Sotra Brannvern IKS - I arbeid for eit branntrygt lokalsamfunn! Årsmelding 2006

Transkript

1 Sotra Brannvern IKS - I arbeid for eit branntrygt lokalsamfunn! Årsmelding

2 Sotra Brannvern IKS I arbeid for eit branntrygt lokalsamfunn Vårt primære føremål er å ta i vare eigarane sine behov, plikter og oppgåver slik dei er nedfelt i lov og forskrift vedk. brann og redningsberedskap, brannførebyggjande arbeid, feiing og tilsyn. INNHALD Brannsjefens kommentar Side 4 Om selskapet 5 Organisasjon, leiing og økonomi 6 Administrasjonsavdeling 8 Beredskapsavdeling 10 Brannførebyggjande avdeling 13 Styret for Sotra Brannvern IKS 16 Representantskapet for Sotra Brannvern IKS 17 Tilsette 16 Materiell og stasjonar 17 Samandrag året Saker behandla av Sotra Brannstyre i Bilete på framsida viser brannkonstabel Hege Rødbotten saman med ei blid, lita, jente under Open Brannstasjon Bilete teke av Sotra Brannvern IKS.

3 3 Bilete er teke av Irene Harholt

4 BRANNSJEFENS KOMMENTAR. Brannsjef Bjørn Olav Paulsen Du les no den første årsmeldinga for det nye interkommunale selskapet Sotra Brannvern IKS og litt av eit år det har vore. Det vil du kunne lese meir om vidare i årsmeldinga. Når ein startar opp eit nytt selskap, er det veldig mange ting som skal på plass. Eg nemner berre raskt; retningsliner, reglement, etablering av utval, nye brevmalar, val av bank og rekneskapsselskap, registrering av selskapet i Brønnøysundregistrene m.m. Heile året har vi jobba med å få på plass styringsverkty som skal gjere det mogeleg å gje både våre tilsette og våre eigarar innblikk i drifta. Eg legg ikkje skjul på at det har vore eit strevsamt år. I alle hovudsak har vi sjølv gjort jobben med tilrettelegging for drifta av det nye selskapet. Sotra Brannvern IKS er ikkje det første brannvernet som er organisert som eit interkommunale selskap etter lov om interkommunale selskaper, men det første i Hordaland fylke. Førebels er det berre Fjell og Sund kommunar som har klart dette, men eg trur at dette er ei organisasjonsform som burde vere tenleg også for andre kommunar i fylket vårt. Vi hadde naturlegvis ein noko enklare veg å gå sidan kommunane Fjell og Sund i ei årrekkje har samarbeidd om brann og redningstenestene. Det var da også semje mellom kommunestyra om oppretting av selskapet. Når ein ser på utfordringane dei forskjellig brannverna i fylke vårt har med å rekruttere kvalifisert personell, så burde kanskje fleire tenkje i same retning som det Fjell og Sund har gjort. Som brannsjef er det betryggjande å ha gode medarbeidarar i ryggen når arbeid skal utførast. Særskilt tilsyn, feiing, tilsyn med fyringsanlegg, opplæring, sal av kurs og utvikling av nye tenesteområder er område som førebyggjande avdeling er gode på. Vi kjem ikkje utanom storbrannen i mai der beredskapsavdelinga verkeleg fekk hendene fulle. Det står stor respekt av alt innsatspersonell som klarte å hindre tap av bustader i brannen. Sotra Brannvern er også takk skuldig til alle nabobrannvern som hjelpte til, Sivilforsvaret, Forsvaret m.fl. Gjennom ein god del år har vi satsa mykje pengar på kompetanseheving av personellet vårt. Særleg har vi satsa mykje på mellomleiarane våre dei såkalla utrykkingsleiarane. I denne storbrannen fekk dei verkeleg kjørt seg og eg gler meg over dei gode tilbakemeldingane vi fekk på måten den stadlege leiinga blei utført på. Det er sjølvsagt også tilfredsstillande at vi på øvste administrative beredskapsnivå vakthavande brannsjef har kompetanse til å handtere så store hendingar. Eg må jo elles seie at det var hyggeleg at Sotra Brannvern, i avisa Vestnytt, blei nominert til Årets-Namn -prisen i regionen for Det følest som ei tillitserklæring at vi blir nominert. Bakgrunnen var vår handtering av storbrannen 5 8 mai der omlag 20 km 2 av Fjell kommune blei rasert av utmarksbrannen. I tillegg til dei praktiske utfordringane som ein slik brann gjev, så førte dette til ein meirkostnad for oss på omlag 1,5 mill. Det blei nødvendig med ein ekstraoverføring frå Fjell kommune for å sikre drifta. Det er naturleg å nemne to store saker som har vore framme i Den eine er utarbeiding av ny branndokumentasjon for kommunane, som er eit krav som kjem som følgje av den nye organisering. Den andre kjem hand i hand med branndokumentasjonen og gjeld ei vurdering av ny brannstasjon på Straume. Sakene fekk ingen avklaring i 2006, men eg reknar med at dei kjem i løpet av første halvår i To tunge saker, der særleg branndokumentasjon er viktig for drifta. Branndokumentasjonen er basert på ein brannteknisk risikovurdering av heile regionen vår og har m.a. vurdert følgjande område: brannskadepotensiale, kartlagt tilgjengelege ressursar, vurdert brann og ulukkesfrekvensar, konsekvensvurderingar, vurdert personellbehov o.a. I tillegg til måloppnåing og levering av tenester står økonomien sentralt i det meste vi gjer. Det er gledeleg at vi sjølv med eit noko kaotisk første år har klart å kome i hamn med eit rekneskapsmessige mindreforbruk. Ser ein heile aktiviteten under eitt så meiner eg som brannsjef at vi har utført våre oppgåver på ein god måte, og det er særleg gledeleg at vi ikkje har hatt nokon store skader på personell i Kanskje ei medverkande årsak kan vere at arbeidsmiljøundersøking i 2006 viser god trivnad blant våre tilsette. Bjørn Olav Paulsen, Ågotnes, 5. mars

