Ny driftskontrakt for Indre Sogn for perioden 1. september august Standard på drifts- og vedlikehaldsoppgåver

Transkript

1 Side 1av 9 Saksbehandlar: Statens vegvesen Region vest Avdeling: Samferdsleavdelinga Sak nr.: 13/ Ny driftskontrakt for Indre Sogn for perioden 1. september august Standard på drifts- og vedlikehaldsoppgåver Fylkesdirektøren rår hovudutval for samferdsle til å gjere slikt vedtak: 1. Statens vegvesen overtek driftsansvar for fv. 302 Midtun-Åbøle i Årdal, samt fv. 243 Lærdal Varahaug bru, fv. 271 Lunde-Stødno, fv. 272 Tønjum Mo og fv. 273 Steinklepp Berge i Lærdal. 2. Fylkesvegnettet i Indre Sogn-kontrakten skal driftast etter DkC (mellomstrategi) på fv. 53 Årdalstangen X rv. 5 Fodnes, fv. 271 mellom E16 og Lærdal sjukehus, fv. 301 Farnes x fv. 51 Svalheim og fv. 303 Årdalstangen Seimsdalen og DkBl (driftsklasse barveg-låg) på fv. 53 frå Øvre Årdal til Årdalstangen. 3. Resten av fylkesvegane skal driftast etter vintervegstrategi, DkD og DkE. 4. Gang- og sykkelvegar skal driftast i driftsklasse GsB 5. Det vert sett krav om saltløysing som saltmetode. 6. Seimsdalstunnelen og Steiggjetunnelen, samt inngangsparti andre tunnelar skal kvitmålast 7. Krav til utstyr for vinterdrift på høgfjellet vert vidareført 8. Dersom Lærdal kommune ynskjer å halde fv. 243 open mellom Grindheim i Erdal og Varahaug bru i den tida vegen er vinterstengd, må kommunen dekke kostnaden med dette. Vedlegg: 1. Notat «Innføring av ny standard for drift og vedlikehald av riks- og fylkesvegar i dei nye vegdriftskontraktane som skal starte hausten 2013 i Sogn og Fjordane», datert 19. april Liste med framlegg til vinterdriftsklasser fylkesveg, riksveg, europaveg og gang- og sykkelveg i kontraktsområdet. 3. Brev til kommunane Årdal, Lærdal, Leikanger, Solund, Flora, Fjaler og Hornindal om fylkesvegar drifta av kommunar Andre dokument som ikkje ligg ved: 1. HS-sak 32/05 Oppgradering av standarden for vinterdrift av fylkesvegane i Sogn og Fjordane 2. HS-sak 28/12 Ny driftskontrakt for Indre Sunnfjord for perioden 1. september august Standard på drifts- og vedlikehaldsoppgåver - endra 3 Handbok 111 Standard for drift og vedlikehold av riksveger ( SAKSFRAMSTILLING 1. Samandrag Driftskontrakt for Indre Sogn skal lysast ut i 2013, med oppstart 1. september I saka gjer Statens vegvesen greie for kva funksjonskrav, samt kva innsatsnivå og kva krav til tilstand og/eller krav til tiltak som vi vil legge til grunn for perioden Med bakgrunn i erfaring frå noverande og førre driftskontrakt og andre kontraktar i Region vest, tilrår Statens vegvesen å nytte driftsklasse DkC (mellomstrategi) på nokre av vegane i

2 Side 2av 9 driftsområdet og DkBl (driftsklasse barveg-låg) på fv. 53 frå Øvre Årdal til Årdalstangen. For vegar med låg trafikk tilrår vi driftsklasse DkD og DkE (vinterveg). Vinterdriftsklasse vert valt ut frå funksjon og trafikk på vegen: Vinterdriftsklasse A (DkA): Det skal vera berr veg (tørr eller våt) heile året (barvegstrategi) Vinterdriftsklasse B (DkB): Hard snø/is tillate utanom hjulspor i avgrensa tidsrom. Driftsklassen har tre undernivå. Vinterdriftsklasse C (DkC): Godkjent føreforhold er berr veg (tørr eller våt) i milde periodar og hard snø/is i kalde periodar (mellomstrategi) Vinterdriftsklasse D og E (DkD og DkE): Vi aksepterer snø- og isdekke heile eller delar av vinteren. Strøing ved glatt veg vert normalt utført med sand (vintervegstrategi) I saka vert det elles gjort greie for krav til utstyr på høgfjellet, kvitmåling av tunnelar og ynskje om overtaking av driftsansvar for ein del fylkesvegar i Årdal og Lærdal som no vert drifta av kommunane. 