nr april 2011 Organ for Førde IL Orientering Nr. 1 - årgang 35 Det er da vakkert!! mange naturidyllar møter o-folket

Transkript

1 1 nr april Det er da vakkert!! mange naturidyllar møter o-folket Organ for Førde IL Orientering Nr. 1 - årgang 35 Den kjekkaste dagen i veka! sjå intervju med Gunnar på side 7 Kvar går nærløpa i 2011? sjå terminliste og kart på side 5 og 6

2 Sesongen utfordringar og moglegheiter Vår terminliste for nærløp var oppsett med første løp 6. april, men ein snørik og lang vinter har medført at ennå ligg det snø i mange av løpsområda. Til og med på Klappene, som vanlegvis er nesten snøfritt vinteren igjennom, var det for mykje snø den 6. april til å kunne gjennomføre det oppsette løpet. Men fortvil ikkje, det står heile 16 nærløp til på terminlista for dei som har dette som sin viktigaste orienterings-aktivitet. Vi har elles som vanleg Skulesprinten som tilbod til alle skulane i kommunen, og som nytt av året vil vi prøve med Råtasskarusellen som eit ekstra tilbod til nybegynnarane. Denne både håpar og trur vi vil bli ein populær aktivitet. Men vi har ein del andre utfordringar. Nærløpa er ein sikker og høveleg aktivitet både for mosjonistar og dei som siktar noko høgare. Men, slik som det går fram av intervjuet med Gunnar på side 7, så kan nærløpa åleine vanskeleg gi skikkeleg treningseffekt for dei som vil bli verkeleg gode orienteringsløparar. Dette gjeld spesielt o-teknisk trening; nærløp åleine gir ei lang og flat læringskurve, og du blir kanskje aldri skikkeleg god. Tilsvarande, som også eit moment i å bli god, er deltaking på løp både i og utafor fylket. Når det gjeld Førde-orienterarar si deltaking på K-løp og andre løp i og utanfor fylket så har det helst vore ein tilbakegang dei siste åra. På Nordvestgaloppen i Sogndal i fjor var det berre eit fåtal løparar frå Førde IL Orientering som stilte opp! Å konkurrere mot dei som er minst like gode som deg sjølv er både lærerikt og inspirerande for å kunne heve seg eit nivå. Til slutt nemner vi NOF si nye satsing på Turorientering gjennom friluftsportalen Ut.no, som vi omtalar på side 11. Antall deltakarar i Turorientering i 2010 tyder på at vi er i ferd med å snu den nedgåande trenden vi har sett dei siste åra. Vi må derfor vera på hogget og utnytte NOF si nye satsing til eit skikkelg oppsving for vår turorientering. Førde kommune med sine meir enn innbyggarar burde gi grunnlag for minst 1000 deltakarar i turorientering. Ein grei og lettvindt aktivitet å ty til for den årleg aukande gruppa som treng å få av seg flesket. Red. Lars n utnemnd til æresmedlem Førde IL Orientering har fått sitt første æresmedlem! På årsmøtet 28. februar vart Lars Sæterdal utnemnd til æresmedlem. Bakgrunnen for æresmedlemskapet er m.a.: - Lars har vore aktiv deltakar i orientering og aktivt medlem i orienteringsgruppa nesten så langt tilbake som Førde IL har drive med orientering. - som aktiv orienterar har han vore av dei mest trufaste både i lokale nærløp på klubbnivå, på krinsløp og løp på nasjonalt plan - Lars er kanskje også den i Førde IL som har deltatt i orientering i flest land og på flest kontinent. Såleis har han deltatt i WMOC (World Masters Orienteering Championship) både i Amerika og New Zealand i tillegg til mange europeiske land. - viktigast er likevel Lars sin mangeårige innsats som tillitsvald i gruppa og i samband med arrangement: Han har i fleire perioder hatt ulike verv i styret for FIL Orientering, også som leiar i 2 år. Og ved FIL Orientering sine arrangement har han vore ein viktig, velvillig og påliteleg mann for ulike oppgåver, dei seinare åra spesielt som tilriggar av arena. - til sist kan nemnast Lars sitt lettliva vesen og gode humør. Som humørspreiar i gruppa har han vore og er ein uvurderleg og til nå uovertreft person. O-posten nr side 2