5 OM SELSKAPET I juni 2005 vedtok kommunestyra i Fjell og i Sund å organisere det felles brannvernsamarbeidet, som eit interkommunalt selskap etter lov om interkommunale selskaper. Sotra Brannvern IKS blei etablert og er eigd av Fjell kommune med 78,37 % og Sund kommune med 21,63 %. Vårt primære føremål er å ta i vare eigarane sine behov, plikter og oppgåver slik dei er nedfelt i lov og forskrift vedk. brann og redningsberedskap, Brannførebyggjande arbeid, feiing og tilsyn. Det er tre interkommunale organ i selskapet; representantskapet, styret og dagleg leiar. Brannsjefen er dagleg leiar. Selskapet skal ivareta eigarkommunane sine plikter etter brann og eksplosjonsvernloven og relaterte forskrifter. Selskapet har det administrative ansvaret for personell knytt til Kystverket sitt oljeverndepot i Fjell kommune, som ligg på Coast Center Base på Ågotnes. Denne oppgåva blir teke i vare av beredskapsavdelinga. Det er utarbeidd ein selskapsavtale som regulerer samarbeidet mellom kommunane. Avtalen er vedteke av Fjell kommunestyre , Sund kommunestyre og i representantskapet for selskapet Selskapet har utarbeidd ny branndokumentasjon for regionen, men i skrivande stund har branndokumentasjonen ikkje vore gjennom kommunestyra i eigarkommunane. Dette vil venteleg skje i løpet av Rekneskapsbyrå er Kemax Økonomi AS. Vesthordland Revisjonsdistrikt er revisor for selskapet. Hjelp 24 Bedriftshelsetjeneste, leverer oss bedriftshelseteneste. Kommunestyra har delegert det mynde som etter loven med forskrifter er lagt til kommunen, til styret som igjen har delegert mynde til brannsjefen. Delegering av mynde femner ikkje om viktige saker der loven krev vedtak i kommunestyret sjølv. Plikter og arbeidsoppgåver for Sotra Brannvern IKS: Gjennomføre informasjons og motivasjonstiltak i kommunane for å redusere antallet brannar og andre akutte ulukker. Gjennomføre Brannførebyggjande tilsyn, ulukkesførebyggande oppgåver, og feiing og tilsyn med fyringsanlegg. Gjennomføre nærare definerte oppgåver i krise og krigssituasjonar Vere kommunane sin innsatsstyrke ved brann, innsatsstyrke ved andre akutte ulukker t.d. trafikkulukker Vere kommunane sin første innsatsstyrke ved akutt forureining og inngå i aksjonsleiinga Ta del i utforminga av eigarkommunane sine planar og arbeid med krise og beredskap Kommunane kan også leggje andre arbeidsoppgåver til selskapet så sant desse ikkje svekkjer gjennomføringa av oppgåvene nemnt ovanfor. 5

6 ORGANISASJON, LEIING OG ØKONOMI Sotra Brannvern IKS er organisert med ein administrasjonsavdeling, ein beredskapsavdeling og ein Brannførebyggjande avdeling. Ved beredskapsavdelinga er det også ein stabsfunksjon for materialforvaltning, og Kystverket sitt oljeverndepot er underlagt denne avdelinga. Ved førebyggande avdeling er det ein seksjon for feiing og tilsyn med fyringsanlegg, og seksjon for HMS-tilsyn. Administrasjonsavdelinga har stabsfunksjon for personal og kontorfunksjonar. Leiar gruppa i selskapet er brannsjef, avdelingsleiar beredskap, avdelingsleiar førebyggande og personal og kontorleiaren. Stillingar ved Sotra Brannvern IKS: Administrasjonavdeling: Brannsjef Personal og kontorleiar 2 stillingar. Beredskapsavdeling Avdelingsleiar, varabrannsjef Brannmeister 8 x underbrannmeister 2 x brannformann 22 x brannkonstabel Tilsynsmann for oljeverndepotet Leiar for oljeverndepotstyrken Nestleiar for oljeverndepotstyrken 8 x mannskap ved oljeverndepotstyrken Totalt 45 stillingar Brannførebyggjande avdeling Avdelingsleiar, overingeniør Branningeniør Overbrannmeister Feiarmeister 3 x feiarsvein 2 x feiarlæring Totalt 9 stillingar. Samla for heile selskapet er det 56 stillingar. (Desse er 13 heiltidsstillingar og 43 deltidsstillingar) 6

7 Forhandlingsutval: Sotra Brannstyre har oppretta eit forhandlingsutval i tråd med krav i selskapsavtalen. Utvalet skal m.a. halde seg orientert om lønsutviklinga i kommunal sektor, og gjennomføre lokale lønstingingar innanfor dei rammer brannstyret har gjeve. Utvalet blir leia av styreleiaren og er slik samansett: styreleiar Per Asle Sandal nestleiar Jorunn Småbrekke Gjersvik brannsjef Bjørn Olav Paulsen Tilsettingsutval: Sotra Brannstyre har oppretta eit tilsettingsutval i tråd med krav i selskapsavtalen. Utvalet har mynde til å tilsette og seie opp personell med unntak av brannsjefen. Utvalet har desse medlemene: brannsjef Bjørn Olav Paulsen nestleiar i styret Jorunn Småbrekke Gjersvik tillitsvald for dei tilsette Øyvind Sangolt. Arbeidsmiljøutval: Sotra Brannstyre har oppretta eit arbeidsmiljøutval. Utvalet har 6 personar med 3 for arbeidsgjevar og 3 for arbeidstakarsida. Per var desse i utvalet: Vedteke budsjett for selskapet var på kr På grunn av storbrannen i mai fekk selskapet dekt ekstrakostnader ved denne på omlag kr Selskapet hadde høgare inntekter enn budsjettert. Driftsutgifter: Driftsinntekter: Driftsresultat*: *Brannsjefen sette av kr til feie og tilsynsfondet i 2006 og dette er difor rekna med i driftsutgiftene. Det reelle mindreforbruket er altså = Ut i frå dei mange utfordringane som selskapet sitt første driftsår gav, må resultatet kunne seiast å vere bra. I høve til 22 i selskapsavtalen skal midlar ved overskot i rekneskapen overførast til driftsfondet innafor den ramme på kr Brannsjefen gjer merksam på at midlane i feie og tilsynsfondet inngår i ramma på kr Overføring til disposisjonsfondet blir difor kr For arbeidsgjevar: Bjørn Olav Paulsen Leif Ole Rethaug Bjarte Søvik For arbeidstakarane: Thomas Hjelme Kenth Trygve Haukeland Roger Ekren I tillegg er det personleg vara for alle faste medlem. AKAN-kontakt: Sotra Brannvern IKS har også vald ein AKAN-kontakt. AKAN-kontakt er Svein Olaf Drageland. Svein Olaf Drageland er overbrannmeister ved føre byggande avdeling. Verneombod: Verneombod ved Sotra Brannvern IKS er Thomas Hjelme. Thomas Hjelme er tilsett som feiarsvein og er i tillegg brannformann i beredskapsstyrken. 7

