Innkalling av Partssamansett utval Møtedato: 05.02.2016 Møtestad: Lunsjrommet på kommunehuset Møtetid: 14:00-16:00 Sak 010/16 går til PSU etter HA del B 4, resten av sakene er etter kommunelova 10, etter sekretariatet sin vurdering. Dvs at HTV Delta og NSF har møte- og talerett i sak 010/16. Eventuelle forfall må meldast til Dagrun Gunnarson per tlf. 56165109, sms til 95242371 eller per epost til dagrun.gunnarson@fedje.kommune.no Varamedlemmer møter berre etter nærare avtale. Sakliste Saknr Tittel 008/16 Godkjenning av møteinnkalling og sakliste 009/16 Godkjenning av møtebok 010/16 Rullering av personalplan 2016 011/16 Tilsetting av rektor ved Fedje skule 012/16 Tilsetting av flyktningkonsulent 50% prosjektstilling 013/16 Psykisk helse - nedlegging av stilling + konstituering av leiar 26. januar 2016 Kåre Berge møteleiar Dagrun Gunnarson sekretær
Sakspapir Saksbehandler Arkiv ArkivsakID Dagrun Gunnarson 16/30 Saksnr Utvalg Type Dato 008/16 Partssamansett utval PS 05.02.2016 Godkjenning av møteinnkalling og sakliste Saksutgreiing: Forslag til vedtak: Møteinnkalling og sakliste vert godkjent.
Sakspapir Saksbehandler Arkiv ArkivsakID Dagrun Gunnarson 16/30 Saksnr Utvalg Type Dato 009/16 Partssamansett utval PS 05.02.2016 Godkjenning av møtebok Vedlegg: Protokoll - Partssamansett utval - 08.01.2016 Saksutgreiing: Forslag til vedtak: Møtebok frå sist møte vert godkjent.
Møteprotokoll for Partssamansett utval Møtedato: 08.01.2016 Møtestad: Slissøyna/Skarvøyna, Fedje fleirbrukshall Møtetid: 12:00-14:00 Sak 001/16-003/16 ligg til PSU etter HA del B 4. Resten av sakene ligg til PSU som fast utval under kommunestyret. Møtet vart lukka i sak 004-008/16. Samrøystes vedteke. Møtedeltakarar Brit Gunn Tangen Terje Blomvågnes Åge Storemark Kåre Berge Parti Utdforb. Ap H Krf Møtedeltakarar vara Ilka Verhofstad Parti Delta Forfall meldt frå følgjande medlemmar: Odrun Borge Parti Fagforb. Følgende fra administrasjonen møtte: Dagrun Gunnarson
Sakliste Saknr Tittel 001/16 Godkjenning av møteinnkalling og sakliste 002/16 Godkjenning av møtebok 003/16 Kommunestrategikonferansen 2016 - debatthefte. 004/16 Utvida stilling i Fedje barnehage 005/16 Krav om fast tilsetting etter arbeidsmiljølova 14-9 (6) 006/16 Flyktningetenesta medarbeidar til tolk i barne- og ungdomsskulen 007/16 Vidareføring av 80 % vikariat som helsefagarbeidar i pleie og omsorg
001/16: Godkjenning av møteinnkalling og sakliste Møteinnkalling og sakliste vert godkjent. Samrøystes vedteke. 002/16: Godkjenning av møtebok Møtebok frå sist møte vert godkjent. Samrøystes vedteke. 003/16: Kommunestrategikonferansen 2016 - debatthefte. Det vart votert over rådet på kvart enkelt punkt: Punkt 1) Vedteke med 4 mot 1 røyst. Utdanningsforbundet røysta mot. Punkt 2) - 3) og 5)-7) Samrøystes vedteke. Punkt 4) Samrøystes vedteke med følgjande tillegg: Ein bør spesielt sjå på konsekvensane av det nye kravet til lærarkompetanse. Det vart så røysta samla over framlegget. Samrøystes vedteke. Utvalet vart elles samde om å sende leiar i PSU til strategikonferansen. Partssamansett utval sluttar seg til rådmannen si oppsummering i 7 hovudpunkt med den tilføyinga som ligg i punkt 4) : Ein bør spesielt sjå på konsekvensane av det nye kravet til lærarkompetanse.
