STUDENTREKRUTTERING 2009 MÅL, STRATEGIAR OG TILTAK

Transkript

1 Høgskulen i Volda STUDENTREKRUTTERING 2009 MÅL, STRATEGIAR OG TILTAK 1

2 Innhald 1. Om rekrutteringsplanen 1.1. Kampanjane 1.2. Forankring 2. Situasjonsanalyse 2.1. Strategisk plan 2.2. Rapport og planar Resultat opptaket Innspel frå avdelingane 2.5. Studentbarometer oppstartsundersøking Andre interne og eksterne faktorar 2.7. Organisering, kompetanse og gjennomføring 3. Målsetjingar for rekrutteringsarbeidet Prioriterte innsatsområde 4.1. Målgrupper 4.2. Innsats regionalt 4.3. Samarbeid med 4.4. Betre informasjon til søkjarar i søkefasen og studentmottaket 5. Overordna bodskapsstrategiar 5.1. Volda ein stad å studere, leve og oppleve 5.2. Høgskulen i Volda som merkevare 5.3. Studiemiljøet som merkevare 5.4. Volda som merkevare 6. Strategiar for kanalval 7. Tiltak Oppsummering 2

3 1. Om rekrutteringsplanen 2009 Rekrutteringsplanen er ein del av eit større planverk utvikla av informasjonskontoret i samarbeid med studieadministrasjonen for å handtere kommunikasjons- og sørvisutfordringar i samband med rekruttering av nye studentar, opptak og studiestart. I tillegg til rekrutteringsplanen har vi utvikla plan og tiltak for mottak, behandling og oppfølging av initiativ frå potensielle søkjarar, HVO-søkjarar og andre som tek kontakt med høgskulen (den såkalla MBO-planen), og plan og tiltak for studiestart og innføringsveke Fire kampanjar Ein stor del av det målretta rekrutteringsarbeidet vert i hovudsak gjennomført i form av fire tidsavgrensa kampanjar med mange ulike kommunikasjonstiltak: Den første, og mest omfattande og samansette, kampanjen i perioden 1. januar til 15. april, er ein nasjonal kampanje retta mot heiltidsstudenten som søkjer gjennom Samordna Opptak (SO). 2. kampanje: Varaopptak SO (juli) og ev. Restetorg SO. (Første veka i aug.) 3. kampanje: Lokalt opptak (august) 4. kampanje: Retta mot deltidssegmentet og gjeld studium med studiestart januar (november desember) Vi legg opp til å rullere denne delen av planen i samarbeid med leiinga, studiesjefen og avdelingane før kvar kampanje. Rammeverket opnar også opp for fleire og meir differensierte tiltak i samarbeid med avdelingane Forankring Målretta og godt rekrutteringsarbeid er ein av fleire delstrategiar høgskulen set i verk for å nå overordna mål. Vi legg difor stor vekt på å få forankra rekrutteringsplanen så godt som mogeleg i overordna planverk og analysar. 2. Situasjonsanalyse I situasjonsanalysen har vi m. a. sett på: HVO sin strategiplan rapport og planar for rapportar frå opptaket 2008 planar og innspel frå avdelingane studentbarometer si oppstartundersøking 2008 andre interne og eksterne faktorar 3

