Informasjon frå Bore skule skuleåret Nr 2 - Oktober

Transkript

1 Bore Nytt Informasjon frå Bore skule skuleåret Nr 2 - Oktober Hausten blei finare enn sommaren! Sjølv om ikkje turdagen til Synesvarden var den finaste dagen, så blei det ein gild tur med alle elevane. Det er imponerande å sjå kor godt dei oppfører seg og kor godt eit slikt stort «arrangement» kan gå med over 400 elevar. Så er dagane kortare..og det blir mørkare dag for dag. Derfor nyttar me høve til å minna om bruk av refleks og utstyr på syklar mm. Sjå elles informasjon om «PIS», tilpassa opplæring, nye elevar og mykje meir.

2 Kommentaren: Tilpassa opplæring Bore Nytt s.2 Me held dette året fram med satsinga på tilpassa opplæring. Dette er sentralt i skulen, anten me har det som eiga satsing eller ikkje. Tilpassa opplæring gjeld sjølvsagt i alle fag. Men for å spissa satsinga litt, har me sett skriving som eit område me vil arbeida ekstra med. Me har då eit nært samarbeid med Anne Håland frå Lesesenteret som gir oss kompetanse og rettleiing gjennom skuleåret. Me har eit opplegg med henne no i haust og eit til våren. Ho vil også vera med oss på planleggingsdagen me skal ha i november. I desse opplegga er me inne og filmer god undervisning og god elevaktivitet. Så tek me dette med i refleksjonen etter kvart opplegg. Læringsbrett (ipad til 5. klasse) er også ein del av satsinga kring tilpassa opplæring. Me ser allereie etter få veker at dette kan vera eit godt hjelpemiddel for alle elevar. Dei kan arbeida med same oppgåvene, men utføra dei litt ulikt ut frå sine evner og anlegg. Dette er derfor eit godt hjelpemiddel i arbeidet med tilpassa opplæring. NYE ELEVAR Når me denne gongen skriv om nye elevar, så tenker me på dei som enno ikkje er komne altså 5-åringane. I tida fram mot jul vil me få oversikt over kor mange nye som skal ta til neste haust. Ut frå tala me har, vil dette årskullet bli litt større enn dei som starta no. 1. klasse i år er 68 elevar og neste år vil dei passera 70. Me sender i desse dagar ut brev til 5-åringane.

3 Informasjjon frå FAU: Bore Nytt s.3 Det nye FAU har starta sitt arbeid og er i gong med å få «orden på rekkene». Dei er nemleg no dobbelt så mange som før, og har nettopp fått på plass nye medlemmer og ny struktur. FAU-styret som sat i fjor har gjort ein flott jobb med å få på plass denne strukturen med årshjul, plan for trinn og altså eit nytt og større FAU. Bruk FAU si side på skulen si heimesida. Der finn du kven som er med i FAU og aktuelle saker som er oppe. Samarbeidsutvalet (SU) har også eiga side på heimesida. Her finn du plan for møta og referat etter kvart som møta er haldne. Foreldremøte Me valde også dette året å halda fram med trinnmøte og ikkje ha eit felles stormøte. Det blir litt repetisjon for dei som går på fleire møte og får innleiinga fleire gonger, men me trur likevel dette er ei god organisering. Det er godt frammøte på møta og me håper foreldra får god og nyttig informasjon. Det er også nyttig at foreldre som har elevar i same klasse/trinn møtes og kan samtala om ulike tema. Det var litt spesielt å sjå inn til klassane som hadde møte på 5. trinn. For der sat elevar og foreldre i lag og gjorde oppgåver på «læringsbrett». Foreldre fekk god innsikt i kva elevane no arbeider med i faga og korleis dei kan bruka læringsbretta i undervisning og til lekser.

4 Ballbingen....er blitt ein fast arena for oss når me vil samla alle elevane. Derfor avslutter me kvart år Palsveka med ei samling i ballbingen. Det er svært gildt når så mange kjem og ser på dette. Elevane ser fram til det og me får mange gode tilbakemeldinger frå dei som ser på. Palsveka sitt innhald hadde også denne gongen ekstra fokus på reglar på dei ulike område. I år blei dette gjort i klassane. Så var det elles opplegg i grupper på tvers av årstrinn med forming, musikk og dans. Desse gruppene er ei god organisering som er svært positiv både for det sosiale og for læring på tvers av alder. Dei hjelper kvarandre med oppgåvene som skal utførast. GLEDING er eit begrep me har brukt og arbeidd med denne hausten. Dette var også med i formingsoppgåva elevane laga denne veka. Derfor kunne me denne gongen overrekka kunst til kommunen. Alle elevane deltok i dette kunstprosjektet som ga mange fine bilete. Me har også gitt eit bilete til Sirkelen.

