ETABLERING AV PILOTANLEGG FOR INDUSTRIELL ALGEPRODUKSJON PÅ MONGSTAD, TILSKOTT TIL PILOTSENTER

Transkript

1 HORDALAND FYLKESKOMMUNE Regionalavdelinga Næringsseksjonen Arkivsak Arkivnr. 146 Saksh. Døskeland, Inge Saksgang Møtedato Fylkesutvalet ETABLERING AV PILOTANLEGG FOR INDUSTRIELL ALGEPRODUKSJON PÅ MONGSTAD, TILSKOTT TIL PILOTSENTER SAMANDRAG Universitetet i Bergen (UiB) i samarbeid med selskapet CO2Bio AS ynskjer å etablere eit testsenter for industriell produksjon av mikroalgar basert på fanga CO2 og varme frå Teknologisenter Mongstad (TCM). Universitetet søkjer fylket og kommunane om 3 mill. kr. til dette. Senteret skal legge grunnlag for produksjon og bruk av omega-3 rik algebiomasse i fiskefôr. Senteret skal både utreie produksjon av fiskefôr og nyttiggjering av CO 2 og varme frå anlegget. Målet på sikt er oppnå positiv klimaeffekt ved redusert trong for transport av marine fôringrediensar, og industriell norsk produksjon av marine oljer. Total kostnad for senteret er stipulert til 12 mill. kr. fordelt på 6 mill. kr. statlege midlar, 3 mill. kr. frå næringa, og 3 mill. kr. frå kommunar og fylke. UiB har ynskje om deltaking i utviklingsarbeidet på Mongstad, kompetanse- og teknologiutvikling, styrke arbeid med mikroalgar og komplettere infrastruktur med tanke på fullskalaproduksjon av mikroalgar for bruk i fiskefôr. Sjølve anlegget og infrastruktur skal eigast av UiB. CO2Bio AS vart etablert i 4. kvartal 2011 og skal stå for drifta av senteret. Bak dette selskapet står Nordhordland Handverk- og industrilag (NHIL), Bergen Teknologioverføring AS (BTO), Ewos AS, Grieg Seafoood AS og Salmon Group AS. Hordaland fylkeskommune har allereie støtta forarbeidet med etablering av pilotsenteret gjennom to prosjekt i det regionale utviklingsprogrammet, og gjennom fylket si høyring til ny nasjonal marin forskingsstrategi HAV 21. Fordi midlane er tenkt disponert til infrastruktur, og fordi temaet marine pilotsenter har vore handsama politisk i desse sakene, er det ynskjeleg med fylkesutvalet si tilslutning. Det er reservert midlar til klimaretta tiltak i Regionalt UtviklingsProgram (RUP) som her er foreslått nytta. Dette er særleg heimla i innsatsområde Energi (RUP 2012 kap. 7.1): Arbeida for at kunnskapsmiljøa og bedriftene får ta del i arbeidet rundt ny reinseteknologi for CO 2 på Mongstad. Tilskotet frå fylkeskommunen finansierast over RUP innanfor dei midlane som er avsett til

2 tilrettelegging for næringsutvikling (RUP 2012 kap B): Det blir lagt til grunn at ein administrativt kan omfordele innanfor desse postane avhengig av behov og søknadstilgang, men og slik at satsinga på klimaretta tiltak blir på minst 2 mill kr. og vidare post B4 klimaretta tiltak. FORSLAG TIL VEDTAK 1. Fylkeskommunen gir tilsegn om eit tilskot på inntil 2 mill. kr., maksimalt 20% av kostnadene, til Universitetet i Bergen (UiB) for å delfinansiere etablering av eit pilotsenter for utvikling av mikroalgeproduksjon på Mongstad. Midlane vert å trekkje frå det regionale utviklingsprogrammet (RUP) 2012 post klimaretta tiltak B Det er ein føresetnad for eventuell fylkeskommunal medfinansiering at pilotanlegget vert fullfinansiert og at det vert etablert drift som i søknad frå UiB. Om tiltaket ikkje vert gjennomført etter plan, eller avvikla, skal restverdiar i prosjektet tilbakeførast til fylkeskommunen etter andel av total finansiering. Paul M. Nilsen fylkesrådmann Matti Torgersen regionaldirektør Vedlegg: 2

