PERMISJONSREGLEMENT FOR TILSETTE I ØRSTA KOMMUNE (Vedteke i Formannskapet ) Gjeld frå og med 1. juli 2011

Transkript

1 PERMISJONSREGLEMENT FOR TILSETTE I ØRSTA KOMMUNE (Vedteke i Formannskapet ) Gjeld frå og med 1. juli Generelt 1.1 Kven permisjonsreglementet gjeld for 1.2 Omfang 1.3 Lønsansiennitet under permisjon 1.4 Feriepengar ved visse typar permisjon 1.5 Pensjonsmedlemskap under permisjon med og utan løn. 1.6 Avgjerdsmynde 1.7 Hastevedtak 2. Lovfesta permisjonar 2.1 Rett til slik permisjon utan søknad 2.2 Eventuell økonomisk godtgjersle under lovfesta permisjon 2.3 Permisjon ved svangerskap, fødsel og adopsjon 2.4 Far sin rett til omsorgspermisjon i samband med fødsel 2.5 Fedrekvote 2.6 Rett til utvida permisjon etter svangerskap og fødsel 2.7 Delvis permisjon - bruk av tidskonto 2.8 Svangerskapskontroll 2.9 Amming 2.10 Adopsjon 2.11 Barn og barnepassar sin sjukdom 2.12 Omsorg for og pleie av pårørande 2.13 Rett til fri på grunn av utføring av offentlege verv 2.14 Rett til fri ved militærteneste m.m 2.15 Rett til lovfesta utdanningspermisjon 2.16 Tvisteløysing 3. Avtalefesta permisjonar. 3.1 Offentlege tillitsverv/ombod 3.2 Permisjon for nominasjonsmøte 3.3 Tillitsvalde sin rett til fri frå ordinært arbeid 3.4 Permisjon for deltaking i lokale og sentrale forhandlingar og styrande/vedtektsfesta organ. 3.5 Permisjon for opplæring av tillitsvalde 3.6 Avtalefesta utdanningspermisjon 3. 7 Bindingstid 4. Velferdspermisjonar 4.1 Omsorg 4.2 Ved dødsfall Gravferd 4.3 For tilvenjing av barn i barnehage utanfor heimen 4.4 For eige bryllup/partnarskap 4.5 Deltaking i større idrettsarrangement 4.6 Feiring av religiøse eller nasjonale høgtidsdagar som ikkje er offisielle etter norsk kalendar 4.7 Eksamen 4.8 Andre velferdspermisjonar 4.9 Velferdspermisjon utan løn 5. Andre permisjonar 5.1 Andre tillitsverv permisjon med/utan løn 5.2 Overgang til ny stilling 5.3 Særskilde oppdrag/engasjement 5.4 Deltaking i hjelpekorps m.m. 5.5 Blodgiving 6 Fråvær utover sjukelønsåret

2 1 GENERELT 1.1 Kven reglementet gjeld for Reglementet gjeld alle tilsette i kommunen i eit fast forpliktande arbeidstilhøve. Reglementet gjeld såleis også for tilsette på tidsavgrensa arbeidsavtalar med ei på førehand fastsett arbeidstid. 1.2 Omfang. Deltidstilsette vert innvilga permisjonsdagar med løn i samsvar med stillingsstorleik. Kvote for permisjon med løn til tilsette på tidsavgrensa arbeidsavtale vert fastsett i høve til kor stor del av året tilsetjinga gjeld. Gjeldande lov- og avtaleverk er grunnlaget for permisjonsreglementet i Ørsta kommune. For det som gjeld velferdspermisjonar kan slike bli innvilga med til saman 5 dagar pr. kalenderår med løn og 5 dagar utan løn, i samsvar med stillingsprosent. Velferdspermisjonar i reglementet kjem i tillegg til lov og avtalefesta permisjonar heimla i AML, Folketrygdlova, HTA og HA Lønsansiennitet under permisjon Permisjon med heil eller delvis løn bryt ikkje opptening av lønsansiennitet. Permisjon for å utføre verneplikt vert godskrive i lønsansienniteten. ( HTA ) Permisjon utan løn i samband med nedkomst, adopsjon og vidareutdanning vert med inntil 2 år medrekna i lønsansienniteten ( HTA ) Permisjon utan løn for å utføre offentlege ombod og ombod i arbeidstakarorganisasjonar vert rekna med i lønsansienniteten. 