Revidert utviklingsplan Gjermundnes vidaregåande skule

Transkript

1 saksframlegg Dato: Referanse: Vår saksbehandlar: /2017 Páll Björgvinsson Saksnr Utval Møtedato Plannemnd for byggjeprosjekt Utdanningsutvalet Fylkesrådmannens tilråding Fylkesutvalet Fylkestinget Revidert utviklingsplan Gjermundnes vidaregåande skule Bakgrunn Gjeldande utviklingsplan for Gjermundnes vgs vart godkjent i fylkestinget i sak T-72/13. I samsvar med økonomiplanen med budsjett for 2017 og fylkestingsvedtak T-79/16, fekk bygge- og vedlikehaldsseksjonen (ByVe) i oppdrag Å planlegge nytt frittståande storfefjøs for mjølkeproduksjon og ombygging av internata. Gjennom arbeidet med eigedomsstrategien for Møre og Romsdal fylkeskommune vart det utarbeidd ein tilstandsanalyse av den fylkeskommunale bygningsmassen. Denne avviker noko frå utviklingsplana frå 2013 og syner stort behov for vedlikehald på mange av bygningane på skolen. Den syner også at internata ikkje er så dårlege at dei treng rivast og erstattast med nye. Med bakgrunn i fylkestingets vedtak og tilstandsanalysen har fylkesrådmannen gjort ei revidering av gjeldande utviklingsplan. Administrasjonen har greidd ut fire alternativ utviklingar av Gjermundnes vgs. Alternativsanalysen er gjort av utdanningsavdelinga og bygge- og vedlikehaldsseksjonen i tett samarbeid med Gjermundnes vgs. Saka har vore handsama i drøftingsmøte med tillitsvalte, arbeidsmiljøutvalet og skolemiljøutvalet ved Gjermundnes vgs. Etter vedtak i struktursak (T-87/16), og tilpassingar i høve til skolebruksplanen er det lagt til grunn for vurderingane maksimalt 165 elevplassar (derav 20 elevplassar for tilrettelagt opplæring). I mangel av eigne erfaringstal når det gjeld FDVU kostnader er det nytta standardtall frå Norsk prisbok for kostnadsvurderingane.

2 Dagens tilstand Skolen driftar i dag betydelig fleire bygningar enn naudsynt. Totalt består Gjermundnes vgs (eks. landbruksmuseet) av 28 bygg med eit totalt areal på m2. Mange av bygningane er klassifisert som C-bygg (bygg som skal fasast ut av bruk) og er ikkje egna til dagens skoledrift. Skolen har ein gjennomsnittleg vekta tilstand på 1,9 på ein skal frå 0-3. Noko som er dårligare enn det vedtatte målet for dei fylkeskommunale eigedommane på 1,2. Skolen har i dag eit vedlikehaldsbehov på om lag 59 mill. kroner inkl. mva for A- bygg (bygg som skal utviklast) og 70 mill. kroner for B-bygg (bygg som skal bevarast) for å kunne nå krava i eigedomsstrategien, samt at skolen har store utfordringar knytt til universell Alternativsvurdering Det vart i startfasen definert fire alternativer for utvikling av Gjermundnes vgs. I arbeidet har det vore jobba med å kartlegge økonomiske konsekvensar og kva for effekt alternativa har for undervisninga på Gjermundnes vgs. For å kunne samanlikne dei fire ulike alternativa for Gjermundnes vgs er det gjennomført ein analyse av livssykluskostnader (LCC-analyse) for dei fire alternativa. Årskostnaden er rekna ut for dei forskjellige alternativa. I årskostnaden er både investeringskostnader og driftskostnader inkludert. Årskostnaden er eit uttrykk for dei gjennomsnittlige årlige kostnadene inkludert renter og avskrivingar. Denne er forskjellig frå årlige kostnader da dei periodiske tiltaka som for eksempel vedlikehald kan variere frå år til år. Alternativ 1 Alternativ 1 er å fortsette drifta av skolen som i dag utan å gjennomføre tiltak for å redusere vedlikehaldsetterslepet på skolen. Det vil heller ikkje bli gjennomført tiltak retta mot universell utforming eller tilpassing av undervisningslokalar. Dersom tiltak for å redusere vedlikehaldsetterslepet på skolen blir utsatt nokre år vil dette skape problem for sikker drift av skolen. Alternativ 2 På lik linje med alternativ 1 vil alternativ 2 ikkje løyse kravet om lausdrift i storfefjøs. I dette alternativet vil verdiane i eigedommane på Gjermundnes vgs bli sikra gjennom ein investering på 129 mill. kroner inkl. mva (tilsvarande vedlikehalds-etterslepet). I tillegg vil C-bygga bli rive til ein kostnad på 5 mill. kroner inkl. mva. Bygningane vil få ein tilstand betre enn 1,2, men det vert ikkje gjort tiltak i høve til universell utforming og gamal innreiing. Det vil ikkje lengre bli drifta fleire bygg enn naudsynt, men bygningane vil ikkje vere tilrettelagt dagens skoledrift.