2. Bakgrunn Bakgrunn for at saka er reist Rammeavtalen mellom Sogn og Fjordane fylkeskommune og Statens vegvesen Region vest, samt brev frå Sogn og Fjordane Fylkeskommune vedrørande høyringsnotat om lovforslag Veglova og vegtrafikklova, datert , er grunnlag for saka. I pkt. 3 i brevet står det: Det må ikkje leggjast opp til auka standard eller auka omfang i nye funksjonskontraktar som vert inngått av staten i 2009 for drift og vedlikehald av det øvrige riksvegnettet utan etter nærare samarbeid og avtale med fylkeskommunane. I samband med utarbeiding av ny funksjonskontrakt for Indre Sogn , vil Statens vegvesen i denne saka orientere om kva funksjonskrav, samt kva innsatsnivå og kva krav til tilstand og/ eller krav til tiltak som vi vil legge til grunn i perioden Driftskontrakt for Indre Sogn skal lysast ut i 2013, med oppstart 1. september Historikk - tidlegare vedtak Hovudutvalet for samferdsle vedtok i HS-sak 32/ juni 2005 følgjande: Standarden for vinterdrift av fylkesvegar i Sogn og Fjordane skal følgje standarden for riksvegar når det vert inngått nye funksjonskontraktar. Det har tidlegare vore handsama tilsvarande sak for driftskontraktane for Nordfjord, Midtre Sogn og Hafs og Ytre Sunnfjord. I HS-sak 28/12 om ny driftskontrakt for Ytre Sunnfjord vedtok hovudutvalet at den nye handbok 111 skal gjelde for drift og vedlikehald av fylkesvegar i Sogn og Fjordane. Statens vegvesen legg dette til grunn i denne saka. Problemanalyse Kort omtale av kontraktsområdet for Indre Sogn Kontraktområdet ligg i indre delar av Sogn, og omfattar riksvegar, gang- og sykkelvegar og enkelte fylkesvegar med tilhøyrande sideareal, utstyr og installasjonar i kommunane Aurland, Lærdal og Årdal, samt delar av Hol-, Hemsedal- og Vang kommune. Kontraktområdet omfattar totalt om lag 389 km veg 171 km riks- og europaveg 218 km fylkesveg

3 Side 3av 9 6 km gang-/sykkelveg langs riksveg og fylkesveg Fylkesvegar som blir drifta av andre. I dag blir 37 km fylkesveg i kontraktsområdet drifta av Årdal- og Lærdal kommune. Refusjon til kommunane vert utbetalt ein gong pr. år. I Årdal gjeld dette fv. 302 Midtun-Åbøle. Lærdal kommune driftar fv. 243 Lærdal Varahaug bru, fv. 271 Lunde-Stødno, fv. 272 Tønjum Mo og fv. 273 Steinklepp Berge. For kommunane utgjer dette til saman om lag 1,5 mill. kr i driftstilskot per år. Desse fylkesvegane blir drifta etter eigen avtale. Det er sendt brev til kommunane med forslag om at Statens vegvesen overtek driftsansvaret for desse vegane som del av driftskontrakten, sjå vedlegg til saka. Årdal kommune og Lærdal kommune har ikkje svart innan fristen som var 15. april. Kommunane skal utføre arbeidet etter ein instruks som vart vedteken i samferdsleutvalet i 1982, sjå vedlegg. Dei får refundert utgifter i samband med gjennomføring av arbeidet som ligg til denne instruksen. Statens vegvesen har ikkje direkte oppfølging eller kontroll med kommunane sitt drift- og vedlikehaldsarbeid. Det har skjedd mykje med drift- og vedlikehald på dei 30 åra som har gått sidan instruksen vart utarbeida. Dette medfører at den no verkar både mangelfull og lite konkret. Etter forvaltningsreforma er fylkeskommunen blitt ein mykje større vegeigar. Tida er inne for ein gjennomgang av dagens ordning. Det enklaste vil truleg vere å få vegane med i driftskontraktane som Statens vegvesen administrerer. Vegane vil då bli drifta av same entreprenør som resten av vegnettet i aktuell driftskontrakt. Dersom kommunane framleis skal drifte dei aktuelle fylkesvegane må det klarleggast kva driftsstandard som skal leggast til grunn. Etter Statens vegvesen