Fylkestinget vedtok i sak T-87/16 Tilbodsstruktur for vidaregåande opplæring i Møre og Romsdal mellom anna følgjande:

Transkript

1 saksframlegg Dato: Referanse: Vår saksbehandlar: /2017 Bjørn Erik Hjellset Saksnr Utval Møtedato PN 7/17 Plannemnd for byggjeprosjekt KF 17/17 Kultur- og folkehelseutvalet UD 23/17 Utdanningsutvalet /17 Fylkesrådmannens tilråding U 40/17 Fylkesutvalet U 61/17 Fylkesutvalet K002 Sørsidebygget i Ålesund - Byggeprogram Bakgrunn Fylkestinget har i sak T-38/13 Ny Ålesundstruktur Utviklingsplanar for skulane i Ålesund vedtatt: «1. Fylkestinget vedtar at for skulane i Ålesund vert framlagt utviklingsplan alternativ 1 lagt til grunn for vidare arbeid. Marine fag må lokaliserast sjønært. 2. Fylkestinget ber Fylkesrådmannen føre arbeidet vidare etter regelverket for byggesaker. 3. Fylkestinget ber om at nødvendige endringar vert innarbeid i arbeidet med økonomiplan frå 2014.» Ålesund bystyre fatta i sak B-029/13 Videregående skoler i Ålesund, fremtidig skolestruktur mellom anna følgjande vedtak: «6. Ny Ålesund vg bygges med kroppsøvingsfasiliteter på sørsida. Byskolen bygges ut med musikk, dans og drama fra Fagerlia vg der sambruk med Kulturskolen er en forutsetning og legges til grunn for prosjekteringen. 8. Ny kulturskole etableres på sørsida i bysentrum, forutsatt avtale med fylket om sambruk med Ålesund vg. Det er også en forutsetning at skolen etablerest tilnærmet samtidig som Kulturskolen» Vidare vedtok Fylkesutvalet i sak U-138/13 Ålesundstrukturen prosjektplan mellom anna følgjande: «Fylkesutvalet godkjenner at Møre og Romsdal fylkeskommune står som byggherre for Sørsida-prosjektet.» Fylkestinget vedtok i sak T-87/16 Tilbodsstruktur for vidaregåande opplæring i Møre og Romsdal mellom anna følgjande: Den nye tilbodsstrukturen skal vere førande for komande skolebruksplanar og dimensjonering av byggeprosjekt. Fylkesrådmannen legg fram sak om tilbodsstrukturen for Service og samferdsel for Utdanningsutvalet når endringar for utdanningsprogrammet er vedtekne.

2 Kultur og regional utvikling Regionar, både i Norge og Europa, som har lykkast i å fornye og vitalisere samfunns- og næringsliv, har knytt kulturutvikling saman med breie strategiar for kompetansebygging, verdiskaping og regional utvikling. Kultur gir livskvalitet, inspirasjon, refleksjon og skaper samhørigheit. Samtidig har satsing på kultur betyding for andre samfunnsmål som næringsutvikling, arbeidsplassar og stadsutvikling, integrering og inkludering, helse, læring og kreativitet. Kulturelle og kreative næringar utgjer ein stadig større del av den nasjonale og regionale økonomien. Næringa er nasjonalt definert som ei vekstnæring og satsingsområde. Gode kulturopplevingar er grunnleggande for eit godt og attraktivt samfunn. I eit samfunn som endrar seg stadig raskare og som stadig blir meir individualisert, er det viktig med fellesarenaer kor folk kan møtast på tvers av kjønn, alder og sosial bakgrunn. Kulturprosjektet Sørsida vil revitalisere sentrum av Ålesund. Ei samlokalisering av vidaregåande skule, kommunens kulturskule og regionsinstitusjonen Teatret Vårt, vil skape eit «fleirbrukshus» som opnar opp for mange moglegheiter, møteplassar og spanande synergiar mellom dei ulike aktørane, samt mellom fleire grupper av brukarar. Lokaliseringa av Sørsida, gjer det også enkelte tilgjengeleg for både tilreisande og innbyggjarane i Ålesund. Nærleiken til Kulturkvartalet og Ålesund bibliotek, samt andre kulturelle og kreative næringsetableringar i området, vil gjere området til ein viktig fellesarena for eksisterande og nye kulturtilbod i framtida. Samlokaliseringa vil generere nye tilbod. Med å samle ulike institusjonar, vil det oppstå nye samarbeidsformer og tilbod. Plassen i Molde er eit godt døme på dette. Samlokaliseringa i Ålesund legg til rette for samhandling og samarbeid mellom ulike utdanningsinstitusjonar, mellom utdanningsinstitusjonar og profesjonell teaterinstitusjon, mellom profesjonsutdanna på tvers av fagfelt og mellom profesjonelle og amatørar. Dette vil høgst sannsynlig gje kulturlivet i Ålesund og fylket elles eit løft. Vidare vil samlokaliseringa også støtte opp om og vidareutvikle Ålesund som ein av tre bydelar i «Mørebyen». Den nye kulturinstitusjonen vil bli eit sterkt og viktig tverrkulturelt fagmiljø mellom Bergen og Trondheim. Erfaringar frå andre sektorar viser at samlokalisering og nettverk bidreg til auka profesjonalisering, auka innovasjonstakt og auka kommersialisering. Institusjonen vil mest sannsynleg tiltrekke seg både dei som skapar kultur, dei som søkjer kulturopplevingar og dei som ønskjer sosialt samvær. Prosjektnamn Til no har prosjektet gått under namnet «K002 Ålesund vgs Sørsida». For å tydeliggjere at det ikkje berre er ein vidaregåande skole som skal byggast, vel ein no å nytte namnet «K002 Sørsidebygget i Ålesund». Dette er eit arbeidsnamn, og det er venta at bygget vil få sitt eigennamn. Dette blir å komme attende til.

