Postadresse Besøksadresse Norsk Fjellsenter, Brubakken 2, 2686 Lom Norsk Tindesenter Havnegata 2, 6300 Åndalsnes Kontakt Sentralbord: +47 Direkte: +47 71 285 85 84 http://www.nasjonalparkstyre.no/reinheimen Reinheimen-Breheimen villreinutval v/ Knut Granum Saksbehandlar Ingvild Øyjordet Vår ref. 2019/10892-2 432.3 Dykkar ref. Dato 30.07.2019 Reinheimen nasjonalpark - Bruk av drone i registrering av villrein - 2019-2021 - Reinheimen-Breheimen villreinutvalg Delegert vedtak: Med heimel i naturmangfoldlova 48 får Reinheimen-Breheimen villreintuval dispensasjon til prøveprosjekt med bruk av drone til strukturteljing av villrein i Reinheimen nasjonalpark og Finndalen, Lordalen og Ottadalen landskapsvernområde. Dispensasjonen er gjeve med følgjande vilkår: - Dispensasjonen gjeld i perioden 15.09.-15.10. for åra 2019, 2020 og 2021. - Flyginga skal avgrensast til det som er strengt nødvendige - Drona skal haldast så høgt som mogleg innanfor gjeldande lovverk, for å skåne villreinen mest mogleg. - Droneflyginga skal utførast av godkjente flygarar med erfaring i bruk av drone. Tiltakshavar skal også ta kontakt med representantar frå fjelloppsynet i Ringebu eller Sollia for å innhente råd og erfaringar med bruk av drone i denne samanhengen. Det vises også til artikkel om temaet i bladet Villreinen 2019. - Statens naturoppsyn Reinheimen v/ Per Olav Haugen (tlf. 970 57 213) eller Thomas Rødstøl (tlf. 915 47 617) skal ha beskjed om når flygingane blir gjennomført. - Nasjonalparkforvaltninga skal etter kvart år ha ein kortfatta rapport om kvar flyginga har skjedd, samla omfang av flyging og positive/negative erfaringar frå utprøvinga med bruk av drone. Film/bilete frå utprøvinga skal også leggjast ved rapporten (fminpost@fylkesmannen.no). Vi gjer merksam på at dispensasjon gjeld i høve verneforskrifta for Reinheimen nasjonalpark og Lordalen, Finndalen og Ottadalen landskapsvernområde. Det er søkjer sitt ansvar å innhente løyve etter anna lovverk frå kommunar og grunneigarar. Klage: Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova 28. Ei eventuell klage skal rettast til Miljødirektoratet, men sendast til Nasjonalparkstyret for Reinheimen. Saksopplysingar Dokument i saka: Søknad frå Reinheimen-Breheimen villreinutval, e-post 09.05.2019. Søknaden: Reinheimen-Breheimen villreinutval søkjer om dispensasjon til bruk av drone i villreinregistreringar i 2019-2021. Registreringane omfattar: Nasjonalpark Naturreservat Landskapsvernområde Reinheimen Brettingsmoen Tafjorden-Reindalen, Trollstigen, Romsdalen, Lordalen, Finndalen, Ottadalen
- kalveteljing i perioden 15.06.-15.07. (Breheimen) - strukturteljing i perioden 15.09.-15.10. (Reinheimen og Breheimen) Planen er at bruk av droner vil skje allereie i 2019, men usikkerheit om tilgang til mannskap og eigna utstyr gjer at villreinutvalet ser for seg ei prosjektperiode på 3 år. I søknaden ber villreinutvalet òg nasjonalparkstyra synkronisere/forlenge løyve til bruk av helikopter i Reinheimen-Breheimen villreinområde i samband med minimumsteljing på vinteren; i perioden 10. januar til utgangen av mars kvart år. Statens naturoppsyn deltek på desse registreringane. Søknad om fleirårig dispensasjon til bruk av helikopter blir handsama i ein eigen sak i og med at det er ein fleirårig dispensasjon og at det såleis er greitt å skilje tiltaka. Heimelsgrunnlag Delegering I medhald av vedtekter for Reinheimen nasjonalparkstyre punkt 6.2, jf. naturmangfaldlova 62 andre ledd tredje punktum, har nasjonalparkstyret for Reinheimen i styremøte 14.03.2016, sak 5/16, gjort vedtak om å delegere handsaming av einskilde saker til nasjonalparkforvaltaren, slik som i denne saka. Vedtaket