Tilsynsutvalet for Hardangervidda Telemark Maarfjell Sameige Sandven 25 3656 ATRÅ Dykkar ref: Vår ref Sakshandsamar: Arkivkode: Dato: 2018/28-3 Bjørn Bjørnsen, tlf.35 08 25 73 K12 12.12.2018 Søknad om løyve til 6 byggjetiltak i nasjonalparken på Hardangervidda Vi visar til Maarfjell Sameige sin søknad av 18.05.18 om løyve til gjennomføring av 7 byggjetiltak i nasjonalparken på Hardangervidda. I samsvar med delegasjon av forvaltningsmynde (jf. brev frå Direktoratet for naturforvalting av 07.06.02) er 6 av desse tiltaka handsama av tilsynsutvalet for Hardangervidda i Telemark, i møte 27. 11.18. Søknaden om ny hytte ved Sandvatn skal sakshandsamast av Fylkesmannen i Telemark. Vi visar til utskrift frå det som vart handsama som sak 5 i tilsynsynsutvalet sitt møte 27. november (sjå nedafor). Her vart det gjort vedtak for kvart einskild av dei 6 byggjetiltaka som Maarfjell Sameige har søkt om. I tillegg til vernereglane gjeld og reglane i plan- og bygningslova for byggjesøknad og gjennomføring av byggjetiltak innafor nasjonalparken. Vi sender kopi av tilsynsutvalet sine vedtak til Vinje og Tinn kommunar. Likevel har Maarfjell Sameige sjølv ansvar for å ta kontakt med bygningsmyndigheten før det vert sett i gang byggjearbeid. Sak 5. Søknad frå Maarfjell Sameige om 6 byggjetiltak i nasjonalparken I brev av 18.05.18 til Fylkesmannen i Telemark søkte Maarfjell Sameige om å gjennomføra 7 byggjetiltak innafor nasjonalparken i Telemark (jf. vedlegg). Dei tek utgangspunkt i driftsplan for Maarfjell Sameige som er ein privat plan for eigedomane deira i Vinje og Tinn. Eigedom som ligg både innafor og utanfor verna område. Dei ynskjer å få ei samla byggjeløyve for ein planperiode. Sidan dette er ein privat plan har ikkje fylkesmann og tilsynsutval heimel for verken å godkjenna eller avvisa driftsplanen. Så langt som han gjev tilstrekkelege opplysningar kan vi nytta planen som grunnlag for våre vurderingar av tiltaka, men det må gjerast særskilte vedtak for kvart byggjetiltak. Ved å fastsetta at alle vedtaka skal vera gyldige eit visst tal år framover vil dette kunne fungera godt saman med den private driftsplanen. Etter ein gjennomgang saman med Fylkesmannen i Telemark har vi kome fram til at søknaden om nytt husvære på Sandvatn skal handsamast etter pkt. 4.1.3e i vernereglane, som gjeld oppføring av nye bygg. Fylkesmannen er delegert mynde til å gjera vedtak etter denne heimelen. Dei 6 andre tiltaka skal vurderast med heimel i pkt. 4.1.3a, pkt. 4.1.3b og 4.1.3c som gjeld ombygging, mindre tilbygg og riving for å erstatta med nytt bygg. Sakshandsaming etter desse 3 heimlane er delegert til tilsynsutvalet. Adresse: Tinn kommune, Postboks 14, 3661 Rjukan Telefon: 35 08 26 00 E-post: Postmottak@tinn.kommune.no
Tilsynsutvalet sendte 10.07.18 brev til Villreinnemnda for Hardangervidda-området og Telemark fylkeskommune og bad dei om ein vurdering av dei 6 aktuelle tiltaka. Vilreinnemnda har uttalt seg til søknaden i brev av 30.10.18, der dei kom med fylgjande uttale: «Vurdering Villreinnemnda skal uttale seg i forhold til villreininteressene i området, og vektlegger i sin vurdering området sin betydning som leveområde og området sin følsomhet ovenfor inngrep. Man vurderer også tiltaket i forhold til om det vil generere økt bruk og mer ferdsel i området. Byggetiltak 1, 2 og 3 ligger alle tre innenfor Teig 3 Kvennaområdet i forvaltningsplanen for Hardangervidda nasjonalpark. Formålet med teigen er å sikre et stort og relativt urørt