3 Prosjektmål For prosjektet er det utarbeidd samfunns- og effektmål under kategoriane Kultur Kollektivtrafikk Byutvikling Energi og miljø Det er vidare utarbeidd resultatmål som prosjektet skal målast etter. Definisjon samfunnsmål: Samfunnsmåla viser den nytte og verdiskapning som investeringstiltaket skal føre til for samfunnet. Samfunnsmåla skal vise eigar sin intensjon og ambisjon med tiltaket. Definisjon effektmål: Effektmåla er uttrykk for den direkte effekten av tiltaket, for eksempel den verknaden/effekten tiltaket skal føre til for brukarane. Effektmåla skal vere avleia av samfunnsmåla. Definisjon resultatmål: Resultatmål gir dei konkrete indikatorar-/måltall og eigenskapar som skal vere oppnådd ved leveransen av prosjektet. Resultatmåla blir målt ved prosjektets ferdigstilling. Kultur Samfunnsmål: Prosjektet skal medverke til eit mangfaldig og kunnskapsrikt kulturliv, der aktivitet og opplevingar, inkludering og folkehelse står sentralt Effektmål: Etablere eit kompetansemiljø innan kultur gjennom samlokalisering av kulturskule, vidaregåande skule og teater Styrke rekrutteringa til dei estetiske faga gjennom å tilby eit attraktivt undervisningsbygg Auka verdiskaping og innovasjonskraft i kreative og kulturelle næringar gjennom etablering av kulturell klynge Kollektivtrafikk Samfunnsmål Støtte opp under arbeidet med utvikling av knutepunktstrategien for kollektivtrafikk i Ålesund kommune Effektmål Fleire brukarar skal kunne nytte kollektivtrafikk og komme til skolen innan akseptabel reisetid Byutvikling Samfunnsmål Støtte opp under Ålesund sentrum som et lokalt og regionalt samlingspunkt med urbane kvaliteter Effektmål Ved bygging av «Sørsidebygget» er det en katalysator for utvikling av kulturhavna som urbant samlingspunkt Utvikling av «Sørsida» som en ny bydel i Ålesund sentrum

