Møteinnkalling Nærøyfjorden verneområdestyre Utval: Møtestad: Scandic Byparken, Bergen Dato: 27.02.2015 Tidspunkt: 11:00 Eventuelt forfall må meldast snarast på tlf. 99499753 eller fmsfano@fylkesmannen.no. Vararepresentantar møter etter nærare beskjed.
Saksliste Utvalssaksnr ST 5/15 ST 6/15 ST 7/15 Innhald Lukka Arkivsaksnr Godkjenning av innkalling og dagsorden Underskrift av protokoll frå førre møte Nærøyfjorden landskapsvernområde - søknad om dispensasjon om mellombels bygg på Salthella i Dyrdal ST 8/15 Nærøyfjorden landskapsvernområde - snøskutertransport til Øvra Brevatnet i samband med forskingsprosjekt ST 9/15 RS 1/15 Andre saker: Nærøyfjorden landskapsvernområde - fordeling av tiltaksmidlar 2015 Delegasjon av myndighet til å behandle klagesaker etter naturmangfoldloven Møteplan for Nærøyfjorden verneområdestyre 2015 2015/577 2015/507 2014/4302 2013/437
ST5/15Godkjenningavinnkallingogdagsorden ST6/15Underskriftavprotokollfråførremøte
NÆRØYFJORDEN VERNEOMRÅDESTYRE Saksframlegg Arkivsaksnr: 2015/577-0 Saksbehandlar: Anbjørg Nornes Dato: 11.02.2015 Utval Utvalssak Møtedato Nærøyfjorden verneområdestyre 7/15 27.02.2015 Nærøyfjorden landskapsvernområde - søknad om dispensasjon om mellombels bygg på Salthella i Dyrdal Innstilling frå forvaltar Nærøyfjorden verneområdestyre gjev Flåm Guideservice AS løyve til fylgjande tiltak på Salthella i Dyrdal, gnr. 67 bnr. 1, med heimel i naturmangfaldlova 48 fyrste ledd: Oppføring av inntil 3 gapahukar på etablert leirplass i åra 2015 til og med 2017. Vidareføring av flytebryggja slik den er plassert i dag, i nordenden av stranda, i åra 2015 til og med 2017. Løyvet vert gjeve med fylgjande vilkår: Bruken av leirplassen skal vera til minst mogleg ulempe for ålmenta. Gapahukane skal ikkje brukast til overnatting. Gapahukane skal tilpassast terrenget utan terrenginngrep. Storleiken på kvar gapahuk kan vera inntil 4 meter brei og med maksimal høgde på 2 meter i framkant. Gapahuken skal byggast av trestokkar frå området, taket kan tettast med mørk duk og dekkast med kvist. Flytebryggja skal vera tilgjengeleg for ålmenta. Verneområdestyret kan be om at gapahukane og flytebryggja skal fjernast dersom det har negative konsekvensar for verneverdiane i landskapsvernområdet. Tiltaka skal fjernast når løyveperioden går ut. Tiltakshavar skal rydda området, og plassen skal tilbakeførast til mest mogleg naturleg tilstand. Det må søkjast om nytt løyve for eventuell vidareføring av tiltaka. Plassering av gapahuken skal gjerast i samråd med forvaltar. Dette løyvet er berre behandla etter verneforskrifta. Løyvet vert gjeve med atterhald om løyve frå grunneigar, og naudsynte godkjenningar frå Aurland kommune. Saksopplysningar Dokument som bakgrunn for saka:
Søknad frå Flåm Guideservice AS om dispensasjon for mellombels bygg på Salthella i Nærøyfjorden, 10.02.2015 Søknaden vert vurdert etter: Forskrift om vern av Nærøyfjorden landskapsvernområde av 08.11.2002 Naturmangfaldlova av 19.06.2009 Forvaltningsplan for Vestnorsk fjordlandskap delområde Nærøyfjorden 2007 Dyrdal i Nærøyfjorden Plan for skjøtsel og tilrettelegging. Rapport nr. 3-2014, Fylkesmannen i Sogn og Fjordane og Nærøyfjorden verneområdestyre Flåm Guideservice AS søkjer om å få setja opp inntil 3 gapahukar på Salthella, og oppretthalda flytebryggja som er der i dag. Flytebryggja er omlag 5 meter lang med ein landgang på omlag 3 meter mellom land og bryggje. Fylkesmannen i Sogn og Fjordane har tidlegare gjeve Flåm Guideservice løyve til å ha ein lavvo ståande på Salthella, og ei flytebrygge til bruk for verksemda og ålmenta (ref. fylkesmannen 2005/4404). Flåm Guideservice har hatt avtale med grunneigar Olav Magne Dyrdal om å disponera eit område på Dyrdal sin eigedom (gnr. 67 bnr. 1) sidan 2005 til leirområde for sine gjester. Dei opplyser at dei har avtale om fortsatt leige av område, men det er førebels ikkje inngått skriftleg avtale om leigeforholda. Leirplassen er tidlegare plassert i dette området i samråd med Fylkesmannen i Sogn og Fjordane og Statens naturoppsyn. I fylgje søkjar har det vore god sameksistens med andre brukarar av Salthella. Flåm Guideservice driv ei reiselivsverksemd der dei