Samrøystes vedteke. 004/16: Utvida stilling i Fedje barnehage Åge Storemark var ugild i saka og forlot møtet. Vara Paul Gullaksen var kalla inn, men møtte ikkje. Utvalet ber om meir presise grunnlagstal i framtidig saksbehandling. Monica N.Storemark får tilbod om å auke sin mellombelse tilsetting/omplassering i Fedje kommune, f.t. Fedje barnehage med 20% stilling som assistent i perioden 01.01.2016-31.07.2016. Samrøystes vedteke. 005/16: Krav om fast tilsetting etter arbeidsmiljølova 14-9 (6) Råd frå KS vart ettersendt pr e-post 04.01.2016. Endringsframlegg frå Kåre Berge/Krf: Etter den framlagte dokumentasjonen ser ikkje Partssamansett Utval at Torild Knappen Kahrs oppfyller krava i arbeidsmiljølova 14-9 (6) for å verte rekna som fast tilsett slik at reglane for oppseiing av arbeidsforhold gjeld no. Etter den framlagte dokumentasjonen ser ikkje Partssamansett Utval at Torild Knappen Kahrs oppfyller krava i arbeidsmiljølova 14-9 (6) for å verte rekna som fast tilsett slik at reglane for oppseiing av arbeidsforhold gjeld no. Samrøystes vedteke. 006/16: Flyktningetenesta medarbeidar til tolk i barne- og ungdomsskulen Endringsframlegg frå Kåre Berge/Krf: Partsamansett Utval tar tilsettinga av Teim Darwish i 80% mellombels stilling som
flyktningmedarbeidar/tolk i perioden 01.01.2016-31.05.2016 til orientering. Partsamansett Utval tar tilsettinga av Teim Darwish i 80% mellombels stilling som flyktningmedarbeidar/tolk i perioden 01.01.2016-31.05.2016 til orientering. Samrøystes vedteke. 007/16: Vidareføring av 80 % vikariat som helsefagarbeidar i pleie og omsorg Sanja Andjelkovic vert tilsett i mellombels 80% stilling som helsefagarbeidar i perioden 09.01.2016-31.08.2016. Tilsetjing skjer etter gjeldande lov og avtaleverk. Samrøystes vedteke.
Sakspapir Saksbehandler Arkiv ArkivsakID Dagrun Gunnarson FE - 400 15/674 Saksnr Utvalg Type Dato 010/16 Partssamansett utval PS 05.02.2016 Kommunestyret PS Rullering av personalplan 2016 Saksutgreiing: Bakgrunn Formannskapet bad i møtet 7.-8.desember om å raskt få Personalplan for Fedje kommune opp til ny rullering i kommunestyret. Bakgrunnen var regelen om rett til permisjon for å tiltre stilling hjå anna arbeidsgjevar, som vart gjeve ved sist rullering i februar 2016. Den regelen har blant anna vore medverkande til at Fedje barnehage har hatt for få barnehagelærarar dette barnehageåret. Formannskapet bad om å få saka opp att for å vurdere om me framleis skal ha den regelen, og om det skal definerast nokon søknadsfrist. I tillegg endra Kommunestyret på delegeringa på personalområdet 12.11.15. Som ein følgje av det, er det naudsynt å oppdatere utgreiinga om roller i arbeidsgjevarpolitikken på side 3 i Personalplan for Fedje kommune. Prosessen har vore slik: Framlegg til endringar vart sendt ut til alle personalleiarar og HTVar 22.12.2015, med frist for innspel både på innhald og prosess 12.01.2016. Saka vart drøfta med HTV i ordinært drøftingsmøte 13.01.2016. HTV fekk då frist til 25.01.2016 for skriftlege innspel som skal følgje saka. Innstilling vert handsama av PSU 05.02.2016 Saka vert endeleg handsama av kommunestyret i februar, som tinga av formannskapet. Permisjon for tiltreding av stilling hjå anna arbeidsgjevar. Rådmannen anbefalte i utgangspunktet ikkje å innføre denne regelen, fordi det kunne medføre tap av sentral kompetanse for tenestene. Fedje kommune hadde tidlegare ein svært liberal praksis, og dei fleste som søkte, fekk permisjon. Me trur at tilsette som jobbar eit år hjå andre arbeidsgjevarar kjem tilbake til oss med ny kompetanse og innsikt, som me som tenestetilbydarar vil nyte godt av. Men det var viktig for rådmannen nettopp som tenestetilbydar å kunne seie nei til slike søknader for å sikre at me har tilstrekkeleg kompetanse i våre tenester til ei kvar tid. Me skisserer difor to alternativ til noverande tekst. Forslag til endringar side 15 i Personalplan for Fedje kommune:
