GLOPPEN KOMMUNE FORMANNSKAPET HOVUDUTSKRIFT Møtedato: 23.05.2013 Møtetid: Kl. 13:00 15:55 Møtestad: Heradshuset Saksnr.: 047/13-055/13 Desse medlemmene møtte: Anders Ryssdal Ola Tarjei Kroken Per Jarle Myklebust Anniken Rygg Gunnvor Sunde Arnfinn Brekke Ragnar Eimhjellen Sjur Atle Austrheim Parti Sp Ap Sp H SD Krf V Uavhengig Forfall meldt frå følgjande medl. Parti Følgjande varamedl. møtte Parti Kristin Sandal Sp Leidulf Gloppestad Sp Ugilde Sak i forv.lova Følgjande varamedl. møtte Møteleiar: Anders Ryssdal Frå adm. møtte: Rådmann Marit Elisabeth Larssen Leiar for strategi og tenesteutvikling Pål Sandal i sak 49/13 Utlevert i møtet: Sak 55/13 Orientering: Sjå sak 48/13! Sp.mål/interpell.: Synfaring: Diverse: Underskrifter: Møtet vart lukka under deler av sak 48/13 og i sak 54/13. Heimelen for å lukke møtet var kommunelova 31, nr 5 Anders Ryssdal Side 1
SAKLISTE Sak nr. Sakstittel 047/13 Godkjenning av møtebok, innkalling og sakliste 048/13 Referat- og orienteringssaker 049/13 Orientering om framdrift moderniseringsprogrammet 2013 050/13 TV-aksjonen 2013 - oppnemning av lokal komité - kommunalt tilskot 051/13 Frådeling av bustadtomt - dispensasjon frå kommuneplanen 052/13 Frådeling av bustadtomt - dispensasjon frå kommuneplanen 053/13 Folkeavrøysting om å skifte helseføretak? 054/13 Opparbeiding av tomt og oppføring av hall til utleige - Strukturplast 055/13 Uttale til endeleg framlegg til strukturplan for vidaregåande opplæring i Sogn og Fjordane Side 2
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Formannskapet 23.05.2013 047/13 Avgjerd av: Formannskapet Saksbehandlar: Jan Kåre Fure Arkiv: 033 Objekt: Arkivsaknr.: 13/881-1 Godkjenning av møtebok, innkalling og sakliste Møteboka frå formannskapet sitt møte den 25. april 2013 blir lagt fram til godkjenning. Samstundes ber rådmannen om godkjenning av innkallinga og saklista til dette møtet. RÅDMANNEN SI TILRÅDING: 1. Formannskapet godkjenner møteboka frå sitt møte den 25. april 2013 2. Formannskapet godkjenner innkallinga og saklista til møtet den 23. mai 2013. 23.05.2013 FORMANNSKAPET Formannskapet godkjenner at tilleggsak 055/13 blir behandla. 047/13 VEDTAK: Formannskapet godkjenner møteboka med ein merknad om at det i førre møtet var kommentert at saksliste og innkalling kom for seint ut. Formannskapet godkjenner innkalling og saksliste, inkludert behandling av sak 55/13. Vedtaket var samrøystes. Side 3
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Formannskapet 23.05.2013 048/13 Avgjerd av: Formannskapet Saksbehandlar: Marit Elisabeth Larssen Referat- og orienteringssaker Arkiv: 033 Objekt: Arkivsaknr.: 13/880 Refererte skriv og meldingar: Nr Dok.ID T Dok.dato Avsendar/Mottakar Tittel 1 13/5776 I 06.05.2013 Vefsn kommune Opprop - organisering og forvaltning av Opplysningsvesenets fond Orienteringar: Det er så langt ingen orienteringar. RÅDMANNEN SI TILRÅDING: Rådmannen legg ikkje fram tilråding i saka. 23.05.2013 FORMANNSKAPET Orienteringar i møtet: Nordfjord Havn Ønskje frå Nordfjord Havn om fullmakt til å auke låneramma til selskapet. Ordførar meinte at Gloppen kommune skal vere avventande til å auke låneramma til selskapet, og ber om meir informasjon om dei aktuelle prosjekta før kommunen tar stilling til spørsmålet Skulebruksplanen for dei vidaregåande skulane Skulebruksplanen til Sogn og Fjordane Fylkeskommune, og politisk behandling av denne i fylkeskommunen KVU for E39 Ordførar utarbeidar uttale i saka som blir send til formannskapet sine medlemmer for innspel og kommentarar før den blir sendt departementet Krav om lovlegkontroll av formannskapet sitt vedtak i sak 9/13 Kort orientering om fylkesmannen si avgjerd i saka Firda Billag orientering blei gjennomført i lukka møte 048/13 VEDTAK: Side 4
