STRATEGISK PLAN

Transkript

1 STRATEGISK PLAN Versjon Innleiing Den strategiske planen til Høgskulen i Volda (HVO) inneheld mål og strategiar knytte til hovudoppgåvene til høgskulen: utdanning forskings- og utviklingsarbeid formidling av kunnskap (samarbeid med arbeids- og samfunnsliv) Planen skal følgjast opp gjennom utviklings- og handlingsplanar ved avdelingane, strategiplan for FoU, handlingsplanar for internasjonalisering, likestilling, personalpolitikk og for samfunnskontakt. Den strategiske planen skal vere ein reiskap for å styrkje den posisjonen Høgskulen i Volda har som regional, nasjonal og internasjonal utdanningsinstitusjon. Strategiplanen skal rullerast og behandlast av styret årleg. Rammer og utfordringar Høgskulen står overfor krav om betre kvalitet på tenestetilboda, sterkare vektlegging av fleksible og brukartilpassa tenester og meir kostnadseffektiv drift. Tendensen dei siste åra, særleg uttrykt i ny finansieringsmodell, kvalitetsreforma og ny felles lov for sektoren, syner at departementet i aukande grad legg vekt på deregulering, desentralisering og delegering av mynde til institusjonane. Sjølv om høgskulane på denne måten har fått større handlingsrom, medverkar den nye finansieringsmodellen til at dei samstundes er meir sårbare. Utdanningsinstitusjonane er utsette for sterkare konkurranse om studentar, personale, oppdrag og statlege løyvingar. Ifølgje dei sentrale styringssignala skal høgskulane tilby utdanning av høg internasjonal kvalitet oppnå resultat av høg internasjonal kvalitet i forsking og i fagleg og kunstnarleg utviklingsarbeid vere lærestader og forskingsinstitusjonar med integritet og evne til å møte behova i samfunnet ha personal- og økonomiforvaltning som sikrar effektiv utnytting av ressursane Kvalitet i utdanning, FoU-verksemd og formidling skal stå i fokus ved Høgskulen i Volda. Side 1 av 5

2 Visjon Høgskulen i Volda: miljø, mangfald, muligheiter Godt studiemiljø, sosialt miljø, læringsmiljø og arbeidsmiljø skal prege HVO. HVO skal vere kjend som ein samla og allsidig utdannings- og arbeidsstad, der kvalitet, kreativitet, fagleg mangfald, kulturmangfald og internasjonalisering står sentralt. Studium ved HVO skal gje høve til utviklande faglege og sosiale aktivitetar, og skape gode moglegheiter for interessante yrkesval og karriere. Tilsette skal ha høve til kompetanseutvikling og nyskaping. Hovudmål for Høgskulen i Volda Måla for planperioden er at Høgskulen i Volda skal vere ein attraktiv høgskule tilby eit breitt fagtilbod ha kvalitet og vise omstillingsevne styrkje forskings- og utviklingsarbeidet vere ein god og utviklande arbeidsplass styrkje samarbeidet med samfunns- og arbeidslivet Høgskulen i Volda skal vere respektert for formidling av kunnskap og kultur av høg kvalitet. Internasjonalisering skal vere integrert i all verksemd ved høgskulen, og er såleis viktig i realisering av hovudmåla. Kvart av hovudmåla vert nærare presenterte nedanfor. Ein attraktiv høgskule Kunnskap og danning, profesjon og fag skal stå sentralt i verksemda ved Høgskulen i Volda. Utdanningane skal medverke til utvikling av kunnskap, samfunns- og kulturforståing og evne til kritisk refleksjon hos studentane. Høgskulen i Volda skal gjennom dette vere med på å skape gode yrkesutøvarar. Volda er ein stad med rikt kulturliv, god infrastruktur og flott natur, og Høgskulen i Volda er kjend for å ha eit godt og oversiktleg studiemiljø, noko som er ein styrke for skulen. Dette skal brukast aktivt i marknadsføringa av høgskulen. Høgskulen vil ha studentar som er aktive i studentdemokratiet og anna studentrelatert organisasjonsverksemd. For å medverke til det skal høgskulen samarbeide tett med studentorganisasjonar, Studentsamskipnaden og andre aktørar innanfor og utanfor høgskulemiljøet. Side 2 av 5

