saksframlegg Dato: Referanse: Vår saksbehandlar: 18.05.2016 35308/2016 Åge Ødegård Saksnr Utval Møtedato Samferdselsutvalet 01.06.2016 Fylkesrådmannens tilråding Fylkesutvalet 27.06.2016 Fylkestinget 12.10.2015 Utbetring av fv658 Godøytunnelen Bakgrunn Under ein inspeksjon av tunnelen i 2014 vart det avdekt fleire lause plater i eksisterande platekvelv, og dei ingeniørtekniske rapportane konkluderte med at ein måtte ta ned plater over fleire hundre meter for sikre desse, samt kontrollere tilstanden bak desse. I 2015 vart det sett av midlar til å ta ned platene, reinske fjellet og etablere ny vassikring på deler av strekninga. Inspeksjon etter at platene vart fjerna påviste store korrosjonsskader og kort restlevetid på kabelbru og oppheng til denne. Teknisk tilstand på desse elementa tilseier at dei må bytast innan 1-2 år. Innan 2015 skal alle tunnelar oppgraderast i høve til krav sett i Tunnelsikkerheitsforskrifta og Vegnormalen N500 Vegtunneler. Spørsmålet vert då om ein skal utføre dei kritiske utbetringane no, for seinare fjerne dette og starte på nytt, eller om ein gjennomfører total oppgradering i samsvar med tunnelsikkerheitsforskrifta. Fylkestinget fatta følgjande vedtak i sak T79/15 Økonomiplan 2016-2019 med budsjett for 2016 (08.12.2016): GODØYTUNNELLEN: Fylkestinget ber om at det vert lagt fram ei fullstendig sak om rehabilitering av Godøytunnelen, kostnad og gjennomføring, til tingsamlinga i juni 2016. Samferdselsutvalet fatta vidare følgjande vedtak i SA 12/16 Plan og byggeprogram 2016-2017 (02.03.2016). Samferdselsutvalet ber om at prosjektering av Godøytunnelen vert sett i gang snarast, slik at vi kan få fram eit best mogleg grunnlag til ei fullstendig behandling av saken i fylkestinget i juni. Godøytunnelen er og lagt inn i investeringsprogrammet som vart handsama av fylkestinget i sak T10/16 Investeringsprogram for fylkesvegar 2017-2023 med midlar i åra 2017, 2018 og 2019.
Vurdering Statens vegvesen har no gjennomført risikovurdering, synfaring med konsulenten, samt gjennomført anslag. Sjølv om ein i investeringsprogrammet har teke høgde for full opgradering ønskjer fylkesrådmannen denne saka handsama i fylkestinget i samsvar med tidlegare bestilling. Det er gjort vurdering av to alternative løysingar for prosjektet. Alternativ 1, minimumsløysing Ei minimumsløysing omfattar ny kabelbru med innfesting, i tillegg til reinsk og montering av plater. Løysinga med ny kabelbru fører og til at det må etablerast nytt lysanlegg, som igjen krev nye tekniske bygg på begge sidene av tunnelen. Dei to tekniske bygga med inventar er tenkt oppført slik at dei skal kunne nyttast vidare ved framtidig full opprusting av tunnelen. Lysanlegget er planlagt utført i samsvar med Vegnormalen N500 Vegtunneler, med sikkerheitsbelysning som vil lyse i minst ein time etter eventuelt straumbrot. Kor mykje som kan brukast opp att av utstyr etc. i samanheng med ei seinare full oppgradering i henhold til tunnelsikkerheitsforskrifta, kjem an på kor mange år det går mellom tiltaka. Det er tatt høgde for at dei to tekniske bygga skal kunne nyttast vidare innanfor ei tidsramme på 1 8 år. For kabelbrua vil gjenbruksnytte ved ein seinare full oppgradering regnast til å vere maks 5 år. Kostnad Anslaget frå Statens vegvesen gir ein berekna kostnad (P50) på 33,1 mill. kroner, med nedre og øvre verdi på høvesvis 29,8 mill. kroner og 36,4 mill. kroner. ein presiserer at anslaget er utført før det er utarbeidd godkjend konkurransegrunnlag for gjennomføringsentreprise, i samsvar med krav i kvalitetssystemet. Men ein meiner likevel at anslaget er