4 2.1. Utvalde mål frå Strategisk plan for Høgskulen i Volda Høgskulen i Volda skal: vere ein attraktiv høgskule o Volda er ein stad med rikt kulturliv, god infrastruktur og flott natur, og Høgskulen i Volda er kjend for å ha eit godt og oversiktleg studiemiljø, noko som er ein styrke for skulen. Dette skal brukast aktivt i marknadsføringa av høgskulen. tilby eit breitt fagtilbod o Høgskulen i Volda tilbyr profesjonsstudium, utdannar for yrkesroller i offentleg og privat sektor og tilbyr humanistiske og praktisk-estetiske fagstudium. Fagområda som høgskulen ønskjer å profilere og vidareutvikle, er kulturfag / humanistiske fag lærarutdanning mediefag praktisk-estetiske fag samfunnsplanlegging sosialfag/velferdsfag ha kvalitet og vise omstillingsevne o Kvalitet i utdanningane skal stå sentralt i inntak, innhald, organisering av læringsprosessen, rettleiing og resultat Kvalitet skal prege undervisninga på studiestaden, i dei nettbaserte tilboda og i studia høgskulen tilbyr utanfor Volda. God kvalitet skal brukast som eit verkemiddel i studentrekrutteringa 2.2. Resultatmål i Rapport og planar Primærsøkjarar I 2008 sette HVO som mål å rekruttere 1200 primærsøkjarar gjennom SO. Vi greidde Vi har grunn til å tru at målet for 2009 vil bli sett til 1300 primærsøkjarar tekne opp gjennom SO (verksemdsmål 1.1) Opptaket Gode opptakstal Generelt sett har HVO gjort eit godt opptak i 2008 med eit rekordstort opptak på restetorget (SO og lokalt opptak). Det vekkjer bekymring at berre vel 60% av dei søkjarane som har takka ja til ein studieplass faktisk møter opp (eit fråfall på nesten 40%!). Tabellen under syner kor mange tilbod som er gitt, ja-svar og møtt-registrering for hovudopptaket Det er fordelt på avdelingar og samla tal. 4

5 Alle opptak v. HVO samla Avdeling Tilbod gitt Ja svar Møtt Prosentvis frammøte i fht. tilbod AHF ,6% AKF ,1% AMF ,4% ASH ,3% IAa ,5% Samla ,6% FRAMMØTTE STUDIETILBOD I SAMORDNA OPPTAK Endring Bachelor i sosialt arbeid - Barnevernspedagog Bachelor i sosialt arbeid - Sosionom Allmennlærerutdanning Førskolelærerutdanning, bachelor Førskolelærerutdanning, bachelor, deltid Historie årsstudium Kristendoms-, religions- og livssynskunnskap (KRL) årsstudium Grunnskolens matematikk, årsstudium Norsk (nordisk) årsstudium Norsk (nordisk) årsstudium - deltid Samfunnsvitskap årsstudium Bachelor i media, IKT og design Bachelor i musikk Bachelor i drama/teater Bachelor i idrett og friluftsliv Matkultur og helse årsstudium Bachelor i animasjon Bachelor i planlegging og administrasjon Bachelor i informasjon og media Bachelor i journalistikk Bachelor i språk, kommunikasjon og media Bachelor i litteratur og kultur Bachelor i kunst og håndverk Historie, kultur og samfunn Historie årsstudium - deltid Drama årsstudium IKT i læring årsstudium Engelsk årsstudium Kunst og håndverk årsstudium Idrett årsstudium Mediekunnskap årsstudium Grunnskolens naturfag, årsstudium Musikk årsstudium Skolerettet samfunnsfag årsstudium Bachelor i språk og litteratur 7 7 TOTALT FRAMMØTTE "HEILTIDSSTUDENTAR" Demografi Her viser eg til styreseminaret i Ålesund og rektor sin grundige gjennomgang av status og utfordringar. Nokre av dei viktigaste funna er at vi rekrutterer lokalt/regionalt til LU og FLU, noko meir nasjonalt når det gjeld sosial- og kulturfaga. Studietilboda ved AMF er dei med størst nasjonal konkurransekraft. 5

