Fellestenester Politisk sekretariat Interesselaget Varhaugselet v/ Ove Tvedt Ekelandet 122 Rosendalsvegen 10 5470 ROSENDAL Tel: 53483100 Fax: 53483130 Org. nr: 964 967 636 Bankgiro: 3460.07.00083 post@kvinnherad.kommune.no www. kvinnherad.kommune.no facebook.com/kvinnherad 5451 VALEN Saksbehandlar Torill Slåke Tlf. direkte innval 53483264 Vår ref. 2014/1874-5 Dykkar ref. Dato 18.11.2014 Særutskrift - 104/1 - hytte i Blådalen - Interesselaget Varhaugselet Kvinnherad forvaltningskomité hadde saka føre i møte 12.11.2014 med vedtak nr 2014/150. Vi legg ved utskrift av møteboka og syner til vedtaket. Då saka gjeld dispensasjon etter plan- og bygningslova kap 19, vert kopi av vedtaket også send til berørte regionale og statlege mynder for eventuell klagevurdering. Dette brevet er sendt elektronisk utan underskrift og vert ekspedert med e-post som inneheld særutskrift med aktuelle vedlegg. Dersom du vurderer å klaga på vedtaket, viser vi til reglane i forvaltningslova samt eventuelt bestemmelsar i særlov om klage. Klagefristen er 3 veker frå du har motteke denne meldinga om vedtaket. Eventuelle spørsmål kan rettast til saksbehandlar. Med helsing Bente Høyland Møtesekretær Brevet er godkjent elektronisk og har derfor inga underskrift.
Kopi til: Fylkesmannen i Hordaland Torill Slåke Hordaland fylkeskommune Side 2 Mottakarar: Interesselaget Varhaugselet v/ Ove Tvedt Ekelandet 122 5451 VALEN
Side 3 Saksframlegg Saksmappe Saksbehandlar 2014/1874-2 Torill Slåke Saksgang Saksnr Utval Møtedato 2014/150 Forvaltningskomiteen 12.11.2014 Behandling dispensasjon - 104/1 - hytte i Blådalen - Interesselaget Varhaugselet Innstilling frå rådmannen: Kvinnherad Forvaltningskomite gjev dispensasjon frå arealføremålet LNF i arealdelen til kommuneplanen slik at hytte 25-30m 2 og bod/utedo ca 10 m 2 kan omsøkjast etter Pbl 20-1 med tilhøyrande føresegner. Løyvet er heimla i pbl 19-2 då omsyna bak reglane det vert dispensert frå, eller omsyna i føremåla til lova, ikkje vert vesentleg sette til side. I tillegg er fordelane ved å gi dispensasjon klart større enn ulempene etter ei samla vurdering. Vilkår: 1. Hytta skal til ei kvar tid vera open for allmenn bruk. Behandling i Forvaltningskomiteen den 12.11.2014 Rådmannen si innstilling vart samrøystes vedteken. Øyvind Utne (H) la fram tilleggspunkt i saka: tar ikkje så små tiltak inn i kommunedelplan og derfor vert dispensasjon einaste alternativ for dei som vil byggja. Røysting: Samrøystes vedteke. Vedtak frå Forvaltningskomiteen den 12.11.2014 Kvinnherad Forvaltningskomite gjev dispensasjon frå arealføremålet LNF i arealdelen til kommuneplanen slik at hytte 25-30m 2 og bod/utedo ca 10 m 2 kan omsøkjast etter Pbl 20-1 med tilhøyrande føresegner. Løyvet er heimla i pbl 19-2 då omsyna bak reglane det vert dispensert frå, eller omsyna i føremåla til lova, ikkje vert vesentleg sette til side. I tillegg er fordelane ved å gi dispensasjon klart større enn ulempene etter ei samla vurdering. Vilkår: 2. Hytta skal til ei kvar tid vera open for allmenn bruk.
Side 4 tar ikkje så små tiltak inn i kommunedelplan og derfor vert dispensasjon einaste alternativ for dei som vil byggja. Søkjar: Interesselaget for Varhaugselet, v/ Ove Tvedt, Eikeland 122, 5451 Valen Grunnegar: Søknad dagsett: 15.07.2014. Om søknaden og eigedommen: Figur 1 - Oversiktskart Blådalen Det vert søkt om dispensasjon for oppføring av ny hytte og bod/utedo på eigedommen Bjørnebøle i Blådalen, Matre. Eigedommen er eigd av. Eigedommen er ein større eigedom (ca 41787 da) som går frå Fjellhaugen og heilt inn til Folgefonna. Husa på eigedommen vart delt frå i 1994. Her er store fjell og utmarksområde. SKL AS har drive vasskraftutbygging i desse områda sidan 1940 talet, så det er veg inn til Blådalsvatnet. Frå veg er det ca 1,5-2 t gange til der hytta skal plasserast. Hytta kan og nåast frå t.d. Guddal (Seimsfoss). Det er Interesselagt for Varhaugselet som nå søkjer om å få riva den gammal hytte ved Blådalsvatnet, og deretter setja opp ei ny hytte noko lengre nord (ca 700 m i luftline) ved Grønaviksvatnet. I søknaden vert det opplyst at den gamle hytta var ei «open» hytte nytta fram til ca 1990. Den nye hytta skal vera ca 25-30 m 2 og i tillegg ha eit lite uthus for ved/toalett ca 10 m 2. Plasseringa vert om lag som vist på bilete og kart. Ein vil her finna den beste plasseringa ut frå lokale tilhøve for snøsamling, vind og visuell eksponering. Same plasseringa som den gamle hytta er ikkje optimalt, då den ligg nær det regulerte Blådalsvatnet. Hytta skal vera open for allmenn bruk, slik at turgåarar, jegerar og beitebrukarar kan nytta hytta. Den kan og vera eit utgangspunkt for turar inn i nasjonalparken. Søkjar har fire tilsvarande hytter andre stader i kommunen, og mottoet deira er «alltid open for alle». Hytta vil vera tilpassa terrenget i utforming og fargeval. som grunneigar har i formannskapsvedtak dat. 05.06.2014 gjeve løyve til etablering av hytta. Arealstatus Området er avsett til LNF i kommuneplanen for Sandvoll, Holmedal, Matre og Åkra.
