Nord-Fron kommune. Utkast til Reguleringsplan for Furusjøen hytteområde. Planforklaring etter 4. gongs ettersyn

Transkript

1 Nord-Fron kommune Utkast til Reguleringsplan for Furusjøen hytteområde Planforklaring etter 4. gongs ettersyn Justert i samsvar med PU- sak 65/13 i møte

2 Innhald 1. Bakgrunn for planarbeidet 1.1 Reguleringsplan for Furusjøen hytteområde Klage på planvedtaket Endringar av reguleringsplan for Furusjøen hytteområde Mål for planarbeidet plantema Veg til hyttene i planområdet Båtplass for hytteeigarar og andre Ingen nye hytter i planområdet Andre tema Planområdet - Partar i saka 7 2. Start av planprosessen 2.1 Kunngjering Innkomne merknader 8 3. Fyrste planutkast fyrste gongs behandling 3.1 Utarbeiding av fyrste planutkast Innhaldet i planforslaget ved fyrste ettersyn, kortversjon Konsekvensvurdering og ROS-analyse Vegnamn Fyrste gongs behandling og ettersyn Andre planutkast andre og tredje gongs behandling 4.1 Vurdering av merknader etter fyrste ettersyn Andre og tredje gongs behandling i planutvalet Innhaldet i andre planutkast Andre ettersyn Tredje planutkast 5.1 Vurdering av merknader etter andre ettersyn Fjerde gongs behandling i planutvalet Innhaldet i tredje planutkast Tredje ettersyn Fjerde planutkast 6.1 Vurdering av merknader etter tredje ettersyn Femte gongs behandling i planutvalet Innhaldet i fjerde planutkast Fjerde ettersyn 16 2

3 7. Femte planutkast 7.1 Vurdering av merknader etter fjerde ettersyn Sjette gongs behandling i planutvalet Innhaldet i femte planutkast Vidare og endeleg behandling 17 Vedlegg 17 3

4 1. Bakgrunn for planarbeidet 1.1 Reguleringsplan for Furusjøen hytteområde av 2001 Reguleringsplan for Furusjøen hytteområde vart vedteke av kommunestyret i sak 20/01. Eit konfliktfylt punkt i denne planen var at 35 av dei hyttetomtene som var regulert i reguleringsplan for Furusjøen av 1990 vart teke ut av planen. Sel kommune hadde motsegn til den nye planen når det galt veg til fellessetra sør for Vålåsjøen. Også fylkesmannen i Oppland hadde motsegn, med krav om at planen ikkje skulle leggje til rette for større utnytting enn 110 m2 pr tomt. Kommunestyret behandla saka på nytt i møte , sak 36/01 og vedtok å ta ut vegen til fellessetra. (Seinare er vegen regulert i reguleringsplan for Kvamsfjellet nærings- og hytteområde av , likevel med streke avgrensingar når det gjeld fullverdig bruk av vegen.) Etter meklingsmøte hos fylkesmannen gjorde kommunestyret endeleg vedtak i saka i møte , sak 61/01. Kommunestyret heldt da fast på regelen om 150 m2 pr tomt. Etter det trekte fylkesmannen si motsegn i brev av Kommunen kunngjorde så planvedtaket med klagefrist Klage på planvedtaket Det kom to klager på planvedtaka. Kommunestyret behandla desse i møte , sak 17/02. Klagene vart ikkje teke til følgje og saka vart sendt til fylkesmannen for vidare behandling. I brev av stadfesta fylkesmannen kommunestyret sitt vedtak. Den eine av klagarane, Johannes, Torunn og Dag Elgvin klaga etter dette saka inn for Sivilombodsmannen. Deira klage var retta mot kommunen sitt vedtak i reguleringsplanen om å ta ut hyttetomta gnr. 348 bnr. 9, etter at tomta var regulert i planen frå Etter at både kommunen og fylkesmannen hadde gitt diverse tilleggsopplysningar og utgreidd saka nærare, gjorde Sivilombodsmannen sitt endelege vedtak i brev av Det vart her konkludert med at kommunen hadde gjort seg skuldig i «usakleg forskjellsbehandling» av tomt 348/9 samanlikna med tomtene 348/7, 8. På dette grunnlaget oppheva fylkesmannen i brev av kommunen sitt vedtak i k-sak 61/01 som delvis ugyldig. Fylkesmannen ba samtidig om «at kommunen behandlar planen på nytt med sikte på å få Reguleringsplan for Furusjøen hytteområde rettsleg bindande også på dette punkt.» 1.3 Endringar av reguleringsplan for Furusjøen hytteområde Etter at planen vart vedteke i september 2001 har kommunen gjort fleire mindre endringar i planen: Båtplass ved Røssumbuvika: I PLU-sak 48/04 av vedtok kommunen ei mindre vesentleg endring når det gjeld båtplassen ved Røssumbuvika. Etter dette er denne båtplassen opparbeidd for ca. 60 båtar og p-plass for 15 bilar. Det er gjort vedtak om å flytte enkelte hyttetomter som var regulert i planen frå Det er gitt enkelte dispensasjonar bl.a. for å kunne byggje enkle vegar til hytter. Samtidig er fleire slike søknader avslått. Det er også gitt enkelte andre dispensasjonar. 4

