Følgjande medlemmer møtte ikkje: Navn Funksjon Representerer. Følgjande varamedlemmer møtte: Navn Møtte for Representerer

Nissedal kommune Møteprotokoll Formannskapet Utval: Møtestad: Kommunehuset Dato: 12.09.2013 Tidspunkt: 08:30 14:30 Følgjande faste medlemmer møtte: Navn Funksjon Representerer Halvor Homme Ordførar AP/KRF/H Øyvind Tveit Varaordførar AP/KRF/H Runa Vee Tveit Medlem AP/KRF/H Anne-Nora Oma Dahle Medlem SP/FRP Frank Edvard Sjøgren Lien Medlem SP/FRP Følgjande medlemmer møtte ikkje: Navn Funksjon Representerer Følgjande varamedlemmer møtte: Navn Møtte for Representerer Følgjande frå administrasjonen møtte: Navn Sverre Sæter Anne Espelid Stilling Rådmann Einingsleiar kultur (sak 98/13) Fylkeskommunen ved utviklingssjef Jon Skriubakken hadde innleiiande drøftingar om samarbeidsavtale Frå saksnr.: 92/13 Til saksnr.:99/13 Halvor Homme ordførar

Saksliste Utvalssaksnr Innhald Saker til behandling PS 92/13 N - Konsesjon på erverv av landbrukseigedom - 35/4, 25 og 34/7 - Homme ytre PS 93/13 N - 27/1 - Fjone nordre - søknad om frådeling av tilleggstomt - dispensasjon PS 94/13 PS 95/13 PS 96/13 PS 97/13 N 33/45 - Reguleringsplan Treungen Sør del 1 - tomt for Treungen teknologipark - dispensasjon frå reguleringsplan Oppstart av bedrift - Hagens Bygg og Montasje Kjøp av bil heimesjukepleia. Referat- og drøftingssaker. PS 98/13 Kulturpris 2013 X PS 99/13 Løyving av medel frå Næringsfondet - dekking av utgifter i samband med presentasjon av masteroppgåve om Søftestad Gruber Lukka

Nissedal kommune Arkiv: Saksmappe: Sakshandsamar: Dato: V00 2013/42-19 Peter Rieber-Mohn 03.09.2013 Saksframlegg Utval Utvalssak Møtedato Formannskapet 92/13 12.09.2013 N - Konsesjon på erverv av landbrukseigedom - 35/4, 25 og 34/7 - Homme ytre Vedlegg: 1 Søknad frå Hege Heimdal datert 27.08.2013 2 Kart over eigedomen Fakta i saka: Hege Heimdal og Nottov Homme har kjøpt eigedomen Homme ytre 35/25 m.fl og søker konsesjon saman. Dei har gitt følgjande opplysningar om arealressursane på eigedomen: Totalt areal: 160 dekar. Av dette er 125 dekar produktiv skog og 4 dekar dyrka mark. Våningshus med 82 m2 grunnflate, 2 etasjar, byggeår 1944 og middels teknisk tilstand. Driftsbygning med 180 m2 gr.fl. 1,5 etasjar, byggeår 1944 og middels teknisk tilstand. Kjøpesummen er 1 500 000. Kjøparane driv frå før Heimdal Høglandsfe ANS og verksemd innanfor Inn på tunet knytt til eigedomen Midtbø 37/29, som Hege Heimdal eig. Føremålet med ervervet av konsesjonseigedomen er å nytte den saman med Midtbø 37/29 til verksemda som dei driv der. Dei opplyser at bustadhuset på konsesjonseigedomen har ein separat leilegheit i 2. etasje som dei tenker å leige ut, og at dei vil bruke 1. etasje sjølv innanfor omsorgsverksemda (Inn på tunet). Konsesjonseigedomen ligg i LNF-område i kommunedelplanen for Treungen sentrum. Vurdering: Ervervet er konsesjonspliktig fordi konsesjonseigedomen er ein bygd eigedom, som er større enn 100 dekar (konsesjonslova 4) og ervervet er heller ikkje konsesjonsfritt pga ervervaranes stilling (konsesjonslova 5). Både arealressursane på eigedomen, den planlagde bruken og planstatusen for området tilseier at eigedomen skal reknast som ein landbrukseigedom. Konsesjonsspørsmålet skal da vurderast i samsvar med konsesjonslova 9 der det ma heiter: 9. (særlige forhold for landbrukseiendommer)

