1 Framlegg til detaljreguleringsplan for Røvhaugane hyttefelt gbnr. 247/1 m.fl. i Voss kommune Reguleringsføresegner Planid: 2011018 Arkivsak i kommunen: 11/1675 Utarbeidd av: Arkitektbruket ans, 5701 Voss Framlegg datert: 19.08.2015 Sakshandsamar for Arkitektbruket: Ingebrigt Nesheim Sign.:. Sakshandsamar i kommunen:. Sign.:. Sakshandsaming: Oppstartsmøte:. 20.12.2011 Varsel om planstart:... 23.01.2012 Kunngjering om planstart:. 26.01.2012 Framlegg til reguleringsplan og føresegner daterte 07.08.2014 Vedtak i Planutvalet om utlegging til offentleg ettersyn. 06.11.2014 Utlegging til offentleg ettersyn frå den.. 15.11.2014 til 05.01.2015 Vedtak i Planutvalet sak FPL.. den.. Vedtak i Kommunestyret sak KST.. den.. Kunngjering av godkjend plan i avisa «Hordaland» den Klage på vedtak om godkjend reguleringsplan datert den Klagehandsaming i Planutvalet den. Sak.. Stadfesting av vedtak frå Fylkesmannen i Hordaland den.
2 1. Generelt 1.1 Plankart og føresegner utgjer til saman planen. 1.2 Det regulerte området er, i medhald av Plan- og bygningslova 12, avsett til fylgjande føremål: Byggje- og anleggsområde, 12-5, 1. ledd - Frittliggjande fritidsbustader Samferdselsanlegg og teknisk infrastruktur, 12-5, 2. ledd - Køyreveg - Parkeringsplassar Landbruks-, natur- og friluftsområde, 12-5, 5. ledd - Friluftsføremål Bruk og vern av vassdrag, 12-5, 6. ledd - Friluftsområde i vassdrag Omsynssoner, 12-6. - Sikringssoner H140 Frisiktareal i vegkryss - Faresone H370 Høgspenningsanlegg - Omsyn landskap H550 - Bandlegging etter lov om kulturminne H730 2. Felles føresegner: 2.1 Kommunen kan, når særlege grunnar talar for dette, tillata mindre endringar i reguleringsplanen og føresegnene. 2.2 Etter at planen med føresegner er stadfesta, er det ikkje høve til å gjennomføra private servitutt som er i strid med planen eller føresegnene. 2.4 Byggjeavfall skal leverast til godkjend avfallsmottak. 3. Byggje- og anleggsområde: (jfr. PBL 12-5, ledd 1 og 12-7) 3.1 Byggjeområde for fritidsbustader: 3.1.1 I planområdet er det regulert inn 59 byggjeområde for fritidshus med tilhøyrande anlegg. For tomtene B1 til B26 og B46 til B59 er grensene for byggjeområda samanfallande med eigedomsgrensene. For dei 19 andre tomtene, B27 til B45, som er eldre festetomter på vestsida av fylkesvegen, er dei viste byggjeområda det arealet som fritidsbustaden / uthuset skal plasserast på.
3 3.1.2 På kvar tomt kan det førast opp éi frittliggjande hytte og eitt frittliggjande anneks/ uthus. Samla bebygd areal (BYA, jfr. NS 3940:2012 pkt. 5.2.3) for bygningane på tomta inkludert ope overbygt areal, må ikkje overstiga 110 m2. Av dette kan uthuset ha inntil 20 m2 BYA. På tomtene B47 til B53 kan det førast opp hytte og evt. uthus med samla BYA inntil 130 m2. Etter søknad kan det på dei samme tomtene alternativt førast opp éi vertikaltdelt hytte og eitt uthus med samla BYA 130 m2. Det er ikkje høve til å seksjonera slike vertikaltdelte hytter i ettertid Bygningar skal ha éin etasje og maksimal mønehøgd er sett til 6,0 meter målt i samsvar med rettleiing til Teknisk forskrift (TEK 10). Maksmalhøgd synleg grunnmur er 1 meter. Balkongar er ikkje tillate. Terrassar skal ha høgd mindre enn 0,5 meter over planert terreng rundt konstruksjonen. 3.1.3 På tomtene B47- B59, som er definerte av ein sirkel med radius 18 meter, skal hytte og uthus plasserast slik at avstanden mellom bygningshjørne og sirkellinja vert 4 meter eller meir. Avstanden mellom uthus og hytte skal ikkje vera meir enn 5 meter og ikkje mindre enn 1 meter. 