blant anna tek med gjester på Aurlandsfjorden og Nærøyfjorden i ribbåtar. Det har vore aukande vekst i tal gjester på fjordturar siste åra, men det har ikkje vore auke i tal gjester som går i land på Salthella. Verksemda har heller ikkje ynskje om og auka denne aktivteten. Dei ynskjer å fortsetja med tilbodet på Salthella som eit kvalitetsprodukt, og den vil verta mest brukt i skuldersesongane i mai og september. På Salthella går dei i land og har matservering på leirplassen. I dårleg ver har dei vore inne i lavvoen, men lavvoen har vore lite brukt då gjestene heller vil sitja ute og nyte det flotte landskapet og naturen. Difor ynskjer verksemda no og ta ned lavvoen og heller setja opp 2 til 4 gapahukar. Dei vil rydde småtre rundt leiren til å bruka som byggemateriale. Gapahukane skal tilpassast terrenget, og setjast opp mellom trestammer som står der i dag. Talet på gapahukar vil difor vera avhengig av terrenget og skogen på plassen. Storleiken på kvar gapahuk vil vera på 12 15 m 2. Dei har trong for sitjeplass for opptil 25 personar. Inne i gapahuken skal det vera ein kløyvd tømmerstokk og sitja på. Det er ikkje planlagt golv i gapahukane. Taket skal tettast med ein vass- og vindtett duk i mørk farge. Oppå duken skal det leggjast trær og kvist. Søkjar opplyser at leiren vil vera tilgjengeleg for andre på førespurnad. Salthella vert også brukt av andre verksemder, blant anna organiserte padleturar med overnatting på Salthella. På grunn av at mange brukar Salthella til leir- og teltplass, har det vorte ein fast bålplass ved stranda på Salthella. I skjøtselsplan for Dyrdal er Salthella og Salthelleviki peika ut som område for teltplass. Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med ein mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. verneforskrifta 2.
Nærøyfjorden landskapsvernområde er «..verna mot alle inngrep eller tiltak som vesentleg kan endre eller verke inn på landskapets art eller karakter» jf. verneforskrifta 3, pkt.1.1. Dette gjeld «oppsetting og riving av bygningar, oppføring av anlegg og faste innretningar..» jf. 3 pkt. 1.1. a). For tiltak som ikkje er nemnt i verneforskrifta, kan for forvaltningsstyresmakta, eller den forvaltningsstyresmakta gjev fullmakt gjera unntak i særskilte høve jf. naturmangfaldlova 48, «Forvaltningsmyndigheten kan gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensynet til vesentlige samfunnsinteresser gjør det nødvendig». Etter naturmangfaldlova (nml) 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Det er positivt at besøkjande i Nærøyfjorden landskapsvernområde kan få oppleva naturen og landskapet. Forvaltninga ynskjer og leggja til rette for bruk av verneområdet samtidig som me skal ta vare på verneverdiane. Det vil vera viktig å leggja vekt på trongen for inngrep opp mot verknaden på verneområdet. Ein gapahuk og ei flytebryggje er å rekna som mellombels tiltak og vil i liten grad gje inngrep i naturen, men det er ein installasjon over lengre tid. I verneforskrifta er det opna for at forvaltningsstyre kan gje løyve til nybygg dersom det er i samband med landbruk eller turlagsverksemd. Gapahuken er ikkje eit tiltak i landbruket eller i turlagsverksemd. I forvaltningsplan står det at tiltak «som inneber inngrep og /eller installasjonar over lang tid (t.d. faste leirplassar og lagerkasser m.m.) for å lette fjellføring og turistguiding, må ha løyve i høve verneforskrifta, og er ikkje ynskjeleg». Ein eventuell dispensasjon til gapahukane og flytebryggja må vurderast etter dispensasjonsregelen 48 i naturmangfaldlova. Tilrettelegging for friluftslivet er diskutert under kapittel 4.7. Friluftsliv i forvaltningsplanen. Det er ynskjeleg å leggja til rette for at alle skal kunne utøve enkelt friluftsliv. I reiselivssamanheng er det eit mål at reiselivet i regionen skal kunne bruka verneområdet i Nærøyfjorden som ein sentral del, utan at dette går ut over natur-, kultur- og verneverdiane i området. I forvaltningsplanen vert det peika på at reiselivet er best tent med ei målretta forvaltning der ein tek vare på området sin eigenart, urørt natur og ro. Guida turar er i tråd med denne satsinga, men ferdsel i urørt natur bør