3 Det internasjonale elementet skal styrkjast i utdanningane, mellom anna gjennom utveksling av lærekrefter, studentutveksling, ved internasjonalt orientert forskingsverksemd og ved å tilby undervisning og pensum på engelsk i utvalde studieemne. Utdanningane og studiemiljøet skal leggjast til rette for studentar med minoritetsspråkleg bakgrunn, og fagmiljø og studieemne skal ha fokus på fleirkulturelle utfordringar. Studiemiljøet ved høgskulen skal vere tilpassa for funksjonshemma. Eit breitt fagleg studietilbod Høgskulen i Volda tilbyr profesjonsstudium, utdannar for yrkesroller i offentleg og privat sektor og tilbyr humanistiske og praktisk-estetiske fagstudium. Fagområda som høgskulen ønskjer å profilere og vidareutvikle, er kulturfag / humanistiske fag lærarutdanning mediefag praktisk-estetiske fag samfunnsplanlegging sosialfag/velferdsfag I planperioden skal det arbeidast for å få etablert mastergrader i kulturmøte og i helse- og sosialfag, og å utvikle mastergradstilbod i mediefag og i sentrale grunnskulefag. Høgskulen i Volda skal vidareutvikle samarbeidet med andre høgskular om mastergrader. I planperioden skal høgskulen ha etablert ei doktorgradsutdanning. På etter- og vidareutdanningsfeltet skal høgskulen ha tilbod knytte til dei profilerte fagområda. Det er også eit mål å auke omfanget av eksternt finansiert verksemd innanfor kurs, etterutdanning og vidareutdanning. Utdanningsbehov i samfunns- og arbeidslivet skal liggje til grunn for utvikling av utdanningstilbod på dette feltet. Kvalitet og omstillingsevne i studietilboda Kvalitet i utdanningane skal stå sentralt i inntak, innhald, organisering av læringsprosessen, rettleiing og resultat. Kvalitet skal prege undervisninga på studiestaden, i dei nettbaserte tilboda og i studia høgskulen tilbyr utanfor Volda. God kvalitet skal brukast som eit verkemiddel i studentrekrutteringa. Høgskulen skal tilby utdanningar som er fleksible både når det gjeld organisering, emneval og undervisningsformer. Dette vil gje meir interessante studieprogram, betre utnytting av ressursane og kunne styrkje høgskulen sin posisjon i etter- og vidareutdanningsfeltet. Side 3 av 5

4 Forskings- og utviklingsarbeidet Høgskulen i Volda skal fremje forsking og fagleg og kunstnarleg utviklingsarbeid knytt til dei utdanningane høgskulen tilbyr, og etablere spisskompetanse på utvalde område. Den profesjonsretta forskinga skal styrkjast. Nynorsk språk og kultur skal vere sentralt i forskings- og utviklingsverksemda ved høgskulen. Ivar Aaseninstituttet og Nynorsksenteret (Nasjonalt senter for nynorsk i opplæringa) skal profilerast som viktige aktørar i den verksemda. Kunstnarlege og kulturelle ytringar skal vere synlege i studietilboda og i FoU-verksemda, og høgskulen skal etablere eit senter for kulturproduksjon og kulturformidling retta mot Den kulturelle skulesekken. Innanfor forskings- og utgreiingsarbeid skal Høgskulen i Volda vere ein ressursbase for samfunns- og arbeidslivet. Høgskulen i Volda skal halde fram og utvikle samarbeidet med Møreforsking om Fou-verksemda. Høgskulen skal arbeide målretta for å auke omfanget av eksternt finansiert og internasjonalt orientert forskings- og utviklingsarbeid. Forskings- og utviklingsarbeidet skal formidlast både innanfor institusjonen og regionalt, nasjonalt og internasjonalt. Ein god og utviklande arbeidsplass Høgskulen i Volda skal vere ein god og inkluderande arbeidsplass, med ein aktiv personalpolitikk. Høgskulen skal arbeide for å gjere vilkåra for dei tilsette så like som råd. Fagpersonalet og dei administrativt tilsette skal sjølve ta initiativ til og ha høve til kompetanseutvikling. Høgskulen skal arbeide målretta for å rekruttere og ta vare på kompetente medarbeidarar. Dette skal mellom anna resultere i fleire professorar og tilsette med førstekompetanse. Det skal arbeidast for jamnare fordeling av kvinner og menn på ulike nivå og fagområde. Tilsette skal ha like moglegheiter uavhengig av kjønn, etnisk bakgrunn og funksjonsevne. Høgskulen skal vere ein fleksibel organisasjon, der organisasjonskulturen er prega av omstillingsevne, vilje til kvalitetsutvikling, samarbeid og service. Samarbeidet med samfunns- og arbeidslivet Høgskulen i Volda skal vere ein aktiv medspelar i den økonomiske, kulturelle og sosiale utviklinga regionalt og nasjonalt. Gjennom konferansar, nettverk, utdanningstilbod og andre tiltak skal høgskulen styrkje den utoverretta aktiviteten og samhandlinga med samfunns- og arbeidslivet. Høgskulen skal sjølv etablere nye møteplassar for kontakten med samfunns- og arbeidslivet. Nærleik til regionen og dialog med brukarar og praksisfeltet er ein styrke, som skal medverke til å fremje høgskulen sin posisjon nasjonalt og internasjonalt. Side 4 av 5

5 Gjennom samfunnskontakt, formidling og informasjon skal høgskulen bli attraktiv for studentar og tilsette, oppdragsgjevarar og arbeidsgjevarar. Høgskulen i Volda skal vere synleg som institusjon og fagmiljø i samfunnet, og stimulere dei tilsette til å ta del i samfunnsdebatten. Side 5 av 5