Ved avgjørelsen av søknad om konsesjon for erverv av eiendom som skal nyttes til landbruksformål skal det legges særlig vekt på: 1. om den avtalte prisen tilgodeser en samfunnsmessig forsvarlig prisutvikling, 2. om erververs formål vil ivareta hensynet til bosettingen i området, 3. om ervervet innebærer en driftsmessig god løsning, 4. om erververen anses skikket til å drive eiendommen, 5. om ervervet ivaretar hensynet til helhetlig ressursforvaltning og kulturlandskapet. Konsesjon skal i alminnelighet ikke gis dersom det ved ervervet oppstår sameie i eiendommen, eller antallet sameiere økes. I rundskriv M-2/2012 har LMD bestemt at ein ikkje lenger skal vurdere prisen på bygde, konsesjonspliktige landbrukseigedomar der kjøpesummen er under kr 2 500 000. Konsesjonseigedomen ligg nær konsesjonssøkar sin eigen eigedom, Midtbø, og kan drivast saman med den. Dette vil styrke søkarane sitt grunnlag for busetting og drift, og gi god utnytting og ivaretaking av arealressursane. Ein kan også tenke at eit småbruk som Homme ytre kan vere eit trekkplaster for tilflytting og at det vil vere ei betre utnytting enn å styrke eksisterande busetting og drift. Dette vil likevel vere usikkert og eit svakt grunnlag for å nekte konsesjon til eit føremål som også gir ei god ressursutnytting. Kommunen kan sette vilkår for konsesjon (konsesjonlova 11). Buplikt er eit vanleg vilkår. Det er ikkje aktuelt i dette tilfellet ut frå den planlagde bruken av eigedomen. Rådmannen si tilråding: Nissedal kommune gir konsesjon til Hege Heimdal og Nottov Homme på kjøp av Homme ytre 35/4, 25 og 34/7 i samsvar med søknadene datert 27.8.2013. Vedtaket er gjort i samsvar med konsesjonslova 9. Saksprotokoll i Formannskapet - 12.09.2013 Votering: samrøystes for rådmannen si tilråding. Vedtak Nissedal kommune gir konsesjon til Hege Heimdal og Nottov Homme på kjøp av Homme ytre 35/4, 25 og 34/7 i samsvar med søknadene datert 27.8.2013. Vedtaket er gjort i samsvar med konsesjonslova 9.