1.4 Feriepengar ved visse typar permisjon For sjuke- og fødselspermisjon og pliktig militærteneste vert det vist til Ferielova, jfr. føresegnene i Folketrygdlova. 1.5 Pensjonsmedlemskap under permisjon med og utan løn Permisjon med løn frå stilling som gir rett til pensjon medfører vidare rett til pensjonsmedlemskap. Permisjon utan løn bryt retten til pensjonsmedlemskap etter 1 månad. I desse tilfella skal arbeidsgjevar opplyse om høve til frivillig medlemskap etter dei reglane som gjeld i kommunen si pensjonsordning. Meldinga skal gjevast i samband med utekspedering av permisjonsløyve/fråvær utover sjukelønsåret. (HTA; vedlegg 5 TPO - 2.9) 1.6 Avgjerdsmynde Det vert vist til delegeringsreglementet, rådmannen sine fullmakter og andre fullmakter gjevne for delegering. 1.7 Hastesaker Dersom tidsnød medfører at ei sak ikkje kan avgjerast på vanleg måte, kan vedkomande som opptrer på rådmannen sine vegne fatte hastevedtak og sende melding om vedtaket til rette organ. LOVFESTA PERMISJONAR 2.1 Rett til slik permisjon utan søknad Retten til slike permisjonar er heimla i arbeidsmiljølova. Lovfesta permisjonar skal ikkje handsamast som søknad, men skal meldast skriftleg til rette organ snarast råd.

3 Tilsette som vil nytte dei lovfesta rettane for permisjon under svangerskap og fødsel heimla i Aml 12-2 til 12-6, skal varsle arbeidsgjevar så snart som mogleg og seinast etter dei fristar som går fram av Aml 12-7 og Ftrl For avtalefesta permisjonar, velferdspermisjonar og andre typar permisjon der særskild frist ikkje er gitt, må søknad leverast rette vedkomande seinast ei veke før permisjonen skal ta til å gjelde. Denne fristen gjeld ikkje ved behov for permisjon som oppstår akutt ved behov p.g.a alvorleg sjukdom, dødsfall og liknande. 2.2 Eventuell økonomisk godtgjersle under lovfesta permisjon. Folketrygdlova, Aml og reglane i HTA fastset for tilsette kva økonomisk godtgjersle dei har krav på ved lovfesta permisjon. For tilsette i funksjon som tillitsvald vert dette regulert også av Hovudavtalen. 2.3 Permisjon ved svangerskap, fødsel og adopsjon ( Aml 12-1til 12-7 ) Løn under svangerskap, fødsel og adopsjon går fram av ( HTA kap. 1 8 ) ( Ftrl 14.4 til 14-11) 2.4 Far sin rett til omsorgspermisjon i samband med fødsel ( Aml 12-3 ) og ( HTA 8.3.5) Far sin rett til denne lovfesta omsorgspermisjonen i samband med fødsel kjem i tillegg til rettane i ( Aml 12-5 ) Føresetnaden for permisjon etter Aml 12-3 er at far bur saman med mor og nyttar permisjonstida til omsorg for familie og heim. 2.5 Fedrekvote ( Ftrl ) (Aml 12-5) og ( HTA ) Faren har rett til full løn på dei vilkår og det omfang som går fram av folketrygdlova Rett til utvida permisjon etter svangerskap og fødsel ( Aml 12-5 ) Kvar av foreldra har på visse vilkår i tillegg til permisjon etter Aml 12-5 pkt 1 rett til eit års permisjon for kvart barn utan løn (Aml 12-5, punkt 2). Tilsette som er åleine om omsorga for barnet, kan ha rett til permisjon etter Aml 12-5 pkt 3 i inntil to år. Denne utvida permisjonen (utan løn ) føreset at arbeidstakar gir varsel minst 4 veker før. 2.7 Delvis permisjon - bruk av tidskonto Retten til delvis permisjon og bruk av tidskonto er basert på avtale mellom arbeidstakar og arbeidsgjevar og går fram av ( Aml 12-6 ), ( HTA kap 1 pkt ) og (Ftrl 14-16) 2.8 Svangerskapskontroll ( Aml 12-1) Arbeidstakar har rett til fri frå arbeid med løn til svangerskapskontroll når slik ikkje kan gjennomførast utanom arbeidstida. 