5 Tilbod om PIS-GRUPPE Gruppe for barn som har opplevd samlivsbrudd Helsesøster og miljøterapeutane på skulen tilbyr PIS-gruppe. Dette er samtalegruppe for barn som har opplevd samlivsbrudd. Me veit at desse barna ikkje treng å ha større poblem enn andre barn, samstundes veit me at nokre barn strever med å godta at mor og far ikkje bur saman lenger. Det kan og verta utfordringar viss nye familiar vert etablert. PIS-gruppe er eit førebyggjande tiltak der fokuset er at barn møter andre barn med noko av same erfaring. Me bruker gjenkjennande historier og barna deler av sine erfaringer viss dei har lyst til det. Me pleier og å ha litt tid til ein leik/spel. Me har 6 møter og eit oppfølgingsmøte etter nokre månader. De kan melda på barnet dykkar med å ta kontakt med miljøterapeutane, helsesøster eller senda ein mail til skulen. De kan og printa ut ein «svarslipp» frå heimesida. Påmeldingsfrist er 1. november. Gruppene starter opp etter nyttår. Det ligg meir informasjon om PIS på skulen si heimeside. Ta kontakt dersom de lurer på noko: Hilde og Solfrid (miljøterapeuter) tlf Marit ( helsesøster) tlf , mail; marit.aa.grodem@klepp.kommune.no. Fadderordning Elevane i 5. klasse er kvart år faddarar for dei nye 1. klassingane. Dei er svært flinke til å ta seg av dei minste, så me ser at dette kan gje ein god skulestart for dei nye elevane. Dei er saman med dei i leik og har av og til felles oppgåver mellom klassane.

6 PARTNERSKAP MOT MOBBING Som vedlegg får heimane denne gongen ein brosjyre der det er forklart litt om partnerskap mot mobbing. Det har fleire gonger blitt teke inititativ frå nasjonalt hald for å gjera ein innsats mot mobbing. Dette året er oppfordringa både frå nasjonalt og kommunalt hald at me i fellesskap må få til positive og gode oppvekstmiljø for borna. Som nemnd på s.4 så er eit av skulen sine tiltak tema om «gleding». Dette gjorde me for å starta skuleåret positivt og for å få elevane til å tenka gjennom kva som gjer meg - og andre glad. Kva kan eg gjera for å gleda andre? Dersom me er opptekne av å gleda kvarandre, håper me og at det blir mindre plaging og mobbing. Andre tiltak i skuleåret er elevrådet sitt arbeid mellom anna ei eiga samling med fokus på dette. Elevrådet har og teke opp spørsmål om vennbenk på skulen. Dette skal me no ordna i samarbeid med FAU. Så må me i tillegg i kvar klasse og saman med FAU finna fram til gode arenaer og tiltak for å skapa eit godt miljø på skulen og i bygda. JÆRSKULEN Samarbeidet i Jærskulen held fram og Bore skule er i eit nettverk med like store skular på Jæren (Kleppe, Bryne, Rosseland og Varhaug). Dette er eit samarbeid for leiinga og tillitsvald på skulane, men og for lærarane.

7 Me hadde i fjor to samlingar der lærarar frå skulane møttes på sine trinn. Dette året har me sett opp temasamlingar som lærarane har meldt seg på. Derfor skal Bore skule ta mot lærarar som skal læra meir om «Bok i bruk» (undervisning med utgangspunkt i ei billedbok) og God vurderingspraksis (korleis gje elevane gode framovermeldingar som hjelper dei vidare i skulearbeidet). Slik kan lærarane læra av kvarandre og god praksis som dei har prøvd i skulen. Tur til Synesvarden Evalueringa av turen me hadde i fjor haust var så god at me ville gjenta den dette i år. Derfor leigde me inn 10 bussar som køyrde oss til høg-jæren. Der fekk elevane ein fin tur med litt overskya vær opp til Synesvarden. Litt blaute og skitne vart dei nok, men det var helst blide fjes å sjå når dei kom att. Slike opplevinger meiner me er eit godt tiltak for å fremja gode sosiale relasjonar og få eit godt miljø. Så «me var alle einige om at me hadde ein gild tur»! UTVIKLINGSSAMTALAR Det nærmer seg tida for samtale mellom heim og skule. De vil få innkalling frå den enkelte lærar. Me vil også ta foreldreundersøkinga i samband med dette. Det betyr at de må setja av ca 15 minutt etter samtalen til å ta denne.

8 Viktige notat Skulen fekk i vår ny kontaktperson på PPT som heiter Kjersti Nedreaas. Elevane har fri 18. nov. Då har både SFO og skulen planleggingsdag. Bore Nytt s.8 Siste skuledag før jul er 20. desember. Elevane slutter kl (vanleg tysdag) Så er det start på skulen tysdag 3. januar Fram mot jul Det er alltid ein del ekstra aktivitetar når det går mot jul. Me ønskjer ikkje å starta for tidleg, men Det første som står på programmet, er teikning til Aftenbladet sin teiknekonkurranse. Der er fristen allereie midt i november, så elevane vil snart starta på dette. Det er alltid mange elevar som ønskjer å senda inn ei teikning. Så kjem etter kvart adventstida med tenning av lys og mykje koseleg i klassane. 5. desember skal med ha ei songsamling i gymsalen Og siste veka før jul er det gudsteneste onsdagen og gang rundt juletreet siste skuledag. Dei som allereie har meldt til skulen at dei ikkje skal delta på gudsteneste, treng ikkje ta kontakt på nytt.