Nissedal kommune Arkiv: Saksmappe: Sakshandsamar: Dato: 27/1 2013/1146-2 Sveinung Seljås 04.09.2013 Saksframlegg Utval Utvalssak Møtedato Formannskapet 93/13 12.09.2013 N - 27/1 - Fjone nordre - søknad om frådeling av tilleggstomt - dispensasjon Søkar: Torgeir Fossli Fjone 3855 TREUNGEN Vedlegg: - Søknad m/kartskisse, dat. 02.09.13 Fakta i saka: Søknaden gjeld frådeling av eit 1 200 m2 stort areal frå g/bnr 27/1, for tomt til garasje/lager/verkstad. Tomta er meint å gå som tilleggsareal til eksisterande bustadtomt g/bnr 27/19 (ca 2,7 dekar). Det står i dag ein garasje på arealet. Denne er det eigaren av 27/19 som eig. Søkar opplyser at han ved utforminga har tatt omsyn til framføring av ein bilveg til eit jorde og til to-tre framtidige tomter for heilårs-bustader (spela inn som forslag ved den pågåande rulleringsprosessen av kommuneplanen). Tomta ligg i LNF-område der det er eit generelt dele- og byggeforbod. Før frådeling skal det vere gitt delingssamtykke etter jordlova. Søknaden er ikkje nabovarsla då tiltaket er vurdert ikkje å røre ved nabointeresser. Søknaden er heller ikkje sendt på høyring då spørsmålet ikkje har anna enn lokal interesse. Ein eventuell dispensasjon etter plan- og bygningslova (pbl) 19-2 skal ikkje vesentleg svekke reguleringsføremålet, her LNF-område i kommuneplanen. I tillegg må, for å gje dispensasjon, fordelane bli klart større enn ulempene. Formannskapet avgjer dispensasjonssøknaden. Søkar blir fakturert eit behandlingsgebyr på kr 2 000, jf vedteke gebyrregulativ. Vurdering: Arealet er lite og alt disponert til eit føremål utanom LNF. Etter samtale med landbruksmynde er det klargjort at slike saker synest unødvendige å gje ei formell jordlovsbehandling. Det blir difor her lagt til grunn at delingssamtykke etter jordlova er gitt. Ein dispensasjon vil rydde opp i eigartilhøvet rundt eksisterande bygg, og legge til rette for ei god løysing for den etablerte heilårsbustaden. Det er ikkje kjente interesser som blir negativt berørt. Lovkrava for å kunne gje dispensasjon blir difor sett på som oppfylte.

Det bør derimot setjast vilkår om at det omsøkte arealet går som tilleggsareal til tomt 27/19, og Rådmannen si tilråding: Formannskapet gir i medhald av pbl 19-2 dispensasjon frå deleforbodet for frådeling av eit areal på ca 1 200 m2 frå g/bnr 27/1, slik vedlagte kartskisse syner. Det er eit vilkår at arealet går som tilleggsareal til tomt g/bnr 27/19, og blir samanføya med denne. Saksprotokoll i Formannskapet - 12.09.2013 Votering: samrøystes for rådmannen si tilråding. Vedtak Formannskapet gir i medhald av pbl 19-2 dispensasjon frå deleforbodet for frådeling av eit areal på ca 1 200 m2 frå g/bnr 27/1, slik vedlagte kartskisse syner. Det er eit vilkår at arealet går som tilleggsareal til tomt g/bnr 27/19, og blir samanføya med denne.

