Det er sett vilkår til løyve.

Transkript

1 Vår dato: Vår ref: /2142 Dykkar dato: Dykkar ref: Odda fjellstyre Saksbehandlar, innvalstelefon Øistein Aasland, Løyve til oppføring av nytt uthus med toalett på gnr. 155, bnr. 1 Bjørnavassbu ved Nedsta Bjørnavatn i Ullensvang herad innanfor Hardangervidda nasjonalpark. Søkjar: Odda fjellstyre Fylkesmannen gjev Odda fjellstyre løyve til oppføring av nytt uthus med toalett ved fjellstyrehytta Bjørnavassbu ved Nedsta Bjørnavatn i Ullensvang herad på gnr. 155, bnr. 1 etter verneforskrifta for Hardangervidda nasjonalpark. Det er sett vilkår til løyve. Vi viser til søknaden om tiltak, datert den 4. juni Viser og til oversendingsbrev frå Ullensvang herad datert den 27. november 2018, og e-post frå Odda fjellstyre v/john Helge Rasmussen sendt den 27. mars 2019 med tilleggsopplysningar. Det kom inn ny reviderte teikningar, datert 18. mars 2019, og kart. Fylkesmannen fekk denne reviderte søknaden oversendt frå Ullensvang herad den 27. mai Det er og utført synfaring på staden den 28. september 2018, Ullensvang herad, Tilsynsutvalet i Hordaland, Hordaland fylkeskommune og Fylkesmannen i Hordaland var representert. Vi så på plasseringa av det omsøkte uthuset. Vi viser elles til saksdokumenta. Bakgrunn for søknaden Odda fjellstyre har ei hytta på gnr. 155, bnr. 1 ved Nedsta Bjørnavatn i Ullensvang statsallmenning. Hytta inneheld 2 rom med totalt 8 sengeplassar og ein naustdel. Det er til tider full utnytting av overnattingskapasiteten. Hytta er dei siste åra oppgradert innvendig med m.a. nytt kjøkken, som har gitt utslag i fleire søknader om leige av hytta (noko som er heilt i tråd med Fjellstyret si målsetting). Hytta har i dag kaggedo i eit eige lite rom inne i sjølve hytta. Fjellstyret ynskjer difor nå å få flytte toalett og lagring av til dømes propan ut i eit eiget, separat bygg. Vår vurdering E-postadresse: fmvlpost@fylkesmannen.no Sikker melding: Postadresse: Njøsavegen Leikanger Besøksadresse: Njøsavegen 2, Leikanger Statens hus, Kaigaten 9, Bergen Fjellvegen 11, Førde Telefon: Org.nr