8 Administrasjonsavdeling Administrasjonsavdelinga ved Sotra Brannvern IKS har ansvaret for all kontordrift, og personalforvaltning. Innunder dette ligger drift av kontormaskiner, rekvisita, utleige av undervisningslokalet Eldstaden, arkiv, post, lønsoppgjer, forsikring, pensjon, opplæringsplanar, tilsettingssaker m.m. Det har vore arbeidd med etablering av mange utval, retningsliner, reglement m.m. Arbeidsmiløutvalet har behandla 46 saker i Det er gjennomført grunnopplæring i arbeidsmiljø for leiinga og representantar i Arbeidsmiljøutvalet. Kurset var i regi av vår bedriftshelseteneste Hjelp 24. Denne grunnopplæringa er eit krav for alle som er medlem av arbeidsmiljøutvalet. Forhandlingsutvalet har gjennomført lokale lønstilpassingar for alle heiltidsstillingar i For deltidsstillingar i beredskapstyrken er avløning regulert gjennom eigen særavtale SFS 2404 med lokal tilpassing. For stillingane ved oljeverdepotet er avløning regulert gjennom nok ein særavtale ASA Avdelinga har arbeidd med innkjøp og oppretting av personaldatabase. Denne databasen er av ein slik karakter at det ikkje er krav om løyve frå Datatilsynet. Det blir ikkje lagra sensitive opplysningar om den einskilde. Intensjonen med databasen er å ha ei grei oversikt over namn, adresser, utdanning, kompetanse, erfaring, lønsnivå o.l. Ein slik database er på plass og innlegging av data er begynt. Eit anna område det er arbeidd ein del med er å opprette betre kontorrutinar. I dette ligg arkivering og posthandtering. Innkomne sakar blir no elektronisk behandla med scanning og vidaresending til saksbehandlaren. Opplæringsplan for 2006 blei utarbeidd i regi av administrasjonsavdelinga. Dette blei gjort ved at den respektive avdeling melde inn behov, planen blei sett opp med prioriteringar og kostnader, for deretter å bli lagt fram for styret for avgjerd. Sotra Brannvern legg store ressursar inn i opplæringsplanen. Ressursar som vi ser på som ei god investering både i auka kompetanse innad i korpset og for den einskilde kva gjeld kompetanse og trivnad. Administrasjonsavdelinga har ansvaret for samordning av kurs/opplæring i ein felles opplæringsplan, mens den einskilde avdeling har ansvaret for oppfølging. Etter at Sotra Brannstyre gav klarsignal for ei såkalla standardgåve (til t.d. 50-års jubilantar) har vi arbeidd med å kjøpe inn dette. Valet falt til slutt på ein vase frå Magnor som har inngravert Sotra Brannvern sin logo. Påskjønningsreglement, som er vedteke av Sotra Brannstyre, regulerer utdeling. I ein organisasjon av vår storleik er det alltid noko turnover i løpet av eit år. Vårt ønskje er å halde på gode medarbeidarar, men frå tid til annan er det naturleg at ein person søkjer seg til nye utfordringar. I denne prosessen med utlysning og tilsetting er det viktig å ha gode rutinar for mottak og saksbehandling av søknadar. Avdeling starta i 2006 arbeidet med å gå gjennom prosedyrane for tilsetting og utlysning. Sjølv om Sotra Brannvern ikkje har registert noko rusproblem blant dei tilsette, har vi valt å vere føre var og det er difor vald ein AKAN-representant. Dette er Svein Olaf Drageland som til dagleg er overbrannmeister ved førebyggande avdeling. Han har vore på eit 3 dagars kurs for AKAN-representantar. Sotra Brannvern disponerer undervisningslokalet Eldstaden. Lokalet blir frå tid til annan leigd ut til andre brukarar. I 2006 fekk interessa frå andre aktørar eit oppsving, og vi har no etablert ein enkel lånekontrakt og lokalet blir leigd ut inklusiv kaffe og te. Dersom leigarane ønskjer mat må dei normal skaffe dette sjølv. 8

9 Fleire av avdelinga sine aktivitetar blir styrt av aktivitetesplanen for Sotra Brannvern IKS. I denne planen, som er av overordna karakter, går det fram viktige felt som det skal arbeidast med. Planen er årleg og er vedteke av styret. Det er m.a. gjennomført leuarevalueringar, såkalla Personaltilfredsheitsmåling (PERTIL-test). Vakthavande brannsjef og vakthavande utrykkingsleiarar er også blitt evaluert. Evalueringa av dei to befalsnivåa skjer årleg. Alle blir evaluert innan kategoriane Øving, Aksjon og Generell leiing. I tillegg er det ei totalvurdering. Scoren er frå 1 6 der 6 er beste score. Snitt for vakthavande brannsjef var 5,2, noko som er godt. For utrykkingsleiarane var snittet 5,0, som også er godt. Alle med funksjon som vakthavande brannsjef blir vurdert av både mannskap og utrykkingsleiarar, mens utrykkingsleiarane berre blir vurdert av laget dei leier. SB IKS har ei ekstern webside. I tillegg har vi ei intern heimeside som alle tilsette har tilgong til. Alle tilsette har også si eiga e-postadresse. Alle retningsliner, reglement, stillingsbeskrivingar o.a. som er vedteke av Sotra Brannstyre, har avdelinga oppretta som elektronisk Personalhandbok. Denne handboka er tilgjengeleg for alle tilsette via våre interne heimesider. Temperaturmåleren, eit verkty som vurderer arbeidsmiljøet i selskapet, er også i 2006 blitt gjennomført. Undersøkinga er delt i 5 område; Personleg utvikling, Sosialt samspel, Organisatoriske forhold, Organisasjonskultur og Totalvurdering. Alle heiltidstilsette, og deltidstilsette i beredskapsstyrken, svarar med avkryssing frå grønt (godt nøgd), gult (mindre nøgd) til raudt (misnøgd) For 2006 viser undersøkinga at omlag 79 % er godt nøgd med arbeidsmiljøet, mens 21 % er noko mindre nøgd. Ingen er misnøgd. Totalt sett er ein score på over 70 % bra. Undersøkinga er årleg. Dei planlagde temasamlingane blei ikkje gjennomført i Slike samlingar er på planen kvart år, men utan at tema er avgjort når planen blir behandla av styret. Samlingane kjem i tillegg til øvingsplanen som beredskapsavdelinga held seg til. Årsaka til at det ikkje blei gjennomført temasamlingar har med kapasitet og sjukemeldingar å gjere. Det har vore gjennomført ein revisjon og oppdatering av internkontrollhandboka i selskapet. 9