Formannskapet tar orienteringssakene til vitande. Vedtaket var samrøystes. Side 5
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Administrasjonsutvalet 23.05.2013 011/13 Formannskapet 23.05.2013 049/13 Avgjerd av: Administrasjonsutvalet/Formannskapet Saksbehandlar: Pål Sandal Objekt: Arkiv: 034 Arkivsaknr.: 12/1752-51 Orientering om framdrift moderniseringsprogrammet 2013 Vedlegg: Dok.nr Tittel på vedlegg 197276 Hovudplan 15. mai Bakgrunn for saka: Rådmannen orientera om status og framdrift for moderniseringsprogrammet i kommunen. Programmet starta oktober 2012 og er planlagd avslutta 1. september 2013. Rådmannen vil orientere med utgangspunkt i hovudplanen for programmet. Hovudplanen ligg ved denne saka. Hovudpunkt i orienteringa er: Høyringsrunde Endring av tidspunkt i hovudplanen Møte og felles arbeid med tillitsvalde og arbeidsmiljøutvalet Informasjon til innbyggarane Førebels vurdering av dei økonomiske effektane Resultatmål RÅDMANNEN SI TILRÅDING: Administrasjonsutvalet/formannskapet tar orienteringa til vitande. 23.05.2013 ADMINISTRASJONSUTVALET Framlegg frå Gunnvor Sunde (SD): Det blir innført tilsettingsstopp i Gloppen kommune fram til 01.09.2013 Framlegg fekk ei røyst og fall. 011/13 VEDTAK: Side 6
Administrasjonsutvalet tek orienteringa om framdrift i moderniseringsprogrammet til vitande. Vedtaket var samrøystes. 23.05.2013 FORMANNSKAPET Framlegg frå Gunnvor Sunde (SD): Det blir innført tilsettingsstopp i Gloppen kommunen til resultatet av moderniseringsprogrammet blir lagt fram for kommunestyret til avgjerd 01.09.2013. Framlegget fekk ei røyst og fall. 049/13 VEDTAK: Formannskapet tar orienteringa til vitande. Vedtaket vart gjort mot ei røyst. Side 7
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet 23.05.2013 050/13 Avgjerd av: Formannskapet Saksbehandlar: Jan Kåre Fure Objekt: Arkiv: X03 Arkivsaknr.: 13/864-2 TV-aksjonen 2013 - oppnemning av lokal komité - kommunalt tilskot Ingen vedlegg. Bakgrunn for saka: Nasjonalforeningen for folkehelsen er i år tildelt innsamlingsaksjonen på TV, som skal gjennomførast søndag den 20. oktober. På vanleg måte er kommunane bedne om å peike ut ein lokal komité. Saksutgreiing: I fjor oppnemnde formannskapet denne lokale innsamlingskomitéen: - Ola Tarjei Kroken, leiar - Marit Straume - Margit Nyhammer - Else Tystad - Liv Randi Teige - Liss Bergum - Eva Vigerust - Reidar Moldestad. I tillegg bad formannskapet om at Firda Tidend og Sparebanken Sogn og Fjordane, avd. Gloppen peika ut eitt medlem kvar til komitéen. Rådmannen har ikkje oversikt over om nokon av dei som vart valde i fjor vart bytta ut og om nye kom til. Vi har heller ikkje registrert at nokon har takka nei til å vere med på seinare innsamlingsaksjonar. --- Siste åra har formannskapet løyvd kr 10.000,- frå kommunen til TV-innsamlinga. Førebels har fylkesaksjonskomitéen ikkje bede om kommunalt tilskot, men det er grunn til å rekne med at ei slik oppmoding kjem. Økonomiske konsekvensar for kommunen: Det er sett av kr 10.000,- på budsjettet for 2013, som er tenkt til TV-aksjonen. Rådmannen si vurdering: Rådmannen kjem ikkje med framlegg til kandidatar, og tilrår heller ikkje noko bestemt kommunal løyving. Dei som blir valde/attvalde bør spørjast på førehand. Side 8
