Notat Til: Formannskapet Kopi: Leiargruppa, Erikka Torgersen og Iris H. Dale Frå: Rådmann Arkivkode Arkivsaknr. Løpenr. Dato 18/2532-17 18922/18 15.10.2018 Økonomiplannotat nr. 3 Økonomiplan 2019-2022 og budsjett 2019 Innhald 1. Investeringsprogram (Vedlegg nr 1) 2. Prishefte (Vedlegg nr 2) 3. Økonomiske rammer drift konsekvensjustert budsjett og tiltaksliste (Vedlegg nr 3) 4. Teksthefte (Vedlegg nr 4) 5. FDV tiltak i HMT-plan (Vedlegg nr 5) 6. Kraftfond II 7. Svar på spørsmål reist i formannskapsmøtet 4. okt 8. Statsbudsjettet 2019 kommuneøkonomi (Vedlegg nr 6) 9. Innspel til økonomiplanen Vi viser til tidlegare orienteringar og drøftingar i formannskapet om økonomiplan 2019 2022. Vi vil rå til at formannskapet i møtet legg opp gjennomgangen av dokumenta slik: 1. Gjennomgang, drøfting og avklaring av investeringsprogram, jf. vedlagd utkast til investeringsprogram (vedlegg nr 1) og kap. 5 i tekstdokumentet. 2. Gjennomgang, drøfting og avklaring av prishefte, jf. vedlagd utkast til prishefte. (vedlegg nr 2). 3. Gjennomgang, drøfting og avklaring av driftsbudsjettet, jf. vedlagde tiltaksliste (vedlegg nr. 3) og kap. 2, 3 og 4 i tekstheftet (vedlegg nr 4). Vi går gjennom begge tiltakslistene i møtet. Dei tiltaka som er merka med K (for konsekvensjustering), er tiltak som i utgangspunktet må leggjast inn i økonomiplanen. Dei tiltaka som er merka med Ø (for ønskje) er tiltak som kan leggjast inn innanfor eit balansert budsjett. Ø-tiltaka er tiltak som er spelt inn frå dialogmøta, frå innspel frå andre eller gjennom det administrative arbeidet med økonomiplanen. I eine lista er alle tiltaka inne. I den andre lista er berre K-tiltaka inne. 4. Gjennomgang, drøfting og avklaring av andre delar av teksthefte, jf. vedlagd utkast til teksthefte, med særleg vekt på kap. 1 der 10 på topp (vedlegg 4). Noko tekst i dette dokumentet (merka med raud farge) er uferdig tekst som først kan gjerast ferdig etter at formannskapet har handsama dokumentet og drøfta tiltakslista. I tillegg vil kap. 2 og 3 og alle tabellane i dokumentet bli sett inn etter at tiltakslista er balansert. Side 1 av 5
Vi gjev i resten av dette økonomiplannotatet ei kort orientering av tilhøve som formannskapet skal vera kjent med eller som utdjupar nokre av punkta i dei andre dokumenta. 5. FDV tiltak i HMT-plan Vi gjennomfører HMT-rundar i alle einingane årleg. I desse rundane kan det kome opp behov for tiltak som er knytt til bygningsmassen. Nokre av desse kan gjennomførast innanfor gjeldande budsjett, nokre kan ha trong for tilleggsløyvingar. Vedlagt følgjer oversyn over tiltak frå vernerunden 2018 som har relevans for FDV-midla/budsjett (vedlegg nr. 5). 6. Kraftfond II Kommunen nyttar 1 mill. årleg av avkastinga på kraftfond II til ulike utviklingstiltak. Det er formannskapet som legg inn i budsjettet korleis desse midla skal nyttast. Det er naturleg å knytte bruken av midla opp til 10 på topp punkta. 7. Spørsmål stilt i formannskapsmøtet 4. oktober Tilskot eller AS-kapital til utbygging av Dalalåven Det vart stilt spørsmål om ei løyving til utbygging av Dalalåven i Rindebotn i Hodlekve burde gjevast som tilskot eller som aksjekapital. Dalalåven vert bygd ut av Dalalåven AS, eit selskap som i dag er eigd 50 % av Bratt Moro AS og 50 % av Sognefjorden Utvikling AS. Det er gjort avtale med Sogndal Skisenter Drift AS om at dei skal gå inn som ein likeverdig eigar, dvs. 3 eigarar med like store eigardelar. Utbygginga av Dalalåven har starta opp, og planane er at kafé-delen skal gjerast ferdig