dekkjande. Gjenbruksverdi av kabelbru og lysarmatur vil truleg ligge mellom 4,5 og 7,5 mill. kroner, innanfor perioden på 5 år. Det er ikkje er tatt med kostnader for vassikring av tunnelen i minimumsløysinga. Det betyr at tunnelen vil framstå like fuktig som han er i dag. Det er heller ikkje tatt med noko form for utskifting/forbetring av sikkerheitsutrustinga. Gjennomføring og trafikkavvikling Arbeidet er tenkt gjennomført på dagtid i 60 verkedagar med kolonnekøyring. Eksisterande anlegg må demonterast i minimum 4 etappar. Sikkerheitsutrustinga i tunnelen skal vere intakt medan arbeida pågår. Ved eventuelt val av minimumsløysing må planane leggast fram for brannmyndigheitene på staden. Om ein går for ei minimumsløysing, må full opprusting av Godøytunnelen inn i den samla planen for renovering av fylkesvegtunnelar (Tunnelsikkerheitsforskrifta 8 siste avsnitt). Den planen som no er oversendt og godkjend av Vegdirektoratet omfattar ikkje Godøytunnelen.
Alternativ 2, full opprusting Ei full opprusting av tunnelen i henhold til krava i tunnelsikkerheitsforskrifta og vegnormalen N500 Vegtunneler. Det er gjennomført ei risikovurdering og innleiande kartlegging med konsulent som grunnlag for val av løysing, samt møter med kommuneleiinga for å diskutere ulike alternativ for gjennomføring og trafikkavvikling. Ein kan samanlikne tiltaket det er behov for på Godøytunnelen med dei tiltaka Vegdirektoratet har sett krav om for Ellingsøy- og Valderøytunnelen på rv 658. Ei løysing med å gjennomføre avbøtande tiltak for å gjere tunnelane så trygge som mogleg. Vegdirektoratet må godkjenne tiltaksplanane før utbetringsarbeidet startar. Endeleg avklaring av løysing og dermed omfanget av arbeidet, vil dermed først vere klart etter ein dialog med og godkjenning frå Vegdirektoratet. Nye tiltak, som Vegdirektoratet har sett krav om på Ellingsøy- og Valderøytunnelen, som ikkje låg til grunn for det førre kostnadsoverslaget frå Statens vegvesen på 314 mill. kroner: - 1 meter høg betongkant gjennom heile tunnelen - høgtalaranlegg - sprenging for 3 framtidige evakueringsrom (men ikkje etablering av romma) Mykje av grunnen til auka kostnad er og knytt til gjennomføringstid og dermed høgre kostnader til trafikkavvikling. Kostnader Statens vegvesens anslag på full opprusting av Godøytunnelen, jf. den løysinga som er skildra under. Foreløpig anslag (P50) er berekna til 360 mill. 2016-kroner, inkludert alle kostnader og avsetjing for usikkerheit som skal vere med i eit anslag. Nedre og øvre verdi i anslaget er på høvesvis 328 mill. kroner og 400 mill. kroner. Det er framleis fleire element i anslaget som har stor usikkerheit, der tid til gjennomføring kanskje er størst. Byggetida er sett til 18 månader, men her kan det vere mogleg å korte inn, som igjen vil kunne gje innsparing på trafikkavviklingskostnadene. Trafikkavviklingskostnadene er i anslaget rekna til over 50 mill. kroner. Gjennomføring og trafikkavvikling I anslaget er det tatt utgangspunkt i ei to-skiftsordning med arbeide både dag og natt, med kolonnekøyring regelmessig frå kl. 07.00 til kl. 19.00 i tillegg til nokre få på natt. Entreprenør vil slik kunne legge opp til ei tilnærma normal skiftordning for mykje av arbeidet. Arbeid med sprenging, bergsikring og sprøytebetong vil krevje lange periodar med stengd tunnel og vil dermed bli utført på nattetid. Ei utfordring, då spesielt på dagtid, vil vere arbeid i tunnelen og mengde eksos arbeidarane blir utsette for. Ein må ut får dette sette krav og bestemmelser for kor ofte ein kan kjøre kolonnar og kor mange bilar det skal vere i kvar kolonne.