RÅDMANNEN SI TILRÅDING: 1. Formannskapet vel følgjande kandidatar til lokal komité for TV-innsamlinga i 2013: -, leiar - - - - - Formannskapet oppmodar Firda Tidend og Sparebanken Sogn og Fjordane, avd. Gloppen å oppnemne kvar sin representant til komitéen. Komiteleiaren får fullmakt til å supplere komitéen, viss noen av dei oppnemnde ikkje har høve til å delta. 2. Formannskap løyver kr.. i kommunalt tilskot til TV-innsamlinga. 23.05.2013 FORMANNSKAPET Framlegg frå ordføraren: Det blir bevilga kr 10.000,- til TV-aksjonen 2013. Framlegget frå ordføraren vart samrøystes vedteke. 050/13 VEDTAK: 1. Formannskapet vel følgjande kandidatar til lokal komité for TV-innsamlinga i 2013: Varaordførar Ola Tarjei Kroken leiar Marit Straume Margit Nyhammer Else Tystad Liv Randi Teige Liss Bergum Eva Vigerust Reidar Moldestad. Formannskapet oppmodar Firda Tidend og Sparebanken Sogn og Fjordane, avd. Gloppen å oppnemne kvar sin representant til komitéen. Komiteleiaren får fullmakt til å supplere komitéen, viss noen av dei oppnemnde ikkje har høve til å delta. 2. Formannskap løyver kr 10.000,- i kommunalt tilskot til TV-innsamlinga. Vedtaket var samrøystes. Side 9
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet 23.05.2013 051/13 Avgjerd av: Formannskapet Saksbehandlar: Bjørn Aurlien Objekt: 95/1 Arkiv: L33 Arkivsaknr.: 13/717-4 Frådeling av bustadtomt - dispensasjon frå kommuneplanen Vedlegg: Dok.nr Tittel på vedlegg 196238 Kart - kommuneplan med omsøkt tomt Bakgrunn for saka: Jostein Bergheim har søkt om frådeling av ei bustadtomt frå eigedomen sin på Sandal i Myklebustdalen. Arealet er i kommuneplanen avsett til framtidig bustadområde, og det er sett krav om reguleringsplan før ein kan dele frå nye tomter. Bergheim har søkt om dispensasjon frå dette kravet. Saksutgreiing: I 1999 vart bustadtomta til Frank og Venke Raad Larsen frådelt, etter dispensasjon frå LNFområde i kommuneplanen. I samband med denne saka var det sett på at området kunne vere eigna for fleire bustadtomter, og ved kommuneplanrevisjonen vedteken i 2009 vart eit areal til bustadformål lagt inn i planen. Området er ikkje særskilt omtalt i planen, og det kan sjå ut som kommunen si behandling av dette området har vore litt lettvint. Grunneigar har i alle fall munnleg opplyst at han ikkje var klar over at arealet nå er bustadområde i kommuneplanen. Tomta som er søkt om er til Bertine Raad Larsen. Ho har handicap etter ei ulukke som gjer at ho, både av praktiske og sosiale grunnar, ønskjer å bygge hus nær foreldra og søskena sine. Ho er klar for å bygge nå, og ønskjer ikkje å vente på ein eventuell reguleringsplan. Grunneigar har heller ikkje signalisert planar om å få laga ein detaljplan for bustadfelt nå. Han har ikkje noko mot at her er avsett eit område til bustadformål, då området er lite eigna til anna bruk. Men han er usikker på potensialet for vidare bustadbygging her, og dermed også usikker på om det er grunnlag for dei kostnadene ein reguleringsplan vil innebere. Han har forståing for at eventuelle nye søknader om frådeling vil bli møtt med krav om reguleringsplan, men meiner denne saka er slik at det bør vere grunnlag for å gi dispensasjon. Det er ikkje kome merknader til nabovarsel. Saka er ikkje sendt fylkesmannen og fylkeskommunen på høyring, då arealbruken er i samsvar med kommuneplanen. Økonomiske konsekvensar for kommunen: Ingen. Rådmannen si vurdering: Plan- og bygningslova 19-2 seier mellom anna: Side 10
Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. I tillegg må fordelene ved å gi dispensasjon være klart større enn ulempene etter en samlet vurdering. Formålet med ein reguleringsplan for eit lite bustadfelt som dette er først og fremst å avklare tomteplassering, utnytting, vegframføring og eventuelle andre fellesanlegg. Omsøkt tomt er godt plassert i forhold til ei eventuell vidareutvikling av området, og rådmannen kan ikkje sjå at frådeling av tomta nå vil gjere det vanskelegare å få til ein reguleringsplan på eit seinare tidspunkt. Rådmannen meiner momenta som er framlagt av søkjar er gode nok til å kunne forsvare at det blir gitt dispensasjon i denne saka. RÅDMANNEN SI TILRÅDING: Gloppen formannskap gir i samsvar med plan- og bygningslova 19-2 dispensasjon frå kommuneplanen sitt krav om reguleringsplan før frådeling og bygging i bustadområdet på gbnr. 95/1. Dispensasjonen er grunngjeven med at det er usikkert om det er marknad for vidare bustadbygging i området, og at kostnader og tidsbruk for å få til ein detaljplan kanskje ikkje kan forsvarast. Behova for tomt her er godt dokumentert i søknaden, i forhold til tilgang på tomter i regulerte bustadfelt. Saka er spesiell og gir ikkje føringar for behandling av andre delingssaker. 23.05.2013 FORMANNSKAPET 051/13 VEDTAK: Gloppen formannskap gir i samsvar med plan- og bygningslova 19-2 dispensasjon frå kommuneplanen sitt krav om reguleringsplan før frådeling og bygging i bustadområdet på gbnr. 95/1. Dispensasjonen er grunngjeven med at det er usikkert om det er marknad for vidare bustadbygging i området, og at kostnader og tidsbruk for å få til ein detaljplan kanskje ikkje kan forsvarast. Behova for tomt her er godt dokumentert i søknaden, i forhold til tilgang på tomter i regulerte bustadfelt. Saka er spesiell og gir ikkje føringar for behandling av andre delingssaker. Vedtaket var samrøystes. Side 11
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet 23.05.2013 052/13 Avgjerd av: Formannskapet Saksbehandlar: Bjørn Aurlien Objekt: 76/3 Arkiv: L33 Arkivsaknr.: 12/1717-7 Frådeling av bustadtomt - dispensasjon frå kommuneplanen Vedlegg: Dok.nr Tittel på vedlegg 195511 Kartskisse 1:4000 gbnr. 76/3. Datert 16.04.2013 197123 Utsnitt av kommuneplanen, datert 14. mai 2013 Bakgrunn for saka: Ole G. Eide har søkt om frådeling av ein parsell frå bruket sitt på Eide. Arealet er registrert som landbruks-, natur- og friluftsområde i kommuneplanen, og eventuell frådeling krev først dispensasjon frå kommuneplanen. Saksutgreiing: Omsøkt bustadtomt er om lag 1,5 dekar, og ligg i eit hjørne av Eide sin eigedom. Området ligg litt sør for tettbebyggelsen i Mona/Kleivedammen-området. Frå før er her delt frå ei tomt frå Eide sin eigedom i 1978. Tomta det nå er søkt om grensar på to sider til ein parsell som vart delt frå nabogarden i 1949 (gbnr. 76/58) «til byggetuft og oppdyrking» som det står i skyldskiftet. Området er elles prega av gardstun plassert på begge sider av kommunal veg, med det meste av dyrka marka på nedsida av vegen. Næraste regulerte bustadtomter er i Valborgkleiva. Kjøpar har slektsband til denne garden, og slik rådmannen forstår det er dette hovudårsaken til at dei ønskjer denne tomta framfor å etablere seg i bustadfelt, sjølv om dette ikkje går klart fram av søknaden. Søkjar er utfordra på eventuelle planar om å dele frå fleire tomter frå eigedomen. Han seier dette ikkje er aktuelt, og ønskjer difor ikkje å legge arbeid og kostnader i ein reguleringsplan. Det er skissert ny veg til tomta langs 76/58. Eksisterande avkøyrsle til 76/58 er uoversiktleg, og det er semje om at dei skal kunne knyte seg på den nye vegen. Saka er sendt på høyring til fylkesmannen og fylkeskommunen. Fylkesmannen