2 Side: 2/5 Fylkesmannen viser til verneforskrifta og til Forvaltningsplanen for Hardangervidda nasjonalpark (godkjent i 2011). Det er pkt e. i verneforskrifta; Nybygg og større tilbygg til eksisterande bygningar. som vert nytta som heimelsgrunnlag for denne vurderinga. «Forvaltningstyresmakta kan gje løyve til nybygg eller større tilbygg i særskilde tilfelle i samband med landbruksutnytting, utnytting av statsallmenning eller drift av turisthytte. Ved oppføring av ny bygning i tilknyting til eksisterande bygning(ar) skal ein sjå til at det blir ein god balanse mellom estetiske verdiar og dei føremål nybygget skal tene, t.d. eventuell sikringsfunksjon.» Fylkesmannen er samd i at dagens toalettløysing for fjellstyrehytta Bjørnavassbu ikkje er tilfredsstillande. Dagens kaggedo innandørs i hytta er ikkje ein god løysing. Vi meiner difor at det er greitt at eit nytt uthusbygg med toalett kan setjast opp på ein snøfri stad. Det er og viktig at det nye bygget kan ha funksjon som lager for ved, propan, boss og anna utstyr. Det vart sett på fleire alternative plassar å plassere det nye uthusbygget på, men vi kom fram til at den plassen som Fjellstyret føreslo i søknaden er ein god stad å sette opp bygget på. Her er alle omsyn tatt inn i høve til snøtilhøve, avrenning, avstand til hovudhytta og til landskapstilpassing. Flyfoto med plassering av nytt uthus, datert 22. mars 2019 Saka har vært på høyring hos Tilsynsutvalet i Hordaland. Dei handsama saka i møte den 6. des. 2018, og kom med fylgjande tilråding i sak 32/2018: «Samrøystes tilråding til Fylkesmannen i Hordaland: Tilsynsutvalet i Hordaland rår til at Odda fjellstyre får setje opp nytt uthus/do ved Bjørnavassbu ved Nedre Bjørnavatnet som omsøkt. Takvinkel på bygget bør vera lik hovudhytta, og det skal vera same type tak eller tretak. Plassering av bygget bør vera omtrent som ynskt, men nett på nordaustsida av berget. Det skal tilstrebast å leggje bygget så lågt som mogeleg i terrenget.» Hordaland fylkeskommune har i brev, datert 3. mai 2019 kommentert denne saka på fylgjande måte; «Kulturminnefagleg vurdering Det omsøkte uthuset har fått ei god og nøktern hovudform. Det er antyda ein kombinasjon av ringmur ved toalettrommet og pælefundamentering i vestgavlen. Det er avgjerande at det vert høgde nok for eit toalettkammer utan at bygningen ruver for mykje i terrenget. Berande konstruksjon i veggar, tak og bjelkelag verkar underdimensjonerte på teikningane (dei er ikkje målsette). Plass for kledning, sutak, lufting og taktekking er ikkje teikna inn på plan og snitt. Det er oppgjeve i søknaden at kledningen skal vere den same både i dimensjon og farge som hovudhuset, mens desse på teikningane er vist smalare. Dette bør rettast opp på arbeidsteikningar.

3 Side: 3/5 Det eine vindauget i toalettrommet kan med fordel takast vekk, for å dempe fjernverknaden. Gavlvindauget i austfasaden bør gjerast mindre; 690x690 mm bør vere tilstrekkeleg, jf. Rettleiar for byggesaker i verneområde på Hardangervidda. Sprosser bør vere gjennomgåande og smale, med enkelt glas i ytste del av karm/ramme. Takutstikket i gavlane bør reduserast til maksimalt 10 cm, i tråd med vestlandsk byggeskikk. Konklusjon Med dei nemnde justeringane av prosjektet ser Fylkeskonservatoren positivt på tiltaket.» Villreinnemnda for Hardangerviddaområdet har og hatt saka til høyring frå Ullensvang herad. Fylkesmannen har ikkje mottatt nokon uttale til denne saka frå Villreinnemnda. Fylkesmannen kan ikkje sjå å ha mottatt noko skriv frå Statskog SF, men sidan det er Odda fjellstyre som er søkjar og tiltakshavar reknar vi med at dei, som grunneigar, har gitt løyve det omsøkte tiltaket. Det var som nemnd ein synfaring den 28. september 2018, der Ullensvang herad, Tilsynsutvalet i Hordaland, Hordaland fylkeskommune og Fylkesmannen i Hordaland var representert. Vi så på plasseringa av det omsøkte uthuset med toalett. Søknaden om oppføring av nytt uthusbygg med toalett ved Bjørnavassbu ved Nedsta Bjørnavatn i Ullensvang statsallmenning er og vurdert etter naturmangfaldlova kunnskapsgrunnlag: Fylkesmannen meiner vi har eit godt kunnskapsgrunnlag i denne søknaden. Vi har vore på staden der vi har sett på plassering for det omsøkte bygget. Nedsta Bjørnevatn ligg i teig 3. Denne sona skal oppretthaldast som eit relativt urørt naturområde utan tyngre tekniske inngrep. Det skal takast omsyn til villreinen sin bruk av området i sommarsesongen. Oppføring av eit nytt uthusbygg med toalett ved Bjørnavassbu vil etter vår meining ikkje få nokon innverknad på villreinen sin bruk av området. Dei landskapsmessige verknadane vert små. 9 føre-var-prinsippet: Slik vi ser det vil det ikkje være fare for at det planlagde uthuset med toalett vil ha ukjende, store negative konsekvensar for verneverdiane. 10 økosystemtilnærming og samla belastning: Vi kan ikkje sjå at det omsøkte tiltaket vil auke den samla belastninga for området i nokon grad. 11 kostnadene ved miljøforringing skal berast av tiltakshavar: Vi ser ikkje at det er relevant å vurdere dette, då det ikkje er stor fare for miljøforringing ved gjennomføring av tiltaket. 12 miljøforsvarlege teknikkar og driftsmetode: Byggjeavfall må handterast på ein forsvarleg måte. Det nye bygget må plasserast på den staden det er planlagt og leggjast så lågt som rå i terrenget. Utover dette har vi ingen merknader til dette punktet. Det er viktig at tiltakshavar planlegg anleggsperioden og transporten slik at verknaden av arbeidet og transporten vert så liten og kortvarig som mogleg. Motorferdsle i samband med transport av byggemateriale må avklarast med Tilsynsutvalet i Hordaland. Vedtak Fylkesmannen i Vestland gjev Odda fjellstyre løyve til oppføring av nytt uthus med toalett ved fjellstyrehytta Bjørnavassbu ved Nedsta Bjørnavatn i Ullensvang herad på gnr. 155, bnr. 1 etter verneforskrifta for Hardangervidda nasjonalpark. Løyvet er gjeve med heimel i verneforskrifta for Hardangervidda nasjonalpark pkt e. Nybygg og større tilbygg til eksisterande bygningar.

