Sakspapir. Saksnr Utvalg Type Dato 011/17 Formannskapet PS

Transkript

1 Sakspapir Saksbehandler Arkiv ArkivsakID Øyvind Tolleshaug Gbnr - 168/450 16/357 Saksnr Utvalg Type Dato 011/17 Formannskapet PS Klage på avslag på søknad om bygging av molo, parkeringsplass og båthamn på gnr. 168, bnr Klage på avslag på søknad om dispensasjon frå kommuneplanen. Vedlegg: Byggesøknad Arne Wiken - Fedje kommune (21477) Kommuneplan Utsnitt ved gnr bnr 450 Merknad frå nabo Agnar Nygård Kystverket Løyve til bygging av kai i Kirkevågen Avslag på søknad om bygging av molo, parkeringsplass og båthamn på gnr. 168, bnr Avslag på søknad om dispensasjon frå kommuneplanen. Klage på bygningslova frå adv Alsaker Saksutgreiing: Følgjande vedtak vart gjort i delegert sak 046/16 den 12. desember 2016 :; I medhald av delegeringsreglement for Fedje kommune, sist revidert i k-sak 066/15, og plan og bygningslova 20-1 ( tiltak som omfattes av byggesaksbestemmelsene ), 21-4 ( kommunen si handsaming ), 1-8 ( forbod mot tiltak langs sjø ), 11-6 ( rettverknad av kommueplanen ), punkt 6.12 i føresegnene til kommuneplanen og 19-2 ( dispensasjon ) gjer plan- og utbyggingssjefen følgjande vedtak : Arne Wiken får avslag på søknaden om å bygga molo, parkeringsplass og ny båthamn med innsegling på øst- og sørsida av naustet på gnr. 168, bnr. 450 då søknaden er i strid med kommuneplanen. Arne Wiken får avslag på søknaden om dispensasjon frå arealføremålet farlei i kommuneplanen. Arne Wiken får avslag på søknaden om dispensasjon frå punkt 6.12 i føresegnene til kommuneplanen. Arne Wiken får avslag på søknaden om dispensasjon frå byggegrensa i kommuneplanen. Grunngjeving : sjå saksutgreiinga. Advokat Lars Selmar Alsaker har klaga på vedtaket på vegne av Arne Wiken. Klagen gjeld avslaga på bygging av molo, tilrettelegging for ny båtplass ( eg har kalla det Ny båthamn med innsegling på øst- og sørsida av naustet ) og parkeringsplass. Konklusjon Klagen vert avvist då tiltaka det er søkt om, er i strid med kommuneplanen. Om Molo Kystverket gav den 10. august 2016, løyve etter hamna- og farvannslova til bygging av molo.

