPLÆRING I LANDBRUKSLOVGIVINGEN OG OVERORDNA PLANARBEID TILRÅDING Referatsakene blir teke til etterretning slik dei ligg føre.
Styre, råd, utval Møtedato Saknummer Sakshandsamar Utval for næring og teknikk 27.02.2012 010/12 IL Saksansvarleg: Ingebjørg Landsverk Arkiv: K1-033 Arkivnr.: 12/317 DELEGASJONSSAK FNOT-002/12 03.02.2012: DAG OLAV THO - SØKNAD OM GODKJENNING AV PLAN FOR NYDYRKING VEDTAK Med heimel i forskrift om nydyrking, gjev Hjartdal kommune, Dag-Olav Tho, 3690 Hjartdal løyve til å dyrke opp ca 50 dekar på sin eigedom gnr 3/bnr 1 som omsøkt. Det er eit vilkår at det står att ei vegetasjonssone på minst 2 m langs elva Svorte. Vidare er det eit krav om at Telemark fylkeskommune (avd Kulturminne) skal varslast dersom det kjem fram kuturminner. RÅDMANNEN TILRÅR Delegasjonssakene blir teke til etterretning slik dei ligg føre.
Styre, råd, utval Møtedato Saknummer Sakshandsamar Utval for næring og teknikk 27.02.2012 011/12 HH Saksansvarleg: Harald Helliksen Arkiv: K2-K01, K1- Arkivnr.: 11/1671 KLAGE PÅ AVSLAG AV SØKNAD OM LØYVE TIL BRUK AV SNØSKUTER I UTMARK. Dokument i saka: Nr T Dok.dato Avsendar/Mottakar Tittel 1 I 31.10.2011 Geir Øverbø SØKNAD OM SNØSCOOTERLØYVE 2 U 17.01.2012 Geir Øverbø SØKNAD OM LØYVE TIL BRUK AV SNØSKUTER. GEIR ØVERBØ. 3 I 22.01.2012 Geir Øverbø KLAGE PÅ AVSLAG VEDR. SØKNAD OM SCOOTERLØYVE M/VEDLEGG 4 U 24.01.2012 Geir Øverbø KLAGE PÅ AVSLAG AV SØKNAD OM LØYVE TIL BRUK SNØSKUTER I UTMARK Vedlagde dokument: Dokument nr. 3. Aktuelle lover, forskrifter, avtaler m.m.: FOR 1988-05-15 nr 356: Forskrift for bruk av motorkjøretøy i utmark og på islagte vassdrag. Rundskriv T-1/96, Miljøverndepartementet. Saksgang: Saka går til Fylkesmannen i Telemark dersom Utval for næring og teknikk ikkje tek klaga fullt ut til følgje. Bakgrunn for saka: Geir Øverbø søkte 30.10.2011om løyve til bruk av snøskuter i utmark fram til våren 2014. Søknaden gjaldt leigekøyring i området Hjartdal fjellstove Vikedal Breivatn og transport av ved til Gunnarsbø ved Nordre Risbua.
Søknaden blei i vedtak etter delegert mynde av 17.01.2012 avslegen. Grunngjevinga for dette var at det ikkje er ledige løyve for leigekøyring i kommunen. Det er sett eit tak på 20 løyve i kommunen. Pr. i dag er det ingen ledige løyve. Generelt løyve for transport av ved for 3 vintrar blei ikkje gjeve, men Øverbø blei orientert om at det kan søkjast om slik transport for avgrensa periodar den enkelte vinter. Geir Øverbø har ved brev av 20.01.2012 klaga på ovannemnte vedtak. I klaga kjem han med nye opplysningar. Han skriv at han no driv firmaet Hjartdal Hytteservice ANS, vidare at hytteservice omfattar levering av eigenprodusert ved, transport av materialar og reiskap til små og store vedlikehaldsoppdrag, måking ved store snøfallsmengder og vaktteneste. Når det gjeld køyring til Gunnarsbø, skriv Øverbø at han og broren har arva to buer der. Desse buene blir bruka i samband med sauehald, og det er derfor behov for løyve til transport med snøskuter til