2.9 Amming ( Aml 12-8) og ( HTA 8.3.4) Tilsett har rett på fri med løn i inntil 2 timar pr. arbeidsdag for å amme barn. Den tilsette fastset sjølv når slik fritid skal bli avvikla. For deltidstilsett med redusert arbeidsdag vert lønna fritid å sjå i høve til dette. Den som ammar har minimum rett på ½ time to gongar dagleg, eller at arbeidstida vert redusert med 1 time pr. arbeidsdag Adopsjon ( Aml 12-3 ) og ( HTA ) Adoptivforeldre har rett til omsorgspermisjon med til saman 1 år ved adopsjon av barn under 15 år. Retten til permisjon med løn for same tidsrom som den tilsette får adopsjonspengar etter folketrygdlova ( 14-14) føreset at ein har vore yrkesaktiv med pensjonsgjevande inntekt i minst seks av dei siste ti månadene før permisjonen tek til. Når det gjeld permisjonsretten ved mottak av fosterbarn, sjå ( Aml pkt 4) 2.11 Barn og barnepassar sin sjukdom ( Aml 12-9), ( F.trl 9-6 til 9-8) og ( HTA Kap 1 8.4) Tilsett med omsorg for barn under 12 år som er borte p.g.a barn eller barnepassar sin sjukdom, har rett til sjukepengar under fråværet. Retten til omsorgspengar gjeld t.o.m det kalenderåret barnet fyller 12 år. Dersom barnet er kronisk sjukt eller barnet har nedsett funksjonsevne gjeld retten til og med det året barnet fyller 18 år. Den tilsette kan få inntil 10 dagar per kalenderår i slike tilfelle. Dersom ein har ansvar for meir enn to barn

4 kan ein få inntil 15 dagar per kalenderår. Tilsett som er åleine om omsorga for barn, har rett til 20dagar og inntil 30 dagar ved ansvar for meir enn to barn. Det same gjeld kronisk sjukt barn eller barn med nedsett funksjonsevne, men ved slik omsorg vert det ytt sjukepengar med inntil 20 dagar. Ved åleine omsorg for kronisk sjukt barn eller barn med nedsett funksjonsevne vert det ytt sjukepengar inntil 40 dagar. Same regel gjeld her fordi ein er to om omsorga dersom den eine forsytaren ikkje kan ha tilsyn med barnet p.g.a eiga nedsett funksjonsevne, langvarig sjukdom 2.12 Omsorg for og pleie av pårørande ( Aml 12-10) og ( Ftrl 9-12 ) Tilsett som pleier nær pårørande i heimen i terminalfasen, har rett til opptil 60 dagar permisjon. Etter Ftrl 9-12 vert det ytt pleiepengar for slik permisjon. Tilsett har rett til permisjon i inntil 10 dagar med løn kvart kalenderår for å gi naudsynt omsorg til foreldre, ektefelle, sambuar eller registrert partner. Det same gjeld ved naudsynt omsorg for barn med nedsett funksjonevne eller kronisk sjukt barn frå og med kalenderåret etter at barnet fylte 18 år når den tilsette har hatt slik omsorg for barnet som nemnt i 12-9 tredje ledd. Departementet kan gi forskrift om dokumentasjon av naudsynt omsorg Rett til fri på grunn av utføring av offentlege verv Den tilsette har rett til permisjon frå arbeid i det omfang det er naudsynleg for å oppfylle møteplikta i offentlege organ. ( Aml 12-13) Retten til permisjon etter dette punktet gjeld berre for møteplikta i offentlege organ og ikkje for offentlege verv eller arbeid i partipolitiske organisasjonar Rett til fri ved militærteneste m.m Den tilsette har rett til permisjon ( Aml ) og ( HTA Kap ) 2.15 Rett til lovfesta utdanningspermisjon Tilsett som har vore i arbeidslivet i minst tre år og har vore hjå arbeidsgjevaren dei to siste åra, har rett til