2 Tiltaket krev og løyve etter plan- og bygningslova. Dei to lovene fungerer uavhengig av kvarandre. Tiltaket har fått avslag fordi: 1 ) Det aktuelle arealet er farlei etter kommuneplanen. 2) Tiltaket er i strid med strandsonevernet. Kommuneplanen har byggegrense mot sjø i overgang mellom vann og land. Alsaker argumenterer med at strandsonevernet ikkje gjeld i sjø ( pbl 1-8 )der moloen skal byggast. Føremålet med strandsonevernet, er å hindra at strandsona vert bygd ned. For meg er det ulogisk at byggegrensa mot sjø ikkje skal hindra bygging av moloen. Det er likevel muleg at adv. Alsaker har rett på dette punktet. Tiltaket vil likevel vera i strid med arealføremålet i kommuneplanen som er Farlei. Adv. Alsakar peikar på at Farlei og Småbåthamn har same fargekode, at moloen difor ligg i område sett av til Småbåthamn og at molo er i samsvar med reguleringsføremålet Småbåthamn. Kommuneplanen er teikna opp og digitalisert i samsvar med Miljøverndepartementet sin Nasjonal produktspesifikasjon for arealplan og digitalt planregister, Kommuneplanens arealdel, Spesifikasjon for tegneregler, mai Etter denne spesifikasjonen har farleder SOSI-kode 6200 og småbåthamn SOSI-kode Moloen det er søkt om, ligg i område med SOSI-kode Spesifikasjonen set og fast kva for farge dei ulike føremåla i kommuneplanen skal ha. Farlei og småbåthamn skal ha same farge. Om ein studerer ein analog utgåve av kommuneplanen og berre ser på fargane, er det ikkje muleg å sjå om eit sjøareal er sett av til farlei eller småbåthamn. På det analoge kommuneplankartet er areala sett av til småbåthamn, skilt frå areala sett av til farlei med ein svart strek. Dei ulike småbåthamnareala har nummer, frå 1 til 28. Det er difor muleg å identifisera areala sett av til småbåthamn utan å gå vegen om digital utgåve av planen. Etter dette ligg moloen det er søkt om, i område sett av til Farlei. Advokat Alsaker syner til punkt 6.5 og 6.6 i føresegnene til kommuneplanen under hovudføremålet Bruk og vern av sjø og vassdrag. Punkt 6.5 og 6.6 er føresegner til føremålet Ferdsle. Med nokre unnatak i dei generelle føresegnene, er føresegnene til kommuneplanen presisering av tilhøve som er synt på plankartet. Føremålet Ferdsle finst ikkje på arealplankartet, korkje på sjølve plankartet eller i teiknforklaringa. Når føremålet Ferdsle ikkje finst på plankartet, kan ein ikkje argumentera ut i frå føresegnene til føremålet Ferdsle. Punkt 6.5 og 6.6 burde vore sløyfa før kommunestyret gjorde vedtak om kommuneplanen. Om farlei står det i føresegnene til kommuneplanen ( 6.3 og 6.4 ) : Føremålet er hovud- og bifarleier i sjø, jf. pbl 11-7 nr. 6. Området viser farleiene sin arealmessige utstrekning slik dei er fastsett gjennom forskrift av 30. november 2009 nr (forskrift om farleder), med mindre justeringar. I tillegg er hovud- og bifarleiene vist med ei stipla line som syner hovudtrafikkretningane i leiene. Tiltak som kan vere til ulempe for sjøtrafikk i hovud- og bileiene er ikkje tillate, under dette akvakultur og flytebrygger. Farleiene kan nyttast til annan ferdsle, fiske og friluftsliv når det ikkje er til vesentleg ulempe for sjøtrafikken. Føremålet farlei er ikkje til hinder for naudsynt fortøying av anlegg for akvakultur eller utlegging av sjøleidningar for vatn, avlaup, varmepumper, straum- og telenett samt røyrleidningar for olje for akvakultur eller utlegging av sjøleidningar for vatn, avlaup, varmepumper,

3 straum- og telenett samt røyrleidningar for olje og gass. Heimel: pbl nr. 3. Den 22. september 2015 gav Fedje kommune løyve til Fedje Fryseri AS til å legga ut flytebrygger ved gnr. 168, bnr.47 i område sett av til farlei etter kommuneplanen. Løyve frå Kystverket etter hamneog farvannslova låg føre. Den 8. mars 2016 oppheva fylkesmannen dette vedtaket. Argumentet var mellom anna at flytebrygger var i strid med arealføremålet. Når flytebrygger som kan flyttast, er i strid med arealføremålet Farlei, må ein molo som er permanent vera det. Tilrettelegging for ny båtplass ( eg har kalla det Ny båthamn med innsegling på øst- og sørsida av naustet ) Ny båthamn og innsegling på øst- og sørsida av naustet tyder spregning av grop under vatn for å få djupne til båt. Det aktuelle arealet er i kommuneplanen sett av til småbåthamn. Wiken har søkt om å få sprenga ei grop under flomålet med eit areal på om lag 130 m2 ( blå farge på situasjonsplan ). Om småbåthamn står det i føresegnene i punkt 6.12 : Mindre tiltak som t.d. feste/fundamentering til flytebryggjer er tillete. Sprenging av ei grop under flomålet med eit areal på 130 m2 kan umuleg vera eit mindre tiltak. Tiltaket er difor i strid med kommuneplanen. Om småbåthamn står det i føresegnene i punkt 6.10 : I område sett av til småbåthamn skal tiltak som krev søknad og løyve etter pbl 20-1 og 20-2 inngå i reguleringsplan før tiltak er tillate. Det vert gjeve unntak frå kravet om reguleringsplan for mindre anlegg med plassering og storleik som spesifisert under. Heimel: pbl 11-9 nr. 1 Område Maksimal storleik ( med utliggarar, lengd x bredd ) Kyrkjevågen/Husavågen Rognsvågen Sildevågen 22 x 10 meter 22 x12 meter 12 x 8 meter Advokat Alsaker meiner at sidan arealet til spregninga er mindre enn 22x10 meter må kommunen gje løyve utan reguleringsplan. Alsaker har rett i at punkt 6.10 i føresegnene seier at anlegg med storleik mindre enn 22 x 10 meter ikkje krev reguleringsplan. Denne føresegna gjeld flytebrygger. Eg har aldri sett spregningsområde med utliggarar. Advokat Alsaker har i sin klage sitert alt som står under Småbåthamn i føresegnene. Her har han vore litt uheldig med kopieringa og fått med avsnittet : Før tiltak i sjø vert sett i verk, under dette utfylling, mudring, utgraving, leggjing av leidningar/røyr og utleggjing av flytebryggjer krev dette løyve, jf. havnl. 27.

