MINDRE REGULERINGSENDRING

Transkript

1 MINDRE REGULERINGSENDRING For Leirvik del V, Lønningsåsen, gnr/bnr 38/257 m.fl. PlanID: Gnr/bnr. 38/257 m.fl. Stord kommune

2 Mindre reguleringsendring av detaljreguleringsplan for Leirvik del V, Lønningsåsen Nasjonal arealplanid R Det vert her søkt om ei mindre reguleringsendring av detaljreguleringsplan for Leirvik del V, Lønningsåsen, Nasjonal arealplanid R Reguleringsplanendringa har bakgrunn i ønske om å utvikle området til bustadar og leikeplass, i samsvar med ny plan- og bygningslov. Utviklinga av tomtane er i tråd med nye retningslinjer for utbygging og fortetting av eksisterande areal for bustader i sentrumsnære strok og Statlige planretningslinjer for samordnet bolig-, areal- og transportplanlegging. Endringane som er fremja her gjeld eigedomane gnr/bnr. 38/257 og del av 41/98, 38/187 og 38/210, og utgjer til saman 3,3 daa. Aktuelt område er synt i figur under. Det kom inn to merknadar til nabovarsel om tiltaket, som sidan er trekte tilbake etter at tiltakshavar gjorde endringar i framlegget for å imøtekome merknadane. Resterande heimelshavarar i området, langs heile tilkomstvegen, har skriftleg samtykka til tiltaket og stiller seg positive til tiltaket. Figur 1 Aktuelt område Planstatus Kommuneplanens arealdel I kommuneplanens arealdel er arealet avsett til at gjeldande reguleringsplan framleis skal gjelde. Det er to omsynssoner innanfor det aktuelle arealet; Omsynssone H220 Støy (Europaveg og fylkesveg Gul støysone) og omsynssone H710 Ny E39 Heiane Vestlivegen (Bandlegging for regulering etter PBL framtidig). Innanfor sistnemnde omsynssone kan det ikkje setjast i gang tiltak som kan gjera gjennomføring av planarbeidet vanskeleg. Planstatus reguleringsplan Gjeldande plan trådde i kraft Planen omfattar m.a. område for einebustadar, konsentrert busetnad, offentlege bygg, område for kjøretrafikk, friområde (park, leikeareal) og andre bestemmelser om felles areal (tun), sandkasse (s.k.) leik. Planen er ca. 818 daa.

3 Eigedom 38/257 er i gjeldande reguleringsplan avsett til område for einebustader U- MAX 0,15, med andre bestemmelser: fellesareal leik, sandkasse (S.K). Aktuell del av gnr/bnr. 41/98, 38/187 og 38/210 er avsett til park, leikeareal. Sjå utsnitt av gjeldande reguleringsplan. Figur 2 Utsnitt - gjeldande reguleringsplan Andre verdiar i området I planområdet er det per mai 2017 ikkje nokon registrerte kulturminneverdiar (automatisk freda kulturminne, SEFRAK-registrerte bygningar) eller biologisk mangfald (ingen oppføringar av utvalde naturtypar eller prioriterte artar etter naturmangfaldlova, ingen artar vurderte i Norsk rødliste for arter 2015 eller naturtypelokalitetar etter Miljødirektoratet si handbok 13). Det er heller ingen verneområde innanfor, eller i nærleiken av, planområdet. Det er vidare ingen registrerte friluftsområde på arealet. Landåsen ligg like i nærleiken. Arealet ligg på ein bakketopp, skrånande ned i terrenget. Terrenget heller mot vest, og vegetasjonen består av furutrær, blåbærlyng og småkratt.

4 Prosess Tiltaket vart varsla rettmessige naboar per brev den , og innan merknadsfristen var det komen inn to merknadar. Éin i frå Aud Litlabø og Arve Havnerås dagsett og èin i frå Eva K. Litlabø og Øystein Sørlie dagsett Merknadane gjekk i all hovudsak på bygningshøgde, felles parkeringsplass og storleik på leikeareal. Tiltakshavar endra planframlegget for å imøtekome merknadane, og Litlabø/Havnerås og Litlabø/Sørlie har sidan trekt tilbake merknadane sine til tiltaket. Resterande heimelshavarar i området, langs heile tilkomstvegen, har skriftleg samtykka til tiltaket og stiller seg positive. Forslag til endring av reguleringsplan Nytt plankart og føresegner er datert Arealet utgjer 3,3 daa. Planen er avsett til fylgjande planformål, i samsvar med plan- og bygningslova 12-5 og 12-6: Bygningar og anlegg, jf. pbl nr. 1: Bustader (1110) 1,99 daa Leikeplass (1610) 1,0 daa Samferdselsanlegg og teknisk infrastruktur, jf. pbl. 12-5, nr. 2: Veg (2010) felles 0,23 daa Grøntstruktur, jf. pbl. 12-5, nr. 3: Turveg (3031) 0,04 daa Omsynssone, jf. pbl. 12-6: H140 Frisiktsone H220_1 Omsynssone støy 1,9 daa

