ETABLERING OG FINANSIERING AV KNOWLEDGE HUB I BERGEN

Transkript

1 HORDALAND FYLKESKOMMUNE Regionalavdelinga Næringsseksjonen Arkivsak Arkivnr. 146 Saksh. Hagala, Yngvar Saksgang Møtedato Fylkesutvalet ETABLERING OG FINANSIERING AV KNOWLEDGE HUB I BERGEN SAMANDRAG Business Region Bergen har sendt ein førespurnad til Hordaland fylkeskommune om deltaking knytt til etablering og finansiering av ein Academia Europaea Knowledge Hub med sete i Bergen. Academia Europaea (AE) er ei europeisk ikkje-politisk foreining som fungerer som eit akademi. Medlemmene er forskarar eller undervisningspersonell. Medlemmer av AE ved Universitetet i Bergen og NHH har forankra idéen om å opprette ein Knowledge Hub av AE i Bergen hos deira leiing. Idéen er seinare forankra hos Bergen kommune (Byrådsvedtak ) og BRB. Partane nemnt ovanfor har fremja ein søknad til AE Board / Council om ein slik Hub i Bergen. Partane meiner at ei deltaking frå Hordaland fylkeskommune si side vil gje ei betydeleg styrking av saka, noko også sekretariatet for AE sluttar seg til. Etablering av AE Knowledge Hub i Bergen føreset ei finansiering over ein periode på fem år med eit beløp tilsvarande EUR (NOK ) årleg i tillegg til lokale og personell. Byrådet føreset, i sitt vedtak om økonomisk støtte med kr årleg, at Hordaland fylkeskommune gjev tilsvarande støtte. Saman med at UiB bidreg med lokale og merkantilt personale gjev dette fullfinansiering av prosjektet over 5 år.

2 FORSLAG TIL VEDTAK 1. Fylkesutvalet gjev si tilslutning til at Hordaland fylkeskommune er med på etablering av ein Academia Europaea Knowledge Hub i Bergen. 2. Årleg kostnad på kr over 5 år blir tatt frå «BRB, prosjektstøtte» under budsjettposten Prosjekt med mellombelse driftstilskot. Rune Haugsdal Fylkesrådmann Bård Sandal Regionaldirektør Vedlegg: 1) Førespurnad frå BRB om deltaking i etablering og finansiering av KH i Bergen 2) Bergen kommune: Bergens Academia Europaea Hub etablering og funding 2

3 FYLKESRÅDMANNEN, : Bakgrunn Business Region Bergen har sendt ein førespurnad til Hordaland fylkeskommune ved Regionalavdelinga om deltaking knytt til etablering og finansiering av ein Academia Europaea Knowledge Hub med sete i Bergen. Medlemmer av det europeiske vitskapsakademiet Academia Europaea (AE) ved Universitetet i Bergen (UiB) har forankra idéen om å opprette ein Knowledge Hub av AE i Bergen (etter modell av Barcelona i Spania og Wroclaw i Polen) hos deira leiing ved UiB og hos NHH, som også har medlemmer i akademiet. Idéen er seinare forankra hos Bergen kommune (Byrådsvedtak ) og Business Region Bergen (BRB). Prosess og søknad Eit eventuelt vedtak om å etablere ein «Knowledge Hub» skjer via ein formell førespurnad frå aktuelle partnarar til Academia Europaea Board og Council via sekretariatet i London. Partane nemnt ovanfor har fremja ein slik søknad til styremøtet i organisasjon gjennom eit «Proposal». Dette vil bli lagt fram for AE sitt styre (Board) og representantskap (Council) september. Partane nemnt ovanfor meiner at ei deltaking frå Hordaland fylkeskommune si side vil gje ei betydeleg styrking av saka, noko også sekretariatet for AE sluttar seg til. I oversendingsbrev av 5. september viser ein til ei forventa tilslutning frå Hordaland fylkeskommune si side, men at saka vil bli styrkt ved ei politisk forankring, til dømes ved fylkesutvalet si tilslutning. Academia Europaea er ei europeisk ikkje-politisk foreining som fungerer som eit akademi. Hovudkontoret er i London. I tillegg har dei «Knowledge Hub» i Barcelona og i Wroclaw. Medlemmene er forskarar eller undervisningspersonell med felles målsetting om å promotere læring, utdanning og forsking. Foreininga blei grunnlagt i 1988, og har i dag om lag 2800 enkeltmedlemmer. Det inkluderer ekspertar innan fysisk vitskap og teknologi, biologisk forsking og medisin, matematikk, språk og humanitære fag, sosiale og kognitive vitskap, økonomi og juss. Noreg har om lag 50 medlemmer i foreininga, av dei har 20 sitt verke i Bergen. Bergens Academia Europaea Knowledge Hub vil vere basert på ein nordisk modell, kor det allereie er knytt relasjonar med Bergen kommunes vennskapsbyar Århus og Gøteborg, som vil vere sentrale partnarar i Bergen Knowledge Hub. Universiteta der har gode tradisjonar på koplingar mot næringsaktørar som representerer næringssatsingane i regionane. Til dømes er Maersk sentral i Århus og Volvo og Ericson i Gøteborg. Det er bygd opp fond rundt desse institusjonane som gir grunnlag for satsing på langsiktig forsking, både anvendt og basisforsking. Etablering av ein «Knowledge Hub» i Bergen vil kunne gje moglegheit for samarbeid gjennom prosjekt der desse miljøa bidreg. Gjennom dette arbeidet kan ein utvide og vidareutvikle denne delen av samarbeidet med Bergen kommunes nordiske vennskapsbyar. 3