frakt av saltsteinar, kraftfor og gjerdeutstyr, samt ved behov for vedlikehald av buene. Det visast elles til klaga som er lagt ved saka. Vurdering: Utval for næring og teknikk vedtok i 1995 at det skal vera 20 løyve for leigekøyring i kommunen. I følgje rundskriv T-1/96 bør talet på slike løyve avgrensast ut frå ein vurdering av behovet for transport. I dag er det fleire som har eigen skuter enn i 1995. Behovet for leigekøyring er mindre i dag enn den gongen. Dersom det blir for mange leigekøyrarar, vil det også bli mindre køyring på den enkelte. Rådmannen kan sjå klagaren sitt behov, men meiner bestemt at det gjeldande taket på 20 løyve ikkje må overskridast. Klagaren har anledning til å kome attende med ny søknad hausten 2014 eller tidlegare dersom det blir ledige løyve. Når det gjeld transport av ved, kan ein gje eige løyve til dette etter 5 e) i forskrifta. Etter rådmannen sitt syn, bør Hjartdal Hytteservice ha høve til transport av sin eigenproduserte ved. Rådmannen vil derfor tilrå at klaga på dette punktet blir teken til følgje. I forhold til tradisjonelt landbruk kan nødvendig transport skje utan løyve. Dette vil gjelde for køyring av saltsteinar, kraftfor og gjerdeutstyr i samband med sauehald. Transport av bagasje og utstyr til hytte/bu for privat bruk krev løyve. Klagaren har ikkje søkt om løyve til slik transport. RÅDMANNEN TILRÅR: Hjartdal kommune tek delvis til følgje klage frå Geir Øverbø, datert 20.01.2011, på avslag av søknad om løyve til bruk av snøskuter i utmark, slik at det blir gjeve løyve til transport av ved. Det visast til vurderingane over. Saka blir sendt Fylkesmannen i Telemark for endeleg avgjerd.
Styre, råd, utval Møtedato Saknummer Sakshandsamar Utval for næring og teknikk 27.02.2012 012/12 HH Saksansvarleg: Harald Helliksen Arkiv: GBNR- 55/1 Arkivnr.: 11/790 KLAGE PÅ AVSLAG AV SØKNAD OM KONSESJON FOR OVERTAKING AV EIGEDOMEN TVEITEN, GNR. 55, BNR. 1 MED FLEIRE. Dokument i saka: Nr T Dok.dato Avsendar/Mottakar Tittel 1 U 23.06.2011 Anne Tveiten VEDK. BUPLIKT PÅ EIGEDOMEN TVEITEN GNR. 55 BNR. 1 M. FL. 2 I 14.07.2011 Anne Tveiten VEDR. BOPLIKT PÅ MIN EIENDOM TVEITEN, GNR. 55 BNR. 1 MFL. 3 U 18.08.2011 Anne Tveiten PÅLEGG OM Å SØKJE KONSESJON PÅ EIGEDOMEN TVEITEN, GNR. 55, BNR. 1 M. FL. 4 I 29.08.2011 Anne Tveiten VEDK. BUPLIKT 5 I 21.09.2011 Advokatfirmaet SØKNAD OM KONSESJON ETTER KSL 9 Steenstrup Stordrange SISTE LEDD - GNR. 55/1 M.FL. 7 I 18.11.2011 Statens Kartverk KOPI AV DIV. DOK FRÅ TINGLYSINGEN 8 U 21.11.2011 Anne Tveiten SØKNAD OM KONSESJON, TVEITEN, GNR. 55, BNR.1 M.FL. 9 U 11.01.2012 Anne Tveiten SØKNAD OM KONSESJON VEDK. EIGEDOMEN TVEITEN, GNR. 55, BNR. 1 M.FL. 10 I 02.02.2012 Adv. Steenstrup KLAGE- AVSLAG KONSESJONSSØKNAD, Stordrange DA 11 U 09.02.2012 Advokatfirmaet Steenstrup Stordrange DA TVEITEN GNR. 55 BNR 1 MFL. KLAGE PÅ AVSLAG AV SØKNAD OM KONSESJON VEDK. EIGEDOMEN TVEITEN, GNR 55, BNR. 1 M.FLEIRE. Vedlagde dokument: Dokument nr. 10. Sak 005/12, Utval for næring og teknikk.
