Transkript

1 HORDALAND FYLKESKOMMUNE Kultur- og idrettsavdelinga Arkivsak Arkivnr. 644 Saksh. Skaar, Ronny/Haugland, Tone Stedal Saksgang Kultur- og ressursutvalet Fylkesutvalet Møtedato HORDALAND TEATER - LOKALISERING I BERGEN SENTRUM SAMANDRAG Hordaland Teater vedtok i sin plan av 15.desember 2011 at dei ønskjer å flytte heile si verksemd frå Stend til Bergen sentrum. Dei ser dette også som ein del av eit ønskje om å utvikle eit forum for nynorsk kultur/språk og litteratur i Bergen, der Hordaland Teater utgjer kjerna. Dei ser også flytting som eit ledd i eit større samarbeid med fleire andre kulturinstitusjonar i Bergen og Hordaland, der Kultur Vest AS har ei rolle for å få til felles verkstad-, prøve- og lagerfasilitetar. Det er utarbeidd notat frå Hordaland Teater «Ny base for Hordaland teater i Bergen sentrum» I dette notatet er det kort gjort greie for teateret si historie fram til i dag, dei ulike ulempene ved den noverande plasseringa, og korleis ei flytting av teateret òg er i tråd med dei moglegheitene teateret kan få i framtida. Styret ser for seg ei flytting av Hordaland Teater AS i to trinn. Trinn 1 kan vere å finne mellombels lokale i sentrum av Bergen for å synleggjere teateret meir. Trinn 2 kan vere å flytta inn i permanente lokale i lag med andre aktørar/institusjonar. Då Hordaland fylkeskommune er største eigar i teateret, ber Hordaland Teater slik om at fylkeskommunen sluttar seg til deira planar i form av politisk vedtak. Eg vil gjere merksam på at Hordaland Teater er eit sjølvstendig aksjeselskap og at dette selskapet som må stå ansvarleg for evt. flytting til sentrum. Hordaland fylkeskommune som største aksjeeigar kan stille seg positiv til desse planane på prinsipielt grunnlag, noko eg vil tilrå. Eg ser gode grunnar for ei meir sentral lokalisering av teateret si verksemd. Eg har difor tilrådd og Kultur- og ressursutvalet vedtok støtte til utgreiing av dette og eit evt. nynorsk kulturforum i Bergen gjennom Kulturelt utviklingsprogram i juni i år. Kultur Vest vil stå for denne utgreiinga. Hordaland Teater meiner at om teateret flytter til sentrum, får ein auka nytteverdi av driftsmidlar og kapasitet. Dei ser også for seg publikumsauke, då ein fast spelestad i sentrum kjem til å synleggjere og

2 profilere teateret på eit betre vis enn no. Teateret har ambisjonar om å vekse, utan at denne framlagte planen talfestar dette. Kultur Vest AS har fått midlar frå Kulturelt utviklingsprogram for å utgreie flytting av Hordaland Teater til Bergen sentrum, og eg forventar ei nærare konkretisering av økonomiske og andre tilhøve av tyding for ei evt. gjennomføring av flytting og drift i Bergen sentrum. Eg føreset at dei nye planane ikkje vil ha konsekvensar i forhold til vedtekter og føremålsparagraf for teateret, og vil evt. handsame dette i eiga sak seinare. Eg ser det som viktig at teateret held fram med å ha fokus på å vere eit turnéteater og på produksjonar for barn og unge. FORSLAG TIL INNSTILLING 1. Fylkesutvalet støttar at Hordaland Teater arbeider for å flytte si verksemd til Bergen sentrum, eventuelt i samarbeid med andre aktørar. Paul M. Nilsen Anna Elisa Tryti 2