Nissedal kommune Arkiv: Saksmappe: Sakshandsamar: Dato: 33/45 2013/860-7 Sveinung Seljås 04.09.2013 Saksframlegg Utval Utvalssak Møtedato Formannskapet 94/13 12.09.2013 N 33/45 - Reguleringsplan Treungen Sør del 1 - tomt for Treungen teknologipark - dispensasjon frå reguleringsplan Søkar: Treungen Teknologipark AS v/rune Johansen 3855 TREUNGEN Vedlegg: - Søknad dat.18.06.13. - Tilleggsopplysingar mottatt på e-post 21.06.13. - Utsnitt gjeldande reguleringsplan Treungen Sør. - Høyringsskriv, Nissedal kommune, dat. 28.06.13. - Høyringssvar Telemark fylkeskommune, dat. 27.08.13. - Høyringssvar Fylkesmannen i Telemark, dat. 02.09.13. Fakta i saka: Vedlagte høyringsbrev og dei to høyringssvara oppsummerer greitt kva saka handlar om. Høyringssvara blir kommentert i avsnittet vurdering. Ein eventuell dispensasjon etter plan- og bygningslova (pbl) 19-2 skal ikkje vesentleg svekke reguleringsføremålet det aktuelle området har fått i reguleringsplanen. I tillegg må, for å gje dispensasjon, fordelane bli klart større enn ulempene. Formannskapet avgjer dispensasjonssøknaden. Søkar blir fakturert eit behandlingsgebyr på kr 2 000, jf vedteke gebyrregulativ. Formannskapet signaliserte i drøftingssak 26.06. at det frå kommunen skulle arbeidast vidare med å avklare om kommunalt areal nær Treungen reinseanlegg, dels i byggeområde, dels i regulert friområde og dels som utfylling i Nisser (ca 400 m2) kunne fristillast til tomt for nytt næringsbygg (kontor-bygg). Eit bygg bygd for Treungen Teknologipark der m.a. ein utvida arbeidsstokk hjå den alt nå Treungen-etablerte avdelinga av Hitec Products AS skal ha plass. Dette var bakgrunnen for at dispensasjonssøknaden blei sendt på høyring til direkte berørte statlege og regionale myndighetar, slik pbl 19-1 krev. Dei to innkomne uttalane, frå fylkeskommunen og fylkesmannen, konkluderer begge med at det ikkje på nåverande tidspunkt er råd å gje eit endeleg svar på lokaliseringsspørsmålet. Fylkeskommunen vil avvente endeleg uttale til det ligg føre konkrete teikningar av bygget med eventuell utvidingsmogeleghet. Særleg er fylkeskommunen oppteken av verknadene eit nytt bygg vil få i høve til den freda Tveitsund bru. Fylkesmannen er av den meining at spørsmålet ikkje kan avgjerast som ei dispensasjonssak, men vil krevje planendring med tilhøyrande konsekvensutgreiingar. Fylkesmannen peikar på eit særleg behov for å konsekvensutgreie

tema som nærfriluftsliv, universell utforming og folkehelse, samt verknadene på strandsone og landskap av ei utfylling og bygging som planlagt. Vurdering: Sjølv om det skulle bli gitt dispensasjon, vil kommunen kunne ta omsyn til høyringsinnspelet frå fylkeskommunen ved å setje vilkår om at det ikkje kan bli gitt byggeløyve før det frå fylkeskommunen er gitt samtykke for ønska bygning. Ei slik løysing finns ikkje i høve til fylkesmannens uttale. Dersom formannskapet her likevel vel å gje dispensasjon, vil det skje mot klare råd om å la ei slik endring skje som ei planendring i samsvar med pbl 12-14, dvs ein full reguleringsplanprosess. Kommunen vil difor risikere å få klage på dispensasjonsvedtaket, der klagebehandlinga kan dryge ut. Vel formannskapet å gje dispensasjon, vil grunngjevinga kunne oppsummerast slik: - Tomta ligg tett inn til alt utbygd areal for kommunaltekniske føremål (reinseanlegg og teknisk lager), og vil ikkje forstyrre bruken av friområdet Sommarsletta. - Strandarealet på denne strekninga har liten allmenn ferdsel då vegen som går like ved, og som ikkje blir berørt av utbygginga, er den som i all hovudsak er og vil bli nytta her. Det kan derimot leggast inn eit krav om opparbeiding av gjennomgåande tursti for allmenta mellom nytt bygg og Nisser, i samsvar med intensjonen i reguleringsplanen. - Omsynet til landskap og kulturminne vil bli tilstrekkeleg ivaretatt i byggesaka, ved at det blir sett krav om samtykke frå aktuell fagmynde kva gjeld utforminga av bygget. - Viktige kompetansearbeidsplassar for Nissedal kommune står på spel. Kommunen må strekke seg langt for å kunne tilby sentrumsnær og attraktiv tomt for ei slik etablering. Samla sett vurderer rådmannen at innhaldet i dei opplista strekpunkta oppfyller vilkåra lova set for å kunne gje dispensasjon, jf faktadelen i saksutgreiinga. Sjølv om fylkesmannen har ei sterk oppmoding om ei anna behandlingsform, vil rådmannen hevde at saka er behandla forsvarleg, og innom lovas rammer, også som ei dispensasjonssak. Det blir her særleg halde fram at dei ulike verdiane som skal vurderast mot kvarandre, i stor grad må fastsetjast ved skjønn. Skjønnsavgjerder bør i mindre grad kunne overprøvast. Her er problemstillinga kjent og avgrensa. Då har det lite å seie om skjønnsavgjerda er komen etter ein prosess for planendring eller etter ein dispensasjon. I skjønnsutøvinga legg rådmannen vesentleg vekt på kunnskapen om kor viktig det er for heile nissedal-samfunnet at ei slik etablering som søkt om, kan bli lokalisert i Treungen. Det er heller ikkje noko som tilseier at dagens reguleringsføremål (friområde og område for bruk og vern av sjø og vassdrag) vil bli tilsidesett eller vesentleg svekka ved ei slik løysing. Rådmannen si tilråding: Formannskapet gir i medhald av pbl 19-2 dispensasjon frå arealføremåla friområde-land og for område for særskild bruk eller vern av sjø og vassdrag, for utfylling (ca 400 m2) av- og bygging på- tomt frådelt g/bnr 33/45, like nord for Treungen reinseanlegg, slik vedlagt skisse syner. Det blir sett desse vilkåra for dispensasjonen: - Før det kan bli gitt byggeløyve på tomta, skal det ligge føre samtykke til utforminga av bygget (materialval, storleik, form og farge) frå fylkeskommunen som kulturminnemynde. Søknaden må i tillegg syne kor og korleis eventuell byggutviding kan kome. - Over tomta, mellom bygget og Nisser, skal det etablerast ein tursti for allmenta (universell utforma). Saksprotokoll i Formannskapet - 12.09.2013 Votering: fire røyster for rådmannen si tilråding. FrP røysta mot.