Aktuelle lover, forskrifter, avtaler m.m.: LOV 2003-11-28 nr 98: Lov om konsesjon ved erverv av fast eigedom (konsesjonsloven) mv. Rundskriv M-2/2009, Landbruks- og matdepartementet. Saksgang: Saka går vidare til Fylkesmannen i Telemark dersom Utval for næring og teknikk ikkje tek klaga til følgje. Bakgrunn for saka: Advokat Olav Nygard har på vegne av Anne Tveiten klaga på Utval for næring og teknikk sitt einstemmige vedtak i sak 005/12 der søknad om konsesjon på eigedomen Tveiten vart avslegen. Nygard hevdar at det er lagt feil fakta til grunn (saksbehandlingsfeil) og at rettsbruken dermed også vert feil. Han skriv vidare at klaga er grunngjeven i fire forhold: 1. Ein kan ikkje bu i husa på eigedomen, og dei må rivast. 2. Den tinglyste buretten til syster av Anne Tveiten. 3. Behov for frisørar. 4. Inntektspotensial ved utleige av hytter. Nygard skriv og at det føresetjast at pkt. 2 i vedtaket anten vert gjeve oppsetjande verknad eller oppheva. Det visast elles til den vedlagde klaga. Vurdering: Når det gjeld husforholda på eigedomen, er dette som tidlegare nemnt, moment det i følgje rundskriv M-2/2009 skal leggjast vekt på, men dei skal ikkje ha serleg vekt. Rådmannen vil halde fast ved at Tveiten er ein attraktiv eigedom for busetjing som det er pårekneleg at andre vil erverve til dette formålet. Den eine av dei to eigedomane i nærleiken av Tveiten som er nemnt i sak 005/12, er naboeigedomen Strand, gnr. 54, bnr. 2. Her var våningshuset i så dårleg stand at kjøparen valde å rive det og sette opp nytt hus. Det er fleire eksempel på dette i Hjartdal kommune. Ein ser med andre ord at det finst kjøparar som er interesserte i å erverve slike eigedomar med tanke på fast busetjing og landbruksdrift. For eigedomar med bygning/ar som er eller har vore i bruk som heilårsbustad og med meir enn 25 dekar dyrka jord eller meir enn 500 dekar produktiv skog er grunnlag for konsesjonsfridom at ervervar sjølv bur på eigedomen i minst fem år i samanheng. Det vil seie at ein slik eigedom i utgangspunktet er meint å vera ein buplass. Dette gjeld uavhengig av standarden på bustadhus. Avkastningsevna til eigedomen kan til ein viss grad ha noko å seia i denne samanhengen, men dette momentet skal som tidlegare nemnt, ikkje tilleggjast serleg vekt. Kommunen har elles kjennskap til bygningane i gardstunet frå tidlegare. Rådmannen har ikkje hevda at buretten til Aslaug Tveiten har falt bort, men reist tvil om det. Etter rådmannen sitt syn kan det og stillast spørsmål om Aslaug Tveiten ved ein eventuell gjeldande burett kan krevja at retten skal gjelde i forhold til eit eige nyoppført bustadhus. Dersom det skulle vera slik at Aslaug Tveiten kan kome attende og gjere buretten gjeldande i samband med bustadbygging på eigedomen og eventuelt i eit eige nyoppført hus, er det
rådmannen si oppfatning at dette er eit moment som har lite å seie ved vurdering av konsesjonsspørsmålet. Ein treng nødvendigvis ikkje etablere eigen frisørsalong for å arbeide som frisør. Forhold knytt til arbeidssituasjon er ein del av livssituasjonen til ein søkjar. Livssituasjonen kan uansett berre tilleggjast vekt som korrigerande moment. Dette kan ha noko å seie dersom den samla vurderinga av dei andre momenta i saka gjev tvil om korleis samfunnsinteressene best kan ivaretakast. Rådmannen ser ikkje at det ligg føre slik tvil i denne saka. Klagaren kan ha rett i standarden på utleigehyttene er dårlegare i dag enn for 8 år sidan, og serleg dersom vedlikehaldet har vore mangelfullt. Dette endrar likevel ikkje rådmannen si vurdering av avkastningsevna til eigedomen. Klaga er knytt til forhold som gjeld avkastningsevne, husforhold og livssituasjonen til søkjar. Forholda som er nemnt i konsesjonslova 9 første ledd, pkt. 2 og 5, det vil seie omsynet til busetjinga i området og omsynet til heilskapleg ressursforvalting og kulturlandskapet er det ikkje sagt noko om. Det er, som tidlegare nemnt, desse forholda det skal leggjast serleg vekt på ved avgjerd av søknad om konsesjon. Rådmannen kan ikkje sjå at det er lagt feil fakta til grunn for vedtaket i sak 005/12, ei heller at klaga inneheld nye moment som gjev grunnlag for å endre vedtaket. Vedtak i saka skal ikkje setjast i verk før klaga er endeleg avgjort. RÅDMANNEN TILRÅR: Hjartdal kommune tek ikkje klage frå Anne Tveiten på vedtak i sak NOT-005/12 til følgje. Det visast til vurderingane ovanfor. Saka sendast Fylkesmannen i Telemark for endeleg avgjerd.