gjev nasjonalparkforvaltarane i Reinheimen myndigheit til å treffe vedtak i saker av kurant karakter. Med saker av kurant karakter meiner ein følgjande: Saker etter dei spesifiserte dispensasjonsføresegnene i verneforskriftene om ferdsel og motorferdsel. Saker etter andre spesifiserte dispensasjonsføresegner i verneforskriftene og etter naturmangfaldlova 48 der: a Det dreier seg om fornying av dispensasjon gjeve av styret eller arbeidsutvalet, og føresetnadene ertilnærma uendra. b Det føreligg etablert forvaltningspraksis frå saker handsama av styret/au i tilsvarande sak. c Forvaltingsplanen gjev eintydige føringar for utfallet. Søknaden er vurdert i samsvar med: - Verneforskrift for Reinheimen nasjonalpark, 24.11.2006 - Verneforskrift for Finndalen landskapsvernområde, 24.11.2006 - Verneforskrift for Lordalen landskapsvernområde, 24.11.2006 - Verneforskrift for Ottadalen landskapsvernområde, 24.11.2006 - Forvaltningsplan for Reinheimen, mars 2010 - Naturmangfaldlova (nml), 19.06.2009 Verneforskrift og verneformål: Formålet med vern av Reinheimen nasjonalpark er å: - ta vare på eit stort, samanhengande og villmarksprega fjellområde - ta vare på eit høgfjellsøkosystem med eit eigenarta og variert biologisk mangfald - ta vare på sentrale leveområde til villreinstammen i Ottadalen nord - ta vare på eit viktig referanseområde for forsking med ein aust-vest gradient med stor variasjonsbreidde i høve til geologi, klima, vegetasjon og topografi - ta vare på landskapsformer og særprega geologiske førekomstar - ta vare på vassdragsnaturen i området - verne om kulturminne http://www.nasjonalparkstyre.no/reinheimen Saksbehandlar Ingvild Øyjordet Side 2 av 5
Ålmenta skal ha tilgang til naturoppleving gjennom utøving av tradisjonelt og enkelt friluftsliv med liten grad av teknisk tilrettelegging. Etter lov om motorferdsel i utmark er små luftfarty som drone ikkje rekna inn, da den lova berre omfattar farkostar som er store nok til å frakte ein person. Dersom tiltaket fell inn under andre delar av verneforskrifta enn motorferdsel kan det likevel trenge særskild løyve eller dispensasjon. Verneforskrifta for Reinheimen nasjonalpark 3 pkt. 7.2 om støy har forbod mot bruk av «modellfly og liknande» i nasjonalparken. Det blir tolka at «og liknande» omfattar dronar. Det er ikkje spesifisert unntaksregel for denne typen tiltak, og ein søknad om dispensasjon krev da behandling etter den generelle dispensasjonsheimelen i 4, dvs. vurdering etter naturmangfaldlova 48. I verneforskriftene for Finndalen, Ottadalen og Lordalden landskapsvernområde er ikkje drone regulert. Bruk av drone kan vera forbode i landskapsvernområda dersom det er til skade for verneverdiane. Oppsøking av villrein i landskapsvernområda for filming med drone vil gå inn under dette og må handsamast. Naturmangfoldlova Naturmangfaldlova 48 set svært strenge krav til når ein dispensasjon eventuelt kan vurderast, men opnar for tiltak som «ikke strider mot verneformålet og ikke påvirker verneverdiene nevneverdig». Begge vilkår må vere oppfylt. Unntak kan også vurderast «dersom sikkerhetshensyn eller hensynet til vesentlige samfunnsinteresser gjør det nødvendig». Dispensasjon må heller ikkje gjevast om vilkåra er oppfylt. Skjønn og instruksar frå overordna styremakter spelar òg inn. Dispensasjonsregelen i 48 kan ikkje brukast for å utvide rammene gjeve i vernevedtaket, men er ein sikkerheitsventil som skal fange opp uføresette eller spesielle tilfelle som ikkje vart vurdert på vernetidspunktet. Forvaltningsplan Forvaltningsplan for Reinheimen frå 2010 gjev ikkje føringar for bruk av drone, ettersom det var ein lite kjent teknologi da planen vart utarbeidd. Det