3 Skulesprinten 2011 Snart er det mai og tid for den tradisjonelle Skulesprinten. Her deltek kvart år så godt som 100% av alle elevane på trinn i Førde kommune. På grendaskulane er også 4. klassingane med. Dette utgjer mellom born ute i skogen i løpet av fem-seks hektiske dagar. Arrangementa vil i hovudsak gå føre seg i veke 20 og 21, det vil seie dagane rett etter 17.mai. Torsdag 19. mai kl og Fredag 20. mai kl og Torsdag 26. mai kl og Fredag 27. mai kl og Ein dag i juni på den felles aktivitetsdagen for grendaskulane Velteplassen på Soleide blir også i år arena, men sjølvsagt med nye løyper. All logistikk (avtalar med skulane, elevlister, medfølgjande lærarar, ferdigtrykte kart, postar utlagt osv) er ferdig. O-gruppa sine folk skal setje det heile i gang, ta i mål elevane og rose kvar enkelt. Lærarane som er med har det fulle ansvaret for sine elevar og hjelper til med rakettløype, kven som går i lag, utdeling og innsamling av brikker osv. Skulesprinten er godt innarbeidd på skulane og lærarane kjenner gangen i arrangementet. Vi treng to ansvarlege for kvart arrangement (to klokka 10 og gjerne dei same to klokka 12) Dette har vi sydd saman dei siste 11 åra. Tenk gjennom om du har fire timar ledig ein av desse dagane! Koordinator er Reidar Eide ( ) reidar.eide@forde.kommune.no. Gunnar Gytri er løype- og kartansvarleg, dessutan arrangør på to av dagane. Rekrutteringsrådet, ved Reidar Eide Bilde frå Skulesprinten 2011 (Foto: Slåtten skule) O-posten nr side 3

4 Teknisk råd aktuell informasjon Kartarbeid Vi har ingen langsiktig kartplan, men i samband med revidering av Førde kommune sin kommunedelplan for idrett og friluftsliv meldte Førde IL Orientering inn 4 anlegg: Moskog og Langeland/Bringeland som løpskart, og Grimelandshaug og Bystien som nærmiljøanlegg. Desse anlegga har kommunen også tatt med i den endelege kommunedelplanen, noko som opnar for at vi kan søke om og få tildelt spelemidlar til anlegga/ kartarbeidet. Etter innsending av søknader har vi fått tilbakemelding om tilskot frå spelemidlane til karta Moskog og Grimelandshaug. Søknad om spelemidlar og kommunale midlar til Langeland/ Bringeland vart sendt i oktober Med fullføring av digitalisering og oppdatering av kartet Langeland/ Bringeland i løpet av 2011 vil alle våre aktuelle kart ligge føre i digital form. Dette gir høve til fortløpande korrigering av karta slik at dei alltid vil vera oppdaterte. Til produksjon av kart for nærløp og K-løp vil vi nytte utskrifter frå laserskrivarar. Utstyr Vi er rimeleg godt forsynte med arrangementsutstyr. I 2010 kjøpte vi elektronisk startdisplay ESD2 i lag med Sogndal IL. I tillegg vart det også kjøpt ein del nye post- og starteiningar, og eit klassesett på 30 stk. EKT-løparbrikker for oppæring og skulebruk. Ved starten av sesongen har vi 81 posteiningar på stativ, pluss 5 starteiningar og ei avlesingseining. 18 av posteiningane er 10 år gamle og bør i 2011 berre brukast til rakettløype i samband med nærløp. Vidare har vi 3 stk. MTR4 komplett og ei startklokke. Av postskjermar er det i alt 105 stk. der omlag halvparten er i A-kvalitet (nye eller lite brukte). OCAD 10CS-løypeleggingsprogram Vi har kjøpt ein klubblisens av løypeleggingsprogrammet OCAD 10CS. Denne gir høve til å laste ned programmet til 10 maskiner (brukarar) frå adressa Interesserte kan kontakte kasseraren Egil Nestande (e-post: egi-ne@online.no) for å få tildelt lisens-nummer og nødvendig informasjon for nedlasting og aktivering av programmet. Nærløpsarrangørar som vil nytte OCAD 10CS til løypelegging må i tillegg få tilsendt aktuelle kartfiler frå ein av følgjande: Helge Torodd Gunnar Egil helge.schei@merkur-programmet.no torodd.os@enivest.net eller torodd.os@arki.no gunnar.gytri@orientering.no eller gunnar.gytri@enivest.net egi-ne@online.no O-posten nr side 4