setja minst mogleg spor. Det kan opnast for enkel tilrettelegging som og kjem friluftslivet til gode. Leirplassen på Salthella har vore, og vil fortsatt vera, til bruk for allment friluftsliv. På fjorden og langs strendene er det stort press med ferdsel og camping. Den store auken i bruken av fjorden både av padlarar og motoriserte båtar, har ført til auka spørsmål om tilrettelegging av leirplassar. Det er få plassar langs strendene i Nærøyfjorden det er mogleg å gå i land og setja opp telt. Det er i hovudsak på område som er innmark eller beite. Telting på innmark kan berre skje etter avtale med grunneigar. Verneområdeforvaltinga har inngått avtale med grunneigarane om oppsett av utedo til bruk for friluftsliv på Holmo, Odnes, Skalmenes og Salthella i Nærøyfjorden, og Stokko og Fronnes i Aurlandsfjorden. Tilrettelegginga er gjort for og hindra skade på naturen i området. Det er ikkje i tråd med verneforskrifta eller forvaltningsplanen, at private reiselivsverksemder beslaglegg teltområda slik at det vert mindre tilgjengeleg for allmenn ferdsel. Forvaltninga må vurdera den samla belastninga på naturmiljøet jf.
nml 10. Det kan vera mange som ynskjer å setja opp gapahuk og flytebryggje for og betra tilrettelegginga for friluftsliv og naturbasert reiseliv. I Nærøyfjorden verneområde er det fleire som tilbyr guida turarar, både dagsturar og overnattingsturar. Forvaltninga har gjeve dispensasjon til oppsett av flytebryggja på Salthella sidan 2007. Bryggja har gjeve tilgang til området for alle, også dei med rørslehemming, og har hatt positiv effekt. For å unngå uheldig utvikling av tilrettelegging i verneområdet, må tilrettelegging for besøkjande vurderast i ein besøksstrategi for heile området. Arbeidet med besøksstrategi er starta opp i regi av verdsarvrådet for Vestnorsk fjordlandskap, og verneområdeforvaltninga vil fylgja opp arbeidet. Det må prioriterast kva område som skal leggjast til rette, og korleis dette skal gjerast. Leirplassen på Salthella må vurderast på nytt i denne samanheng. Forvaltar rår difor til at det vert sett vilkår om at leirplassen og flytebryggja til Flåm Guideservice får løyve i ein avgrensa periode, og den skal fjernast dersom det viser seg å vera negativt for verneverdiane. Tiltaket er vurdert til ikkje å ha presedens for tilsvarande saker då tiltaket er knytt til ein eksisterande leirplass, og med avgrensa løyveperiode. Kunnskapen om området er kjent gjennom verneprosessen og arbeidet med forvaltningsplan og skjøtselsplan for Dyrdal. Grunneigarane har god kunnskap om bruken av området, og er godt kjent med naturkvalitetane gjennom bruk av området både i nærings- og friluftssamanheng. Det er ikkje kjente førekomstar av raudlisteartar eller trua naturtypar i området (Naturbase 19.02.2015). Kunnskapsgrunnlaget vert vurdert som godt for å vurdera saka jf. nml 8. Føre-var-prinsippet nml 9 er ikkje tillagt vekt då kunnskapen om området er vurdert som god. Gapahukane skal byggjast av småtre i nærleiken av Salthella, og setjast opp mellom tre på plassen. Dette vil gje små inngrep i terrenget, og gapahukane kan lett fjernast. I skjøtselsplan for Dyrdal er tilrådd skjøtsel på Salthella å halda areal for telting ope ved rydding i kantane. Bruk av området er positivt for og halda området ope. Leirplassen og flytebryggja ligg i utkanten av stranda på nordsida. Denne plassering gjev minst sjenanse for andre brukarar av området. Vegetasjonen i området er næringsfattige tørrenger som har bra slitestryke. Plasseringa og utforming av leirplassen er vurdert som god jf. nml 12. Gapahukane vil vera mindre dominerande i terrenget enn ein lavvo, og vil på den måten vera betre tilpassa landskapet. Tiltaka vil lite truleg føra til skade på naturmiljøet, og 11 i nml er difor ikkje vurder i denne saka. På bakgrunn av føringane i forvaltningsplanen og vurderingar etter naturmangfaldlova 8-12, meiner forvaltar tiltaket ikkje er i strid med verneføremålet, og er ikkje til nemneverdig skade på verneverdiane. Forvaltar meiner det kan gjevast løyve til tiltaka med heimel i naturmangfaldlova 48. Tiltaka må i tillegg ha løyve frå grunneigar, og frå kommunen etter plan- og bygningslova.
