Sikringskjøp av Kirkegata 1A i Ålesund til museumsformål

Transkript

1 saksframlegg Dato: Referanse: Vår saksbehandlar: /2017 Heidi-Iren Wedlog Olsen Saksnr Utval Møtedato U 58/17 Fylkesutvalet RS 15/17 Kultur- og folkehelseutvalet Fylkestinget Sikringskjøp av Kirkegata 1A i Ålesund til museumsformål Bakgrunn Stiftelsen Kulturkvartalet har vore i kontakt med Møre og Romsdal fylkeskommune og Ålesund kommune om erverv av Kirkegata 1A i Ålesund til utviding av lokalitetane til Stiftelsen Kulturkvartalet. Målet med eit eventuelt kjøp er å sikre tenleg areal for mogleg vidareutvikling av bygget til museumsføremål, per i dag Stiftelsen Kulturkvartalet. Stiftelsen Kulturkvartalet er eit spesialmuseum, med hovudvekt på jugendstilarkitektur og samtidskunst. Møre og Romsdal fylkeskommune er saman med Ålesund kommune stiftarane av Stiftelsen Kulturkvartalet. Stiftinga har to avdelingar kunstmuseet KUBE og Jugendstilsenteret. Stiftinga har driftstilskot frå stat, fylkeskommune og Ålesund kommune. Stiftinga held til i to bygg det tidligare Norges bank-bygget (KUBE) og Apotekergata 2 (Jugendstilsenteret). Kirkegata 1A er nabobygget til Apotekergata 2. Dei to bygningane er teikna av same arkitekt og ført opp av same byggherre, og framstår utanfrå som ein bygning. Apotekergata 2 er eit freda bygg, også interiørmessig. Det tidligare Norges bank-bygget er eit verna bygg. Om prosess og dialog rundt eit eventuelt sikringskjøp Til grunn for Stiftelsen Kulturkvartalet sitt ønsket om å erverve Kirkegata 1A til utviding av museet, ligg fleire behov. Det er signalisert behov for utvida utstillingsareal og semi-permanente visningsstader for museet sine samlingar. Museet angir også som behov at dei manglar eigna rom til formidlingsareal, som til dømes auditorium og rom til «verkstader». Kulturkvartalet sine lokalitetar er per i dag ikkje tilstrekkeleg universelt utforma. Det er behov for å gjere tilpassingar som er vanskeleg å få til i nødvendig omfang, spesielt i Apotekergata 2 som er eit freda bygg. For meir informasjon, sjå vedlagt konseptskisse. Erverv av Kirkegata 1A har vore tema i samtalar mellom stiftinga og administrasjonen i fylkeskommunen sidan våren I desse dialogane har stiftinga fått tilbakemeldingar på sentrale føresetnader dersom fylkeskommunen skal kunne vurdere å delta i eit eventuelt erverv av Kirkegata 1A til museumsformål. Desse har vore:

2 Sikringskjøp av Kirkegata 1A vil vere fylkeskommunen sitt bidrag inn i prosjektet Utvikling av Kirkegata 1A føresett statlig og kommunal medverknad Fylkeskommunen vil selje Kirkegata 1A om ikkje stat og kommune gir økonomisk støtte til prosjektet i løpet av 3-5 år Det skal utarbeidast eit omforeint organisatorisk og innhaldsmessig konsept for aktiviteten i Stiftelsen Kulturkvartalet Det har vidare vore gjennomført møte med Kulturdepartementet, på administrativt nivå. Her vart det gitt uttrykk for at prosjektet er interessant. På spørsmål om staten kan gå inn med planleggingsmidlar til utvikling av prosjektet, var tilbakemeldinga at det må løysast lokalt og regionalt. I same møte vart tema om konsolidering av Stiftelsen Kulturkvartalet og Stiftinga Sunnmøre museum løfta av departementet. Signalet var at staten støttar prosjekt som medverkar til å sette i verk statleg politikk og ønska utvikling innan fagfeltet (i.e. større museumseiningar). Som følgje av møtet med departementet, er det inngått avtale om konsulentbistand for prosess- og prosjektstøtte til gjennomføring av ein konsolideringsprosess mellom dei to institusjonane. Våren 2016 fekk stiftinga kroner i økonomisk støtte til å få fram betre grunnlag for ein søknad om statleg støtte til prosjektet. Stiftinga valte å utarbeide ei muligheitsskisse, som ikkje berre omfatta Kirkegata 1A, men også kjøp av Kirkegata 1B, større rehabilitering av KUBE og utvikling av nytt inngangspart i gaterommet mellom KUBE og Jugendstilsentret. Etter tilbakemelding frå fylkeskommunen, er prosjektet redusert til å omhandle Kirkegata 1A og utvikling av dette. Konseptskissa (jf. vedlegg) er eit godt grunnlag for vidare arbeid. Ålesund kommune er også einig i dette. Av den grunn vart det i økonomiplan , med budsjett for 2018 signalisert at det kan vere aktuelt å kjøpe Kirkegata 1A. Det vart ikkje lagt inn noko beløp, då det på tidspunkt for framlegg av økonomiplanen, ikkje var kome på plass ei meir tilpassa/nedskalert konseptskisse. Fylkesrådmannen la derfor inn i økonomiplanen at ein ville kunne kome tilbake med eiga sak om sikringskjøp i løpet av Stiftinga har forhandla fram ein opsjonsavtale om kjøp av Kirkegata1A. Avtalen er formulert slik at fylkeskommunen, dersom ein vil gå til sikringskjøp, trer inn og på den måten tek over stiftinga si partsstilling i avtalen med noverande eigar. Opsjonsperioden, som opprinneleg går ut 1. juni 2017, er forlenga til 30. november Frist for å tiltre opsjonsavtalen er 30. juni Fylkeskommunen har hatt tett dialog med Ålesund kommune som opprinneleg medstiftar av Kulturkvartalet. I denne dialogen har fylkeskommunen m.a. satt nokre vilkår for gjennomføring av sikringskjøpet. Vilkåra er satt med atterhald om politisk godkjenning.

3 Desse er: i. Møre og Romsdal fylkeskommune skal stå som eigar av bygget, i ein periode på inntil 5 år frå kjøpet er gjennomført. ii. iii. Møre og Romsdal fylkeskommune skal i denne perioden sørge for at nødvendige påkostingar/fysiske utbetringar blir gjennomført for å hindre at bygget blir påført skadar og slik sikre bygget i perioden. I perioden på inntil 5 år skal følgjande skje: Det skal utarbeidast eit omforeint organisatorisk og innhaldsmessig konsept for aktiviteten i Stiftelsen Kulturkvartalet Nødvendig bygningsmessige investeringar, inkludert erverv og ombygging, må ha omforeint finansiering Det skal ligge føre ny avtale mellom dei offentlege aktørane (stat, fylkeskommune og kommune) om framtidig driftstilskot Drift av Kirkegata1A skal i 5-års perioden vere sjølvfinansierande, dvs. at eigedomen fram til eventuell ombygging startar sjølvsagt ikkje skal nyttast av Stiftelsen Kulturkvartalet. iv. Dersom ein eller fleire av føresetnadane i punkta ovanfor ikkje blir innfridd, vil fylkeskommunen selje Kirkegata 1A v. Dersom Kirkegata 1A blir avhenda med tap, (salssummen ikkje dekkjer kjøpeprisen og tap på drift av eigedommen inkludert eventuelle tomgangskostnader) blir tapet å dekke mellom Møre og Romsdal fylkeskommune og Ålesund kommune med 50 % kvar. Ålesund bystyre er kjent med desse føresetnadane, og har i møte 11 mai gjort følgjande vedtak (35 mot 14 stemmer): 1. Ålesund bystyre viser til saksutredningen og ber om at Ålesund kommune og Møre og Romsdal fylkeskommune medvirker til sikringskjøp av Kirkegata 1A. 2. Ålesund bystyre ber om at Møre og Romsdal fylkeskommune gjennomfører sikringskjøp og står som eier av bygget, i en periode på inntil 5 år frå kjøpet er gjennomført 3. Dersom Kirkegata 1A blir solgt, og prisen er under kjøpspris og dekking av påløpte driftsutgifter, skal tapet dekkes mellom Møre og Romsdal fylkeskommune og Ålesund kommune med 50 % hver. 4. Videre fremdriftsplan og finansiering må komme tilbake som egen sak til bystyret. Kirkegata 1A Kirkegata 1A er eigd av AS Kirkegaten 1A. Om sikringskjøpet blir gjennomført, skjer det ved kjøp av aksjeselskapet. Fylkeskommunen vil vere eigar.