område, som i all hovedsak er uten tyngre tekniske inngrep, nesten uten merkede turstier og uten turisthytter. Sonen skal opprettholdes som et urørt naturområde, og skal bevares uten tilrettelegging for fotturisme og skigåing, og det bør ikke gis løyve til organisert friluftsliv i området. Det skal tas hensyn til villrein i sitt sommerbeite i områder. Høsting i form av jakt, fiske og beite skal kunne foregå i området. Byggetiltak 4, 5 og 6 ligger innenfor Teig 6 Sentralvidda nord og øst. Formålet med teigen er å kunne opprettholde et relativt høyt bruksnivå for landbruk, jakt og fiske og tradisjonelt friluftsliv, men innenfor rammene av verneformålet. Samtidig skal villreinen skjermes i sine viktige vinterbeiteområder. I sonen kan det opprettholdes et relativt høyt bruksnivå for utnytting av private eiendommer og statsgrunn til landbruk, jakt, fiske og friluftsliv. All bruk og omfanget av bruken skal være innenfor rammene av verneformålet. Det kan tillates en varsom utvikling av sti- og løypenettet når det er ledd i å kanalisere ferdsel fra andre og mer sårbare områder. Saksbehandler har i samråd med lokal representant vurdert de omsøkte byggetiltakene. Det vurderes at byggetiltakene ikke vil føre til vesentlig ulempe for villreinen, da bruken antas å bli den samme som i dag. Tiltakene vurderes til å være en del av nødvendig vedlikehold og utvikling av eiendommen. Maarfjell sameige er en stor grunneier på Hardangervidda, og det er nødvendig med tilgjengelig husvære for en god forvaltning av ressursene gjennom jakt og fiske. Forslag til uttalelse: Villreinnemnda for Hardangerviddaområdet har ingen særlige merknader til omsøkte tiltak ut i fra villreinhensyn. Sekretariatsadresse: Villreinnemnda for Hardangerviddaområdet Sentrum 16, 3630 Rødberg mh@noreuvdal.no / 31 02 46 33 ehandling i arbeidsutvalget i Villreinnemnda: Forslag til vedtak enstemmig vedtatt. Uttalelse Villreinnemnda for Hardangerviddaområdet har ingen særlige merknader til omsøkte tiltak ut i fra villreinhensyn. Villreinnemnda ønsker å bli videre orientert i saken. Med hilsen Endre Lægreid (s) Leder «Martine Hamnes Sekretariat Generell vurdering: Tilsynsutvalet må vurdera kvart av dei 6 tiltaka etter vernereglane for nasjonalparken og skal og leggja til grunn reglane i kapittel II i naturmangfaldlova. Villrein er ein svært viktig art å ta omsyn til innafor nasjonalparken på Hardangervidda. Villreinnemnda har uttalt at dei har ingen særlege merknadar til tiltaka det er søkt om. Vurderingane dei byggjer denne konklusjonen på er lite konkrete i høve til korleis villreinen vert påverka. Formålet med å innhenta uttale frå villreinnemnda er m.a. å sikra kunnskapsgrunnlaget for vedtaka som tilsynsutvalet gjer (jf. 8 i - 2 -
nml). Gjennom kunnskap som er samla inn på mange måtar over lang tid, er det svært godt kjent at områda der det no er søkt om 6 nye tiltak omfattar viktige delar av dei mest sentrale leveområda til villreinen på Hardangervidda. Dei aktuelle areala vert nytta heile året er og til dels blant dei beste vinterbeiteområda på vidda. GPS-merkeprosjektet saman med omfattande ferdselsregistreringar gjev stadig sikrare kunnskap om at menneskeleg ferdsel i terrenget påverkar villreinen negativt. Sidan byggjetiltak normalt har som føremål å gjera det lettare å bruka fjellet må ein og rekna med at summen av byggjetiltak påverkar villreinen negativt. Summen av negativ påverknad skal vektleggjast (jf. 10 i nml). Omsynet til anna naturmangfald skal og