ØRSTA KOMMUNE politisk sekretariat Gry Eidheim Vadseth, Østre Olsvikveg 23, 6019 Ålesund Saksnr Løpenr. Saksansvarleg Arkiv Dato 2013/236 11473/2013 WANGEN 58/13 22.10.2013 MELDING OM VEDTAK I SAMFUNNSUTVALET 15.10.13, SAK PS 71/13: GNR/BNR 58/13 - YTRE-HOVDEN -SØKNAD OM DISPENSASJON FRÅ KOMMUNEPLANEN FOR DELING AV GRUNN TIL FRITIDSBUSTAD Saksprotokoll tilråding / vedtak i samfunnsutvalet - 15.10.2013 Samfunnsutvalet, SFU, syner til søknaden om dispensasjon frå kommuneplanen sin arealdel for frådeling av tomt til fritidsbustad frå eigedomen gnr/bnr 58/13 i Ytre Hovden. SFU viser til innkomne fråsegner der ingen av sektormynda har vesentlege merknader til søknaden. Vidare finn SFU at ei frådeling som omsøkt ikkje vil kome i vesentleg konflikt med omsyna til allmenne interesser eller prinsippa i Naturmangfaldlova 8-12. Det vert også lagt vekt på at landbruksnemnda har tilrådd dispensasjon. SFU konkluderer såleis med at ei frådeling ikkje vil setje omsyna nedfelt i gjeldande arealdel i kommuneplanen vesentleg til side. Etter ei samla vurdering finn SFU også at fordelane er større enn ulempene. Med heimel i pbl 19-2 dispenserer SFU såleis frå kommuneplanen sin arealdel for frådeling av ei hyttetomt på om lag 500 m 2 i samsvar med søknaden. Det må kunne gjevast utsleppsløyve og leggjast fram dokumentasjon på at drikkevatn tilfredsstiller krava i drikkevassforskrifta. Fråsegn om vegrett må tinglysast som hefte på hovudbruket. Med heimel i pbl. kap. 20 og matrikkellova 3 gjev SFU løyve til frådeling av tomt slik det framgår ovanfor. Vedtaket om dispensasjon gjeld i tre år, og det må rekvirerast og gjennomførast kartforretning innan same frist. Handsaminga (8 røysteføre) Vedtak samrøystes i samsvar med tilrådinga. Postadresse: postmottak@orsta.kommune.no www.orsta.kommune.no 6153 ØRSTA 700 49 700 700 49 711 939461450 MVA 3992.07.30144
Rett utskrift av møteprotokollen 22.10.13 Toril Langlo Politisk sekretær Utskrift til: Fylkesmannen i Møre og Romsdal, Fylkeshuset, 6404 Molde Møre og Romsdal Fylkeskommune, Fylkeshuset, 6404 Molde NVE, Postboks 53, 6801 Førde Landbrukskontoret, her Oppmålingsavdelinga v/guttorm Øye
ØRSTA KOMMUNE SAKSFRAMLEGG Sakshandsamar: Gunnar Wangen Arkivsak: 2013/236 Løpenr.: 7931/2013 Utvalsaksnr. Utval Møtedato 70/13 Samfunnsutvalet 15.10.2013 GNR/BNR 58/13 - YTRE-HOVDEN -SØKNAD OM DISPENSASJON FRÅ KOMMUNEPLANEN FOR DELING AV GRUNN TIL FRITIDSBUSTAD TILRÅDING TIL VEDTAK: Samfunnsutvalet, SFU, syner til søknaden om dispensasjon frå kommuneplanen sin arealdel for frådeling av tomt til fritidsbustad frå eigedomen gnr/bnr 58/13 i Ytre Hovden. SFU viser til innkomne fråsegner der ingen av sektormynda har vesentlege merknader til søknaden. Vidare finn SFU at ei frådeling som omsøkt ikkje vil kome i vesentleg konflikt med omsyna til allmenne interesser eller prinsippa i Naturmangfaldlova 8-12. Det vert også lagt vekt på at landbruksnemnda har tilrådd dispensasjon. SFU konkluderer såleis med at ei frådeling ikkje vil setje omsyna nedfelt i gjeldande arealdel i kommuneplanen vesentleg til side. Etter ei samla vurdering finn SFU også at fordelane er større enn ulempene. Med heimel i pbl 19-2 dispenserer SFU såleis frå kommuneplanen sin arealdel for frådeling av ei hyttetomt på om lag 500 m 2 i samsvar med søknaden. Det må kunne gjevast utsleppsløyve og leggjast fram dokumentasjon på at drikkevatn tilfredsstiller krava i drikkevassforskrifta. Fråsegn om vegrett må tinglysast som hefte på hovudbruket. Med heimel i pbl. kap. 20 og matrikkellova 3 gjev SFU løyve til frådeling av tomt slik det framgår ovanfor. Vedtaket om dispensasjon gjeld i tre år, og det må rekvirerast og gjennomførast kartforretning innan same frist. Utskrift til: Gry Eidheim Vadseth, Østre Olsvikveg 23, 6019 Ålesund Fylkesmannen i Møre og Romsdal, Fylkeshuset, 6404 Molde Møre og Romsdal Fylkeskommune, Fylkeshuset, 6404 Molde NVE, Postboks 53, 6801 Førde