3 FYLKESRÅDMANNEN, : Hordaland Teater vedtok i sin plan av 15.desember 2011 at dei ønskjer å flytte heile si verksemd frå Stend til Bergen sentrum. Dei ser dette som ein del av eit ønskje om å utvikle eit forum for nynorsk kultur/språk og litteratur i Bergen, der Hordaland Teater utgjer kjerna. Dette har også tidlegare vore vedteke i styret for teateret i Handlingsplan for Hordaland Teater (styremøte 25.januar 2011). Det er utarbeidd notat frå Hordaland Teater «Ny base for Hordaland Teater i Bergen sentrum» I dette notatet er det kort gjort greie for teateret si historie fram til i dag, dei ulike ulempene ved den noverande plasseringa, og korleis ei flytting av teateret òg er i tråd med dei moglegheitene teateret kan få i framtida. Dei ser også flytting som eit ledd i eit større samarbeid med fleire andre kulturinstitusjonar i Bergen og Hordaland, der Kultur Vest AS har ei rolle for å få til felles verkstad-, prøve- og lagerfasilitetar. Hordland fylkeskommune mottok i februar 2012 følgjande brev frå Hordaland Teater : «V i syner til godt møte med leiinga i Hordaland Fylkeskommune om Hordaland Teater AS sine planar om flytting av scene og lokalitetar til sentrum av Bergen. Hordaland Teater AS har på styremøte 14 d.m. handsama saka på nytt og samrøystes vedteke å be Hordaland Fylkeskommune gjere vedtak i samsvar med dei planar som Hordaland Teater AS har vedteke. Det styret ser for seg er ei flytting av Hordaland Teater AS i to trinn. Trinn 1 kan vere å finne mellombels lokale i sentrum av Bergen for å synleggjere teateret meir. Trinn 2 kan vere å flytta inn i permanente lokale i lag med andre aktørar/institusjonar.» Vedlagt var notat med styrevedtak frå siste styremøte i sak 05/12 Nynorskscenen. Då Hordaland fylkeskommune er største eigar i teateret, ber Hordaland Teater om at fylkeskommunen sluttar seg til deira planar i form av politisk vedtak. Hordaland teater gjorde følgjande styrevedtak : «Hordaland Teater AS skal flytte verksemda si til Bergen sentrum så snart det er funne passande lokalitetar som tilfredsstiller dei behova teateret har. Styret i Hordaland Teater AS ber fylkeskommunen gjere vedtak om å støtte ei flytting av Hordaland Teater AS til Bergen sentrum og bidra til å finne passande nye lokale.» Det har vore møteverksemd mellom styret i Hordaland teater og både politisk og administrativt nivå i fylkeskommunen det siste året. Det har i tillegg vore lagt fram ulike oversendingsforslag i Fylkesting og utval. I hovudssak følgjande framlegg sitert frå møtebok: I samband med fylkestinget si behandling av sak 69/11 Årsbudsjett 2012/ Økonomiplan , den , sette Aud Karin Oen fram slikt oversendingsforslag: Nynorsk teater i Bergen sentrum. Fylkestinget ber om at det vert sett i gong ein prosess med å flytta Hordaland teater til Bergen sentrum og at det vert funne eigna lokale. Oen sitt forslag vart samrøystes vedteke oversendt fylkesrådmannen. I samband med ordskiftet etter talane til fylkestinget 13. mars 2012 sette Torunn Hovland Ljone fram slikt oversendingsforslag I: Nynorsk arena i Bergen sentrum Det er kjend at Hordaland teater ynskjer å flytta til sentrum av Bergen, og Tanks skole er nemnd som alternativ lokalisering. Nynorsk kultursentrum, som i dag og driv Ivar Aasen-tunet i Ørsta og utviklar og driv Olav H. Hauge senteret i Ulvik, eig og skal forvalta Jon Fosse-arkivet. Det er utarbeidd eit forprosjekt for forvalting av dette arkivet. Styret i Nynorsk kultursentrum har interesse i å utvikla ein nynorsk arena i Bergen. Dei ser gjerne på ei samlokalisering mellom eit levande nynorsk teater og ein arena for forfattarskapen til Jon Fosse. Fylkestinget ber om at det vert sett i gang ein prosess med å finna eigna lokale for Hordaland teater og Jon Fosse-arkivet. Ljone sitt forslag vart samrøystes vedteke oversend til fylkesrådmannen. Eg vil gjere merksam på at Hordaland Teater er eit sjølvstendig aksjeselskap og at dette selskapet som må stå ansvarleg for evt. flytting til sentrum. Hordaland fylkeskommune som største aksjeeigar kan stille seg positiv til desse planane på prinsipielt grunnlag, noko eg vil tilrå. 3

