saksframlegg Dato: Referanse: Vår saksbehandlar: 18.06.2019 71071/2019 Lisbeth Nervik Saksnr Utval Møtedato Regional- og næringsutvalet 03.09.2019 Søknad om støtte til «Midt-Norge - Føregangsregion for sjøtransport» Bakgrunn Kysthavnalliansen søker om midlar til å utvikle ei heilskapleg, effektiv og berekraftig logistikk- og infrastrukturløysing på sjø, hamn, veg og bane i Midt- Noreg. Midlane skal brukast til å vidareutvikle Kysthavnalliansen, tilrettelegge for meir sjømattransport på kjøl og bidra til nasjonale og internasjonale klimamål. Kysthavnalliansen blei etablert i 2014, og er i dag eit samarbeid mellom hamneselskapa Kristiansund og Nordmøre Havn IKS, Trondheim havn IKS, Nord- Trøndelag Havn Rørvik IKS og Helgeland Havn IKS. Utgangspunktet for samarbeidet er arbeidet med å utvikle sjøtransport av fersk sjømat frå Midt-Noreg til den europeiske marknaden. Det er Helgeland Havn IKS som står som søkar på vegne av Kysthavnalliansen. Det er sendt tilsvarande søknad til Nordland og Trøndelag fylkeskommune. Prosjektmål Utvikle heilskapleg, effektive og berekraftige logistikk- og infrastrukturløysingar på sjø, hamn, veg og bane i Midt-Noreg. Delmål: 1. Vidareutvikle Kysthavnalliansen som aktivt utviklingsverktøy for midtnorsk nærings- og samfunnsliv Bidra med fagleg råd/støtte til utvikling av forvaltingsmodell for hamner i Nordland, Trøndelag og Møre og Romsdal. Vere ein aktiv samarbeidspartnar for, og leverandør av logistikktenester til midtnorsk næringsliv. Vere aktiv samarbeidspartnar for offentleg planlegging av heilskapleg godstransport og -infrastruktur i Midt-Norge. Styrke posisjonen og deltakinga til hamnene i regional logistikktenking. 2. Meir miljøvenleg og kostnadseffektiv sjømattransport på kjøl frå Midt-Norge Tilrettelegge for vekst i sjømatnæringa gjennom fleirpartssamarbeid om sjøtransport av sjømat frå Midt-Norge til kontinentet. Etablere effektive hamne- og terminalløysingar, samt distribusjonsopplegg for nordgåande og sørgåande gods. Gjennom tilrettelegging og aktiv deltaking på samhandlingsarenaer bidra til at sjømateksport på kjøl stimulerer og utvikler eit helskapleg midtnorsk transportkonsept som mogleggjer størst mogleg samhandling mellom dei ulike, klimavenlege transportmåtane.