Permisjon for tiltreding av stilling hjå anna arbeidsgjevar. Alle som har vore tilsett i Fedje kommune i minst 5 år, har rett på eit års permisjon utan lønn. Alternativ A: Alle som har vore tilsett i Fedje kommune i minst 5 år, har rett på eit års permisjon utan lønn. Føresetnad er at søknaden er arbeidsgjevar i hende minst 6 månader før permisjon. Før ein tener opp ny rett til permisjon, må ein på nytt vere i arbeid for Fedje kommune i minst 5 år. Alternativ B: Fedje kommune ser positivt på at dei som har vore tilsett i Fedje kommune i minst 5 år, kan få permisjon utan lønn for tiltreding av stilling hjå anna arbeidsgjevar. Målet er at dei tilsette skal få ny inspirasjon og kompetanse dei kan ta med tilbake til Fedje kommune. Når ein søkjer om slik permisjon, skal følgjande kriterium vurderast: Punkt som skal vurderast før leiar avgjer andre søknadar: 1. Kor lenge har søkjaren arbeidd i Fedje kommune? 2. Er det mogleg å skaffe vikar med den aktuelle fagkompetanse? 3. Kor sannsynleg er det at søkjar kjem attende til Fedje kommune? 4. Gjev permisjonen fagleg utbytte for søkjar og for Fedje kommune? Søknad om permisjon for tiltreding av stilling hjå anna arbeidsgjevar skal drøftast med plasstillitsvalde. Vanlegvis vert det berre gjeve permisjon i maksimalt 1 år. Roller i arbeidsgjevarpolitikken: I tråd med endringane i delegeringsreglementet, føreslår rådmannen følgjande endringar på side 3 i Personalplan for Fedje kommune: Roller i arbeidsgjevarpolitikken: Aktør Kommunestyret Formannskapet Funksjon Øvste arbeidsgjevar. Vedtek personalplan, reglement og overordna arbeidsgjevarpolitikk, overordna stillingsstruktur gjennom budsjettvedtak, tilsett rådmann, vedtek budsjett. Sett rammer for dei lokale lønnforhandlingane og godkjenner forhandlingane i kap 3 og 5. Partssamansett utval (3 politikarar vald av kommunestyret + 2 representantar frå arbeidstakarorganisasjonane) Partssamansett utval etter Hovudavtalen del B 4: Overordna retningsliner for personalpolitikken inkludert tiltak for likestilling og inkluderande arbeidsliv. Kvalitets-, fornyings- og utviklingstiltak, oppfølging og implementering av nasjonalt vedtekne reformer. Halvårig drøftingsmøte med rådmann og ordførar. Som fast utval for kommunestyret; Tilsettingar og oppseiingar i stillingar over 20%,
Lønnsutvalet (Ordførar, leiar PSU,rådmann) Arbeidsmiljøutvalet Rådmannen Kommunale leiarar Tilsette elles i kommunen presiseringar av praktisering av personalplan, permisjonar ut over gjeldande lov og avtaleverk, oppretting og nedlegging av stillingar innafor gjeldande budsjettramme, prinsipielle saker om overtidsbruk, avtaleverk og fortolking, forhandlingar med organisasjonane, arbeidsgjevarsaker,tvist. Ansvar for å gjennomføre lokale lønnsforhandlingar. Avgjerd i prinsipielle saker om lønn. Ansvar for å overvake kommunen sitt arbeid innan helse, miljø og tryggleik. Skal gje råd og ta initiativ i arbeidsmiljøspørsmål i kommunen. Kan pålegge arbeidsmiljøtiltak. Leiar av kommunen sin samla kommunale administrasjon deriblant arbeidsgjevarpolitikk. Skal ha det utøvande arbeidsgjevaransvaret for alle tilsette i kommunen innafor dei rammer som PSU sett. Alle tilsetjingar utanom leiarar med budsjettansvar. Utføre det daglege arbeidsgjevaransvaret og ta avgjerder på nokre område i tråd med lov, avtalar og personalplan/reglement. Samarbeid på tvers for å finne gode løysingar på personalspørsmål. Utføre arbeidet i tråd med retningslinjer og leiing. Ansvar for å utvikle seg sjølv fagleg og utvikle arbeidsmiljøet. For kommunen er det viktig å få til klare og felles samhandlingsreglar i heile organisasjonen. Det vert lagt stor vekt på å få til ein felles opptreden for å unngå mistydingar og uklare roller. Delegeringsreglementet definerer kva for konkrete oppgåver som ligg til kvart nivå. Vurdering I referatet frå drøftingsmøtet med HTV 13.01.2016, står det følgjande i saka: - Det var semje om at det er naudsynt med lang frist for søknad for permisjon for å tiltre anna stilling, for å sikre at ein får på plass kvalifisert vikar. Elles vart litt ulike modellar diskutert, utan konklusjon. - Ny oversikt over roller i arbeidsgjevarpolitikken låg i saksframlegget. Personalrådgjevar gjorde merksam på rollene dei tillitsvalde får i saker om tilsetting, oppseiing osb i PSU, og oppfordra dei til å drøfte dette nærare seg i mellom, og gjerne kome med innspel. - Me diskuterte prosessen vidare, og om saka skal til formannskapet sidan det var dei som tinga saka. Men me konkluderte med at me trur rett prosess i følgje delegeringreglementet er innstilling frå PSU til kommunestyret. Dei tillitsvalde hadde ingen innvendingar mot dette.