vurderast. For dette er kunnskapsgrunnlaget dårlegare enn for villrein, men sidan alle dei aktuelle tiltaka skal skje i nær tilknyting til eksisterande bygningar er det nærliggjande å tru at det er mindre sannsynleg å påverka nye lokalitetar med viktig naturmangfald. Når tilsynsutvalet handsamar saker etter dei einskilde vernereglane gjev formålsparagrafen i verneforskrifta den overordna føringa for vurderingane som skal leggjast til grunn for vedtaka (jf. 2 i verneforskrifta). Nedanfor er kvart byggjetiltak omtalt. I vedlegget er det utskrift frå delar av Maarfjell Sameige sin driftsplan, som er organisert med eit kapittel for kvar lokalitet der dei har bygningar. Det er og teke med Maarfjell Sameige sin oversikt over bygningar i nasjonalparken og ein oversikt over arealressursar som vert utnytta med utgangspunkt i bygningane. Vår omtale av kvart byggjetiltak må difor lesast saman med tilsvarande utdrag frå driftsplanen. Arealet av bygningane er målt som BYA. Vedtak om byggjeløyve etter plan- og bygningslova vert automatisk gyldige i 3 år, dersom det ikkje er starta arbeid. Det gjeld ikkje tilsvarande for vedtak fatta i medhald av vernereglane for nasjonalparken, difor er det aktuelt å ta inn ein avgrensing som ein del av vedtaket. Maarfjell Sameige legg opp til at driftsplanen deira skal gjelda fram til 2031. I offentlege planar legg ein vanlegvis opp til rullering etter stuttare tid. Forvaltingsplanen for nasjonalparken skal truleg reviderast om nokre få år. Om vedtaka vi gjer no vert gjeldande i t.d. 5 eller 7 år er det relativt enkelt å fornya dei att då. I alle høve kan det vera uheldig om tiltak vert utført mange år etter at det vart gjeve løyve. Nytt uthus ved Fjellsjå Eksisterande uthus ved Sandvasslega er tenkt flytta til driftsbygningen ved Fjellsjå. Dette må sakshandsamast som eit nytt tiltak ved Fjellsjå. Hovudbygget ved Fjellsjå vart reist som nybygg i 2013 på ein lokalitert der det i nokre år hadde vore meir og mindre permanent lavo-leir. Fylkesmannen i Telemark gav løyve etter pkt. 4.1.3e i vernereglane og bygget skal vera kombinert naust og driftshusvære med 4 sengeplassar og rom for uthusfunksjonar. (kopi av fylkesmannen sitt vedtak er lagt ved). Utvendig framstår bygningen som ei vanleg isolert hytte på 35 m 2, med ståande kledning. Det er søkt om å setja opp eit lafta uthus på omlag 7 m 2,slik at samla grunnflate for bygningane vert 42 m 2. Ressursgrunnlaget som vert utnytta frå dette husværet utgjer totalt 19.178 daa fjell og vatn. Vurdering: Tilsynsutvalet må handsama søknaden etter pkt. 4.1.3b. i vernereglane, mindre tilbygg (jf. kapittel 5.12 i forvaltingsplanen). I byggjeløyva som vart gjeve i 2011 var det ein føresetnad at driftshusværet på 35 m 2 og skulle dekkja uthusfunksjonar. Er behovet endra etter den tid, slik at det bør gjevast løyve til eit frittståande uthus i tillegg? Det er ikkje gjort greie for dette i søknaden. Forslag til vedtak: Med heimel i pkt. 4.1.3b i verneforskrifta for nasjonalparken på Hardangervidda vert det gjeve løyve til å byggja separat uthus på inntil 7 m 2. Uthuset skal plasserast 15 50 m frå eksisterande bygning ved Fjellsjåen, på den sida som vender bort frå - 3 -