si landbruksavdeling peiker på faren for drifts- og miljømessige ulemper for landbruket, og faren for arealbrukskonflikter. Areal til bustadføremål bør avklarast i samband med revisjon av arealdelen til kommuneplanen, og ikkje ved dispensasjon. Særleg er dette viktig i sentrumsnære område, der det bør etablerast klare og langsiktige grenser mellom utbyggingsformål og landbruksområde. I ein overordna planprosess kan ein også vurdere fleire ulike utbyggingsalternativ, og velje eigna bustadareal ut frå omsynet til ulike arealbruksinteresser. Fylkesmannen si miljøvernavdeling og fylkeskommunen si kulturavdeling har ikkje svart; og ein må då gå ut frå at dei ikkje har merknader av nasjonal eller regional interesse. Side 12
Teknisk og landbruksutvalet har behandla saka etter jordlova. Dei har ikkje funne at saka inneber vesentlege konflikter med jordvern eller andre landbruksfaglege forhold, og løyve til deling er gitt. Det pågår forlenging av kommunal avløpsleidning i dette området. Tomta vil difor kunne knytast til offentleg vatn- og avløpsanlegg. Økonomiske konsekvensar for kommunen: Ingen. Rådmannen si vurdering: Plan- og bygningslova 19-2 seier mellom anna: Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. I tillegg må fordelene ved å gi dispensasjon være klart større enn ulempene etter en samlet vurdering. Det kan ikke dispenseres fra saksbehandlingsregler. Ved dispensasjon fra loven og forskrifter til loven skal det legges særlig vekt på dispensasjonens konsekvenser for helse, miljø, sikkerhet og tilgjengelighet. Ved vurderingen av om det skal gis dispensasjon fra planer skal statlige og regionale rammer og mål tillegges særlig vekt. Kommunen bør heller ikke dispensere fra planer, lovens bestemmelser om planer og forbudet i 1-8 når en direkte berørt statlig eller regional myndighet har uttalt seg negativt om dispensasjonssøknaden. Kommunestyret har gjennom kommuneplanen gitt retningsliner for behandling av dei mest typiske enkeltsakene i LNF-område, men denne saka kjem ikkje klart inn under nokre av desse. Men kommuneplanen skisserer ein praksis der det er større opning for dispensasjon for bustadbygging på bygdene enn nær tettbygd strøk. Fylkesmannen har peika på noko av det same, og at ei gradvis utviding av grensene for tettbebyggelsen gjennom dispensasjonssaker er uheldig. Det er ikkje mangel på byggeklare einebustadtomter på Sandane. Sjølv om søkjar har sagt det for hans del ikkje er aktuelt å dele frå fleire tomter, kan ein ikkje vere sikker på at det ikkje kan kome fleire tilsvarande søknader i same området, eller i tilsvarande nærleik til Sandane sentrum. Rådmannen er samd med fylkesmannen i at det er uheldig med frådeling av enkelttomter så nær sentrum gjennom dispensasjonsbehandling. Isolert sett kan det argumenterast for at denne saka er lite problematisk, den er ikkje i vesentleg konflikt med landbruks-, natur- eller friluftslivsinteresser, og det ligg til rette for tilkopling til offentleg veg-, vatn- og avløpsanlegg. Den kan likevel føre til auka press på omdisponering og frådeling av areal utan at dette først er avklara i overordna plan slik lovverket legg opp til. Det vil seie at eit løyve kan svekke kommunestyret si styring over utviklinga av arealbruken nær Sandane sentrum. RÅDMANNEN SI TILRÅDING: Gloppen formannskap avslår søknad frå Ole G. Eide om dispensasjon frå kommuneplanen for å dele ei bustadtomt frå gbnr. 76/3. Grunngjeving for avslaget er at formannskapet meiner bustadbygging så nær tettbebyggelsen på Sandane må avklarast gjennom revisjon av kommuneplanen. Side 13