Vedtak Formannskapet gir i medhald av pbl 19-2 dispensasjon frå arealføremåla friområde-land og for område for særskild bruk eller vern av sjø og vassdrag, for utfylling (ca 400 m2) av- og bygging på- tomt frådelt g/bnr 33/45, like nord for Treungen reinseanlegg, slik vedlagt skisse syner. Det blir sett desse vilkåra for dispensasjonen: - Før det kan bli gitt byggeløyve på tomta, skal det ligge føre samtykke til utforminga av bygget (materialval, storleik, form og farge) frå fylkeskommunen som kulturminnemynde. Søknaden må i tillegg syne kor og korleis eventuell byggutviding kan kome. - Over tomta, mellom bygget og Nisser, skal det etablerast ein tursti for allmenta (universell utforma).

Nissedal kommune Arkiv: Saksmappe: Sakshandsamar: Dato: 223 2013/1039-2 Kari Hagelia Olstad 28.08.2013 Saksframlegg Utval Utvalssak Møtedato Formannskapet 95/13 12.09.2013 Oppstart av bedrift - Hagens Bygg og Montasje Vedlegg: 1 Søknad om oppstartsmidler til egen virksomhet Fakta i saka: Hans Inge Hagen søker Nissedal kommune om støtte til å etablere eige firma; Hagens Bygg og Montasje. Han er utdanna tømrar og har vore tilsett i eit firma i Drangedal. Lokal trappefabrikk har behov for ein trappemontør og det er derfor aktuelt med eit eige firma der han kan kombinere trappemontasje og tømraryrket. Total investering for etableringa er berekna til kr 562.600. Vurdering: Det er positivt at unge fagfolk innan handverksbransjen etablerer seg i Nissedal. I arbeidet med Strategisk næringsplan for Nissedal kommune blei problemet med mangel på fagfolk lagt stor vekt på: " Hovudproblemet for lokale bedrifter er at dei slit med å få tak i fagfolk som murarar, snekkarar, industriarbeidarar osb. Dette hemmar ei vidare utvikling av viktige lokale verksemder". Eit viktig tiltak i planen blei derfor: " Arbeide aktivt for å rekruttere kvalifisert arbeidskraft i lokale næringar". Etableringa krev ein del investeringar i verktøy kr 55.600 og bil kr 507.000 Søkar har ikkje tidlegare mottatt støtte frå Nissedal kommune. Hovudføremålet i "Vedtekter for Nissedal kommunale næringsfond" er at fondet skal nyttast til å fremje etablering av ny næringsverksemd og vidareutvikling av eksisterande verksemd.( 1) Vedtektene gir ikkje rom for å gje støtte til bil.( 2). Ved løyving av midlar frå næringsfondet har ein praktisert å knytte desse mot bl.a marknadsføring, kursing og utstyr som er avgjerande for oppstart av den enkelte verksemda. Det har i liknande saker blitt løyvd kr 25.000 til etablering.