4 Energi og miljø Samfunnsmål Stimulere byggesektoren til energieffektivisering, bruke meir berekraftige energiformer og materialar Effektmål «Sørsidebygget» får omdøme som eit miljøfremjande bygg Resultatmål Nybygget skal sertifiserast etter BREEAM NOR «Good» eller betre. Energistandard for nybygget: Bygget skal ha maksimalt energiforbruk på 35 kwh/m 2 per år. Nybygget sitt areal skal gjennomførast med lågare brutto-/ nettofaktor enn 1,45. Byggearbeida skal gjennomførast utan skader på personer, miljø og materiell. Vurdering Utarbeiding av byggeprogram For planlegging utbygginga ved Sørsida er det nytta ein organisasjonsmodell som legg opp til et tett samarbeid med Ålesund kommune. I oppbygginga av organisasjonen er derfor dei politiske systema til både kommunen og fylkeskommunen ivaretatt. Ei prosjektgruppe beståande av representantar frå Ålesund kommune, Ålesund Kommunale Eiendom og Møre og Romsdal fylkeskommune vart derfor etablert. Det har vidare vore ei prosjektgruppe for brukarane beståande av representantar frå Ålesund vgs, Fagerlia vgs og Ålesund kulturskole i tillegg til representantar frå administrasjonen i kommunen og fylkeskommunen. Det ble i perioden 2014 og 2015 gjennomført hyppige brukarmøter under leiing av ekstern programmeringsarkitekt frå Norconsult AS. Brukargruppene bestod av representantar frå ulike fagmiljø og var knytt til konkrete funksjoner i den nye skolen. I perioden vart det gjennomført om lag 80 møte med brukarane. For å danne et felles referansegrunnlag vart det gjennomført en studietur til Rogaland. Dimensjonering I arbeidet med rom- og funksjonsprogrammet er den fylkeskommunale delen etter ei vurdering frå utdanningsavdelinga dimensjonert for 711. Desse fordeler seg med 270 elevar på studiespesialiserande (ST), 45 elevar på kunst, design og arkitektur (KDA), 180 elevar på musikk, dans og drama (MD), 90 elevar på medium og kommunikasjon (MK), 121 elevar på service og samferdsel (SA) og 5 elevar på TPO. Frå elevtala er skulens areal berekna ut frå gjeldande standard for dimensjonering av vidaregåande skolar (FEF-modellen). Denne standarden er utvikla i samarbeid mellom dei fleste fylkeskommunane. Den kommunale delen er dimensjonert for om lag 2000 lulturskoleelevar. Fordelinga mellom dei ulike kunstformane varierer, men musikk forventast å ha flest elevar i kulturskolen. Lokalane for Teatret Vårt er dimensjonert ut frå naudsynt areal for scene og støttefunksjoner, og med plass for om lag 150 tilskodarar.

5 Brukskrav I rom- og funksjonsprogrammet skildrast dei einskilde funksjonane, krava til desse og samanhengen mellom desse. For kulturskolen er det nytta tal som vart framlagt til Ålesund bystyre i sak 060/10 som ei øvre ramme for deira areal. I arbeidet med rom- og funksjonsprogrammet er det sett særskilt på sambrukseffektar som følgje av at kulturskuletilboda vert lokalisert på same plass som tilbodet til fylkeskommunen innan musikk, dans og drama. Dette har samla sett redusert naudsynt areal for utbygginga. Med desse føresetnadane har programmeringa leia fram til følgjande fordeling av nettoareal (NTA) på hovudfunksjonar: Funksjon Nettoareal (m 2 ) C01 Administrasjon, personalfunksjoner og elevtjenester 1209 C02 Felles undervisningsrom (realfag, auditorier, idrettshall) 2119 C03 Fellesarealer 958 C04 Utdanningsprogram for studiespesialisering (ST) 668 C05 Utdanningsprogram for kunst, design og arkitektur (KDA) 420 C06 Utdanningsprogram for musikk, dans og drama (MD) 1463 C11 Utdanningsprogram for medium og kommunikasjon (MK) 441 C14 Utdanningsprogram for service og samferdsel (SA) 701 C16 Tilrettelagte tilbud 81 C17 Karrieresenter 60 C18 Tekniske rom, bygningens driftsareal 478,5 C31 Kulturskole 1506 C32 Teatret Vårt 647 SUM nettoareal 10751,5 Med ein BN-faktor på 1,45 gjer dette eit totalt bruttoareal (BTA) på om lag m 2. Utbygging I første byggetrinn leggjast det opp til ei utbygging på om lag m 2 BTA. Å dele prosjektet opp i to byggetrinn, gjer at Latinskolen må nyttast for dei funksjonane det ikkje vert plass til i første byggetrinn. Følgende hovedfunksjoner er prioritert lagt inn i byggetrinn 1: C05 Utdanningsprogram for kunst, design og arkitektur C06 Utdanningsprogram for musikk, dans og drama C31 Kulturskole C32 Teatret vårt

