Skriftleg Eksamen På KNUSK. Vår 18. Dette blir supert!

Transkript

1 Skriftleg Eksamen På KNUSK Vår 18 Dette blir supert!

2 Innhald 1: Så du skal ha eksamen : Kven skal ha kva? : Førebuing : Eksamensdagen : Om engelsk og norsk : Om matematikk Om kva som er lov og kva som ikkje er lov på eksamen :Om levering : Etter eksamen : Om å klage på eksamenskarakteren : Sist men ikkje minst... 7

3 1: Så du skal ha eksamen Først og fremst: gratulerer med trekket! No skal du ha din aller første eksamen. I dette heftet finn du nyttig informasjon som kan hjelpe deg når du skal førebu deg, når du skal ta eksamen og etter at du har tatt eksamen. 2: Kven skal ha kva? Under finn du ein oversikt over kva klassar som skal ha kva fag. Du ser òg når klassen din skal avspasere. NB: om du av ymse årsakar er fritatt for eksamen avspaserer du saman med klassen og har eit alternativt opplegg når klassen har eksamen. 10A 10B 10C 10D Tirsdag Førebuingsdag i Matematikk 10B Avsp Forb Vanleg Vanleg Onsdag Eksamen i Matematikk 10B Avsp Eksamen Vanleg Vanleg 213 Aud Nat 214 Torsdag førebuingsdag engelsk 10D Vanleg Vanleg Avsp Forb Fredag Eksamen engelsk 10D Vanleg Vanleg avsp Eksamen Aud Nat Måndag Førebuingsdag norsk 10A Forb Vanleg Forb Vanleg 10C Tirsdag eksamen norsk HM 10A Eksamen Avsp Eksamen avsp 10C Onsdag eksamen norsk SM 10A Eksamen avsp Eksamen avsp 10C : Førebuing Alle dei skriftlege eksamensdagane har ein førebuingsdag som startar kl Her vil klassen jobbe saman med faglærar. Dette er ein nyttig dag hugs å bruke den godt!

4 I engelsk og norsk vil du få tilgang til eit førebuingsmateriell. I dette materiellet vil det gå klart fram kva som er tema i årets eksamen. Det er lurt å jobbe godt med førebuingsmateriellet. I matematikk er det ikkje eit eige førebuingsmateriell, her vil lærarane dine nytte dagen til å jobbe med dei ulike delane av faget som dei og du - tenkjer er nyttig. Etter dei fem timane med førebuing på skulen står du fritt til å nytte resten av tida frem til eksamen slik du meiner er best. Det finns ingen fasit på korleis ein gjer dette, det er opp til kvar enkelt elev. Nokon vil ha stor nytte av å jobbe saman med andre elevar, andre vil jobbe best på eiga hand. Men hugs: Eksamen varar i fem timar og den kostar krefter. Det er lurt å leggje seg i rimelig tid slik at du har nok energi til prøven. Det er heller ikkje slik at det lønner seg å sitte oppe heile kvelden å sprenglese. Ta pausar og prøv å kople ut. Eit triks er å sette ein strek for all øving og lesing på eit gitt klokkeslett. 3: Eksamensdagen Alle eksamenar startar klokka Du skal være på plass i lokalet seinast Dei som ikkje har starta eksamen innan klokka får ikkje levere eksamen. Om du blir sjuk på eksamensdagen må du snarast kontakte skulen. Skulen vil krevje legeattest for å godkjenne fråvær. 3.1: Om engelsk og norsk Når du kjem inn i eksamenslokala vil plassen du skal sitte på være merka med ditt namn, ditt kandidatnummer og eit passord for å logge seg inn i eksamenssystemet. Du skal logge deg inn så snart du har komme deg på plass. Sjølve eksamen startar når ein av vaktene tastar inn eit eige dagspassord. Om du har søkt om tilpassing på eksamen (ekstra tid og liknande) vil det være merka av ved sidan av namnet ditt. Om du har søkt om tilpassing og det ikkje er merka av må du kontakte ein vaksen snarast. På engelsk og norsk kan du ha med deg alle hjelpemiddel som ikkje kommuniserer. Det vil si at internett i alle formar ikkje er lov. Du må derfor lever inn mobil, smartklokke og andre digitale hjelpemiddel. På maskina du skal jobbe på vil nett-tilgangen være avgrensa. Følgjande sider vil være mogleg å opne: Allkunne Store Norske Leksikon Norsksidene Statistisk Sentralbyrå

5 UDIR Ordnett LEXIN-ordbøker på nett Lingea ordbøker Bokmåls- og nynorskordbok Glosbe Clue Matematikk Engelsk Det kan være lurt å bruke Chrome på desse linkane. Du skal levere engelsk og norsk digitalt. Det er eit krav om at du sett inn fagkode og kandidatnummer i toppteksten (du finn desse på pulten din). I botntekst skal du skrive inn sidetal og kor mange sider du har totalt. Linjeavstand skal være halv annen. Om du er usikker på korleis du får til desse innstillingane spør læraren din på førebuingsdagen. Dersom du nyttar kjelder skal du vise til desse på ein slik måte at lesaren enkelt kan kontrollera dei. Om du er usikker på korleis du viser til kjelder spør du læraren din på førebuingsdagen. Hugs at om du nyttar billete, statistikk, kart eller liknande må desse òg ha kjeldetilvising. 3.2: Om matematikk Matematikkeksamen er delt inn i to delar. På del 1 får du berre nytte: Skrivesakar Passar Linjal Vinkelmålar På del 2 kan du nytte alle hjelpemidlar som ikkje kommuniserer på same måte som norsk og engelsk. Du får ikkje starte på del 2 før du har levert inn del 1, men du får utlevert begge delane når eksamen startar. Etter to timar må du levere inn del 1. På matematikkeksamen skal du skrive inn på eigne innføringsark. Desse skal være stempla med skulen sitt stempel. 3.3 Om kva som er lov og kva som ikkje er lov på eksamen Du kan ta med deg mat og drikke inn i eksamenslokalet og du styrer sjølv når du vil ete. Om du treng luft eller om du må på do må du ha med deg vakt. Det vil være vaktar til dette heile eksamensdagen. Det er ikkje satt noko tid på kor lenge du må sitte, det er opp til deg å bestemme når du er ferdig. Som regel vil det være til din fordel å nytte all den tida du har, altså at du sitt tida ut.