sitt syn er det då nødvendig med ein ny instruks/avtale der ein klarlegg omfanget og standarden på drift- og vedlikehaldsoppgåvene med utgangspunkt i handbok 111. Dette er viktig for å sikre at dei aktuelle fylkesvegane vert drifta mest mogleg likt på tvers av kommunegrensene og etter same standard som andre fylkesvegar i tilsvarande kategori (driftsklasse). Statens vegvesen ynskjer å få avklart driftsstrategi for strekninga fv. 243 Erdal-Varahaug bru. I driftsinstruksen i eksisterande driftskontrakt står det: «Opning til påske og vinteropning: I samband med påsken vert vegen opna opp til Kvammadalen i Aurland og til Varahaug bru i Lærdal. Opning av vegen fram til Varahaug bru skjer i regi av Lærdal kommune. Opning av vegen frå Bjørgo hp 02 km til Kvammadalen hp 02 km er i regi av Statens vegvesen, og arbeidet skal utførast av Statens vegvesen sin entreprenør. Etter opning av vegen frå Bjørgo til Kvammadalen, til påske, har Aurland kommune ansvaret for vedlikehaldet på denne strekninga fram til den dato ein tek til med vinteropninga av fjellet. Frå den dagen ein tek til med vinteropning har entreprenøren ansvaret for strekninga.» Statens vegvesen har, som ei mellombels ordning for vinteren 2012/13 og 2013/14 overteke ansvaret for å opne vegen frå Grindheim i Erdal til Varahaug bru til påske. Bakgrunn for dette er at Lærdal kommune ikkje lenger vil utføre arbeidet i kommunal regi. Dersom Lærdal kommune ynskjer å halde vegen open til Varahaug bru for å ivareta hytte- og utfartsinteresser i framtida, bør kommunen dekke kostnaden med dette. Kostnaden vil vera i storleiken kr eks mva per år, avhengig av tilhøva. Tilråding for fylkesvegar drifta av andre Statens vegvesen overtek driftsansvar for fv. 302 Midtun-Åbøle i Årdal, samt fv. 243 Lærdal Varahaug bru, fv. 271 Lunde-Stødno, fv. 272 Tønjum Mo og fv. 273 Steinklepp Berge i

4 Lærdal. Lærdal kommune dekker kostnad med å halde vegen open frå Grindheim i Erdal til Varahaug bru. Side 4av 9 Trafikk Trafikken på vegnettet varierer frå om lag 50 til 4450 køyretøy i gjennomsnitt pr. døgn (ÅDT), og det er forventa ein generell årleg trafikkvekst på 2,0 %. Trafikken er lågast på fv. 241 Gudvangen - Bakka. Fv. 53 mellom Årdalstangen og Øvre Årdal har ein ÅDT på Vi har størst ÅDT på ei kort vegstrekning (ca. 300 m) på fv. 301 mellom Farnes og Rallaren i Øvre Årdal. Orientering om vegnettet Det er varierande standard og tilstand på vegnettet i kontraktområdet. Alle vegar har fast dekke. Mykje av vegnettet er gamalt og tilstanden varierer difor mykje. Dette utløyser omfattande behov for innsats innan drift- og vedlikehald, både sommar og vinter. Delar av vegnettet er smalt, bratt og svingete. For fleire av tunnelane er det høgdeavgrensing på 4,0 m. Rv. 5 kjem inn i kontraktområdet frå Sogndal via ferjesambandet Mannheller-Fodnes og blir avslutta ved Lærdalsøyri. E16 går gjennom Aurland og Lærdal der kontraktgrense mot Hordaland går ved fylkesgrensa v/glashamar bru i Nærøydalen. Kontraktsgrense mot aust er i området ved Tyin i Oppland for E16, Hemsedalsfjellet v/skaret i Buskerud for rv. 52 og Myrland i Buskerud for fv. 50. Spesielt for denne kontrakten er dei mange høgfjellsovergangane. Sjølv om kontrakten i utstrekning ikkje er så stor, er denne kontrakten mellom dei største i høve til tal brøytekilometer som blir utført kvart år. Høgfjellsdrifta krev store ressursar og bemanning for å sikre ei tilfredstillande drift. Rv.52 Hemsedalsfjellet, E16 Filefjell, fv. 53 Årdal-Tyin og fv. 50 Aurland- Hol er høgfjellsovergangar der det er døgnberedskap på vinterdrifta. Vegen skal i utgangspunktet