Delegert vedtak - Dispensasjon - Jotunheimen nasjonalpark - Dronefilming Høgruta i Jotunheimen - Fri Flyt

Transkript

1 Postadresse Postboks LILLEHAMMER Besøksadresse Norsk fjellsenter Brubakken 2, 2686 Lom Luster kommune, Kommunehuset, 6868 Gaupne Kontakt Sentralbord: Direkte: Fri Flyt Saksbehandlar Magnus Snøtun Vår ref. 2018/ Dykkar ref. Dato Delegert vedtak - Dispensasjon - Jotunheimen nasjonalpark - Dronefilming Høgruta i Jotunheimen - Fri Flyt Bakgrunn: Viser til søknad av frå Fri Flyt AS v/christian Nerdrum om bruk av drone med filmkamera i samband med en webserie om Høgruta i Jotunheimen: « mars eller april skal Fri Flyt og grunnlegger av Høgruta i Jotunheimen Stian Hagen gå høgruta for å lage en webserie av turen. Serien skal fortrinnsvis sendes i Fri Flyt AS sine kanaler, som utemagasinet.no og friflyt.no. For at produktet skal bli så visuelt attraktivt som mulig ønsker vi å filme litt med drone. Vi er klar over at det i utgangspunktet er ulovlig å fly i nasjonalparkriket og søker med dette om løyve. Dronen som brukes er blant de minste og mest lydløse og vi jobber med å skaffe en enda mer stillegående i disse dager.» Kartutsnittet under viser ruta veldig grovt: Nasjonalpark Jotunheimen Landskapsvernområde Utladalen

2 Ruta går mellom turisthyttene Gjendesheim Memurubu Glitterheim Spiterstulen Leirvassbu Krossbu. Traseen varierer med snøforhold og verforhold, men generelt søker topper mellom turisthyttene og nedkøyringar. Heimelsgrunnlag Delegering Nasjonalparkstyret har delegert forvaltningsmyndigheit for Jotunheimen nasjonalpark og Utladalen landskapsvernområde i medhald av vedtekter revidert I medhald av vedtak i Nasjonalparkstyret for Jotunheimen og Utladalen den 11. mai 2016 er myndigheit til å treffe vedtak i kurante saker som gjeld søknad om løyve etter dei spesifiserte dispensasjonsreglane i verneforskrifta delegert til nasjonalparkforvaltar. Verneforskrift for Jotunheimen nasjonalpark av Verneforskrifta 3 pkt. 7.2 om støy har forbod mot bruk av «modellfly og liknande» i nasjonalparken. Det tolka at «og liknande» omfattar dronar. Det er ikkje spesifisert unntaksregel for denne typen tiltak, og ein søknad om dispensasjon krev behandling etter den generelle dispensasjonsheimelen i 4, dvs. vurdering etter naturmangfaldlova 48. Naturmangfaldlova 48 set svært strenge krav til når ein dispensasjon eventuelt kan vurderast, men opnar for tiltak som «ikke strider mot verneformålet og ikke påvirker verneverdiene nevneverdig». Begge vilkår må vere oppfylt. Unntak kan også vurderast «dersom sikkerhetshensyn eller hensynet til vesentlige samfunnsinteresser gjør det nødvendig». Dispensasjon må heller ikkje gjevast om vilkåra er oppfylt. Skjønn og instruksar frå overordna styremakter spelar også inn. Dispensasjonsregelen i 48 kan ikkje brukast for å utvide rammene gjeve i vernevedtaket, men er ein sikkerheitsventil som skal fange opp uføresette eller spesielle tilfelle som ikkje vart vurdert på vernetidspunktet. Verneformål Formålet med vern av landskapsvernområdet er «å ta vare på eit vilt og vakkert vestlandslandskap med økologisk verdi, kulturell verdi og opplevingsverdi og som er identitetsskapande, i tilknyting til Jotunheimen nasjonalpark. Vidare er formålet med vernet å ta vare på: - eit naturområde med eit rikt dyre- og planteliv som pregar dette. - eit eigenarta, ope og vakkert natur- og kulturlandskap med høgfjell, brear og geologiske avsetningar, der kulturlandskapet med beitebruk, gards- og stølsbygningar og kulturminne utgjer ein vesentleg del av landskapet sin eigenart. - naturmangfald som pregar landskapet med naturtypar frå lågland, dalar og skogslier til høgfjell og artar knytte til desse. - særprega vassdragsnatur og landskapsformer. Ålmenta skal ha høve til uforstyrra naturoppleving gjennom utøving av naturvenleg friluftsliv med liten grad av teknisk tilrettelegging. Forvaltningsplan Forvaltningsplanutkastet frå 2008 gjev ikkje føringar for bruk av dronar, ettersom det var ein lite kjent teknologi da planen vart utarbeidd. Reglar for bruk av «modellfly og liknande» kom inn i verneforskrifta ved revisjonen i 2014, så denne typen luftfartøy er ikkje omtala i dokumentet frå Saksbehandlar Magnus Snøtun Side 2 av 5

3 Forvaltningsplanen deler inn verneområde i ulike soner etter graden av tilrettelegging i området. Bakgrunnen er blant anna å sikre nokre område med minst mogleg forstyrringar, dei såkalla vernesonene markert med grønt på forvaltningsplankartet. Soneinndeling blir brukt både for å vurdere tekniske inngrep og bruk av motorferdsel og bruk av dronar. Vurdering: Dette er ein relativt ny sakstype, og det er lite presedens frå andre område å støtte seg på, men i Jotunheimen og Utladalen har det vore fleire saker dei siste tre åra. Dronar er eit framandelement i verneområdet og det er forbod mot bruk, men det har blitt gjeve løyve til «nytte-bruk». Søknadane har derfor blitt samanlikna med retningslinjene for motorferdsel og det har blitt blant anna innvilga dispensasjon for ymse former for dokumentasjon som kartlegging, naturfilming eller reiselivs-/destinasjonsmarknadsføring. Søknadar om dronefilming i samband med reklame eller der verneområde berre er ei kulisse er avslege. Film- og serieinnspeling har som hovudregel ikkje fått løyve eller blitt avgrensa. Ein elektrisk drone er knapt høyrbar på litt avstand, så ut frå støyomsyn er tiltaket lite problematisk. Men dronar er framandelement som vil kunne skremme vekk fugl og vilt. Dersom ein unngår nærføring mot sårbare viltbiotopar som rovfuglreir og held generelt god avstand til vilt som oppheld seg i området, vil bruk av drone truleg ha relativt liten direkte innverknad på dei biologiske verneverdiane ( 8 i naturmangfaldslova (nml)). Det er alltid viktig å unngå nærføring til hekkelokalitetar for rovfugl eller vilt som måtte finnast i området. Høgruta går gjennom store deler av verneområdet. Etappen mellom Memurubu Glitterheim Spiterstulen går gjennom såkalla «vernesone» Memurutind-/Memurubreområdet og Glittertind-/Trollsteinkvolv-området. I tillegg til å vere område med minst mogleg forstyrring, er det også fleire kjende hekkelokalitetar i nærområdet. Seinvinteren i mars og Saksbehandlar Magnus Snøtun Side 3 av 5