vil bli arbeidd vidare med spørsmålet om bruk av dronar i nasjonalparken når forvaltningsplanen skal reviderast frå 2020. Vurdering: Drone er ein relativt ny sakstype og forvaltningspraksisen for behandling av slike søknader er framleis liten i Reinheimen. Nasjonalparkstyret for Reinheimen har behandla fleire søknader om bruk av drone dei siste åra. Dispensasjonane er knytt til ymse former for dokumentasjon, som kartleggging, kunnskapsformidling om naturverdiar, landbruksformål og overvaking av skred. Om dispensasjon er gjeve avheng av føremålet med filminga. Det blir ikkje gjeve dispensasjon der naturen skal «brukast» som arena for å promotere noko anna. Nasjonalparkstyret har utarbeida ei matrise for kva føremål det blir gjeve dispensasjon til. Det er gjort ei vurdering for å skilje ut kva føremål som er kurrant og ikkje, og aktuelle vilkår for å avbøte på eventuelle ulemper for verneverdiar. I brev datert 06.03.2019 frå Miljødirektoratet til nasjonalpark- og verneområdestyre og kommunar med forvaltningsmynde omtalast bruk av drone i verneområde, m.a.; Ulempene og skadepotensialet med bruk av droner er vel kjent, både i forhold til friluftsliv og dyreliv. Samtidig kan bruk av droner ha stor nytteverdi, f.eks. ved bruk i naturforvaltning og http://www.nasjonalparkstyre.no/reinheimen Saksbehandlar Ingvild Øyjordet Side 3 av 5
ulike typer næringsvirksomhet. Dette gjelder ikke minst når bruk av droner kan redusere kjøring på barmark eller redusere bruken av fly/helikopter. Vidare er særskilt dispensasjon omtalt: For områder med forbud mot bruk av droner kan det både for tamreindrift, sauenæring, oppsynsvirksomhet mv vurderes å gi dispensasjon etter naturmangfoldloven 48. De vurderingene som skal gjøres av hjemmelsforhold, naturtilstand, sårbarhet og skjønnsmessige forhold fremgår generelt av Miljødirektoratets "Rundskriv om forvaltning av verneforskrifter". Verneverdiane i Reinheimen er i stor grad knytt til naturverdiar. Motorferdsel og bruk av drone kan virke negativt på fauna i ein sårbar fase som kalving/hekking. Rovfugl og villrein er særleg utsett. I tillegg er støy frå motorisert ferdsel og drone generende på friluftslivet. Føremålet med søknaden frå Reinheimen-Breheimen villreinutval om bruk av drone er direkte retta mot villrein som skal strukturteljast. Villrein er eit viktig føremål med vern av Reinheimen nasjonalpark og blir teke omsyn til spesielt i forvaltninga av området og i saker som nasjonalparkstyret handsamar. Samstundes blir villreinbestanden forvalta på bestandsnivå for å halde bestanden på ein bærekraftig storleik etter beitegrunnlaget. Ei god bestandsforvaltning med friske villreinflokkar er avgjerande for å ivareta villrein som verneverdi i Reinheimen. Villreinutvalet står for den praktiske delen av bestandsforvaltninga. God kunnskap om utvikling i bestandane er viktig for å veta om mål i bestandsforvaltninga blir nådd. Bruk av drone i villreinregistrering er relativt nytt, men det er hausta erfaringar m.a. frå Rondane. I Villreinen 2019 er ein artikkel om drone på trykk; Erfaringer fra Rondane Drone som alternativ til flytelling. Bruk av drone til minimumsteljing vart testa ut i Rondane sør i 2016. Dronene (to ulike typer) vart testa på ein fostringsflokk på over 1000 dyr og ein på 30-40 dyr, ved at personell tok seg inn med snøskuter 4-500 meter frå flokkane før dronene vart flydd opp til tillatt høgde på 120 meter og inn over flokkane. Reinen la merke til begge dronene, og nokre reiste seg og trakk saman, men ingen fluktreaksjon. Erfaringane var såpass gode at villreinutvalet investerte i utstyr og dei siste 3 åra har drone erstatta bruk av småfly under minimumsteljing. Det