5 1.4 Mål for planarbeidet plantema Ved planstart vart føremålet med planarbeidet kunngjort. Dette vart utvida og presisert etter at det hadde kome ein del merknader etter planstart. Plan- og næringsutvalet behandla saka i møte , sak 49/08 og presiserte føremålet slik: Det blir i størst mogleg grad regulert veg til hytter der terrenget og vegetasjonen mm tilseier dette, mens det i andre tilfelle blir regulert felles parkeringsplass for fleire hytter som ikkje får veg heilt fram. Det blir ikkje regulert nye tomter i planen. Planforslaget skal leggast ut til høyring i to alternativ: o Alt. 1: Øvre grense for utbygd areal pr tomt skal vera 150 m2 i heile planområdet. o Alt 2: Øvre grense for utbygd areal pr tomt skal vera 150 m2. På tomter som ligg mindre enn 50 meter frå vassdrag skal utbygd areal ikkje vera over 110 m2. Det blir innarbeidd båtplass på det arealet som er vist i kommuneplanen, eller i nærleiken av dette. Plassen blir regulert for ca. 100 båtplassar og med tilstrekkeleg parkeringsareal. Forslag i innstillinga om å utarbeide planen i to alternativ når det gjeld skiløyper, på og utanfor veg, vart ikkje teke med i vedtaket Veg til hyttene i planområdet. Etter at gjeldande plan for Furusjøen hytteområde vart vedteke i 2001, har kommunen motteke fleire og fleire søknader om dispensasjon til å byggje bilveg fram til hyttene. Kommunen har stort sett vore restriktiv med å gi løyve til dette. I nokre tilfelle har kommunen oppdaga tilfelle der det har vore bygd veg fram til hytter utan at det er gitt løyve. Dette er noko av bakgrunnen for at kommunen har ønskja å sjå behovet for veg til hyttene i ein større samanheng, og gi ei meir prinsipiell vurdering for heile planområdet. Tom Henning Nyheim la i 2007 fram forslag til kommunen om veg til fleire hytter i ein del av planområdet. Dette forslaget er stort sett lagt til grunn i det aktuelle området Båtplass for hytteeigarar og andre. I reguleringsplan for Furusjøen frå 2001 vart det regulert areal for båtplass i Røssumbuvika. Etter at kommunen i 2004 gjorde ei mindre vesentleg endring av planen, vart båtplassen opparbeidd. Dette er gjort som eit privat tiltak, der ein del båteigarar i området er andelshavarar. Etter dette har det kome ønskje frå mange andre hytteeigarar om å få opparbeidd fleire båtplassar ved Furusjøen. Det har også kome ønskje om at plassen blir opparbeidd slik at også andre enn hytteeigarar i området kan nytte plassen. Som oppfølging av dette vart det i kommuneplanen frå 2005 innarbeidd eit areal ved Kvamvika for ein ny båtplass. Dette er følgd opp av plan- og næringsutvalet i sak 49/08 der det er sett ei ramme på ca. 100 båtplassar for dette arealet. I 2010 tok Sel kommune kontakt med Nord-Fron med forslag om at det også blir regulert ein kombinert bade- og båtplass ved Karelen, inn mot grensa for Frydalen landskapsvernområde. 5

6 I møte der bl.a. ordførarane i Sel og Nord-Fron deltok, vart det konkludert med at også denne plassen bør innarbeidast i reguleringsplanen for Furusjøen. Denne plassen vil særleg ha interesse for hytteeigarar i Sel, men også for dei hytteeigarane i Nord-Fron som har hytte på nordsida av Furusjøen. I planarbeidet er det derfor lagt til grunn at det skal innarbeidast eit areal for båtplass ved Karelen Ingen nye hyttetomter i planområdet Ein sentral føresetnad for planarbeidet er det også at det ikkje skal regulerast nye hyttetomter ved denne planrevisjonen. Bakgrunnen for det er at planområdet ligg i området inn mot leveområdet for villrein. Å ikkje regulere nye hyttetomter nå, vil derfor også vera ein naturleg oppfølging av føresetnaden for kommuneplanarbeidet som er avslutta med vedtak av ny kommuneplan Her er det lagt til grunn at Nord-Fron kommune ikkje skal leggje til rette for nye hyttetomter på austsida av hovuddalføret før etter at ein ny Regionplan for Rondane er endeleg vedteken av fylkestinga i Hedmark og Oppland og stadfesta av Miljøverndepartementet. Da kommunen utarbeidde reguleringsplan for Furusjøen hytteområde i , vart i alt 35 av dei tidlegare regulerte tomtene i området teke ut av planen. Frå to grunneigarar kom det klage på dette. Kommunen tok ikkje desse klagene til følgje. Fylkesmannen gav kommunen medhald i begge desse sakene. Etter dette vart den eine saka klaga inn for Sivilombodsmannen. Saka galt gnr. 348 bnr. 9, representert ved Johannes, Torunn og Dag Elgvin. I brev frå Sivilombodsmannen av fekk dei medhald i at kommunen ikkje hadde behandla saka korrekt. På bakgrunn av dette vart kommunen i brev frå fylkesmannen av bede om å ta opp saka til ny vurdering. Sjølv om utgangspunktet har vore at det ikkje skal innarbeidast nye hyttetomter i denne planen, har kommunen likevel gjort ei ny vurdering når det gjeld eventuell byggjetomt på gnr. 348 bnr Andre tema Beitebruk og gjerde på hyttetomtene Kommunen hadde eit møte om dette temaet med Kvam østside beitelag og Kvam grunneigarlag. Det vart konkludert slik: o For planområdet for reguleringsplan Furusjøen bør regelen vera som nå, dvs. maks 40 m2 inngjerda areal. Langs Furusjøensjøen og andre vatn må det ikkje setjast opp gjerde som hindrar trafikken lang vatna. o Må ha krav om tradisjonelt gjerde i treverk, ikkje flettverk, nasjonalgjerde, elektrisk gjerde eller liknande. o Søknader eller meldingar om gjerde på hyttetomter må sendast beiterettshavarane, rep. ved Kvam østside beitelag og Kvam grunneigarlag. Andre tips: o Kommune bør informere hyttebyggjarane om at tomta skal bearbeidast minst mogleg, at opphavleg natur, vegetasjon skal oppretthaldast mest mogleg. Behovet for tilsåing vil da bli svært avgrensa. o Det kan vera ein ide å informere om at sauen ikkje likar visse grastypar. o For å hindre hestegnaging på hyttene, kan veggen kanskje smørjast inn med bestemte kjemikaliar eller beis. 6