så snart som råd. Resten vil bli gjort ferdig når prosjektet er fullfinansiert. Kommunen er eigar av Sogndal Skisenter Eigedom AS (SSE) i lag med Sogndal Idrettslag. SSE eig Sogndal Skisenter Drift AS (SSD) i lag med Sognefjorden Utvikling AS. SSD eig idrettsanlegg og utstyr m.v. i Hodlekve. Rådmannen vil rå til at kommunen held fast ved denne eigarmodellen, dvs. at anlegg m.v. i Hodlekve vert eigd av SSD. Dersom formannskapet ønskjer å løyve midlar til utbygginga av Dalalåven, kan det best skje ved at kommunen gjev eit tilskot til SSD med vilkår om at løyvinga skal nyttast til å auka SSD sitt eigarskap i Dalalåven AS. Etter det vi kjenner til vil ikkje eigarane av Dalalåven AS ha merknader til at SSD vert ein større eigar av Dalalåven AS. Gang- og sykkelveg i Trolladalen Bygging av gang- og sykkelveg i Trolladalen må regulerast og prosjekterast før vi kan gje ei nærare vurdering av kostnader ved utbygginga og tidlinjer for gjennomføring. I delar av Trolladalen vil det vera trong for meir areal enn det som i dag vert nytta til veg/fortau, for å kunne gjennomføre utbygginga. Dette vil vera ein omfattande prosess. Rådmannen vil rå til at tiltaket ikkje vert prioritert i Kostnadar knytt til eventuell endring i opningstid i barnehagane Vi har greidd ut kostnadar knytt til å utvide opningstida med ein time pr. dag og to timar pr. dag. Vi legg til grunn at opphaldstid i barnehage framleis er maks 9 timar pr. dag og 45 timar pr. veke. Ei auka opningstid vil difor ikkje bety at borna kan vere lengre i barnehagen, men at det vert større fleksibilitet for brukarane, innanfor desse rammene. Det vil ikkje vere forsvarleg å løyse ei utviding av opningstid med dagens bemanning, og vi legg difor til grunn auka bemanning i ein eller to timar pr. dag. Vi legg då til grunn at det må vere ein tilsett pr. avdeling i barnehagane, og gjerne ein tilsett ekstra på dei største avdelingane. Vi har 23 barnehageavdelingar i dei kommunale barnehagane, og legg til grunn at vi treng 27 personar i den utvida opningstida. Ut frå dette kjem vi til at vi vil trenge 3,6 årsverk for å utvide opningstida med ein time pr. dag og 7,2 årsverk for å utvide Side 2 av 5
opningstida 2 timar pr. dag. Kostnad for ei slik utviding, med utgangspunkt i fagarbeidarløn med 10 års ansiennitet vert då kr. 1,9 mill. kr. ved ein time utviding eller kr 3,8 mill. kr. ved 2 timar utviding. I tillegg vil kostnaden med auka tilskot til private barnehagar komme til. Tek vi omsyn til det, vert dei samla kostnadene 3,15 mill. kr. for ein time auka opningstid og 6,3 mill. kroner ved 2 timar auka opningstid. Ny fleirbrukshall Det vert vist til innspel frå Sogndal Fotball om bygging av ny fleirbrukshall i regi av Sognahallen AS. Kommunen vert utforda på mellombels finansiering av spelemiddeltilskotet og om parkeringsordninga på campus Sogndal kan dekke kostnadene ved etablering av dekke over parkeringsområdet ved Sognahallen. Formannskapet bør drøfte dette. Vi vil søke å informasjon om Sogndal Idrettslag sitt arbeid med planlegging av hall ved Idrettshallen til fylkeskommunen før møtet i formannskapet. 8. Statsbudsjettet 2019 kommuneøkonomi I vedlagt skriv frå Fylkesmannen i Sogn og fjordane (vedlegg nr. 6) går det fram at kommunane i fylket får ein vekst i frie inntekter som ligg like under landsgjennomsnittet. Gjennomsnittleg vekst i fylket er 2,8 % medan snittet for landet er 2,9 %. 