er også testa ut under kalveteljing. Artikkelen konkluderer med at bruk av drone til villreinteljing verkar ikkje å uroe dyra i nevneverdig grad. Videoopptak frå teljingar i Rondane sør skal samanfattast som vurderingsgrunnlag med tanke på dispensasjonar til bruk av drone for viltregistreringar også i verneområde, heiter det i artikkelen. Artikkelen tek elles opp ein del tips om dronebruk, eigna type drone til formålet mm. Strukturteljing, som det er søkt om i Reinheimen, er tradisjonelt utført av bakkemannskap som finn flokkane til fots og brukar kikkert aktivt i teljinga. Det er interessant å teste ut bruk av drone for å potensielt få betre bildegrunnlag og sikrare data på strukturen i villreinbestandene. Tiltaket er viktig for forvaltning av villreinbestanden og såleis også for verneformålet og verneverdiane. Villreinregistreringa er av kortvarig omfang og vil ikkje stri mot vernevedtakets formål eller påverke verneverdiane nemndeverdig. Omfanget, miljøpåverknaden og nødvendigheita av tiltaket er akseptabel, jf. Rundskriv om forvaltning av verneforskrifter - vurdering etter naturmangfoldlovas 48. I rundskrivet er det under avsnitt om vitenskaplege http://www.nasjonalparkstyre.no/reinheimen Saksbehandlar Ingvild Øyjordet Side 4 av 5
undersøkingar påpeikt at det som regel bør gjevast dispensasjon for tiltak som bidreg til å fremje verneverdiane. Tiltaket må vurderast mot naturmangfaldlovas 8-12, jf. 7. Kunnskapsgrunnlaget ( 8) er vurdert som tilfredsstillande i området. Basert på villreinregistreringar ved bruk av drone i andre villreinområde er det opparbeida ein viss kunnskap. Samstundes er det framleis lite erfaringsbasert kunnskap om bruk av drone til villreinregistreringar. Eit prøveprosjekt for å få meir kunnskap om metoden er viktig for utvikling og potensielt forbetring av kunnskapen og forvaltninga av villreinbestandane, både i Reinheimen-Breheimen og andre villreinområde. Ut frå føre-var-prinsippet ( 9) er det viktig at tiltaket blir gjennomført på ein mest skånsam måte for å redusere påverknaden på villreinen. Omsøkt periode er rett i etterkant av villreinjakta, ei periode der villreinen er forstyrra. Etter jakta skal flokkane få ro. Strukturteljing er tidlegare gjennomført av bakkemannskap som oppsøkjer flokkane for teljing. Økosystemtilnærming og samla belastning ( 10) tilseier at det er viktig å følgje utviklinga, og innarbeide føringar for bruk av drone ved revisjon av forvaltningsplanen. Bruk av dronar for filming i nasjonalparken bør avgrensast til tiltak av stor allmenn interesse. Om og eventuelt korleis villreinen blir påverka av drone må tilleggast stor vekt ved evaluering av framtidig bruk av drone til føremålet. Tiltaket vil ikkje skape uheldig presedens, da Reinheimen-Breheimen villreinutval har ansvar for bestandsregisteringar og bestandsforvaltninga av villrein i villreinområdet. Tiltaket medfører ikkje miljøforringing dersom det blir utført på ein omsynsfull måte, og nml 11 blir såleis ikkje vurdert som relevant. 12 gjev føringar om «miljøforsvarlige teknikker og driftsmetoder». Bruk av drone i dette tilfellet er ein rasjonell metode som gjev mindre uro enn t.d. helikopter. Med helsing Ingvild Øyjordet nasjonalparkforvaltar Etter våre rutinar er dette brevet godkjent og sendt utan underskrift Kopi til: Finndalen fjellstyre Lesja fjellstyre Fylkesmannen i Innlandet Lesja kommune Skjåk kommune Reinheimen-Breheimen villreinnemnd Skjåk almenning Nasjonalparkforvaltar Breheimen Lom kommune Statens naturoppsyn v/thomas Rødstøl Vågå kommune Statens naturoppsyn v/per Olav Haugen Kristine Sørlie http://www.nasjonalparkstyre.no/reinheimen Saksbehandlar Ingvild Øyjordet Side 5 av 5