10 Beredskapsavdeling Avdelingsleiar, varabrannsjef Nils Anders Mæland Året 2006 vil for beredskapsavdelinga stå planta som det store lyng- og skogbrannåret. Dette fordi vi hadde den største og mest omfattande brannen vi nokon gong har hatt i vår region, og fordi vi i tillegg hadde rekord i antal lyng- og skogbrannar. Dette kjem vi naturlegvis nærare inn på seinare i årsmeldinga. Sjølv om det er slike tal og hendingar som festar seg hjå folk, så er det faktisk slik at det er heilt andre oppgåver og hendingar som tek det meste av tida for avdelinga. Bemanning: Vi har gjennom lang tid hatt store utfordringar med rekruttering av deltidspersonell til Skogsskiftet stasjon. Det blir stilt strenge krav til kvalifikasjonar til nytilsette, og dette er grunnen til at tilsettingane har teke lang tid. Rette kandidatar er ikkje lett å finna, men mellom anna pga god rekrutteringsjobb frå andre tilsette i stasjonen har vi no klart dette. Utover året, og spesielt mot slutten av året. snudde denne trenden, og i 2006 blei det i alt 6 nye medarbeidarar i Skogsskiftet stasjon. Det har vore slitsamt for mannskapa å vera underbemanna over ein relativt lang periode, men alle har stått på og sikra at beredskapen alltid har vore på plass. Også på oljeverndepotet har vi i 2006 oppbemanna slik at dei no er det antal personell som skal vera der. Det er no inne to av våre konstablar også i denne tenesta, i tillegg er det tilsett ein frå ekstern arbeidsgjevar til å delta i oljeverndepotet. Til saman er det i depotet ein tilsynsmann og 10 depotmannskap inkl. leiar og nestleiar. Utstyr/materiell: Det er ikkje kjøpt inn noko spesielt nytt materiell i Året har gått med til å komplettere og halde vedlike eksisterande materiell, og erstatta ein del tapt og øydelagt materiell m.a. etter dei mange lyng- og skogbrannane Elles vart det på slutten av året inngått kontrakt med Egenes Brannteknikk AS om levering av to nye mannskapsbilar, ein til kvar av stasjonane, hausten Dette er svært etterlengta. Dei to gamle bilane er utdatert, særleg mop komfort og sikkerheit for mannskapa, men også mop driftssikkerheit. Dette fekk vi erfara då clutchen rauk i romjula på den eine av bilane som skal skiftast ut. Dei nye bilane er utstyrte med det som trengst av funksjonar, sterk motor, automatgir, elektronisk stabilitetsprogram, sikkerheitsbelter i alle sete, ryggekamera, begge har innreda røykdykkarkabin, moderne pumper, begge er førebudd for montasje av neste generasjons sløkkjemateriell (Cobra skjærslukker) osv. Saman med dei nye bilane er det også tatt inn ein del materiell for utrusting av bilane. Mannskapa gler seg storleg til å få dei nye bilane. I tillegg er det på slutten av året gjort ein del arbeid med tanke på utskifting av leasingbilparken (småbilane). Vi har etter kvart gått over til nytt og betre fottøy for mannskapa. Før var det støvlar, mens vi no har gått over til moderne røykdykkarstøvlettar. Opplæring: Nytilsette skal gjennom ei intern opplæring ekstern opplæring via Norges Brannskole (NBSK) og røykdykkarkurs (kjøpt eksternt). Dette er ein prosess som tar bort mot to år å få gjennomført. Opplegget blir kvalitetssikra ved at den tilsette fyller ut ei opplæringsbok frå NBSK på den opplæringa som blei gitt. Det blei på slutten av året vedteke at opplæringskravet for brannkonstablar (grunnkursutdanning) også skulle gjelda for deltidspersonell. Sotra Brannvern er saman med 12 andre kommunar på andre året i gang med den såkalla Hordalandsmodellen for grunnkursutdanning. Kurset tar utgangspunkt i NBSK sitt grunnkurs, men er tilpassa og laga spesielt for vår region. Det eit kurs som går frå haust til vår, kombinert med sjølvstudie og innleveringsoppgåver og klasseromsundervisning (på kveldstid) og ei veke praksistrening. Normalt ville det koste mellom om lag ,- for oss å få ein kandidat gjennom eit standard grunnkurs, medan Hordalandsmodellen kostar om lag ,- per elev. For skuleåret 2005/2006 hadde Sotra Brannvern med to elevar (det gjekk då berre eit kurs for regionen) og har for skuleåret 2006/2007 (no går det to kurs) med 4 elevar. Heile opplegget er styrt av samarbeidsbrannverna sjølve, og vi har for tida leiarvervet i styringsgruppa, veiledar for det eine kurset, i alt 4 instruktørar frå eigne rekkjer. Vil også nemna at vi for internt bruk har fått utvikla eit Web-basert teoriøvingsopplegg, der mannskapa til kvar øving skal inn og avleggje ein teoritest. Denne skal danne grunnlag for eventuell teorirepetisjon for mannskapa. Så langt er vi svært fornøgd med dette opplegget, og det er godt motteke av mannskapa. Det blei gjennomført medarbeidarsamtalar med dei fleste utrykkingsleiarane etter plan. 10

11 Beredskapssituasjonen: Sotra Brannvern IKS har ansvar for beredskapen i begge kommunane, men kjøper sjølve utrykkingsdelen for Litle-Sotra, Bildøy, Lie/Ekerhovd, Bjorøy og Tyssøy frå Bergen kommune v/bergen Brannvesen. Utrykkingsmessig fungerer dette normalt sett bra, men vi har no ved fleire høve sett at dette er sårbart. Det er berre ein veg som bind Bergen og Litle-Sotra saman og denne er som alle veit dårleg mop kapasitet særleg i rushtida morgon og ettermiddag. I tillegg har vi hatt fleire tilfelle av vegstenging i kortare og lengre tidsrom som fylgje av uhell på vegen. Dette et noko som mellom anna har fått den konsekvens at det i forslag til ny branndokumentasjon for regionen er føreslått å oppretta eigen brannstasjon på Straume. Den saka er ikkje avgjort og kjem venteleg til handsaming våren Vi avventar i spenning avgjerda. Storbrannen i mai Alarmen gjekk fredag klokka 16:30, og meldinga gjekk ut på at det var fyr i terrenget vest for Blommen/nord for Fjell gard, brannen spreidde seg nordover. Eigne tilgjengelige ressursar var raskt på plass, og det vart konstatert at vi ikkje ville ha sjanse til å stogga brannen i utmarka. Intensjonen var å få sikra bustader på Morland, hindre at brannen spreidde seg aust for riksvegen, og vest for vassdraget mellom Morland og Fjell Gard, og stogge brannen på Morland. Brannen blei ikkje stogga på Morland, men spreidde seg vestover til Møvik, samt nordover til Skålevik. Her blei brannen stogga. Det vart raskt rekvirert skogbrannhelikopter som framleis var på Flesland, assistanse frå Øygarden brannvesen i tillegg til at Sivilforsvaret og Fjell Kommune si kriseleiing var varsla. Brannen inneheldt alt me hadde sett for oss som eit værste-saks -scenario. Varigheit, utstrekning i areal, bustader og folk truga, evakuering av folk osv. Eigne mannskap som var med i aksjonen talde til saman 32 mann, og desse produserte i løpet av ei veke tett opp mot 1800 timar arbeid. Sivilforsvaret og forsvaret var inne med mannskap og utstyr. Fjell kommune og Fylkesmannen i Hordaland var aktive i heile aksjonen. Tre helikopter var med. To av dei innleigd av Fjell kommune. Brannmannskap og materiell frå kommunane Bergen, Øygarden, Os, Voss, Austrheim, Askøy og Lindås & Meland var inne. 750 timar assistanse registrert. Materiell frå Håkonsvern, Avinor, Kollsnes og Sture var inne. Siste rest av brannen vart sløkt fredag Då var resultatet: 16 kvadratkilometer utmark brent. Ingen alvorlege skader på bygningar. Ingen alvorlege skader på personell, relativt begrensa skader på materiell (ingen kjøretøy skada). Alle mål for aksjonen/innsatsen oppnådd med unnatak av at lengda på aksjonen, som gjekk ut over det me kunne forestille oss. Brannen hadde også ei økonomisk side, der me vart påført ei ekstra utgift til løn til eigne mannskap, betaling for assistanse frå andre kommunar og materiell på tett opp mot 1,5 millionar kroner. Dette beløpet har kommunane i sin heilskap overført oss som ekstraløyving. Bilete er teke av Sotra Brannvern IKS og er frå Spjeldbrua i retning Færeide i Fjell kommuneunder storbannen i mai