4 april er ein del av hekketida for rovfugl og ei veldig sårbar tid for forstyrringar. Etter føre-varprinsippet ( 9) bør det settast vilkår som avgrensar bruken i den mest sårbare delen av verneområdet. Droneflyging er eit framandelement også for andre brukarar i heile verneområdet. Føre-var-prinsippet tilseier at flytida bør avgrensast dersom det vert gjeve løyve til flyging. Ut frå ei økosystemtilnærming og samla belastning ( 10) bør forstyrringar i dei såkalla «vernesonene» haldast til eit minimum. Bruken av dronar for filming i nasjonalparken bør avgrensast til tiltak av ei viss allmenn interesse, og kan ikkje gjevast for reint private tiltak eller underhalding som skaper uheldig presedens ved at ein må vente svært mange liknande søknader til same formål. Høgruta er eit reiselivsprodukt som er viktig for fleire reiselivsbedrifter i området. Tiltaket medfører ikkje miljøforringing, og nml 11 blir såleis ikkje vurdert som relevant. 12 gjev føringar om «miljøforsvarlige teknikker og driftsmetoder». Tiltakshavar ønskjer å bruke dronefilming for at filminga skal bli så visuelt attraktivt som mogleg. Det er kombinasjonen mellom filming på bakken og i lufta som vil gjere produktet attraktivt. Det bør vere mogleg å lage eit attraktivt produkt med dronefilming langs delar av ruta. Filming på bakken er ikkje søknadspliktig. Filming med drone er mindre belastande enn andre motoriserte hjelpemiddel. Presedens: Det er viktig å merke seg at dispensasjonsregelen i nml 48 ikkje kan brukast for å utvide rammene gjevne i vernevedtaket, så det er svært viktig å ha ei grundig vurdering av presedensverknaden. Det har vore monaleg auke av søknadar om droneflyging til ulike tiltak og produksjonar. Nasjonalparkstyret har vore tydeleg på å skilje private prosjekt for prosjekt mot ålmenta. Nasjonalparkstyret skil også mellom prosjekt som brukar verneområde som ei kulisse og prosjekt som formidlar verneverdiane. Høgruta i Jotunheimen er knytt til verneområdet og eit produkt som fleire reiselivsbedrifter står bak. Filminga presenterer ein variant av «naturvenleg friluftsliv med liten grad av teknisk tilrettelegging» som er ein del av verneformålet. Det auka samla omfanget av søknadar om filming med drone i ulike samanhengar viser behov for å legge seg på ei meir restriktiv linje. Ved tidlegare dispensasjonssøknader har styret lagt vekt på å skilje mellom dronebruk i og utanfor dei såkalla vernesonene. Dersom ein først opnar opp for droneflyging for andre formål enn rein dokumentasjon og formidling av naturverdiar innan dei grøne sonene, vil ein skape uheldig presedens. Det er svært mange aktørar som ønskjer å filme i samband med ulike former for marknadsføring av Jotunheimen. Konklusjon Droneflyging er eit framandelement, men det vert vurdert at det ikkje strider mot verneformålet eller påverknar verneverdiane nemneverdig. Det kan derfor bli gjeve løyve etter 4 i verneforskrifta, jf. 48 i naturmangfaldslova. Søknaden om droneflyging er veldig open. Formålet med filminga er å vise turmoglegheit i verneområdet og det vert derfor gjeve dispensasjon til bruk av drone. Ut frå «føre-varprinsippet» vert bruken av drone avgrensa. Det blir ikkje gje løyve til bruk av drone på etappane mellom Memurubu Glitterheim og Glitterheim Spiterstulen, for å unngå teigane markert med grønt på soneinndelingskartet frå forvaltningsplanen. Dette vil vera i tråd med etablert forvaltningspraksis, som legg opp til å bevare enkelte skjerma område i nasjonalparken. For å redusere forstyrringar på eventuelt andre brukarar i området, vert det sett vilkår om maksimalt 1 time samla flyging per dag på dei andre etappane. Saksbehandlar Magnus Snøtun Side 4 av 5

5 Det er på grunnlag av vurdering over gjort slik delegert vedtak: Med heimel i verneforskrift for Jotunheimen nasjonalpark 4 får Fri Flyt AS dispensasjon til droneflyging i Jotunheimen nasjonalpark på vilkår: - Filmingsperioden er enten mars eller april Løyvet gjeld etappen Gjendesheim Memurubu, Spiterstulen Leirvassbu og Leirvassbu Krossbu. - Løyvet gjeld for inntil 1 time samla flyging per dag. - Løyvet skal takast med under oppdraget og skal kunne visast fram ved ev. kontroll. - SNO Jotunheimen skal varslast om oppstart i forkant (SMS eller ring ). - Enkel rapport om gjennomføring skal sendast til nasjonalparkforvaltar snarast etter gjennomføring. Vedtaket kan påklagast etter reglane i forvaltningslova. Eventuell klage skal stilast til Miljødirektoratet, men sendast via nasjonalparkstyret innan 3 veker etter motteke vedtak. Med helsing Magnus Snøtun nasjonalparkforvaltar Etter våre rutinar er dette brevet godkjent og sendt utan underskrift Kopi til: Lom kommune Midtgard 2686 LOM Vågå kommune Edvard Storms veg Vågå Fylkesmannen i Oppland Postboks LILLEHAMMER Kari Sveen SNO Jotunheimen Saksbehandlar Magnus Snøtun Side 5 av 5