6 2.4. Planar og innspel frå avdelingane I løpet av hausten har vi hatt, og vil ha fleire, møte med avdelingane om korleis informasjonskontoret og avdelingane skal samarbeide (planar, gjennomføring, finansiering) om avdelingsvise tiltak i tillegg til dei tiltaka som denne rekrutteringsplanen i hovudsak skisserer. Dette er kommunikasjonstiltak som er i hovudsak gjeld lokalt opptak, varaopptak og restetorg og då gjerne retta mot deltidsegmentet Nokre funn i oppstartsundersøkinga 2008 Årets rekrutteringsundersøking er gjennomført av Studentbarometer i Bergen. Det vart sendt ut spørsmål til 1180 nye studentar på studieprogram på 60 stp eller meir. Datainnsamlinga vart stoppa då svarprosenten var 30 (N 354) Viktigaste kanalar for informasjon - påverknadsagentar Hvo-veven (61%), personleg kontakt (48%), Søkarhandboka frå SO (29%). Mest avgjerande var informasjon frå andre (personleg kontakt), HVO-veven og direkte kontakt med HVO. Vener og høgskulen sine tilsette er dei viktigaste påverknadsagentane. Når det gjeld Internett og trykte massemedia ser vi m. a. at 94% har lest om HVO på HVOveven. 57% har nytta SO sine heimesider. 39 % har lest i søkarhandboka frå SO (mot 61% i 2006). 22 % har lest om oss i regionavisa Sunnmørsposten, 15 % i sin lokalavis Kva er viktig ved val av studiestad? Rett fagtilbod får ein skår på 90, høgt fagleg nivå (67), eit generelt positivt inntrykk (image) får ein skår på 65. 6

7 Kontakt med høgskulen evaluering av respons Tre fjerdedelar av respondentane tok kontakt høgskulen før studiestart, og dette er ein auke i høve tala frå Dei fleste (80%) kontakta oss gjennom telefon. Halvparten nyttar e-post. 50% nyttar både telefon og e-post. Studentane er svært nøgde med responsen dei får og HVO utmerkar seg og skårar mykje betre enn dei andre institusjonane som er med i årets undersøking Oppringing av alle med HVO som førsteprioritet 55 % av utvalet fekk ein slik telefon. Studentane er godt nøgde med dette, men var meir nøgde i % svarar at informasjonen var svært viktig/viktig for val studieplass Andre interne og eksterne faktorar Her viser vi til rektor Amdam sin presentasjon HVO og utfordringar dagsett 3. mars Framleis er det ei stor utfordring å halde opp talet på heiltidsstudentar. Konkurranse frå dei store byane Organisering, kompetanse og gjennomføring Det er informasjonskontoret ved informasjonsleiar som i samarbeid med styret, leiinga, studiesjefen, avdelingane er ansvarleg for planlegging, budsjettering og gjennomføring av rekrutteringsarbeidet som er omtala i denne planen. Informasjonskontoret og rekrutteringsplanen med budsjett omfattar i hovudsak rekrutteringsarbeid for Høgskulen i Volda sett under eitt. Rammeverket opnar også opp for fleire og meir differensierte tiltak for ulike studium, gjerne i samarbeid med avdelingane både når det gjeld finansiering og arbeidsinnsats. For å løyse ut ekstra midlar og innsats frå informasjonskontoret, bør eitt av desse kriteria vere oppfylde: studietilbodet er nytt, det slit historisk med rekrutteringa, det trengst ekstra innsats på bakgrunn av svake søkjartal i opptaket eller det opnar seg spesielle høve for marknadskommunikasjon som ein må utnytte. Sjå 2.4. Når det gjeld marknadsundersøkingar, analyser osv samarbeider vi tett med ressurspersonar knytte til Studentbarometer i Bergen. Vi samarbeider også tett med dei andre høgskulane i fylket. Informasjonskontoret produserer også ein stor del av materiellet (trykksaker, annonsar o. a.). 7

