SAKSFRAMLEGG. Sakshandsamar: Gunnar Wangen Arkivsak: 2015/484 Løpenr.: 5761/2015. Utvalsaksnr. Utval Møtedato Samfunnsutvalet

Transkript

1 ØRSTA KOMMUNE SAKSFRAMLEGG Sakshandsamar: Gunnar Wangen Arkivsak: 2015/484 Løpenr.: 5761/2015 Utvalsaksnr. Utval Møtedato Samfunnsutvalet GNR/BNR 126/2 - SØKNAD OM DISPENSASJON FOR BYGGING AV BASESTASJON FOR NØDKOMMUNIKASJON NORANGSDALEN - MOTOROLA SOLUTIONS NORWAY AS TILRÅDING TIL VEDTAK: Samfunnsutvalet (SFU) syner til søknaden om dispensasjon frå kommuneplanen sin arealdel for etablering av basestasjon for naudnett som skal gje dekning for Norangsdalen. SFU syner til at det er gjennomført ei grundig vurdering for å finne den samla sett beste lokaliseringa for tiltaket. Lokaliseringa vert vurdert å medføre små ulemper for andre viktige samfunnsinteresser, samstundes som den oppfyller krav til full dekning for naudnett i Norangsdalen. Etablering av naudnettet representerer viktige samfunnsinteresser i høve beredskap og tryggleik. Det ligg heller ikkje føre nokon negative fråsegner til den omsøkte løysinga. SFU finn såleis at tiltaket ikkje vil setje plangrunnlaget vesentleg til sides, og at det utan tvil ligg føre større fordelar enn ulemper med å gje dispensasjon. Med heimel i plan- og bygningslova 19-2, gjev SFU såleis dispensasjon for bygging av basestasjonen slik den er omsøkt. Det må nyttast fargar på fundament og utstyrshytte som glir mest mogleg inn i terrenget. Det må vere høve til at mobiloperatør kan samlokalisere basestasjon i mast og utsyrshytte, dersom det vert aktuelt. Utskrift til: Technogarden Engineering Resources AS, Vestfjordgaten 4, 1338 Sandvika Fylkesmannen i Møre og Romsdal, Fylkeshuset, 6404 Molde Møre og Romsdal fylkeskommune, Fylkeshuset, 6404 Molde NVE, Postboks 53, 6801 Førde Avinor AS, Postboks 150, 2061 Gardermoen Naturvernforbundet i Volda og Ørsta v/geir Helge Nilsen, Postboks 380, 6101 Volda Landbrukskontoret, her Eining byggesak og oppmåling for handsaming av søknad om byggeløyve

2 Saksvedlegg: Søknad om dispensasjon, datert 20. mars 2015 Søknad om byggeløyve i eitt trinn med vedlegg, datert 17. mars 2015 Uprenta saksvedlegg: Innkomne merknader Saksopplysningar: Det ligg føre søknad om dispensasjon frå kommuneplanen sin arealdel for bygging av basestasjon for naudkommunikasjon som skal dekke Norangsdalen. Basestasjonen ligg i LNFområde sone C, der det er fastsett slik føresegn: Innanfor desse områda kan det berre gjevast løyve til bygging og frådeling i samband med tradisjonell stadbunden næring som har direkte tilknytning til landbruket. Oppføring av fritidshus kan tillatast, men berre på svært strenge vilkår og dersom sektormynde ikkje har merknader. Nokre av dei registrerte viltområda i høve Viltregisteret til Fylkesmannen ligg i denne sona. Det vert synt til temakart nr. 8. Det har ikkje kome fram merknader i samband med nabovarslinga. Direktoratet for nødkommunikasjon har inngått avtale med grunneigar. Søknaden er sendt på høyring og det ligg føre følgjande fråsesgner: Fylkesmannen, Fylkesmannen har ut frå sine ansvarsområde ingen merknader til den nye plasseringa av basestasjon. Avinor, Vi viser til Deres brev av vedrørende søknad om dispensasjon for bygging av basestasjon for nødkommunikasjon på gbnr 126/2 i Norangsdalen. Den nye lokaliseringen av basestasjonen er planlagt i fjellsiden litt nord for Lygnstøylvatnet i Norangsdalen, ca. 33 km øst for Ørsta-Volda lufthamn Hovden. Den aktuelle plasseringen ligger utenfor de formelle høyderestriksjonsflatene rundt lufthavnen, jf. kap. 10 og 11 i Forskrift om utforming av store flyplasser, BSL E 3-2 av , som er hjemlet i 7-1 i Luftfartsloven. Siden området hvor basestasjonen skal etableres ligger utenfor restriksjonsplanen for Ørsta-Volda lufthamn Hovden, må spørsmål om behov for merking av masten som hinder, rettes til Luftfartstilsynet. Avinor gjør oppmerksom på følgende regelverk: Rapportering og registrering av luftfartshinder til Statens kartverk i medhold av kapittel II i Forskrift om rapportering, registrering og merking av luftfartshinder av Merking av luftfartshinder i medhold av kapittel III i samme forskrift. Det er Luftfartstilsynet som håndhever denne forskriften og kan gi pålegg om utbedring dersom merkingen av hinderet (masten) ikke er gjort i henhold til forskriften. Luftfartstilsynet vil kunne gi veiledning i hvordan merkingen skal gjennomføres. Kommentar: Søkjaren må såleis ta kontakt med Luftfartstilsynet for å avklare ev. behov for merking av masta.