vatnet. Uthuset skal byggjast i lafta tømmer med torvtak som vist i Maarfjell Sameige sin driftsplan for 2019-2030. Uthuset skal og innehalda do, slik at det berre vert 2 bygningar på plassen. Det skal ikkje installerast pipe eller ovn og det må ikkje tilretteleggjast for overnatting. Løyvet vert gjeve for 5 år, dvs. innan 01.05.24 må arbeidet vera stara opp. Når bygget er ferding skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige be om ny vurdering av søknaden. Alternativt forslag til vedtak: Med heimel i pkt. 4.1.3b i verneforskrifta for nasjonalparken på Hardangervidda vert det gjeve avslag på å byggja separat uthus på inntil 7 m 2. Ein vurderar det slik at eksisterande driftsbygning dekkjer behovet både for overnatting og uthusfunksjonar. Handsaming i møtet: Forslag til vedtak vart sett opp mot alternativt vedtak. I alternativt vedtak vart heimel endra frå 4.1.3b til 4.1.1 Alternativt vedtak vart vedteke samrøystes. Vedtak: Med heimel i pkt. 4.1.1 i verneforskrifta for nasjonalparken på Hardangervidda vert det gjeve avslag på å byggja separat uthus på inntil 7 m 2. Ein vurderar det slik at eksisterande driftsbygning dekkjer behovet både for overnatting og uthusfunksjonar. Nytt uthus ved Tjønndalsbu. Steinbua vart restaurert og noko utvida i 2011. I 2006 vart det reist eit lafta uthus på ca 7 m 2. I 2015 gav tilsynsutvalet løyve til at uthuset kan ha omn og senger, men at det framleis og skal fungera som uthus. Overnattingskapasiteten i Tjønndalen må seiast å vera er relativt liten. Dei søkjer no om å byggja eit nytt uthus på 5,6 m 2 som skal innehalda do og vaskerom. Det vert då til saman 3 små bygningar. Ressursgrunnlaget er 12.717 daa. Vurdering: Tilsynsutvalet må handsama søknaden etter pkt. 4.1.3b. i vernereglane, mindre tilbygg (jf. kapittel 5.12 i forvaltingsplanen). Med utgangspunkt i vedtaket i 2015, der tilsynsutvalet opna for at eksisterande uthus kan ha omn og senger, men framleis skal fungera som uthus, er det no naturleg å definera denne bygningen som eit husvære for opphald og overnatting (jf. 4.1.3a i vernereglane og kapittel 5.12 i forvaltingsplanen). Samstundes er det naturleg å gje løyve til å byggja ein ny bygning på 5,6 m 2, slik det er søkt om no, fordi det er lite bygningar på Tjønndals-terrenget. Denne bygningen bør då få status nytt uthus. Tilsynsutvalet kan gje løyve til å byggja uthus med grunnflate inntil 10 m 2. Forslag til vedtak: Med heimel i pkt. 4.1.3b i vernereglane for nasjonalparken på Hardangervidda vert det gjeve løyve til å byggja separat uthus på inntil 5,6 m 2. Uthuset skal plasserast 15 50 m frå steinbua i Tjønndalen. Uthuset skal og innehalda do, slik at det berre vert 3 bygningar på plassen. Det skal ikkje installerast pipe eller omn og det må ikkje tilretteleggjast for overnatting. Løyvet vert gjeve for 5 år, dvs. innan 01.05.24 må arbeidet vera starta opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige be om ny vurdering av søknaden. Bygningen på 7 m 2 i lafta tømmer, som har vore uthus vert no vedteken endra til bygning til opphald og overnatting (jf. Pkt 4.1.3a i vernereglane) Handsaming i møtet: Det vart sett fram forslag om å endra forslaget slik at nytt uthus kan byggjast på inntil 7,0 m 2 og at siste setning vert teken ut. Dette forslaget vart vedteke samrøystes. Vedtak: Med heimel i pkt. 4.1.3b i vernereglane for nasjonalparken på Hardangervidda vert det gjeve løyve til å byggja separat uthus på inntil 7,0 m 2. Uthuset skal plasserast 15-4 -