8 3. Målsetjingar for rekrutteringsarbeidet Hovudmål Gjennom aktivt rekrutteringsarbeid og målretta profilering skal Høgskulen i Volda rekruttere studentar regionalt, nasjonalt og internasjonalt i eit omfang som sikrar dagens studenttal, tek omsyn til regionen og Noreg sitt kompetansebehov og sikrar høg fagleg kvalitet og breidde ved institusjonen Delmål Rekruttere nasjonalt med hovudtyngda frå regionen Auke talet på primærsøkjarar til heiltidsstudium (campusstudentar). Delmål: 1300 primærsøkjarar gjennom SO per 15. april Rekruttere fagleg sterke og studiemotiverte studentar Rekruttere internasjonalt Framstå heilskapleg Samarbeide strategisk med utvalde høgskular, Møre og Romsdal fylke, kommunar, Studentsamskipnaden, Volda kommune, Studenttinget i Volda, Dokumentarfilfestivalen, VEKA, animasjonsfilmfestivalen o. a. 4. Prioriterte innsatsområde 4.1. Heiltidsstudenten Vi vil halde oppe trykket mot potensielle søkjarar til heiltidsstudia våre (sjå mål om primærsøkjarar i SO i 3.2.). Vi vil oppretthalde aktivitetsnivået mot deltidssegmentet Innsats regionalt Vi rekrutterer i hovudsak frå vår eigen bakgård. Personleg kommunikasjon med målgruppene i regionen i form av yrkesorienteringar og messer, er ein av hovudstrategiane i denne planen. Fylket har no gitt Studiestart i Bergen ansvaret for å arrangere yrkesorienteringsdagar i dei vidaregåande skulane i Møre og Romsdal. Vi har no fått avtalar med Studiestart som sikrar oss ein fin plass på programmet både i vårt fylke og i Sogn og Fjordane Utvikle samarbeidet med Møre og Romsdal fylke Fylket er ein viktig samarbeidspartnar når det gjeld yrkesorienteringar i dei vidaregåande skulane, utdanningsmesser, karriereprosjektet i grunnskulen osv. Vi vil også i år halde seminar for rådgjevarane i dei vidaregåande skulane. Fylket signaliserer også vilje til utvida samarbeid med høgskulane når det gjeld profilering av høgre utdanning i Møre og Romsdal. Det er sett ned ei arbeidsgruppe som skal utarbeide konkrete tiltak. 8

9 I haust samarbeider høgskulane og fylket om ein fyldig presentasjon av høgre utdaning i Møre og Romsdal i fylkesmagasinet SPOR som skal distribuerast til alle elevar i vidaregåande Rekruttering til førskulelærarutdanninga og fleire menn i barnehagen (MIB) Viser til Kunnskapsdepartementet (KD) sin strategi for rekruttering av førskulelærarar til barnehagen , handlingsplan for likestilling barnehage og grunnopplæring , korrespondanse mellom Høgskulen i Volda (HVO)og KD om dette og oppretting av regionale rekrutteringsteam (sak 2007/391, arkiv 406.2), møte i rekrutteringsteamet i Møre og Romsdal m. m. Departementet har no oppretta rekrutteringsteam i alle fylke, og rekrutteringsteamet i Møre og Romsdal er forankra i Høgskulen i Volda v/ førskulelærarutdanninga og studieleiar Torhild Høydalsvik. Departementet føreset god kontakt mellom ulike aktørar innan feltet, og rekrutteringsteamet i Møre og Romsdal har fått denne samansetjinga: Maren Ørjasæter Aaland, fylkesmannen i Møre og Romsdal Torhild Høydalsvik, HVO Astrid Ous Larsen, Ålesund kommune Kjersti Hagen Grønmyr, Grønmyr-barnehagene Reidun Mo, Utdanningsforbundet i Møre og Romsdal Eitt av satsingsområda sentralt og regionalt er informasjon til potensielle søkjarar til førskulelærarutdanninga. Rekrutteringsteamet i Møre og Romsdal har difor bedt informasjonskontoret ved Høgskulen i Volda å lage ein plan for ein slik kampanje i regionen HVO-veven HVO-veven er ein av dei viktigaste brukarstyrte kanalane for informasjon, og her vil eg vise til det grundige arbeidet informasjonskontoret er i sving med for å fornye og vitalisere HVOveven. Eit sentralt element i fornyinga er ei auka vektlegging på søkjarar som målgruppe. Vi vonar at dei nye nettsidene vert lansert før rekrutteringsarbeidet tek til i januar Førstelinja Det er viktig at responsen på marknadskommunikasjonen vert teke godt vare på. Informasjonskontoret vil arbeide for å profesjonalisere og auke kvaliteten på mottak, behandling og oppfølging av slike initiativ frå publikum. Vi har ein eigen plan for dette (MBO-planen). 9