6 I tillegg vil følgjande delfunksjoner prioriterast C01.01 Administrasjon C02.02 Auditorium C02.04 Idrettshall C03.01 Foaje/vrimleområde/torg C03.02 Kantine C11.02 og 03 Utdanningsprogram for medium og kommunikasjon, verksteder og støttefunksjoner I kor stor grad dei resterande funksjonane vert lokalisert i byggetrinn 1 vil vere avklart i løpet av skisseprosjektet. Bruk av Latinskolen Latinskolen er i dag eit lite hensiktsmessig bygg for vidaregåande skole. Det er mange nivå i bygget, og romma har ikkje optimal storleik i høve til talet på elevar i dei einskilde klassane. Det er og svært utdaterte lokale knytt til kroppsøving. I samband med forprosjektet vil det difor bli lagt fram ei sak om bruken av Latinskolen når nybygget står ferdig. Her vil det vere naturlig å sjå på om dette skal vere ei mellombels løysing eller ei permanent løysing. Dersom Latinskolen vert ei permanent løysing, vil det krevje ei større ombygging og tilpassing av lokala. Utomhus Det har vore kjørt ein prosess mot mellom anna barn og unge i Ålesund vedrørande utforming av skolens uteområde. Skulane sjølve har og ønskjer om korleis uteområda skal vere. Saman med gjeldande reguleringsplan vil dette legge føringar for utvikling av uteområdet. Økonomi På dette stadiet i planlegginga nyttast ein spris på kr/m 2. Det gir eit grovt anslag for utbyggingskostnadane på om lag 450 millionar kroner inklusive mva for første byggetrinn. Om ein bygger ut alt samla, reknar ein med ein totalkostnad på om lag 700 millionar kroner inklusive mva. Det er knytt fleire atterhald til dette anslaget, mellom anna følgjande: Kostnader knytt til kjøp og opparbeiding av tomt Kostnader knytt til skolens uteområde Del av kostnader knytt til opparbeiding av infrastruktur Del av kostnader knytt til opparbeiding av kulturhamna Kostnader som følgje av krav i reguleringsplan med omsyn på arkitektur Av dei samla kostnadane reknar ein med at Ålesund kommune sin del utgjer om lag 35 prosent. Nærare kostnadsfordeling følgjer først av ferdig forprosjekt. Kostnader for arbeid som allereie er utført kjem i tillegg til prosjektkostnaden skissert over. Dette er kostnader som mellom anna har vore nytta til utarbeiding av fleire utviklingsplanar og mellombels lokale til kroppsøving på Volsdalsberga, og utgjer om lag 17 mill. kr inkl. mva. Prinsipp for kostnadsfordeling Det har vore samtalar med Ålesund kommune om fordeling av kostnadane på investering og drift. Møre og Romsdal fylkeskommune vil i utgangspunktet stå som utbyggar og skal drifte bygget. Ålesund kommune skal dekke kostnadane til Møre og Romsdal fylkeskommune i høve til kor mykje areal dei brukar og kor mange

7 timar i uka desse areala er brukt. Det er ønskelig at Ålesund kommune går inn som medeigar i bygget. Dette blir å komme attende til. Finansiering av Teatret Vårt Lokala til Teatret Vårt finansierast i høve til følgjande fordeling Stat 15 mill kr inkl mva Kommune 15 mill kr inkl mva Fylkeskommune 15 mill kr inkl mva I påvente av at staten skal løyve sin del, må både Ålesund kommune og Møre og Romsdal fylkeskommune garantere for halvparten av statens del. Framdrift Framdrifta vert som skissert under for vidare politisk behandling. For sjølve bygginga er dette eit optimistisk oppsett, og det vil difor bli lagt fram ei meir konkret plan saman med forprosjektet. Skissekonsept (Plannemnd) juni 2018 Forprosjekt (Fylkesting) desember 2018 Byggestart 2019 Mulig ferdigstilling 2021 Forslag til vedtak: 1. Fylkesutvalet godkjenner det framlagte byggeprogram for gjennomføring av K002 Sørsidebygget i Ålesund byggetrinn 1 2. Dei funksjonane i byggeprogrammet som ikkje vert realisert i byggetrinn 1, leggjast inn i Latinskolen. Fylkesutvalet gjev Plannemnda for byggeprosjekt i samband med skisseprosjektet mynde å justere plasseringa av funksjonane mellom Sørsidebygget og Latinskolen. 3. Fylkesutvalet godkjenner at fylkeskommunen stiller som garantist for halvparten av statens del knytt til Teatret Vårt. 4. Fylkesrådmannen får mynde til å inngå naudsynte avtalar med Ålesund kommune for vidare prosjektering, utbygging og drift av skulen. Avtalane skal ha atterhald om at Ålesund kommune får Fylkesmannens godkjenning i høve til at dei er på Robek-lista, og at fylkestinget godkjenner forprosjektet. Ottar Brage Guttelvik fylkesrådmann Per Olaf Brækkan bygge- og vedlikehaldssjef Vedlegg 1 Byggeprogram