heiltids-eller deltidspermisjon i inntil tre år for å ta del i organisert utdanningstilbod. (Aml 12-11) Tilsett som vil nytte retten, må så tidleg som råd gi arbeidsgjevar skriftleg varsel om dette. Varsel må innehalde opplysningar om kva utdanning det gjeld, fagleg innhald, kor lenge utdanninga varer og eventuelt om opptak/ tildeling av plass ved utdanningsinstitusjon. Dersom arbeidsgjevar ikkje finn at vilkåra etter Aml er oppfylt,skal arbeidsgjevaren snarast råd gi den tilsette skriftleg tilbakemelding om dette. Om avtalefesta utdanningspermisjonar, sjå elles pkt Tvisteløysing Tvist om rett til permisjon etter dette kapittel vert avgjort av Tvisteløsningsnemnda, sjå arbeidsmiljølova AVTALEFESTA PERMISJONAR 3.1 Offentlege tillitsverv/ombod Ombod som er oppretta ved lov eller med heimel i lov, samt domsmenn, skjønsmenn og rettsvitne, kan etter søknad få permisjon med løn. Det vert ikkje gjeve løn dersom det fins ei ordning for dekning av tapt arbeidsforteneste ved utføring av vervet. Den tilsette pliktar å orientere om /stadfeste dette i søknaden om permisjon. (HTA kap ) Den tilsette er ansvarleg for å framskaffe dokumentasjon som grunnlag for refusjonskrav. Dersom tillitsvervet/ombodet medfører særskild godtgjersle, skal denne gå til frådrag på løn under permisjonen. I fall slik godtgjersle ikkje fullt erstattar løna den tida vervet vert utøvd, vert løn å betale ut slik at den tilsette ikkje taper på å utøve vervet. Det skal ved avrekninga ikkje gjerast frådrag frå

5 møtegodtgjersle og diettgodtgjersle Tilsett som er vald til stortingsrepresentant, ordførar eller anna løna offentleg tillitsverv på heil- eller deltid, får permisjon utan løn i valperioden. 3.2 Permisjon for nominasjonsmøte Tilsett som er utsending til nominasjonsmøter ved stortingsval, fylkesting eller kommuneval vert innvilga permisjon med løn. 3.3 Tillitsvalde sin rett til fri frå ordinært arbeid ( HA 3-4) Tillitsvalde har rett til tenestefri med løn for å utføre oppgåvene sine. Dette gjeld både arbeid som tillitsvald og under forhandlingar og drøftingar med arbeidsgjevar. I tillegg gjeld Hovudavtalen (Vedlegg KS B- rundskriv 4/2010) vedk. tilpassingar for undervisningspersonalet ved diverse forhold. Tilsett har rett til permisjon på heil- eller deltid for å overta tillitsverv i arbeidstakarorganisasjon/samanslutning vedkomande er medlem av. ( HA 3.4) Tillitsvald under permisjon med løn får behalde pensjonsmedlemskap i KLP, jfr. punkt Permisjon for deltaking i lokale og sentrale forhandlingar og styrande/vedtektsfesta organ. Søknad om permisjon etter 3-5 skal dokumenterast med innkalling a) Ved deltaking i og naudsynt førebuing til lokale forhandlingar får arbeidstakar permisjon med løn. b) Ved deltaking i sentrale forhandlingar får arbeidstakaren permisjon med løn. c) Det kan ikkje utan tvingande grunn nektast permisjon med løn i inntil 12 dagar pr. år for valde, faste medlemar som skal møte i ein arbeidstakarorganisasjon sitt styrande (vedtekstsfesta) sentrale organ. styrande (vektekstsfesta) distrikts-/fylkesorgan øverste (vedtekstfesta) organ på distrikts-/fylkesplan og dessutan til valde medlemer og delegatar for å møte i den enkelte arbeidstakarorganisasjon /hovedorganisasjon sitt høgaste organ (landsmøte/kongressar og liknande) Lik rett til permisjon får også valde, faste medlemer i