Politisk og administrativt sekretariat Per Harald Lunde Fetvegen 14 5464 DIMMELSVIK Saksbehandlar Tlf. direkte innval Vår ref. Dykkar ref. Dato 2017/2773-3 15.09.2017 Særutskrift - 112/17 - deling av eigedom - Dimmelsvik - Per Harald Lunde Kvinnherad forvaltningskomite hadde saka føre i møte 06.09.2017 med vedtak nr 2017/79. Vi legg ved utskrift av møteboka og syner til vedtaket. Dersom du vurderer å klaga på vedtaket, viser vi til reglane i forvaltningslova samt eventuelt bestemmelsar i særlov om klage. Klagefristen er 3 veker frå du har motteke dette vedtaket. Med helsing Bente Høyland Møtesekretær Brevet er godkjent elektronisk og har derfor inga underskrift. Kopi til: Karin Thauland Rosendalsvegen 10 5470 Rosendal Tlf: 534 83 100 Fax: 534 83 130 Org. nr: 964 967 636 Bankgiro: 3460.07.00083 post@kvinnherad.kommune.no www.kvinnherad.kommune.no
Saksframlegg Kvinnherad kommune Saksmappe Saksbehandlar 2017/2773-2 Karin Thauland Saksgang Saksnr Utval Møtedato 2017/79 Forvaltningskomiteen 06.09.2017 Behandling - 112/17 - deling av eigedom - Dimmelsvik - Per Harald Lunde Innstilling frå rådmannen: Omdisponering og deling etter jordlova sine 9 og 12: Kvinnherad Forvaltningskomité syner til saksframstillinga og gir ikkje søkjar løyve å dele frå hus nummer to frå sin eigedom gnr/bnr 112/17. Vedtaket er gjort med heimel i jordlova sine 9 og 12. Behandling i Forvaltningskomiteen den 06.09.2017 Rådmannen si innstilling vart samrøystes vedteken. Vedtak frå Forvaltningskomiteen den 06.09.2017 Omdisponering og deling etter jordlova sine 9 og 12: Kvinnherad Forvaltningskomité syner til saksframstillinga og gir ikkje søkjar løyve å dele frå hus nummer to frå sin eigedom gnr/bnr 112/17. Vedtaket er gjort med heimel i jordlova sine 9 og 12. Saksutgreiing: Om søknaden; Søknad motteke 29.6.2017 Det blir søkt om løyve til å dele frå det eldste bustadhuset på bruket med ei tomt på om lag 1,2 dekar. Bruket har 29,2 dekar fulldyrka jord - totalt i lag med anna areal 35,4 dekar i følgje Skog og Landskap sine gardskart. Det er to bustadhus, driftsbygning og garasje på bruket. Huset som vert søkt frådelt, er i dårleg forfatning og må rivast eller fullrenoverast. Det er ikkje sjølvstendig drift på bruket, jorda vert leigd vekk Arealet: Søknaden er ikkje i samsvar med vedteken plan. Arealet er i kommunedelplanen avsett til Landbruk, Natur og Friområde. 2
Omsøkt frådeling 3
Gjeldane kommunedelplan for Rosendalsområdet Aktuelle lovheimlar: Den omsøkte frådelinga krev handsaming etter jordlova si 9 og 12. Vidare krev den dispensasjon etter PBL 19-2 frå føremålet LNF i kommuneplan og løyve til deling etter PBL 20-1 Jordlovbehandling: Saka er vurdert etter 9 og 12 i jordlova og rundskriv M 1/2013 frå landbruksdepartementet. 9 : Dyrka jord må ikkje brukast til føremål som ikkje tek sikte på jordbruksproduksjon. Dyrkbar jord må ikkje disponerast slik at ho ikkje vert egna til jordbruksproduksjon i framtida. Departementet kan i særlege høve gi dispensasjon dersom det etter ei samla vurdering av tilhøva finn at jordbruksinteressene bør vika. Ved avgjerd skal det mellom anna takast omsyn til godkjende planar etter plan- og bygningslova, drifts- eller miljømessige ulemper for landbruket i området, kulturlandskapet og det samfunnsgagnet ei omdisponering vil gi. Det skal òg takast omsyn til om arealet kan førast attende til jordbruksproduksjon. Det kan krevjast lagt fram alternative løysingar. 12 Deling Deling av eigedom som er nytta eller kan nyttast til jordbruk eller skogbruk må godkjennast av departementet. Dersom det er dyrka eller dyrkbar jord som skal delast i frå, må det først gis samtykke til omdisponering etter jordl. 9 før det kan gis samtykke til deling, jf. 12 andre ledd. 4