Rådmannen si tilråding: Nissedal kommune ser positivt på søknaden frå Hans Inge Hagen og løyver kr 25.000 til etablering av firmaet Hagens Bygg og Montasje. Løyvinga skjer på dei vilkår som er fastsett i gjeldande vedtekter for Nissedal kommunale næringsfond og blir å ta frå konto 14703.1410.3250. Tilskotet blir utbetalt ved framlegging av kvitteringar eller godkjent rekneskap, jfr 6.1 i "Vedtekter for Nissedal kommunale næringsfond." Saksprotokoll i Formannskapet - 12.09.2013 Votering: samrøystes for rådmannen si tilråding. Vedtak Nissedal kommune ser positivt på søknaden frå Hans Inge Hagen og løyver kr 25.000 til etablering av firmaet Hagens Bygg og Montasje. Løyvinga skjer på dei vilkår som er fastsett i gjeldande vedtekter for Nissedal kommunale næringsfond og blir å ta frå konto 14703.1410.3250. Tilskotet blir utbetalt ved framlegging av kvitteringar eller godkjent rekneskap, jfr 6.1 i "Vedtekter for Nissedal kommunale næringsfond."

Nissedal kommune Arkiv: Saksmappe: Sakshandsamar: Dato: 057 2013/1104-1 Jarle Bruun Olsen 28.08.2013 Saksframlegg Utval Utvalssak Møtedato Formannskapet 96/13 12.09.2013 Kommunestyret 52/13 26.09.2013 Kjøp av bil heimesjukepleia. Fakta i saka: Heimesjukepleia har inntil nyleg hatt 4 bilar. Ein bil blei levert til kondemnering i vår, då vurderinga var at det ikkje lønte seg å koste på den, slik at den blei i forsvarleg stand. Dette var ein Subaru Justy 1999-modell. I byrjinga av august køyrde ein av heimesjukepleia sine bilar av vegen. Skadane på bilen var så omfattande at det blei vurdert at denne også måtte kondemnerast. Dette var ein Toyota Yaris 2001-modell. Heimesjukepleia har nå att ein Subaru 2005-modell og ein Peugeot 2008-modell. Kommunen har valt å ikkje ha kasko på bilar eldre enn 10 år. Det var derfor ikkje kasko på den bilen som køyrde ut nå i august. Vurdering: Behovet for bil er vurdert til at dei treng 3 bilar. (Dette er nå mellombels løyst ved å bruke ein av "kommunehus-bilane" i heimesjukepleia). Ein har i utgangspunktet 2 val i høve til bilhald. Anten halde kommunal bil eller betale køyregodtgjering til dei tilsette. Bilane i heimesjukepleia køyrer så mykje i året at det er økonomisk lønsamt halde kommunal bil. Km-godtgjersle er kr 4,05. Ved å legge til grunn årleg køyrelengde på 20.000 km gir dette kostnad kr 81.000 til køyregodtgjering. Dette gjer at ein skal velje ein svært kostbar bil, før ein økonomisk sett bør velje alternativet med køyregodtgjering. I tillegg kjem at ein ved å halde kommunal bil ikkje treng å krevje at tilsette må stille med bil. Det vert derfor tilrådd å kjøpe kommunal bil av økonomiske personalmessige omsyn. Dersom ein landar på at ein skal halde kommunal bil er det to alternativ: Kjøpe eller lease. Alle bilane kommunen i dag disponerer er kjøpt. Praksis til nå har vore at bilane er blitt kjøpt og har ikkje blitt bytta ut før dei er opp mot 10 år, eller meir. Dette gir nok det mest fordelaktige bilhaldet økonomisk sett, sjølv om ein kan få nokre større verkstadrekningar mot slutten av "levetida" til bilane.

