Saksnr Utval Møtedato Regional- og næringsutvalet

Transkript

1 saksframlegg Dato: Referanse: Vår saksbehandlar: /2017 Lasse Kristiansen Saksnr Utval Møtedato Regional- og næringsutvalet Service på merdkanten - leverandørnettverk Bakgrunn Med bakgrunn i den marine serviceindustriens betydning og vekstpotensial, fragmenterte struktur, og dels manglande samhandling, tok Kom Vekst initiativ til å kartlegge moglegheiter for betra samarbeid i industrien. Kartlegginga vart gjennomført som eit forstudium i 2015, der dei skulle utgreie potensialet for nettverkssamarbeid. Forstudiet skulle konkretisere og avklare moglegheitene for auka samarbeid innan marin serviceindustri i regionen og eventuell synergi frå oljeog gassindustrien. Resultata frå forstudiet viste at regionen har ei rekke kompetanse-, utstyrs- og serviceleverandørar til fiskeri- og havbruksnæringa, og at næringa kan utløyse et større potensiale gjennom samarbeid i eit bedriftsnettverk. Det vart også poengtert at marin næring kan hauste stor gevinst frå kompetansen i olje- og gassnæringa. For å etablere eit bedriftsnettverk på Nordmøre, tilrår forstudiet å opprette eit forprosjekt. Forprosjektet skal resultere i ei finansieringsordning for å sikre at bedriftsnettverket vil kunne stå på eigne bein. Samhandlinga i bedriftsnettverket skal skje både horisontalt og vertikalt. Langs den horisontale aksen ligg produsentar og konkurrentar av like tenester. I den vertikale aksen vil det vere aktørar som vil utfylle kvarandre i verdikjeda. Næringsklynga NCE Aquatech Cluster starta opp 1. januar 2017 og har eit nasjonalt nedslagsfelt. Det er ei klynge av teknologiprodusentar, kunnskapsmiljø, organisasjonar og havbruksselskap i Midt-Noreg. Administrasjonen ligg i Trondheim, men klynga ønskjer å knytte til seg aktørar frå heile landet. Nordmøre har ein tydeleg posisjon innan service og leverandørindustri til havnæringa. Denne posisjonen kan bli styrka ved å etablere bedriftsnettverket som eit kompetansesenter (hub) til NCE Aquatech Cluster. Ei direkte tilknyting til ein sterk nasjonal aktør vil kunne gi enda større drivkraft for realisering av måla for prosjektet. Mål Det overordna målet med prosjektet er å danne eit bedriftsnettverk med utspring frå Nordmøre som skal betre fiskevelferd i havbruk ved utvikling av kostnadseffektive og heilskaplege logistikkoperasjonar.

2 Forprosjektet har desse delmåla: Utvikle ny og betre teknologi gjennom eit sterkt leverandørnettverk Auke innovasjonsevna i næringslivet Skape konkurransedyktig kompetansemiljø Langsiktige mål: Ein verdsleiande region innan teknologi for service på merdkanten Etablering av basseng for forsking- og utviklingsprosjekt lokalt Betre og meir effektive produksjonssystem for fisk i oppdrett Aktivitetar og tidplan Prosjektet har ei rekke aktivitetar som saman skal bygge bedriftsnettverket, og saman gje grunnlaget for eit sjølvgåande nettverk etter forprosjektet. Aktivitet Avklart Status: Samle lokale aktører for interesseavklaring Intensjonsavtale med NCE Aquatech Oppstart Prosjektfinansiering Prosjektorganisering Interessentanalyse Stand under Aqua Nor Avklare klyngesamarbeidets form Budsjett fra prosjekt til drift Møteplasser/kompetansehevingstiltak for nettverket * Felles møteplass med etablerte klynger i regionen ** Gjennomføre møteplasser for NCE nettverket med tilholdsted i Møre og Romsdal *** Formaliteter Avklare/evt. gjennomføre en konferansen for utstyrs og serviceleverandører Åpne Hub i Kristiansund * Møteplasser som finn sted en gang i månaden for medlemmene ** Arrangerast et par gongar i året når det er behov og aktuelle tema *** Aktivitetar som arrangerast ein gong i halvåret Organisering og forankring Prosjektet er lagt til Kristiansund og Nordmøre Næringsforum (KNN) då dette forumet har ei aktiv medlemsmasse knytt til KNN si satsing på havrommet. Prosjektleiar har erfaring frå oppdrettsnæring og brønnbåtverksemd nasjonalt og internasjonalt. Søkar skriv at KNN har kompetansemiljø til å kjøre forprosjektet og leie etableringa av nettverket. Bedriftsnettverket Ocean Network og Vindel (tidlegare Knutzon Bølgen Innovasjon) får ansvar for teknisk leiing av prosjektet og utvikling internt i klynga. Leiinga av prosjektet vil bestå av Finn Backer (KNN) saman med Nils Erik Pettersen (Ocean Network) og Klaus Hoset (Stranda Prolog og Styremedlem NCE Aquatech Cluster).