10 kommunar ligg likt eller over landssnittet, medan 16 kommunar ligg under. Endringar i kommuneøkonomien i 2018 Skatteanslaget er oppjustert med 2,4 mrd. kroner i forhold til det som vart lagt til grunn i revidert nasjonalbudsjett (RNB) 2018, fordelt med 2,1 mrd. kroner til kommunane og 300 mill. kroner til fylkeskommunane. Bakgrunnen for oppjusteringa kjem av ekstraordinære store uttak av utbytte til personlege skattytarar i inntektsåret 2017. Dei ekstra skatteinntektene er av eingongskarakter og blir ikkje vidareførte til Den samla pris- og kostnadsveksten - kommunal deflator er endra til 3 % for 2018. Dette er ei auke på 0,4 % samanlikna med det som vart lagt til grunn i RNB 2018. Hovudgrunnen til kostnadsveksten er auka straumprisar, som samla utgjer ca. 1,9 mrd. kroner for kommunane. lønnsvekst er uendra frå RNB på 2,8 %. I 2018 blir det utbetalt over 2,7 mrd. kroner frå Havbruksfondet til i alt 164 kommunar og 10 fylkeskommunar. Dette er om lag 460 mill. kroner meir enn anslag i RNB 2018. Regjeringa sitt framlegg for budsjettåret 2019 Regjeringa legg opp til ein vekst i kommunesektoren sine samla inntekter i statsbudsjettet for 2019 på om lag 1,9 mrd. kroner. Den låge veksten i samla inntekter må sjåast i samanheng med kommunesektoren sine inntekter frå Havbruksfondet på 2,4 mrd. kroner i RNB 2018. I kommuneproposisjonen vart det lagt opp til ein vekst i frie inntekter på mellom 2,6 3,2 mrd. kroner for kommunesektoren for I statsbudsjettet blir det no føreslege ein vekst på 2,6 mrd. kroner. Dette tilsvarar ein realvekst på 0,7 % rekna ut frå anslag på inntektsnivå i RNB 2018. Heile veksten i frie inntekter vert fordelt til kommunane i Dei ekstra skatteinntektene nemnde ovanfor for 2018, inngår ikkje i grunnlaget for berekning av vekst i Veksttala frå 2018 til 2019 varierer mellom kommunane (sjå vedlegg nr 6 der tabell og grafisk framstilling går fram). Generelt er at følgjande punkt påverkar kommunane ulikt: endringar i inntektssystemet endringar i folketalet og alderssamansetjinga endringar i regionalpolitiske tilskot endring i tildelte skjønsmidlar Side 3 av 5
endra kriteriedata endringar på skatt (skattedel og inntektsutjamninga) Tabell for overslag på nominell vekst i frie inntekter i 2019 for Sogndal kommune: Kommune 1420 frie inntekter 2018 oppgåvekorrigerte frie inntekter 2018 frie inntekter 2019 oppgåvekorrigert vekst 2018-2019 Anslag vekst rekneskap 2018-2019 Sogndal 427 757 428 049 442 306 14 256 3,3 Helse og omsorg Investeringstilskot til heildøgns omsorgsplassar: Det er føreslege investeringstilskot til om lag 1 500 heildøgns omsorgsplassar i Det blir sett av 130 mill. kroner og ei samla tilsagnsramme på 2 612,6 mill. kroner. 50 % av tilsegnsramma skal i 2019 gå til netto tilvekst. Dagaktivitetstilbod for personar med demens: Det er eit mål å byggje ut tenestetilbodet før kommunane pliktar å tilby dagaktivitetstilbod til heimebuande personar med demens frå 1. januar 2020. Det blir derfor føreslege å løyve 50 mill. kroner for å legge til rette for oppretting av 450 nye plassar i Fastlegar i kommunane: Det vert lagt opp til å løyve 25 mill. kroner til å styrke rekrutteringa til og stabiliteten i allmennlegetenesta. Samla vil satsinga utgjere 39 mill. kroner i Psykologar i kommunane: Frå 1. januar 2020 er et lovfesta at alle kommunar skal ha psykologkompetanse. For 2019 vert det føreslege å setje av 50 mill. kroner, tilsvarande 125 nye psykologar, til denne satsinga. Innlemming av bustadsosiale tilskot: 8,9 mill. kroner vert lagt inn som tilskot til bustadsosialt arbeid, og 15,6 mill. kroner til bustadsosialt kompetansetilskot. Utskrivingsklare pasientar - rus og psykisk helse: Det skal innførast betalingsplikt for utskrivingsklare pasientar i psykisk helsevern Det blir derfor føreslege å flytte 185 mill. kroner frå regionale helseføretak til kommuneramma. Opptrappingsplan for rusfeltet: Det blir føreslege å bruke 281 mill. kroner til opptrappingsplan for rusfeltet. 