Leasing legg opp til mykje hyppigare utskifting av bilane. Ein vil då normalt ikkje ha bilar eldre enn 3 år. Men dette gir eit anna bilete økonomisk. Ein har ikkje rekna konkret på dette nå. For nokre år sidan blei dette gjort i høve til konkrete tilbod, der ein konkluderte med at kjøp var mest aktuelt. Kan vise til tidskriftet "Dine penger" som har gjort ei undersøking på dette i høve til 3 biltyper og kome til slikt resultat: - Toyota Rav 4: Tap på 3 år ved leasing kr 42.000 - Peugeot 3008: Tap på 3 år ved leasing kr 14.000 - Audi A3: Tap på 3 år ved leasing kr 17.000 Denne undersøkinga er rett nok eit par år gamal, men om tala har endra seg noko er nok konklusjonen den same. I tillegg kjem at med mange sjåførar og køyring på all slags føre, aukar risikoen for riper og småbulker. Dette vil dra opp kostnaden ytterligare når ein skal byte leasingbil. Dersom ein vel å kjøpe bil, betyr slike mindre skader på bilen lite/ingenting økonomisk sett. I tillegg vil tala bli endå tydlegare dersom ein samanlikna med den "levetida2 vi har praktisert dei siste åra. Det vert derfor tilrådd å halde fram med å kjøpe bil. Når det gjeld type bil som skal bli kjøpt er dei viktigaste momenta: - Pris - Varebil/personbil - 2-/4-hjulstrekk - Komfort Ved å velje varebil får ein frådrag for mva. både på kjøp og driftskostnader. Men ein endar då opp med ein 2-seter stort sett. Men i hovudsak er dette dekkande for behovet. I tillegg er ein av dei eksisterande bilane til heimesjukepleia personbil, slik at denne kan dekke opp for dei få turane der det er behov for meir enn 2 plasser. Heimesjukepleia har køyring til alle tider på døgnet, året rundt. Det vil seie at dei til tider er ute på svært varierande føre, til tider før brøytebil har kome seg ut. Dette gjer til at ein 4-WD opplevast som ein stor fordel for dei tilsette og med på å sikre at tenesta blir ytt til rett tid, sjølv når føret er dårlig. Pris og komfort heng til ein viss grad saman. Kommunen har ikkje nokon innkjøpsavtale i høve til bil. Dette betyr at ein må gjennomføre dette etter reglar for enkeltinnkjøp. Det vil seie å innhente tilbod frå minst 3 forhandlarar utifrå gitte kriteria/rammer. Ein må vere varsam med å bestemme på førehand kva slags bil ein vil ha/kjøpe. Ein kan legge føringar på t.d. varebil, 4- hjulstrekk og liknande moment. Men ein tilrår at det i den politiske handsaminga berre vert vedteke ei økonomisk ramme og at val type bil, motor, utstyr osb. vert delegert rådmannen og vert gjort når tilbod er innhenta. Innafor ei ramme på kr 250`- 300.000 meiner ein å finne gode alternativ for å dekke behovet. Innkjøpet vil vere ei investeringsutgift, og må då handsamast ab kommunestyret. Av ulike årsaker er det ledige lånemedel på 1,2 mill. (P.g.a. red. bruk av lån på nokre prosjekt og at ikkje låneopptak 2013 blei fullt ut avstemt mot unytta lånemedel frå 2012). Normalt ville dette gå til reduksjon av låneopptaket i 2014-budsjettet. Dette gir at ei løyving til dette prosjektet ikkje får driftsmessige konsekvensar i 2013, då renter/avdrag på lån som er teke opp er teke høgde for. Men investeringsprosjektet må innarbeidast i investeringsbudsjettet. Rådmannen si tilråding: Det blir løyva inntil kr 300.000 (netto) for innkjøp av ny bil til heimesjukepleia. Budsjettskjema 2A og 2B blir endra jf. vedlegg.