3 Klynga har eit mål om at det skal tilsettast ein egen ressurs i prosjektet, eventuelt dele en ressurs med Vindel/ON på teknisk prosjektleiing. Styringsgruppe: Styringsgruppa skal vere samansett av representantar frå næringa og kompetansemiljø. I dag er består styringsgruppa av: Klaus Hoset (Stranda Prolog) Per Helge Pedersen (Fishfarming Innovation) Tron Kjønø (Bogestilla) Kjetil Ås (MB Hydraulikk) Sigmund Røeggen (Redox) Forankring Prosjektet er forankra i bedriftene som har vært med i utviklinga. Utviklingsmiljøa i Kristiansund med Vindel/Ocean Network (ON) er direkte med i prosjektet gjennom at ON er representert i arbeidsgruppa. Vindel vil også bidra med sin utviklingskompetanse i forprosjektet. Søknaden peiker på at prosjektet er forankra hos Kristiansund kommune og Innovasjon Norge gjennom resultata frå forstudiet. Prosjektet er også kopla opp mot prosjektet Campus Kristiansund, der eitt av måla i Campus er å etablere ei næringsklynge «hub» under NCE Aquatech Cluster. Hub-en vil inngå i Campus og bidra til å kople forsking, utvikling og innovasjon i Campus opp mot eit næringsretta klyngemiljø. I forskings- og utviklingsstrategien for Møre og Romsdal er utvikling av campusmiljøa eit prioritert område, saman med kopla innovasjon. Etablering av ein «hub» for marin havbruksteknologi er eit eiga tiltak i handlingsprogram for Kompetanse og verdiskaping Tiltaket er nemnt som: «Arbeide for å etablere eit næringsklyngeprosjekt (hub) for marin havbruksteknologi under NCE Aquatech». Prosjektet er også forankra i NCE Aquatech Cluster med ein eigen intensjonsavtale, og har eit budsjett på 3 mill. kroner. Budsjett Arbeidsgruppe Kjøp av tenester Møtekostnader Prosjektadministrasjon Prosjektleiing Reisekostnader Sum kostnad

4 Finansiering Eigeninnsats arbeidsgruppe/aktørar KNN Møre og Romsdal fylkeskommune Sum finansiering Vurdering Havbruksnæring har på kort tid blitt ein av de store bærebjelkane i norsk økonomi, og produkta frå næringa er blant landets viktigaste eksportartiklar. Vi er verdsleiande på oppdrett av laks, ein posisjon vi i stor grad har tatt ved å vere best i klassen på havbruksteknologi. Det har vore teknologiutvikling i alle ledd i verdikjeda, noko som fordrar ny utvikling i en kontinuerlig spiral innan teknologi, biologi, marknad, rammevilkår, med meir. Biologiske utfordringar i produksjonen, som til dømes lakselus, har ført til ei rekke teknologiske nyvinningar. Måla i dette prosjektet svarar på ei stor utfordring for havbruksnæringa som omhandlar teknologiutvikling for betra fiskevelferd, og lågare dødelegheit hos fisk i oppdrett. I 2015 var det om lag 20 prosent svinn i lakseoppdrett, noko som i 2015 gav heile 45 mill. tapte fisk. Sidan da har tapet av fisk i produksjonen blitt enda større. Prosjektet er godt forankra i nasjonale strategiar for havnasjonen Noreg, og i fylkeskommunale planverk. Prosjektleiinga har gjort ein god jobb med å samle eit breitt utviklings- og innovasjonsmiljø på Nordmøre og fått alle til å trekke i same retning. Koplinga til NCE Aquatech Cluster er naturleg då denne klynga er det einaste i klyngeprogrammet til Innovasjon Norge som direkte famnar havbruksteknologi. Klaus Hoset i prosjektleiinga har ein styreposisjon i NCE Aquatech Cluster. Fylkeskommunen er (I samtale med dagleg leiar Kristian Henriksen i NCE Aquatech Cluster er vi) informert om at det vil bli etablert fleire kompetansesenter (hub-ar), men at det komande bedriftsnettverket på Nordmøre er det første NCE Aquatech Cluster ønsker realisert. Som andre regionar i Møre og Romsdal er Nordmøre hardt råka av nedgangen i offshoreverksemda. Det er derfor svært positivt at synergiar og kompetanse frå olje og gassnæringa kan kanaliserast til dette prosjektet. Det er og positivt at prosjektet har ei kopling til viktige satsingar som Campus Kristiansund. Det gjer at effekten av prosjektet kan skape ringverknadar utover målsettinga. Ambisjonane i dette prosjektet er unike for Møre og Romsdal. Prosjektet kan styrke Nordmøre sin posisjon innan servicetenester til havbruksnæring, noko som kan gi stor økonomisk gevinst for regionen. Om prosjektet vert realisert, vil Møre og Romsdal fylkeskommune få ein observatørpost i styringsgruppa.

5 Tilskot frå fylkeskommunen skal vere utløysande, og kan dermed ikkje finansiere aktivitet bakover i tid. Det vurderast også at det ikkje er tid nok i 2017 til å gjennomføre all aktivitet. Dette speilast i nytt budsjett og finansiering for forslag til vedtak med ein reduksjon i midlar til prosjektleiing. Følgjande budsjettering og finansiering er lagt til grunn for vedtektsforslaget: Budsjett: Arbeidsgruppe Kjøp av tenester Møtekostnader Prosjektadministrasjon Prosjektleiing Reisekostnader Sum kostnad Finansiering Eigeninnsats arbeidsgruppe/aktørar KNN Møre og Romsdal fylkeskommune Sum finansiering Forslag til vedtak: Møre og Romsdal fylkeskommune løyver kroner frå dei regionale utviklingsmidlane, kap. 553 post 60 i Statsbudsjettet, til Kristiansund og Nordmøre Næringsforums prosjekt «Service på merdkanten». Tilskotet er avgrensa til 50 prosent av godkjende kostnadar og er gitt på vilkår av fullfinansiering. Ottar Brage Guttelvik fylkesrådmann Vedlegg 1 Intensjonsavtale 2 Prosjektbeskrivelse Service på merdkanten 3 Marin Service rapport forstudie Bergljot Landstad regional- og næringssjef