3 FYLKESRÅDMANNEN, : Bakgrunn Den største veksten innan marin sektor er spådd å skje ved meir oppdrett av laks, vekst innan leverandørindustri og marin ingrediensindustri ( Verdiskaping basert på produktive hav i 2050, SINTEF). Ein forutsetning er at næringa klarer å handtere dei miljømessige utfordringane og klarer å skaffe til veie tilstrekkeleg med fôrråvarer. Mikroalgar er primærprodusent av omega-3 og kan dyrkast i reaktorsystem ( drivhus ) ved tilført CO 2 og næring. Restvarme og fanga CO 2 frå Teknologisenter Mongstad (TCM) kan nyttast som innsatsfaktorar mot ein industriell algeproduksjon. Denne algebiomassen kan verte ein meir klimariktig ingrediens i fôr til oppdrettsfisk, og redusere trong for bruk av langtransporterte og verdifulle marine oljer. Sluttrapport CO 2 to Bio, 2012 (elektronisk vedlegg) konkluderte med at det bør etablerast eit pilotanlegg for industriell algeproduksjon for å optimalisere og vidareutvikle dagens teknologi, samt tilpasse denne til norske tilhøve. Det er trong for å evaluere nye produksjonssystem i større skala enn det er mogleg i dag. Gjennom samspill mellom FoU og industri kan ein danne felles grunnlag for langsiktig satsing på fullskala produksjon. Klima og miljø Sintef har kartlagt CO 2 avtrykket av 22 norske sjømatprodukt. CO 2 avtrykket av oppdrettslaks vart anslått til ca 2,0 kg CO 2 -ekvivalentar/kg spiselig sjømat (landbasert kjøttproduksjon nådde nivå opp til 30 kg CO 2 -ekvivalenter/kg kjøtt). Likevel utgjer fôrproduksjonen over 90% av det totale klimagassutslippet for ferdig produkt av oppdrettslaks. Mykje av dette skuldast import av fiskemjøl og fiskeolje frå andre land, mellom andre land i Sør-Amerika. Rapporten konkluderte med at det er optimalisering av fôrbruk og fôrsammensetning som vil ha den mest avgjerande vekt for det totale klimareknskapet til ein oppdrettslaks klar for sal i butikk. Forankring i Regionalt utviklingsprogram Frå RUP 2012: Organisering Klimautfordringane og berekraft: Næringslivet er ikkje berekraftig nok. Klimautfordringane og overgang til fornybar energi setter nye krav til næringslivet. Klimaplanen for Hordaland peiker på nye moglegheiter for næringsutvikling. CO 2 satsinga på Mongstad opnar for nye forretningsmoglegheiter. Særlege innsatsområde innan marin sektor er: Utvikle og ta i bruk kunnskap om berekraft, optimal lokalisering og teknologi. Leggje til rette for styrking og vidareutvikling av næringsklynger, møteplassar og kopling til FoU- og kunnskapsmiljø. Det skal stimulerast til fylkesovergripande og internasjonalt samarbeid. Stimulere til auka verdiskaping innan vidareforedling, råstoffutnytting, ingrediensindustri og marin bioteknologi. Det er ei utfordring å utvikle resultata frå grunnforskning til anvendbar kunnskap for næringslivet. Pilotanlegg er å anse som forskingsinfrastruktur som kan samle kunnskapsmiljø i utprøving fram mot nye produkt før kommersiell fase og soleis eit mål for offentleg finansiering. 3