I vurderinga av om samtykke til frådeling kan givast må ein leggje vekt på om delinga legg til rette for en tenleg og variert bruksstruktur i landbruket. Det er ei samla vurdering som her skal gjerast der en vurderer omsyn til vern av arealressursar, om deling fører til ein driftsmessig god løysing, og om delinga kan føre til drifts- eller miljømessige ulemper. Dersom denne vurderinga talar for avslag på søknad om deling, opnar likevel fjerde ledd opp for at samtykke kan givast dersom deling vil ivareta omsyn til busetting. Vurdering etter jordlova: Arealet er avsett til LNF i kommunedelplan. Eigedomen ligg i eit område med gode jordbrukstilhøve, og det er fulldyrka jord kring huset. Rådmannen kan ikkje rå til samtykke til omdisponering av arealet etter jordlova is 9. Arealet som vert søkt delt frå ligg inntil veg, men likevel plassert midt på eigedommen. Ein frådeling av tomt til bustad her vil føre til oppstykking av eigedommen. Eitt samtykke til deling her vil ikkje verne om arealressursane på eigedomen. For å ta omsyn til ein driftsmessig god løysing, så må ein og sjå på eventuelt framtidig drift. Med drifta i dag er det ikkje naudsynt med to hus på eigedomen, men ved framtidig drift kan behovet melda seg. Som allereie nemnd, er arealet som søkjast delt i frå plassert med fulldyrka jord på fleire kantar Dette tyder på at bebuarane i huset på tomta vil merke både støy, støv og lukt frå drifta av arealet. Ein må her og ta omsyn til at ei frådelt tomt vert fritt omsetteleg. Då vil desse ulempene kanskje føre til krav om innskrenking av landbruksdrifta. Av andre omsyn kan nemnast at frådelinga kan verka negativt i høve til kulturlandskapet. Etter ei samla vurdering vil Rådmannen ikkje rå til samtykke til frådeling av bustadhuset etter jordlova 12 3.ledd. Jordlova 12 4.ledd opnar likevel opp for at samtykke kan gjevast dersom deling vil ivareta omsyn til busetting.. Det vert opplyst på synfaringa at det er eit barnebarn som er potensiell kjøpar av tomta, og at huset er planlagd rivi. Det vert argumentert med busettingsomsyn i samband med søknaden. Det finnast tomter og hus i nærleiken. Det er og areal avsett til bustadføremål i kommunedelplan i nærleiken. Bornebornet kan evt og busette seg i huset utan å skilje det i frå bruket. Etter rådmannen sitt syn, kan ein difor ikkje i dette høve dele i frå av omsyn til busetting slik 12.4 ledd opnar for. Etter ei samla vurdering, finn rådmannen å rå i frå omdisponering og frådeling av bustadhuset etter jordlova. Høyring: Saka er ikkje send på høyring då rådmann tilrår avslag etter jordlova. Dersom det vert gitt løyve til deling etter jordlova, må saka handsamast etter Plan og bygningslova: dispensasjon frå arealplan og delingsløyve då søknaden ikkje er i samsvar med gjeldane planar. Vedlegg: Søknad med vedlegg, Gardskart 5