Landbrukskontoret, her Oppmålingsavdelinga v/guttorm Øye Saksvedlegg: Søknad om deling, datert 17.01.2013 Kart datert 12. 02.2013 Brev datert 15.04.2013 ROS-skjema Kart og ortofoto Protokoll frå handsaming i landbruksnemnda sak 35/13, 19.09.2013 Uprenta saksvedlegg: Innkomne merknader Diverse saksdokument Saksopplysningar: Det ligg føre søknad om dispensasjon frå kommuneplanen for frådeling av tomt til fritidsbustad på gnr. 58 bnr. 13 i Ytre-Hovden. Den omsøkte tomta er om lag 500 m 2 og ligg i kommuneplanen sitt LNF-område sone C. Så langt vi kan sjå ligg det ikkje føre særskilde registreringar i kommunen si naturtyperegistrering eller temakarta til kommuneplanen som har betydning for søknaden. Det ligg ikkje føre merknader i samband med nabovarslinga. Saka er sendt på høyring og det ligg føre følgjande merknader/fråsegner: Fylkesmannen i Møre og Romsdal. 18.06.13 Fylkesmannen har ut frå sine ansvarsområde ingen vesentlege merknader. NVE, 10.06.13 NVE har ingen merknader til søknaden Møre og Romsdal fylkeskommune, 20.06.13 Møre og Romsdal fylkeskommune har ut frå sine ansvarsområde ingen merknader. Landbruksnemnda, møte 19.09.2013, sak 35/13 1. Frådeling etter jordlova 12, vedtak: Landbruksnemnda viser til søknad registrert 12.02.13, frå eigar av gnr 58 bnr 13, Gry Eidheim Vadseth, om frådeling av hyttetomt. Landbruksnemnda viser til saksutgreiinga med konklusjon, og gir løyve etter jordlova 12 til frådeling av 0,5 da til hyttetomt slik det er søkt om. Grunngjeving er at frådelinga vert vurdert som forsvarleg utifrå dei momenta som det skal leggjast vekt på i jordlova. 2. Dispensasjon frå kommuneplanen, tilråding: Landbruksnemnda viser til søknad registrert 12.02.13, frå eigar av gnr 58 bnr 13, Gry Eidheim Vadseth, og går inn for at det kan gjevast dispensasjon frå LNF-sona i kommuneplanen for frådeling av hyttetomt i dette tilfellet. Vurdering og konklusjon:
Søknaden gjeld frådeling av hyttetomt på om lag 500 m 2, som ligg like ved den kommunale vegen til Berget i Hovdebygda og utanom sjølve gardstunet. Den omsøkte tomta ligg i eit område med blandingsskog. I nærleiken ligg fleire område med granplantefelt. I samband med høyringa ligg det ikkje føre særskilde merknader verken frå Fylkesmannen, Møre og Romsdal fylkeskommune eller frå NVE. Landbrukssjefen har vurdert ei frådeling som forsvarleg i høve landbruksinteressene og omsyna nedfelt i jordlova, og har tilrådd at frådeling kan gjevast. Landbruksnemnda har slutta seg til tilrådinga og også gjort vedtak om løyve til frådeling etter jordlova. Det ligg ikkje føre registreringar i høve vilt, friluftsliv, kulturminne eller andre allmenne interesser. Ut frå vegetasjonsbildet bør det ligge til rette for å kunne gjennomføre ei ev. utbygging utan vesentleg fjernverknad i landskapsbildet. Det går turstiar langs åsen og langs Hovdevatnet. Samanhengen mellom nokre av desse stiane går langs vegen, men ingen stiar er direkte i konflikt med den omsøkte tomta. Det er heller ikkje registreringar i naturbasen om verdifulle naturtypar