5 Terminliste Nærløp og K-løp 2011 (korrigert liste) Kart/Område Stad Arrangør(ar) Merknad Mars Fre 25. KM-natt Fjellhug/Vereide K-løp April Ons. 6. Klappene Soleide 1 Torodd Os, Synneva Kalstad Ons.13. Klappene 2 Pia Wikborg, Egil Nestande Nærløp Ons 27. Moskog Movika 3 Torodd Os, Eli Nummedal Nærløp Mai Ons 4. Moskog 4 Helge Schei, Karl Mettenes Nærløp Ons 11. KM-sprint Hafslo IL K-løp Ons 18. Digernesvatnet Masdal 5 Tore Reikvam, Ståle Nærløp Sørbotten Laur 21. K-løp IL Veten K-løp Ons 25. Rotekoppen Breimsbygda IL K-løp Juni Ons 1. Grimelandshaug Angedalen skule 6 Harald Hjellbrekke, Kjell Nærløp Arne Hjellbrekke Søn. 5 KM Ultra Sogndal Sogndal IL K-løp Ons.8 Skjervane Strokane/ 7 Jan Erik Øygard, Martin LM Holsavatnet Hegrenes Ons 15. Naustdal Naustdal Tambarskjelvar IL Nærløp Lør 18. Førdebodstikka KM-stafett 8 (Bekkeholten) Søn 19. Sunnfjordorienteringa KM lang 8 (Bekkeholten) Løypelegger Yngve Årdal, Løpsleder Johan Magerøy Ass.løpsl. Svanhild Handal Løypelegger Marius Dalin, Løpsleder Johan Magerøy Assløpsl. Svanhild Handal Løpet avlyst pga. for mykje snø K-løp K-løp Ons 22. Løyper etter KM Bekkeholten 8 Steinar Lote, Torodd Os Nærløp August Ons 10. Bringeland 9 Merete Larsmon, Ola Hegrenes Ons 17. Slåtten Slåtten skule 10 Håvard Nummedal Os, Sivert Årdal Nærløp Nærløp Laur. 20. KM-mellom Markane IL K-løp Ons 24.. Kråkenesmarka Ulltang 11 (ny skogsvei) Egil Nestande, Åse Reikvam Nærløp Ons 31. Haustbløyta Tambarskjelvar IL K-løp Sept. Ons 7. Digernesvatnet Etterli 12 Gunnar Gytri, Kjell Olav Nærløp Reikvam Ons 14. Moskog Movika 13 Jostein Fredly, Heidi Lise Nærløp Bakke Ons 21. Naustdal Tambarskjelvar IL Nærløp Ons 28. Langeland Langeland 14 Tor Christopher Fink, Nærløp skisenter Øyvind Nesse Ons Romjulsløpet Soleide 1 Helge Schei Nærløp O-posten nr side 5

6 Nærløp 2011 kartområde og samlingsplassar (Terminlista og kartet kan du også laste ned frå vår nettside ) O-posten nr side 6