10 5. Overordna bodskapsstrategiar 5.1. Volda ein stad å studere, leve og oppleve I rekrutteringsarbeidet mot heiltidsstudenten, har det vore ei brei semje om at det på eit overordna nivå er studiestaden Volda som skal vere merkevara. Merkevarebygginga i dag er difor tufta på nokre utvalde kvalitetar ved desse tre kjerneområde og ei balansert framstilling av desse: HVO sine studietilbod og fagprofil. Internasjonalisering studiemiljøet Volda som studiestad i vid tyding 5.2. Høgskulen i Volda som merkevare Nasjonal posisjonering Skulle ein nasjonalt trekke fram berre eitt særtrekk ved HVO i merkevarebygginga vår, så er nok medieutdanningane våre eit opplagt val. Svært mange assosierer HVO (og Volda) med journalistutdanninga. Vi legg opp til ei noko tydlegare profilering av journalistutdanningane og mediefaga nasjonalt enn før Regionalt Regionalt tåler vi nok å gå breiare ut og ei einsidig vektlegging på media i profileringa regionalt vi gi publikum eit for smalt bilde av HVO. Lærarutdanningane, dei praktiskestetiske faga/kulturfaga og yrkesutdanningane innanfor sosialfag og samfunnsplanlegging må vere med. Likeeins dei mange universitetsparallelle fagstudia våre Fagområda kompetansen vår Å rekruttere til dei mange studietilboda våre krev også differensierte kommunikasjonstiltak til ei rekkje ulike segment av potensielle søkjarar. Då ser vi at vi også må utvikle strategiar og tiltak som har som mål å kommunisere kvalitetar og kjerneverdiar ved dei sentrale fagområda våre: Estetiske fag, kunst- og musikkfag Historie, religion og idéfag Kroppsøving og friluftsliv Lærar- og lektorutdanning Mediefag og journalistutdanning Sosial- og helsefag Realfag, matematikk, natur- og miljøfag Informasjons- og kommunikasjonsteknologi, IKT Undervisningsfag Samfunnsfag, offentleg administrasjon og leiing Språk- og litteratur Etter- og vidareutdanning Internasjonalisering Tiltak her i tillegg til det som er omtala i planen, vil ofte krevje eit samarbeid med avdelingane og fagmiljøa både på strategisk, operativt og økonomisk plan. 10

11 Mastergradene Mastergradene våre har fått eigne brosjyrar for distribusjon til relevante målgrupper. Merkevarebyggande element her er studentprofilar, kompetanse og FoU mastertilbodet er tufta på, allierte og samarbeidspartnarar osv Studiemiljøet som merkevare Studentmiljøet i Volda er unikt på mange måtar, og VEKA, dokumentarfilmfestivalen, animasjonsfilmfestivalen o. a. er sterke merkevarebyggande element som vi må arbeide tett saman med. År etter år skårar vi høgt i stud. mag. HVO/Volda skårar høgt fagleg og sosialt, og voldastudentane er blant dei mest aktive i landet når det gjeld deltaking i lag og organisasjonar. Vi får gode tilbakemeldingar på IT-tenestene, bibliotek og kantine. Studentsamskipnaden sine velferdstenester er svært godt utbygde, og det er relativt lett å få gode husvære til ein rimeleg penge. I Volda har studentane råd til å vere heiltidsstudentar. Dvs. at ein strengt teke ikkje treng deltidsjobb ved sidan av studia Volda som merkevare Rune Slagstad skriv ein stad at Volda er som ein tysk universitetsby. Dette oppfattar eg positivt, og eg tenkjer at den tradisjonsrike skule- og kulturstaden Volda er som ein stor campus der høgskulen, SfS, næringslivet, det offentlege, kulturlivet o. a. går saman om å skape ein intim og triveleg studiestad mellom fjordar og alpine fjell. Sunnmørsalpane er ei merkevare i seg sjølv. 6. Strategiar for kanalval 6.1. Strategiar for HVO-initiativ Personleg kommunikasjon Så langt som mogeleg ønskjer vi å treffe hovudmålgruppene våre face-to face. I området frå Sognefjorden til Sør-Trøndelag vil dette vere hovudstrategien innanfor rammene yrkesorientering, messer, oppsøkjande verksemd osv Massemedia og trykksaker Direct Mail (DM) I mange tilfelle vil bruk av massemedia vere den einaste måten å nå relevante målgrupper på. Vi vil framleis etter nøkterne vurderingar og analysar kjøpe plass i massemedia og sende ut trykksaker mest mogeleg direkte for å nå utvalde grupper regionalt og nasjonalt. Desse kanalane er svært effektive i samband med kampanjane i lokalt opptak mot deltidssegmentet Strategiar for initiativ utanfrå Internett Hovudstrategien her er HVO-veven. Viser til arbeidet som skjer på den no (sjå 4.5.). 11