50 m frå steinbua i Tjønndalen. Uthuset skal og innehalda do, slik at det berre vert 3 bygningar på plassen. Det skal ikkje installerast pipe eller omn og det må ikkje tilretteleggjast for overnatting. Løyvet vert gjeve for 5 år, dvs. innan 01.05.24 må arbeidet vera starta opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige be om ny vurdering av søknaden. Riving, oppbygging og utviding av Skvettehytta. Eksisterande hytte er bygd i 1934 og har ei areal på 37,9 m 2. Søknaden gjeld riving av ein bygningsdel på 11 m 2 del som har uthusfunksjon og å byggja eit nytt tilbygg på 16,5 m 2 med 2 nye soverom. Saman med uthuset på ca 6 m 2 vert samla areal då ca 50 m 2, pluss ein gamal utedo. Under synfaring på staden i 2017 kunne ein sjå at hytta inneheld ei gamal tømre som kanskje kan vera frå før 1934. Denne inngår ikkje i den delen av bygningen som er tenkt riven. Ressursgrunnlag 21.758 daa. Vurdering: Tilsynsutvalet må handsama søknaden etter pkt. 4.1.3 bokstavpunkt a, b og c. i vernereglane, som gjeld ombygging, mindre tilbygg og riving og oppatt-bygging (jf. kapittel 5.12 i forvaltingsplanen). Skvettehytta er prega av at det er ein relativt gammal bygning med grunnleggjande behov for vedlikehald. Rive delar av hytta og erstatta dette med nytt tilbygg synest å vera ein god løysing. Vurderinga vil gjelda storleik. Norma i forvaltingsplanen for nasjonalparken er 45 m 2 for husvære og uthus samla. Etter rehabilitering vert arealet auka med 5,5 m 2 i høve til den gamle hytta og uthus-areal vert endra til husvære slik at overnattingskapasiteten vert auka. Søknaden gjer ikkje greie for at det er behov for større grunnflate enn det som er norma i nasjonalparken. Forslag til vedtak: Med heimel i pkt. 4.1.3, bokstavpunkt a,b og c i vernereglane for nasjonalparken på Hardangervidda vert det gjeve løyve til å riva 11 m 2 av Skvettehytta og til vederlag føra opp eit nytt tilbygg på 16,5 m 2. Heile hytta skal få ny ståande kledning og bygningsarbeidet skal utførast i samsvar med skisse i driftsplanen datert 10.07.18. Løyvet vert gjeve for 5 år, dvs. innan 01.05.24 må arbeidet vera starta opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige få ny vurdering av søknaden. Alternativt forslag til vedtak: Redusera grunnflata av nytt tilbygg til 11 m 2, slik at bygningen får same storleik som no. Elles som i «Forslag til vedtak:». Handsaming i møtet: Det vart sett fram forslag om at det skal setjast som vilkår at det vert lagt nytt tak på heile hytta. Alternativt forslag med tilleggsforslag vart vedteke samrøystes. Vedtak: Med heimel i pkt. 4.1.3, bokstavpunkt a og c i vernereglane for nasjonalparken på Hardangervidda vert det gjeve løyve til å riva 11 m 2 av Skvettehytta og føra opp eit nytt tilbygg på 11,0 m 2. Det vert gjeve avslag på søknad om å utvida hytta med 5 m 2 (jf. pkt. 4.1.1 i vernereglane). Heile hytta skal få ny ståande kledning og bygningsarbeidet skal utførast i samsvar med skisse i drifsplanen datert 10.07.18. Det vert sett som vilkår at det vert lagt nytt tak på heile hytta. Løyvet vert gjeve for 5 år, dvs. innan 01.05.24 må arbeidet vera starta opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige få ny vurdering av søknaden. - 5 -
Utviding av båthuset ved Sletteid Ved Sletteid er det i dag totalt 4 bygningar: Hytte 45 m 2, steinbu 26,5 m 2, uthus 13,2 m 2 og båthus 9 m 2. Tilsaman utgjer dette 93,7 m 2. Maarfjell Sameige ynskjer å riva båthuset og erstatta det med eit nytt på 15 m 2. Samla bygningsareal vert då ca 100 m 2. Ressursgrunnlaget er 24.600 daa. Vurdering: Tilsynsutvalet må handsama søknaden etter pkt. 4.1.3 bokstavpunkt b og c. i vernereglane, som gjeld mindre tilbygg og riving og oppatt-bygging (jf. kapittel 5.12 i forvaltingsplanen). Tidlegare gjennomgang har vist at det er meir enn 30 