vere open for trafikk heile døgeret, også om vinteren. Fv. 243 Aurland-Lærdal er vinterstengt fjellovergang. Den er også nasjonal turistveg. Vegnettet har fleire stigningar som er utfordrande for framkomsten om vinteren og som stiller spesielle krav til vinterdrifta. Ein del strekningar er utsette for stein- og eller snøskred. Det er laga ein beredskapsplan for snøskred og snøskredfare der desse strekningane er skildra nærare. Langs vegnettet er det mange tunnelar. Dei to lengste er Lærdalstunnelen på 24,5 km og Gudvangatunnelen, ca. 11,4 km, begge på E16. Endring i vegnettet Det er spesielt vegar knytt inn mot E16 som gir endring i vegnettet. Mellom Borlaug og Voldum er det gjort vedtak om at gamal E16 frå kryss med ny E16 på Bjøraker til kryss med ny E16 på vestsida av Steinklepp (totalt 7,4 km) blir omklassifisert til fylkesveg når naudsynte utbetringar er gjennomført. Ny E16 frå Borlaug til Smedalsosen er planlagt ferdig sommaren 2014 og vil truleg vere klar til ny driftskontrakt startar september Gamal E16 på denne parsellen blir omklassifisert til kommunal veg (føresett at naudsynte utbetringar er gjennomført). Det vil vera anleggsarbeid på strekninga Smedalsosen-Varpe bru (over Filefjell) i store delar av kontraktsperioden for den nye driftskontrakten ( ). Klimatiske forhold Store deler av kontraktsområdet har innlandsklima og har relativt lite nedbør i låglandet mens det er større variasjonar i høgfjellet i høve nedbør. Normal årsmiddelnedbør innanfor kontraktsområdet er mm/år. Normal årsmiddeltemperatur er 1,4-1,8 grader.

5 Side 5av 9 Innhald i driftskontrakten for Indre Sogn Kontrakten omfattar i hovudsak alle drifts- og vedlikehaldsoppgåver. Under er det lista opp ein del sentrale punkt i kontrakten: Drift av drenssystem for å sikre fritt løp Lapping og reparasjon av lokale skader i asfaltdekker, oppgrusing av lommer Drift/vedlikehald av murar, støyskjermar, stabilitetssikring, kantstein, gjerde, rekkverk, skilt og anna vegutstyr, rasteplassar, leskur, etc. Drift av grøntareal og skråningar Reinhald Inspeksjon, reinhald og reinsk av tunnelar Skred og flaum: Avsperring, vurdering og opprydding Trafikkberedskap I periodar avvikling av styrt trafikkavvikling/kolonnekøyring på fv.50. I periodar avvikling av styrt trafikkavvikling på fv. 53. Inspeksjon, reingjering og enklare vedlikehald av bruer og kaier Vinterdrift Det blir stilt krav til beredskap og entreprenøren skal kunne rykke ut og foreta nødvendige avsperringar/omskiltingar for å ivareta trafikktrygging og trafikkavvikling. Entreprenøren skal etablere beredskap der han heile året kan rykke ut med nødvendig mannskap og materiell. Vinterstrategi I Region vest har riks- og fylkesvegar blitt drifta etter to typar vinterstrategiar, barvegstrategi og vintervegstrategi. Som ein variant av vintervegstrategi har vi hatt mellomstrategi. I overgangsperiodar med bar vegbane har dei viktigaste vegane blitt drifta med mellomstrategi. I noverande driftskontrakt for 1401 Indre Sogn er det mellomstrategi på fv. 53 mellom Sandnes og Årdalstangen. Vår erfaring med mellomstrategi er svært god. Vi meiner og at prisen for mellomstrategi og strategi vinterveg er om lag lik. I ny handbok 111 tilsvarer mellomstrategi vinterdriftsklasse C (DkC). I noverande driftskontrakt har vegnettet blitt drifta som vist på kartet dvs. barvegstrategi (grøn), vinterstrategi (raud) og mellomstrategi (gul). I ny handbok 111 er vegnettet inndelt i klasser for vinterdrifta. Driftsklasse A og B er tilnærma barvegstrategi. Driftsklasse C er tilnærma mellomstrategi og Driftsklasse D og E er tilnærma vinterveg.

