Side 1 SAMLA SAKSFRAMSTILLING Arkivsak: 05/1508-9606/08 Saksbeh.: Berit Marie Galaaen Arkivkode: PLAN 301/1 Saksnr.: Utval Møtedato 82/08 Formannskap/ plan og økonomi 05.06.2008 43/08 Kommunestyret 19.06.2008 SAMLA SAK - TAULEN CAMPING - REGULERINGSPLAN Innstilling: Administrasjonen si innstilling: Formannskap/ plan og økonomi den 05.06.2008 sak 82/08 Behandling i møte: Administrasjonen si innstilling vart samrøystes tilrådd. Saksordførar til kommunestyret: Iril Schau Johansen Tilråding: Saksordførar til kommunestyret: Iril Schau Johansen Kommunestyret den 19.06.2008 sak 43/08 Behandling i møte: Repr. Iril Schau Johansen la fram saka på vegne av utval for formannskap plan og økonomi. Tilrådinga frå utval for formannskap plan og økonomi vart samrøystes vedteken. Vedtak:
Side 2 Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. * 29.04.08 Framlegg til reguleringsplan Anda & Hirth ANS Plankart, føresegner og planskildring * 29.04.08 Vurdering av merknader Anda & Hirth ANS * 22.04.08 E-post til Anda & Hirth ANS NVE v/ Geir Magne Verlo * 06.03.08 Merknad Statens vegvesen * 13.03.08 Merknad Fylkesmannen i Hordaland, landbruksavdelinga * 27.03.08 Merknad Hordaland Fylkeskommune * 27.03.08 Merknad NVE * 16.04.08 Merknad Fylkesmannen i Hordaland, miljøvernavdelinga 06.02.07 Notat om rasfarevurdering Multiconsult 3. SAMANDRAG AV SAKA: Forslag til reguleringsplan for Taulen Camping vert lagt fram for planutvalet med innstilling om godkjenning i kommunestyret. Forslaget som vert fremja som ein privat reguleringsplan har vore utlagt til offentleg ettersyn og sendt partar og høyringsinstansar til uttale. Planleggjar har gjennomgått innkomne merknader og kome med sine vurderingar og forslag til endring. Hovudføremål med reguleringa er å leggja til rette for ein heilårs campingplass. Det er tenkt 19 campingvogner, campinghytter, teltplass, oppstilling av bubilar og mobile campingvogner samt eit nytt/oppussa sanitæranlegg. Reguleringsplanen omfattar byggeområde (servicebygg), landbruksområde (jord- og skogbruk), offentleg trafikkområde (anna veggrunn), fareområde (rasfare), spesialområde (campingplass, naturvernområde, friluftsområde, frisiktsone) og fellesområder (felles avkøyrsle/veg). 4. FAKTA OM SAKA: Taulen camping ligg på Taulen, vest for E16. Avstand til Vossevangen er omlag 16 km. Planområdet er omlag 29 dekar og ligg vest for Strandaelvi som planområdet grensar til. Området det vert søkt om å få regulera er del av eigedomen gnr. 308 bnr. 1 Planområdet er relativt flatt, hallar generelt noko mot aust. Anda & Hirth ANS er engasjert til å utarbeide reguleringsplan for grunneigar og tiltakshavar Liv Maria Taulen. Planen vert utarbeidd som privat reguleringsplan. Oppstartsmøte vart halde 14.10.05. Planforslaget har vore ute til offentleg ettersyn frå 18.02.2008 til 28.03.2008.
Side 3 Det kom inn fylgjande merknader: 1. Brev dat. 06.03.2008 frå Statens vegvesen 2. Brev dat. 13.03.2008 frå Fylkesmannen i Hordaland, landbruksavdelinga 3. Brev dat. 27.03.2008 frå Hordaland Fylkeskommune 4. Brev dat 27.03.2008 frå NVE 5. Brev dat 16.04.2008 frå Fylkesmannen i Hordaland, miljøvernavdelinga Etter vanleg praksis for utarbeiding av private planar etter plan- og bygningslova, har planleggjar fått høve til å gjennomgå og gje sine merknader til dei fråsegnene som er komne inn. I brev dat 29.04.2008 har Anda & Hirth ANS kommentert og kome med sine synspunkt til dei merknadene som føreligg og gjort framlegg om mindre endringar av føresegnene og plankartet. Planforslaget som no er fremja inneheld: Byggjeområde; servicebygg etc. Landbruksområde; jord- og skogbruk Offentleg trafikkområde; anna veggrunn Fareområde; rasfare Spesialområde; campingplass, naturvernområde, friluftsområde, frisiktsone Fellesområde; avkøyrsle/veg 5. ADMINISTRASJONEN SI VURDERING: Det er positivt at campingplassar vert regulert. Det er viktig å få satt opp retningslinjer og føresegner til områder som vert nytta til campingføremål. Kommunen har ynskje om å få alle eksisterande campingplassar regulert, men det er eit omfattande arbeide. Administrasjonen ser det derfor som veldig positivt at Taulen no fremjar ein plan som får eksisterande drift inn i faste rammer, samstundes som dei legg opp til ei ryddig utviding og utvikling av området. Det har dei seinare åra skjedd store endringar av campingplassane. Dei aller fleste har vorte mykje meir permanente enn før. I dag er det mest faste plassar kor det vert etablert permanente installasjonar som spikertelt, plattingar osv. Det har ført til at det er eit stort behov for å få retningslinjer og reglar/føresegner å forholda seg til. Framlegg til føresegner for denne plassen er i stor grad basert på føresegnene til Myrkdalen camping. Desse vart utarbeida med tanke på at dei skulle danna mal for andre campingplassar, men tilpassast lokale tilhøve. Krava til branntryggleik har i stor grad vore førande for korleis installasjonane med campingvogner kan plasserast i forhold til kvarandre. Administrasjonen har ikkje merknader til Anda & Hirth sin gjennomgang av merknadene som kom inn ved offentleg ettersyn og legg fram brevet som oppsummerer merknadene og klargjer planleggjar og utbyggjar sine vurderingar og standpunkt. Nedanfor er administrasjonen si oppsummering med bakgrunn i innkomne merknader: NVE - Noregs vassdrags- og energidirektorat Positiv til at det er regulert eit naturvernområde mellom elva og campingplassarealet.
