Vinje kommune Økonomi, plan og utvikling Arkiv saknr: 2016/285 Løpenr.: 8991/2018 Arkivkode: 151/10/151/37 Utval Møtedato Utval Saksnr Plan- og miljøutvalet 30.05.2018 18/87 Kommunestyret 28.06.2018 18/65 Sakshandsamar: Skjalg Lie Bakken PlanID 20160001 Vierli H35, 151/10 Detaljregulering - 2. gongs handsaming og endeleg vedtak Vedlegg: 1 Innspel Vierli H35 2 Revidert_kart 3 Føresegner_høyring 4 Plankart_høyring 5 Planomtale_høyring Dokument i saka: Kommunedelplan for Rukkemo Torvetjønn 2001 Brev: Lysing offentleg ettersyn: 27.02.18 Innspel til planarbeidet: - Statens vegvesen, 10.04.18 - Mattilsynet, 13.04.18 - Telemark Fylkeskommune, 26.04.18 - Fylkesmannen i Telemark, 04.05.18 - Austare Vierli grendelag, 30.04.18 - Stein N. Rogde og Wenche Torp Andresen, 12.12.17 - Espen Knutzen, 12.12.17 - Rune Aune, 12.12.17 - Erik og Lene Olsson, 15.01.18 - Erik Gudbrandsen, 06.03.18 - Anne-Marie og Erling Berger, 15.03.18 - Torstein Ruben Kaasa, 05.04.18
- Lise og Trygve Tveit, 16.04.18 - Håvard Bjørke, 16.04.18 - Christian Rüger, 19.04.18 - Arne Rasmussen, 23.04.18 - Trond Halvor og Randi Haave, 24.04.18 - Øyvind, Ingrid, Kristin og Ulf Nistad, 25.04.18 - Birgitte og Harald Høifødt, 25.04.18 - Oddvin Gjerde, 26.04.18 - Helge Mietle, 27.04.18 - Hans og Anne Kåsa, 27.04.18 - Ragni og Bjørn Bilberg, 27.04.18 - Bjørn og Vibeke Bøhle, 28.04.18 - Arne Beek og Anne Jorunn Stokka, 29.04.18 - Nils-Ragnar Myhra, 29.04.18 - Tale Scott, 30.04.18 - Marie og Bjørn Haugland, 30.04.18 - Torgeir Strupe, 30.04.18 - Kjersti Tveit Nergaard, 30.04.18 - Didrik Modal, 30.04.18 - Lasse og Anne-Lise Harveland, 30.04.18 - Per Kjetil Sørensen, 30.04.18 - Kjell Tore Hansen, 30.04.18 - Børre og Stine Rødal, 30.04.18 - Lene Løvstad, 30.04.18 - Anne Berit Namork, 30.04.18 - Kjetil Namork og Kent Nordvang, 30.04.18 - Erik Brinchmann, 01.05.18 - Kari og Gunnar Nergaard, 01.05.18 - Inga Galaaen Baksås, 01.05.18 - Anita og Tom Horntvedt, 01.05.18 - Karin Sønsteby og Ole Herman Larsen, 01.05.18 - Kristin Larsen, 01.05.18 - Eirunn Austlid og Jørn Brog, 01.05.18 - Monica og Rune Aune, 01.05.18 - Ola og Camilla Christensen Østvold, 01.05.18 - Harald Marrable, 02.05.18 Bakgrunn: Plan- og miljøutvalet vedtok 13.12.2017, sak 17/202, å leggje framlegg til detaljregulering for Vierli H35 ut til offentleg ettersyn i medhald av plan- og bygningslova 12-10. Planframlegget vart lagt ut til offentleg ettersyn i brev 27.02.2018, med frist for merknader 01.05.2018. Planen legg opp til ei fortetting av eksisterande felt, samt utviding av feltet i sørleg retning mot Oksatjønn. Totalt er det snakk om 80 nye tomter.