3. Auke bidraget frå sjøtransporten til nasjonale og internasjonale klimamål Styrke etablerte seglingsopplegg og opne for nye gjennom aktiv deltaking i samarbeid/prosjekt. Bidra til riktig infrastruktur og transportordningar sjø-land-bane i høve til behovet i marknaden. Gjennom aktiv deltaking i regionale og nasjonale fora, bidra til å utlikne konkurransevilkåra til sjøtransporten ifht. vegtransport. Målgrupper Deltakande hamner: Dei deltakande hamnene bidrar med finansiering, kompetanse- og nettverksressursar. Hamnene er det viktigaste bindeleddet mellom næringsliv (vareeigarar), transportørar og offentleg planlegging. Planleggarar av samferdsel lokalt, regionalt, nasjonalt: gjennom Tenketank, møter og prosjekt. Vareeigarar: Involverast gjennom workshopar og seminar lokalt, regionalt og nasjonalt. Transportørar: Involverast gjennom workshopar og seminar lokalt, regionalt og nasjonalt. Budsjett Prosjektleiing 1 200 000 1 200 000 1 200 000 3 600 000 WP1 Kysthavnalliansen 200 000 200 000 200 000 600 000 WP2 Tenketank 600 000 200 000 100 000 900 000 WP3 Auke klimamålbidraga frå sjøtransporten 200 000 200 000 200 000 600 000 SUM 2 200 000 1 800 000 1 700 000 5 700 000 Finansieringsplan Helgeland Havn IKS 200 000 175 000 175 000 550 000 Nord-Trøndelag Havn Rørvik IKS 200 000 175 000 175 000 550 000 Trondheim Havn IKS 200 000 175 000 175 000 550 000 Kristiansund og Nordmøre Havn IKS 200 000 175 000 175 000 550 000 Nordland fylkeskommune 275 000 225 000 212 500 712 500 Trøndelag fylkeskommune 550 000 450 000 425 000 1 425 000 Møre og Romsdal fylkeskommune 275 000 225 000 212 500 712 500 Eigeninnsats prosjektpartnarar 300 000 200 000 150 000 650 000 SUM 2 200 000 1 800 000 1 700 000 5 700 000
Vurdering EU har som mål at 30 prosent av alt gods som i dag vert transportert med lastebil over ein distanse på meir enn 300 km skal overførast til sjø eller bane innan 2030. Innan 2050 er målet at 50 prosent av denne typen gods skal overførast frå veg til sjø eller bane. I Norge er tilsvarande politiske målsetting at største delen av veksten i dei lange transportane skal skje på bane eller sjø (Nasjonal transportplan 2014 2023). Årleg blir om lag 270 mill. tonn gods transportert på veg i Norge (tal frå 2017). Ei analyse av overføringsstrategien av gods frå veg til sjø og bane viser at det på nasjonalt nivå kan overførast mellom fem og sju mill. tonn ved hjelp av sterke verkemiddel. Potensialet for overføring av gods er størst for samlast, og gods som vert frakta med container innanlands, tømmer til jernbane, fersk fisk og andre termovarer innanlands og utanriks. Det er også stort overføringspotensial ved godstrafikk på jernbane knytt til utanrikshandel med Sverige og andre Østersjøland. Prosjektet til Kysthavnalliansen ønskjer å legge til rette for at Midt-Norge kan ta ei aktiv rolle for vidare vekst i sjømatnæringa gjennom vidareføring av Tenketank Midt-Norge Sjø. Tenketank Midt-Norge Sjø blei etablert i 2017, og samla strategisk viktige aktørar i logistikkjeda knytt til eksport av fersk fisk på sjø frå Midt-Norge. Møre og Romsdal fylkeskommune støtta Tenketanken Midt-Norge Sjø med 68 700 kroner i 2017. Nord- og Sør Trøndelag fylkeskommune støtta prosjektet med same beløp, medan Nordland fylkeskommunane støtta prosjektet med 50 000 kroner. Konkret ønskjer Kysthavnalliansen å overføre 13 000 vogntogrørsler knytt til lakseeksporten frå Midt-Norge til sjø i vidareføringa av Tenketank Midt- Norge Sjø, og at 50 prosent av den planlagde veksten i midtnorsk lakseeksport på sikt skal overførast til sjø. Dette samsvarer med Regional delplan for klima og energi 2015-2020, der det er eit mål om å redusere klimagsassutsleppa i transportsektoren med 10 prosent. Tilsvarande mål er det for marin