12 Førstelinja og MBO (mottak, behandling og oppfølging av søkjarinitiativ) I perioden januar til studiestart er førstelinja i studieadministrasjonen avgjerande for korleis søkjarane opplever HVO om dei blir motiverte for å søkje ev. oppretthalde søknaden sin og ta til som student her. Det er difor viktig at vi har nok kapasitet her. 7. Tiltak Yrkesorientering i vidaregåande skular og utdanningsmesser Den tradisjonelle yrkesorienteringa i vidaregåande skular og folkehøgskular HVO skal besøke alle vidaregåande skular og folkehøgskular i området mellom Sognefjorden og Sør-Trøndelag. Vi utrustar, lærer opp og sender ut eit team med HVO-studentar og HVOtilsette. Teamet er utstyrt med stand, HVO-film, katalogar og brosjyrar. Besøka vert følgt opp med annonsering og ev. redaksjonell omtale i førekant. Budsjett- og gjennomføringsansvar: Informasjonskontoret Eit eige rekrutteringsteam for FLU Det er søkt om kr til ein rekrutteringskampanje for FLU i 2009 (sjå 4.4.) Under føresetnad at vi får tilført nok ressursar til dette vert det utrusta eit eige team for FLU/MIB. Gjennomføringsansvar; Informasjonskontoret, Regionale messer (yrkesmesser og karrieremesser) Budsjett- og gjennomføringsansvar: Informasjonskontoret Dei store utdanningsmessene i Bergen, Lillestrøm, Oslo og Trondheim Høgskulane i Ålesund, Molde og Volda har i dei siste åra samarbeidd om ein felles stand på desse messene. På desse messene har vi også med oss studentar. Messene har m. a. o. etablert seg som ein viktig møteplass mellom potensielle søkjarar, rådgjevarar og utdanningsinstitusjonane. Budsjett- og gjennomføringsansvar: Informasjonskontoret Brosjyrar og trykksaker Studiekatalogen Opplag: Ansvarleg redaktør: Studiesjefen Prosjekt- og budsjettansvar: Informasjonskontoret og studieadministrasjonen Ferdig: januar Katalog over deltidsstudium I 2008 vil vi sende ut eit hefte for deltidssegmentet i nærområdet. Produksjons- og budsjettansvar: Informasjonskontoret og studieadministrasjonen Ferdig: mars Mastergradsbrosjyrar Vi vil lage ei brosjyre for kvar mastergrad som før Bachelorbrosjyrar Vi kan ikkje love å lage brosjyre for kvar bachelorgrad, men vi vil i samarbeid med avdelingane strekke oss langt her viss vi ser at tiltaket har ein funksjon som er verdt innsatsen. 12