4 Universitetet i Bergen (UiB) er ansvarleg, og søkjer fylkeskommunen om inn til 3 mill. kr. til dette prosjektet. Heile beløpet på 12 mill. kr. skal gå til UiB som vert ansvarlig for anbod og bygging (Eigedomsavdelinga). Universitetet vektlegg i søknaden særleg; - UiB som del av forskings- og utviklingsarbeidet på Mongstad - Bidra til kompetanse- og teknologiutvikling - Styrke Bergensregionen som marin hovudstad - Styrke UiB sitt etablerte arbeid med mikroalgar - Komplettere infrastruktur med tanke på fullskalaproduksjon av mikroalgar CO2BIO AS vart etablert høsten Selskapets formål er å utvikle ny, lønnsom forretningsvirksomhet med utgangspunkt i tilgjengelig fanga CO 2 på Mongstad. CO2BIO er eit innovasjonsnettverk av aktørar fra næringslivet og forskningsmiljøer. Nettverket er organisert som eit selskap der Nordhordland Handverk- og industrilag (NHIL), Bergen Teknologioverføring AS (BTO), Ewos AS, Grieg Seafoood AS og Salmon Group AS er aksjonærar. CO2BIO vert ansvarleg for drifta av pilotsenteret. Teknologisenter Mongstad (TCM) er eigd av det statlege selskapet Gassnova (75%), Statoil, 20% og Shell og Sasol. Føremålet er å teste/betre fangstteknologi for CO2. TCM er dimensjonert for fangst av inntil tonn CO 2 og vart opna i mai Fanga CO 2 skal sleppast ut til luft igjen etter fangst. CO2Bio AS har inngått intensjonavtale om industriell bruk av inntil tonn CO 2 frå TCM. TCM har og gitt løyve til at pilotanlegget kan etablerast på deira område. Beskriving av pilotanlegget Pilotanlegget skal bestå av to seksjonar. Eit drivhus for produksjonsutstyret på totalt 200 kvm. og ein bygningsdel med lager, kontor, laboratorium og sanitære rom, totalt på 100 kvm.. Tomta er planert og det er framlagt strøm/vatn/avløp. Det er planlagt å flytte biomassen som vert produsert til Nofima sitt anlegg i Bergen for prosessering i testperioden. Nofima Bergen er eit internasjonalt leiande kompetansesenter for utvikling av fôr til oppdrettsnæringa. Kostnadbeskriving Kostnadene er stipulert i detalj og med tre ulike senario. Rekneark med spesifikke anbod er utarbeidd, men ikkje vedlagt søknad. På oversiktsnivå er hovudlinene som følgjer; - Drivhus ( 200 kvm), bygningsdel (100 kvm) inkl. grunnarbeid ( sokkel, grøfter etc.), lys, varme, ventilasjon, diverse 4 mill. kr.. - Reaktorsystem, CO2 bank, sensorar, styringsssytem etc 8 mill. kr.. Totalt: 12 mill. kr inkl. mva.. Driftsmodell Universitetet i Bergen vil stå som eigar av bygningsdel og løst/fast utstyr. Det vert etablert eiga avtale med TCM for dette. Selskapet CO2Bio AS vil være ansvarlig for sjølve drifta, inntekter og kostnader, samt bemanning av senteret. Dette selskapet vil og koordinere FoU aktivitetane. Det skal etablerast avtale mellom TCM og CO2Bio AS for tilhøve knytt til drifta. Det er i driftsmodellen forutsett ein 100% stilling. Vedkommande skal være driftsoperatør. Årlege driftskostnader er stipulert til ca 2 Mkr. Pilotanlegget skal være ein 0 bedrift. Inntektene skal skje ved at FoU oppdrag betaler leige for bruk av anlegget. Det betyr at CO2Bio sitt mål ikkje er overskot, men å drive anlegget på ein slik måte at inntekter og kostnader balanserer. Med ein person ansatt og driftskostnader for øvrig, skal forskingsprosjekta dekke dei totale driftskostnadene. I dette ligg det usikkerhet, men Fiskeri og 4

5 havbruksnæringa sitt forskingsfond (FHL/FHF) har signalisert at dei vil bruke anlegget. Uni Research arbeider også med EU søknad sammen med Universitetet i Wageningen (Nederland) og eit Universitet i Spania om aktivitet som skal nytte pilotsenteret. Etter omlag 5 år med FoU oppgåver i pilotsenteret, vert det forutsett å være grunnlag for å kunne ta stilling til etablering av eit storskalaanlegg. Framdriftsplanen angjer opning av pilotanlegget innan