7 Skiløyper i eitt alternativ. I PNU-sak 49/08 vart det vedteke at skiløypene skulle visast berre i eitt alternativ. Dette er i samsvar med opplegget i Reguleringsplan for Kvamsfjellet nærings- og hytteområde av I PNU-sak 70/11 vart dette endra ved at utvalet bad om to alternativ i Furusjøplanen: eitt med skiløypene utanom vegane, eitt med skiløypene på vegane. For alternativet med skiløyper utanom vegane, og med moglegheit for å brøyte vegane for biltrafikk, vil utvalet også ha innarbeidd parkeringsplassar for vinterparkering. Sykkelsti rundt Furusjøen. Kvamsfjellet Vel med fleire har i fleire år arbeidd for å få opparbeidd sykkelsti rundt Furusjøen. Etter at saka har vore drøfta med kommunen i møte og også med fylkesmannens miljøvernavdeling m.fl. er store delar av denne stien nå opparbeidd. Det er naturleg at dette blir følgd opp og vist i reguleringsplankartet for Furusjøen. Kulturminne og kulturmiljø. I 2008 gjennomførte Fylkeskonservatoren i Oppland ei kartlegging av kulturminne i heile planområdet. Det vart registrert registrert ei fangstgrop og eit bågåstelle. I samsvar med tilrådinga frå Oppland fylkeskommune i brev av er omsynet til desse kulturmina følgd opp i planforslaget. 1.5 Planområdet Partar i saka Planområdet har nokolunde same avgrensing som reguleringsplan for Furusjøen hytteområde av Det er likevel gjort desse endringane. I sørvestre del av planområdet er den delen teke ut som strekkjer seg inn mot fellessetra på grensa mot Sel kommune. Denne delen av reguleringsplan for Furusjøen hytteområde av 2001 vart oppheva av kommunestyret i sak 55/08, i samband med at kommunestyret vedtok reguleringsplan for Kvamsfjellet nærings- og hytteområde. Området inngår nå i Kvamsfjell-planen. I nordvestre del av planområdet er arealet ved Karelen, inn mot Sel grense og grensa for Frydalen landskapsvernområde teke med. I søre del av planområdet, like aust for Årvillingen er plangrensa trekt noko annleis for å tilpasse planen til grensa for reguleringsplan for Kvamsfjellet nærings- og hytteområde av I det heile er plangrensa i heile søre delen av planen tilpassa plangrensa for reguleringsplan for Kvamsfjellet nærings- og hytteområde. Det er viktig å understreke at da planarbeidet vart kunngjort , var området nord for Furusjøen ved Karelen ikkje teke med. Dette området har vorte innarbeidd i planprosessen etter initiativ og forslag frå Sel kommune i 2010, jf. pkt ovanfor. Avgrensinga av planområdet kan da skildrast slik: I vest: Sel kommunegrense, i nord: grensa for Frydalen landskapsvernområde, i aust: til og med gnr. 326 bnr. 8 og gnr. 350 bnr. 1, i sør: grensa for reguleringsplan Kvamsfjellet nærings- og hytteområde av I planområdet er det ca. 550 hytte- og/eller grunneigarar. Når ei også tek med offentlege instansar og aktuelle interesseorganisasjonar, gir det ca. 560 partar i saka. 7

8 2. Start av planprosessen 2.1 Kunngjering Planstart vart kunngjort i brev av og annonse i lokalavisene I og med at det er meir enn 600 partar i planområdet, vart kunngjeringa pr brev berre sendt til offentlege instansar og til eit utval av andre private partar som hadde vore i kontakt med kommunen om saka før planstart. Frist for merknader var sett til Ved kunngjeringa vart det kort gjort greie for føremålet med planarbeidet, jf. pkt. 1.4 ovanfor. 2.2 Innkomne merknader I samband med planstart har kommunen vurdert i alt 32 merknader som anten har kome etter planstart, eller som har kome tidlegare og har relevans for dette planarbeidet. Samandrag og vurdering av alle desse merknadene går fram av eige dokument, notat av I notatet er det konkludert om korleis merknadene eventuelt er følgd opp i forslaget til ny plan. 3. Fyrste planutkast fyrste gongs behandling i planutvalet 3.1 Utarbeiding av fyrste planutkast Reguleringsplanen med planføresegner, planforklaring, konsekvensutgreiing og ROS-analyse er utarbeidd av kommunen. Plankartet er utarbeidd av konsulentfirmaet Planråd AS, Lillehammer. Etter at start for dette planarbeidet vart kunngjort i 2008, har kommunen vore på fleire synfaringar i planområdet. Også konsulentfirmaet Planråd har delteke på eit par av synfaringane. Det har her vore lagt vekt på å finne best mogleg løysingar for hyttevegane og båtplassane. Det har da vore lagt særleg stor vekt på at vegane blir godt tilpassa i terrenget slik at inngrepa blir minst mogleg dominerande. Dette har stort sett latt seg gjera, i og med at terrenget i store delar av planområdet er flatt eller har lite helling. Samtidig har det vore lagt vekt på å finne gode løysingar for dei enkelte hytteeigarane. I nokre tilfelle har kommunen likevel ikkje funne det rett å regulere bilveg fram til hyttene, fordi dette vil vera uheldig for terrenget, vegetasjonen eller andre naturforhold. I slike tilfelle er det regulert felles parkeringsplass for fleire hytter og gangveg frå denne fram til hyttene. I vurderinga av areal for ny båtplass ved Kvamvika er det teke utgangspunkt i den plasseringa som er vist i kommuneplanen av Dette er ei litt anna plassering enn det som er vist i kommuneplanen frå Ved synfaring i området er det konkludert med at det vil bli eit mindre inngrep i strandsona dersom båtplassen blir plassert i ei vik litt aust for det opphavleg planlagde arealet frå Dette gir også ein noko kortare veg fram til båtplassen. På bakgrunn av forslag frå Sel kommune, har kommunen vurdert ønsket om båtplass også ved Karelen. Ein båtplass her vil truleg ha interesse for mange båteigarar i Sel, og også enkelte i Nord-Fron. Tiltaket vil neppe ha vesentlege ulemper for hytteeigarar i området. Området Pungen-Koltjønna-Furusjøen er brukt som hekke- og beiteområde for fleire fugleartar, jf. KU og ROS-analysa i notat av Ein båtplass på det foreslåtte arealet vil i utgangspunktet kunne vera negativt for fuglelivet. Det går bilveg ned til det aktuelle området, som avstikkar frå Furusjøvegen som tek av frå Mysuseter i Sel kommune. Området blir i dag brukt som bade- og båtplass, men på ein 8