NÆRØYFJORDEN VERNEOMRÅDESTYRE Saksframlegg Arkivsaksnr: 2015/507-0 Saksbehandlar: Anbjørg Nornes Dato: 10.02.2015 Utval Utvalssak Møtedato Nærøyfjorden verneområdestyre 8/15 27.02.2015 Nærøyfjorden landskapsvernområde - snøskutertransport til Øvra Brevatnet i samband med forskingsprosjekt Innstilling frå forvaltar Nærøyfjorden verneområdestyre gjev Sunniva Solheim Vatle ved Universitet i Bergen løyve til to turar med snøskuter på ruta Fresvik-Jordalen Nedra Brevatnet Øvra Brevatnet Hestadstodvatnet i perioden 7. april til 9. mai 2015. Snøskutertransporten er i samband med forskingsprosjektet. Løyvet er gjeve med heimel i naturmangfaldlova 48. Løyvet gjeld med fylgjande vilkår: Det kan køyrast med inntil 2 snøskuterar på kvar tur. Snøskuterane har registreringsnummer 10H2449 og 10F7624. Køyringa skal avgrensast til det som er naudsynt. Transporten skal om mogleg skje utanom helgedagar av omsyn til friluftslivet. Det skal takast omsyn til naturmiljøet (særleg villrein) og folk i området under transport Statens Naturoppsyn v/kristoffer Ullern Hansen (mob. 970 97 720) skal varslast på førehand om kva dag det vert køyring. Han vil kunne gje melding om det må takast spesielle omsyn til villrein eller andre naturverdiar i området. Dette løyvet og køyrebok skal vera med under transporten. Køyrebok skal fyllast ut før turen startar. Det skal sendast skriftleg rapport om gjennomført transport innan 01.08.2015 til sekretariatet for verneområdet. Saksopplysningar Dokument som bakgrunn for saka Søknad frå Sunniva Solheim Vatle, UiB, om løyve til å køyre snøskuter inn i landskapsvernområde ved Fresvikbreen, datert 05.02.2015
Søknaden vert vurdert etter: Forskrift for Nærøyfjorden landskapsvernområde av 08.11.2002 Forvaltningsplan for Vestnorsk fjordlandskap delområde Nærøyfjorden (godkjent 2007) Naturmangfaldlova av 19. juni 2009 Sunniva Solheim Vatle skal gjennomføra eit forskingsprosjekt i regi av Universitet i Bergen. I prosjektet skal dei rekonstruera brevariasjonar i Fresvikbreen frå siste istid og fram til i dag. Ho skal ta sedimentkjerne frå Hestadstodvatnet, eit vatn sørvest for Fresvikbreen. Dette vatnet grensar inn til landskapsvernområdet. Dei ynskjer i tillegg å ta prøve av Øvra Brevatnet som ligg i landskapsvernområdet. Prøvane vert tatt ved at det vert bort hol i isen og senka ned eit røyr til botnen for å ta ut ein sedimentkjerne. Det er lettare å gjennomføra prøvetaking om vinteren på islagt vatn enn om sommaren. Om sommaren må dei frakte med seg ein flåte som veg omlag 400 kg. I søknaden vert det søkt om ein tur med 2 snøskuter frå Hestadstodvatnet til Øvra Brevatnet ein dag i april 2015 for transport av utstyr til prøvetaking. Dei har avtale om leigekøyring med to snøskutar på turen. Leigekøyrar opplyser på telefon at dei må køyra ei anna ruta enn opplyst i søknaden for å koma inn i området med snøskuter. Ruta går frå Fresvik-Jordalen via Nedra Brevatnet, Øvra Brevatnet til Hestadstodvatnet. Leigekøyrar har ikkje køyrt snøskuter i dette området tidlegare, og har difor bruk for ein tur på førehand utan lass for å sjekka køyretraseen. Lovgrunnlaget Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter. jf. verneforskrifta 2. I Nærøyfjorden landskapsvernområde er «motorferdsel på land og i vatn/vassdrag forbode» jf. verneforskrifta 3 pkt. 2.1. «Forvaltninga kan gjøre unntak fra et vernevedtaket dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensynet til vesentlige samfunnsinteresser gjør det nødvendig.» jf. naturmangfaldlova 48 1. ledd. Denne søknaden vert vurdert etter fyrste alternativ; om tiltaket er i strid med verneføremålet og påverkar verneverdiane. Etter naturmangfaldlova (nml) 