3 Alternativ 3 Alternativ 3 er å bygge ut Gjermundnes vgs etter forslaget i utviklingsplanen frå Utviklingsplanen omhandlar bygging av nytt internat, nytt veksthus, tilbygg auditorium/gymsal, ny stall, ny traktorgarasje, oppgradering av nåverande fjøs med tilbygg for storfe etc. Bygging av nytt internat med 71 hyblar betyr ein kostnad på ca. 120 mill. kroner inkl. mva (inflasjonsjustert). Tilstandsanalysen frå 2016 viser at det ikkje er nødvendig å rive dagens internat for så å bygge nytt. I utviklingsplanen for 2013 er det foreslått å bygge eit tilbygg til dagens fjøs for å romme 35 storfe og med mulig plass til ammedyr. Dette vil løyse kravet om lausdrift i storfefjøs, men vil ikkje gi skolen ein frittståande fjøs. Skolen vil få betre bygg, betre utforming og C-bygg vil bli rive, men tiltaka vil vere dyre og betyr ei samla investering på ca. 188 mill. kroner. Alternativ 4 Gjennom arbeidet med revidert utviklingsplan har det vore eit mål å få færre små bygningar, og å samle driftsbygningane rundt «gardsplassen» som vil vere naturleg på ein gard. Arbeidsgruppa har sett på heile området under eitt, og arbeidet med situasjonsplanen har vore sentralt. Denne inneheld no ei organisering av bygningar, tilkomst, uteområde og parkering for tilsette og elevar. I tillegg har arbeidsgruppa vurdert nye bygningar, tilbygg og ombyggingar, overordna plan over plassering av lokale miljøstasjonar, samt plassering av samlemiljøstasjon. I revidert utviklingsplan 2017 er det foreslått å rehabilitere internata og gamlefjøsen, og bygge tilbygg til TIP, nytt frittståande fjøs, ny TPO base, nytt veksthus, ny stall, nytt naturbrukshus, ny garasje/miljøstasjon etc. Revidert utviklingsplan 2017 har også ein 26 prosent lågare investeringskostnad enn utviklingsplan Reduksjonen kommer hovudsakleg frå endringane i planane for internata. I staden for å bygge nytt internat vil internata bli totalrehabilitert. Den reviderte utviklingsplanen gir også eit betre tilbod for elevar med tilrettelagt opplæring slik at dei kan ta del i skolekvardagen på Gjermundnes vgs. For meir utfyllande informasjon om alternativ 4 vises det til vedlegg 2. I vedlegget blir tiltaka fordelt på byggetrinn 1 og 2.

4 Samandrag alternativ (alle kostnader inkl. mva) Alternativ Areal (eks. landbruksmuseet) Investering Årskostnad Effekt 1 utan tiltak ,73 mill. kr Som i dag 2 Berre naudsynt vedlikehald (A og B-bygg) + riving (C-bygg) 3 utviklingsplan 2013 ** 4 utviklingsplan 2017 *** mill. kr 18,12 mill. kr Betre tilstandsnivå, ingen betring undervisning og universell mill. kr* 22,47 mill. kr Betra tilstandsnivå og universell Tidsriktig landbruksskole mill. kr 19,61 mill. kr Betra tilstandsnivå og universell Tidsriktig landbruksskole. Sentralisering rundt «gardstun» og samling av aktiviteter i færre bygg. * Summen er inflasjonsjustert og allereie gjennomførte tiltak er trekt ut (meir informasjon kan finnes i utviklingsplanen for 2017). ** For utfyllande informasjon om alternativa vises det til vedlegg 3. *** For utfyllande informasjon om alternativa vises det til vedlegg 2. Vurdering I høve til vedtatt eigedomsstrategi og gjeldande lover og forskrifter vurderer fylkesrådmannen alternativ 4 som det gunstigaste alternativet for vidare utvikling av Gjermundnes vgs.

5 Forslag til vedtak: Fylkestinget ber fylkesrådmannen utvikle Gjermundnes vgs etter alternativ 4 i denne saka. Ottar Brage Guttelvik fylkesrådmann Per Olaf Brekkan bygge- og vedlikehaldssjef Vedlegg Alternativsanalyse Gjermundnes vgs 2017 Utviklingsplan Gjermundnes vgs 2017 Gjermundnes vgs - utviklingsplan 2013