tilsvarande organ i yrkesfaglege organisasjonar organisert som eigne juridiske einingar eller landsforeingar/landsråd/yrkesfaglege seksjonar med minst 500 medlemer. Lik rett til permisjon får valde, faste medlemer i tilsvarande organ i forhandlingssamanslutningar. d) Tilsett har rett til permisjon utan løn for å overta tillitsverv på heiltid eller deltid i den arbeidstakarorganisasjon /forhandlingssamanslutninga vedkomande er medlem av. 3.5 Permisjon for opplæring av tillitsvalde ( HA 3-6) Tillitsvalde har rett til permisjon for opplæring som er viktig for funksjonen som tillitsvald. Hovudtillitsvald skal ha slik permisjon med heil løn. Plasstillitsvalde får permisjon med full løn for å delta på grunnopplæring og naudsynt oppdatering i lov og avtaleverk for tillitsvalde arrangert av arbeidstakarorganisasjonane i samsvar med Hovedavtalen. 3.6 Avtalefesta utdanningspermisjon. ( HTA 14.2) Denne avtalefesta permisjonsretten kjem i tillegg til den lovfesta i ( Aml ) Kommunen vurderer om søknad om permisjon gjeld for utdanning med verde for søkjaren sitt arbeid i kommunen. Med mindre særlege grunnar er til hinder for det, skal søknad om heil eller delvis permisjon for utdanning bli innvilga. I den utstrekning det etter kommunen si vurdering er naudsynleg å heve kunnskapsnivået og styrke kompetansen for å utføre pålagde arbeidsoppgåver/arbeidsfunksjonar, skal permisjon bli innvilga med løn og dekning av legitimerte utgifter.

6 Spørsmålet om utdanningspermisjon skal vere utan løn eller med heil/delvis løn, må også vurderast ut i frå kommunen sine opplærings- og utviklingsplanar. Turnusarbeidarar som får permisjon med løn for å delta på opplæringstiltak/kurs på sin lovbeststemte vekefridag, skal få ny fridag som kompensasjon. 3.7 Bindingstid (HTA 14.3) Kommunen kan avtale pliktteneste/bindingstid med den enkelte arbeidstakar dersom kommunen ved opplæring yter vesentleg økonomisk støtte. Med vesentleg økonomisk støtte meiner ei månadsløn eller meir. Pliktteneste vert avgrensa til maksimum to år. Utdanning pålagt av arbeidsgjevar gir ikkje bindingstid. Dersom arbeidstakaren sluttar før eventuell bindingstid er ute, kan arbeidsgjevar si yting krevjast tilbake i høve til rest av bindingstid. Om arbeidstakar får permisjon med eller utan løn i bindingstida, vert denne lengd tilsvarande. 4 VELFERDSPERMISJONAR Ved handsaming og utøving av skjønn bør verdisynet i arbeidsgjevarpolitikken ligge til grunn for haldningar. Fleksibilitet og individuell handsaming av tilsette er eit virkemiddel for å oppfylle intensjonane som ligg til grunn for ein god arbeidsgjevarpolitikk. Søknader om velferdpermisjon vert å vurdere ut i frå omsynet til forsvarleg drift og samstundes at det vert teke omsyn til den tilsette sine behov. 4.1 Omsorg ved sjukdom Ved naudsyn omsorg i næraste familie får den tilsette permisjon inntil 10 dagar med løn. Slik permisjon må vere knytt til tilsyn/pleie av den sjuke og arbeidsgjevar vil kunne be om attestasjon frå lege om at dette er naudsynleg. 10 dagar med løn er under føresetnad av at dette ikkje vert dekt av NAV Ved dødsfall Ved dødsfall i næraste familie får den tilsette permisjon med løn inntil 3 dagar. Om det er behov for tre dagar er avhengig av om vedkomande skal vere med å leggje til rette naudsynte praktiske tilhøve etter dødsfallet eller i høve gravferda. Eventuelle reisedagar kjem i tillegg Gravferd Ved gravferd i næraste familie kan den tilsette få permisjon med løn 1 dag. Ved gravferd for andre som har stått arbeidstakaren nær får arbeidstakaren permisjon utan løn for å gå i gravferd og minnestund. Eventuelle reisedagar kjem i tillegg. 