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Forskingsprosjektet er i regi av Universitet i Bergen. Prosjektet vil kunne gje auka kunnskap om den klimatiske historia til Fresvikbreen siste 10 000 åra, og prosjektet vil sei noko om kor sårbar breen er for klimaendringar. I tillegg er planen å sjå korleis bruk av fangstanlegg fell saman med den klimatiske historia til breen. Resultatet frå prosjektet er med og aukar kunnskapen om området og vil vera interessant for verneområdeforvaltninga. I forvaltningsplan for Nærøyfjorden er forsking påpeika som positivt. Aktiviteten som forskinga medfører må vegast opp mot ulempene aktiviteten
medføre. Uttak av sedimentprøve vil ikkje gje terrenginngrep som fører til endring av landskapet, og er ikkje søknadspliktig. Det er transport av utstyr med snøskuter i verneområdet som vil medføra søknadspliktig aktivitet. I forskingsprosjektet vil det ikkje vera trong for transport til meir enn denne eine prøvetakinga. Kunnskapen om området er henta frå forvaltningsplan for Nærøyfjorden, villreinteljingar i regi av SNO og villreinutvalet, og frå Nordfjella og Fjellheimen villreinnemnd sin uttale om villreinene sin bruk av område i samband med søknad om kjentmannsturar i dette området. Det er ikkje registret trua naturtypar i dette området (Naturbase 19.02.15). Kunnskapen om området er vurdert som god jf. nml 8, og føre-var-prinsippet jf. nml 9 er tillagt liten vekt i denne saka. Området rundt Fresvikbreen er viktig vinterbeite for villrein. Transporten i prosjektet er planlagt i slutten av april eller byrjinga av mai. Reinsimlene nærmar seg kalvingstid på denne tida, og er særs sårbare. Støy og lyd kan uro dyra i området. Det er difor sett vilkår om å ta særleg omsyn til villreinen om den er i det aktuelle området for transporten. Motorferdsle i verneområde bør haldast på eit så lågt nivå som mogleg av omsyn til naturmiljøet, og av omsyn til friluftsliv. Motorferdsle fører til støy og uro som reduserer opplevingsverdien for folk på tur. I denne delen av Nærøyfjorden landskapsvernområde er det liten aktivitet med motorisert ferdsel på vinteren, og det bør difor vera ein streng praksis for å gje løyve til slik ferdsel. I forskingsprosjektet vil snøskutertransporten vera eit eingongstilfelle, og forvaltar vurderer difor at transporten i liten grad vil auka den samla belastninga på naturmiljøet jf. nml 10. Transporten i denne saka er spesiell for dette forskingsprosjektet, og ein dispensasjon vil difor ha liten presedensverknad for andre saker. Snøskuter vil vera det best eigna køyretøyet til dette føremålet jf. nml 12. Det hadde vore betre å køyrt tidlegare på vinteren av omsyn til villreinen, men på grunn av at dette er i eit område med stor snøskredfare, er det betre å køyra i månadsskifte april/mai når snøen har sett seg. Køyring på snødekt mark vil ikkje gje skade på vegetasjonen i området. For å transportera utstyr til forskingsprosjektet, er det berre bruk for ein tur med to snøskuterar. Leigekøyrarane har ikkje vore i dette området med snøskuter før, og kjenner ikkje køyreforholda. Forvaltar meiner difor det er naudsynt av tryggleiksgrunnar å kunne køyra ein tur på førehand for å vurdera om valt køyretrase kan køyrast med lass. Det er lite truleg at køyringa vil føra til miljøforringing, og 11 i nml er difor ikkje vurdert i denne saka. Transporten vil ikkje påverka natur- og kulturlandskapet, og vil ikkje vera i strid med verneføremålet. Med bakgrunn i vurderingar etter verneforskrifta og 8-12 i naturmangfaldlova, meiner forvaltar verneverdiane i liten grad vert påverka av transporten. På denne bakgrunn vurderer forvaltar det kan gjevast løyve til transporten med heimel i naturmangfaldlova 48.