lokalitetar i nasjonalparken i Telemark, der det ligg båtar. Dei aller fleste båtar er lagde opp utan båthus. Forslag til vedtak: Med heimel i pkt. 4.1.3, bokstavpunkt b og c i vernereglane for nasjonalparken på Hardangervidda vert det gjeve løyve til å riva båthus på 9 m 2 ved Sletteid og føra opp eit nytt båthus på same tomt på 10 m 2. Båthuset skal ha mønehøgde på maksimum 190 cm, omlag 30 graders takvinkel og elles vera utforma i samsvar med skisse datert 10.07.18, vist i driftsplan for 2010 2031, så langt dette passar for eit lågare bygg. Det vert ikkje gjeve løyve til å byggja større båthus fordi det står eit relativ stort uthus ved Sletteid, slik at behovet for lagerplass er dekka. Fordi formålet med eit båthus er å ta vare på ein båt kan båthus vera låge, slik at dei vert lite dominerande i landskapet. Løyvet vert gjeve for 5 år, dvs. innan 01.05.24 må arbeidet vera starta opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige be om ny vurdering av søknaden. Alternativt forslag til vedtak: Auka grunnflata av nytt båthus til 15 m 2, elles som «Forslag til vedtak». Handsaming i møte: Det vart sett fram forslag om at nytt båthus skal ha same grunnflate som det som skal rivast (9 m 2 ). Forslaget til vedtak med endringsforslag var samrøystes vedteke. Vedtak: Med heimel i pkt. 4.1.3, bokstavpunkt c i vernereglane for nasjonalparken på Hardangervidda vert det gjeve løyve til å riva båthus på 9 m 2 ved Sletteid og føra opp eit nytt båthus på same tomt på 9 m 2. Båthuset skal ha mønehøgde på maksimum 190 cm, omlag 30 graders takvinkel og elles vera utforma i samsvar med skisse datert 10.07.18, vist i driftsplan for 2010 2031, så langt dette passar for eit lågare bygg. Det vert ikkje gjeve løyve til å byggja større båthus fordi det står eit relativ stort uthus ved Sletteid, slik at behovet for lagerplass er dekka (jf. pkt 4.1.1 i vernereglane). Fordi formålet med eit båthus er å ta vare på ein båt kan båthus vera låge, slik at dei vert lite dominerande i landskapet. Løyvet vert gjeve for 5 år, dvs. innan 01.05.24 må arbeidet vera starta opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige be om ny vurdering av søknaden. Ny utedo ved Slettedalsbu I Slettedalen er det ei steinbu bygd 1905-07 på 15,9 m 2 og eit lafta uthus frå 2007 på 7 m 2. Maarfjell Sameige vil no i tillegg byggja ein separat utedo på 2,3 m 2. Om tiltaket vert gjennomført vert samla grunnflate 25,2 m 2, fordelt på 3 bygningar. Ressursgrunnlaget er 17.610 daa. - 6 -
Vurdering: Tilsynsutvalet må handsama søknaden etter pkt. 4.1.3b. i vernereglane, mindre tilbygg (jf. kapittel 5.12 i forvaltingsplanen). Forvaltingsplanen sine retningsliner for byggjeverksemd legg opp til at uthusfunksjonar skal løysast ved tilbygg. Utedoar bør difor vera i same bygg som uthuset. Separate utedoar gjev normalt ein dårlegare estetisk løysing. Fordi øvrige bygningar er svært små kan det vera nyttig å få opp ein separat utedo ved Slettedalsbu. Forslag til vedtak: Med heimel i pkt. 4.1.3b i verneforskrifta for nasjonalparken på Hardangervidda vert det gjeve løyve til å byggja separat utedo på 2,3 m 2 ved Slettedalsbu. Doen skal plasserast 15 50 m frå eksisterande bygningar. Doen skal utformast i samsvar med skisse datert 10.07.18 i Maarfjell Sameige sin driftsplan for 2020 2031. Løyvet vert gjeve for 5 år, dvs. innan 01.05.24 må arbeidet vera starta opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige bed om ny vurdering av søknaden. Handsaming i møte: Forslag