7 Den kjekkaste dagen i veka! - Ja, vintertreninga på onsdagane er faktisk noko av det kjekkaste eg gjer no vinterstid, seier Gunnar Gytri, den hovudansvarlege for treninga. - Vi møtest klokka sju til variert trening inne på Slåtten skule. Somme år har vi også jogga ute i forkant. Det kjem litt an på kor mykje dei som er med, trenar elles. Først har vi 20 minutt knallhard innebandy. Der gir vi alt, - gamle som unge. Deretter køyrer vi to runder stasjonstrening med O-tekniske oppgåver i dei halvminuttlange pausane. Oppgåvene kan t.d. vere å tekne inn vegval mellom to postar. Til slutt er det ny omgang med innebandy før deltakarane får fortelje om sine vegval og diskutere kva som er den luraste vegen mellom to postar. Her er det elles ingen fasitsvar. Ein sterk O-teknikar tek gjerne andre vegval enn ein sterk løpar som har mindre erfaring med kart. Treningane går med liv og lyst. Eg trur det er ein viktig miljøskapande aktivitet! For sein på jobben torsdags morgonane - Greier ein gamling som deg å halde tritt med ungdommen inne? - He,he, det hender nok at eg ikkje kjem meg tidsnok på jobb torsdags morgonane. Kroppen slappar godt av etter ei god og hard trening, smiler Gunnar. Utfordra på å ta ansvar - Er det du som leiar alle treningane? - Nei, her let vi alle sleppe til. To og to tek gjerne ansvar for kveldane. Eg skaffar kart og blyantar. Dei lagar oppgåver og leiar heile treninga. Eg er bevisst på at dei unge vert utfordra på å ta ansvar. På desse treningane er vi trygge på kvarandre og alle får ros for jobben dei gjer. Ein 15åring som trenar andre ungdommar har også andre leiarkvalitetar enn vi gamlingane. Dessutan er det god øving. På lenger sikt er det også ei opplæring for framtidige løypeleggarar og arrangørar. Dei unge lærer seg kartforståinga gradvis gjennom vinteren. På gjennomgangane ser eg ganske fort kva dei forstår og ikkje. Her får alle rettleiing, litt frå meg og litt frå kvarandre Når O-treningane og løpa tek til ute, har eg eit utgangspunkt til å følgje opp den enkelte ute i terrenget. O-teknisk trening. Håvard teiknar inn sitt vegval mellom to postar. Nærløp = lang og flat læringskurve - Ja, korleis får vi etter di meining gode og motiverte O-løparar i klubben vår? - Det er i alle fall ikkje nok berre å vere med på nærløpa. Då blir læringskurva veldig flat og lang, - så lang at løparane våre plutseleg har hamna i klasser med løyper dei ikkje meistrar. Då blir ikkje orientering lenger gøy. Etter mi meining treng unge løparar individuell oppfølging på treningar gjennom sesongen. Vi treng eldre løparar som er villege til å rettleie på treningar der vi øver på spesielle O-tekniske detaljar i terrenget. Vi treng at våre mest rutinerte vaksne kan dele av sine ferdigheiter. Det gjer vi etter mi meining ikkje best på nærløpa der sluttida står i fokus. O-posten nr side 7

8 Kvalitetstreningar = bratt læringskurve Som fagkonsulent i O-forbundet ønskjer eg at klubbane, også Førde IL Orientering, skal legge til rette for læringskurver som går bratt oppover. Dette kan vi få til ved kvalitetstrening = tett oppfølging. Vi kan ikkje vente at dei unge skal få dette til sjølve. Mange av dei unge som spring nærløp i dag, får inga rettleiing undervegs. Dei blir ikkje observerte. A-løparane våre er jo opptekne med sine eigne løp! For å vere litt direkte, vil eg seie at eg av og til har inntrykk av at treningsarbeidet i Førde på ein måte eksisterer sidestilt med aktivitetstilboda våre, på same linje som Tur-O, medan mannskapsressursane blir lagt ned i lange nærløpslister. Nærløpa er gode trimtilbod for mange, men det er ikkje berre desse løpa vi må tilby unge som trening for å kunne hevde seg i ein idrett dei er i ferd med å bli glade i. Ein fin gjeng! - Du har med deg ein fin gjeng her på innetreninga. Er det Førde sine komande storløparar? - Det trur eg gjerne dei kan bli. Innsatsen på innetreningane er topp. Eg håpar vi kan få ein gjeng som kan reise i lag på samlingar og løp - og mest av alt at dei får eit treningstilbod med oppfølging av instruktørar. Mange av våre A-løparar har mykje verdfull O-erfaring å dele. Då kan vi få O-løparar som føler at dei meistrar. Det er god motivasjon for å halde fram med idretten vår! Tekst og foto: Reidar Eide På sirkeltrening på Slåtten skule er det humør og innsats! Frå venstre Espen Erdalsdal Kolstad, Knut Nordeide, Sivert Vinjevoll Årdal og Håvard Nummedal Os O-posten nr side 8