Det har kome mange innspel på saka. Alle innspel er komprimert og samla i eit eige vedlegg, der dei er kategorisert i følgande 6 kategoriar: 1: Reguleringsplanen er i strid med gjeldande kommunedelplan, noko som fører til redusert forutsigbarheit. 2: Konsekvensutgreiinga er mangelfull, saknar meir detaljert utgreiing om overvatn, naturmangfald og trafikkfare. 3: Er imot utbygging av Heimveglibakken då den er ein viktig læringsbakke for born og unge, og det resterande løypearealet er for skrått. 4: Utbygginga endrar preget på Vierli, spesielt med tanke på utviding av feltet mot sør. 5: Planlagde korridorar og grøntområde er dårleg egna grunna bratt og ulendt terreng, tek vekk viktige grøntområde som vert nytta til leik av born og unge. X: Innspel som ikkje passar inn i nokon av dei 5 øvrige kategoriane. Kategori 1-5 vert vurdert i saksframstillinga, medan innspel markert med X vert kommentert i vedlegget. Vurdering: Følgjande 5 kategoriar tek føre seg hovuddelen av innspela: 1) Reguleringsplanen er i strid med gjeldande kommunedelplan, noko som fører til redusert forutsigbarheit. Rådmannens vurdering: Planadministrasjonen har tidligare konkludert etter synfaring, «med at ein, under tvil, stiller seg positiv til den planlagde utvidinga av feltet..». Seinare i prosessen har ein vorte meir bevisst på det prinsipielt uheldige med å bygge ut i strid med overordna plan, då kommunedelplanen skal gi forutsigbarheit. Det har ikkje kome nye moment etter høyringsrunden, og ein vil difor vere lojal mot tidligare signal, og la saka gå til vedtak med dei endringar som er nemnde. 2) Konsekvensutgreiinga er mangelfull, saknar meir detaljert utgreiing om overvatn, naturmangfald og trafikkfare. Rådmannens vurdering: Utrekning av ulike overvatn-scenario vart gjort av Sweco i samband med planprosessen. Framtidig auke av nedbør er inkludert i utrekningane, og framlagde tiltak er vurdert som tilfredsstillande. Kartlegging av biologisk mangfald vart gjennomført for planområdet i 2016, og det vart ikkje registrert truga/sårbare artar, eller naturtypar. Kartlegginga er basert på både eksisterande kartlag og feltundersøkingar, og er vurdert som tilfredstillande. Administrasjonen er samd i at utgreiinga av trafikkfare er mangelfull, men meiner framlagde endringar vil vere tilfredsstillande for å skape eit tryggare trafikkbilete i feltet: - Det skal leggast inn møteplassar langs Parkvegen med maksimum 250m avstand og fri sikt mellom dei - Starten av Parkvegen, samt alle møteplassar, skal skiltast med parkering forbudt
- Ein vil prøve å få til ein kopling mellom skv4 og Austare Vierli for å avlaste ein del av den forventa trafikkauka - Adkomst til Parkvegen ved parkeringa ved Terrengparken vert forbetra 3) Er imot utbygging i Heimveglibakken då den er ein viktig læringsbakke for born og unge, og det resterande løypearealet er for skrått. Rådmannens vurdering: Utbygging i Heimveglibakken var eit tema under 1.gongsbehandling, og det vart under tvil gjeve klarsignal for planen slik den var då. Til 2.gongsbehandling har det kome mange nye innspel på at bakken vert nytta som opplæringsbakke for dei yngste, og administrasjonen er samd i at det er viktig å ta vare på bakkar der born kan få utfolde seg og få opplæring. Med bakgrunn i dette nye momentet, vil me difor rå til å ta ut tomtene 2-5, 2-8, 2-9, 2-12, 2-13 og 5-14, samt justere tomtene 2-3 og 5-15. 4) Utbygginga endrar preget på Vierli, spesielt med tanke på utviding av feltet mot sør. Rådmannens vurdering: Administrasjonen er delvis samd i at utvidinga av feltet mot sør får eit anna preg enn resten av H35, men meiner utbygginga her er fint tilpassa terrenget rundt. Den sørlege delen av H35 ligg slakt plassert inne i ein kvæv i terrenget, og vil verte lite synleg frå andre stader. Det er korte avstandar frå hyttene og ut i friluftsområde mot vest og sør, og til alpinbakken mot aust. Vierli er eit av satsingsområda for hytter i Vinje kommune, og ein vil difor rå til å fortette og utvide istadenfor å opne nye, urørte områder. 