9 uorganisert og lite ordna måte. På synfaring i området tysdag vart det konstatert at minst 30 båtar var lagt langs og inne på strendene. På denne måten blir eit unødig stort areal brukt til lagring av båtar, delvis inne i myrlendt terreng. Stranda i ein avgrensa del av området er eigna til bading, og enkelte dagar er det ein del badeaktivitet her. Dersom ein får etablert ein båtplass ved Karelen på liknande måte som i Røssumbuvika, vil arealbruken kunne bli vesentleg meir avgrensa. Dette vil vera positivt estetisk, og det vil også vera positivt for fugl- og dyrelivet elles. Med ei slik skånsam tilrettelegging, der ein legg vekt på å ta godt vare på landskap og dyreliv i området, vil ein godt tilrettelagt båt- og badeplass ved Karelen vera positivt. Samla sett vil dei positive sidene ved tiltaket da vera større enn dei negative. I plankartet er det derfor innarbeidd eit areal for badeplass, båtplass for inntil 50 båtar og sett av areal til parkeringsplass for 15 bilar. I samband med planstart har det kome ni forslag om nye hyttetomter. I eige notat av (Samandrag og vurdering av merknader ved planstart) er det argumentert for å avvise åtte av desse forslaga. Det er her vist til det generelle utgangspunktet for planarbeidet. I det same notatet er det for ei tomt, tomt på gnr. 348 bnr. 9 for familien Elgvin, gitt ei positiv vurdering. Dette er grunngitt med den spesielle bakgrunnen denne saka har, med klage på vedtak om førre reguleringsplan frå 2001 og sak hos Sivilombodsmannen. Det er utarbeidd nye planføresegner. I dette arbeidet er det teke utgangspunkt i dei rettleiande reglane som går fram av kommuneplan for Nord-Fron , som vart vedteke Langs vatn og vassdrag er det lagt vekt på å nytte mest mogleg like reglar som kommunen nyleg har vedteke for to planar ved Feforvatnet (reguleringsplan for Kampen og reguleringsplan for Ljoshaugen). For å følgje opp det arbeidet som har vore gjennomført med å opparbeide sykkelsti rundt Furusjøen, er denne stien nå vist i reguleringsplanforlaget i den grad denne ligg innafor planområdet. Under arbeidet med planen har kommunen også vurdert fleire av dei merknadene som kom i samband med start av planarbeidet, jf. pkt. 2.2 ovanfor og notat av Innhaldet i planforslaget ved fyrste ettersyn, kortversjon Ein kortversjon av innhaldet i planforslaget blir da slik: Det er regulert veg til alle hyttene i planområdet, stort sett for bil. I enkelte tilfelle er det regulert felles parkeringsplass for fleire hytter og gangveg med 1 meters breidde fram til hyttene. Det er lagt stor vekt på å tilpasse vegane godt i terrenget. Terrenget er i store delar av planområdet tilnærma flatt. Normalt blir terrenginngrepa derfor svært avgrensa. Alle hyttevegane er svært enkle med total breidde på 4 meter, medrekna køyrebane, grøfter og skuldrer. Samlevegane er regulert med total breidde på 8 meter. Det er regulert areal for båtplass ved Kvamvika for ca. 100 båtar, med parkeringsplass for ca. 50 bilar og bade- og båtplass ved Karelen for inntil 50 båtar, med parkeringsplass for inntil 15 bilar. Det er i plankartet vist sykkelsti i delar av planområdet (særleg over Vassmillom), som del av ein samanhengande sykkelsti rundt Furusjøen. 9

10 I utgangspunktet er det ikkje vist tomter for nokon nye hytter, med unntak for ei tomt på gnr. 348 bnr. 9 for familien Elgvin, jf. sak med Sivilombodsmannen. Det er utarbeidd nye planføresegner som stort sett er i samsvar med rettleiande reglar i kommuneplanen frå Eit belte på 50 meter frå strandlina i Årvillingen, Furusjøen og elva Frya er regulert som omsynssone. I føresegnene er utnyttingsgraden på tomtene lagt fram i tre alternativ: o Maks 180 m2, medrekna 30 m2 parkeringsareal. o Maks 150 m2, medrekna 30 m2 parkeringsareal. o Maks 110 m2, medrekna 30 m2 parkeringsareal for hytter som ligg nærare vatn/vassdrag enn 50 meter. Generelt er det sett ei maksgrense på 110 m2 pr hyttebygg. I alternativet der maksgrensa langs vassdraga er 110 m2, er maksgrensa pr hyttebygg sett til 60 m2. Dagens reglar om maks 40 m2 gjerde ved inngangen på hyttene er vidareført. I føresegnene er det innarbeidd eit alternativ der alle vegane i planområdet er regulert som friluftsområde om vinteren, dvs. at dei ikkje kan brøytast for biltrafikk i perioden Skiløypene i planområdet er i plankartet vist i to alternativ: o Skiløypene går i eigne trasear, i all hovudsak utanom bilvegane. o Skiløypene er på Nysetervegen, delar av Gamle Hovdveg og delar av Hovdvegen lagt på vegen. I perioden kan desse vegane ikkje brøytast for biltrafikk. Dei to registrerte kulturminna i planområdet er i plankartet vist som omsynssone kulturminne og i reguleringsføresegnene gitt tradisjonelle reglar for vern av minna. 3.3 Konsekvensutgreiing og ROS-analyse Konsekvensutgreiing og risiko- og sårbarheitsanalyse vart utarbeidd ved fyrste ettersyn av planen og var da lagt fram i eige notat, som følgjer som vedlegg til planforklaringa, jf. notat av Her er følgjande tema vurdert: Båtplass ved Kvamvika. Båtplass ved Karelen. Vegar til hyttene i planområdet. 3.4 Vegnamn Gjennom eigne behandlingar med høyring og endeleg vedtak i planutvalet, er det i vedteke namn på dei fleste vegane i planområdet for Furusjøen hytteområde. Alle desse vedtekne vegnamna er nå lagt inn i plankartet. I møte behandla planutvalet forslag på enda ein veg i området. Vedtak i denne saka vil bli gjort etter at saka har vore på eiga høyring. Også dette vegnamnet er lagt inn i planforslaget ved fjerde ettersyn. 3.5 Fyrste gongs behandling og ettersyn Det nye forslaget til reguleringsplan for Furusjøen hytteområde vart behandla av plan- og næringsutvalet i møte , sak 70/11. Etter at planforslaget var justert i forhold til utvalet sitt vedtak (jf. pkt ovanfor), vart planen lagt ut til offentleg ettersyn i perioden