6 Side 6av 9 Ny driftsklasse C (DkC)vil gje betre veggrep for trafikantane i periodane med tilnærma bar veg. Med driftsklasse DkC vil vi salte preventivt før det dannar seg is og rim på vegen. Med strategi vinterveg DkD og DkE vert tiltak i form av strøing med sand sett i verk 2-4 timar etter at veggrepet er under friksjonskrava i HB 111. Mellomstrategi i driftsområdet vert i dagens Indre Sogn-kontrakt for det meste utført med saltløysing. Saltløysing har ein gunstig effekt som preventiv salting. Saltmengda ved bruk av saltløysing er om lag det halve enn ved bruk av fukta salt. Klimaet i store deler av kontraktområdet har synt seg gunstig for preventiv salting. Relativt lite snøfall, berre vegar og temperaturar som svingar rundt 0 grader er forhold der mellomstrategi med preventiv salting er beste metode. Vi har òg erfart at preventiv salting med bruk av saltløysing har fungert godt sjølv om temperaturen har lege under -10 grader. Vi har vegar langs elvestrekningar og sjø (stor luftfuktighet) der vi av erfaring har salta preventivt på utsette stader på strekninga sjølv om temperaturen er låg. I ny handbok 111 er krava til vinterdrift formulert i fem vinterdriftsklassar for køyrevegar og to vinterdriftsklasser på ferdsleareal for gåande og syklande. I vedlegg til notatet ligg forklaring/omtale av dei ulike vinterdriftsklassene. Standard for vinterdrift I ny handbok 111 er vegnettet inndelt i klasser for vinterdrifta. Driftsklasse A og B er tilnærma «barvegstrategi». Driftsklasse C er tilnærma «mellomstrategi». Driftsklasse D og E er tilnærma vinterveg. Barvegstrategi Det er to driftsklasser innan barvegstrategi: Vinterdriftsklasse A (DkA): Det skal vera berr veg (tørr eller våt) heile året. Vinterdriftsklasse B (DkB): Hard snø/is tillate utanom hjulspor i avgrensa tidsrom. Driftsklassen har tre undernivå. Mellomstrategi Vinterdriftsklasse C (DkC): Godkjent føreforhold er berr veg (tørr eller våt) i milde periodar og hard snø/is i kalde periodar. Mellomstrategi er ikkje skildra i den gamle handbok 111, men har vore mykje nytta i Region vest. Metoden fungerer slik at når ein har berr veg og det er fare for rimfrost på vegen, skal vegen saltast før ein eventuelt får rimfrost/ kuldenedslag for å hindre glatt veg. Entreprenøren nyttar mellom anna vêrmelding og vêrprognosar for å vurdere behovet for denne type salting. Syner vêrvarselet at temperaturen synk etter ein mildvêrsperiode, skal entreprenør vurdere behov for å salte før det eventuelt blir rimfrost/kuldenedslag på vegen. Vegar med mellomstrategi skal elles driftast som vinterveg når det er snø/isdekke på vegen. Vintervegstrategi Vinterdriftsklasse D og E (DkD og DkE): Vi aksepterer snø- og isdekke heile eller delar av vinteren. Strøing ved glatt veg vert normalt utført Tilråding vinterdrift Med bakgrunn i erfaring frå noverande og førre driftskontrakt og andre kontraktar i Region vest, tilrår vi å nytte mellomstrategi, dvs. driftsklasse C på delar av vegnettet i driftsområdet, med unntak av vegar med liten trafikk der vi tilrår driftsklasse D og E. Vi tilrår også å sette krav om saltløysing som saltmetode. Ferdsleareal for gåande og syklande: Vinterdriftsklasse GsA: Bymessig strøk med høg gang- og sykkeltrafikk Hovudnett for sykkeltrafikk Vinterdriftsklasse GsB: Øvrige ferdselsareal for gåande og syklande Statens vegvesen tilrår DkC på fv. 53 Årdalstangen X rv. 5 Fodnes, fv. 301 Farnes Hjelle og fv. 303 Årdalstangen - Seimsdalen. Statens vegvesen tilrår DkBl (driftsklasse barveg-låg) på fv. 53 frå Øvre Årdal til Årdalstangen på grunn av høg ÅDT. Dette vil ikkje gje kostnadsauke sidan «gamal» barvegstrategi hadde strengare krav enn det som no er i klasse DkBl. Saltforbruket vil og truleg verta mindre. For fylkesvegane som er kommunalt drifta i dag, vil vi tilrå drift etter vinterdriftsklasse DkD (vinterstrategi) med unntak av to strekningar på fv. 271 på til saman 1 km inn mot sjukehuset i Lærdal. Desse bør få driftsklasse etter DkC (mellomstrategi).