5 Figur 3 Utsnitt forslag til reguleringsplanendring

6 Endringar i føresegner Føresegnene til gjeldande reguleringsplan er i frå 1982, og i kommuneplanen sine føresegner (vedtekne av kommunestyret ) er det oppført at planen har endra føresegner. Vidare har kommuneplanen føresegner knytt til eksisterande reguleringsplanar: Ved fortetting, påbygg, tilbygg og bygging av garasjar på eksisterande bustadtomtar innanfor område som er omfatta av reguleringsplanar som framleis skal gjelda vert fastsett grad av utnytting i desse reguleringsplanane endra til prosent bygd areal maks 30% BYA og maks bygd areal på garasje til maks 50 m² -BYA. Ved fortetting i desse områda gjeld elles kommuneplanen sine føresegner. I lista over reguleringsplanar som framleis skal gjelda er desse reguleringsplanane merka særskilt. (pbl 11-9 nr.5) Vidare innehar kommuneplanen ei retningsline, som seier at kommuneplanen og føresegnene til denne gjeld likevel framfor eldre gjeldande reguleringsplanar og kommunedelplanar når desse er i strid med kommuneplanen og føresegnene til denne. Forslag til mindre reguleringsplanendring har dermed sett nokre nye krav i føresegnene, som reflekterer dagens standard og regelverk kva gjeld føringar for utbygging av området. Omtale av føreslegne endringar Heile planområdet er innanfor planområdet til gjeldande reguleringsplan. Forslag til reguleringsplanendring er utarbeidd etter ny plan- og bygningslov, som trådde i kraft 2009, og ny sosistandard (4.5). Dette gir nye arealføremål sett opp mot gjeldande reguleringsplan, som vart utarbeidd etter gamal plan- og bygningslov. Det er gjort følgjande endringar: 1. Endring av eigedomsgrenser Etter at gjeldande plan trådde i kraft i 1982 er eigedomsgrensene målt inn meir nøyaktig og justerte. Forslag til reguleringsendring har dermed lagt gjeldande eigedomsgrenser til grunn i fastsetting av arealføremålsgrensene. Vidare er gnr/bnr. 38/257 delt opp i fire eigedomar; tre nye bustadeigedomar i tillegg til 38/257. Nye eigedomsgrenser og grenser som skal opphevast går fram av plankartet. Det er vidare inngått avtale med Stord kommune, som eigar av gnr/bnr 41/98, om å kjøpe eit tilleggsareal på 199 m 2. Arealet er innlemma i denne planendringa og nye eigedomsgrenser er sett her. Vidare er det oppført ei leikehytte/uthus innanfor eigedomsgrensa til 38/257, og areal til denne skal høyre til eigedom gnr/bnr 38/279, som vist i plankartet (B2). 2. Endring av arealføremål Del av gnr/bnr 41/98, som det føreligg kjøpsavtale om, er i gjeldande reguleringsplan avsett til park, leikeareal. Dette arealet (0,2 daa) er i forslag til reguleringsendring avsett til einebustadar.

7 Vidare er del av gnr/bnr 41/98, 38/187 og 38/210 føreslått nytta til leikeplass. I gjeldande reguleringsplan er dette arealet sett av til park, leikeareal. Dette arealet er innlemma i planendringa for å stette minimumskravet til leikeplass på 1000 m 2, jf. føresegnene til Stord kommune sin kommuneplan. Stord kommune, som eigar av gnr/bnr 41/98, 38/187 og 38/210, har gjeve skriftleg samtykke til at areal på nemnde eigedommar kan nyttast til leikeplass. Eigedom 38/257 er i gjeldande reguleringsplan avsett til område for einebustader U- MAX 0,15, med andre bestemmelser: fellesareal leik, sandkasse (S.K). Bestemmelsesområdet utgjer 1,39 daa. Til samanlikning utgjer nytt areal til leikeplass 1 daa, og ny turveg utgjer 0,03 daa til saman 1,03 daa. Areal er her avsett til: - Einebustadar, med utnyttingsgrad maks 35 %-BYA. Generelt gir kommuneplanen ein utnyttingsgrad på maks 30 %-BYA for eldre reguleringsplanar, men då dette er sentrumsnært område er høgare utnytting i tråd med Statlige planretningslinjer for samordnet bolig-, areal- og transportplanlegging. Maks byggjehøgd er synt i plankart og i føresegner, og er høvesvis kote +75,6 for dei to nordlegaste tomtene og +77,5 for den sørlegaste tomta. Det er teke utgangspunkt i dagens terreng, som er høvesvis kote +68,6 og +70,5. - Leikeplass, som skal ta vare på eksisterande skog og vegetasjon, med innslag av naturlege leikeapparat - Turveg, jf. punkt 3 under - Veg, av standard A1 etter Statens Vegvesen si handbok N100, som sikrar tilkomst til eigedomane 3. Omlegging av eksisterande sti i området Det går ein sti over eigedomen mor aust, som ikkje syner i gjeldande reguleringsplan. Denne er flytta heilt aust i planområdet og avsett som turveg, med ei breidd på 1,5 meter. Dette for å sikre ålmenta sin tilgang til leikeplass og skog i området, samt snarveg mellom Lyhaugen og Bandadalen. 4. Støysone Kommuneplanen syner omsynssone H220 Støy på deler av arealet, som er vidareført i reguleringsplanen. Støysona er samanfallande med Statens vegvesen sitt støyvarselkart etter T-1442 i frå desember Dette er basert på trafikkprognosar for år 2025, med berekningshøgde 4 meter. Dette vil seie at årsdøgntrafikk, som er ei av dei viktigaste parametra i støyberekningsmodellen, er framskrivne (basert på prognosar) til oppgitt berekningsår. Innanfor gul støysone er det berekna Lden>55dB. Gul sone er ei vurderingssone, der busetnad med støyfølsamt bruksformål kan førast opp dersom avbøtande tiltak gir tilfredsstillande støyforhold. Støykilde støynivå Gul sone støynivå, lørdagar og søndagar/- støynivå i nattperioden Støysone støynivå Rød sone støynivå, lørdagar og støynivå i nattperioden kl.