NÆRØYFJORDEN VERNEOMRÅDESTYRE Saksframlegg Arkivsaksnr: 2014/4302-0 Saksbehandlar: Anbjørg Nornes Dato: 12.02.2015 Utval Utvalssak Møtedato Nærøyfjorden verneområdestyre 9/15 27.02.2015 Nærøyfjorden landskapsvernområde - fordeling av tiltaksmidlar 2015 Innstilling frå forvaltar Saka vert lagt fram utan innstilling. Saksopplysningar Dokument i saka: Midlar til forvaltning av nasjonalparker og tilhørende verneområder. Tildelingsbrev frå Miljødirektoratet Tiltaksplan for Nærøyfjorden verneområde 2015 Forvaltningsplan for Nærøyfjorden verneområde, rapport nr. 1-2008 Miljødirektoratet har gitt signar om at tildelingsbrev for tiltaksmidlar i 2015 skal sendast til verneområdestyra i veke 8. Brevet var ikkje kome når sakspapira var klar for utsending. Tildelingsbrevet vert difor lagt fram i styremøtet. Verneområdestyret får tildelt midlar til drift av styre og utval. Nærøyfjorden verneområdestyre og Stølsheimen verneområdestyre har felles forvaltningsknutepunkt, og får ein samla tildeling til drift av begge styra. Tiltaksmidlane skal gå til tiltak i tråd med forvaltnings-/skjøtselsplan og tiltaksplan. Styret søkte om kr. 761 400 i tiltaksmidlar over bestillingsdialogen. Vedteken tiltaksplan for 2015 (kostnadane er eksklusiv mva): Tiltak basert på tildelte tiltaksmidlar Samarbeidsaktørar Kostnad 2015 Styvi - Holmo. Skjøtsel av Grunneigar 200 000 2014- kulturlandskap i samsvar med skjøtselsplan Stigen. Skjøtsel av kulturlandskap i samsvar med skjøtselsplan Periode Grunneigar 72 000 2014- Prioritet 1 2
Tilsyn, vedlikehald av postvegen Styvi Bleiklindi, skjøtselsplan Skjøtsel og vedlikehald av stiar i Dyrdal, Bakka, Nåli, Fresvik, Stokko, Nedbergo, skjøtselsplanar Vedlikehald av stiar og murar i området, Stigen, Rimstigen, postvegen Flaumskadar på bruer og vegar i verneområdet. Grunneigar 24 000 2014- Grunneigarar, SNO 154 600 2014- Grunneigarar, SNO 128 000 2015 5 Naturskade, NVE, kommune, grunneigarar 80 000 2015 6 Grunneigar, SNO 4 800 2014-7 Rydda beite på nordsida av elva på Fronnes, skjøtselsplan Informasjonstiltak i verneområdet. SNO, Verdsarvparken 12 000 2015 8 Merking av stiar Tilrettelegging av rasteplassar langs SNO 8 000 2015 9 fjorden Hogst, rydding langs vegen i Dyrdal Kommune, grunneigar 24 000 2015 10 Innfallsport, toalett i Dyrdal Grendalag, kommune, 10 000 2015 11 reiselivsaktørar Vedlikehald av toalett på Styvi Grunneigar, kommune, 4 000 2015 12 reiselivsaktørar Markering av 10-årsjubileum for Verdsarvrådet, 40 000 2015 13 verdsarvområdet og friluftslivets år Verdsarvparken 2015 Utviding av beiteområde ved Engi i Fresvik, og rydding av beite Kunnskapsinnhenting ferdsel og forureining Stiprosjekt frå Brekke til Raokjen. Steinlegging av stien. Grunneigar 2014- Verdsarvrådet, Verdsarvparken SNO, Verdsarvparken, Kommune, Næringsliv, fylkeskommune Sum 761 400 2015-2015- 3 4 Vurdering Styret må sette opp prioritering av tiltak i 2015 med utgangspunkt i løyvde midlar. Tildelingsbrev med oversikt over tildeling vert lagt fram i styremøte. Forvaltar legg fram saka til diskusjon.
RS1/15Delegasjonavmyndighettilåbehandleklagesakeretter naturmangfoldloven