7 Side 7av 9 Reinhald av fylkesvegtunneler: Det er totalt 36 tunnelar som ligg i driftskontrakt for Indre Sogn. Av desse er det 28 tunnelar som ligg på fylkesvegnettet. Når det gjeld reinhald av tunnelar, er frekvens på reinhaldet styrt ut frå ÅDT på vegstrekninga. I ny handbok 111 er frekvens på reinhald i tunneler endra i høve gamal handbok. Kvitmåling av fylkesvegtunneler: Statens vegvesen Region vest sin politikk for kvitmåling av tunnelar på riksvegar går fram nedanfor: «I Region vest skal det nyttast kvitmåling til betring av lystilhøva i følgande tunnelar på riksvegnettet: 1) Tunnelar med ÅDT > 8000 vert målt 3 m opp i heile lengda 2) Alle tunnelar med kuvaturradius < 400 m i inngangssona og der køyretøybana er mindre enn 6,3 m vert kvitmåla 3 m opp i innganssonene. 3) Kvitmåling kan også vurderast ved andre spesielle forhold, som t.d. manglande lys, stor gangtrafikk el.l. Som kvitmåling skal nyttast sementbasert kvitmåling. Kvitmålinga vert lagt inn i driftskontraktane etter kvart som dei vert lyste ut på ny. Vi gjer fylkeskommunen kjende med vedtaket og tilbyr å innføre det same på fylkesvegnettet i denne kontrakten.» Nokre av fylkesvegtunnelane bør malast på sidene i ei høgde på ca 3 meter for å auke trafikktrygginga. Seimsdalstunnelen har fått stor merksemd i media på grunn av utfordringar for gåande og syklande. Midnes-, Steiggje- og Finnsåstunnelen har utfordrande geometri/kurvatur. I tillegg kan det vere aktuelt å nytte kvitmåling i ein del inngangsparti til tunneler med kurveradius < 400 meter. Statens vegvesen tilrår difor at det også blir sett av midlar til dette og at det blir beskrive omfang (m2) på kvitmåling i kontrakten.

8 Side 8av 9 Vi tek utgangspunkt i gjennomsnittleg kostnad på 60 kr/m2,som gir følgjande kostnadsestimat: Tunnel Lengde Areal kvitmåling Antatt kostnad fv. 303 Seimsdalstunnelen m fv. 53 Steiggjetunnelen m Maling av inngangsparti-andre RS 5000 m tunnelar Totalt: Statens vegvesen sitt framlegg, som er vist i tabell over, gir ein kostnad på ca 1,4 mill. i kontraktsperioden, som utgjer kr i snitt per år. Krav til utstyr i kontrakten: For å få ei sikker trafikkavvikling på fjellovergangane i vinterhalvåret i kontrakt 1401 Indre Sogn er det sett minimumskrav i eksisterande kontrakt til maskiner som skal plasserast på gitte stader i kontraktsområdet. Alt utstyr må vere tilpassa drift av høgfjellsstrekningar. fv. 50 Aurland Hol Minimum 2 lastebilar m/midtmontert skjær, og sand/saltspreiar Minimum 3 skjær og 1 plog tilpassa utstyret Minimum 2 lastarar Minimum 2 fres tilpassa lastar eller frittgåande fres 1 veghøvel m/storleik minimum 15 tonn fv. 53 Årdal Tyin Minimum 1 lastebil m/midtmontert skjær, og sand/saltspreiar Minimum 1 skjær og 1 plog tilpassa utstyret Minimum 2 lastarar Minimum 2 fres tilpassa lastar eller frittgåande fres 1 fres/lastar skal vere plassert på Holsbru brøytestasjon og driftast derfrå. Etter våre vurderingar har vi hatt ei fornuftig drift på desse høgfjella og vi tilrår at dei same krava blir vidareførte i ny kontrakt. Brøytestasjonar og behov for oppgradering: På fv. 50 nyttar Statens vegvesen