11 4. Andre planutkast andre og tredje gongs behandling 4.1 Vurdering av merknader etter fyrste ettersyn Det kom 72 merknader til planforslaget ved fyrste ettersyn. Det kom motsegn til planen frå Fylkesmannen i Oppland på to punkt: At planen legg opp til at bilvegane i planområdet kan brøytast for trafikk om vinteren. At det i eitt av alternativa til planen er lagt opp til ein utnyttingsgrad pr hyttetomt på 150 m2. Alle merknadene er oppsummert og vurdert i notat av I notatet er det tilrådd at planen bør endrast på ei rad punkt. 4.2 Andre og tredje gongs behandling i planutvalet Til møtet i planutvalet , sak 40/12 og , sak 54/12 vart det lagt fram forslag til endringar som foreslått i notatet av I møte vart dei fleste av desse endringane vedtekne. I tillegg vedtok utvalet ein del andre endringar. 4.3 Innhaldet i andre planutkast, jf. vedtak i planutvalet I forhold til planutkastet som var lagt ut til offentleg ettersyn i perioden , har planutvalet i sak 54/12 vedteke desse endringane: 1. I plankartet blir omfanget av båtplassen med parkeringsplassar ved BP-2 Kvamvika og BP-3 Karelen redusert i omfang. 2. I plankartet blir vegtraseane til dei enkelte hyttene endra slik det går fram av notat av , pkt. 9, 15a, 33, 34, 40d, 41 42b og c, 43b, 46a og b, 56, 58b, 60g og h, 66, 67, 68 og 71a. (Pkt. 66 omfattar ikkje veg til hytter i planområdet, men inneber at det nå er vist bilveg heilt fram til Frya elv. I enden av vegen er det også regulert ein liten parkeringsplass.) 3. Reguleringsføresegnene blir i pkt vedtekne med formulering om at alle skiløypene går utanom bilvegane. Pkt. 3.3 i føresegnene ved fyrste høyring blir teke ut av planen. I plankartet blir det vist ny skiløypetrase nedanfor Hovdsetra, ved Fryosen, langs Gamle Hovdveg og Vålåsjøvegen, jf. forslag i notat av , pkt Reguleringsføresegnene blir i pkt. 2.2 vedteke i samsvar med alternativ 1b, dvs. utnyttingsgraden pr tomt blir 150 m2, men med maks 110 m2 pr bygg. (I tillegg kjem parkeringsarealet.) 5. I reguleringsføresegnene blir det i pkt. 2.6 (om gjerde ved hyttene) innarbeidd to alternativ: Alt. 1: maks 200 m2, Alt. 2: ingen gjerdereglar, dvs. reglane om gjerde i pkt. 2.6 går ut. 6. I plankartet blir parkeringsareala endra slik det går fram av vedlegg 2, pkt. 31b og I plankartet skal breidda på enkelte vegar reduserast til 4 meter. 8. I plankartet blir det innarbeidd tur- og sykkelsti frå båtplassen i Kvamvika langs Furusjøen til Vålåsjøbekken. 9. I plankartet skal byggjeområdet justerast slik det er vurdert i vedlegg 2, pkt. 15b (339/4), 43a (336/257, 336/258), 58c/e (368/14), 59b (333/66) og 71b (338/12). 10. I plankartet skal det visast eit byggjeområde på ca. 1,5 daa på kvar av eigedommane 319/48 og 368/13, jf. notat av pkt. 57 og