I område for landbruk, natur og friluftsområde skal det berre førast opp bygg som er naudsynte i samband med landbruksnæringa og elles ikkje er i strid med føremålet i planen. Side 5 Nabovarsel Det er ikkje varsla naboar, då avstand til andre eigedommar er svært stor, jf. PBL 21-3. Uttale frå regionale og statlege styresmakter Saka har vore sendt på høyring til følgjande: Fylkesmannen i Hordaland Ingen merknad. Hordaland fylkeskommune: Ingen merknad. Naturmangfaldlova Det er ikkje gjort registreringar i området av spesielle naturtypar eller biotopar i www.naturbase.no Kulturminne Det er ikkje gjort registreingar av freda kulturminne eller SEFRAK-bygg i www.kulturminnesok.no. Støy Ikkje relevant Klimatilpassing Den skisserte plasseringa ligg ikkje innanfor område som er rasutsett i følgje NVE sine aktsemdskart. Veg, vatn og avløp Tilkomst til bygget vert ved sti frå enden av anleggvegen i Blådalen, eller på sti eller i terreng frå andre dalføre. Anleggsvegen er
Side 6 open for fri ferdsle i sommarhalvåret. (Det er og mogleg å nytta båt over Blådalsvatet). Avløp/Vatn: ikkje innlagt vatn eller avløp. Aktuelle lovheimlar Det planlagde tiltaket krev dispensasjon etter pbl 19-2 frå formålet LNF i kommuneplanen for Sandvoll, Holmedal, Matre og Åkra vedteken 20.06.2013 Dersom det skal gjevast dispensasjon må omsyna bak reglane det vert dispensert frå, eller omsyna i føremåla til lova, ikkje verta vesentleg sette til side. I tillegg må fordelane ved å gi dispensasjon vere klart større enn ulempene etter ei samla vurdering. Vurdering Den omsøkte hytta skal nyttast som «turisthytte» til allmenn fritids/frilufts-bruk. Den kan og nyttast av beitelaget ved tilsyn eller sanking av sauer som beitar i området. Vidare er den høveleg for jegerar som t.d. jaktar rype i dette fjellområdet, eller som utgangspunkt for turar inn i Folgefonna nasjonalpark. Interesselagt som skal stå for bygging/drift av hytta har fire dagsturhytter frå før andre stader i kommunen, medan dette vert ei hytte der overnatting er mogeleg. Dette er eit område som ikkje vert svært mykje nytta, men ei hytte som turmål vil kunna auka bruken av området, og vera med å gjera området meir tilgjengeleg. Det må m.a. tilretteleggjast og merkast sti rundt Blådalsvatnet, slik at tilkomsten vert tryggast mogeleg. Då interesselagt søkte kommunen (som grunneigar) om løyve til å setja opp ny hytte som erstatning for den gamle Blådalshytta, vart saka behandla i Kvinnherad Formannskap, og dei var positive til å gje Interesselagt for Varhaugselet løyve til riving av gammal hytte, og oppføring av ny hytte lengre inn i fjellet. Her er store fjell- og utmarksområde som har fått vegtilkomst sidan SKL (Sunnhordlad Kraftlag)AS har drive vasskraftutbygging her i mange år. Det omsøkte tiltaket ligg utanom INON-området, men innanfor buffersona på 1 km. Det er lite byggeaktivitet frå før i dette området. Rådmannen meiner at det er positivt at fleire nyttar fjellet, og ut frå eit folkehelseperspektiv er det svært bra at det vert tilrettelagt for auka aktivitet. Det er viktig at flest mogeleg har ein aktiv livsstil. Det er og viktig at denne aktiviteten ikkje kjem i konflikt med naturverdiane på ein uheldig måte. Det har vore mykje naturinngrep i samband med kraftutbygginga, så det er viktig å ivareta dei urørde områda som er att. Rådmannen meiner at sidan bygget skal vera ope for alle, og er eit lite bygg som vert plassert mest mogeleg skånsamt i landskapet, for ikkje å verka dominerande eller ruvande mot horisonten, kan dispensasjon tilrådast ut frå at bygget skal vera til felles bruk og nytte. Grunngjeving Ut frå ei samla vurdering og i samsvar med utgreiinga ovanfor finn rådmannen at fordelane med å gje dispensasjon er større enn ulempene. Vedlegg: 1. Søknad