23.05.2013 FORMANNSKAPET Framlegg frå ordføraren: Saka blir utsett. Rådmannen kjem tilbake med meir informasjon om saka basert på opplysningar som kom fram i formannskapet. Saka skal tilbake til formannskapet i møtet 6. juni 2013. Det vart røysta over utsettingsframlegget, som vart vedteke mot tre røyster 052/13 VEDTAK: Saka blir utsett. Rådmannen kjem tilbake med meir informasjon om saka basert på opplysningar som kom fram i formannskapet. Saka skal tilbake til formannskapet i møtet 6. juni 2013. Vedtaket vart gjort mot tre røster. Side 14
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet 23.05.2013 053/13 Avgjerd av: Formannskapet Saksbehandlar: Jan Kåre Fure Objekt: Arkiv: H10 Arkivsaknr.: 12/158-13 Folkeavrøysting om å skifte helseføretak? Ingen vedlegg. Bakgrunn for saka: Sjukehusaksjonen Nordfjord har sendt brev til ordførarane i Nordfjord med krav om at det blir halde folkeavrøysting om «kryssing av grensene for helseføretaka». I brevet er det varsla innlevering av underskriftslister for å oppfylle krava i kommunelova 39a om innbyggarinitiativ. Saksutgreiing: Det er ikkje levert inn underskriftslister til Gloppen kommune slik brevet frå sjukehusaksjonen varslar om. Noko innbyggarinitiativ ligg derfor ikkje føre i saka. Brevet frå sjukehusaksjonen er derfor ei oppmoding til kommunestyret om å gjere vedtak etter kommunelova 39b om å gjennomføre ei lokal folkeavrøysting i saka. Kommunelova 39b lyder slik: 39b. Lokale folkeavstemninger 1. Kommunestyret eller fylkestinget kan selv bestemme at det skal avholdes rådgivende lokale folkeavstemninger. 2. Kommunene og fylkeskommunene plikter å rapportere de opplysninger som departementet finner er nødvendig for å offentliggjøre informasjon om lokale folkeavstemninger. Det er ikkje fastsett nærare reglar om korleis ei eventuell folkerøysting skal gjennomførast i praksis, men i forarbeida til lovendringa den gongen 39b kom inn i kommunelova, heiter det at «det kan vere naturleg at kommunane tek utgangspunkt i regleverket i vallova». Det er både prinsipielle og praktiske spørsmål knytt til ei folkeavrøysting. I tilsvarande sak lagt fram for kommunestyret i Eid, skriv rådmannen der: Folkeavrøysting I vurderinga om ein skal bruke folkeavrøysting eller ikkje, bør følgjande tas omsyn til: 1. Dei prinsipielle forholda knytt til bruk av ei rådgjevande folkeavrøysting versus ei avgjersle tatt i eigne folkevalde organ Side 15
2. Om saksområdet er eigna i høve bruk av folkeavrøysting. Hovudprinsippet i det norske demokratiet er at vi har eit representativt demokrati. Det er ei opning for å bruke folkeavrøystingar både lokalt i kommunelova 39 b. Folkeavrøystingar vert oftast brukt i samband med store og prinsipielle saker. Val av målform i samband med skuleverket, øl-monopol, kommunesamanslåing er døme på slike saker. I den seinare til har mange kommunar heldt folkeavrøysting om ein ønskjer vindkraft i kommunen eller ikkje. På nasjonalt nivå har folkeavrøysting blitt brukt bare to gonger etter 2. verdenskrig i samband med EU spørsmålet. Kommunestyret vert vald av og er sett til å ta politiske avgjerder på vegne av innbyggarane i kommunen. Bruk av folkeavrøystingar er slikt sett eit brot på systemet med eit representativt demokrati og kan bidra til å undergrave dette på sikt. Politikarane er i prinsippet vald på bakgrunn av partiprogrammet som omtaler politisk ståstad og prioriteringar. Eit spørsmål blir om kva helseføretak ein kommune skal høyre til, er et forhold som er så mykje viktigare for