12 Statistikk: Som nemnt så vart 2006 eit år med den største brann i regionens historie. Året hadde også totalt sett rekordmange brannar. Ettersom Bergen Brannvesen har utrykkinga til delar av Fjell og Sund, er også utrykkingar som er føreteke av Bergen Brannvesen, inkludert i tala. Andel for Bergen utgjer omlag. 25 %. Utrykningar og oppdrag i Fjell og Sund kommunar for 2006 Pipebrann 6 Trafikkulykke 25 Brann i bygning 17 Annen brann 13 Brann i campingvogn 1 Akutt forurensning 7 Annen assistanse 15 Båtbrann 2 Bilbrann 3 Lyng- og grasbrann 67 Unødig Alarm Andre oppdrag: Gjennom året har Sotra Brannvern fleire oppdrag som ikkje kjem inn under omgrepet utrykkingar, og som heller ikkje fullt ut viser på statistikkane våre. I hovudsak dreier dette seg om to typar oppdrag, vasslevering og utrykkingar til unødige alarmar, (utrykkingar til unødige alarmar er med i statistikken som blei formidla frå vaktselskap (privatbustader)). I tillegg kan me tilby for eksempel spyleoppdrag (plassar/skråningar m.m.). Me har også vore ute og assistert industribedrifter med vatn i forbindelse med trykktesting. Mannskapssamlingar, o.a.: Gjennom året har me samla mannskapa til to samlingar, der me har delt dette opp stasjonsvis. Ut frå erfaringar gjennom åra ser det ut for at med å dela dette stasjonsvis møter fleire opp. 12

13 Brannførebyggjande avdeling Avdelingsleiar, overingeniør Bjørn Næs 2006 har vore eit år med stor aktivitet på avdelinga. Vi er framleis i ein prosess med omlegging av HMS-tilsyna der ansvarleggjering og oppfølging har hatt hovudfokus. Tilsyna med fyringsanlegg er også justert etter føringar frå Direktoratet for samfunnssikkerhet og beredskap (DSB). Kurs og opplæring har vore eit satsingsområde for avdelinga og responsen frå både kommunale og private verksemder har vore god. Kampanjar Sotra Brannvern IKS fekk i 2006 laga utrykkingskle til barn. Kleda ble laga av ALF, som er tiltaksarrangør for Aetat og for Bergen Kommune. Det blei laga i alt 26 sett. I samband med Aksjon boligbrann 2006 var vi på Sartor Storsenter éin dag og delte ut batteri til røykvarslarar. Vi hadde med oss ein 3. klasse frå Foldnes skule som vi kledde opp i dei nye uniformene. På eit par timar hadde vi delt ut ca. 400 batteri som vi håper blei plassert i røykvarslarane heime hos folk. HMS-tilsyn Prosessen med omlegging av tilsyn i særskilte brannobjekt er i sluttfasen. Tilsynet er i dag delt inn i tilsyn og eigenmeldingar og vi skiljer mellom eigar og brukar (verksemd). Alle tilsyna er følgd opp og dette har ført til auka bruk av tvangsmidlar, som dessverre i fleire tilfeller har vist seg nødvendig for å få lukka registrerte avvik. Antall objekt Antall tilsyn A-objekt B-objekt 5 4 C-objekt 2 0 I veke 40 gjennomførte vi tilsyn i Austevoll kommune, etter førespurnad frå brannsjefen der. Tilsyna blei gjennomført etter modell av Sotra Brannvern IKS og blei godt mottatt av både eigarar og brukarar. Forskrift om brannforebyggende tiltak og tilsyn deler inn særskilte brannobjekter i følgjande kategoriar: bygninger og områder hvor brann kan medføre tap av mange liv (sykehus, skoler, barnehager m.m.) bygninger, anlegg, opplag, tunneler og lignende som ved sin beskaffenhet eller den virksomhet som foregår i dem, antas å medføre særlig brannfare eller fare for stor brann, eller hvor brann kan medføre store samfunnsmessige konsekvenser (viktige bedrifter, kraftstasjoner, vannverk m.m.) viktige kulturhistoriske bygninger og anlegg (museer, samlinger m.m.) Bilete er frå Sartor senter i desember Utdeling av røykvarslagbatteri og peparkaker. Teken av Sotra Brannvern IKS. Fyrverkeri I 2005 blei det sett i gang eit prøveprosjekt i Hordaland og Rogaland med avgrensa i antall salsdagar for fyrverkeri. I 2006 var det lov å selje den 29. og 30. desember. Målet var å avgrense bruk av fyrverkeri i perioden før nyttårsaftan. Vår erfaring er at dette så langt har vore vellukka. Sotra Brannvern IKS fører tilsyn med alle godkjente utsalsstader for fyrverkeri. Tilsynet i 2006 avdekka ingen avvik som tilsa mellombels eller permanent stenging. Tal på utsalsstader i 2006 var 11. Nyttårsaftan er også for dei yngste og i Bergens distriktet er det vanleg at barn går julebukk denne kvelden. For å gjere denne opplevinga tryggast mogleg blei tidsrommet for lovleg oppskyting av fyrverkeri redusert til kl mot tidlegare

14 Feiing og tilsyn Det har vore høg aktivitet i feie og tilsynstenesta og alle måla for 2006 blei nådd. Antal avvik registrert i 2006 er (Fjell 850, Sund 585). Avvika fordeler seg på eldstader, tilkomst, skorstein m.m. Figuren under viser kva vi har utført av feiing og tilsyn i forhold til plan, fordelt på kvar kommune. I 2006 gjekk vi over frå å bruke ferdigtrykte rapportskjema med gjennomslag, til å bruke rapporter som er skrivne ut frå Komtek på Sotra Brannvern IKS sitt brevpapir. Rapportane blir sendt eigar etter tilsynet, og vi føler at dette blir positivt tatt i mot av publikum. Vi har også begynt å følgje opp tilsyna betre enn vi har gjort tidligare, slik at vi sender pålegg til huseigarar som ikkje gjev tilbakemelding om korleis og når avvik vil bli retta. Dette har naturlig nok ført til at fleire gjev tilbakemelding etter at pålegg er sendt ut. Når det gjeld vidareutvikling av Komtek programvare, har vi ein god dialog med leverandør for å få utvikla programmet slik at vi oppnår ein enda betre effektivitet. Vi har tatt i bruk PDA /handheld pc til registrering av feiing og tilsyn. Dette har gitt god gevinst når det gjeld registrering av feiing, men vi har ikkje utnytta potensialet når det gjelder tilsyn. Årsaka til dette er avgrensningar i programvara som gjer at endringar av registrerte data må gjerast inne på kontoret, og ikkje når tilsynspersonen er ute hjå kunden. Eit nytt dataprogram for synkronisering av Gabdata, som gjer oss i stand til å oppdatere eigarinformasjon i Fjell kommune, blei teken i bruk i løpet av året. Dette har hatt ein positiv effekt som gir utslag i mindre post- retur pga feil adresse. Utan dette programmet ville vi hatt ei stor utfordring med å oppdatere eigaradresser manuelt i samband med at store delar av Fjell har fått gateadresse i Etter at Sund kommune har teke i bruk KommuneGab ved årsskiftet 2006/2007, håper vi å få til ei tilsvarande løysing for Sund kommune. Gjennomføring av feiing og tilsyn i Fjell og Sund kommunar 2006 Plan og re sultat Fjell Sund Resultat Plan Resultat Tilsyn Feiing Plan Antall 14