9 Råtasskarusell i Førde - eit rekrutteringstiltak for nybyrjarar Rekrutteringsrådet har diskutert korleis vi kan gjennomføre eit rekrutteringstiltak som m.a. har vore fast brukt i O-gruppa i Emblem IL i Møre og R. dei siste åra. Aktivitetar som kan inngå i Råtasskarusellen Merka naturløype eller felles roleg joggetur/ tur i variert terreng. Litt tøffe utfordringar, forsering over stein, skrent, tett skog osv. Natursti - enkel gjennomføring med laminerte kort, gjerne knytt til merka naturløype Skattekart eller myrfotball Korridorløp på lag. Frakte bøtte med vatn rundt løypa?? Fjellturar (Hornesstølen i mai, Førdsnipa eller liknande juni) Stjerneorientering 8-15 postar om gongen plasserte i stjerne i ulik avstand frå instruktør/start/mål. Kvar deltakar har blankt kart. Leiar teiknar inn ny post kvar gong eleven kjem tilbake. Må ha stempla før han kjem inn og får teikna på neste post. Alle samtidig i ulike retningar. Fordel: Full kontroll /tilbakemelding for kvar post dei finn. Delt. har kun ein post å konsentrere seg om kvar gong. Ein annan fordel er at ingen kjem først til mål. Dei som først tek alle postane, kan sendast ut på nytt i sløyfer. Råtassløype = innteikna rundløype der ein del av stjerneorienteringspostane er med i rundløypa, pluss gjerne nokre fleire for å få til ei god rundløype, t.d. rundt 1000m. Tid og bemanning Tysdagar kl.18 og utover frå første tysdag etter påske. Bemanning: Ei gruppe på t.d. 3 eller 4 stk. Magne og Reidar er med som ansvarlege, og har andre som kan vere medhjelparar. Datoar: 1. Tysdag 26 april 2. Tysdag 3. mai 3. Tysdag 10. mai 4. Tysdag 24. mai 5. Tysdag 31. mai 6. Tysdag 7. juni 7. Tysdag 14. juni (avslutning for våren) 8. Onsdag 24 august (kombinert med nærløp) 9. Pizzakveld, premiar? Nødvendig materiell Ein stk MTR, nok brikker, papir 15??? stk. posteiningar Skjermar Ferdig tillaga liste for deltakarregistrering, pennar Kostnad: 10 kr per barn per gong Ferdige trykte kart med alle postane innteikna, målestokk 1:3000?? Kart utan postmarkeringar Plastposar Kommentarar elles Fordel med flest mogleg løp tidleg i sesongen, og arrangementa bør vere lokalisert i Førde sitt nærområde. Forslag: FUSK, Flatene, Soleide, Slåtten. Kjempeoverraskelse ein av dagane. Onsdag 24 august blir det kombinasjon med nærløp, og overgang til N-løype Rekrutteringsrådet er til stades på dei første nærløpa for å reklamere for Råtasskarusellen, og elles må vi reklamere for opplegget på alle nærløpa ved plakat/flyer i A2 eller 3, og gjennom annonsering i Firda, på vår nettside og i O-posten. Pizzakveld etter at alle 8 er gjennomførte / eller rett før vintertreninga der deltakarane med foreldre vert bedne inn? Dei ansvarlege for rekrutteringstysdagane bør som følgje av denne satsinga, elles ikkje ha ansvar på nærløpa. Vi trur rakettløypeopplegget er så kjent og så enkelt og raskt å lage til, at det gjer arrangørane av nærløpa sjølve. O-posten nr side 9

10 Turorienteringa i 2011 Turorientering er eitt av Norges største trimtiltak, og Førde IL Orientering har hatt dette tilbodet som ein del av vår årlege aktivitet sidan tidleg i 1970-åra. Ved turorientering må du bruke kart og gjerne kompass, men det er ein aktivitet utan tidtaking, utan fastsett start og mål, og utan faste turdagar. Du kan springe åleine, eller gå sammen med heile familien. Og det gir deg høve til å oppdage nye idyllar i eit terreng du kanskje trudde at du kjende, slik som ein av deltakarane i fjor skreiv: Postene ved Kinna/Sundsdalen ble en flott dagstur. En god blanding av enkle og nære poster, og de som krevde en smule utholdenhet. Det var en opplevelse å komme inn til Koltjønna, og her var det ikke vanskelig å finne inspirasjon til turer over både en og flere dager Kartområda i Førde i år er: (kartet på side 6 viser kvar områda er å finne) Skjervane/ Ulvedalane Kråkenesmarka/ Ulltangstølen Digernesvatnet (området vest og sør for Koltjønna mot Digerneset) Grimelandshaug i Angedalen Klappene (området mot sørveggen av Viefjellet) Vi reknar med at postane skal vera på plass i marka til midten av mai, og laurdag 15. mai blir salsstart for kjøp av posar med kart og nødvendig materiell. Turorienteringsposane blir å få kjøpt hos: Erdal Sport, Førde Sport og Din Sport. Månadens post og naturstig for dei yngste vil også denne sesongen bli eit innslag. Alle som deltar og oppnår tilstrekkeleg mange poeng vil kunne får merke i bronse, sølv eller gull. Plakettar kan kjøpast for dei som oppnår dette kravet. Terrenget omkring Ulltangstølen er aktuelt for Turorienteringa 2011 Postane vil henge ute til om lag midten av oktober, og som i fjor blir det høve til å registrere seg gjennom Turorientering på nett, sjå meir informasjon om nytt opplegg for dette på neste side. O-posten nr side 10