Saksprotokoll i Formannskapet - 12.09.2013 Omforeina endringsforslag: Det blir løyva inntil kr 300.000 (netto) for innkjøp av ny bil. Budsjettskjema 2A og 2B blir endra jf. vedlegg. Votering: samrøystes for endringsforslaget. Vedtak Det blir løyva inntil kr 300.000 (netto) for innkjøp av ny bil. Budsjettskjema 2A og 2B blir endra jf. vedlegg.

Nissedal kommune Arkiv: Saksmappe: Sakshandsamar: Dato: 033 2013/90-11 Jarle Bruun Olsen 05.09.2013 Saksframlegg Utval Utvalssak Møtedato Formannskapet 97/13 12.09.2013 Referat- og drøftingssaker. Vedlegg: 1 Møtebok 29.08.13. A: Godkjenning av møtebok frå 29.08.13. Rådmannen si tilråding: Referat- og drøftingssaker vert teke til vitande. Saksprotokoll i Formannskapet - 12.09.2013 B: Forespurnad om å vere med på å bidra til KS sitt idehefte om samarbeid mellom frivillig sektor og pleie- og omsorgssektoren Vedtak Referat- og drøftingssaker vert teke til vitande.

Nissedal kommune Arkiv: Saksmappe: Sakshandsamar: Dato: 033 2013/452-9 Sverre Sæter 06.09.2013 Saksframlegg Utval Utvalssak Møtedato Formannskapet 99/13 12.09.2013 Løving av medel frå Næringsfondet - dekking av utgifter i samband med presentasjon av masteroppgåve om Søftestad Gruber Vedlegg: 1 20130906131651199 Fakta i saka: John Sanden var invitert av arbeidsgruppa til Søftestad Gruber for å presentera si masteroppgåve to gonger den 19. april og 16. august i år. I samband med desse to presentasjonane hadde Sanden utgifter til reise og tapt arbeidsforteneste. Denne saka vert fremma for å gje løyving frå Næringsfondet til dekking av desse utgiftene. Summen er i overkant av kr. 13 000, og difor for høg til å kunne betalast på delegert vedtak. Vurdering: Presentasjonane John Sanden gjorde av masteroppgåva si med planane for Søftestad Gruber den 19. april og 16. august var nyttige. Det vurderast som riktig å dekke utgifter til reise og tapt arbeidsforteneste, og at dette vert gjort frå Næringsfondet. Rådmannen si tilråding: Det vert løyva kr. 12 000 til dekking av reiseutgifter og tapt arbeidsforteneste til John Sanden i samband med dei to presentasjonane av masteroppgåva si han hadde i Nissedal 19. april og 16. august i år. Løyvinga vert teken frå formannskapet sin pott til næringsføremål

Saksprotokoll i Formannskapet - 12.09.2013 Votering: samrøystes for rådmannen si tilråding. Vedtak Det vert løyva kr. 12 000 til dekking av reiseutgifter og tapt arbeidsforteneste til John Sanden i samband med dei to presentasjonane av masteroppgåva si han hadde i Nissedal 19. april og 16. august i år. Løyvinga vert teken frå formannskapet sin pott til næringsføremål