kommunen sine innbyggarar enn andre demokratiske spørsmål, at det krev ei folkeavrøysting. Om poenget med folkeavrøysting er å lytte til kommunen sine innbyggarar, fins det også andre måtar å få fram folks synspunkt på enn folkeavrøystingar. Det kan for eksempel gjennomføre opinionsundersøkingar, høyringar, folkemøter med vidare. Spørsmålet om å skifte regionalt helseføretak, er et relativt komplisert og samansett tema. Organisering av heleføretaka er lagt til Storting og Regjering. Det betyr at innbyggarane tek stilling til denne og andre saker i samband med val. Kommunestyret i Eid har avvist å gjennomføre noko folkerøysting i saka. Saka har elles vore behandla slik i Nordfjord (Bremanger er ikkje med): Stryn: Ikkje behandla sak Hornindal: Nei til folkeavrøysting i kommunestyrevedtak Vågsøy: Sak i kommunestyret 30. mai i år, med negativ tilråding frå rådmannen Selje: Nei til folkeavrøysting i kommunestyrevedtak. Økonomiske konsekvensar for kommunen: Det er ikkje rekna på kva det vil koste å gjennomføre ei folkeavrøysting. Viss ei slik avrøysting kan haldast saman med stortingsvalet i haust, vil kostnadene naturlegvis bli mindre enn ved ein eigen avrøystingsdag. Rådmannen vil ikkje rekne på kostnaden før vi eventuelt har bestemt oss for å gjennomføre ei folkeavrøysting. Rådmannen si vurdering: Rådmannen vil ikkje tilrå at Gloppen kommune gjennomfører noko folkeavrøysting i denne saka. Etter mitt syn er skifte av helseføretak ikkje ei aktuell sak for Gloppen. Når det gjeld dei meir prinsipielle sidene ved folkeavrøysting, meiner eg til liks med rådmannen i Eid at det norske systemet legg opp til at kommunestyrepolitikarane arbeider for dei sakene dei er gått til val på. Om folkeavrøystingar skal brukast som eit supplement, bør det gjelde prinsipielle saker som kommunestyret har direkte avgjerslemynde i. Side 16
Dersom det skulle vere eit ønskje frå dei folkevalde om å gjennomføre ei folkeavrøysting i saka, må vi ta stilling til kva det skal røystast over. Dette går ikkje fram av oppmodinga til sjukehusaksjonen. Kanskje kunne avrøystingsspørsmålet vere: «Skal kommunestyret i Gloppen arbeide for å skifte regionalt helseføretak til Helse Midt?». Rådmannen meiner som sagt at dette er ei uaktuell problemstilling. --- Det er kommunestyret sjølv som avgjer om det skal gjennomførast lokale folkeavrøystingar. Dersom formannskapet går inn for dette, må saka vidare til kommunestyret. RÅDMANNEN SI TILRÅDING: Formannskapet viser til rådmannen si saksframstilling og avviser oppmodinga frå sjukehusaksjonen om å gjennomføre folkeavrøysting i Gloppen om endring av grensene for helseføretaka. 23.05.2013 FORMANNSKAPET 053/13 VEDTAK: Formannskapet viser til rådmannen si saksframstilling og avviser oppmodinga frå sjukehusaksjonen om å gjennomføre folkeavrøysting i Gloppen om endring av grensene for helseføretaka. Vedtaket var samrøystes. Side 17
GLOPPEN KOMMUNE SAKSPAPIR Ikkje offentleg Off.lova 13, jf forvaltningslova 13 SAKSGANG Styre, utval, komite m.m. Møtedato Saksnr Formannskapet 23.05.2013 054/13 Avgjerd av: Formannskapet Saksbehandlar: Kristine Dahl Objekt: Arkiv: 611 &55 Arkivsaknr.: 10/1153-15 Opparbeiding av tomt og oppføring av hall til utleige - Strukturplast Vedlegg: Dok.nr Tittel på vedlegg 197286 Kostnadskalkyle for bygging av lagerhall 197287 Oversiktskart datert 11. mars 2013 Teksten i saka er teken ut sidan saka ikkje er offentleg. RÅDMANNEN SI TILRÅDING: Gloppen kommune investerer i arbeid med opparbeiding av grunn og etablering av lagerhall på Kattehamrane for vidare utleige. Leigetakar skal betale for leige av hall og utgiftene til infrastruktur vert finanisert frå næringsfondet. 