4.3 For tilvenjing av barn i barnehage o.l. tiltak utanfor heimen Ved tilvenjing til dagmamma, barnehage, skule, skulefritidsordning kan ein gi permisjon inntil 3 dagar /netter samanhengande med løn. Det er ein føresetnad at den tilsette er den som gjennomfører tilvenjingsperioden og at ingen andre kan dekke dette behovet. Arbeidsgjevar vil kunne be om dokumentasjon på tidspunkt for tilvenjing. Dokumentasjon vedk. dagmamma kan bli sendt skattemyndigheitene. Det er ein føresetnad at arbeidstakar må vere til stades saman med barnet og at ingen andre kan dekke dette behovet. 4.4 For eige bryllaup/partnarskap For eige bryllaup/partnarskap kan arbeidstakaren få permisjon med løn for bryllaupsdagen. 4.5 Deltaking i større idrettsarrangement Ved deltaking i internasjonale idrettsarrangement, landskampar o.l. kan det gjevast permisjon inntil 5 dagar utan løn. Ved deltaking i noregsmeisterskap inntil 2 dagar. Dette gjeld også leiarar på arrangementa.

7 4.6 Feiring av religiøse eller nasjonale høgtidsdagar som ikkje er offisielle etter norsk kalender (Lov om trudomssamfunn 27a) Tilsette som ikkje høyrer til den norske kyrkja har rett til fri frå arbeid i opptil to dagar per kalenderår i samband med religiøse høgtider etter vedkomande sin religion. Arbeidstakar skal varsle næraste overordna 14 dagar i førevegen. Arbeidsgjevar skal ikkje foreta lønstrekk men kan krevje at arbeidstakaren på eit seinare tidspunkt innarbeider timane. Dette gjeld både norske og utanlandske statsborgarar. Det er ein føresetnad at søkjaren har tilknytning til nasjonen/religionen høgtidsdagen gjeld. 4.7 Eksamen/heimeeksamen Ved gjennomføring av eksamen skal det gjevast permisjon med løn for eksamensdagen samt 2 lesedagar før kvar eksamen.ved eksamensformer som varer 3 samanhengande dagar eller meir, skal det drøftast ei ytterlegare tilrettelegging. Det er ein føresetnad at den tilsette ville hatt ordinært arbeid dei to dagane umiddelbart før eksamen, og at faget har verde for kommunen. 4.8 Andre velferdspermisjonar Avtale hos lege, tannlege, fysioterapeut, kiropraktor og andre private gjeremål må så langt mogleg leggast til fritida eller utanom kjernetida der fleksitid er innført. Det kan gjevast permisjon med løn ved kortare fråvere i arbeidstida for slike konsultasjonar når dette er heilt naudsynleg; dvs. ikkje kan leggjast utanom arbeidstida og ikkje kan bli avspassert. 4.9 Velferdspermisjon utan løn Velferdspermisjon utan løn kan av private/personlege grunnar bli innvilga sjølv om dei ikkje er med under punkt Vilkåret er god grunngjeving for søknaden og at permisjon ikkje er til hinder for tenesteytinga eller arbeidsplassen. Omfanget av slik permisjon er avgrensa til 5 dagar per kalenderår. 5. ANDRE PERMISJONAR 5.1 Andre tillitsverv - permisjon med/utan løn 1. Tillitsverv i interesseorganisasjonar for personar med nedsett funksjonsevne omfattar verv i sentrale, distrikts- eller fylkesorganisasjonar der den tilsette er vald som medlem eller varamedlem i styrande organ. Permisjon til slike verv vert normalt å innvilge som permisjon med løn i inntil 10 arbeidsdagar i eit kalenderår. 