13 HVO-magasinet nr 1/09 Dette nummeret går til dei studentane som har fått tilbod om plass. Tematikk: Volda ein stad å studere, leve og oppleve. Merkevarebygging. Produksjons- og budsjettansvar: Informasjonskontoret Ferdig: juni Annonsering Gjeld annonsering for alle studietilbod ev. kampanjar for særskilde studium. Aktuelle kanalar: dagspresse, utdanningsbilag, katalogar, fagpresse, tekst-tv, kino og Internett. Mesteparten av annonsane i perioden fram til 15. april dekkjer heile HVO sitt utdanningstilbod samt profilering av HVO/Volda. Etter 15. april vert det fleire annonsar og kampanjar med fokus på einskilde studium (jf. utviklinga i opptaket) Studieinformasjon på Internett Her finn vi studiekatalogen, studiehandboka, opptaksskjema og anna relevant studieinformasjon Besøksteneste Informasjonskontoret skal vere med på å styrke kontakten mellom Høgskulen i Volda og elevar og lærarar i den vidaregåande skulen, folkehøgskular og andre skular, nærings- og samfunnsliv. I regionen har vi ei rekkje skular med ein fagleg profil som matchar HVO: media, drama, friluftsliv, kunst og sosialfag, kunst og handverk osv. Desse inviterer vi til Volda for å få omvisning på HVO og møte tilsette og studentar. Vi trur dette kan vere med på å gje potensielle søkjarar og andre interesserte positive erfaringar og kunnskapar om Høgskulen i Volda som det er vanskeleg å få til på andre måtar. Budsjett- og gjennomføringsansvar: Informasjonskontoret 7.6. God informasjon til studentar som har fått tilbod om plass Dei studentane som får tilbod om plass ved HVO, får i tillegg til opptaksbrevet tilsendt ein «informasjonspakke» frå HVO med bl. a. HVO-magasinet nr. 2 som sentralt element. Høgskulen i Volda vil i 2009 som før kontakte alle søkjarar med HVO som 1. prioritet. Budsjett- og gjennomføringsansvar: Studieadministrasjonen og informasjonskontoret Førstelinjetenesta og intern informasjon Informasjonskontoret vil også i 2009 i samarbeid med studieadministrasjonen sette opp ei førstelinjeteneste som skal auke kapasiteten og kvaliteten i grensesnittet mot søkjarar og potensielle nye HVO-studentar. Dei tilsette ved HVO har påverknadskraft, og det er viktig at informasjonskontoret følgjer opp med god intern informasjon slik at alle kan vere gode ambassadørar for HVO. 13

14 7.8. Betre innføringsdagar og innslusing I samarbeid med studiestartutvalet, studieadministrasjonen, avdelingane, institutta og STIV prøvar vi å lage eit heilskapleg informasjonsopplegg som gjer «innslusinga» av nye studentar så god som mogleg. Rekrutteringsundersøkinga viser at vi har eit klart forbetringspotensiale i alle fasar. 8. Oppsummering 8.1. Heiltidsstudenten Vi vil halde oppe og freiste å auke innsatsen mot potensielle campusstudentar. Innsatsen mot deltidsegmentet som før Regionen Prioritert strategi er personleg kommunikasjon på fleire besøk i vidaregåande skular og folkehøgskular og utdanningsmesser. Vi gjennomfører fleire tiltak for auke slagkrafta vår på slike besøk og på messer. Bodskapsmessig går vi breitt ut då vi rekrutterar til alle utdanningane våre her Ei tydlegare linje nasjonalt Vi vil gjennomføre ei forsiktig spissing av bodskapen vår i nasjonale tiltak. Meir vekt på journalistutdanningane og mediefaga HVO-veven HVO-veven vil få ei tydlegare innretning mot søkjaren og arbeidet med å betre tenestene der vil ha stor prioritet. HVO-veven er den viktigaste teneste for å fange opp initiativ frå utsida. Vi vil i 2008 og 2009 arbeide for at alle sidene ved studieinformasjonen vår: katalog, handbok, praktisk informasjon, studiestartportalen osv blir betre Førstelinja Det første møtet med HVO kan vere avgjerande, og vi vil halde fram med å arbeide for at interaksjonen med søkjarane blir best mogeleg. Per Arne Brandal informasjonsleiar 14