eller artar som kan verte påverka av planen/tiltaket. Det er heller ikkje kjent at det kan vere andre artar eller naturtypar i området som ikkje er fanga opp av registreringane i naturbasen. Kravet i naturmangfaldlova (nml) 8 om at saka skal basere seg på eksisterande og tilgjengeleg kunnskap er dermed oppfylt. I og med at naturmangfaldet i liten grad vil bli påverka av framlegget og at det ikkje kan påvisast at tiltaket vil ha effekt på verdifull natur, vert det lagt til grunn at det ikkje er naudsynt å gjere vurderingar etter dei andre miljøprinsippa i nml. 9-12. Vegtilkomst er frå kommunal veg til Berget. Vegen er i lav standard, men det er to hus og ei hytte frå før som har tilkomst frå same vegen. Avdeling for kommunalteknikk har ikkje merknader til å gje løyve til avkøyrsle frå vegen. Tomta grensar ikkje direkte til den kommunale vegen, og hovudbruket må såleis gi vegrett gjennom erklæring som må kunne tinglysast som hefte på eigedomen. Ut frå søknaden synest det klart at tilkomst vil måtte skje frå tomta si søraustlege side. Det er ikkje avklara kva slag avløpsløysing som vil verte valt. I følgje forureiningsforskrifta 12-10 skal avløpsanlegget vere tilpassa dei aktuelle vassmengder og grunntilhøva på staden, og dette skal dokumenterast av nøytral fagkunnig. Det vert lagt til grunn at avløpsspørsmålet kan løysast og at dette skjer ved at søknad om utsleppsløyve vert samordna med byggesøknaden. Søkjaren opplyser også at det er aktuelt å føre opp hytte i storleik 40-60 m 2, dette er ein storleik som ikkje avvik vesentleg frå kommunen si gjeldande retningsline eller den praksis som har vore følgt i tilsvarande hytter i seinare år. Søkjaren har gjennomført ei forenkla ROS-vurdering der det ikkje er påvist vesentlege risikomoment. Kommunen finn heller ikkje at det ligg føre moment av omsyn til samfunnstryggleik, rasfare el.l. som tilseier at det ikkje kan ligge til rette for å frådele og bygge fritidsbustad på den omsøkte tomta. Områda kring Hovdevatnet er generelt attraktivt som friluftsområde og i høve ulike former for rekreasjon. Dette, saman med ei tilknyting til området, er nok grunnlaget for at det er
aktuelt med hytte slik det er søkt om. Hytta ligg i nærleiken av tidlegare gardstun og nær inntil eksisterande veg. Tomta kjem ikkje i direkte konflikt med nokon av turstiane, og heller ikkje ligg det føre registreringar knytt til naturmangfald eller andre allmenne interesser. Ut frå innkomne fråsegner og ei fagleg vurdering av kva konsekvensar ei frådeling vil ha i høve aktuelle allmenne interesser og LNF-føremålet i gjeldande arealdel i kommuneplanen, kan det leggast til grunn at ei frådeling slik det er omsøkt ikkje vil setje plangrunnlaget vesentleg til side. Det er generelt vanskeleg å påvise eit grunnlag for kva fordelar som følgjer av ei slik frådeling til hytteføremål då det er omsynet til areal- og ressursgrunnlaget og ikkje fordelar knytt til private og personlege interesser som skal vektleggast. Fråværet av konkrete konflikter skal i seg sjølv ikkje vere avgjerande. Ut frå ei samla vurdering finn rådmannen likevel å kunne lege til grunn at fordelane er større enn ulempene. Med bakgrunn i dette er vilkåra for å kunne gje dispensasjon oppfylt. Rådmannen finn på denne bakgrunnen å kunne tilrå at det vert gjeve dispensasjon for frådeling av tomt til fritidsbustad/hytte slik den er omsøkt. Eldar Øye leiar plan- og utviklingsstaben Gunnar Wangen avdelingsleiar plan og miljøavdelinga