4 Side: 4/5 Det vert sett følgjande vilkår til løyvet: Bygget skal plasserast på den staden som vart avklart under synfaring den 28. september 2018, og i revidert søknad sendt den 27. mars (sjå flyfoto med plassering av nytt uthus, datert 22. mars 2019). Fintilpassing til terrenget må gjerast på staden, slik at fundamenta ikkje vert høgare enn naudsynt, og at toalettkammeret kan tømmast på ein praktisk måte. Bygget skal byggjast etter dei teikningane som fylgjer den reviderte søknaden, sendt den 27. mars Teikningane er datert 18.mars Det skal ha ein maks storleik på 2,55 x 3,9 meter, dvs. under 10 m². Det skal nyttast liggjande, kanta kledning, som skal målast eller beisast i same farge som fjellstyrehytta. Dør, vindauge, vindskier, hjørnebord og omramming bør ha same farge som resten av kledninga. Grunnmuren skal vera lågast mogeleg, dvs. at avstanden frå bakken og opp til kledning på uthuset ikkje bør overstiga 30 cm. Uthuset/doen er tenkt oppført på søyler, slik som fjellstyrehytta. Det bør då forblendast med naturstein mellom søylene. Det kan nyttast kopla vindauge med gjennomgåande sprosser i ytre glas. Det skal ikkje nyttast plastmaterial i ytterdør eller vindauge. Uthuset skal ha takpapp, shingel eller treverk som taktekke. Takutstikk skal vera så små som mogleg. Takvinkelen skal samstemmast mot takvinkelen på fjellstyrehytta. Innvendig høgde (frå golv og opp til raftet) skal ikkje vera høgare enn 200 cm. Reint trevirke kan kappast opp og brukast som ved. Anna bygningsavfall må leverast til godkjent mottak. Dersom det oppstår uventa problem under byggeprosessen, så skal det takast kontakt med forvaltninga. Fylkesmannen skal ha melding så snart byggearbeidet er ferdig, slik at forvaltninga kan foreta ein kontroll om bygget er i tråd med løyve. Byggjearbeid skal vere avslutta og plassen rydda innan 1. oktober Vedtaket kan påklagast til Miljødirektoratet av part i saka eller andre med rettsleg klageinteresse, jf. forvaltningslova 28. Klagefrist er 3 veker etter at ein er kjent med vedtaket. Klage skal stilast til Miljødirektoratet, men skal sendast til Fylkesmannen i Vestland. Med helsing Stein Byrkjeland (e.f) fagdirektør Øistein Aasland seniorrådgjevar Dokumentet er elektronisk godkjent Kopi til: Ullensvang herad Statskog SF

5 Side: 5/5 Tilsynsutvalet i Hordaland Villreinnemnda for Hardangerviddaområdet Hordaland fylkeskommune SNO-Rødberg SNO-Rosendal Miljødirektoratet Mottakerliste: