Offentlege instansar, Partar og naboar 11.04.19 Varsel om mindre reguleringsendring for Nordre Urdland Hyttefelt planid. 1235 04025 Som høyringsinstans, grunneigar, annan rettigheitshavar eller part, vert de no varsla om søknad om mindre reguleringsendring for reguleringsplan Nordre Urdland i Voss kommune med plan id 04025, jf. plan- og bygningslova 12-14. Endringa omfattar gnr/bnr 126/1 m.fl. Planområdet ligg i Nordre Urdland og er på om lag 33 daa. Bruket arkitektur AS søkjer på vegne av tiltakshavar Sverre Amundsen og Ole Andre Eikeberg om mindre reguleringsendring. FØREMÅL MED ENDRINGA Hytteområdet ligg om lag 15 km nord aust for Vangen. Området ligg mellom Urdland og Fagnastøl og er godt skjerma i terrenget slik at fjernverknaden av hyttefeltet er liten. Planområdet ligg på om lag 400 til 450 meter over havet. Nordaust for planområdet er Storebottseggi ( 1030 moh. ) Reguleringsplan for Nordre Urdland hyttefelt vart godkjend i 2007. Planen legg til rette for 5 hytter. Det er oppført 3 hytter, og to til er under oppføring. Interne vegar og felles vann og kloakk er opparbeida og godkjent for 6 hytter. Straumforsyninga ligg til rette ved ny tomt. Nordre Urdland Hyttefelt Fagnastølen Urdland Storebottseggi side 1/5
Føremålet med reguleringsendringa er å legge til rette for inntil 6 hytter og auka total BRA. Dvs. det er lagt inn ei ny tomt. Det ligg til rette for at ny hytte kan knyte seg til eksisterande veg, vann og kloakk samt straum. Byggegrensa er sett lik som i gjeldande plan. I gjeldande plan er samla bruksareal BRA inntil 115 kvm, det kan førast opp to frittliggjande uthus på kvar inntil 15 kvm. Endringa legg opp til ein total BRA på 150 kvm, og to frittliggjande uthus på inntil 20 kvm. Bakgrunn for endringa Det er søkt om dispensasjon/frådeling av hyttetomt frå Sverre Amundsen, dagsett 01.02.15. Det har og vært førespurnad frå Ole Andre Eikeberg, som eig ei tomt i hyttefeltet om å auke bruksareal for å kunne føre opp reiskapsbod, vedskjul, sportsbod eller likande i e-post dialog frå 2015-2018. Kommunen har meldt tilbake i begge desse sakene at ein vil unngå dispensasjonar og avvik i høve gjeldande plan. Ved ei reguleringsendring gjer ein ei felles vurdering av situasjonen, og ein får ein oppdatert reguleringsplan som sidan vert lagt til grunn i handsaminga av dei ulike tiltaka. Det har vore dialog med kommunen pr e-post og telefon. I e-post 11.01.19 vart det tilrådd å handtere saka som ei mindre endring/forenkla prosess, og dersom det ikkje kjem vesentlege merknader til endringa vil kommunen kunne legge saka fram for direkte godkjenning i møte i Formannskap, plan og økonomi. PLANSTATUS Nordre Urdland Hyttefelt Framtidig fritidshusvære F12 Reguleringsplan for Nordre Urdland Hyttefelt PlanID: 04025 gjeld frå 24.05.2007. Ny hyttetomt A3 er vist med raud sirkel. I Kommuneplanen for Voss (2015 2025 ) er området sett av til fritidshusvære med inntil 5 hytter. Eit framtidig areal for fritidshusvære ligg i grensa mot aust. side 2/5
YNSKJA ENDRING I REGULERINGSPLANEN Endringar i føresegna Noverande plan 1.2.1 Innafor den del av planområdet som er avsett til område for fritidsbyggnad, kan det oppførast i alt 5 hytter med tilhøyrande uthus og nødvendige anlegg for parkering, straum vatn og avlaup. 1.2.3 På den einskilde tomt kan det berre oppførast ei hytte, pluss uthus med samla bruksareal BRA inntil 115 kvm. Det kan oppførast inntil to frittliggjande uthus på kvar inntil 15 kvm. Byggegrenser er innteikna på plankartet med ein minsteavstand på 4,0 m frå tomtegrense og 7,5 inn frå midt høgspentline. 1.4.1 Høgspentline. Gjennom planområdet går det ei høgspentline. Den har ei byggegrense på 7,5 inn frå senterlinje til begge sider. Forslag til endring 1.2.1 Innafor den del av planområdet som er avsett til område for fritidsbyggnad, kan det oppførast i alt 6 hytter med tilhøyrande uthus og nødvendige anlegg for parkering, straum, vatn og avlaup. 