4 I motsetnad til dei tilsvarande vitskapelege miljøa i Noreg; Det Norske Videnskaps-Akademi (DNVA) med hovudsete i Oslo, og NTVA Norges Tekniske Vitenskapsakademi i Trondheim, vil etablering av ein «Knowledge Hub» i Bergen ha ein tydeleg nordisk profil, med europeisk tilhøyring. I tillegg ønskjer Bergens Academia Europaea Knowledge Hub å fokusere spesielt på energinæringane, maritime og marine næringar. Rammer og økonomi Etablering av ein Knowledge Hub i Bergen føreset at lokale og tilstrekkeleg bemanning (2 administrative årsverk og 0,5 akademisk stilling) blir stilt til rådvelde. UiB har stadfesta at dei tar på seg dette ansvaret, og at kontoret vil samlokaliserast med dei aktuelle forskingsmiljøa. Huben vil kunne fungere som ein link mellom Akademia og næringslivet i regionen. I byrådssaka seies det at Bergen kommune vil kunne bidra i dette arbeidet, gjerne i praksis gjennom aktivitet frå BRB. Frå UiB si side er det også ei forventing om at nettverket skal gje utslag på forskingsmidlar både frå EU og frå Norges forskningsråd. Dei peiker på at Bergen og regionen blir satt på kartet innan europeisk forsking og utdanning, og etablering av eit slikt kontor vil også kunne bidra til auka rekruttering til UiB. Den føreslåtte etableringa av Academia Europaea Knowledge Hub i Bergen føreset ei finansiering i form av sponsormidlar over ein periode på fem år med eit beløp tilsvarande EUR (NOK ) årleg. Byrådet føreset, i sitt vedtak om økonomisk støtte med kr årleg, at Hordaland fylkeskommune gjev tilsvarande støtte. Saman med at UiB bidreg med lokale og merkantilt personale gjev dette fullfinansiering av prosjektet over 5 år. Dersom styret i AE gjev tilslutning til søknaden, vil det bli opp til patane i felleskap å utforme ein intensjonsavtale. Det er først gjennom eit slikt felles undertekna dokument økonomiske og juridiske forpliktingar blir inngått. Dette kan truleg skje ved årskiftet, og Bergen KH kan da starte opp i Vurdering Fylkesrådmannen legg til grunn at AE Knowledge Hub i Bergen vil kunne støtte opp under Regional forskingsstrategi kor det er ei målsetjing å auke deltaking i europeiske nettverk med forskingsfagleg relevans. Ein av strategiane i Regional næringsplan for Hordaland (RNP) er å legge til rette for fleire innovative næringsmiljø. Det vert peika på at samarbeid mellom næringsliv, FoUmiljø og offentleg sektor er føresetnaden for ein vekstkraftig region. Det er viktig for Hordaland å stimulera til tett samarbeid mellom næringsliv og akademia, og gjensidig kunne utnytta synergiane som ligg i slikt samkvem. Det er av særlig interesse i slikt samarbeid å ivareta den internasjonale dimensjonen, både gjennom strategisk nettverksbygging og operativ erfaringsutveksling på prosjektnivå. Det er grunn til å tru at Academia Europaea Knowledge Hub sitt nærvær i Bergen vil kunna bidra til slik utvikling på ein positiv måte. Forskingsbasert innovasjon er viktig både i RNP og RUP. For ytterlegare fokus på dette har fylkeskommunen sendt søknad til Norges forskningsråd om finansiering av eit VRI-prosjekt 4

5 for dei neste tre åra med ei samla ramme på 25 mill kr. For å lukkast med dette arbeidet er det viktig å få auka samarbeid mellom akademia og næringslivet. Fylkesrådmannen legg til grunn at ein KH i Bergen aktivt støtter ovannevnte strategier for Hordaland fylkeskommune. Fylkesrådmannen forventar at ein slik «Knowledge Hub» skal medvirke til at viktige næringar for Hordaland, som energinæringane, maritime næringar og marine næringar, vil vere sentrale i Huben sitt arbeid. Totalt 1 mill kr fordelt over 5 år vil legge vesentlege bindingar på allereie begrensa RUPmidlar. Fylkesrådmannen tilrår difor at midlane blir tatt frå «BRB, prosjektstøtte» under Prosjekt med mellombelse driftstilskot. 5