4 Finansieringsbehovet Prisen på Kirkegata 1A er av seljar satt til 15,8 mill. kroner, i overkant av antatt marknadsverdi. I følgje seljar er ikkje prisen gjenstand for vidare forhandlingar. Det er i tillegg gjennomført synfaring i Kirkegata 1A. Føremålet var å sjekke ut tilstanden på bygget og få ein oversikt over kortsiktige utbetringstiltak. Kjente kostnader er stipuler til 2 mill. kroner. Samla kostnad for sikringskjøpet og minimumstiltak på utbetringar blir dermed 17,8 mill. kroner. I tillegg til ovannemnde kostnader til aksjekjøp og kortsiktige utbetringstiltak, er det behov for midlar både til utgreiing, planlegging og prosjektering av prosjektet. Likeins er det behov for midlar til dekking av eventuelle tomgangskostnader. Potensielle tomgangskostnader/husleigetap i delar eller heile perioden er satt til inntil 3 mill. kroner. Det vidare behov for å tilføre selskapet AS Kirkegaten 1A likviditet for å ikkje kome i betalingsvanskar. Fylkesrådmannen vurderer dette behovet til 2 mill. kroner. Prosjektering- og utviklingskostander med omsyn til å utarbeide dei planar som skal danne grunnlag for eventuell ombygging/finansiering/ gjennomføring av prosjektet er sett til 5 mill. kroner. Ein legg til grunn at dette utviklings- og planarbeidet i stor grad må forskoterast av AS Kirkegaten 1A. Endeleg finansiering av desse kostnadane vil måtte avklarast i dei avtalane som det vil vere nødvendig å inngå med Ålesund kommune og staten som grunnlag for m.a. fylkestingets etterfølgande behandling dersom ombyggingsprosjektet skal gjennomførast. Samla sett gir dette eit totalt behov for finansiering på 28 mill. kroner. Etter fylkesrådmannen sin vurdering kan fylkeskommunen og Ålesund kommune, om Kirkegata 1A blir seld etter 5 år, samla vere eksponert for eit tap på 5-10 mill. kroner. Det er dette eventuelle samla tapet som blir å dekke av fylkeskommunen og Ålesund kommune med 50 prosent kvar. Statleg museumspolitikk investering Hovudregel i den statlege museumspolitikken er medverknad frå alle forvaltingsnivå både i høve til driftstilskot og investeringstilskot. Mens driftstilskot i dei fleste tilfella er fordelt etter malen 60/20/20 (stat/fylkeskommune/kommune), er fordelinga 1/3 på kvart av partane når det gjeld investeringstilskot. Vurdering Prosessen med utarbeiding av ny regional delplan for museum nærmar seg ferdigstilling. Planen har fokus på vidare fagleg utvikling av musea i Møre og Romsdal, langs aksane formidling, forvalting, forsking, fornying og frivilligheit (totalt fem F-ar). Stiftelsen Kulturkvartalet er eit av musea som er omfatta av planen. Stiftinga er lokalisert sentralt i Ålesund ved Brosundet. Lokalitetane museet har i dag er satt under streng regulering, og det er behov for å finne løysingar som gjer at museet kan få litt meir tidsriktige og tilpassa lokalitetar knytt til Apotekergata 2 (Jugendstilsenteret). Å gjennomføre sikringskjøpet av Kirkegata 1A kan derfor medverke til å styrke den faglege utviklinga innanfor museumssektoren generelt, og for Stiftelsen Kulturkvartalet spesielt.