3 Møre og Romsdal fylkeskommune, Utifrå omsynt il kulturminne har vi ingen merknad til denne plasseringa. Venligst gje melding om tiltaket forutset vegføring. NVE, Tomta til basestasjonen ligg innanfor aktsemdsområde til NGI sine snø- og steinskredkart. Den planlagde stasjonen er planlagd med ein konstruksjon som skal gjere den mindre utsett for skredpåverknad. NVE har ingen merknad til søknad om basestasjon. Landbruksfagleg fråsegn Stasjonen er tenkt plassert i ein teig eigd av gnr 126 bnr 2. Området er innmarksbeite. Etter det vi veit vert beitet brukt av storfe i sommarhalvåret. Vi føreset difor at bygginga skjer i samråd med grunneigar. Beitet vert leigd ut og ein må då sikre seg at leigetakar er informert. Det beste vil vere om bygginga kan skje utanom beitesesongen. Vidare må ein sikre anlegget slik at dyr ikkje kan kome til skade t.d. ved solid gjerde. Ut over dette har ein ikkje merknad til tiltaket. Vurdering og konklusjon: Søkjaren har tidlegare omsøkt basestasjon plassert ved Urasetra i Norangsdalen. På bakgrunn av dei store allmenne og offentleg interessene knytt til Norangsdalen, bad kommunen etter samråd med Fylkesmannen søkjaren om å vurdere alternative plasseringar. Søkjaren har no endra søknaden slik at det ligg føre ein ny søknad med ei plassering som kommunen vurderer som vesentleg betre i høve dei allmenne og offentlege interessene. Med dette er det gjort ei tilfredsstillande utgreiing av alternative plasseringar for å sikre ei optimal løysing. Det er naudsynt også å etablere ein Basestaasjon i området ved Fivelstadhaugen, men denne ligg i Stranda kommune. Den nye plasseringa er også utgreidd i høve dekning, og skal gje like god dekning for heile Norangsdalen som opphavleg omsøkt plassering. Det vert synt til søknaden og dei vedlagde dokumenta for meir informasjon og grunngjeving. I tillegg kan opplysast at søkjaren i utgangspunktet har planlagt å føre fram straum ved å bygge luftleidning fram til stasjonen, men søkjaren har ikkje planlagt dette i detalj. Val av løysing vil skje i samråd med lokalt nettselskap og grunneigar. Det vert vidare opplyst at det ikkje vil verte bygt nokon veg fram til basestasjonen. Det vil berre bli køyrt med gravemaskin og ATV fram og tilbake til tomta i samband med sjølve bygginga. Søknaden er sjekka opp mot aktuelle nasjonale databasar og annan kjent kunnskap som kan vere relevant for søknaden (Raud ring på kartutsnitta markerer omtrentleg plassering av basestasjonen): KJERNEOMRÅDE LANDBRUK (Kommunal fagrapport) Sør og vest for tomta er registrert kjerneområde for landbruk i høve produksjonsareal, men dette området vert ikkje berørt av utbygginga. Tomta ligg innanfor eit kjerneområde der kulturlandskapet er grunnlaget. Bakgrunnen for dette er Nasjonal registrering av verdifulle kulturlandskap, sjå nedanfor.