4 Eg ser gode grunnar for ei meir sentral lokalisering av teateret si verksemd. Eg har difor tilrådd og Kultur- og ressursutvalet vedtok støtte til utgreiing av dette og eit evt. nynorsk kulturforum i Bergen gjennom Kulturelt utviklingsprogram i juni i år. Kultur Vest vil stå for denne utgreiinga. Eg føreset at dei nye planane ikkje vil ha konsekvensar i forhold til vedtekter og føremålsparagraf for teateret, og vil evt. handsame dette i eiga sak seinare. Eg ser det som viktig at teateret held fram med å ha fokus på å vere eit turnéteater og på produksjonar for barn og unge. Historikk - bakgrunn for ønskje om ny base for Hordaland Teater i Bergen Sentrum I år er det 24 år sidan Hordaland Teater hadde den første framsyninga si. I desse åra har teateret spelt om lag framsyningar med eit publikumstal på om lag Mesteparten av tilskodarane har vore barn og ungdom. Det er også desse som til no har vore hovudmålgruppa for teateret si verksemd. Bakgrunnen for at Hordaland Teater AS vart skipa, var å gje barn og unge tilbod om profesjonell scenekunst i Hordaland. Med tanke på storleik er framsyningane som teateret produserer, tilpassa dei spelelokala som finst i kommunane. Det kan vere kulturhus, kinosalar, grendehus, gymsalar, skular eller barnehagar. Produksjonslokala (verkstad/prøvescene) og administrasjonslokala til Hordaland Teater har sidan oppstarten vore på Stend i lokala til Hordamuseet og på Stend Hovedgård. Hordaland Teater er eit aksjeselskap der Hordaland fylkeskommune eig 60 % av aksjane. Resten er fordelt mellom Vestlandske Teatersenter, Hordaland Mållag, Vaksenopplæringsforbundet, Hordaland Ungdomslag og Hordaland Folkeakademi. Sidan tidleg på 2000-talet har det vore diskutert å flytte Hordaland Teater til nye lokale i Bergen sentrum. Teateret meiner at lokala på Stend ikkje lenger tilfredsstiller dei behova eit moderne teater har. Slik plasseringa er no, med produksjons- og administrasjonslokale på to ulike stader, opplevast verksemda tungvint og urasjonell. I tillegg har teateret eit lagerlokale i Indre Arna. Prøve- og spelelokalet er ikkje stort nok samanlikna med dei scenane teateret møter når det er på turné. Lokala på Stend set også grenser for teknisk utvikling og nye moglegheiter innanfor det tekniske fagområdet. Dessutan opplever dei at avstandar gjer det vanskeleg å forhalde seg til samarbeidspartnarar, lokala er upraktiske og uøkonomiske, og dei opplever at dei er lite synlege og tilgjengelege for publikum. Målet med flytting av teateret til Bergen sentrum Målet for teateret er å få til ei fullverdig, profesjonell drift som stasjonært teater og regionalt turnéteater. Hordaland Teater har som oppgåve å spele framsyningar på nynorsk og dialekt, og målet er å vekse i storleik, tilsvarande Sogn og Fjordane Teater. Hordaland Teater skal framleis vere eit teater for barn og unge, men skal også spele for eit vakse publikum med turnéverksemd i Hordaland. Hordaland teater meiner at flytting til ein fast spelestad i sentrum kjem til å synleggjere og profilere teateret på eit heilt anna vis enn til no. Når teateret har ein fast spelestad med lett tilgjenge, veit publikum kor teateret