Det vil og måtte vurderast å sette opp eit hurtigbåttilbod på morgon og kveld, samt tilpasse busstilbodet til båtavgangane. Omfanget rundt dette er ikkje avklara. Den generelle trafikkavviklinga må det uansett arbeidast vidare med, før ein kan konkludere med kva som totalt sett er beste løysinga for gjennomføring, byggetid, kostnader og trafikkavvikling. Det må gjerast i samarbeid med fleire partar som blant anna kommune, innbyggjarar, naudetatar og hurtigbåtleverandør. Når ein har bestemt og anleggsentreprenør. Ei løysing med bruk av ferje og totalstenging av tunnel i anleggstida, har også vore vurdert. Dette vil gje meir rasjonell bygging, kortare byggetid og tryggare arbeidstilhøve, men det er usikkert om gevinstane med det vil vere store nok til å vege opp for dei auka kostnadene med etablering av ferjekaier og ferjedrift. Det er også usikkert om det er passande ferjer tilgjengelege i marknaden. Statens vegvesen ønsker ei tilbakemelding frå fylkeskommunen om det er ønskje at det arbeidast vidare med dette alternativet, sjølv om det truleg vil ha ein høgare kostnad enn den trafikkavviklinga som no er føresett i anslaget. Statens vegvesen tilrår full opprusting av tunnelen så snart som mogleg. Etter ei slik opprusting, vil tunnelen vere lys, tørr og mykje tryggare for trafikantane. Det er rasjonelt både med omsyn til økonomi og trafikkavvikling å unngå å dele opp arbeidet i to «byggesteg», der graden av gjenbruk frå første «byggesteg» er svært avgrensa. Det vil også vere rasjonelt å gjennomføre utbetringa av Godøytunnelen samstundes som utbetringsarbeid føregår i Ellingsøy- og Valderøytunnelane, både med omsyn til byggherreorganisasjonen og, ikkje minst for brukarane. Det vil vere ein vesentleg ulempe for innbyggjarane på Godøya med trafikkhindringar først ved ei minimumsløysing, utbetring i riksvegtunnelane og så igjen i ei lengre periode når Godøytunnelen uansett må rustast opp i samsvar med forskrift og vegnormal. Sett ein desse to løysingane opp mot kvarandre, vil ein sjå fordeler og ulemper ved begge. Vel ein minimumsløysinga vil ein få ein lågare kostnad dei første åra, men større kostnadar på sikt. Dette på grunn av at ein ved neste byggesteg vil få kostnader ein vil kunne unngå ved ei total oppgradering i første omgang. Dette vere seg blant anna: - ekstra riggkostnadar - kostnader vedrørande byggherrestyring - demontering av element oppført i «byggesteg ein» - trafikkavvikling - det kan og vere seg at ein i framtida må velje dyrare teknologiske løysingar for komponentar enn kva ein har i dag. Vel ein ei total oppgradering av tunnelen, vil ein dra nytte av å samkjøre prosjektet med oppgraderingen av riksvegtunnelane Ellingsøy- og Valderøytunnelen. Ein vil kunne nytte same byggherreorganisasjonen for alle dei parallelle prosjekta, og utfordingar med trafikkavvikling vil verte innanfor ei kortare tidsperiode. Fylkesrådmannen tilrår med bakgrunn i overståande at ein at ein vedtek å oppruste Godøytunnelen i samsvar med tunnelsikkerheitsforskrifta (alternativ 2).
Forslag til vedtak: Møre og Romsdal fylkeskommune opprustar Godøytunnelen i samsvar med krava i tunnelsikkerheitsforskrifta, med oppstart 2017. Ein ber om at prosjektet vert samkøyrt med oppgradering av Ellingsøy- og Valderøytunnelane på rv 658. Ottar Brage Guttelvik fylkesrådmann Arild Fuglseth samferdselssjef Vedlegg 1 Notat fv658 Godøytunnelen