11 Tur-O på nett - nytt opplegg frå og med i år! All turorientering i Norge skal samlast på Ut.no, og du kan også få ein eigen App til mobiltelefonen. Denne sesongen kjem den verkelege revolusjonen - Norsk Orientering og friluftsportalen Ut.no skal samle alle turorienteringsopplegg i heile landet. Opplegga blir representert med namn på kart, stadsopplysning samt utsalgsstader. Alle dei registrerte turorienteringsopplegga blir vist direkte på friluftsportalen Ut.no. Denne løysninga kjem på plass i løpet av våren. Det blir også laga ein mobil applikasjon som kan brukast på iphone, ipad, Android og enkelte andre mobiltelefonar. Dette er det første store steget mot å mangedoble antallet brukarar av turorientering, og det neste sikre steg er at vi får til kartsalg på internett, seier generalsekretær i Norges Orienteringsforbund, Bjørnar Valstad. Fagkonsulent Bergljot B. Aaserud i Norges Orienteringsforbund, med ansvar for turorientering er minst like entusiastisk. Det er ei unik moglegheit til synleggjering og marknadsføring av turorientering, seier ho. Med det nye opplegget får alle klubbar tilgang til turorientering.no, tidlegare kosta dette kroner og somme reserverte seg derfor for å vere med, men nå er alle klubbane i heile landet lagt inn og alt ligg til rette, klar til bruk enten klubben alt er turorienteringsarrangør eller ikkje. Les meir om dette på NOFs nettsider på adressa under: Tilbakeblikk Vi held fram med å bla i eldre utgaver av O- posten, denne gongen nr. 2 frå I denne finn vi mellom anna stoff om Orienteringsdagen 1978 der det var arrangement ved 6 skular i kommunen! I 1978 var Nordvestgaloppen også godt i gang; dette året med heile 5 løp, to i Sunnfjord og 3 i Nordfjord. For treningsløpa (nærløpa) var det samarbeid mellom både Førde, Jølster og Tambarskjelvar, og heile 30 (!) løp sto på terminlista. Dette nummeret av O-posten finn du på vår nettside under dokumentarkiv O-posten. O-posten nr side 11

12 Nettsida vår kan brukast meir aktivt Vi gjentar frå i fjor korleis du loggar på for å legge inn meldingar, resultat osv. Nettsida finn du på adressa og opningsbildet ser slik ut: På menyen til venstre kan du klikke deg vidare til f. eks. nyheiter, eller bilde og filer der du finn ulike dokument som vi har lagt ut på nettsida, mellom anna løpsinnbydingar og løpsresultat. Men for at sida skal vera interessant og informativ er det viktig at vi brukar ho. Spesielt gjeld dette alle som er nærløpsansvarlege og ansvarlege for andre løp som Førde IL Orientering arrangerer. Innlegging av stoff krev pålogging For å legge inn nye artiklar, meldingar, dokument eller bilde må du logge deg på via verktøykassa. Klikk for eksempel på nyheter, og du får opp ein innloggingsmeny som ser slik ut: Du loggar inn som Superbrukar med passordet Skal du sette inn bilde eller f.eks. resultatlister må du først laste opp bilde eller dokument. Framgangsmåten elles forstår du sikkert av menyane som kjem opp. Men har du problem og kanskje høyrer du til dei som for lengst har passert dei 30 og såleis er godt inne i livskvelden, kan du be om hjelp frå barn eller barnebarn! NB! Store bildefiler (over 1 MB) bør krympast før opplasting slik at dei ikkje fyller opp unødvendig mykje av lagringsplassen som inngår i vårt domeneabonnement. For vising på skjerm gir filstorleik på 200 kb god nok kvalitet. Tilsvarande bør store dokument lagrast og lastast opp i komprimert PDF-format. O-posten nr side 12