6 Du skal kun nytte kandidatnummer på det du leverer du skal aldri identifisere deg med namn eller skule. Hugs på at det er strenge reglar for korleis du skal oppføre deg under eksamen. Du har ikkje lov til å kommunisere med dei andre elevane når du er inne i lokalet. Om du bryt denne regelen, eller om du blir tatt i å nytte hjelpemiddel som kommuniserer kan du bli nekta å levere eksamen. Du har heller ikkje lov til å forlate plassen din utan lov frå ein av vaktene. Fokuser kun på deg sjølv og gjør som du får beskjed om så går dette bra! 3.4:Om levering Før du leverer bør du ta ein siste sjekk på det formelle. Har du med alt du skal ha? Har du satt inn topptekst og sidetal? Har du merka alt med kandidatnummer? Har du hugsa å ikkje skrive namnet ditt på noko av det du skal lever inn? Når du skal levere eksamen rekker du opp handa di og ventar til det kjem ein vakt. Vakta sjekkar at du har alt i orden og at du lastar opp rett fil (engelsk og norsk), eller at du har alle papira i orden (matematikk). Etter dette skal hovudvakta sjekke deg ut av systemet før du får lov til å gå. Hugs: vent med å pakke saman til du får klarsignal frå vakta. Når du har fått løyve til å gå logger du deg ut av maskina di, ryddar plassen og trekker deg stille ut av lokalet. Så kan du gi deg sjølv ein klapp på skuldra: du har hatt din første eksamen! 4: Etter eksamen I det du leverer frå deg eksamen startar arbeidet med å vurdere den. Kvar einaste prøve vurderast av to ulike sensorar. Sensorane er erfarne lærarar frå grunnskular i heile Hordaland. Kven som er dine sensorar er hemmeleg for deg og sensorane veit ikkje kven sine prøver dei vurderer. Dei to sensorane får heller ikkje lov til å diskutere prøvane seg imellom før dei har vurdert og satt foreløpig karakter på alle prøvene dei har fått tildelt. Kvar sensor får tildelt om lag 130 prøvesvar. Sensorane vurderer prøven din ut i frå faste kriterier. Desse kriteria er tilgjengelege for deg på UDIR.no (søk på eksamensveiledninger). I tillegg får sensorane rettleiing undervegs av ei gruppe erfarne sensorar som kallast oppmenn. Kvart fylke har to oppmenn i kvart fag. Kvart år, rett etter eksamen, samlast alle oppmennene i Noreg til eit møte der dei diskuterer eksamen og nokon utvalte prøvesvar saman med dei som har laga eksamen. Resultatet av dette møtet blir ein felles vurderingspraksis altså at din eksamen skal bli vurdert på same vilkår og etter same kriterier som eksamen til ein elev i Berlevåg. Når sensorane har vurdert alle prøvane samlast dei til eit stort møte som heiter fellessensur. Her får dei for første gong lov til å diskutere prøvesvara og dei skal bli einige om ein endeleg

7 karakter på kvar prøve. Om dei ikkje blir einige sender dei prøven vidare til oppmennene som sett endeleg karakter. Resultatet av fellessensuren blir gjort kjent for skulane dagen etterpå og du får då vite kva for ein karakter du har fått på eksamen. Dato for fellessensuren i år er satt til 18. juni. Eksamenskarakteren er ein eigen karakter på vitnemålet og har same verdi som ein standpunktkarakter 5: Om å klage på eksamenskarakteren Om du ikkje er nøgd med eksamenskarakteren kan du klage på den. Då vil prøvesvaret ditt bli sendt til ei klagenemnd som består av tre personar. Kven desse er hemmeleg, men klagenemnda er stort sett satt saman av oppmenn, erfarne sensorar og dei som har laga eksamen. Når klagenemnda behandlar klagen din får dei først vite kva for ein karakter du har fått, før alle tre medlemmane les prøvesvaret ditt. Etterpå diskuterer dei om den karakteren du har fått er urimeleg i høve til kva du har prestert. Du får altså ikkje ein heilt ny vurdering av prøvesvaret ditt når du klagar, du får ei vurdering på karakteren du har fått. Om klagenemnda finn at karakteren er urimeleg kan dei endre den. Dei står fritt til å sette den opp eller ned i frå den karakteren du hadde frå før. Du kan altså risikere å få lågare karakter etter å ha klaga. Klagenemnda si avgjerd er endeleg (du kan ikkje klage vidare). Dersom du er usikker på om du bør klage bør du be faglæraren din om å lese prøvesvaret ditt og gje deg sin vurdering av om karakteren du har fått er urimeleg. 6: Sist men ikkje minst Hugs at sensorane veit ikkje noko om deg, om innsatsen din, om verdiane dine eller om måla dine. Derfor vil karakteren du får heller ikkje seie noko om deg, om innsatsen din, om verdiane dine eller om måla dine. Karakteren seier berre noko om kompetansen din i skriftlig engelsk, norsk eller matematikk. Eksamen er ein viktig prøve men den er ikkje livsviktig. Så lenge du gjer ditt beste kan - og skal - ingen be om meir. Lykke til!

8