2. For andre tillitsverv i interesseorganisasjonar for personar med nedsett funksjonsevne, som t.d. verv i arbeidsutval, fagkomitear, ad-hoc-utval, treningsutval o.l., kan permisjon verte innvilga som permisjon utan løn. Spørsmålet om å gi permisjon skal då vurderast ut i frå driftsmessige omsyn. 5.2 Overgang til ny stilling Som hovudregel skal det ikkje gjevast permisjon ved overgang til (fast) stilling utanom kommunen. Slike saker skal avgjerast av sektorsjef i samråd med LPO-sjef. Spørsmålet om kommunen kan skaffe kvalifisert vikar og andre driftsmessige omsyn må vurderast. Normalt er slik permisjon avgrensa til 1 år med mindre særlege grunnar tilseier lenging i inntil 2 år. 5.3 Særskilde oppdrag/engasjement Det kan gjevast permisjon i inntil 2 år utan løn for: - Tilsette som gjer teneste som dommarfullmektig/politifullmektig/advokatfullmektig. - Tilsette som arbeider med forsking innafor sitt eige fagområde knytt til ein forskingsinstitusjon. - Tilsette som hospiterer etter avtale mellom kommunar/fylkeskommunar. - Tilsette som skal arbeide i norske hjelpetiltak i offentleg regi i utviklingsland. Slik rett til permisjon gjeld også for ektefelle/sambuar som skal følgje til utviklingsland.

8 5.4 Deltaking i hjelpekorps m.m. Tilsett som er knytt til hjelpekorps; t.d Røde Kors og Norske Redningshunder, vert innvilga permisjon med løn i samband med utrykning for å hjelpe naudlidande. 5.5 Blodgiving. Tilsett som vert innkalla for å gi blod, og dette må skje i arbeidstida, får permisjon med løn. 6 Fråvær utover sjukelønsåret. Etter endt sjukelønsår må den sjukmelde søke om permisjon utan løn etter vedtak om arbeidsavklaringspengar frå NAV i samband med rehabilitering, attføring, vurdering for anna arbeid i kommunen eller i påvente av avgjerd i trygdesak. Slik søknad skal sendast arbeidsgjevar. Innan utgongen av det første året med arbeidsavklaringspengar må det gjerast ei individuell vurdering om det er realistisk at arbeidstakaren kan ta opp att arbeidet innan rimeleg tid. Er det ikkje realistisk vil arbeidsforholdet måtte avviklast. Samla fråver utover sjukemeldingsåret kan som hovudregel strekke seg til 2 år.

9 VEDLEGG TIL PERMISJONSREGLEMENTET Nokre definisjonar: Mindreårig barn: Til og med det året barnet fyller 12 år. Næraste familie: (Gjeld pkt Gjeld ikkje AML eller Ftrl) Ektefelle, sambuar, barn, fosterbarn, stebarn, barnebarn, foreldre, besteforeldre, oldeforeldre, søsken, svoger, svigerinne, svigerbarn, svigerforeldre. Alvorleg sjukdom Sjukdom som kan vere livstruande eller medfører store påkjenningar/omveltingar i livet til vedkomande Forsytaransvar: Under verneplikt har arbeidstakar forsytaransvar når vedkomande forsyter barn under 17 år, eller når ektefelle/sambuar har lavare inntekt enn under kr Plikteneste: Tida ein arbeidstakar er forplikta til å gjere teneste som følgje av yting frå arbeidsgjevar. Grunnutdanning: Allmenn- og yrkesutdanning medrekna praksis som er krav for ei stilling. Etterutdanning: Ajourføring av kunnskapar som gjer arbeidstakar i stand til å utføre arbeidsoppgåver som følgje av endringar, omstilling, nye lover og forskrifter m.m. Vidareutdanning: Utdanning som tek sikte på kvalifisering av arbeidstakar utover det som er kravet for noverande stilling.