12 11. I plankartet skal det visast berre ei tomt på ca. 1,5 daa på eigedom 333/ Det blir innarbeidd fleire parkeringsplassar ved Hovde, Kvamvika og Vassmillom, slik det er vurdert ovanfor. I heile planområdet er det nå lagt inn til saman 33 felles parkeringsområde (23 daa) for ca. 500 bilar. 13. Vegen langs Furusjøen ved Røssumbuvika blir endra slik det går fram ovanfor. Alle desse endringane vart vedtekne samrøystes. I tillegg vedtok utvalet med 8 røyster mot 1 røyst at følgjande avsnitt og regel skal takast ut av pkt. 2.2 i reguleringsføresegnene: For tomter som ligg mindre enn 50 meter frå vatn og vassdrag, skal bruksarealet ikkje vera over 110 m² (T- BRA = 110 m²), der 30 m² er reservert til p-areal, jf. pkt 7.1 nedanfor. Utbygginga kan skje ved at det blir bygd ei hytte på 60 m² og eitt eller fleire mindre bygg, som til saman er 80 m². Nye bygg og tiltak må ikkje koma nærare vatnet enn eksisterande bygg på tomta. I tillegg har administrasjonen gjort fleire redaksjonelle og tekniske endringar i plankartet og reguleringsføresegnene, og utarbeidd ajourført planforklaring, jf. pkt. 2 i vedtaket i sak 54/12. Dei viktigaste endringane omfattar følgjande forhold: Tidlegare vedtak om at tomter i reguleringsplanen frå 2001 skulle flyttast, har i nokre tilfelle ført til at tomta med både ny og gammal plassering har kome med i den nye planen. Derfor er tre tomter på følgjande eigedommar teke ut av planen: 372/4, 338/20, 332/2, Tidlegare vedtak om at tomter i planen frå 2001 skal flyttast, har ført til at ei tomt på eigedom 333/8 nå har fått endra plassering. Byggjearealet er justert på fleire hyttetomter, slik at dette ikkje strekkjer seg over meir enn den eigedommen som høyrer til hytte- eller tomteeigaren. Dette har ført til at byggjearealet er endra/redusert for fleire tomter. Dette gjeld bl.a. på følgjande eigedomnar: 319/20, 319/17, 362/23, 333/127, 333/58. I planområdet finst det fleire hytter som delvis er bygd utanfor eiga tomt. I plankartet er nå berre den delen av hytta som ligg innafor eiga tomt, vist som byggjeområde. Byggjeområdet er redusert for enkelte tomter slik at dette maks er 2 daa. Byggjegrensa er justert slik at denne nå på alle tomtene er 4 meter frå yttergrensa av tomtegrensa/byggjeområdet. Vegen til hytteeigdom 336/257, 258 er lagt annleis enn det som går fram av pkt. 43b i notat av , fordi terrengforholda har gjort dette nødvendig. Også enkelte andre vegar fram til enkelthytter er justert slik at dei er i samsvar med eksisterande vegar i terrenget. 4.4 Andre ettersyn Det andre planutkastet vart lagt ut til 2. ettersyn i perioden , slik det går fram av pkt. 4.3 ovanfor. Kvam arbeiderlag arrangerte ope møte om planforslaget Møtet vart arrangert på Rondablikk, der kommunen orienterte om planen. Det møtte ca. 20 personar. I samband med møte i planutvalet som vart arrangert på Rondablikk , vart det gjennomført synfaring i planområdet. 12

13 5. Tredje planutkast 5.1 Vurdering av merknader etter andre ettersyn Det kom 43 merknader til planforslaget ved andre ettersyn, seks av desse etter høyringsfristen. Fylkesmannen opprettheld sine motsegner: Til at bilvegane kan brøytast om vinteren. Til ei tomteutnytting på 150 m2. Det kom nå også motsegner frå Oppland fylkeskommune på desse punkta: Til at skiløypene er lagt utanom bilvegane, slik at vegane kan brøytast for biltrafikk. Til at det blir regulert bilveg med parkeringsplass heilt ned til Fryosen. Alle merknadene er oppsummert og vurdert i notat av og notat av I notata er det tilrådd at planen blir endra på ei rad punkt. 5.2 Fjerde gongs behandling i planutvalet Til møtet i planutvalet , sak 108/12 vart det lagt fram forslag til endringar som foreslått i notat av og Det vart vedteke å innarbeide desse endringane i planen, i tillegg til eit par endringar til. Dette gir til saman 22 endringar. Det vart dessutan vedteke å leggje planen ut i to alternativ, der alternativ 1 viser trasear for alle skiløypene i planområdet (to av desse på veg over korte strekningar), men skiløypene ikkje skal regulerast i alternativ 2. Motsegnene når det gjeld brøyting av bilvegane og tomteutnytting vart ikkje imøtekome, men motsegna frå fylkeskommunen om vegen til Fryosen vart delvis imøtekome ved at parkeringsplassen vart endra til snuplass. 5.3 Innhaldet i tredje planutkast, jf. vedtak i planutvalet Innhaldet i planutkastet ved tredje ettersyn er det same som ved andre ettersyn, men med desse endringane: 1. Vegen til hyttetot 332/2/2 og hyttetomt på eigedom 332/1 blir endra slik det går fram av notat av , pkt. 13 og Parkeringsplassen ved Fryosen blir redusert i omfang slik det går fram av notat , pkt. 15, 16 og Parkeringsplassen i enden av vegen ned til Frya blir endra til snuplass, jf. notat av , pkt. 1c og 2a. 4. Vegen til hyttene 368/13, 385/4, 385/6 m.fl. blir endra slik det går fram av notat pkt. 30f og Vegen til hyttetomtene 333/139 og 333/42 blir endra slik det går fram av notat av pkt Vegen til hyttetomtene 333/66 og 333/52 blir endra slik det går fram av notat av pkt. 36, 37 og Parkeringsplassen ved hyttetomt 333/67 går ut av planen, jf. notat av pkt Markeringa/reguleringa av kulturminne mellom hyttetomtene 333/67, 333/83 og 333/63 går ut av planen. Området blir regulert til landbruk, jf. notat pkt. 2e. 9. Parkeringsplassen ved Moasetra på Hovde blir teke ut av planen. 13