15 Open dag Laurdag 23. september var det open dag på brannstasjonen på Ågotnes. Her var både eltilsynet, brannvernet, politi, ambulanse og sivilforsvar. Det var, som vanleg, gratis pølser, is, saft og vaflar til alle. I tillegg fekk ungane eigen brannhjelm, plaster og Sotra Brannvern IKS sin refleks. 393 barn hadde levert inn svar på vår konkurranse, og det blei trekt ut to vinnarar som fekk kvar sin GameBoy DS som Gjensidige stilte med. Vi reknar med at det var om lag personar innom portane våre denne dagen. Opplæring Vårt tilbod om opplæring er blitt godt motteke. Totalt har personar deltatt på kurs og skoleundervisning i 2006 av desse var 568 grunnskuleelevar. Totalt hadde avdelinga 44 oppdrag i Dette gav ei bruttoinntekt på ca kr ,- mot budsjettert kr ,-. Nytt av året var tilbod om opplæring i førstehjelp og kurs i varme arbeide. Forventningsfulle brannaspirantar i kø for å spyle på blink. Ågotnes brannstasjon Bilete teken av Sotra Brannvern IKS. Stor stas å få sitte på ekte politimotorsykkel. Ågotnes brannstasjon Bilete er teke av Sotra Brannvern IKS. 15

16 Styret for Sotra Brannvern IKS Sotra Brannstyre er valt av representantskapet. Oppgåver for styret går fram av selskapsavtalen, men vi nemner kort nokre punkt: Skal utarbeide årsmelding og rekneskap som blir lagt fram for representantskapet Skal gi innstilling i saker der representantskapet er avgjerdsinstans Gi innstilling i saker der kommunestyra er avgjerdsinstans Fastsetje løns og arbeidstilhøve for alt personell og skjøtte arbeidsgjevaransvaret ved å tilsetje gjennom eige tilsetjingsutval, seie opp og vedta instruksar Ei liste over dei sakene som styret har behandla, ligg ved. Styret i 2006 har vore: Styreleiar Per Asle Sandal Vara Nancy Georgia Buckner Sæle Nestleiar Jorunn Småbrekke Gjersvik Vara Kjell Rune Garlid Medlem Kurt Rune Andreassen Vara Leiv Prestegård Medlem Michelle Williams Hovda Vara Ove Bernt Trellevik Medlem Edith Sønnervig Vara Else Marie Johnsen Aase Medlem Bjarte Søvik (for dei tilsette) Vara Terje Hagen Mjelva I tillegg er Børre Brekkvassmo fast observatør for dei tilsette. Vara er Frode Skjerping Innlegg til selskapets årsmelding for 2006, frå styret i Sotra Brannvern IKS. Året 2006 var det første året Sotra Brannvern IKS eksisterte som sjølvstendig selskap, organisert som eit IKS. Styret er samansatt av til saman tre politiske representantar frå eigarkommunane Fjell og Sund, to eksterne representantar får næringslivet, og ein representant frå dei tilsette. Styret har hatt selskapsavtala for Sotra Brannvern IKS som rettleiing og tråd i styrearbeidet. Selskapsavtala er utarbeid og vedteke, av dei to eigarkommunane. Styret har vore samla i totalt fem styremøte. Eit av dei første møta vart lagt til ei felles samling for styret og administrasjonen i selskapet, på Sanderstølen Høgfjellshotell. Der var styret og administrasjonen samla for å drøfte og staka ut kursen for det nye selskapet. Styret fekk også høve til å vera å prøve løypa der Sotra Brannvern IKS arrangerer kurs for sjåførar til utrykkingskøyretøya. Dette var ei særs vellukka samling. Selskapet hadde eit travelt første halvår med it mangesaker som blei behandla. Det nye selskapet måtte ha på plass dei nødvendige avtale- og styringsverktøy. Samarbeidet mellom administrasjon og styret har i denne tida fungert utmerket. Selskapet vedtok i 2006 å kjøpe inn av to nye mannskapsbilar. Eigarkommunane vedtok ekstraløyvingar til finansieringa av bilane, fordelt etter selskapsavtala. Dette er ei stor investering for selskapet og ei vesentleg tilleggsløyving frå eigarane. Denne løyvinga viser at eigarane satsar vidare på eit moderne og godt utrusta brannvern. Med nye mannskapsbilar på plass i løpet av 2007 vil Sotra Brannvern IKS stå fram som eit særs godt utrusta og moderne selskap for å løysa oppgåver innan brannberedskap og tilsyn i regionen vår. Styret og administrasjonen har begynt drøftingar for å laga ein strategiplan for vidare utvikling av selskapet. I denne samanheng har styret gått inn for etablering av ein ny brannstasjon i området Straume. Styret meiner at ei lokalisering av ny brannstasjon i Straumeregionen vil opna for vidare utvikling av Sotra Brannvern IKS. Satsingar på å tilby kurs og tenester retta mot næringslivet og innbyggarane, vil stå sentralt i denne utviklinga. 16

17 Saka om Straume brannstasjon ligg for tida til behandling hos eigarkommunane. Avgjera i denne saka vil ha betyding for vidare strategi for utvikling av selskapet. I femårsplanen for selskapet har styret og administrasjonen begynt å diskutera mogeligheitene for å betra fasilitetane, eller eventuelt byggja ny brannstasjon I Skogsvågskiftet. Dei noverande lokala har klare manglar og er lite framtidsretta. Avtala for bygget går fram til Selskapet ser på fleire løysningar som vil bli drøfta med eigarkommunane. I alle større saker som lokalisering og bygging av nye brannstasjonar er det viktig for selskapet å ha ei god dialog, og vera samkøyrde med eigarane. Det er særs viktig at kommunikasjonen mellom eigarkommunane og styret er god. Dette for å unngå misforståingar. Dialogen mellom selskapet og eigarane skal gå via styret til representantskapet for Sotra Brannvern IKS. Styrets leiar har hatt totalt fire møter med representantskapet. To av møta har vore vanleg representantskapsmøte, og to har vore møte der einskilsaker har vært diskutert. Det siste av desse møta var eit møte med samla styre. Styret vil til slutt retta honnør til leiinga og dei tilsette i selskapet for ei særs god handtering av storbrannen i sommar med påfølgjande høg frekvens av lyngbrannar. Dette var ekstreme tilfelle av brannar som kravde høg kvalitet på kunnskap og beredskap innan brannsløkking. Selskapet stod i denne perioden fram som eit solid selskap, med god leiing og dyktige medarbeidarar som stod på for å gjera lokalsamfunnet tryggast mogeleg. Det kjennest godt å vera leiar av styret i eit så velfungerande og slagkraftig selskap som Sotra Brannvern IKS har vist seg å vera i året For styret i Sotra Brannvern IKS Per Asle Sandal Styreleiar Representantskapet Representantskapet er det øvste organet i Sotra Brannvern IKS og har m.a. følgjande oppgåver: Velje medlemmer til brannstyret. Behandle budsjett, økonomiplan, årsmelding om rekneskap. Representantskapet vel også revisor. Representantskapet: Leiar Albrigt Sangolt Vara Ivar Steinsland Medlem Jan Utkilen Vara Espen Villanger Representantskapet har hatt to møte og behandla følgjande saker: Innkalling til møte 01/ Saksliste for møte 01/ Storbrann 5 8 mai. Behov for ekstraordinære budsjettmidlar til Sotra Brannvern IKS Straume brannstasjon - prinsippvedtak Status for selskapet per juni Godtgjersle for styret i Sotra Brannvern IKS Innkalling til møte 02/ Saksliste for møte 02/ Møtebok for møte 01/ Branndokumentasjon Driftsbudsjett for 2007 for Sotra Brannvern IKS Økonomiplan for for Sotra Brannvern IKS Rekneskap etter storbrannen 5-8 mai