23.05.2013 FORMANNSKAPET Møtet vart lukka i medhald av kommunelova 31, nr 5. Framlegg frå ordføraren: Saka har vore drøfta, og det er positiv vilje til å finne ei løysing. For å få avklart ein del spørsmål blir saka utsett til møtet 6. juni 2013. 054/13 VEDTAK: Saka har vore drøfta, og det er positiv vilje til å finne ei løysing. For å få avklart ein del spørsmål blir saka utsett til møtet 6. juni 2013. Vedtaket var samrøystes. Side 18
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet 23.05.2013 055/13 Avgjerd av: Formannskapet Saksbehandlar: Marit Elisabeth Larssen Objekt: Arkiv: A40 Arkivsaknr.: 13/803-7 Uttale til endeleg framlegg til strukturplan for vidaregåande opplæring i Sogn og Fjordane Ingen vedlegg. Bakgrunn for saka: Fylkesrådmannen har lagt fram si endelege tilråding til ny struktur på vidaregåande opplæring i fylket. I dette framlegget er den fylkesdekkande studieretninga for musikk/dans/drama, i tillegg til studiespesialisering og studiepåbygging lagt til Firda vidaregåande, medan idrettsfag, media og kommunikasjon og helse og oppvekstfaget er foreslått flytta til andre skular. Dette vekker sterke reaksjonar sett i lys av at Sogn og Fjordane fylkeskommune og Gloppen kommune er i ferd med å avslutte utbygginga av si felles store satsing, Trivselshagen, med spesialrom for MDD, Media og kommunikasjon og Idrettsfag. Samla kostnad for utbygging av dette anlegget er 290 mill kroner. RÅDMANNEN SI TILRÅDING: Gloppen formannskap ønskjer i tilknytting til saka å kome med slik uttale: Gloppen formannskapet syner til fylkesrådmannen sitt framlegg til ny struktur for dei vidaregåande skulane i Sogn og Fjordane. I framlegget er Firda vidaregåande skule tillagt den fylkesdekkande studieretninga for musikk/dans/drama, i tillegg til studiespesialisering og studiepåbygging. Dette er gode val. Dei stettar næringslivet sitt behov for å sikre rekruttering til utdanning på høgskule- og universitetsnivå, samstundes som trongen for å sikre eit mangfald i studieval relativt sett er ivaretatt. I tillegg til dei nemnde studieretningane vil Gloppen formannskap foreslå at studieretningane Media og kommunikasjon og Idrettsfag blir vidareført ved Firda vidaregåande. Fylkeskommunen og Gloppen kommune har bygd Trivselshagen, skule- og kulturanlegget. Anlegget er unikt og spesielt tilrettelagt for MDD, Media og kommunikasjon og Idrettsfag. Det siste byggetrinnet i anlegget, fleirbruks idrettshall, er ferdigstilt i 2013. Fylkeskommunen har då eit moderne og vel utstyrt anlegg for si opplæring, som få kan konkurrere med. Å legge studieretning for idrettsfag til Firda vidaregåande inneber at fylkeskommunen får nytta ut: Eit nytt og det mest moderne anlegget i Sogn og Fjordane Kompetanse og kvalitetar som er bygd opp gjennom fleire år Side 19
Synergiar som er skapt mellom fylkeskommunen v/firda vidaregaånde og Gloppensamfunnet. Også dette samarbeidet er eit viktig bidrag til kvalitet i opplæringa. Søkartala for hausten 2013 til studieretningane for idrettsfag syner at tilbodet ved Firda vidaregåande er det føretrekte i fylket. Dette faktum saman med dei momenta som er nemnde over, ligg til grunn for Gloppen formannskap sitt framlegg om mellom anna å vidareføre Idrettsfag som studieretning ved Firda vidaregåande. 23.05.2013 FORMANNSKAPET 055/13 VEDTAK: Ordførar og rådmann får fullmakt til justere uttalen i tråd med drøftingane i formannskapet. Vedtaket var samrøystes. Side 20