14 10. Friluftsområdet langs Årvillingen blir redusert til 10 m på hytteeigedom 351/1, jf. notat pkt I reguleringsføresegnene pkt. 3.2 blir breidda på friluftsområde langs strandlina sett til «10 meter eller 25 meter», jf notat pkt. 19c. 12. Sykkelstien langs Furusjøen blir regulert med ein avstand på minst 10 meter frå strandlina, jf notat av pkt. 1h. 13. Parkeringsplsssen ved Vassmillom blir regulert med slik plassering som plassen har i dag, jf. notat pkt. 9a. 14. Avkøyring til tomtene 333/91 og 333/93 blir markert med pil, jf. notat pkt Skiløypa ned til Fryosen blir regulert delvis på vilvegen slik det var vist ved fyrste høyring av planforslaget. Reguleringsføresegnene blir justert i samsvar med dette, jf. notat pkt I pkt. 2.6 i reguleringsføresegnene (gjerdereglar) blir maks innjerda areal sett til 300 m2, i staden for 200 m2, jf notat pkt. 1g. Følgjande setning i fyrste avsnitt i pkt. 2.6 blir teke ut: «Det skal også leggjast ved kopi av varsel om tiltaket til beiterettshavarane i området, representert ved det/dei aktuelle beitelaga og grunneigarlaga.» I tillegg blir slik ny formulering innarbeidd i pkt. 2.6: Gjerdet skal ikkje setjast opp nærare vatn/vassdrag enn 10 meter. I pkt. 2.6 skal alternativ 2 (om at føresegnene ikkje skal ha reglar om gjerde på hyttetomtene) gå ut. 17. Parkeringsplassen på gnr. 322 bnr. 1 blir utvida til ca. 40 plassar. 18. Det blir innarbeidd ny parkeringsplass på gnr. 362 bnr. 17 med plassar. 19. Skiløypetraseane skal justerast i søre del av planområdet ved Årvillingen m.v. og i nordre del av planområdet ved Hovde m.v. i samsvar med forslag frå Rondane og Kvamsfjellet Turløypelag, jf. notat av pkt. 3 og Plankartet blir endra slik at vegen mellom Kvamvika og Hovde blir regulert som bilveg over eigedommane 361/21, 361/1 og 348/1, men blir regulert som friluftsområde med turveg om sommaren (i perioden 1. mai 1. november). 21. I reguleringsføresegnene blir det innarbeidd slik formulering i pkt. 3.4 og 6.3 som går fram av notat av pkt Vegen fram til hytteeigedom 333/83 blir endra til alternativ trase slik det er vist til i notat av pkt. 24. I tillegg er planen nå utarbeidd i to alternativ, der alle skiløypene er teke ut av planen i alternativ 2. I samsvar med pkt i vedtaket i PU-sak 108/12 har administrasjonssjefen også gjort ein del redaksjonelle og tekniske endringar i plankartet og reguleringsføresegnene. 5.4 Tredje ettersyn Det tredje planutkastet vart lagt ut til 3. ettersyn i perioden I høyringsperioden inviterte kommunen til møte på Rondablikk med representantar for Fylkesmannen i Oppland og Oppland fylkeskommune. I samband med møtet vart det også arrangert synfaring i planområdet. På møtet og synfaringa deltok også 14

15 representantar frå Kvam setervegar, Rondane og Kvamsfjellet turløypelag, landbruksnæringa på Kvamsfjellet, Kvamsfjellet vel og Midt-Gudbrandsdal næringsforening. 6. Fjerde planutkast 6.1 Vurdering av merknader etter tredje ettersyn Det kom 26 merknader til planforslaget ved tredje ettersyn, tre av desse etter høyringsfristen. Fylkesmannen opprettheldt motsegna til at bilvegane kan brøytast om vinteren, men kunne trekkje motsegna mot 150 m2 tomteutnytting dersom kommunen vedtek forbod mot vinterbrøyting. Fylkeskommunen opprettheldt motsegna mot veg til Fryosen, men kunne trekkje denne motsegna dersom kommunen vedtek avgrensa bruk av denne vegen. Fylkeskommunen opprettheldt ikkje motsegna om vinterbrøyting av bilvegane. Alle merknadene er oppsummert og vurdert i notat av I notatet er det tilrådd at planen blir endra på ei rad punkt. Det er vidare tilrådd å imøtekoma fylkeskommunen si motsegn om Fryosvegen, men samtidig tilrådd at fylkesmannen sine motsegner om vinterbrøyting og tomteutnytting ikkje blir imøtekome. 6.2 Femte gongs behandling i planutvalet Til møtet i planutvalet , sak 23/13 vart det lagt fram forslag til endringar som foreslått i notat av I tillegg vart saka lagt fram i to alternativ, der alternativ A la opp til endeleg behandling i kommunestyret i mars 2013, mens alternativ B la opp til å ikkje sluttbehandle planen når fylkesmannen opprettheld sine motsegner. Ved behandlinga i planutvalet vart det vedteke å leggje planforslaget ut til eit fjerde ettersyn, der dei fleste av endringane i notat av blir innarbeidde. I tillegg vart det vedteke nokre endringar som til ein viss grad skal imøtekoma motsegna frå fylkesmannen til vinterbrøyting. Det var også vedteke å imøtekoma motsegna frå fylkeskommunen om Fryosvegen. Dessutan vart det i siste punkt i vedtaket gitt slik avklaring: I tilfelle fylkesmannen i ei ny høyringsrunde opprettheld sine motsegner til planen, vil planutvalet tilrå overfor kommunestyret at planen ikkje blir sluttbehandla, men blir lagt bort. Dette vil i tilfelle innebera at reguleringsplan for Furusjøen hytteområde av / og reguleringsplan for båtplass i Røssumbuvika av framleis vil gjelde. 6.3 Innhaldet i fjerde planutkast, jf. vedtak i planutvalet Innhaldet i planutkastet ved fjerde ettersyn er det same som ved tredje ettersyn, men med desse endringane: 1. Det blir primært lagt opp til vinterbrøyting av alle vegar til etablerte hytter, med unntak av Nysetervegen frå krysset mot Hovde. 2. For å avgrense anna trafikk enn til etablerte hyttetomter, blir alle nye parkeringsplassar teke ut av planen. 3. Alle skiløypene blir regulert utanom bilvegane. Skiløypa til Fryosen blir regulert som ved 2. ettersyn. 4. Dei siste 300 metrane av vegen ned mot Fryosen blir stengt med bom og skal i hovudsak tene som veg for landbruksdrifta om sommaren. 5. Skiløypa på Hovdvegen og forbi Hovde blir teke ut av planen. 15