1.2.3 På den einskilde tomt kan det berre oppførast ei hytte, pluss uthus med samla bruksareal BRA inntil 150 kvm. Det kan oppførast inntil to frittliggjande uthus på kvar inntil 20 kvm. Byggegrenser er innteikna på plankartet med ein minsteavstand på 4,0 m frå tomtegrense og 7,5 inn frå midt høgspentline. 1.4.1 Høgspentline. Gjennom planområdet går det ei høgspentline. Den har ei byggegrense på 7,5 inn frå senterlinje til begge sider. Sona er merka H370_1 på 1.5.1 Område for frisiktsone. 1.5.1 Område for frisiktsone. Sona er merka med H140_1 på 1.6.2 I tillegg til parkering på tomtene skal det ved avkøyrsel frå kommunal veg opparbeidast 5 plassar for gjesteparkering, ein plass til kvar av hyttetomtane. Gjesteparkeringen skal brøytast. 2.1.2 Det er planlagd 5 hyttetomtar som får tilkomst via internvegar med avkøyrsel frå kommunal veg. Tomtar og tilkomst er definert på 1.6.2 I tillegg til parkering på tomtene skal det ved avkøyrsel frå kommunal veg opparbeidast 6 plassar for gjesteparkering, ein plass til kvar av hyttetomtane. Gjesteparkeringen skal brøytast. Nytt pkt 1.6.5. Område sett av til avkøyrsel, tilkomstvegar, parkeringsplass og kloakk er felles for hyttetomtene. 2.1.2 Det er planlagd 6 hyttetomtar som får tilkomst via internvegar med avkøyrsel frå kommunal veg. Tomtar og tilkomst er definert på side 3/5
Endringar i plankartet Det er lagt inn ei ny tomt, A3, i tilknyting til tomtene A1 og A2. Det ligg til rette for at ny hytte kan knyte seg til eksisterande veg, vann og kloakk samt straum. Grensa for ny hyttetomt er sett ved internveg mot vest og langs eksisterande sti mot nord aust. For tomta A3, er byggegrense sett med 4 meter avstand til tomtegrense jamfør gjeldande føresegn, og 7 meter avstand til grøftekant ved intern veg. Regulert areal for felles parkering er utvida med 3 meter mot nord. Plankartet er oppdatert jamfør gjeldande plan og bygningslov og sosi standard. Det inneber endringa av fargane på kartet, men føremåla er tilsvarande som i gjeldande plan. Felles areal er i høve ny standard ikkje vist men skravur, men går no fram av føresegna. Regulerte fellesområde i gjeldande plan er vidareført i endringa. Fareområde høgspent er merka med H370_1 på Område for frisiktsone er merka med H140_1 på Arealregneskap Endringa inneber ei omregulering av jord- og skogbruk føremål innanfor planområdet. Om lag 2 daa vert endra til fritidshusvære, og om lag 15 kvm vært endra til felles parkering. side 4/5
VARSLING AV MINDRE ENDRING Varsling og frist for innspel Råka myndigheter og naboar/partar har høve til å gje uttale til saka, jf. sakshandsamingsreglar knytt til plan- og bygningslova 12-14, etter utsending av varslingsbrev. Nabovarsel og høyring er sendt per post / e-post torsdag 11.04.2019 jf. Plan- og bygningslova 12-8. og varsla med annonse i avisa Hordaland lørdag 13.04.2019. Dette varslingsbrevet er saman med nytt forslag til kart og føresegner tilgjengeleg i Servicetorget i Voss kommune, Tinghuset, og på Voss kommune si heimeside www.voss.kommune.no under aktuelt. Frist for innspel - 4 veker - torsdag 09.05.2019 Innspel skal sendast til BRUKET arkitektur AS, postboks 123, 5701 Voss eller post@bruketark.no. Ta gjerne kontakt dersom de har spørsmål eller ynskjer meir informasjon. Mottekne innspel og dokument vil verta vurdert og lagt ved planframlegget når det vert sendt til Voss kommune for handsaming. Mvh. Mari Myklebust Vedlegg: Plankart_Detaljregulering Nordre Urdland Hyttefelt, planid. 04025_ dagsett 10.04.2019 Føresegn_Detaljregulering Nordre Urdland Hyttefelt, planid. 04025_dagsett 10.04.2019 side 5/5