5) Planlagde korridorar og grøntområde er dårleg egna grunna bratt og ulendt terreng, tek vekk viktige grøntområde som vert nytta til leik av born og unge. Rådmannens vurdering: Det kom mange innspel på korridorar og grøntområde som vart teke omsyn til av tiltakshavar ved 1. gongs-behandling. Revidert plankart legg opp til planfri kryssing av transportløyper mellom Heimveglibakken og Terrengparken, samt fleire korridorar på båe sider av planområdet. Dagens plan er vurdert som ein god balanse mellom fortetting og vedlikehald av grøntområde og korridorar. Tiltakshavar kom med innspel angåande endringar i plankartet, og teikna desse inn i eit revidert plankart av 20.01.2018. Endringane går ut på at det vert fleire, men mindre, tomter på toppen av feltet BFF5, samt at vegen her vert lagt i ei sløyfe rundt delar av BFF4. Løypetraseane mellom Heimveglibakken og Terrengparken er lagt på oversida av feltet for å unngå kryssing av veg. Tomt 0-16 er teke inn igjen på kartet, etter å ha blitt teke ut ved 1.gongs-behandling grunna nærleik til vassdrag. Det vert gjort framlegg om å ta ut denne på nytt. Oppsummering av framlegg til endringar sett i høve framlegget som var lagt ut til offentleg ettersyn: Plankart: - Revidert plankart av 20.01.2018 vert å rekna som gjeldande
- Tomt 0-16, 2-5, 2-8, 2-9, 2-12, 2-13 og 5-14 går ut - Tomt 2-3 og 5-15 vert justert for å behalde uniform breidde på Heimveglibakken - Det skal teiknast inn møteplassar langs Parkvegen med maks 250m avstand og fri sikt mellom møteplassane - Det skal teiknast inn kopling mellom Skv4 og Austare Vierli - G/S vegen i krysset ved Parkvegen må teiknast om slik at det vert plass til ein bil mellom G/S vegen og fylkesvegen - Ankomst til Parkvegen teiknast inn i ytterkant av parkeringa ved Terrengparken - LNF-område mellom 151/27 og tomt 0-29 vert tillagt 151/27 - Parsell mellom 151/44 og 151/346 vert tillagt 151/44 - Omsynssone H370_1 går ut - Veg mellom 151/458 og 151/511 går ut så snart avtale om bruksrett på eksisterande tilkomst er tinglyst Føresegner: - Det råka kulturminne id 96548 som er markert som Bestemmelsesområde (#1 / slik markering som planleggjar finn tenleg) i plankartet kan fjernast utan ytterlegare arkeologiske undersøkingar. - BFF1 vert justert til 25% BYA - BFF4 vert justert til 25% BYA og 7m mønehøgde - I BFF5 vert tomt 5-1 til 5-13 justert til 6m mønehøgde - I BFF5 vert tomt 5-14 til 5-18 justert til 7m mønehøgde - Det skal etablerast sti frå veg ved tomt 0-18, til parkering ved tomt 151/185 og veg til tomt 151/47 før utbygging av BFF3, BFF4 og BFF5 - Det skal lagast møteplassar langs Parkvegen, og desse skal skiltast med parkering forbode, før utbygging av BFF3, BFF4 og BFF5 - Adkomstane langs fylkesvegen som er vist stengd på plankartet, skal stengast før utbygging av BFF1, BFF2, BFF3, BFF4 og BFF5 - Forbindelse mellom Skv4 og Austare Vierli kan haldast stengt ved bruk av bom ved ekstra krevande køyreforhald - Tomt 1-3 og 2-1 kan ikkje byggast ut før det er laga ein akseptabel løysing for veg/tilkomst, og kommunen har godkjent denne - Omsynssone H370_1 går ut - Tomt 0-8, 0-11 og 0-20 finst ikkje på plankartet, og går ut Endringane utløyser ikkje behov for ny høyring. Tiltakshavar og planadministrasjonen er samde om utbyggingsavtale. Saka går til kommunestyret.
Rådmannens framlegg til vedtak: Framlegg til detaljregulering for Vierli H35 vert vedteke i medhald av pbl 12 12 med desse endringane: - Tomtene 0-16, 2-5, 2-8, 2-9, 2-12, 2-13 og 5-14 går ut - Tomtene 2-3 og 5-15 vert justert for å behalde uniform breidde på Heimveglibakken - Andre endringar som er nemnde i rådmannens vurdering Rådmannen, 18.05.18 Jan Myrekrok, rådmann /s/ Handsaming i Plan- og miljøutvalet 30.05.2018: Dokument delt ut i møte: Endra plankart, dagsett 12.04.18 Framlegg frå plan- og miljøutvalet: Framlegg til detaljregulering for Vierli H35 vert vedteke i medhald av pbl 12 12 som lagt fram i plankart dagsett 12.04.18 og som blei lagt fram i dagens møte. Framlegget frå plan- og miljøutvalet blei samrøystes vedteke. Framlegg til detaljregulering for Vierli H35 vert vedteke i medhald av pbl 12 12 som lagt fram i plankart dagsett 12.04.18 og som blei lagt fram i dagens møte. Saksordførar: Liv Sigrun N. Midtun Handsaming i Kommunestyret 28.06.2018: Framlegget frå plan- og miljøutvalet blei samrøystes vedteke. Framlegg til detaljregulering for Vierli H35 vert vedteke i medhald av pbl 12 12 som lagt fram i plankart dagsett 12.04.18 og som blei lagt fram i dagens møte. -Andre endringar som er nemnde i rådmannens vurdering.