3.1.4 Byggjesøknad skal innehalda utomhusplan og terrengsnitt i målestokk 1: 500 eller større. Prosjektering av situasjonsplan skal utførast av firma med godkjent ansvarsrett i tiltaksklasse 2. Situasjonsplanen skal visa: - plassering av bygningar med plan som viser tak og møneretning - høgdeplassering av kvart hus og terrenghøgder ved inngang og rundt bygningane - terrengplanering og terrengmurar med høgder Hytteeigedom med samla BYA over 110 m2, skal dokumentere tiltak for å ivareta berekraftig energibruk (energikjelde og -mengde). På tomter som ikkje er koordinatfesta, dvs. dei eldre tomtene på vestsida av fylkesvegen, skal det som ein del av ei eventuell byggjesak dokumenterast og målast inn eigedomsgrenser. 3.1.5 Bygg i området skal planleggjast og førast opp med vekt på høg estetisk, funksjonell og teknisk kvalitet. Gavlar skal plasserast på bygningane si kortside. Største breidd på synleg, avsluttande gavlvegg er 7,2 meter. Bygningane sitt midtparti kan ha større breidd. Takflater skal vera skråstilte og ha vinkel mellom 15 og 45 grader. Tak med einsidig fall skal ha takfall med terrenget. Mindre del av bygningar kan ha annan vinkel og anna form. Det kan ikkje nyttast taktekking av blanke/reflekterande materialar. Synlege betong- eller lettbetongflater skal pussast eller kledast med stein. Andre synlege flater skal kledast med trematerialar.
4 Trekledning kan overflatebehandlast med beis eller måling i brun, svart, raud eller grå farge, eller stå ubehandla. 3.1.6 Hyttene sine løysingar for vatn og avløp skal vera i samsvar med Voss kommune sine retningslinjer, og dei skal planleggjast og utførast av kompetente føretak. For tomtene B47 til B52 skal det, i regi av eigarane av gbnr. 247/1-5, vurderast å byggja fellesanlegg for vatn og avløp. Nærliggjande hytteeigedomar kan tilknytast slikt fellesanlegg. Felles VA-anlegg kan også byggjast i andre deler av feltet. Sjå pkt. 5. 3.1.7 Terrenget i byggjeområda skal i størst mogeleg grad behalda opprinneleg form og vegetasjon. Eventuelle grøfter skal gravast så djupe at dei kan ta unna nok vatn ved ekstrem nedbør. Skråningar og skjeringar i tilknytning til bygningar skal liggja på eiga tomt. Dei skal leggjast stabilt og plastrast mot erosjon. Fyllingar skal vera godt drenerte. Dei kan vurderast nytta som fordrøyingsmagasin. Eventuelle terrengmurar skal utførast som tørrsteinmurar eller betongmurar som er forblenda med naturstein. Tekniske føringar i terreng som VA-leidningar og el.kablar kan om naudsynt leggjast på tilgrensande eigedomar. 3.1.8 Oppsetting av gjerde eller flaggstenger er ikkje tillate. Pr. hytte kan det setjast opp éi utvendig parabolantenne. Maksimal diameter er 70 cm, og antenna skal festast på hytteveggen. 3.1.9 Konklusjon i skredvurdering frå Multiconsult slår fast at grøfter i tomteområde, i byggjeperioden, må gravast så djupe at dei kan ta unna nok vatn ved ekstrem nedbør. I bruksfasen må det førast jamleg tilsyn med grøfter og vassinntakspunkt for å unngå at desse går tette. Dei konkluderer også med at planen for nye hytter i Røvhaugane hyttefelt oppfyller krav til tryggleik i høve til TEK. 10. Det er i tillegg ikkje funne grunn til å utarbeide faresonekart for planområdet. Sannsyn for skred er vurdert til å vere minimalt. 4. Samferdselsanlegg og teknisk infrastruktur (jfr. PBL 12-5, ledd 2 og 12-7) 4.1 Køyreveg: 4.1.1 Fylkesveg 314 er vist på planen i eksisterande trasé og med køyrebanebreidd 2 x 2,75 m pluss 0,5 m skulder på begge sider. Utanfor dette, er det lagt inn ei 3 meter brei stripe på begge sider. Byggjegrense frå fv 314 er 30 meter