16 6. Skiløypa frå p-plassen på eigedom 322/1 blir teke ut av planen. 7. Skiløypa ved 315/40 blir justert slik det går fram av pkt. 17 i notat av Plankartet blir retta når det gjeld kulturminne. 9. Båtplassen ved Kvamvika med tilhøyrande tilførselsveg blir teke ut av planen. 10. Vegen til eigedommane 349/9, 10, 11 og 368/4, 5, 6, 11 m.fl. blir regulert som ved 3. ettersyn. 11. Vegen til eigedommane 368/7, 8, 12, 13, 16, 22 og 385/4, 6 blir regulert som ved 3. ettersyn. 12. Vegen til eigedom 333/83 blir regulert slik det er vist i planen ved 1. og 2. ettersyn. 13. I reguleringsføresegnene pkt. 2.6 blir det innarbeidd slike reglar om gjerde som kommunestyret har vedteke i møte , k-sak 09/ I reguleringsføresegnene pkt. 2.2 blir det innarbeidd slike reglar om anneks som kommunestyret har vedteke i møte , k-sak 08/ I reguleringsføresegnene pkt. 3.2 skal det innarbeidast slik setning: Rettar og ordningar som er opparbeidde før planen vart vedteken, skal likevel kunne oppretthaldast. 6.4 Fjerde ettersyn Det fjerde planutkastet vart lagt ut til 4. ettersyn i perioden I høyringsperioden hadde kommunen møte med fylkesmannen Kommunen vart her sterkt oppmoda om å sluttbehandle planen, og evt. be om mekling med fylkesmannen dersom motsegnene ikkje vart imøtekome. Det vart også understreka at dersom kommunestyret etter meklinga kjem til at meklingsresultatet ikkje kan aksepterast, vil kommunestyret kunne vedta å leggje planforslaget til side, og vedta at gjeldande plan frå 2001 og 2004 framleis skal gjelde. 7. Femte planutkast 7.1 Vurdering av merknadene etter fjerde ettersyn Det kom 28 merknader til planforslaget ved fjerde ettersyn. Fylkesmannen opprettheld motsegna til at bilvegane kan brøytast om vinteren, men viser samtidig til tidlegare merknad om at motsegna mot 150 m2 tomteutnytting kan trekkjast dersom kommunen vedtek forbod mot vinterbrøyting. Fylkeskommunen trekkjer si motsegna mot vegen til Fryosen. Alle merknadene er oppsummert og vurdert i notat av I notatet er det tilrådd at planen stort sett blir vedteken slik planutkastet er vist ved fjerde ettersyn. På fem punkt er det likevel tilrådd at planen blir endra. Desse endringane er anten mindre som ikkje treng nytt ettersyn, eller løysingar som tidlegare har vore på høyring. Endringane kan derfor vedtakast utan nytt ettersyn. 7.2 Sjette gongs behandling i planutvalet Til møtet i planutvalet , sak 65/13 vart det lagt fram forslag til endringar som foreslått i notat av Utvalet slutta seg til desse tilrådingane. I tillegg vedtok utvalet ei mindre endring som også har vore på høyring tidlegare. Det siste punktet i planutvalet sitt vedtak lyder slik: 16

17 Planutvalet vedtar å sende planen over til mekling før kommunestyret behandlar saka. Planutvalet får saka til ny behandling før den går vidare til endeleg behandling i kommunestyret. 7.3 Innhaldet i femte planutkast Innhaldet i det femte planutkastet er det same som ved fjerde ettersyn, men med desse endringane: 1. Gamle Hovdveg skal ikkje vinterbrøytast over eigedommane gnr. 361 bnr. 21, gnr. 361 bnr. 1 og delar av gnr. 348 bnr. 1. Denne vegen blir regulert som sti/gangveg i friluftsområde. (Jf. planutkastet ved 1. og 2. ettersyn.) 2. Nysetervegen kan vinterbrøytast frå krysset med Hovdvegen i retning mot Frydalen. (Jf. planutkastet ved 1. og 2. ettersyn.) 3. Byggjeområdet for eigedom 368/13 blir flytta lengre mot vest. (Jf. planutkastet ved 2. ettersyn.) 4. Skiløypetraseen forbi eigedom 346/82 blir justert noko. 5. Det blir gjort ei mindre justering av vegtraseen forbi eigedom 336/ Dei siste 300 metrane av vegen ned til Fryosen, som skal stengjast med bom, skal vera tilgjengeleg både for landbruksdrift og hytteeigarane i Frylia, Sandvika og Luseby. 8. Endeleg behandling Kommunen bad i brev av om meklingsmøte med fylkesmannen. Møtet vart seinare fastsett til I brev av har fylkesmannen trekt sine motsegner til planforslaget. Dette er grunngitt med konklusjonane i Miljøverndepartementet sitt vedtak i brev av om Regional plan for Rondane-Sølnkletten. I denne planen er heile planområdet for Furusjøplanen lagt innafor utviklingssona, sone 3. I denne sona skal det leggjast stor vekt på samfunnsutvikling. Dette meiner fylkesmannen gjer at grunnlaget for motsegna til vinterbrøyting er sterkt svekka eller fell bort. Etter dette ligg det til rette for at kommunestyret kan eigengodkjenne planen. Når kommunestyret vedtek den nye reguleringsplanen, vil dei to gjeldande reguleringsplanane for området samtidig bli oppheva. Vinstra Arne Skuterud planleggjar Vedlegg: Notat av Samandrag og vurdering av merknader ved 4. ettersyn Notat av Samandrag og vurdering av merknader ved 3. ettersyn Notat av Samandrag og vurdering av tilleggsmerknader ved 2. ettersyn. 17

18 Notat av Samandrag og vurdering av merknader ved 2. ettersyn Notat av Samandrag og vurdering av merknader ved 1. ettersyn Notat av Samandrag og vurdering av merknader ved planstart. Konsekvensutgreiing og ROS-analyse av (Lagt fram ved fyrste ettersyn ) 18