200 mill. kroner gjennom styrking av kommunanes frie inntekter og 81 mill. kroner gjennom ein tverrdepartemental oppfølging av opptrappingsplanen. Opptrappingsplan for habilitering og rehabilitering: Regjeringa føreslår 100 mill. kroner til opptrappingsplanen for habilitering og rehabilitering som ein del av kommunane sine frie inntekter. Ressurskrevjande tenester: Innslagspunktet vert auka til 1 320 000 kroner, ei auke med 50 000 kroner ut over lønnsvekst Uendra kompensasjonsgrad på 80 prosent. Sterk vekst i tal mottakarar og utgifter sidan ordninga blei innført i 2004. Barnehage og skule Side 4 av 5
Regjeringa føreslår å utvide dagens ordning med gratis kjernetid for 3-, 4- og 5- åringar, til også å omfatte 2-åringar. 45,7 mill. kroner vert lagt inn i ramma til dette. Det vert føreslege 10 mill. kroner til oppretting av nye studieplassar for barnehagelærarar. Maksimal foreldrebetaling aukar med 50 kr per månad frå 1. august Lærarnorma blir vidareført, og 200 mill. kroner av veksten i dei frie midlane til kommunane blir begrunna med ei særskilt satsing på tidleg innsats i skulen, og 37 mill. kroner til fleire lærarspesialistar i grunnskulen. Kommunereforma: Frå januar 2020 får vi 356 kommunar i landet. Framleis har nesten halvparten av kommunane under 5 000 innbyggjarar, og over 120 kommunar vil framleis ha under 3 000 innbyggjarar. Kommunereforma vil derfor halde fram og Fylkesmannen skal framleis ha ei sentral rolle i reforma. Eingongskostnader og reformstøtte blir slått saman til eit nytt eingongstilskot som skal utbetalast ved nasjonalt vedtak om samanslåing. Minstesats for to kommunar som slår seg saman, med under 15 000 innbyggjarar, er 25 mill. kroner. Inndelingstilskot og tilskot til informasjon og folkehøyringar blir vidareført. Det blir ikkje sett tidsfristar for vedtak om samanslåingar. Departementet vil følge opp fortløpande. Andre satsingar: Regionreforma gjer til at det blir 11 fylke frå 1. januar 2020. Stortingsmelding om nye oppgåver vert lagt fram 19. oktober i år. Innovasjon og digitalisering er satsingsområde framover for å utvikle gode kommunale løysingar. Det er føreslege løyvd totalt 1,7 mrd. kroner til nye IT- og digitaliseringstiltak i Regjeringa har fremja forslag om endringar i eigedomsskattelova, m.a. å redusere skattesatsen på bustader til maksimalt 7 promille og auke frådraget på taksten for bustader frå 20% til 30%. Vi ligg under makssats for skattesatsen, så den endringa vil ikkje få følgjer for kommunen. Auka frådrag vil frå 2020 gje reduserte inntekter med kroner 2,3 mill. dersom skattesatsen ikkje vert endra. Skal inntektsnivået haldast oppe må skattesatsen aukast til 3,0 promille. 9. Innspel til økonomiplanen Følgjande innspel ligg føre (vedlagt) Søknad om støtte til å rydde og ferdigstille gamal bossplass knytt til utbygging av Kaupanger Idrettspark Budsjettinnspel 2 frå Sogndal og Leikanger kyrkjelege fellesråd Prosjektsøknad på måling og ytre vedlikehald av Stedje kyrkje frå Sogndal og Leikanger kyrkjelege fellesråd Innspel til budsjett 2019 frå Sogndal kulturhus renovering av storsalen Innspel til budsjett 2019 frå Sogndal fotball AS ny treningshall ved Sognahallen Side 5 av 5