Det har ikkje kome skriftlege innspel frå arbeidstakarorganisasjonane ut over dette. For rådmannen er det viktigast å sikre at me har gode tenester bemanna med god kompetanse. Det er viktigare enn at dei tilsette får høve til å tiltre stilling hjå anna arbeidsgjevar eit år. Då må søknadsfristen vere lang nok til at det er rimeleg sjanse for å skaffe ein kvalifisert vikar - dvs. minst 5 månader. Særleg gjeld dette søknader som kjem før sommaren. Me har ingen moglegheit til å skaffe kvalifisert vikar frå 1.august, om me får søknad t.d. 1.mai då er alle rekrutteringsprosessar ferdig for lengst. Søknadsfristen vert då kanskje så lang at det har lite hensikt for den tilsette sjeldan vil ny arbeidsgjevar vente i 6 månader på at ny arbeidstakar skal tiltre eit vikariat t.d. Rådmannen anbefalar difor at me går tilbake til rådmannen sitt opprinnelege forslag, om at saka skal avgjerast i kvart tilfelle, etter at eit sett kriterier er vurdert, altså alternativ B. I tråd med delegeringsreglementet slik det er i dag, bør kommunestyret vurdere om denne avgjerda skal ligge til PSU eller rådmannen, sidan andre tilsvarande funksjonar no ligg til PSU. Når det gjeld rollene i arbeidsgjevarpolitikken, er framlegget i tråd med slik delegeringsreglementet er no. Rådmannen vil gjere merksam på nokre problemstillingar i samband med det: Dei tillitsvalde vert i fleire saker arbeidsgjevar. Det er eit spørsmål om dette er i tråd med kommunestyret sin intensjon, og om dei tillitsvalde meiner dette er foreinleg med tillitsvaldrolla. Ein kan stille spørsmålsteikn ved om dette er i tråd med Hovudavtalen. Dette er det opp til dei tillitsvalde å utgreie. Personaldelen i delegeringsreglementet slik det vart vedteke i K-sak 066/15 inneheld det som er vanskeleg å forstå som anna enn feil. Under fastsetjing av lønn til rådmann/ass.rådmann står det t.d. at avgjerd ligg til «F/PSU?». Klage på omplassering (som er ein type tilsettingssak) ligg til «F+2», medan sjølve omplasseringa ligg til rådmannen. Det er ingen delegering av innleige av arbeidskraft. Avtaleverk/forhandlingar ligg til PSU men organisasjonane utgjer 2/5 av PSU. Og mellombelse stillingar som i innstillinga frå utvalet som jobba med saka skulle ligge til rådmannen er borte frå delegeringsreglementet, og ligg dermed hjå PSU. Rådmannen oppfordrar sterkt til at kommunestyret ber om ny gjennomgang av delegeringsreglementet, slik at det i det minste vert internt konsistent og rett. Konklusjon Rådmannen ber om at dei to punktene i Personalplanen vert endra i tråd med saksutgreiinga. Forslag til vedtak: Personalplan for Fedje kommune vert endra slik: (s. 15) Permisjon for tiltreding av stilling hjå anna arbeidsgjevar. Fedje kommune ser positivt på at dei som har vore tilsett i Fedje kommune i minst 5 år, kan få permisjon utan lønn for tiltreding av stilling hjå anna arbeidsgjevar. Målet er at dei tilsette skal få ny inspirasjon og kompetanse dei kan ta med tilbake til Fedje kommune. Når ein søkjer om slik permisjon, skal følgjande kriterium vurderast: Kor lenge har søkjaren arbeidd i Fedje kommune? Er det mogleg å skaffe vikar med den aktuelle fagkompetanse?
Kor sannsynleg er det at søkjar kjem attende til Fedje kommune? Gjev permisjonen fagleg utbytte for søkjar og for Fedje kommune? Søknad om permisjon for tiltreding av stilling hjå anna arbeidsgjevar skal drøftast med plasstillitsvalde. Vanlegvis vert det berre gjeve permisjon i maksimalt 1 år. (s.3) Roller i arbeidsgjevarpolitikken - vert endra i tråd med saksutgreiinga.