4 Denne teksten er ikkje ein del av føresegnene. På side 2 i føresegnene står det: Føresegnene er rettsleg bindande og dei er sett i ramme. Avsnittet Før tiltak i sjø vert sett i verk, osb står ikkje i ramme og er difor ikkje ein del av føresegnene. Avsnittet Før tiltak i sjø vert sett i verk, under dette utfylling, mudring, utgraving, leggjing av leidningar/røyr og utleggjing av flytebryggjer krev dette løyve, jf. havnl. 27, er ein felles kommentar om sakshandsamingsreglar etter hamne- og farvannslova for alle arealføremål i sjø. Det er ikkje slik at kommunen har sett på mudring og utgraving som spesifikke tiltak for tilrettelegging av småbåthamn slik adv. Alsaker påstår i sin klage. I søknaden er det nytta eit kart der djupnekoter er innteikna. Kystverket laga kart med ein-meters djupnekoter tidleg på 90-talet. Kartet syner at arealet sør for den planlagde utspregninga er over sjøkartnull. Her har naboen, Agnar Nygård, sagt nei til spregning. Mellom sjøkartnull og landkartnull, er det på Fedje 0,89 meter. Landkartnull er høgare enn sjøkartnull. Mellom landkartnull og middelvann, er det 3 cm. Dersom gropa Wiken har søkt om vert laga, vil det ikkje alltid vera muleg å koma inn til ho småbåt. Parkering Deler av den planlagde parkeringsplassen er i sjø og i område avsett til småbåthamn. Fyllinga i område avsett til småbåthamn har eit areal på om lag 40 m2. ( Området er 3 areal. Det største er på 30 m2 ) Adv. Alsaker meiner at den delen av parkeringsplassen som er i sjø, er i samsvar med reguleringsføremålet småbåthamn. Om småbåthamn står det i føresegnene i punkt 6.12 : Mindre tiltak som t.d. feste/fundamentering til flytebryggjer er tillete. Slik eg ser det, er fylling i sjø med eit areal på 40 m2 i strid med punkt 6.12 i føresegnene. Når det gjeld parkeringsarealet, tek adv. Alsaker opp at argumentasjonen om det utfylte området til parkeringsplass i område avsett til småbåthamn, er mindre enn 22 x 10 meter og difor i samsvar med kommuneplanen. Den aktuelle føresegna gjeld flytebrygger. Dispensasjon Arne Wiken har søkt om dispensasjon frå kommuneplanen for å bygga molo. Grunngjevinga er at det er grunt og vanskeleg å leggja ut flytebrygge utan å bygga molo. Både flytebrygge og molo er i strid med arealføremålet i kommuneplanen som er farlei. Området sørvest for naustet er grunt og er tørt land fleire timar kvart døgn. Det er naudsynt med utdjupning om det skal vera muleg å nytta det til småbåthamn. Arne Wiken har difor søkt om dispensasjon frå kommuneplanen.