5 4.1.2 Veg 1 er ein kort vegstubb mellom fylkesvegen og parkeringsareal P3. Han kan nyttast av grunneigarane og hytteeigarane. Vegen har regulert vegareal med breidd 6 meter inkl. 0,5 m skuldrar på begge sider. Grøfter, skjeringar og fyllingar inngår i tilgrensande reguleringsføremål. Veg 2 er ein tilkomstveg for hyttene B47 til B 53. Regulert vegbreidd er 4 m inkl. 0,5 m skuldrar på begge sider. Grøfter, skjeringar og fyllingar inngår i tilgrensande reguleringsføremål. Heimelshavarar til gbnr. 247/1 til 5 har bruksrett til vegen. Veg 3 har same funksjon og utforming som Veg 1, og fører fram til parkeringsareal P 4. Veg 4 har standard som Veg 2 og fører frå parkeringsplass P4 fram mot Bergsdalselva og kryssar denne inn i Kjetil Rødland sitt hyttefelt Tjørnahaugen. Fram mot elva skal vegen liggja på steinsette fyllingar som går over i ei betongbru med høgd ca 1 meter over terrenget sitt planum. Veg 5 er ein tilkomstveg som erstattar noverande køyreveg frå fylkesvegen fram mot eksisterande parkeringsareal P5. Utanom dei nemnde vegane er det ikkje tillate med motorisert ferdsel. To eksisterande avkøyrsler vert etter krav frå Statens vegvesen stengde for bilkøyring. Det kan setjast opp bom mellom fylkesveg og stikkvegar / tilkomstvegar. Av tryggleiksomsyn skal bommen plasserast med slik avstand til fylkesvegen at det er plass for ein bil mellom veg og bom under opning / lukking av bommen. 4.2 Parkeringsplassar: Dei regulerte parkeringsareala P1 til P5 skal nyttast av hytteeigarar i feltet, og av hytteeigarar i nærområda som har avtale med grunneigarane eller respektive parkeringslag. Nye hytter kan ikkje takast i bruk før parkeringsplass er ferdig tildelt og opparbeidd. Kravet til parkeringsdekning er 2 plassar pr. hytte. Det kan setjast opp bom mellom fylkesveg og parkeringsplass eller mellom stikkveg og parkeringsplass. Plassering av bom sjå pkt. 4.1.2. På P1 og P4 kan det plasserast boscontainerar, eller i LNF-område i samråd med Statens vegvesen 5. Landbruks-, natur- og friluftsområde (jfr. PBL 12-5, ledd nr. 5) Arealet mellom hyttetomtene skal nyttast til friluftsområde til bruk for ålmenta. Området skal elles gje tilkomst til hyttene og det kan lagast til gangstiar. Traséar for desse vert fastsette av grunneigarane. Nedgravde leidningar for el-forsyning, vassforsyning og avløpsanlegg kan førast fram i naturområda/lnf. Dersom det etter gravearbeid skulle oppstå skjemmande skade, pliktar den som står for arbeidet å syta for at skaden vert utbetra.
6 I friluftsområda kan det elles setjast opp trafo for straumforsyning til hyttene. Vegetasjonen i desse områda skal i størst mogeleg grad takast vare på, men avgrensa hogst for å skaffa utsikt og betra soltilhøve kan utførast i samråd mellom grunneigarane og hytteeigar. Det kan likeeins utførast vedhogst etter avtale med grunneigarane. 6. Bruk og vern av vassdrag (jfr. PBL 12-5 ledd nr. 6) Friluftsområda i vassdrag skal brukast til rekreasjon og leik for hyttebrukarane og ålmenta. 7. Omsynssoner (jfr. PBL 12-6) 7.1 Sikringssoner - H140 Frisikt: Dei åtte områda skal sikra fri sikt ved kryss med fylkesvegen. I desse areala skal det ikkje vera noko som hindrar fri sikt i høgd over 0,5 meter over tilstøytande vegar sitt planum. 7.2 Faresone - H370 Høgspenningsanlegg -: I ei 15 meter brei sone på begge sider av senter i BKK si 22 kv kraftlinje er det ikkje tillate å føra opp bygningar og anlegg som kan vera i strid med gjeldande regelverk. 7.3 Omsyn landskap H550: I den markerte sona langs Bergsdalselva kan berre fylgjande tiltak gjennomførast: Attfylling av kanalen mellom B50 og B51, utviding av P4 og kryssing av Bergsdalselva med Veg 4. 7.4 Bandlegging etter lov om kulturminne H730: Området inneheld ei kolgrop som er automatisk freda etter lov om kulturminne. Det må ikkje gjerast tiltak eller utførast inngrep av noko slag i dette området. Voss den 19.08.2015 Ingebrigt Nesheim