sektor. Prosjektet ønskjer i tillegg å intensivere og styrke samarbeidet mellom hamnene i alliansen ytterlegare, med tanke på å etablere ein varig samarbeidsmodell som ikkje er avgrensa av prosjektfinansiering. Arbeidet med Tenketank Midt-Norge Sjø har fått stor merksemd i dei åra den har eksistert. Utfordringa med godstransport er sett på agendaen, og prosjektet har gitt verdifull praktisk kunnskap om frakt av sjømat per båt. Næringa sjølv har konkludert med at det enno er ein del ting som må på plass før sjøtransport kan erstatte frakt med lastebil. Ei vidareføring av satsinga på Tenketank Midt-Norge Sjø vert derfor vurdert som fornuftig, sjølv om Nordmøre ikkje vil merke tiltaket like godt pga. at dei største lakseslakteria ikkje lenger er i regionen. Kunnskapen og erfaringane frå dette tiltaket vil derimot vere overførbare til andre deltar av fylket, samt til andre næringar som til dømes fiskerinæringa. Prosjektet legg opp til ein stor andel offentleg finansiering, samtidig som eigeninnsatsen i form av timar frå næringslivet er budsjettert til under 15 prosent totalt i prosjektperioden. Det er administrasjon/prosjektleiing som er den desidert største utgiftsposten i prosjektet, med 1,2 mill kroner per år. Det er ei felles vurdering i fylkesadministrasjonen i Nordland, Trøndelag og Møre og Romsdal at tiltaka knytt til flytting av varestraumar frå land til sjø og bane lar seg gjennomføre utan ein så stor administrasjonskostnad. Samtidig må den offentlege finanseringsandelen justerast for å få ei jamnare fordeling mellom kommunal aktivitet (hamnene), næring og fylkeskommunen. Forslag til nytt budsjett og
finanieringsplan er utarbeida i fellesskap mellom fylkeskommunane. Det har vore gjennomført to telefonmøte mellom administrasjonen i dei tre fylkeskommunane i samband med saksbehandlinga av søknaden frå Kysthavnalliansen. Forslag til nytt budsjett Prosjektleiing 50 000 100 000 100 000 250 000 Kysthavnalliansen 200 000 200 000 200 000 600 000 Tenketank sjømat 600 000 200 000 100 000 900 000 Auke klimamålbidraga frå sjøtransporten 200 000 200 000 200 000 600 000 SUM 1050 000 700 000 600 000 2 350 000 Forslag til ny finansieringsplan Helgeland Havn IKS 150 000 100 000 50 000 300 000 Nord-Trøndelag Havn Rørvik IKS 100 000 100 000 100 000 300 000 Trondheim Havn IKS 100 000 100 000 100 000 300 000 Kristiansund og Nordmøre Havn IKS 150 000 100 000 50 000 300 000 Nordland fylkeskommune 100 000 50 000 50 000 200 000 Trøndelag fylkeskommune 150 000 50 000 50 000 250 000 Møre og Romsdal fylkeskommune 100 000 50 000 50 000 200 000 Eigeninnsats prosjektpartnere 200 000 150 000 150 000 500 000 SUM 1050 000 700 000 600 000 2 350 000 Kysthavnalliansen antyda i søknaden at dei ser føre seg at dei kan ha ei formell rolle i framtidig forvalting av dei statlege fiskerihamnene som fylkeskommunane overtek ved nyttår. Møre og Romsdal fylkeskommune har ikkje lagt opp til at hamnene skal ha denne rolla, og har heller ikkje hatt dialog med hamnene om dette. Det vil ikkje vere naturleg at hamnene i Møre og Romsdal får ansvar i samband med at fylkeskommunane tek over dei statlege fiskerihamnene ved nyttår.
Forslag til vedtak: Møre og Romsdal fylkeskommunen løyver Kysthavnalliansen eit tilskot på inntil 200 000 kroner frå Tiltaksfondet til prosjektet «Midt-Norge Føregangsregion for sjøtransport». Tilskotet er avgrensa til 8,5 prosent av totalt kostnadsoverslag på 2 350 000 kroner. Det er ein føresetnad at prosjektet blir fullfinansiert, samt at det vert ei samfinansiering med Nordland og Trøndelag fylkeskommune. Ottar Brage Guttelvik fylkesrådmann Bergljot Landstad regional- og næringssjef Vedlegg 1 Søknad 2019-0065 - Midt-Norge foregangsregion for sjøtransport 2 Tillegg til søknad Kysthavnalliansen