5 Trong for parkering gjer at han har søkt om dispensasjon til å fylla i sjø for å få areal til parkering. Om dispensasjon står det i 19-2 i pbl følgjande : Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. I tillegg må fordelene ved å gi dispensasjon være klart større enn ulempene etter en samlet vurdering. Om ein gjev dispensasjon frå arealføremålet, set ein til side dei omsyn som arealføremålet skal ta vare på. Dei to hamneområda vi har, Kyrkjevågen/Dansevågen og Rognsvågen, har to arealføremål : Farlei og Småbåthamn. I farleiene skal det med unnatak av ulike typar leidningar, ikkje vera utbygging. Slik eg ser det, er dette tydeleg om ein les punkt 6.4 i føresegnene der det står : Tiltak som kan vere til ulempe for sjøtrafikk i hovud- og bileiene er ikkje tillate, under dette akvakultur og flytebrygger. Farleiene kan nyttast til annan ferdsle, fiske og friluftsliv når det ikkje er til vesentleg ulempe for sjøtrafikken. Føremålet farlei er ikkje til hinder for naudsynt fortøying av anlegg for akvakultur eller utlegging av sjøleidningar for vatn, avlaup, varmepumper, straum- og telenett samt røyrleidningar for olje og gass. Heimel: pbl nr. 3. På same vis er kva ein kan gjera i området sett av til småbåthamn, sterkt avgrensa, jmf punkt 6.12 i føresegnene. Kommuneplanen er ein oversiktsplan. I planen er det 28 området sett av til småbåthamn ( eg. 27 då nr. 25 ikkje eksisterer ). Med så mange område er det ikkje usannsynleg at delar av einskilde område er vanskeleg å utnytta til føremålet utan at dette gjev grunnlag for dispensasjon. Arne Wiken vil få private fordelar om han får dispensasjon frå arealføremåla, men for ålmenta, naturverdier og verdier knyttet til kulturmiljø og landskap, vert det ulemper. Når det gjeld dispensasjon for å bygga parkeringsplass, ser eg på dette som fullstendig unødvendig. Det er muleg å bygga 2 til 3 parkeringsplassar på eigedomen om ein held seg på byggeareal på land ( gult areal ). Det er og muleg å bygga dei slik at ein kan snu med personbil på eigedomen, noko som Statens vegvesen er oppteke av då avkøyrsla er til fylkesveg. Søknad om dispensasjon frå kommuneplanen skal etter 19-1 i pbl til fylkesmannen for uttale før vedtak vert gjort. Det er ikkje gjort i denne saka. Årsak : Det er grunn til å tru at fylkesmannen vil setja seg imot at det vert gjeve dispensasjon. Om tilrådinga Tilrådinga til vedtak er identisk med vedtaket i sak 046/16 med unnatak av at det å syne til 1-8 i plan- og bygningslova, er sløyfa fordi tiltaka det er gjeve avslag på, er i sjø.

6 Forslag til vedtak: I medhald av delegeringsreglement for Fedje kommune, sist revidert i k-sak 066/15, og plan og bygningslova 20-1 ( tiltak som omfattes av byggesaksbestemmelsene ), 21-4 ( kommunen si handsaming ), 11-6 ( rettverknad av kommueplanen ), punkt 6.12 i føresegnene til kommuneplanen og 19-2 ( dispensasjon ) gjer formannskapet følgjande vedtak : Arne Wiken får avslag på søknaden om å bygga molo, parkeringsplass og ny båthamn med innsegling på øst- og sørsida av naustet på gnr. 168, bnr. 450 då søknaden er i strid med arealføremåla i kommuneplanen. Arne Wiken får avslag på søknaden om dispensasjon frå arealføremålet farlei i kommuneplanen. Arne Wiken får avslag på søknaden om dispensasjon frå punkt 6.12 i føresegnene til kommuneplanen. Grunngjeving : sjå saksutgreiinga. Saka går til fylkesmannen for avgjerd. Formannskapet - 011/17 F - behandling: Herøy (H): Tiltak ville skape vanskar for ferja. Tungland (KrF): Ikkje komfortabel med at det seiast nei til alt. Sjå på kommuneplanens arealdel (småbåthamn). Rådmannen ved plan- og utbyggingssjef Ø. Tolleshaug kom med supplerande argument. F - vedtak: I medhald av delegeringsreglement for Fedje kommune, sist revidert i k-sak 066/15, og plan og bygningslova 20-1 ( tiltak som omfattes av byggesaksbestemmelsene ), 21-4 ( kommunen si handsaming ), 11-6 ( rettverknad av kommueplanen ), punkt 6.12 i føresegnene til kommuneplanen og 19-2 ( dispensasjon ) gjer formannskapet følgjande vedtak : Arne Wiken får avslag på søknaden om å bygga molo, parkeringsplass og ny båthamn med innsegling på øst- og sørsida av naustet på gnr. 168, bnr. 450 då søknaden er i strid med arealføremåla i kommuneplanen. Arne Wiken får avslag på søknaden om dispensasjon frå arealføremålet farlei i kommuneplanen. Arne Wiken får avslag på søknaden om dispensasjon frå punkt 6.12 i føresegnene til kommuneplanen. Grunngjeving : sjå saksutgreiinga. Saka går til fylkesmannen for avgjerd. Samrøystes vedteke.