18 TILSETTE Sotra Brannvern IKS har både heiltidsstillingar, deltidsstillingar og lærlingeplassar. Alle stillingar med 80 % eller meir blir å rekne som heiltidsstillingar. I tillegg legg vi inn lærlingestillingane. Lærlingestillingar er ikkje faste stillingar, og personar med lærekontrakt har berre eit tilsettings/opplærlingsforhold med Sotra Brannvern IKS den tida som lærekontrakten regulerer. Følgjande personar har slutta i 2006: Overbrannmeister Øystein Anfinsen Brannkonstabel Bent Mittet Opdahl Brannkonstabel Nils Ståle Møvik Brannkonstabel Gøran Olsen Følgjande personar har begynt i 2006: Personal og kontorleiar Therese Berntsen Feiarlærling Frank Øyvind Eriksen Grønhaug Brannkonstabel Roger Skyttermoen Brannkonstabel Eivind Sangolt Brannkonstabel Kjell Havneraas Brannkonstabel Hege Rødbotten Brannkonstabel Dag Are Sangolt Brannkonstabel Jørgen Kausland Oljverndepotmannskap Ove Geir Stussdal Administrasjonsavdeling: Brannsjef Bjørn Olav Paulsen Personal og kontorleiar Therese Berntsen Beredskapsavdeling: Avdelingsleiar, varabrannsjef Nils Anders Mæland Materialforvaltar, brannmeister Børre Brekkvassmo Underbrannmeister Glenn Kenneth Lauvik Underbrannmeister Kenth Trygve Haukeland Underbrannmeister Leif Ole Reithaug Underbrannmeister Bjarte Søvik Underbrannmeister Terje Hagen Mjelva Underbrannmeister John Morthen Telle Underbrannmeister Lars Frode Grevle Brannkonstabel Olav Lygre Brannkonstabel Torbjørn Borgen Brannkonstabel John-Erik Mæland Brannkonstabel Ronny Gilborne Brannkonstabel Raymond Johannessen Brannkonstabel Frode Skjerping Brannkonstabel Howard Hestad Brannkonstabel Willy Monsen Brannkonstabel Øyvind Sangolt Brannkonstabel Roger Ekren Brannkonstabel Hege Rødbotten Brannkonstabel Roger Skyttermoen Brannkonstabel Eivind Sangolt Brannkonstabel Kjell Havneraas Brannkonstabel Jørgen Kausland Brannkonstabel Ingunn Renolen Brannkonstabel Dag Are Sangolt Brannkonstabel Bent Mittet Opdahl Tilsynsmann Per Ellingsen Leiar for depotstyrken Per Sørensen Nestleiar for depotstyrken Kurt Vika Mannskap Frode Skjerping Mannskap Hans Norvald Lie Mannskap Reidar Hammersdal Mannskap Arild Skaatun Mannskap Frode Jacobsen Mannskap Terje Mellingen Mannskap Ove Geir Stussdal Mannskap Atle Wickman Brannførebyggjande avdeling: Avdelingsleiar, overingeniør Bjørn Næs Overbrannmeister Svein Olaf Drageland Feiarmeister Leif Ole Reithaug Feiarsvein Thomas Hjelme Feiarsvein John-Erik Mæland Feiarsvein Ronny Gilborne Feiarlærling Daniel Lynn Castell Feiarlærling Frank Øyvind Eriksen Grønhaug Tal på tilsette per : 47* *Ver merksam på at nokre tilsette har både ein heiltidsstilling, og ein deltidsstilling i beredskapsstyrke/ oljeverndepot. Dei blir berre registrert ein gong. Brannformann Stig Hagenes Brannformann Thomas Hjelme 18

19 MATERIELL OG STASJONAR Ågotnes brannstasjon. Hovudbrannstasjon ligg på Ågotnes i Fjell kommune. Her held også administrasjonen til. Totalareal er omlag m 2, der CCB sin portvakt har omlag 70 m 2 og Sivilforsvaret omlag 90 m 2. Det er eige undervisningslokale, slangevaskeri, verkstader, vaskehall, kontorfløy, garderobar m.m. Sotra Brannvern IKS leiger areala av Sambygg AS. Kort om beredskap Begge stasjonar er sett opp med fire lag a fire personar. Kvart lag blir leia av ein utrykkingsleiar. I tillegg er det alltid ein vakthavande brannsjef på vakt. Bilpark: Bil 1 Mercedes Benz 1120, 1991 modell Bil 2 Mercedes Benz 814, 1991 modell. Bil 3 Ford Transit Connect, 2004 modell. Bil 4 Ford Transit Connect, 2004 modell. Bil 5 Volvo FM, 2001 modell. Bil 6 VW Touran, 2004 modell. Bil 7 Volvo FM, 2002 modell. Bil 8 VW Polo, 2004 modell. Bil 9 VW Polo, 2003 modell. Bil 10 Toyota Hiace, 2004 modell. Ågotnes brannstasjon, Fjell kommune. Skogsskiftet brannstasjon. Det er ein bistasjon i Skogsskiftet i Sund kommune. Stasjon held enkel standard med plass til to brannbilar, eit mindre opphaldsrom og særs enkle garderobeløysingar. Totalt aeral er 200 m 2. Sotra Brannvern IKS leiger bygget av B. Telle Eigedom AS. Feie og tilsynsbilar Bilete er av vår Tysse øvingshengjar med utstyr. Skogsskiftet brannstasjon, Sund kommune. Alle bilete på denne sida er teke av Sotra Brannvern IKS. 19

20 SAMANDRAG ÅRET 2006 Vi har bak oss det første driftsåret for Sotra Brannvern IKS. Selskapet er organisert etter lov om interkommunale selskaper. Representantskapet er det øvste organ, det er eit styre og ein dagleg leiar. Dette er dei tre organa som er regulert av lova. År 1 for eit selskap er ofte prega av mykje arbeid med tilrettelegging og tilpassing. Så også for Sotra Brannvern IKS. Styret har behandla over 70 saker, noko som vil vere langt over det normale ved vanleg driftssituasjon. Særleg mykje arbeid har det vore med utarbeiding av reglement, retningsliner, stillings og funksjonsbeskrivingar og oppretting av forskjellige interne utval Med ein ny rekneskapskontakt var også dette eit utfordrande område å få til å fungere. Selskapet har også eigen bankforbindelse uavhengig av eigarane. Dette er eit resultat av praktiske omstende. Som om det ikkje er mykje arbeid med nyetablering så fekk vi ein alvorleg gras og lyngbrann i mai. Brannen utvikla seg til å bli den største i regionens historie med eit skada og brent areal på omlag 20 km 2. Fleire bygder var truga og evakuering var nødvendig. Måten denne aksjonen blei takla på syner at vi har godt kvalifiserte medarbeidarar i alle ledd. Sotra Brannvern fekk hjelp frå nabobrannvern, sivilforsvar og forsvaret. I praksis varte brannen i omlag ei veke! I kjølvatnet av brannen kom kostnadane. Berre for Sotra Brannvern kjem dei på ca. kr Fordelt på løn til eigne og hjelpemannskap, og erstatting av tapt materiell. Selskapet fekk ekstraoverføring frå Fjell kommune slik at likviditeten blei sikra. Det som ikkje kjem like godt fram er at i ettertida etter denne storbrannen var det mistenkeleg mange gras og lyngbrannar, noko som berre for juni påførde oss ekstrakostnader i løn på over Totalt for 2006 enda vi på 67 utrykkingar til denne kategorien, noko som er omtrent 4 gongar årsnormalen. Totalt var det 210 innmelde beredskapsoppdrag i I 2006 blei det også inngått kontrakt på levering av to nye mannskapsbilar i Ei melding som våre mannskapar veit å sette pris på. No gjeld det berre å halde ut ventetida. Selskapet har arbeidd mykje med ny risikovurdering for Fjell og Sund, noko som må gjerast fordi det ved omorganisering må utarbeidast ny branndokumentasjon for kommunane. Denne branndokumentasjonen har vore gjennom alle selskapets organ og ventar no på behandling i kommunestyra. Som ein del av denne framkjem eit behov for ny brannstasjon på Straume innan kort tid. Vi ser også fleire gongar i månaden kor sårbar vår fastlandsforbindelse er, både når det gjeld dårleg ver, men særleg på grunna store trafikkmengder, fleire trafikkuhell og som resultat stengde vegar. Tida er nok moden for ein ny brannstasjon på Straume, noko som vil gjere regionen mindre sårbart og meir fleksibel i brann og redningssamanhang. Det har vore ei gledeleg utvikling har det vore på sal av kurs. I tillegg til å gje gratis opplæring til skular og barnehagar, gjennomførte vi m.a. brannvernopplæring for tilsette på Sartor senter og Sartorparken. Vi har også utdanna ein person til å kunne gjennomføre opplæring innan varme arbeid. Ved rekruttering av ny branningeniør fokuserte vi mykje på at stillinga ville arbeide ein god del med kurs og vår nye medarbeidar har kompetanse både som ingeniør, men også innan opplæring i førstehjelp. Ho tek til i Med fleire kurs kjem det også høgare inntekter, som er med å finansierer drifta. Når vi i tillegg klarar å gjennomføre dei tilsyn og feiingar vi planlegg, så syner det til god aktivitetsstyring ved førebyggande avdeling. Sotra Brennvern er lærebedrift i feiarfaget og vi kunne på hausten ønskje velkommen ein ny feiarlærling. Som lærebedrift må vi vere oppdatert på litt av kvart, noko som heile organisasjonen veks på. Brannsjefen er ikkje i tvil på at det er eit styrke for selskapet at også feie og tilsynstenesta ligg under vårt ansvarsområde. Eit tøft år ligg bak oss, men likevel har vi klart eit rekneskapsmessig overskot på kr I tillegg har det vore sett av kr i feie og tilsynsfondet undervegs i 2006, slik at det reelle overskotet er kr Fordeling av overskotet skjer i høve til selskapsavtalen. Sjølv om utfordringane har vore mange, har selskapet handtert dei med fast hand og med eit velfungerande styre i ryggen har 2006 vore eit produktivt og utviklande år for det nye selskapet. Forhåpentlegvis sit også eigarane igjen med ei oppfatning av at selskapet har handtert oppgåvene på ein god måte. 20

21 Saker behandla av Sotra Brannstyre i Konstituering av styret for Sotra Brannvern IKS Innkalling og saksliste til møte for styret i Sotra Brannvern IKS Retningsliner for økonomisk kompensasjon til styret Endring av selskapsavtalen for Sotra Brannvern IKS Delegering av mynde til brannsjefen Oppretting av arbeidsmiljøutval Oppretting av ansettelsesutval Oppretting av forhandlingsutvale Oppretting av personal og kontorleiarstilling Møteplan for styremøter i Bruk av fond Branndokumentasjon for Fjell og Sund kommunar prosjektstart Brannstasjon på Straume prosjektstart del Innkalling til møte 02/ Møtebok fra møte 01/ Overordna aktivitetsplan for Sotra Brannvern IKS Årsmelding for Delegasjonsreglement for Sotra Brannvern IKS Fleksitidordning for Sotra Brannvern IKS Permisjonsreglement for Sotra Brannvern IKS Telefonreglement for Sotra Brannvern IKS Påskjønningsreglement for Sotra Brannvern IKS Uniformsreglement for Sotra Brannvern IKS Retningslinjer for sykefraværsoppfølging, attføring og AKAN-arbeid ved Sotra Retningslinjer for e-post, internett og databruk ved Sotra Brannvern IKS Helsekrav for ansatte ved Sotra Brannvern IKS Ansettelseshåndbok for Sotra Brannvern IKS Arbeidsreglement for Sotra Brannvern IKS Retningslinjer for underskrift, journalføring og tilvisning for Sotra Brannvern IKS Veksthuset barnehage ankesak Oppmoding til Fjell og Sund kommunar om å laga Lokal føresegn om open brenning og brenning av avfall i småomnar Nye brannbilar Innkalling til møte 03/ Møtebok frå møte 02/ Overordna aktivitetsplan for Sotra Brannvern IKS Status per juni Marsteinen Fjordhotell 21

22 Stillingsbeskriving branninspektør stilling A Stillingsbeskriving brannsjef stilling A Stillingsbeskriving avdelingsleiar beredskap stilling B Stillingsbeskriving brannformann stilling B Stillingsbeskriving brannkonstabel stilling B Stillingsbeskriving brannmeister stilling B Stillingsbeskriving underbrannmeister stilling B Stillingsbeskriving avdelingsleiar førebyggande stilling F Stillingsbeskriving brannkonstabel/feiarsvein stilling F Stillingsbeskriving feiarlærling stilling F Stillingsbeskriving overbrannmeister stilling F Stillingsbeskriving overbrannmeister stilling F Funksjonsbeskriving for brannkonstablar og brannformenn med beredskapsteneste Funksjonsbeskriving for vakthavande utrykkingsleiar Funksjonsbeskriving for vakthavande brannsjef Storbrann 5 8 mai. Behov for ekstraordinære budsjettmidlar til Sotra Brannvern IKS Leigeavtale for Ågotnes brannstasjon Sløkkjeavtale mellom Bergen og Sotra Brannvern IKS Straume brannstasjon - prinsippvedtak Status for selskapet per juni Innkalling til møte 04/ Møtebok frå møte 03/ Stillingsbeskriving for feiarmeister stilling Opplæringsplan Branndokumentasjon Driftsbudsjett for 2007 for Sotra Brannvern IKS Økonomiplan for for Sotra Brannvern IKS Rekneskap etter storbrannen 5-8 mai Innkalling til møte 05/ Møtebok frå møte 04/ Stillingsbeskriving for branningeniør stilling F Lønspolitiske retningsliner for Sotra Brannvern IKS Overordna aktivitetsplan for Sotra Brannvern IKS 2006 status per november Hovudplan for Møteplan for Arbeidsmiljøundersøking