til vedtak vart samrøystes vedteke. Vedtak: Med heimel i pkt. 4.1.3b i verneforskrifta for nasjonalparken på Hardangervidda vert det gjeve løyve til å byggja separat utedo på 2,3 m 2 ved Slettedalsbu. Doen skal plasserast 15 50 m frå eksisterande bygningar. Den skal utformast i samsvar med skisse datert 10.07.18 i Maarfjell Sameige sin driftsplan for 2020 2031. Løyvet vert gjeve for 5 år, dvs. innan 01.05.24 må arbeidet vera stara opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige bed om ny vurdering av søknaden. Ny utedo ved Viuvatn Ved Viuvatn er det ei lafta hytte bygd i 1923 på 12,2 m 2 og eit uthus frå 2006 på 7 m 2. Det vert søkt om å byggja ein separat utedo på 2,3 m 2. Om tiltaket vert gjennomført vert samla grunnflate 21,5 m 2, fordelt på 3 bygningar. Ressursgrunnlag 20.800 daa. Vurdering: Tilsynsutvalet må handsama søknaden etter pkt. 4.1.3b. i vernereglane, mindre tilbygg (jf. kapittel 5.12 i forvaltingsplanen). Forvaltingsplanen sine retningsliner for byggjeverksemd legg opp til at uthusfunksjonar skal løysast ved tilbygg. Utedoar bør difor vera i same bygg som uthuset. Separate utedoar gjev normalt ein dårlegare estetisk løysing. Fordi øvrige bygningar er svært små kan det vera nyttig å få opp ein separat utedo ved Viuvatn. Det er frå før gjeve løyve til å byggja ny hytte ved Viuvatn. Dersom dette vert realisert vert grunnlaget for desse vurderingane endra. Forslag til vedtak: Med heimel i pkt. 4.1.3b i verneforskrifta for nasjonalparken på Hardangervidda vert det gjeve løyve til å byggja separat utedo på 2,3 m 2 ved Viuvatn. Doen skal plasserast 15 50 m frå eksisterande bygningar, i retning vekk frå Viuvatn. Doen skal utformast i samsvar med skisse datert 10.07.18 i Maarfjell Sameige sin driftsplan for 2020 2031. Løyvet vert gjeve for 5 år, dvs. innan 01.05.24 må arbeidet vera stara opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige få ny vurdering av søknaden. Handsaming i møte: Det vart sett fram forslag om å endra vedtaket frå å byggja separat utedo til å byggja doen som eit 1,5 m langt tilbygg til eine gavlveggen på eksisterande uthus. Grunngjevinga er at når den nye hytta vert bygd, vil det verta til saman 4 bygningar på plassen, noko som gjev dårleg tilpassing til landskapet. Forslaget med endringsforslag vart vedteke med 3 mot 2 røyster. - 7 -
Vedtak: Med heimel i pkt. 4.1.3b i verneforskrifta for nasjonalparken på Hardangervidda vert det gjeve løyve til å byggja do som eit tilbygg på 1,5 m til eine gavlveggen på eksisterande uthus ved Viuvatn. Tilbygget skal tilpassast uthuset som står der frå før. Løyvet vert gjeve for 5 år, dvs. innan 01.05.24 må arbeidet vera stara opp. Når bygget er ferdig skal det sendast biletdokumentasjon og tilsynsutvalet vil gjennomføra synfaring på staden. Dersom arbeidet ikkje er sett i gang innan fristen kan Maarfjell Sameige få ny vurdering av søknaden. -------------------- I samsvar med reglane i 28 i forvaltingslova kan kvar av desse 6 vedtaka påklagast innan ein frist på 3 veker frå dette brevet vart motteke. Det er Miljødirektoratet som er klageinstans og klage skal stilast dit, men skal sendast til tilsynsutvalet som vurderer saka på nytt før oversending for endeleg handsaming av klaga. Klage må framsetjast skriftleg og må grunngjevast. Med helsing Bjørn Arne Lindskog (sign.) Leiar Bjørn Bjørnsen Sekretær Kopi til: Fylkesmannen i Telemark Postboks 2603, 3708 Skien Tinn kommune Pb. 14, 3661 Rjukan Vinje kommune Vinjevegen 192, 3890 Vinje - 8 -