si scene er. Dei meiner også at ei flytting vil vere viktig i forhold til samarbeidspartnarar. Hordaland Teater er medeigar i Kultur Vest AS og ønskjer å dra meir nytte av det arbeid som Kultur Vest AS gjer, ved å vere i nærleiken av dei andre institusjonane og medeigarane. Hordaland Teater skriv i sin plan følgjande om negative faktorar ved noverande plassering: Slik plasseringa er no, med produksjons- og administrasjonslokale på to ulike stader, er verksemda tungvint og urasjonell. I tillegg har teateret eit lagerlokale i Indre Arna. Prøve- og spelelokalet er ikkje stort nok samanlikna med dei scenane teateret møter når det er på turné. Fleire kulturhus er bygde, og fleire kjem til å kome. Lokala på Stend set også grenser for teknisk utvikling og nye moglegheiter innanfor det tekniske fagområdet. Så lenge teateret held til på Stend, er det også mange praktiske problem når det gjeld det å engasjere dei beste skodespelarane, scenografar, instruktørar, musikarar og anna kunstnarleg personell. Desse vel heller arbeid ved institusjonane som er etablerte i sentrum av Bergen der miljøet finst, og der dei vert sett både i produksjonsarbeid og på scene. 4

5 I tillegg til å gjere Hordaland Teater meir synleg for publikum ser dei ei etablering sentralt å vere viktig for samarbeid kunstnarleg, teknisk og administrativt med dei andre profesjonelle scenekunstinstitusjonane som ligg i Bergen. Hordaland Teater er medeigar i Kultur Vest AS som m.a. jobbar med utgreiing av fellesløysingar for fleire kulturinstitusjonar, og Hordaland Teater meiner at dei vil dra meir nytte av det arbeid som Kultur Vest AS gjer ved å vere i nærleiken av dei andre institusjonane og medeigarane. Hordaland Teater forventar at dei får auka nytteverdi av driftsmidlar og kapasitet om dei flytter til sentrum. Dei ser også for seg publikumsauke, då ein fast spelestad i sentrum kan synleggjere og profilere teateret på eit betre vis enn no. Teateret har ambisjonar om å vekse, utan at denne framlagte planen talfestar dette. Kultur Vest AS har fått midlar frå Kulturelt utviklingsprogram for å utgreie flytting av Hordaland Teater til Bergen sentrum, og eg forventar ei nærare konkretisering av økonomiske og andre tilhøve av tyding for ei evt. gjennomføring av flytting og drift i Bergen sentrum. Hordaland Teater har inngått eit forpliktande samarbeid med Sogn og Fjordane Teater og Det Norske Teatret. Både Hordaland Teater, Sogn og Fjordane Teater og Det Norske Teatret meiner eit slikt samarbeid vil passe godt inn i den samordningstanken som Kulturdepartementet lenge har hatt som mål å stimulere til. Eg ser dette samarbeidet mellom dei tre teatera som svært positivt og meiner at dette vil gje publikum på Vestlandet eit betydeleg sterkare teatertilbod, mellom anna gjennom at dei kan utveksle produksjonar. Jon Fosse og nynorsksentrum Hordaland teater skriv i sitt notat også om Jon Fosse-arkivet som ein del av Hordaland Teater AS. Teateret skriv i sitt notat også om samarbeid med andre kulturaktørar m.a. gjennom overbygginga Nynorskens hus. Dette er spanande tankar, og det er svært positivt med Jon Fosse sitt positive engasjement. Hordaland teater skriv også i sitt notat at dei har behov for å flytte verksemda si til Bergen sentrum uavhengig av om det vert eit framtidig samarbeid med Kultur Vest AS om å etablere eit forum for nynorsk kultur/språk og litteratur i Bergen. Dette er spørsmål som no vert utgreidd gjennom Kulturelt utviklingsprogram. 5