8 helligdagar kl søndagar/ helligdagar Veg Lden 55 db L5AF 70 db Lden 65 db L5AF 85 Tabell 1 Kriterium for soneinndeling, T-1442 Støykilde T-1442/2016 kap. 3.3 inneheld anbefalte støygrenser ved planlegging av ny verksemd eller busetnad, sjå tabell nedanfor. Støynivå på uteoppholdsareal og utenfor vinduer til rom med støyfølsom bruksformål Støynivå utenfor soverom, natt kl Støynivå på uteoppholdsareal og utenfor rom med støyfølsom bruksformål, dag og kveld, kl 7-23 Støynivå på uteoppholdsareal og utenfor rom med støyfølsom bruksformål, lørdager Støynivå på uteoppholdsareal og utenfor rom med støyfølsom bruksformål, søndag/- helligdag Veg Lden 55 db L5AF 70 db - Tabell 2 Anbefalte støygrenser ved planlegging av ny støyande verksemd og bygging av boliger, sykehus, pleieinstitusjoner, fritidsboliger, skoler og barnehager. Kapittel 3 i T-1442/2016, som dekker reguleringsplan, krev at nye bustader bør oppfylle vilkåret om at støynivå på uteopphaldsareal og utanfor vindauga til rom med støyfølsamt bruksformål, ikkje overstig 55 db(a). Areal i gul støysone kan nyttast til støyfølsam busetnad dersom avbøtande tiltak gir tilfredsstillande støyforhold. Dette inneber blant anna at nye bueiningar bør ha ei stille side og tilgang til eigna uteopphaldsareal med tilfredsstillande støyforhold. Byggteknisk forskrift etter plan- og bygningsloven, gir funksjonskrav med omsyn til lyd og lydforhold i bygningar. I rettleiinga til forskrifta er det angitt at klasse C i Norsk Standard, (NS 8175) er tilstrekkeleg for å tilfredsstille forskrifta. Ved etablering av ny busetnad i støysonene anbefaler T-1442/2016 følgande: Gul sone er en vurderingssone hvor kommunene bør vise varsomhet med å tillate etablering av nye boliger, sykehus, pleieinstitusjoner, fritidsboliger, skoler og barnehager. Støysona går inn på areal som i reguleringsplanen er foreslått til leikeplass og bustader. Då sona er sett etter Statens vegvesen sine prognosar, er den ikkje nøyaktig. I tillegg til anbefalingar gjeve i T-1442, innehar byggteknisk forskrift (TEK10) krav om støy. Dette vil seie at det i forslag til reguleringsendring er sett krav om at det vert gjennomført støyreduserande tiltak i samband med byggjesøknad etter planen innanfor gul støysone. Konsekvensar av forslag til endring Forslag til endring av reguleringsplan er innanfor hovudtrekka i gjeldande reguleringsplan, der endringane i all hovudsak består av auka utnytting av området i samsvar med Statlige planretningslinjer for samordnet bolig-, areal- og transportplanlegging. Arealføremåla er følgjeleg justert grunna dette, men det er her tale om mindre justeringar. Byggjehøgd er sett etter plan- og bygningslova, i tråd med gjeldande byggjeskikk i området. I tillegg er det i føresegnene sett krav om at høgder på tomtene og plassering av bygg skal vere tilpassa naturleg terreng på tomt og i landskap.

9 Plankartet og føresegnene gir maksimal byggjehøgd for dei tre tomtene. Utvendig skal bygga ha naturfarge/jordfargar, medan det på listverk og karmtre kan nyttast kontrastfargar. Endringa vil føre til ei lita auke i trafikk, men auka er minimal. Vegen er i offentleg eige, og har vegstandard for bustadfelt, dimensjonert for trafikkmengda for arealføremålet. Leikeareal i gjeldande plan er ivareteke i forslag til endring av reguleringsplan, der leikeplassen stettar minimumskrav til storleik i kommuneplanen. Innanfor arealet er ingen registrerte kulturminneverdiar, biologisk mangfald, verneområde eller friluftsområde. ABO Plan & Arkitektur Stord AS, BVH Rev. RBO