brøytestasjonen på Myrland. Denne ligg i Buskerud og Buskerud fylkeskommune er eigar. I sommar blir det utført ein del oppgradering av stasjonen. På fv. 53 Årdal - Tyin nyttar vi brøytestasjonen på Holsbru. Denne har stort forfall og treng oppgradering. Bygningsmassen er gamal og det bør vurderast å bygge ny brøytestasjon. Dagens standard på bygningsmassen er ikkje god og vi tilrår at det vert løyvd midlar til oppgradering/nybygg. Kostnad med dette må dekkast i vedlikehaldsplanen. Andre opplysningar Oppgåver som ikkje inngår i denne driftskontrakten: Dekkefornying Oppmerking Drift av lys Indre vedlikehald av trafikksignalanlegg og andre trafikkstyrings- og overvåkingsanlegg Større vedlikehaldsarbeid på t.d. drens- og avløpsanlegg, tunnelar, murar, bruer og kaier Investeringsoppgåver Drift av ferjesamband

9 Side 9av 9 3. Vurdering og konsekvensar Økonomi-/budsjettkonsekvensar Kontraktsprisar Kontraktsummen for 1401 Indre Sogn , var på 217 mill kr utan mva. Prisstigninga i perioden har vore 18,5 %, slik at den årlege kontraktsprisen er på 51 mill kr fordelt med 26 mill kr på riksveg og 25,4 mill kr på fylkesveg. Desse prisane er utan mva. I tillegg kjem 0,5 mill. kr til opning av fv. 243 etter vinteren som var utegløymt frå opphavleg kontrakt. Det er innført nye momsreglar for vegarbeid. Tidlegare hadde vi momsfritak på «arbeid på vegen». Det er no innført full moms på alt arbeid. Tidlegare utgjorde momsen om lag 4 % av kontrakten mot 25 % i dag. Statens vegvesen reknar med at tilleggskostnad for drift etter ny handbok 111 vil bli om lag 4 mill. kr. pr. år. I tillegg kjem kvitmåling av fylkesvegtunnelar som er estimert til 0,28 mill. kr per år. Dersom Statens vegvesen overtek driftsansvar for vegar i Årdal og Lærdal som kommunane drifter i dag, reknar vi med at kontraktskostnaden vil auke med om lag 1,5 mill. kr + mva. Dette vil ikkje gje kostnadsauke for fylkeskommunen, då det er pengar som kommunane får utbetalt i dag. 3. Konklusjon/tilråding Statens vegvesen rår til at følgjande vert lagt til grunn ved utlysing av driftskontrakt for Indre Sogn for perioden : a. Statens vegvesen overtek driftsansvar for fv. 302 Midtun-Åbøle i Årdal, samt fv. 243 Lærdal Varahaug bru, fv. 271 Lunde-Stødno, fv. 272 Tønjum Mo og fv. 273 Steinklepp Berge i Lærdal. b. Fylkesvegnettet i Indre Sogn-kontrakten skal driftast etter DkC (mellomstrategi) på fv. 53 Årdalstangen X rv. 5 Fodnes, fv. 271 mellom E16 og Lærdal sjukehus, fv. 301 Farnes x fv. 51 Svalheim og fv. 303 Årdalstangen Seimsdalen og DkBl (driftsklasse barveg-låg) på fv. 53 frå Øvre Årdal til Årdalstangen. c. Resten av fylkesvegane skal driftast etter vintervegstrategi, DkD og DkE. d. Gang- og sykkelvegar skal driftast i driftsklasse GsB e. Det vert sett krav om saltløysing som saltmetode. f. Seimsdalstunnelen og Steiggjetunnelen, samt inngangsparti andre tunnelar skal kvitmålast g. Krav til utstyr for vinterdrift på høgfjellet vert vidareført h. Dersom Lærdal kommune ynskjer å halde fv. 243 open mellom Grindheim i Erdal og Varahaug bru i den tida vegen er vinterstengd, må kommunen dekke kostnaden med dette.