4 LANDSKAP Området Norangsfjorden og Norangsdalen er prioritert område i Nasjonal registrering av verdifulle kulturlandskap. Basestasjonen er plassert i eit storslått natur- og kulturlandskap, men likevel i nærleiken av eksisterande kulturlandskapselement som dyrka mark, landbruksvegar m.v., og nær andre fysiske inngrep. Plasseringa gjev god bakgrunn slik at masta ikkje vil kome i silhuett sett frå nokon stad i dalen. Lokaliseringa inneber at det ikkje vert nye inngrep i sjølve Norangsdalen. MARKSLAG (AR5) Markslaget på den omsøkte tomta er registrert som innmarksbeite. RASFARE Tomta ligg innanfor potensielt rasfarleg område i NGI sitt faresonekart frå Det er ikkje registrert historiske skred på lokaliteten. Søkjaren har utforma høge fundament med om lag 3 m høgde og forma som ein plog som skal gjere konstruksjonen tiltrekkeleg rastrygg. Det er opplyst at løysinga er utforma i samråd med skredfagleg og ingeniørfagleg kompetanse. FRILUFTSLIV Basestasjonen ligg om lag 300m frå starten av lokal tursti mot Langfonndalen. Basestasjonen vil såleis ikkje ha vesentleg verknad for friluftsinteressene. Det ligg altså ikkje føre registreringar i naturbasen om verdifulle naturtypar eller artar som kan verte påverka av planen/tiltaket. Det er heller ikkje kjent at det kan vere andre artar eller naturtypar i området som ikkje er fanga opp av registreringane i naturbasen. Landskapsverknaden er vurdert ovanfor. Den no valde lokaliseringa samsvarer også langt betre med prinsippet om å samle inngrep enn den først omsøkte lokaliseringa. Kravet i naturmangfaldlova (nml) 8 om at saka skal basere seg på eksisterande og tilgjengeleg kunnskap er dermed oppfylt. I og med at naturmangfaldet i liten grad vil bli påverka av framlegget og at det ikkje kan påvisast at tiltaket vil ha effekt på verdifull natur, vert det lagt til grunn at det ikkje er naudsynt å gjere vurderingar etter dei andre miljøprinsippa i nml Basestasjonen er plassert i eit område som kan vere utsett for ras. I samband med tidlegare sak om ein liknande basestasjon, har ein konkludert med at tiltaket vert å plassere i tryggleiksklasse S1 (krav til 100-års tryggleik mot ras, jf. TEK 10). Med bakgrunn i

5 skredfagleg og ingeniørfagleg kompetanse, har søkjaren utforma fundamentet for masta som ein plog som i si utforming og høgde skal gje tilstrekkeleg konstruksjonstryggleik for tiltaket. Med dette vert det lagt til grunn at dette omsynet er tilfredsstillande ivareteke. Det ligg ikkje føre negative fråsegner i samband med høyringa eller nabovarslinga. Det er gjort ei vurdering av alternative lokaliseringar, som så vidt ein kan sjå har munna ut i den best moglege plasseringa, samstundes som løysinga fullt ut oppfyller krav til dekning for naudnett i Norangsdalen. Etablering av naudnett er eit tiltak som er prioritert nasjonalt, og som og representerer stor samfunnsnytte regionalt og lokalt knytt til beredskap og tryggleik. Rådmannen finn at tiltaket ikkje i vesentleg grad set til side plangrunnlaget eller andre samfunnsinteresser. Den store samfunnsnytta tiltaket representerer inneber at ein dispensasjon utan tvil vert vurdert å ha større fordelar enn ulemper med den no omsøkte løysinga. Rådmannen rår såleis til at det vert gitt dispensasjon i samsvar med søknaden. Det har vore aktuelt å samlokalisere basestasjon for mobildekning saman med naudnettet, men det ligg ikkje føre avklaringar i høve dette spørsmålet. Det vert opplyst frå søkjar at det vil vere høve til å etablere samlokalisert basestasjon for mobil i same mast og utstyrshytte, dersom det skulle verte aktuelt. Arnstein Nupen konstituert leiar plan- og utviklingsstaben Gunnar Wangen avdelingsleiar plan og miljø