5 Stat og fylkeskommune er viktige premissleverandørar innanfor museumsfeltet, og har eit felles ansvar for å utvikle den nasjonale museumspolitikken saman med kommunane. Dei ytre premissane for vidare utvikling av prosjektet er kjent for alle partar. Det er også avklart kva som vil skje med eigedomen om den ikkje blir vidareutvikla til museumsformål. Det er også avklart korleis eventuelle utgifter skal dekkast mellom fylkeskommunen og Ålesund kommune. På grunnlag av dette tilrår fylkesrådmannen at Møre og Romsdal fylkeskommune løyver 28 mill. kroner til sikringskjøp av eigedomsselskapet Kirkegata 1A og til oppkapitalisering av selskapet slik at ein har evne til både å drifte, utgreie, planlegge og prosjektere for framtidig bruk av eigedomen til museumsføremål. Føresett at vilkåra for utviklinga v Kirkegata 1A blir innfridd, legg fylkesrådmannen til grunn at sikringskjøp av Kirkegata 1A og oppkapitalisering av AS Kirkegaten 1A vil vere fylkeskommunen sitt økonomiske bidrag i prosjektet. Finansieringa blir å dekke med bruk av investeringsfondsmidlar. Forslag til vedtak: 1. Møre og Romsdal fylkeskommune er positiv til å bidra til erverv av Kirkegata 1A til museumsformål. 2. Møre og Romsdal fylkeskommune trer inn i allereie framforhandla avtale mellom Stiftelsen Kulturkvartalet og eigarane av AS Kirkegata 1A. 3. Kjøp av aksjeselskapet og oppkapitalisering av aksjeselskapet, totalt 28 mill. kroner, blir finansiert med bruk av investeringsfondsmidlar. 4. Perioden for sikringskjøp er maksimalt 5 år. I denne perioden skal Møre og Romsdal fylkeskommune skal stå som eigar av aksjeselskapet/bygget Kirkegata 1A. 5. Møre og Romsdal fylkeskommune skal i denne perioden sørge for at nødvendige påkostingar/fysiske utbetringar blir gjennomført for å hindre at bygget blir påført skadar og slik sikre bygget i perioden. 6. I perioden på inntil 5 år skal følgjande skje: a. Det skal utarbeidast eit omforeint organisatorisk og innhaldsmessig konsept for aktiviteten i Stiftelsen Kulturkvartalet b. Nødvendig bygningsmessige investeringar, inkludert erverv og ombygging, må ha omforeint finansiering c. Det føreligg avtale mellom dei offentlege aktørane (stat, fylkeskommune og kommune) om framtidig driftstilskot d. Drift av Kirkegata 1A skal vere sjølvfinansierande

6 7. Dersom ein eller fleire av føresetnadane i punkta ovanfor ikkje blir innfridd, vil fylkeskommunen selje Kirkegata 1A 8. Dersom Kirkegata 1A blir avhenda med tap, (salssummen ikkje dekkjer kjøpeprisen og tap på drift av eigedommen inkludert tomgangskostnader) blir tapet å dekke mellom Møre og Romsdal fylkeskommune og Ålesund kommune med 50 prosent kvar. 9. Fylkesrådmannen får mynde til å inngå nødvendige avtalar for å gjennomføre og sikre prosessane og prosjektet i samsvar med føringar lagt i dette sakframlegget. 10. Fylkestinget skal, før ombyggingsprosjektet eventuelt blir sett i gang, få seg førelagt for eventuell godkjenning eit forprosjekt som m.a. viser kostnadsramma for prosjektet. I tillegg skal det av saka gå fram på kva måte prosjektet er fullfinansiert ombyggingsmessig og kva konsekvensar framtidig drift av Kirkegata 1A til museumsformål vil ha for fylkeskommunen sine driftstilskot til museet. Ottar Brage Guttelvik fylkesrådmann Heidi-Iren Wedlog Olsen fylkeskultursjef Vedlegg 1 Fra Stiftelsen Kulturkvartalet_ Konsept og mulighetsstudie per