Side 4 NVE har ikkje kjennskap til vasstandnivået i Strandaelvi lokalt ved Taulen, eller ev. fare for overfløyming frå sideelvar. Dette må avklarast, og bør helst avklarast på reguleringsplan nivå. NVE tilrår at det vert gjort ei flaumvurdering i Strandaelvi. Administrasjonen meiner at kravet frå NVE burde vore fylgd opp. Men i og med at det har vore dialog mellom planleggjar og NVE, og dei har kome fram til einigheit, meiner administrasjonen det er ok at kravet no ligg inne som eit rekkefølgjekrav til planen. Administrasjonen vil tru at tiltakshaver har god kjennskap til forholda rundt elva. Tiltakshaver driver campingplass der i mindre skala i dag. Statens vegvesen Det er i hovudsak tilkomsten frå E16 som er av særleg interesse for dei. Krev at det innarbeidast noko meir i rekkefølgjebestemmelsene i føresegna. Denne teksten må med: Krysset mellom E16 og vegen bort til campingplassen skal vera opparbeidd før delområda CP 1-3, BU og T1-2 vert teke i bruk. Krysset skal utformast og dimensjonerast for liten lastebil i samsvar med krava i handbok 017 Veg- og gateutforming, Statens vegvesen. Under heile planprosessen har det vore jobba med tilkomsten frå E16. Det har vore viktig at planavgrensinga har omfamna kryss ved E16, frisiktsone og tilkomstveg. Det har vore dialog med Statens vegvesen. Den siste formuleringa av rekkefølgjekravet Statens vegvesen kom med i fråsegna er tatt inn. Administrasjonen meiner at problematikken rundt tilkomsten no er løyst i planen. Hordaland fylkeskommune Reguleringsforslaget legg opp til å regulera den øvre terrassen i planforslaget til jordbruk og sikringsområde for ras. Dei ser at det er eit potensiale for funn av automatisk freda kulturminne og må difor avklarast jf 9 i kulturminnelova. Dei rår ifrå å regulere dette område dersom dei ikkje har nytte av det. Det vil berre føre til utsetting og meirkostnader for undersøking av området. Dei ber om at atterhalda om kulturminne vert tekne omsyn til ved utbygginga. Administrasjonen har vore i direkte kontakt med fylkeskommunen for å få avklart planavgrensinga. Administrasjonen meinte i utgangspunktet at det var greitt å ta med området ovanfor campingplassen for det har det under prosessen vore med i vurderingane. Og i prosessen har ein kome fram til at dette område ikkje kan nyttast til campingføremål. Men ein ser det som lite teneleg å måtte sette i gang arbeide med å undersøke dette område som aldri vil verte aktuelt å nytte til noko anna enn slik det ligg i dag. Administrasjonen går med på å følgje rådet til fylkeskommunen om å ta dette område ut av planen. Vise til at det er gjort i endeleg planframlegg. Fylkesmannen i Hordaland, miljøvernavdelinga Hovudmerknaden frå fylkesmannen ved oppstart var knytt til vurderingar av fare for ras og steinsprang frå den bratte fjellsida i bakkant av planområdet. Planframlegget tar omsyn til det som er
Side 5 kome fram i skredrapporten. Det kan synast som om areal avsett til bubilar og til telt er små i høve til turistferdsel sommartid. Også areal for leik synast små til å vere ein campingplass. Det er uheldig at dei finaste og mest eksponerte areala er avsett til campingvogner og spikartelt som gjerne vert meir permanente innretningar. Viser til kommentaren frå planleggjar. Administrasjonen ser det som naturleg at planen er basert på korleis campingplassen har vore utprøvd i mange år. Intensjonane i planen er å leggja til rette for leik/aktivitetar, beplantning, tilkomst for rørslehemma, sikring mot veg/elv, trafikktryggleik etc. Forslaget har innarbeidd ei buffersone (naturvernområde) mot Strandaelvi. Det er sett krav til at leikeområdet skal vera tilgjengeleg før delområde vert teke i bruk. Multiconsult har utført ei rasfarevurdering i samband med planarbeidet. Planen er endra i samsvar med tilrådingane i denne rapporten. Fylkesmannen i Hordaland, landbruksavdelinga Ingen merknader til planen. Konklusjon: Administrasjonen tilrår at saka vert lagt fram til endeleg godkjenning for kommunestyret i samsvar med forslaget.